​ដឹង​អត់​តើ​ ចាន់​ រតនា​ ចង់​បញ្ចប់​ការប្រកួត​ជាមួយ​ Xie Wei ដោយ​របៀប​ណា?
Connect with us
Helistar Cambodia - Helicopter Charter Services

ព័ត៌មានជាតិ

​ដឹង​អត់​តើ​ ចាន់​ រតនា​ ចង់​បញ្ចប់​ការប្រកួត​ជាមួយ​ Xie Wei ដោយ​របៀប​ណា?

បានផុស

នៅ

ទី​បំផុត​ ការ​ទន្ទឹង​រង់​ចាំ​អស់​រយៈ​ពេល​ជា​ច្រើន​ខែ​របស់​ ចាន់ រតនា ក្នុង​ការ​វិល​មក​កាន់​សង្វៀន​គុន​ចម្រុះ​ពិភព​លោក ONE Championship ​​នឹងបង្ហាញ​នៅ​ចុង​សប្តាហ៍​នេះ​ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​អ្នក​លេង​គុន​ចម្រុះ​​​លេខ​១​កម្ពុជា​ ចាន់ រតនា ត្រូវ​ឡើង​សមរភូមិ​ប្រយុទ្ធ​ជា​មួយ​ជើង​ខ្លាំង​ចិន​​ Xie Wei នៅ​ព្រឹត្តិការណ៍​ប្រកួត​ ONE: COLLISION COURSE ​ឯ​កីឡដ្ឋាន Singapore Indoor Stadium នា​រាត្រី​ថ្ងៃ​សុក្រ​ ទី​១៨​ ខែ​ធ្នូ​នេះ​។

ទន្ទឹម​ជា​មួយ​នឹង​ការ​ត្រៀម​ខ្លួន​រួច​រាល់​ និង​បាន​ដំណើរ​ទៅ​ដល់​ប្រទេស​សិង្ហបុរី​រួច​រាល់​ហើយ តារា​ប្រដាល់ទូត​សុច្ឆន្ទៈ​សែលកាត​ ចាន់​ រតនា​ មាន​គោលដៅ​ច្បាស់​លាស់​ក្នុង​ការ​​បញ្ចប់​ការ​ប្រកួត​ជា​មួយ​ជើង​ខ្លាំង​មក​ពី​ប្រទេស​ចិន​ដែល​ជា​កីឡាករ​ទី​៣​សម្រាប់​ប្រវត្តិ​ប្រកួត​របស់​ខ្លួន។

ចាន់ រតនា បាននិយាយ​ថា ៖«ក្នុង​ចិត្ត​ខ្ញុំ​គឺ​ចង់​ឲ្យ​ការ​ប្រកួត​នេះ​​អត់​ដល់​៣​ទឹក​។ ខ្ញុំ​នឹង​ព្យាយាម​បញ្ចប់​ការ​ប្រកួត​ជា​មួយ​ Xie Wei ឲ្យ​បាន​លឿន​បំផុត​តាម​លទ្ធភាព​ដែល​អាច​ទៅ​រួច។ ភាគ​រយ​ខ្ពស់​បំផុត​សម្រាប់​ការ​ប្រកួត​ខាង​មុខ​នេះ​គឺ​អត់​ចប់​៣​ទឹក​ទេ»

ចាន់ រតនា បាន​គិត​ក្នុង​ចិត្ត​ និង​ពន្យល់​ថា​ ៖«ខ្ញុំ​ស្គាល់​ច្បាស់​ហើយ​ កីឡាករ​ចិន Xie Wei ជា​កីឡាករ​អន្ទះ​សាម្នាក់។ គ្រាន់​តែសំឡេង​កណ្តឹង​រោទិ៍​ឡើង​ភ្លាម គាត់​ច្បាស់​ជា​រុល​សម្រុក​ចូល​វ៉ៃ​ហើយ»

«ដូច្នេះ​ខ្ញុំ​គិត​ថា ការ​ប្រកួត​នេះ​នឹង​មាន​ម្នាក់​សន្លប់។ បើ​មិន​គេ​ទេ គឺ​យើង ព្រោះ​ទាំង​ខ្ញុំ​ ទាំង​គាត់​អត់​បណ្តោយ​ពេល​វេលាអូស​ន្លាយ​ទេ»។ ចាន់ រតនា បាន​សង្កត់​ធ្ងន់​បែប​នេះ។

មុន​ការ​ប្រកួត​មក​ដល់​ ចាន់ រតនា បាន​សម្លឹង​ឃើញ​ពីភាព​ខ្លាំង និង​ចំណុច​ខ្សោយ​របស់​ដៃ​គូ​ដើម្បី​ត្រៀម​ខ្លួន​ទប់​ទល់។ ​ចំណុច​ខ្លាំង​របស់​ Xie Wei គឺ​​​ពូកែ​គ្រប់​គ្រង​លើ​ដៃ​គូ​ប្រកួតនៅ​ពេល​ប្រឈម​ដៃ​គូ​នៅ​លើ​សង្វៀន​ជា​មួយ​នឹង​​​​ចលនា​គ្រប់​គ្រង​ដៃ​គូ​បាន​ល្អ។ មួយ​ទៀត​​​កីឡាករ​ចិន​​ល្អ​​ក្បាច់​​ការពារ។ ជា​មួយ​គ្នា​នេះ កម្លាំង​ស៊ុហ្វ​​ក៏​ជា​កត្តា​សំខាន់​ធ្វើ​ឲ្យ​កីឡាករ​ចិន​លឿន និង​រើ​ដោះ​ខ្លួន​ចេញ​ពីគៀប​សង្កត់​របស់​ដៃ​គូ​បាន។

បើ​និយាយ​ពី​អាវុធ​វិញ ត្រូវ​បាន​អ្នលេង​គុន​ខ្មែរ​លេខ១​កម្ពុជារូប​នេះមើល​ឃើញ​ថា​ មិន​សូវមាន​​ជំនាញ​ច្បាស់​លាស់​ណា​មួយ​ទេ​ដែល​អាច​ចាត់​ទុក​ជា​ចំណុច​ខ្សោយ​ និងអាច​ទប់​ទល់​បាន។​

ម្ចាស់​ក្លឹប​ប្រដាល់«​សិល្បៈ​»​រំពឹង​ថា លើក​​នេះ​រូប​គេ​​នឹង​​ព្យាយាម​បញ្ចប់​កំណត់​ត្រា​អាក្រក់​ជា​មួយ​កីឡាករ​ចិន បន្ទាប់​ពី​ចាញ់​​២​នាក់​កន្លង​មក។

ចាន់ រតនា ចាត់​ទុក​កីឡាករ​ Xie Wei ជា​ដៃ​គូ​ស័ក្តិសម​បំផុត​សម្រាប់​ខ្លួន​ដែល​ពូកែ​ក្បាច់​វ៉ៃ​ឈរ​ប្រយោល​ និង​គុន​ចម្រុះ​ដូច​គ្នា​នៅ​ព្រឹត្តិការណ៍​​ ONE: COLLISION COURSE ​នៅ​កីឡដ្ឋាន Singapore Indoor Stadium នា​រាត្រី​ថ្ងៃ​សុក្រ​ ទី​១៨​ ខែ​ធ្នូ​ខាង​មុខ​នេះ​៕

អត្ថបទ ៖ ឆនថេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក្នុងឱកាស​បុណ្យកាន់បិណ្ឌ​ ភ្ជុំ​បិណ្ឌ​ បើ​មាន​ករណី​បុគ្គលណា​មាន​អាការៈ​ក្អក​ផ្តាសាយ​សង្ស័យ​មាន​កូវីដ​ ត្រូវ​ផ្អាក​ពិធី​ ហើយ​ឃាត់​បុគ្គល​នោះ​ធ្វើ​តេស្ត​នៅ​នឹង​កន្លែង

ចរាចរណ៍៧ ម៉ោង មុន

រថយន្ត​កាមរី​មួយ​គ្រឿង បើក​លឿន​រ៉េ​ចង្កូត​ជ្រុល​បុក​ក្បាល​នាគ​ពុះ​ចែក​ទ្រូង​បាក់​អស់​មួយ​កង់ នៅមុខ​វិទ្យាល័យ​ជាស៊ីម​សាមគ្គី

ព័ត៌មានជាតិ៧ ម៉ោង មុន

រដ្ឋបាលខេត្តកំពង់ចាម សម្រេច​បិទ​ផ្សារ​ស្ពឺ​ស្រុក​ចំការ​លើ​រយៈពេល១៤​ថ្ងៃ​សិន ខណៈ​រក​ឃើញ​វិជ្ជមាន​កូវីដ-១៩

ព័ត៌មានជាតិ៨ ម៉ោង មុន

អ្វី​ជា​បញ្ហា​ប្រឈម​សម្រាប់​វិស័យ​អាកាសចរ​​ក្នុង​ដំណាក់កាល​កូ​វីដ ? ស្តាប់​មន្ត្រីជាន់ខ្ពស់​និយាយ!

ចរាចរណ៍៨ ម៉ោង មុន

រថយន្ត​បែន​បើក​ចុះ​ផ្លូវ​ចំណោត​វត្ត​លើ ហ្វ្រាំង​មិន​ស៊ី​បុក​រះ​រថយន្ត​និង​ម៉ូតូ​ជាច្រើន​គ្រឿង រង​របួស​មនុស្ស​៥​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services