កីឡា
មិនទាន់ប្រកួតផង អ្នកជំនាញគិតថា ក្មេងស្រីអាយុ១៦ឆ្នាំ Victoria Lee នឹងក្លាយជាជើងខ្លាំងគុនចម្រុះលើលោក
កីឡាការិនីគុនចម្រុះវ័យក្មេងបំផុតក្នុងប្រវត្តិសាស្ត្រ ONE Championship គឺយុវតី Victoria Lee បានចុះកុងត្រាចូលស្ថាប័នដ៏ធំនេះកាលពីខែកញ្ញា ឆ្នាំ២០២០។ នាថ្ងៃទី២៦ ខែកុម្ភៈ ខាងមុខនេះក្នុងព្រឹត្តិការណ៍ ONE: Fists of Fury នៅប្រទេសសិង្ហបុរីជាមួយនឹងកីឡាការិនីថៃ Sunisa Srisen។
នេះជាការបង្ហាញខ្លួនប្រកួតលើកដំបូងរបស់ Victoria ក្នុងប្រដាល់គុនចម្រុះ ប៉ុន្តែអ្នកជំនាញជាច្រើនបានគិតថា នាងនឹងក្លាយជាកីឡាការិនីប្រដាល់គុនចម្រុះដ៏ខ្លាំង ជោគជ័យ និងល្បីល្បាញទូទាំងពិភពលោក។
តាមរយៈលោក Chatri Sityodtong នាយកប្រតិបត្តិ (CEO) និងប្រធាន ONE Championship បានឲ្យដឹង ៖«អ្នករិះគន់ច្រើនណាស់គិតថា កីឡាការិនីអាយុ១៦ឆ្នាំ Lee ត្រូវបានផ្សព្វផ្សាយអួតហួសហេតុពេក។ យ៉ាងណា អ្នកជំនាញមួយចំនួនជឿថា នាងនឹងក្លាយជាកីឡាការិនីគុនចម្រុះដ៏ខ្លាំងពីទម្ងន់មួយទៅទម្ងន់មួយនាពេលអនាគត។ បងៗរបស់នាងនិយាយថា នាងជាកីឡាការិនីឆ្នើមបំផុតក្នុងគ្រួសារទាំងមូល»។
កាលពីខែកញ្ញាដែលការចុះហត្ថលេខាត្រូវបានប្រកាសជាផ្លូវការលោក Chatri បានសរសើរកីឡាការិនីវ័យក្មេងនេះថា ៖«នារីវ័យក្មេងនេះជាសេចក្តីសង្ឃឹមដ៏ធំធេងសម្រាប់ការប្រកួតពីទម្ងន់មួយទៅទម្ងន់នាពេលអនាគត»។
យើងក្រឡេកមើលលក្ខណៈពិសេស៥ចំណុចរបស់ Lee ដែលធ្វើឲ្យនាងមានទំនុកចិត្តក្នុងការឡើងសង្វៀនគុនចម្រុះលំដាប់អន្តរជាតិលើកដំបូងនេះ។
ទី១៖ គ្រួសារកីឡា
វាមិនមែនជារឿងចៃដន្យទេនៅពេលយុវតីម្នាក់នេះបោះជំហានចូលអាជីពគុនចម្រុះក្នុងស្ថាប័នអន្តរជាតិ ហើយត្រូវបានអ្នកជំនាញមួយចំនួនគិតថា នាងគឺជាអនាគតអ្នកលេងគុនចម្រុះជោគជ័យលំដាប់ទូទាំងពិភពលោក។ ច្បាស់ណាស់ថា បើក្រឡេកមើលជីវិតកុមារភាពរបស់នាងពិតជាជោកជាំដោយកីឡាពិតៗតែម្តង។
Victoria Lee កើតនៅក្នុងត្រកូលអ្នកកីឡាដែលមានឪពុកជាគ្រូបង្វឹក ហើយនាងកាត់ច្រើនជាតិសាស្ត្រក្នុងនោះកាត់ចិន-សិង្ហបុរី និងអាមេរិក-កាណាដា ថែមទៀតដោយសារឪពុកនាងជាជនជាតិសិង្ហបុរី-ចិន ខណៈម្តាយជាជនជាតិកូរ៉េដែលធ្លាប់ទៅរស់នៅប្រទេសកាណាដា ហើយនាងបានកើតនៅសហរដ្ឋអាមេរិក។
នាងមានបងពីរនាក់ដែលជាអ្នកកីឡាគឺកីឡាការិនី Angela Lee ជាជើងឯកគុនចម្រុះពិភពលោកផ្នែកនារី និងកីឡាករ Christian Lee ជាជើងឯកគុនចម្រុះពិភពលោកផ្នែកបុរសនៅ ONE។
ទី២៖ ជំនាញជឺជិតស៊ូស្ទើរមិនគួរឲ្យជឿ
អ្នកខ្លះបោះជំហានចូលប្រដាល់ដំបូងៗមិនមានបទពិសោធ ប៉ុន្តែ Lee ទទួលបានជោគជ័យស្ទើរមិនគួរឲ្យជឿស្រាប់ហើយគឺបានក្លាយជាជើងឯក NAGA Expert Champion ១៥ដង។
ជំនាញក្រោមទាំងនោះនឹងធ្វើឲ្យនាងអភិវឌ្ឍកាន់តែប្រសើរឡើង ខណៈនាងបន្តហ្វឹកហាត់ជាមួយអ្នកជំនាញដូចជាបងថ្លៃរបស់នាងគឺ Bruno “Puccibull” Pucci ដែលជាអតីតជើងឯកជឺជិតស៊ូពិភពលោកNo-Gi World Champion ពីរដង។
សមត្ថភាពរបស់ Lee ផ្នែកក្រោមប្រហែលជាកម្រិតមួយដែលពិបាកប៉ាន់ស្មានណាស់។ កីឡាការិនីវ័យក្មេងក៏កំពុងតែព្យាយាមអភិវឌ្ឍសមត្ថភាព និងពង្រឹងជំនាញកាន់តែខ្លាំង។ នាងប្រហែលជានឹងក្លាយជាកីឡាការិនីដ៏ខ្លាំងពូកែដូចបងស្រីរបស់នាង។
ទី៣៖ ពូកែជំនាញចំបាប់
ឆ្នាំ២០២០កន្លងទៅ Lee ជាគ្រាប់ពេជ្រឈានមុខគេលំដាប់កំពូលនៅសមាគមអត្តពលិករបស់សមាគមកីឡាវិទ្យាល័យហាវ៉ៃ។ ការបណ្តុះបណ្តាលដ៏ត្រឹមត្រូវដែលធ្វើឲ្យការប្រកួតរបស់នាងល្អឥតខ្ចោះរហូតឈ្នះជើងឯក។
Lee ប្រើពេលមិនដល់២នាទីផង ដើម្បីបញ្ចប់ដៃគូរបស់នាង។ នាងបានប្រើបច្ចេកទេសផ្តួល និងឃ្លេជាប់នឹងក្តារដែលធ្វើឲ្យលោកអាជ្ញាកណ្តាលបញ្ឈប់ការប្រកួតតែម្តង។ ដៃគូបានឱបពីក្រោយ ប៉ុន្តែនាងបានដោះខ្លួន និងបោកវិញយ៉ាងអស្ចារ្យ។
ទី៤៖ បទពិសោធលើឆាកអន្តរជាតិ
ភាគច្រើនអ្នកកីឡាអាយុទើប១៦ឆ្នាំគឺមានបទពិសោធត្រឹមតែការប្រកួតក្នុងស្រុក ឬតំបន់ប៉ុណ្ណោះ ប៉ុន្តែ Lee បានធ្វើដំណើរទៅប្រកួតស្ទើរជុំវិញពិភពលោក។ ការប្រកួតលក្ខណៈអន្តរជាតិទាំងនោះបានធ្វើឲ្យនាងបានឈ្នះជើងឯក Pankration Junior ពិភពលោក២ដង។
នាងធ្លាប់បានចេញទៅប្រកួតនៅទីក្រុងរ៉ូម ប្រទេសអ៊ីតាលី ដែលពេលនោះឈ្នះមេដាយមាសក្នុងប្រភេទទម្ងន់៥៧គីឡូក្រាមពីព្រឹត្តិការណ៍ប្រកួតជើងឯកយុវជនពិភពលោក IMMAF ឆ្នាំ២០១៩។
បទពិសោធទាំងនោះបានជួយឲ្យនាងមានមូលដ្ឋានគ្រឹះគ្រប់គ្រាន់ក្នុងការបោះជំហានចូលស្ថាប័នប្រដាល់ធំបំផុតក្នុងលោក ស្របពេល Lee បានបង្ហាញសញ្ញាឆ្ពោះទៅរកការគ្រងជើងឯកពិភពលោក។
ទី៥៖ មានដុងពីកំណើត
ជំនាញផ្ទាល់ខ្លួនមួយកំភ្លេរបស់នាងគឺពិតជាគួរឲ្យភ្ញាក់ផ្អើលដែលនាងបានបង្ហាញឲ្យឃើញយ៉ាងជោគជ័យទាំងនៅក្មេងខ្ចី។ អ្វីដែលរឹតតែគួរឲ្យចាប់អារម្មណ៍ទៀតនោះគឺថា កីឡាការិនីសិង្ហបុរីកាត់អាមេរិករូបនេះមានជំនាញទាំងជឺជីតស៊ូ និងចំបាប់ពិសេសរួចហើយដើម្បីរួមបញ្ចូលគ្នាចូលប្រឡូកគុនចម្រុះ។
ធ្លាប់មានបទពិសោធន៍ប្រកួតជើងឯកពិភពលោកនៅ United MMA កីឡាការិនី Lee បានជោគជ័យគួរឲ្យកោតសរសើរក្នុងរយៈពេលប៉ុន្មានឆ្នាំចុងក្រោយនេះ។ នេះជាអ្វីដែលនាងកើតមកមានដុងពីកំណើត។
យ៉ាងណាការប្រកួតតនៅ ONE: Fists of Fury ថ្ងៃទី២៦ ខែកុម្ភៈនេះ ដៃគូរបស់នាងគឺ Sunisa Srisen គឺមិនមែនថ្មីសន្លាងនោះទេ។ កីឡាការិនីថៃនេះ មានបទពិសោធន៍ប្រដាល់មួយថៃច្រើនហើយ មុនពេលបោះជំហានចូលគុនចម្រុះ។
កីឡាការិនីថៃនេះ ធ្លាប់វ៉ៃគុនចម្រុះបាន៥ដងហើយគឺឈ្នះ៤ និងចាញ់១ប៉ុណ្ណោះ ដូច្នេះមិនមែនជាការងាយស្រួលសម្រាប់ Victoria Lee ដែលមិនធ្លាប់ប្រកួតគុនចម្រុះសោះ៕
ស្វាយរៀងខាប់លើកទី៦រកឃើញក្រុមប៉ះគ្នាវគ្គ១៦ក្រុមចុងក្រោយ
លម្អិតការវាយប្រហារភេរវកម្មនៅរុស្ស៊ី ខណៈមនុស្សស្លាប់ កើនដល់ ១៣៧នាក់
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ