កីឡា
បាយ័នបើកសង្វៀនថ្មី១កម្មវិធីទៀត”អ្នកប្រយុទ្ធកំពូលថាមពលឆេមពាន”
ស្ថានីយទូរទស្សន៍បាយ័ន បានបើកសង្វៀនប្រកួតប្រដាល់គុនខ្មែរលក្ខណៈមិត្តភាពជាតិថ្មី១កម្មវិធីទៀត ដែលប្រសិទ្ធិនាមថា «អ្នកប្រយុទ្ធកំពូលថាមពលឆេមពាន” ” CHAMPION” ដែលប្រកួតរៀងរាល់ព្រឹកថ្ងៃសៅរ៍ ចាប់ពីម៉ោង ០៨:០០ព្រឹក រហូតដល់ម៉ោង១០:០០ ។
លោក នាង ស៊ីវុត្ថា ប្រធានគ្រប់គ្រងកម្មវិធីប្រដាល់ប្រចាំស្ថានីយទូរទស្សន៍បាយ័ន បានឲ្យដឹងនៅក្នុងសន្និសីទសារព័ត៌មាននាព្រឹកថ្ងៃទី០២ ខែមករា ឆ្នាំ២០២១នេះថា សម្រាប់កម្មវិធីប្រដាល់ថ្មីនេះ នឹងបំពេញតម្រូវការអ្នកគាំទ្រកីឡាប្រដាល់គុនខ្មែរបន្ថែមទៀត ដើម្បីជាការកម្សាន្តសប្បាយចុងសប្ដាហ៍។
លោកបានសំណូមពរដល់កីឡាករដែលចូលរួមប្រកួតក្នុងកម្មវិធីនេះ កុំមានសន្តិភាពចំពោះជំងឺឆ្លងកូវីដ១៩ឲ្យសោះ គឺត្រូវតែអនុវត្តឲ្យបានខ្ជាប់ខ្ជួននូវវិធានការការពារតាមវិធានរបសក្រសួងសុខាភិបាល ហើយលោកក៏បានបញ្ជាក់ដែរថា កម្មវិធីនេះ នៅពេលដែលមេរោគឆ្លងកូវីដ១៩ ត្រូវបរាជ័យអស់ពីលើទឹកដីយើងនោះ យើងនឹងរៀបចំឲ្យមានការប្រកួតអន្តរជាតិ និងអនុញ្ញាតឲ្យបងប្អូនប្រជាពលរដ្ឋចូលទស្សនាដូចមុនមិនខាន។
លោក នាង ស៊ីវត្ថា មិនភ្លេចក្រើនរំលឹកដល់កីឡាករប្រកួត ត្រូវបញ្ចេញអស់សមត្ថភាព កុំប្រកួតលំៗ យកតែលុយពីកម្មវិធីនោះ ព្រោះថាមួយរយៈកន្លងមកនេះ កីឡាករប្រកួតមិនអស់ពីសមត្ថភាពនោះឡើយ។
លោកឧត្ដមសេនីយ៍ តែម ម៉ឺន ប្រធានសហព័ន្ធកីឡាប្រដាល់គុនខ្មែរក្នុងសន្និសីទសារព័ត៌មាន ក៏បានផ្ញើដល់មន្ត្រីបច្ចេកទេស និងកីឡាករប្រដាល់គ្រប់ៗរូបត្រូវតែរៀបចំខ្លួនឲ្យបានល្អ ។ បើជាមន្ត្រីបច្ចេកទេស ត្រូវតែខិតខំបំពេញការងារឲ្យអស់ពីសមត្ថភាព ទាំងអាជ្ញាកណ្ដាល-ចៅក្រម ត្រូវតែមានភាពសុច្ចរឹតក្នុងការងារ ។ ចំពោះកីឡាករ ក៏ត្រូវតែព្យាយាមហ្វឹកហាត់ និងធ្វើខ្លួនអោយសក្ដិសមជាកីឡាករដែលមានក្រមសីលធម៌ ហើយក៏ត្រូវប្រកួតអោយអស់ពីសមត្ថភាពផងដែរ។
ការប្រកួតថ្ងៃបើកឆាកសង្វៀនថ្មីអ្នកប្រយុទ្ធកំពូលថាមពលឆេមពានប្រដាល់គុនខ្មែរលក្ខណៈមិត្តភាពជាតិ” CHAMPION” សម្រាប់ការប្រកួតថ្ងៃបើកឆាកសង្វៀនថ្មី នាព្រឹកថ្ងៃសៅរ៍ ទី០២ ខែមករាឆ្នាំ ២០២១ នោះ រួមមាន៤គូ ដែលសុទ្ធជាគូមិត្តភាពជាតិល្បីៗ។ ក្នុងនោះ គូឯក ចាន់ ប៊ុនហឿន ក្លិបនិរោធមានជ័យ ប្រកួតស្មើពិន្ទុជាមួយ ម៉ន ព្រហ្មម៉ាញ ក្លិបកងចក្ររាជសីហ៍មានរិទ្ធ ខណៈគូខ្លាំង១គូទៀតនោះ ស៊ឹម វណ្ណដេត ក្លិបអាណាចក្រគុនខ្មែរ ចាញ់កីឡាករ សេក ចៅជូត ក្លិបអង្គរមានជ័យខេត្តសៀមរាប ដោយពិន្ទុ។ ចំពោះពីរគូទៀតនោះ អេលីត ផានិត ក្លិបនាយកដ្ឋានអង្គរក្ស ចាញ់ពិន្ទុ នូវ សុខទី ក្លិបរាជសីហ៍ ខេត្តរតនគិរី ហើយ ចាន់ ហាវ ក្លិបនិរោធមានជ័យ ឈ្នះ សំណាង ឌីណា ក្លិបកងចក្ររាជសីហ៍មានរិទ្ធដោយពិន្ទុ ៕
អត្ថបទ ៖ វិសិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»