កីឡា
អត្តពលិកប្រមាណជាង១០០នាក់ត្រៀមទៅហ្វឹកហាត់នៅប្រទេសចិន ជប៉ុននិងកូរ៉េ
ពេលនេះ កម្ពុជាត្រៀមបញ្ជូនកីឡាករ-កីឡាការិនីប្រមាណ១០០នាក់ឲ្យចេញទៅហ្វឹកហាត់រយៈ ពេលវែងនៅប្រទេសចិន ជប៉ុន និង សាធារណរដ្ឋកូរ៉េ រយៈពេលវែងដល់ឆ្នាំ២០២៣ ។
លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជានិងជាអគ្គលេខាធិការគណៈកម្មាធិការជាតិរៀបចំស៊ីហ្គេមឆ្នាំ២០២៣ បានប្រាប់ឲ្យដឹងថា នៅពេលឆាប់ៗខាងមុខនេះយើងនឹងរៀបចំក្រុមជម្រើសជាតិឈុតធំជាង១០០នាក់ទៀត ឲ្យចេញទៅហ្វឹកហាត់នៅប្រទេសចិន ជប៉ុននិងសាធារណរដ្ឋកូរ៉េ ។
លោក វ៉ាត់ ចំរើន បញ្ជាក់ថា វាជារឿងធម្មតាទេ សម្រាប់ប្រទេសមួយដែលត្រៀមខ្លួនធ្វើជាម្ចាស់ផ្ទះនៃព្រឹត្តិការណ៍មួយតែងតែត្រៀមខ្លួនដើម្បីប្រជែងយកមេដាយឲ្យបានក្នុងកម្រិតសមរម្យមួយ ដើម្បីសក្តិយសសមជាម្ចាស់ផ្ទះ ។ ដូច្នេះហើយទើបគណៈកម្មាធិការជាតិអូឡាំពិកកម្ពុជា និងគណៈកម្មាធិការជាតិរៀបចំស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះនោះ បានរៀបចំសេណារីយោដ៏ជាក់លាក់មួយ ដើម្បីប្រកួតដណ្ដើមមេដាយ ។
ក្រោមការដឹកនាំរបស់សម្តេចពិជ័យសេនាទៀបាញ់ប្រធានគណៈកម្មាធិការជាតិរៀបចំស៊ីហ្គេមឆ្នាំ២០២៣បានរៀបចំផែនការរួចរាល់អស់ហើយ ចាំតែធ្វើការទំនាក់ទំនងជាមួយភាគីចិន ជប៉ុន និងកូរ៉េក្នុងការហ្វឹកហាត់ពិសេសនេះតែប៉ុណ្ណោះ។
លោកបន្តថា ការហ្វឹកហាត់មានរយៈពេលវែង គឺពីពេលនេះរហូតដល់ឆ្នាំ២០២៣ ដោយក្នុងនោះមានទាំងផែនការហ្វឹកហាត់និងការប្រកួតអន្តរជាតិជាប្រចាំ ដើម្បីវាស់ស្ទង់សមត្ថភាពពិតប្រាកដហើយកំណត់មេដាយសម្រាប់ស៊ីហ្គេមឆ្នាំ២០២៣ នៅពេលដែលការហ្វឹកហាត់និងការប្រកួតរបស់យើងមានភាពច្បាស់លាស់និងជាប់លាប់ល្អ ។
លោកបានបញ្ជាក់ថា ការអភិវឌ្ឍធនធានមនុស្សផ្នែកជំនាញនិងការអភិវឌ្ឍអត្តពលិកគឺជាអាទិភាពនៃស៊ីហ្គេមឆ្នាំ២០២៣ដែលយើងទាំងអស់គ្នាខិតខំប្រឹងប្រែងឲ្យអស់ពីលទ្ធភាពជំរុញយ៉ាងណាឱ្យអត្តពលិករបស់យើងមានសមត្ថភាពពិតប្រាកដក្នុងការប្រជែងយកមេដាយ៕
អត្ថបទ ៖ វិសិទ្ធ
-
ព័ត៌មានជាតិ១ សប្តាហ៍ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ចរាចរណ៍១ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ១៣ ម៉ោង ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
សន្តិសុខសង្គម១ សប្តាហ៍ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ១ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ជីវិតកម្សាន្ដ១ សប្តាហ៍ ago
ក្រោយផ្ទុះការរិះគន់មិនឲ្យតម្លៃក្រុម Hashtag band ថ្ងៃសង្ក្រាន្ត គណៈគ្រប់គ្រងសាលាចេញសេចក្ដីបំភ្លឺ
-
ព័ត៌មានអន្ដរជាតិ៧ ថ្ងៃ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម៥ ម៉ោង ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ