Man United រឹង​ណាស់ បញ្ចប់កំណត្រា​​ជ័យជម្នះ​ច្រើន​​​​​បំផុត​របស់ City រដូវកាលនេះ
Connect with us
Helistar Cambodia - Helicopter Charter Services

កីឡា

Man United រឹង​ណាស់ បញ្ចប់កំណត្រា​​ជ័យជម្នះ​ច្រើន​​​​​បំផុត​របស់ City រដូវកាលនេះ

Published

on

កំណត់​ត្រា​ជ័យជម្នះ​វែង​បំផុតរហូត​ដល់​២១​ប្រកួត​របស់​មេឃ​ខៀវ Manchester City ត្រូវ​បាន​បញ្ចប់​​ដោយ​ក្រញាប់​បិចសាច​ក្រម​​ Manchester United កាល​ពី​យប់​មិញ​ដោយ​លទ្ធផល​ត​ដៃ​មិន​រួច​ ០-២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​សប្តាហ៍​ទី​​២៨ ស្ថិត​នៅ​ទឹក​ដី​របស់​ខ្លួន ក្រុម​របស់​លោក Pep Guardiola មិន​អាច​ទម្លាយ​សំណាញ់​ទី​របស់​ភ្ញៀវ Manchester United បាន​ទេ​ ខណៈ​ក្រុម​របស់​លោក Ole Gunnar Solskjaer បាន​បង្ហាញ​ទម្រង់​លេង​យ៉ាង​ល្អ​​​ទាំង​ក្បាច់​ការពារ និង​វាយ​បក​រហូត​​ធ្វើ​បាន​សម្រេច​២​គ្រាប់។

២​គ្រាប់​ដែល​រក​បាន​របស់​ក្រុម Ole ជា​គុណ​សម្បត្តិ​របស់​ Bruno  Fernandes ដោយ​ការ​ស៊ុត​ប៉េណាល់​ទី​តាំង​ពី​នាទី​ទី​២​ដើម​វគ្គ​ទី​១ ហើយ​នៅ​ដើម​វគ្គ​ទី​២ ខ្សែ​ការពារ Luke Shaw ទទួល​បាន​បាល់​ពី​អ្នក​ចាំទី Dean  Hendersson ហើយ​អូស​បាល់​ទៅ​តំបន់​គ្រោះ​ថ្នាក់​ដោយ​​បញ្ជូន​ទៅ​ឲ្យ Marcus Rashford ដែល​កីឡាករ​រូប​នេះ​បញ្ជូន​ឲ្យ​វិញ ហើយ Shaw ស៊ុត​ប្រលោះ​ជើង​ចូល​ទី​យ៉ាង​ស្អាត​នៅ​នាទី​៥០។

ឱកាស​ច្បាស់​ផ្សេង​ទៀត​សម្រាប់​បិសាច​ក្រហម​ក៏​​បាន​កើត​ឡើង​ដែរ ប៉ុន្តែ​ខ្សែ​ប្រយុទ្ធ Anthony  Martial ស៊ុត​មិន​បាន​សម្រេច បើ​ទោះ​ជា​នៅ​ប្រអប់​គ្រោះ​ថ្នាក់​ជា​មួយ​អ្នក​ចាំ​ទីរបស់​មេឃ​ខៀវ City ក៏​ដោយ។

ក្រុម​ម្ចាស់​ផ្ទះ​បាន​ព្យាយាម​សម្រុក​ខ្លាំង និង​ប៉ុន​ប៉ង​​បាញ់​សំដៅ​សំណាញ់​ទី​បិសាច​ក្រហម​ជា​ច្រើន​លើក ប៉ុន្តែ​ធ្វើ​មិន​បាន​សម្រេច​ដោយ​ភាគ​ច្រើន​ខុស​គោល​ដៅ និង​អ្នក​ចាំ​ទី​របស់​ Man United ជួយ​សង្គ្រោះ​បាន។

ដូច្នេះ​ស្ថិតិ​ជ័យជម្នះ​​ច្រើន​បំផុត​នៅ​រដូវ​កាល​នេះរបស់ Man City បាន​ត្រឹម​តែ​២១​ប្រកួត​ប៉ុណ្ណោះ ខណៈ​ប្រកួត​ទី​២២​ត្រូវ​បាន​បញ្ចប់​ដោយ​ Man United ដោយ​លទ្ធផល ០-២។ ទោះ​បី​ជា​យ៉ាង​ណា ក្តី​សង្ឃឹម​គ្រង​ជើង​ឯក English Premier League នៅ​តែ​មាន​​ភាគ​រយ​ខ្ពស់​ដដែល ដោយ​សារ​នៅ​តែ​ឈរ​លេខ​១​ដោយ​មាន​ពិន្ទុ​នាំ​មុខ​ក្រុម​លេខ​២ Man United រហូត​ដល់​១១​ពិន្ទុ។

នៅ​រាត្រី​ជា​មួយ​គ្នា​នេះ​ដែរ​ ក្រុម Tottenham Hotspur បាន​រំកិល​ខ្លួន​ឡើង​ទៅ​ឈរ​លេខ​៦ បន្ទាប់​ពី​លត់​ក្រុម Crystal Palace ដោយ​លទ្ធផល ៤-១ នៅ​ក្នុង​ផ្ទះ​របស់​ខ្លួន។ Gareth Bale បើក​គ្រាប់​បាល់​នាំ​មុខ​នៅ​នាទី​២៥ និង​គ្រាប់​ទី​២​នាទី​​៤៩ ហើយ​ Harry  Kane ក៏​រក​បាន​២​គ្រាប់​ដែរ​នៅ​នាទី៥២ និង​នាទី​៧៦ ខណៈ Palace រក​បាន​១​គ្រាប់​នៅ​នាទី​៤៥+១៕

ព័ត៌មាន​កីឡា​ជា​ច្រើន​ទៀត សូម​ចុច៖ ទី​នេះ​កីឡា

ប្រែ​សម្រួល៖ វីរបុត្រ
ប្រភពរូបថត៖ Dailymail

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

ក្រុម​គ្រូពេទ្យ​រក​ឃើញ​អ្នក​វិជ្ជមាន​កូវីដ១៩ ចំនួន២៩នាក់ នៅ​ខណ្ឌ​ឫស្សីកែវ

ព័ត៌មានជាតិ4 hours ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ5 hours ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ5 hours ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ5 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

Sokha Hotels

ព័ត៌មានពេញនិយម

Helistar Cambodia - Helicopter Charter Services