កីឡា
ប្រមុខសហព័ន្ធបាញ់កាំភ្លើងបង្ហាញពីឆន្ទៈដណ្ដើមមេដាយនៅស៊ីហ្គេមឆ្នាំ២០២៣
ប្រមុខសហព័ន្ធកីឡាបាញ់កាំភ្លើងកម្ពុជា បានបង្ហាញពីឆន្ទៈក្នុងការដណ្តើមមេដាយនៅស៊ីហ្គេមលើកទី៣២ ក្នុងខណៈដែលកីឡាចំនួន៨ប្រភេទ ត្រូវបានគណៈកម្មាធិការជាតិអូឡាំពិកកម្ពុជា ចាត់ទុកថា ជាប្រភេទកីឡាសង្ឃឹមថា ប្រជែងបានមេដាយច្រើននៅស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះនោះ។
លោកនាយឧត្តមសេនីយ៍ផ្កាយមាស៤ មៀច សុផាន់ណា ប្រធានសហព័ន្ធកីឡាបាញ់កាំភ្លើងកម្ពុជា បានប្រកាសថា លោកនឹងលាលែងពីតួនាទីជាប្រធានសហព័ន្ធ បើសិនជាប្រភេទកីឡាបាញ់កាំភ្លើងកម្ពុជា មិនអាចដណ្តើមបានមេដាយអ្វីសោះ ពីការប្រកួតស៊ីហ្គេមលើកទី៣២ ឆ្នាំ ២០២៣ ដែលកម្ពុជាត្រូវធ្វើជាម្ចាស់ផ្ទះនោះ។ នេះជាការប្ដេជ្ញាចិត្តមួយ ដោយការទទួលខុសត្រូវ ។ កាលពីមហាសន្និបាតនាពេលថ្មីៗនេះ ប្រមុខសហព័ន្ធកីឡាបាញ់កាំភ្លើងរូបនេះ បាននិយាយត្រង់ៗទៅកាន់សមាជិកគណៈកម្មាធិការប្រតិបត្តិរបស់ខ្លួន និងភាគីពាក់ព័ន្ធថា លោកនឹងលាលែងពីតំណែងជាប្រធាន បើសិនវិញ្ញាសាបាញ់កាំភ្លើងមិនដណ្តើមបានមេដាយពីការប្រកួតស៊ីហ្គេម ឆ្នាំ២០២៣។
លោកព្រមានថា ឥឡូវយើងប្រឹងប្រែងទាំងអស់គ្នាសិន ហើយខ្ញុំជឿថាយើងនឹងធ្វើបាន ប៉ុន្តែបើយើងមិនខំប្រឹងប្រែងឲ្យអស់ពីសមត្ថភាពទេនោះ សូមកុំសង្ឃឹមឲ្យសោះ។ ទោះបីមិនមានមហិច្ឆតាក្នុងការប្រជែងយកមេដាយមាសក៏ដោយ តែលោកប្ដេជ្ញាថា យ៉ាងហោច ក៏ត្រូវរកបានមេដាយសំរិទ្ធដែរ។
គេមិនទាន់ប្រាកដថា ប្រភេទកីឡាបាញ់កាំភ្លើងអាចមានវត្តមាន នៅក្នុងការប្រកួតកីឡាស៊ីហ្គេម ឆ្នាំ២០២៣ ឬក៏យ៉ាងណានោះទេ។ លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានប្រាប់ឲ្យដឹងថា បច្ចុប្បន្នប្រភេទកីឡាបាញ់កាំភ្លើងត្រូវបានគណៈកម្មាធិការជាតិរៀបចំការប្រកួតស៊ីហ្គេមឆ្នាំ២០២៣ ដាក់ចូលទៅក្នុងកម្មវិធីប្រកួតជាផ្លូវការ តែស្ថិតក្នុងប្រភេទកីឡាត្រៀមបម្រុង គឺមានន័យថាសហព័ន្ធនេះ ត្រូវធ្វើការយល់ដឹងលើការត្រៀមលក្ខណៈចូលរួមស៊ីហ្គេមឆ្នាំ២០២៣ បន្ថែមទៀត។
ពាក់ព័ន្ធនឹងបញ្ហានេះ លោក មៀច សុផាន់ណា បានទទួលស្គាល់ថា សហព័ន្ធបានបង្កើតឡើងបានជិត ១ អាណត្តិហើយ ហើយនិយាយឲ្យត្រង់ទៅ សហព័ន្ធនៅមិនទាន់បានបង្ហាញស្នាដៃជាដុំកំភួនអីដែរ តែសហព័ន្ធកំពុងប្រឹងប្រែងថា ធ្វើម៉េចឲ្យសម្រេចបានជោគជ័យ និងស្នាដៃជាដុំកំភួន ដើម្បីបង្ហាញទៅដល់គណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡា និងបង្ហាញទៅដល់រាជរដ្ឋាភិបាល ដែលជាអាណាព្យាបាលថា យើងអាចធ្វើការងារនេះបាន។
ពេលនេះ សហព័ន្ធកីឡាបាញ់កាំភ្លើងកម្ពុជា បានសម្រេចបង្កើតក្រុមការងារចំនួន ៣ រួមមានក្រុមការងារជំរុញ និងដឹកនាំការប្រកួតកីឡាបាញ់កាំភ្លើងកម្ពុជាថ្នាក់ជាតិ, ក្រុមការងារជំរុញ និងដឹកនាំការប្រកួតកីឡាបាញ់កាំភ្លើងអន្តរជាតិ ព្រមទាំងក្រុមគ្រូបង្វឹក ដែលមានលោក Thomas Bovet និងលោក Sylvain Vogel។ ក្រុមការងារទាំង ៣ នេះ មានតួនាទីរៀបចំវគ្គបណ្តុះបណ្តាលកម្មវិធីហ្វឹកហាត់សម្រាប់អត្តពលិកការជ្រើសរើស និងអភិវឌ្ឍក្រុម ដែលមានស្នាដៃខ្ពស់ សម្រាប់វិញ្ញាសាបាញ់កាំភ្លើងសម្របសម្រួល និងរៀបចំបញ្ជូនកីឡាករទៅចូលរួមការប្រកួតនៅក្រៅប្រទេស និងក្នុងស្រុក។ លើសពីនេះ ក្រុមការងារត្រូវសិក្សានិងរៀបចំឯកសារ ពីផែនការយុទ្ធសាស្ត្រ ក្នុងការត្រៀមខ្លួនសម្រាប់ស៊ីហ្គេម គ្រប់គ្រងធនធានសម្រាប់បណ្តុះបណ្តាល និង ការអភិវឌ្ឍក្រុមជម្រើសជាតិ ព្រមទាំងទទួលភារកិច្ចដែលប្រធានសហព័ន្ធផ្តល់ឲ្យ៕
អត្ថបទ៖ វិសិទ្ធ
សូមចុចអាន៖ ដឹងអត់តើ ចាន់ រតនា ចង់បញ្ចប់ការប្រកួតជាមួយ Xie Wei ដោយរបៀបណា?
ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា
ស្លាប់កម្មករម្នាក់ របួសធ្ងន់ស្រាល៣នាក់ក្នុងករណីបាក់ជញ្ជាំងអាងស្តុកទឹក នៅសង្កាត់គោករកា
លោកបណ្ឌិត លី ធុជ ដឹកនាំកិច្ចប្រជុំតាមប្រព័ន្ធអនឡាញ ដើម្បីជំរុញកិច្ចសហប្រតិបត្តិការ និងពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី
កុំភ្លេចត្រៀម CV! ស្អែកនេះ ឱកាសការងារថ្មីបន្ថែមទៀតជិត ៥០០ កន្លែងក្នុងវេទិកាការងាររបស់ NEA
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលស្តីពីសុវត្ថិភាពអគ្គិភ័យនៅតាមសហគ្រាស គ្រឹះស្ថាន
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ