កីឡា

អបអរសាទរ! ភ្នំពេញក្រោនឈ្នះ Tampines Rover ឡើងវគ្គចែកពូលពាន AFC Cup

បានផុស

៣ years មុន

នៅ

ថ្ងៃពុធ ២៣ សីហា ២០២៣

ដោយ

ក្រុមបាល់ទាត់ភ្នំពេញក្រោនបានបង្កើតប្រវត្តិសាស្ត្រក្នុងការយកឈ្នះក្លិបរបស់ប្រទេសសិង្ហបុរី Tampines Rover FC ដោយលទ្ធផល ២-៣ នៅវគ្គ Playoff ដើម្បីទទួលបានកៅអីឡើងកាន់វគ្គចែកពូលពានរង្វាន់ AFC Cup ឆ្នាំ២០២៣។

ការប្រកួតនៅវគ្គទី១ ក្រុមម្ចាស់ផ្ទះធ្វើបានល្អមែនទែនដោយបានទម្លាយសំណាញ់ទីរបស់ភ្នំពេញក្រោនដល់ទៅ២គ្រាប់ត្រឹមនាទីទី២៦ដោយកីឡាករ Boris Kopitovic នៅនាទីទី១១ និងនាទីទី២៦ ប៉ុន្តែនៅចុងវគ្គទី១ ភ្នំពេញក្រោនបានតាមពីក្រោយ ២-១ ដោយខ្សែបម្រើកណ្តាលជប៉ុន Yudai Ogawa នៅនាទីទី៤៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅដើមវគ្គទី២ ភ្នំពេញក្រោនបានចាប់ផ្តើមយ៉ាងល្អតាមរយៈការដាក់សម្ពាធជាបន្តបន្ទាប់ រហូតបំប៉ោងសំណាញ់ទីរបស់ក្រុមម្ចាស់ផ្ទះបាន២គ្រាប់យ៉ាងលឿនដោយកីឡាករកូឡុំប៊ី Andres Neito នៅនាទីទី៥២ដើម្បីតាមស្មើ ២-២ និងគ្រាប់ទី៣នៅនាទីទី៥៤ដោយកីឡាករជប៉ុន Shintaro Shimizu ដែលជាគ្រាប់បាល់ជ័យជម្នះ ២-៣។

ការប្រកួតបន្ទាប់គ្មានគ្រាប់បាល់កើតឡើងទេ ដូច្នេះភ្នំពេញក្រោនទទួលបានកៅអីឡើងទៅកាន់វគ្គចែកពូលពានរង្វាន់លំដាប់ទី២ប្រចាំតំបន់អាស៊ី AFC Cup ហើយក៏ជាលើកដំបូងដែលក្រុមរបស់កម្ពុជាទទួលបានជ័យជម្នះលើក្លិបរបស់ប្រទេសសិង្ហបុរី។

សូមបញ្ជាក់ថា មុនឈានដល់វគ្គ Playoff ជាមួយក្លិបរបស់សិង្ហបុរីនេះ ក្រុមជើងឯកកម្ពុជា ភ្នំពេញក្រោន បានយកឈ្នះលើក្រុមជើងឯកលីគកំពូលឡាវ Young Elephants ដោយលទ្ធផល ៣-០ វគ្គជម្រុះបឋម AFC Cup 2023៕

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា