ប្រណាំង​កង់​ថ្នាក់​ជាតិ​ឆ្នាំ​២០២០ រកឃើញ​ជ័យ​លាភ​៣៥​រូប​
Connect with us
Helistar Cambodia - Helicopter Charter Services

កីឡា

ប្រណាំង​កង់​ថ្នាក់​ជាតិ​ឆ្នាំ​២០២០ រកឃើញ​ជ័យ​លាភ​៣៥​រូប​

Published

on

សៀមរាប ៖ ការប្រកួត​កីឡា​ប្រណាំង កង់​ជ្រើសរើស​ជើង ឯក​ថ្នាក់ជាតិ​ប្រចាំឆ្នាំ​២០២០ ដែល​ធ្វើឡើង​រយៈ ពេល​ពីរ​ថ្ងៃ​(២២-២៣​មករា​២០២១) លើ​ទឹកដី​សៀមរាប​អង្គរ​នោះ បាន​រកឃើញ​ជ័យលាភី​ចំនួន ៣៥​រូប ។

ការប្រកួត​ធ្វើ​ឡើងលើ​វិញ្ញាសា​ចំនួន​ពីរ​រួមមាន​៖ វិញ្ញាសា​ទី​១ គឺ​កង់​គួ​ក (Road Bike) ដែលមាន​៖ កង់​គួ​ក​បុរស​ឈុត​ធំ (Men Elite Road Bike) កង់​គួ​ក​បុរស​ថ្នាល (Men Junior Road Bike) និង​កង់​គួ​ក​បុរស អាយុ​ចាប់ ពី​៤០​ឆ្នាំ​ឡើង (Men Master Road Bike)​។

វិញ្ញាសា​ទី​២ គឺ​កង់​ភ្នំ (Mountain Bike) ដែលមាន​៖ កង់​ភ្នំ​បុរស​ឈុត​ធំ (Men Elite Moun tain Bike) កង់​ភ្នំ​បុរស​ថ្នាល (Men Junior Mountain Bike ) កង់​ភ្នំ​នារី (Women Mountain Bike ) កង់​ភ្នំ​បុរស អាយុ​ចាប់ពី​៤០ ឆ្នាំ​ឡើង (Men Master Mountain Bike )​។​

លទ្ធផល​ក្រោយ​បញ្ចប់​ការប្រកួតប្រណាំង​គណៈកម្មការ​បច្ចេកទេស រកឃើញ​ជ័យលាភី​ពី​លេខ​១ ដល់​លេខ ៥ តាម​ប្រភេទ​វិញ្ញាសា​នីមួយៗ​មាន​ចំនួន​សរុប​ទាំងអស់ ៣៥​នាក់។

សម្រាប់​ប្រាក់​រង្វាន់ អ្នក​ទទួលបាន​ចំណាត់ថ្នាក់​លេខ​១ ទទួល​បាន ៥០០,០០០​រៀល​, ចំណាត់ ថ្នាក់​លេខ​២​ទទួលបាន ៤០០,០០០​រៀល​, ចំណា ត់​ថ្នាក់​លេខ​៣​ទទួលបាន ៣០០,០០០​រៀល​, ចំ ណាត់​ថ្នាក់​លេខ​៤ ទទួលបាន ២០០,០០០​រៀល​, ចំណាត់ថ្នាក់​លេខ​៥​ទទួលបាន ១៥០,០០០​រៀល និង​មាន​រង្វាន់​លើកទឹកចិត្ត​មួយចំនួនទៀត​។

លោក ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជ កម្ម និង​ជា​ប្រធាន​សហព័ន្ធ​ខ្មែរ​កីឡា​ទោច​ក្រយា ន ដែល​បាន​អញ្ជើញ​ចូលរួម​ពិធី​បិទ​ការប្រកួត​ កាល​ពី​ថ្ងៃ​សៅរ៍​ចុង​សប្តាហ៍​កន្លង​មក​នេះ បាន​ជំរុញ​ឲ្យ​កីឡាករ​ទាំង​អ្នកទទួល​ជ័យលាភី និង​មិន​បាន​ទទួល​ជ័យលាភី ប្រឹងប្រែង​ហ្វឹកហាត់​ពង្រឹង​ពង្រីក​សមត្ថភាព​ឆ្ពោះ​ទៅ​កាន់​ព្រឹត្តិការណ៍​ស៊ី​ហ្គេម​ឆ្នាំ ២០២៣​។

សូម​បញ្ជាក់​ថា បើ​តាម​លោក នូ ចំរើន អគ្គ​លេខាធិការ​សហព័ន្ធ​ខ្មែរ​កីឡា​ទោចក្រយាន និយាយ ឲ្យ​ដឹង​មុន​ការប្រកួត​នោះ​ថា ការប្រកួត​កីឡា​ទោច ក្រ​យាន​ជ្រើសរើស​ជើងឯក​ថ្នាក់ជាតិ​ប្រចាំឆ្នាំ ២០២០ គឺជា​ឆ្នាំ​ដ៏​សំខាន់​មួយ ដែល​សហព័ន្ធ​ខ្មែរ​កីឡា​ទោចក្រយាន​ចាប់ផ្តើម​ពង្រឹងគុណភាព​បច្ចេកទេស និង​មន្ត្រី​គណៈកម្មការ​តាម​ទម្រង់​ស្តង់ដារ​អន្តរជាតិ ដើម្បី​សម្រួច​គោលដៅ​ឆ្ពោះទៅ​ទទួល​ធ្វើ​ម្ចាស់ផ្ទះ​ស៊ី​ហ្គេម លើក​ទី​៣២ ឆ្នាំ​២០២៣៕

ដោយ ៖ វិ​សិទ្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services