កីឡា
Dortmund លុបចោលការប្រកួតមិត្តភាពនៅឥណ្ឌូណេស៊ី ដោយសារបញ្ហាសោកនាដកម្ម នាកីឡដ្ឋាន
ក្លិប Borussia Dortmund របស់លីគកំពូលអាល្លឺម៉ង់ (Bundesliga) បញ្ជាក់ថា ពួកគេបានលុបចោលដំណើរប្រកួតមិត្តភាពរបស់ពួកគេទៅកាន់ប្រទេសឥណ្ឌូណេស៊ី ដោយជំនួសមកវិញ នឹងប្រកួតជាមួយ ក្លិប Johor Darul Takzim (JDT) របស់ម៉ាឡេស៊ី។
កន្លងមក តំណាងរបស់ Dortmund រួមជាមួយនឹងអ្នកផ្សព្វផ្សាយរបស់ Nine Sport បានប្រកាសដំណើរកម្សាន្តទៅកាន់តំបន់អាស៊ីអាគ្នេយ៍ គឺទៅសិង្ហបុរី វៀតណាម និងឥណ្ឌូណេស៊ី ពីថ្ងៃទី ២១ ខែវិច្ឆិកា ដល់ខែធ្នូ។
វាត្រូវបានប្រកាសថា Dortmund នឹងគ្រោងប្រកួតជាមួយក្លិបឥណ្ឌូណេស៊ីចំនួន ២ គឺ Persib Bandung និង Persebaya Surabaya ប៉ុន្តែវានឹងមិនកើតឡើងទេ ក្រោយការពិចារណាថាបាល់ទាត់ឥណ្ឌូណេស៊ី ស្ថិតក្នុងភាពខ្វះចន្លោះ បន្ទាប់ពីសោកនាដកម្មអ្នកគាំទ្ររត់ជាន់គ្នាបណ្ដាលឲ្យមានមនុស្សស្លាប់នៅកីឡដ្ឋាន Kanjuruhan កាលពីពេលថ្មីៗនេះ។ បច្ចុប្បន្ន អាជ្ញាធរបាល់ទាត់ និងរដ្ឋាភិបាល កំពុងបញ្ចប់ប្រព័ន្ធសន្តិសុខបាល់ទាត់ឥណ្ឌូណេស៊ី និងការកែលម្អហេដ្ឋារចនាសម្ព័ន្ធ។
នៅក្នុងស្ថានភាពនេះ ទីបំផុត Dortmund បានលុបចោលការមកប្រទេសឥណ្ឌូណេស៊ី។ ក្លិបក៏បានបញ្ជាក់ពីការលុបចោលរបស់ពួកគេទៅកាន់ប្រទេសឥណ្ឌូណេស៊ី ទាក់ទងនឹងស្ថានភាពបាល់ទាត់នាពេលបច្ចុប្បន្ននៅក្នុងប្រទេស។
ទន្ទឹមនឹងនេះ Dortmund ក៏បានបង្ហាញគូប្រកួតរបស់ខ្លួនមកពីសិង្ហបុរី និងវៀតណាមផងដែរ។ Dortmund នឹងត្រូវជួបជាមួយក្លិប Lion City Sailors របស់ប្រទេសសិង្ហបុរី នៅថ្ងៃទី ២៤ ខែវិច្ឆិកា បន្ទាប់មក ក្រុមជម្រើសជាតិវៀតណាម នៅថ្ងៃទី ៣០ ខែវិច្ឆិកា។
ដំណើរទេសចរណ៍អាស៊ីអាគ្នេយ៍នេះ ត្រូវបានជ្រើសរើសដោយ Dortmund ដើម្បីជំនួសក្នុងកាលវិភាគនៅពាក់កណ្ដាលទី នៃការប្រកួតបាល់ទាត់ពិភពលោក ឆ្នាំ ២០២២ នៅកាតា។ ការប្រកួតបាល់ទាត់ដ៏ធំបំផុតរបស់ពិភពលោក នឹងធ្វើឡើងនៅថ្ងៃទី ២០ ខែវិច្ឆិកា ដល់ថ្ងៃទី ១៨ ខែធ្នូ៕
ប្រភព ៖ goal.com/id
អត្ថបទ ៖ មន្នីរ័ត្ន
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ