លោក ស សុខា ៖ យកចិត្តទុកដាក់​៤​ចំណុច​សម្រាប់​ការ​ប្រមូលផ្តុំ​ក្រុម​ជម្រើសជាតិ និង​ក្រុម​ថ្នាល
Connect with us
Helistar Cambodia - Helicopter Charter Services

កីឡា

លោក ស សុខា ៖ យកចិត្តទុកដាក់​៤​ចំណុច​សម្រាប់​ការ​ប្រមូលផ្តុំ​ក្រុម​ជម្រើសជាតិ និង​ក្រុម​ថ្នាល

បានផុស

នៅ

ភ្នំពេញ ៖ ថ្នាក់ដឹកនាំ​ក្រសួង​អប់រំ យុវជន​និង​កីឡា បាន​លើក​ឡើង​ថា ក្នុងនាម​អាណា​ព្យាបាល​នៃ​សហព័ន្ធ​កីឡា​ជាតិ​ទាំងអស់ យើង​ត្រូវ​យកចិត្តទុកដាក់​ធ្វើ​៤​ចំណុច​ឲ្យ​បាន​ល្អ​បំផុត​ក្នុង​ពេលនេះ​និង​ទៅ​អ​នាគ​ត សម្រាប់​ការងារ​ប្រមូលផ្តុំ​ក្រុម​ជម្រើស ជាតិ​និង​ក្រុម​ថ្នាល​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស សុខា រដ្ឋលេខាធិការ​ក្រសួង​អប់រំ យុវជន និង​កីឡា​បាន​លើក​ឡើង​យ៉ាង​ដូច្នេះ ក្នុង​ពេល​អញ្ជើញ​ដឹកនាំ​កិច្ចប្រជុំ​ស្តីពី ការ​ត្រៀម​ប្រមូលផ្តុំ​ក្នុង​ក្រុម​ជម្រើសជាតិ​និង ក្រុម​ថ្នាល​របស់​មជ្ឈមណ្ឌល​ជាតិ​ហ្វឹកហ្វឺន​កីឡា​នៃ​អគ្គនាយកដ្ឋាន​កីឡា​តាម​ប្រព័ន្ធ​វីដេអូ​Zoom​នា​រសៀល​ថ្ងៃទី​២៩ ខែមីនា ឆ្នាំ​២០២១​នេះ។

ក្នុងនាម​លោក​បណ្ឌិត​សភាចា​រ្យ​ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន​និង កីឡា លោក​ស សុខា បាន​សម្តែង​ការកោតសរសើរ និង​វាយតម្លៃ​ខ្ពស់ ចំពោះ លោក លោកស្រី និង​ផ្នែក​ពាក់ព័ន្ធ​ទាំង អស់ ដែល​បាន​យកចិត្តទុកដាក់ ក្នុង​កិច្ចការងារ​ប្រមូលផ្ដុំ​ក្រុម​ជម្រើសជាតិ និង​ក្រុម​ថ្នាល បើទោះបី​កម្ពុជា​យើង​មាន​បញ្ហា​ប្រឈម​ដោយសារ​ជំងឺ​កូ​វីដ​-១៩ ក្នុង​រយៈ ពេល​ជាង​មួយឆ្នាំ​មកនេះ​យ៉ាងណាក្តី​។

លោក ស សុខា មានប្រសាសន៍ថា ក្រ​សួង​អប់រំ​យុវជន​និង​កីឡា​ក្នុងនាម​អាណាព្យាបាល​នៃ​សហព័ន្ធ​ទាំងអស់ យើង​ត្រូវ​យក ចិត្ត​ទុកដាក់​ធ្វើ​៤ ចំណុច​ឲ្យ​បាន​ល្អ​បំផុត​ក្នុង​ពេលនេះ​និង​ទៅ​អនាគត គឺ​ទី​១-​ដាក់​ផែនការ​ឆ្ពោះទៅ​ស៊ី​ហ្គេម ទី​២- តាមដាន ផែនការ ទី​៣-​បង្កើត​សកម្មភាព​ឲ្យ​សម្រេច​លទ្ធផល​នៅក្នុង​ឆ្នាំ​២០២១ និង​២០២៣ និង​ទី​៤- ធ្វើតេស្ត សមត្ថភាព​កីឡាករ​កីឡា ការិនី​ជាប្រចាំ ។

លោក​បានបញ្ជាក់​បន្ថែម​ថា ដើម្បី​ចូលរួម​ទប់ស្កាត់​ការចម្លង​ជំងឺ​កូ​វីដ​១៩ ក្នុងការ​ហ្វឹកហាត់​លោក​ស្នើ​ឲ្យ​មាន QR Code ទប់ស្កាត់​កូ​វីដ​-១៩ វាស់​កម្ដៅ និង​បាញ់​អាល់កុល ឲ្យ​បាន​ត្រឹមត្រូវ មុននឹង​ហ្វឹក ហាត់ បន្ទាប់ពី​មានការ​អនុញ្ញាត​ឡើងវិញ​របស់​ក្រសួង​អប់រំ យុវជន និង​កីឡា​។ ក្នុង​នោះ ត្រូវធ្វើ​ការ​ជូនដំណឹង​ដល់​អត្ត​ព​លិ​ក​ទាំងអស់ ឲ្យ​កត់ត្រា​កន្លែង ដែល​ខ្លួន​បាន​ទៅជា​ប្រចាំ បើ​ចាំបាច់​បំផុត​ខានមិនបាន​នោះ ត្រូវ​កត់ត្រា​ជា​កំហិត ព្រោះ​បើ​មាន​ករណី​ឆ្លង​កូ​វីដ​-១៩ យើង​អាច​គ្រប់គ្រង​បាន​ទាន់ពេល​។ លោក​បន្ត​ថាបើ​មាន​ម្នាក់​ឆ្លង ឬ​ប៉ះពាល់​ដោយ​ប្រយោល យើង​ត្រូវ​ផ្អាក​ការ​ហ្វឹកហាត់​កន្លែង​នោះ​តែម្ដង ហើយ​ត្រូវ​ចូលរួម​ទប់ស្កាត់ ឲ្យ​ខាង​តែ​បាន​កុំ​ឲ្យ​កូ​វីដ​-១៩​អាក់ដំណើរ​ឆ្ពោះទៅរក​មេដាយ​នៅ​ស៊ី​ហ្គេម​របស់​យើង​រួមគ្នា​បញ្ឈប់​កូ​វីដ​-១៩ កុំ​ឲ្យ​កូ​វីដ​ផ្ដាច់ការ​ហ្វឹកហាត់ និង​ផ្ដាច់​សង្ខារ​របស់​យើង​។​

ដោយ​ស្ថានភាព​ជំងឺ​កូ​វីដ​-១៩ កំពុង​ឆ្លង​រាលដាល​ដល់​ប្រជាពលរដ្ឋ​ខ្មែរ​ជាច្រើន និង​ជា​រៀងរាល់ថ្ងៃ ព្រមទាំង​បាន​សម្លាប់​ជីវិត​ប្រជាពលរដ្ឋ​ជា​បន្តបន្ទាប់ គួរ​ឲ្យ​ព្រួយបារម្ភ​។ ដូច្នេះ​សូម​ពុក​ម៉ែ បងប្អូន​ប្រជា​ពលរដ្ឋ​ទាំងអស់ បង្កើន​ការប្រុងប្រយ័ត្ន​ខ្ពស់ និង​ថែទាំ​សុខភាព​ឲ្យ​បានជា​ប្រចាំ ព្រមទាំង​អនុវត្ត​វិធានការ ៣​ការពារ និង ៣​កុំ ឲ្យ​បាន​ខ្ជាប់ខ្ជួន៕

ដោយ ៖ វិ​សិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤០ នាទី មុន

លោកជំទាវ ម៉ែន សំអន ស្នើឲ្យថ្នាក់ដឹកនាំក្រុងបាវិត ត្រូវបន្តតាមដាន ដើម្បីចូលរួមទប់ស្កាត់ជំងឺកូវីដ ក្នុងពិធីបុណ្យភ្ជុំបិណ្ឌ

ព័ត៌មានជាតិ៥៨ នាទី មុន

រាជរដ្ឋាភិបាល បន្តផ្តល់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះដោយកូវីដ ជុំទី៦ លើកទី៣

ព័ត៌មានជាតិ៤ ម៉ោង មុន

ជំនន់ទឹកភ្លៀង ធ្វើឲ្យប៉ះពាល់ដល់ពលរដ្ឋ ខេត្តបន្ទាយមានជ័យជាង ២ម៉ឺននាក់ និងមានស្លាប់ម្នាក់

ព័ត៌មានជាតិ៤ ម៉ោង មុន

ដំណោះស្រាយ រវាងក្រុមរថយន្តដឹកផ្លែឈើ ជាមួយគយច្រកអន្តរជាតិដូង ត្រូវផ្អែកលើគោលការណ៍ ៣ចំណុច

ព័ត៌មានជាតិ៥ ម៉ោង មុន

ប្រទះឃើញ រោងសង្វៀនប្រជល់មាន់ នៅកណ្តាលព្រៃសហគមន៍ តំបន់ការពារធម្មជាតិ វាលកំបោរ

Sokha Hotels

ព័ត៌មានពេញនិយម

Helistar Cambodia - Helicopter Charter Services