កីឡា
Janet Todd បង្ហាញការតាំងចិត្តឆ្ពោះទៅខ្សែក្រវាត់ទី២
កីឡាការិនីសញ្ជាតិអាមេរិក Janet “JT” Todd ដែលជាម្ចាស់ខ្សែក្រវាត់ឃីកបុកសីងពិភពលោក ONE Atomweight Kickboxing World Champion កំពុងបង្ហាញការតាំងចិត្តយ៉ាងមោះមុតឆ្ពោះទៅរកខ្សែក្រវាត់មួយថៃ ONE Atomweight បន្ទាប់ពីឈ្នះកីឡាការិនីអូស្ត្រាលី Alma Juniku ក្នុងការប្រកួតមួយថៃនៅព្រឹត្តិការណ៍ ONE: FISTS OF FURY III កាលថ្ងៃសុក្រទី ១៩ មីនា កន្លងទៅនៅកីឡដ្ឋាន Singapore Indoor Stadium ប្រទេសសិង្ហបុរី។
Todd បានបង្ហាញការតាំងចិត្តក្រោយទទួលជ័យជម្នះលើ Juniku ថា៖«ការពិត! ខ្ញុំចង់ប្រាប់ដល់អ្នករាល់គ្នាឲ្យច្បាស់ថា ខ្ញុំចង់បានខ្សែក្រវាត់មួយថៃ ONE Atomweight ដូចដែល Stamp ធ្លាប់ធ្វើបានពីរខ្សែកន្លងមក។ ខ្ញុំនឹងខំប្រឹងបន្តទៀត។ ខ្ញុំសង្ឃឹមឡើងជួបម្ចាស់ខ្សែក្រវាត់ និងធ្វើឲ្យការតាំងចិត្តក្លាយជាការពិត»។
យ៉ាងណាក្ដី “JT” មិនចង់ក្លាយជាកីឡាការិនីគ្រងខ្សែក្រវាត់រហូតដល់ ៣ ខ្សែឡើយ។ កីឡាការិនីអាមេរិកគូសបញ្ជាក់យ៉ាងដូច្នេះ៖«ខ្ញុំគិតថា Stamp ចង់បានខ្សែក្រវាត់រហូតដល់ ៣ខ្សែ ។ វាមិនងាយស្រួលទេ។ ប៉ុន្តែ បើសិនគេបានពាក់ខ្សែក្រវាត់ទី៣ គឺពិតជាអស្ចារ្យណាស់»។
Todd សង្កត់ធ្ងន់បែបនេះ «ខ្ញុំបានព្យាយាមហាត់ជឺជិតស៊ូ កាលប៉ុន្មានខែមុន ប៉ុន្តែ មិនមែនជាគោលដៅដែលខ្ញុំចង់បានខ្សែក្រវាត់ក្នុងគុនចម្រុះទេ។ ខ្ញុំគិតថាបេះដូងរបស់ខ្ញុំមិនត្រូវការវា និង មិនបានហ្វឹកហាត់ឲ្យល្អនោះឡើយ»។
ម្ចាស់ខ្សែក្រវាត់ ONE Atomweight នៅតែបង្ហាញជំហរថា «ចិត្តរបស់ខ្ញុំ និងបេះដូងរបស់ខ្ញុំ គឺផ្ដោតតែលើ ឃីកបុកសីង និងមួយថៃតែប៉ុណ្ណោះ»។
JT កំពុងបោះជុំរុំហ្វឹកហាត់ដើម្បីរង់ចាំឱកាសឡើងទៅដណ្ដើមខ្សែក្រវាត់ ONE Atomweight Muay Thai World Champion ពី កីឡាការិនី Allycia Hellen Rodrigues នាពេលខាងមុខ។ កីឡាការិនីប្រេស៊ីល បានគ្រងខ្សែក្រវាត់ ONE Atomweight ក្រោយឈ្នះ Stamp Fairtex នៅព្រឹត្តិការណ៍ ONE: A NEW BREED នាខែ សីហា បន្ទាប់ពីកីឡាការិនីថៃរបូតខ្សែក្រវាត់ ONE Atomweight Kickboxing World Title ទៅកណ្ដាប់ដៃរបស់ JT កាលខែកុម្ភៈ ឆ្នាំ២០២០។
គួរដឹងថា ក្រោយទទួលជ័យជម្នះកាលចុងសប្ដាហ៍កន្លងទៅ Todd កើនកំណត់ត្រាឈ្នះរហូតដល់ ៣៧ ដង និងចាញ់ ១១ ដង (ឃីកបុកសីង និងមួយថៃ)៕
កម្ពុជាថ្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ