កីឡា
លោក វ៉ាត់ ចំរើន ជំរុញសហព័ន្ធកីឡាជាតិដាក់ផែនការហ្វឹកហាត់តាមផ្ទះ និងកន្លែងសុវត្ថិភាពដល់អត្តពលិករបស់ខ្លួនសម្រាប់ត្រៀមស៊ីហ្គេមនៅវៀតណាម
ភ្នំពេញ ៖ លោក វ៉ាត់ ចំរើន អគ្គលេខាធិការគណៈ កម្មាធិការជាតិអូឡាំពិកកម្ពុជា (NOCC) និងជាអគ្គលេខាធិការគណៈកម្មាធិការជាតិរៀបចំប្រកួតកីឡាអាស៊ីអាគ្នេយ៍លើកទី៣២ឆ្នាំ២០២៣ (CAMSOC)បានជំរុញថ្នាក់ដឹកនាំ និងអគ្គលេខា ធិការសហព័ន្ធកីឡាជាតិទាំង៣៦ប្រភេទ ដែលត្រូវត្រៀមខ្លួនចូលរួមព្រឹត្តិការណ៍ការប្រកួតកីឡា SEA GAMES 2021លើកទី៣១ នៅប្រទេសវៀតណាម បន្តរៀបចំកម្មវិធីហ្វឹកហាត់តាមផ្ទះ និងនៅកន្លែងសុវត្ថិភាពដល់អត្តពលិករបស់ខ្លួននៅក្នុងដំណាក់កាលនៃព្រឹត្តិការណ៍សហគមន៍ ២០កុម្ភៈនេះ។
លោក វ៉ាត់ ចំរើន មានប្រសាសន៍ថា សូមសហ ព័ន្ធនិងគ្រូបង្វឹកក្រុមជម្រើសជាតិទាំងអស់ ប្រុង ប្រយ័ត្នក្នុងការឲ្យកីឡាករ-កីឡាការិនីសម្រាកអសកម្ម ដោយគ្មានលំហាត់កម្លាំងកាយ និងហ្វឹក ហាត់បច្ចេកទេសមូលដ្ឋាននៅផ្ទះ ឬនៅទីកន្លែងសុវត្ថិភាព ឬ រកមធ្យោបាយផ្សេងៗដែលអាចឲ្យហ្វឹកហាត់បាន ត្រូវតែហ្វឹកហាត់ឲ្យសកម្ម ដើម្បីឆ្លើយតបទៅនឹងគណៈកម្មាធិការអូឡាំពិកអន្តរ ជាតិដែលសំណូមពរឲ្យកីឡាករ “Stay strong stay safe stay healthy”។ ប្រយ័ត្នអសកម្មពេក ពេលចូលហាត់វិញ ត្រូវស្តារកម្លាំងបច្ចេកទេសយូរ យ៉ាងតិច ៦ ខែ នោះ SEA Games នៅវៀតណាមជួបបញ្ហាធំ។
លោកអគ្គលេខាធិការបន្ថែមថា គ្រូបង្វឹកសូមជួយដាក់កម្មវិធីរត់ហ្វឹកហាត់តាមទីធ្លាសាធារណរៀងរាល់ថ្ងៃ ដោយមិនត្រូវផ្តេកផ្តួលតាមបរិបទមេរោគCOVID-១៩ ដោយផ្តល់ភាពអសកម្មបានឡើយ។ លោកបញ្ជាក់ថា ”ខ្ញុំបារម្ភខ្លាំង ដោយសារប្រទេសជិតខាង និងក្នុងតំបន់គេ lockdown កន្លែងប្រមូលផ្តុំហ្វឹកហាត់ ដោយធ្វើសកម្មភាពហ្វឹកហាត់យ៉ាងសកម្ម និងទៀងទាត់ ពិសេសកីឡាករសក្តានុពលរបស់គេ ហាត់កាន់តែខ្លាំងក្លាថែមទៀត។
កីឡាករវ៉ូវីណាមម្ចាស់មេដាយមាស ម៉េត សារី បាននិយាយថា ” ទោះបីក្រសួងអប់រំ យុវជន និង កីឡាផ្អាកលេងកីឡាឬហ្វឹកហាត់ជុំគ្នាតាមសហ ព័ន្ធកីឡានីមួយៗក៏ដោយ ក៏ខ្ញុំធ្វើការហ្វឹកហាត់ជា ប្រចាំខ្លួននៅផ្ទះផ្នែកកម្លាំង និងបច្ចេកទេសនានា ចំណែកកីឡាករ-កីឡាការិនីវ៉ូវីណាមជាច្រើននាក់ទៀត ក៏ហ្វឹកហាត់ដូចគ្នាតាមផ្ទះរៀងៗខ្លួនតាមការអំពាវនាវរបស់លោកអគ្គលេខាធិការNOCC”។
កីឡាកររូបនេះបន្តថា ពួកយើងត្រូវការហ្វឹកហាត់ជាប្រចាំ ពីព្រោះកីឡាករ-កីឡាការិនីវ៉ូវីណាមផ្នែកប្រយុទ្ធត្រូវរក្សាគីឡូ(ទម្ងន់)សម្រាប់ការប្រកួតកីឡា SEA GAMES 2021លើកទី៣១ នៅប្រទេសវៀតណាម ប្រសិនបើមិនធ្វើការហ្វឹកហាត់ជាប្រចាំទេនោះ អាចឡើងទម្ងន់មិនអាចចូលរួមប្រកួតបានឡើយ៕
ដោយ ៖ វិសិទ្ធ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ