កីឡា
លោក វ៉ាត់ ចំរើន៖ ឆ្នាំ២០២១ និងឆ្នាំ២០២២ គឺជាឆ្នាំពិសេសក្នុងការត្រៀមខ្លួនឆ្ពោះទៅស៊ីហ្គេមនិងអាស៊ានប៉ារ៉ាហ្គេម ឆ្នាំ២០២៣
លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ (CAMSOC) បានលើកឡើងថា ឆ្នាំ២០២១ និងឆ្នាំ២០២២ គឺជាឆ្នាំពិសេសដែលគណៈកម្មការជំនាញទាំង១៤របស់CAMSOC ត្រូវត្រៀមខ្លួន និងធ្វើសកម្មភាពការងារយ៉ាងសកម្ម
ដើម្បីឆ្ពោះទៅទទួលរៀបចំធ្វើជាម្ចាស់ផ្ទះការប្រកួតកីឡាស៊ីហ្គេមលើកទី៣២ និង អាស៊ានប៉ារ៉ាហ្គេមលើកទី១២នាឆ្នាំ២០២៣ ។
លោក វ៉ាត់ ចំរើន មានប្រសាសន៍ថា ឆ្នាំ២០២១ គឺជាឆ្នាំចាប់ផ្តើមឆ្ពោះទៅទទួលរៀបចំស៊ីហ្គេមលើកទី៣២និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលយើងមានផែនការច្បាស់លាស់ក្នុងការរៀបចំការហ្វឹកហាត់ក្រុមកីឡាករ កីឡាការិនីជម្រើសជាតិ ក្នុងឋានៈជាម្ចាស់ផ្ទះស៊ីហ្គេមនិងអាស៊ានប៉ារ៉ាហ្គេម លើកទី១២ ឆ្នាំ២០២៣ ឲ្យទទួលបានជោគជ័យ។
អគ្គលេខាធិការ CAMSOC បន្តថា គណៈកម្មការជំនាញទាំង១៤នៃCAMSOCនឹងចាប់ផ្តើមធ្វើការងារចាប់ពីថ្ងៃទី១១ ខែមករា ឆ្នាំ២០២១ តាមផែនការរបស់ខ្លួន ដើម្បីឲ្យទាន់ពេលវេលា។
ចាប់ពីពេលនេះតទៅ គ្រប់គណៈកម្មការជំនាញទាំងអស់ ត្រូវធ្វើការយ៉ាងសកម្ម ដើម្បីឲ្យប្រាកដប្រជាថា ដល់ឆ្នាំស៊ីហ្គេម ២០២៣ អ្វីៗទាំងអស់ត្រូវរួចរាល់គ្រប់ជ្រុងជ្រោយទាំងអស់ ដូចជាកម្មវិធីរត់ភ្លើងគុបនៅកម្ពុជា និងនៅបណ្តាប្រទេសអាស៊ាន, ការហ្វឹកហាត់របស់ក្រុមជម្រើសជាតិ, ការប្រកួតមុនស៊ីហ្គេមជាដើម ដោយឆ្នាំ២០២១ និងឆ្នាំ២០២២ គឺជាឆ្នាំពិសេសក្នុងការត្រៀមខ្លួនឲ្យបានរួចរាល់។
ការបញ្ជាក់ប្រាប់របស់លោក វ៉ាត់ ចំរើន អគ្គលេខាធិការ CAMSOC គឺក្រោយបញ្ចប់កិច្ចប្រជុំប្រចាំសប្តាហ៍ ដឹកនាំដោយលោកបណ្ឌិត ថោង ខុន អនុប្រធានអចិន្ត្រៃយ៍ CAMSOCកាលពីថ្ងៃទី២២ ធ្នូម្សិលមិញ នៅទីស្នាក់ការគណៈកម្មាធិការជាតិអូឡាំពិកកម្ពុជា ក្រោយពីសម្រាកមួយរយៈដោយសារវិបត្តិជំងឺកូវីដ-១៩៕
អត្ថបទ ៖ វិសិទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ