កីឡា

សហព័ន្ធកីឡាវាយសី៖ តាមរយៈការប្រកួតសិស្សមធ្យមសិក្សានេះរកឃើញយុវជនឆ្នើមៗបន្ថែមទៀត

បានផុស

២ ម៉ោង មុន

នៅ

ថ្ងៃអង្គារ ១៧ មិថុនា ២០២៥

ដោយ

ប្រធានសហព័ន្ធកីឡាវាយសីកម្ពុជា បានបញ្ជាក់ថាព្រឹត្តិការណ៍នៃការប្រកួតកីឡាសិស្សមធ្យមសិក្សានេះពិតជាបានជួយដល់សហព័ន្ធរកឃើញយុវជនឆ្នើមៗបន្ថែមទៀតដើម្បីបណ្ដុះបណ្ដាលបង្កើនធនធានឆ្ពោះទៅប្រកួតតំណាងជាតិជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពបិទការប្រកួត

លោក លី កុសល ប្រធានសហព័ន្ធកីឡាវាយសីកម្ពុជាបានឲ្យដឹងថា ការជ្រើសរើសកីឡាករ កីឡាការិនីពីបណ្ដាក្លឹបផ្សេងៗជារឿងមួយ ប៉ុន្តែប្រភពធនធានដែលចេញពីសិស្សសាលានេះក៏ជារឿងសំខាន់ដែលសហព័ន្ធបានពិនិត្យផងដែរ។

លោក លី កុសល

ព្រឹត្តិការណ៍កីឡាសិស្សមធ្យមសិក្សានេះពិតជាធ្វើឲ្យសហព័ន្ធបានរកឃើញកីឡាករ កីឡាការិនីឆ្នើមជាច្រើនទៀតដែលអាចជ្រើសរើសយកបណ្ដុះបណ្ដាលបន្ថែមទៀតពង្រឹងសមត្ថភាពឈានក្លាយជាកីឡាករអាជីពមួយផងដែរ។ សហព័ន្ធពិតជាមានមោទកភាពជាខ្លាំងចំពោះភាពរីកចម្រើនលើប្រភេទកីឡាវាយសីនេះតាមរយៈកំណើនក្លឹបហាត់ និងចំនួនអ្នកលេងសីមកដល់ពេលនេះមានរាប់ពាន់អ្នកហើយ។

ទិដ្ឋភាពបិទការប្រកួត

បញ្ជាក់ដែរថា កីឡាវាយសីក៏បានដាក់បញ្ចូលឲ្យប្រកួតប្រជែងផងដែរក្នុងចំណោម ១៤ប្រភេទកីឡានៃព្រឹត្តិការណ៍កីឡាសិស្សមធ្យមសិក្សា ឆ្នាំ២០២៥ នៅរាជធានីភ្នំពេញនេះ។ ព្រឹត្តិកាណ៍នេះបានបិទបញ្ចប់ទៅហើយកាលពីល្ងាចថ្ងៃទី១៣ ខែមិថុនា ឆ្នាំ២០២៥ នៅពហុកីឡដ្ឋានជាតិ។ ប្រភេទកីឡាវាយសីនេះចំណាត់ថ្នាក់លេខ១ បានលើខេត្តកណ្ដាល ឈ្នះមេដាយសរុប ៤គ្រឿង មាស៣ សំរឹទ្ធ១។ លេខ២ បានលើរាជធានីភ្នំពេញ ឈ្នះមេដាយសរុប ២គ្រឿង មាស១ ប្រាក់១។ លេខ៣ បានលើខេត្តព្រៃវែង ឈ្នះមេដាយសរុប ១គ្រឿង មាស១៕