សហព័ន្ធ​កីឡា​ទ្រី​យ៉ា​ត្លុង​កម្ពុជា​ នឹង​ដាក់​៤​វិញ្ញាសា​ សម្រាប់​ស៊ី​ហ្គេម​ឆ្នាំ២០២១​នេះ​
Connect with us
Helistar Cambodia - Helicopter Charter Services

កីឡា

សហព័ន្ធ​កីឡា​ទ្រី​យ៉ា​ត្លុង​កម្ពុជា​ នឹង​ដាក់​៤​វិញ្ញាសា​ សម្រាប់​ស៊ី​ហ្គេម​ឆ្នាំ២០២១​នេះ​

បានផុស

នៅ

សហព័ន្ធ​កីឡា​ទ្រី​យ៉ា​ត្លុង​កម្ពុជា​ បាន​ប្រកាស​ឲ្យ​ដឹងថា សម្រាប់​ព្រឹត្តិការណ៍​ស៊ី​ហ្គេម​ចុងឆ្នាំ​២០២១ នៅ​ទីក្រុង​ហា​ណូយ​ប្រទេស​វៀតណាម នឹងដាក់​វិញ្ញាសា​ចំនួន ៤ ដើម្បី​ចូលរួម​ប្រកួត ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងិន សុខ​បញ្ញា អគ្គលេខាធិការ​សហព័ន្ធ​កីឡា​ទ្រី​យ៉ា​ត្លុង​កម្ពុជា បាន​ឲ្យ​ដឹងថា វិញ្ញាសា​ចំនួន​៤​ដែល​កម្ពុជា​ត្រៀម​ចូល រួម​ប្រកួត​នេះ រួមមាន​៖ ១-​វិញ្ញាសា​ទ្រី​យ៉ា​ត្លុង​ស្តង់ដារ​អន្តរជាតិ​ចំនួន​២​វិញ្ញាសា​គឺ​បុរស​-​នារី ដែល​ត្រូវ​ហែល​ទឹក​១៥០០ ម៉ែត្រ​-​ជិះ​កង់​៤០​គីឡូម៉ែត្រ និង​បន្ត​រត់ ៥ គីឡូម៉ែត្រ​។ ២-​វិញ្ញាសា​ឌូ​អា​ត្លុង​មាន​២ វិញ្ញាសា​បុរស​-​នារី ដែលមាន​រត់​៥​គីឡូ ម៉ែត្រ និង​ជិះ​កង់​៤០​គីឡូម៉ែត្រ និង​រត់​៥ គីឡូម៉ែត្រ​។ ពាក់ព័ន្ធ​នឹង​ស្ថានភាព​ហ្វឹកហាត់​របស់​ក្រុម​ជម្រើសជាតិ​បច្ចុប្បន្ន អគ្គលេខាធិការ​រូបនេះ បាន​ប្រាប់​ឲ្យ​ដឹងថា ក្នុង​ស្ថានភាព​នៃ​វិបត្តិ​ជំងឺ​កូ​វីដ​១៩ នៃ​ព្រឹត្តិការណ៍​សហគមន៍​២០​កុម្ភៈ បាន​បង្ក​ផលប៉ះពាល់​មិនអាច​ឲ្យ​កីឡាករ កីឡា​ការិ​នី​ប្រមូលផ្តុំ​ការ​ហ្វឹក ហាត់​ជុំគ្នា​បានទេ ហើយ​កីឡាករ កីឡាការិនី​គ្រប់ៗ​រូប បានរៀបចំ​កម្មវិធី​ហ្វឹកហាត់​នៅ​តាម​ផ្ទះ​រៀងៗ​ខ្លួន ដើម្បី​ថែរក្សា​ថាមពល​កម្លាំង និង​គុណភាព​បច្ចេកទេស​កុំ​ឲ្យ​ធ្លាក់​ចុះ​ខ្លាំង​ពេក​។​

ក្រសួង​អប់រំ យុវជន និង​កីឡា ក៏ដូចជា​គណៈកម្មាធិកា​រ​ជាតិ​អូឡាំពិក​កម្ពុជា​តែងតែ​ផ្តល់​ជាការ​លើកទឹកចិត្ត​ធ្វើយ៉ាងណា​ជំរុញ​ឲ្យ​កីឡាករ កីឡាការិនី​ជម្រើសជាតិ​នានា​បង្កើន​ការហ្វឹកហាត់​នៅតាម​ផ្ទះ​នេះ ឲ្យ​បាន​ខ្លាំងក្លា តាម​កម្មវិធី​ដែល​បានរៀបចំ ដើម្បី​ត្រៀម​ស៊ី​ហ្គេម ចុងឆ្នាំ​២០២១​នេះ ពីព្រោះថា​ពេលវេលា​កាន់តែ​កៀក​ហើយ ដែលជា​ក្តីបារម្ភ​យ៉ាងខ្លាំង​ដល់​ការអភិវឌ្ឍ​បច្ចេកទេស​ផងដែរ​។​

លោក ងិន សុ​បញ្ញា បញ្ជាក់ថា បច្ចុប្បន្ន​ក្រុម​ជម្រើសជាតិ​ទ្រី​យ៉ា​ត្លុង​មាន​សរុប​ចំនួន ១៤​នាក់ ក្នុងនោះ​មាន​កីឡាករ​៩​នាក់ និង កីឡាការិនី​៥​នាក់ និង​គ្រូបង្វឹក​៤​នាក់ ក្នុងនោះ​មាន​គ្រូ​បរទេស​ថ្មី​ម្នាក់​ជា​ជនជាតិ​ណូ​វែល​សេ​ឡង់ ដែល​ទើបនឹង​មកជួយ​ដល់​ការ​បង្វឹក​ដល់​ក្រុម​ជម្រើសជាតិ​កម្ពុជា​។​ ពេលនេះ ក្រុម​ជម្រើសជាតិ​ទ្រី​យ៉ា​ត្លុង ​កំពុង​បន្ត​ការហ្វឹកហាត់​នៅតាម​ផ្ទះ​រៀងៗ​ខ្លួន ​ដោយសារ​ស្ថានភាព​វិបត្តិ​ជំងឺ​កូ​វីដ​១៩ នៅតែ​បង្ក​ផល​ប៉ះពាល់​ខ្លាំង​នោះ ទើប​ក្រសួង​អប់រំ យុវជន​និង​កីឡា ប្រកាស​រំសាយ​ការ​ហ្វឹក ហាត់​លក្ខណៈ​ប្រមូលផ្តុំ​ជា​បណ្តោះអាសន្ន។ អ្វីដែល​ចាំបាច់​ក្នុងស្ថានភាព​នេះ គឺ​គ្រូ​បង្វឹក​ជម្រើសជាតិ​បានរៀបចំ​កម្មវិធី​ហ្វឹក ហាត់​ច្បាស់លាស់​ប្រចាំថ្ងៃ​នៅតាម​ផ្ទះ​សិន ដើម្បី​ថែរក្សា​កម្លាំង​កុំ​ឲ្យ​ធ្លាក់ចុះ​ខ្លាំងពេក ហើយ​ការត្រួតពិនិត្យ​ការហ្វឹកហាត់​របស់​កីឡាករ កីឡាការិនី ពី​គ្រូបង្វឹក​ធ្វើឡើង​តាម​ប្រព័ន្ធ​អន​ឡាញ​។​

លោក​អគ្គលេខាធិការ​រូបនេះ​បន្ថែមថា​ ការហ្វឹកហាត់​នៅតាម​ផ្ទះ​នេះ​គ្រាន់តែ​ហ្វឹកហាត់​បណ្តោះអាសន្ន​ប៉ុណ្ណោះ និង​មិនអាច​បង្កើន​គុណភាព​បច្ចេកទេស​ឲ្យ​ល្អ​នោះឡើយ ដោ យ​អាច​ហាត់​លើ​កម្លាំងកាយ​មូលដ្ឋាន រត់​កម្តៅ​សាច់ដុំ ហើយ​ជិះ​កង់​នៅលើ​រ៉ូឡូ​នៅ ផ្ទះ និង​អាច​ចេញ​ហាត់​ជិះ​កត់​នៅតាម​ផ្លូវ​សាធារណៈ​លក្ខ​ណៈ​ឯកត្តជន មិនមាន​ហាត់​ជុំគ្នា​នោះ​ទេ​។ អ្វី​ដែល​បញ្ហា​ប្រឈម​គឺ​ការហាត់​ហែល​ទឹក ពីព្រោះថា​នៅផ្ទះ​មិនមាន​អាង​ហែល​ទឹក​នោះ​ទេ ប៉ុន្តែ​ទោះ​យ៉ាង នេះ​ក្តី ការហាត់​នៅផ្ទះ​ក៏​នឹង​ជួយ​ដល់​ការប្រមូលផ្តុំ​ឡើងវិញ​បាន​ខ្លះៗ​ដែរ ហើយ​បើ​មិន​ហ្វឹកហាត់​សោះ នោះ​នឹង​ជួប​បញ្ហា​ប្រឈម​កាន់តែខ្លាំង ពេល​ប្រមូលផ្តុំ​ហ្វឹកហាត់​ឡើងវិញ​ជាក់​ជាមិនខាន​៕

​អត្ថបទ៖ វិ​សិ​ទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៥ នាទី មុន

កំពង់ផែតម្លៃ១.៥លានដុល្លានឹងជួយលើកស្ទួយសេដ្ឋកិច្ចខេត្តកោះកុង ក្រោយសាងសង់ ចប់នៅឆ្នាំ២០២២

កូវីដ-១៩៥០ នាទី មុន

មួយ​សប្តាហ៍​នេះ​ ករណី​ឆ្លង​ជំងឺ​កូ​វីដ១៩​ថ្មី​នៅ​កម្ពុជា ​មានការ​ថយ​ចុះ​តែ​ករណី​ស្លាប់​បន្ត​កើនឡើង​

កីឡា៥៦ នាទី មុន

៤​ចំណុច​ឆ្ពោះទៅរក​ជ័យជម្នះ​រៀងៗ​រវាង Brandon Vera និង Arjan Bhullar

កូវីដ-១៩១ ម៉ោង មុន

ថ្ងៃនេះ ប្រជាពលរដ្ឋ​រស់​នៅ​ក្នុង​តំបន់​បិទ​ខ្ទប់ ដោយ​ជំងឺ​កូ​វីដ​-១៩ ចំនួន​៥០០០​គ្រួសារ​ទៀត​ទទួលបាន​ស្បៀងអាហារ ពី​អាជ្ញាធរ​រាជធានី​ភ្នំពេញ​

ព័ត៌មានជាតិ១ ម៉ោង មុន

វីដេអូ សិក្សា​ពី​កម្មវិធី “Smart 1,000 Grade 12 Video Collection” បាន​បញ្ចូល​ទៅក្នុង E-learning App របស់​ក្រសួង​អប់រំ​

Sokha Hotels

ព័ត៌មានពេញនិយម

Helistar Cambodia - Helicopter Charter Services