ព័ត៌មានជាតិ
សហព័ន្ធកីឡាល្បុក្កតោស្នើឲ្យ អាជ្ញាកណ្តាល ចៅក្រមមានភាពសុក្រឹតយុត្តិធម៌ក្នុងពេលប្រកួតជើងឯកថ្នាក់ជាតិ
ប្រមុខសហព័ន្ធកីឡាល្បុក្កតោកម្ពុជា បានស្នើឲ្យគ្រូតា អាជ្ញាកណ្តាល ចៅក្រមត្រូវតែមានភាពសុក្រឹតយុត្តិធម៌ក្នុងពេលប្រកួតជ្រើសរើសជើងឯកថ្នាក់ជាតិប្រចាំឆ្នាំ២០២០ ដែលនឹងចាប់ផ្ដើមពីថ្ងៃទី ២២ ដល់ ២៤ មករា ២០២១ ។
លោកច័ន្ទ សារុនប្រធានសហព័ន្ធកីឡាល្បុក្កតោកម្ពុជា បានស្នើបែបនេះនៅក្នុងសន្និសីទសារព័ត៌មានកាលពីល្ងាចថ្ងៃទី១៥មករា ស្តីពីការរៀបចំបើកប្រកួតកីឡាល្បុកតោជ្រើសរើសជើង ឯកថ្នាក់ជាតិប្រចាំឆ្នាំ២០២០ នាចុងខែនេះ ។
លោកប្រធានសហព័ន្ធមានប្រសាសន៍ថា នៅពេលបើកការប្រកួតជើងឯកខាងមុខ នេះ លោកសុំឲ្យលោកគ្រូតាទាំងអស់ដែលជាគណ:កម្មការបច្ចេកទេស ជាអាជ្ញាកណ្តាល ចៅក្រម ប្រកាន់នូវភាពសុក្រឹតយុត្តិធម៌ កុំមានការយោគយល់ឲ្យសោះ ។
ចំពោកីឡាករ កីឡាការិនីទាំងអស់ ដែលចូលរួមប្រកួតត្រូវគោរពឲ្យបាននូវបទបញ្ជានៃការប្រកួត ក៏ដូចជាគោរពវិន័យ កុំប្រើល្បិច និងត្រូវស្មោះត្រង់ជានិច្ច ធ្វើយ៉ាងណាឱ្យការប្រកួតប្រព្រឹត្តទៅប្រកបដោយលទ្ធផលល្អនិងប្រសិទ្ធភាព។
ជាមួយការណែនាំ លោកប្រធានសហ ព័ន្ធ ក៌បានសម្តែងការកោតសរសើរចំពោះកីឡាករ កីឡាការិនីល្បុក្កតោ ដែលកន្លង មក បានខិតខំបញ្ចេញសមត្ថភាពដណ្តើមមេដាយមាស ប្រាក់ សំរិទ្ធ យ៉ាងច្រើនជូនជាតិក្នុងអំឡុងចូលរួមប្រកួតកីឡាស៊ីហ្គេមឆ្នាំ២០១៩នៅប្រទេសហ្វីលីពីន។
លោក វ៉ាត់ ចំរើន អគ្គលេខាធិការគណ: កម្មាធិការជាតិអូឡាំពិកកម្ពុជា និងជាអនុ ប្រធានសហព័ន្ធកីឡាល្បុក្កតោកម្ពុជាបានបញ្ជាក់ថា ជាគោលដៅខាងមុខសហព័ន្ធនឹងខិតខំបង្រួបបង្រួមគ្រប់និន្នាការព្រឹទ្ធាចារ្យល្បុក្កតោទាំងអស់ ឲ្យស្ថិតនៅក្រោមការដឹកនាំរបស់សហព័ន្ធតែមួយ ដើម្បីឆ្ពោះទៅរកជោគជ័យនៅក្នុងការប្រកួតស៊ីហ្គេមឆ្នាំ ២០២៣ ដែលកម្ពុជាត្រូវធ្វើជាម្ចាស់ផ្ទះ ។
លោកបញ្ជាក់ថា តាមសកម្ម ភាពនភាពនិងសក្តានុពលរបស់កីឡាល្បុក្កតោកម្ពុជា គឺអាចមានលទ្ធភាពខ្ពស់ក្នុងការដណ្តើមជយលាភីល្អជូនជាតិ។
លោក អ៊ូ តារា អគ្គលេខាធិការសហព័ន្ធកីឡាល្បុក្កតោកម្ពុជា បានឲ្យដឹងថា ជារៀង រាល់ឆ្នាំការរៀបចំប្រកួតជើងឯក គឺតែងតែធ្វើនៅរៀងរាល់ចុងឆ្នាំ ដោយឡែកនៅឆ្នាំ ២០២០កន្លងមកនេះ ដោយសារជំងឺកូវីដ១៩រាតត្បាតបានធ្វើឲ្យការរៀបចំប្រកួត ជើងឯកល្បុក្កតោត្រូវពន្យារពេល១ទៅ ២ លើក ហើយទើបតែដើមឆ្នាំ២០២១នេះទេដែលជំងឺកូវីដ១៩ ត្រូវបានរាជរដ្ឋាភិបាលទប់ស្កាត់និងមានការធូរស្រាលច្រើន ហើយក្រសួងអប់រំ យុវជននិងកីឡា ក៏បានអនុ ញ្ញាតឱ្យរៀបចំឡើងវិញ។
លោកអគ្គលេខាធិការបានឲ្យដឹងទៀតថាសម្រាប់ការប្រកួតជើងឯកល្បុក្កតោលើកនេះ គឺមានការផ្លាស់ប្ដូរនិងធ្វើទំនើបកម្មទា ក់ទងទៅនឹងការរៀបចំប្រកួត ក៏ដូចជាកម្រិ តបច្ចេកទេសកីឡាករកីឡាការិនី ដោយជំ រុញឱ្យមានសិទ្ធផលខ្ពស់និងការប្រកួតកា ន់តែមានភាពស្វាហាប់ជាងមុន។
ហើយអ្វីដែលពិសេសទៀតនោះ គឺការប្រកួតជើង ឯកឆ្នាំនេះ សហព័ន្ធបានទទួលការជួយ ឧបត្ថម្ភពីក្រុមហ៊ុនសម្រស់ធម្មជាតិ រួមជា មួយនឹងថវិកាគាំទ្ររបស់ក្រសួងអប់រំផងនោះ នឹងធ្វើឱ្យកម្មវិធីប្រកួតជើងឯកលើកនេះ មានលក្ខណៈធំជាងឆ្នាំមុនៗ៕
អត្ថបទ៖ វិសិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង