កីឡា

កម្ពុជានឹងបញ្ជូនប្រភេទកីឡាបាល់ទាត់ទៅចូលរួមជាលើកដំបូង ក្នុងការប្រកួតកីឡាសាកលវិទ្យាល័យអាស៊ាន

បានផុស

៥ years មុន

នៅ

ថ្ងៃពុធ ១៣ មករា ២០២១

ដោយ

ការប្រកួតកីឡាសាកលវិទ្យាល័យអាស៊ាន (ASEAN University Games) ដែលបន្ទាប់ពីពន្យារពេលដោយសារកូវីដ-១៩នោះ នឹងត្រូវរៀបចំឡើងវិញនៅខែមិថុនា ឆ្នាំ២០២១នេះ។ អ្វីដែលគួរឲ្យភ្ញាក់ផ្អើលនោះ គឺកម្ពុជានឹងបញ្ជូនប្រភេទកីឡាបាល់ទាត់ ទៅចូលរួមជាលើកដំបូងនៅក្នុងព្រឹត្តិការណ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ព្រំ ប៊ុណ្ណយី ទីប្រឹក្សាក្រសួងអប់រំយុវជន និង កីឡា និង ជានាយបេសកកម្មរបស់កម្ពុជា សម្រាប់ព្រឹត្តិការណ៍នេះ បានមានប្រសាសន៍ឲ្យដឹងថា កីឡាចំនួន៣០ប្រភេទ នឹងត្រូវដាក់ឲ្យប្រកួតនៅក្នុងព្រឹត្តិការណ៍នេះ តែសម្រាប់កម្ពុជាបញ្ជូនទៅចូលរួមប្រកួតចំនួនតែ៧ប្រភេទប៉ុណ្ណោះ។

កីឡាទាំង៧ប្រភេទ ដែលកម្ពុជានឹងបញ្ជូនទៅចូលរួមប្រកួតនោះ មានប្រភេទបាល់ទាត់ ហែលទឹក អត្តពលកម្ម ប៉េតង់ ការាតេ តេក្វាន់ដូ និង ជីជីតស៊ូ ។ ក្រុមកីឡាករបាល់ទាត់ដែលចូលរួមនេះ គឺជាក្រុមខ្លាំងវ័យក្មេងរបស់កម្ពុជា ដែលមានកីឡាករខ្លះជាបេក្ខភាពត្រៀមស៊ីហ្គេមឆ្នាំ២០២៣។ សម្រាប់ការប្រកួតកីឡាសាកលវិទ្យាល័យអាស៊ាន(ASEAN University Games)លើកទី២០នេះ ធ្វើនៅខេត្ត Ubon Ratchathani។ ប្រសិនបើជំងឺកូវីដ-១៩ មិនរំខានឡើងវិញធ្ងន់ធ្ងរទេនោះ ការប្រកួតនឹងធ្វើចាប់ពីថ្ងៃទី២០ដល់២៨មិថុនា។ សព្វថ្ងៃនេះ ស្ថានភាពនៃជំងឺកូវីដ-១៩នៃប្រទេសក្នុងតំបន់ទាំង១១ មានស្ថានភាពមិនដូចគ្នាឡើយ ហេតុនេះការចូលរួមប្រកួតអាចនឹងមានប្រទេសមួយចំនួននៅរារែក។

នេះជាលើកទី៥ហើយ ដែលប្រទេសថៃទទួលធ្វើជាម្ចាស់ផ្ទះនៃព្រឹត្តិការណ៍នេះ។ លើកដំបូងគឺធ្វើនៅខេត្តឈៀងម៉ៃឆ្នាំ១៩៨១ លើកទី២ធ្វើនៅទីក្រុងប៉ាតាយ៉ាឆ្នាំ១៩៨៨ លើកទី៣ធ្វើនៅទីក្រុងបាងកកឆ្នាំ១៩៩៩ លើកទី៤ធ្វើនៅទីក្រុងបាងកកឆ្នាំ២០១០ និង លើកទី៥ឆ្នាំ២០២១ធ្វើនៅខេត្តUbon Ratchathani។ សូមបញ្ជាក់ថា ព្រឹត្តិការណ៍នេះត្រូវបង្កើតឡើងតាំងពីឆ្នាំ១៩៨១មកម្ល៉េះ ហើយមកដល់ឆ្នាំ២០២០ គឺជាការប្រកួតលើកទី២០តែដោយសារការរំខាននៃមេរោគកូវីដ-១៩នោះ ទើបព្រឹត្តិការណ៍នេះ ត្រូវពន្យារពេលមកដល់ពាក់កណ្ដាលឆ្នាំ២០២១៕

អត្ថបទ៖ វិសិទ្ធ

សូមចុចអាន៖ អគ្គលេខាធិការសហព័ន្ធទ្រីយ៉ាត្លុង ដាក់កាលបរិច្ឆេទការប្រកួតជើងឯកថ្នាក់ជាតិ

Related Topics:

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា