កីឡា

ក្រុមកីឡាករមន្ទីរសង្គមកិច្ចខេត្តព្រៃវែង ឈ្នះពានរង្វាន់កីឡាប៉េតង់មិត្តភាពជនពិការ

បានផុស

៣ years មុន

នៅ

ថ្ងៃសុក្រ ៨ មករា ២០២១

ដោយ

ក្រុមកីឡាករជនពិការក្លិបប៉េតង់មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តព្រៃវែង បានឈ្នះពានរង្វាន់នៃការប្រកួតកីឡាប៉េតង់មិត្តភាពជនពិការលើកទី១ ដើម្បីអបអរសាទរខួប៤២ឆ្នាំ ទិវាជ័យជម្នះ ៧មករា ដែលរៀបចំដោយសមាគមប៉េតង់មិត្តភាពកម្ពុជា ក្រោមការសហការជាមួយសហព័ន្ធកីឡាប៊ូលនិងប៉េតង់កម្ពុជា នៅក្រុងដូនកែវ ខេត្តតាកែវកាលពីថ្ងៃទី៧ ខែមករា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី អ៊ុំ ចន្ទ្រា គណៈកម្មការរៀបចំការប្រកួតបានឲ្យដឹងថា ការប្រកួតលើកនេះ គណៈកម្មការដាក់តែវិញ្ញាសាគូចម្រុះបុរសនារី ដូច្នេះក្រុមដែលគ្រងតំណែងជើងឯកបានទៅលើក្លិបប៉េតង់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តព្រៃវែង ជើងឯករងបានទៅលើក្លិបប៉េតង់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តស្វាយរៀង ចំណែកចំណាត់ថ្នាក់លេខ៣ និងលេខ៣ផ្ទួន បានទៅលើក្លិបប៉េតង់កីឡាស្រុកស្វាយអន្ទរខេត្តព្រៃវែង ក្លិបប៉េតង់ជនពិការភាពខេត្ត បាត់ដំបង។ លោកស្រីបានបន្តថា ការប្រកួតខាងលើនេះ មានប្រតិភូគ្រូបង្វឹក និងកីឡាករ-កីឡា ការិនីជនពិការមកពីក្លិប និងសមាគមកីឡាប៉េតង់៩រាជធានីខេត្តក្រុងនៅទូទាំងប្រទេសចំនួន៤៦នាក់ ក្នុងនោះមានកីឡាករ-កីឡាការិនីជនពិការ៣៤នាក់ កីឡាការិនីជនពិការ៦នាក់។

សមាគមនិងក្លិបកីឡាប៉េតង់ទាំង៩ រួមមាន ក្លិបប៉េតង់កីឡាស្រុកស្វាយអន្ទរខេត្តព្រៃវែង ក្លិបប៉េតង់ជនពិការភាពខេត្តបាត់ដំបង ក្លិបប៉េតង់មិត្តភាពកម្ពុជាខេត្តតាកែវ ក្លិបប៉េតង់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តស្វាយរៀង ក្លិបប៉េតង់មន្ទីរអប់រំយុវជន និងកីឡាខេត្តឧត្តរ មានជ័យ ក្លិបប៉េតង់មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តព្រៃវែង ក្លិបប៉េតង់ជនពិការភាពខេត្តកំពង់ស្ពឺ ក្លិបប៉េតង់ដំរីជាន់ខ្លាខេត្តកំពង់ធំ និងក្លិបប៉េតង់អង្កការជនពិការរាជធានីភ្នំពេញ៕

អត្ថបទ៖ វិសិទ្ធ

សូមចុចអាន៖ ក្រុមរន្ទះជើងពិឃាដ ប៉ះគ្នាលើទីលានប្រជែងជើងឯក នៃការប្រកួតកីឡាសីដក់ ជើងឯកថ្នាក់ជាតិប្រចាំឆ្នាំ២០២០