Connect with us
កាលពីថ្ងៃទី១៧ ខែឧសភា ឆ្នាំ២០២១នេះ ក្រសួងប្រៃសណីយ៍ និងទូរគមនាគមន៍ បានបញ្ជាក់ពីមូលហេតុធំៗ៣យ៉ាង ដែលក្រុមហ៊ុនយូធូប Youtube សម្រេចផ្អាកមិនឱ្យមានការផ្សាយពាណិជ្ជកម្មនៅ លើវីដេអូក្នុងប្រទេសកម្ពុជា រួមទាំងប្រទេសជាង៩០ទៀត។ ការផ្អាកមិនឱ្យមានការផ្សាយពាណិជ្ជកម្មនៅ លើវីដេអូក្នុងប្រទេសកម្ពុជា បានធ្វើឱ្យអ្នកផលិតវីដេអូ ដែលធ្លាប់តែរកលុយបានគួរសម ស្រងាកចិត្ត បាត់មាត់បាត់ក មិនសប្បាយ ដោយសារតែមិនអាចបន្តវីសារកចំណូលពីយូធូបទៀតបាន៕
ក្រុមអ្នកវិទ្យាសាស្រ្តបានលើកឡើងថា វ៉ាក់សាំងកូវីដ មានប្រសិទ្ធភាព៩៧ភាគរយ ប្រឆាំងនឹង វីរុសបំប្លែងខ្លួនឥណ្ឌា។នៅប្រទេសឥណ្ឌា ការសិក្សាបឋមលើបុគ្គលិកថែទាំសុខភាពចំនួន ៣,២៣៥នាក់ ដែលបានចាក់ថ្នាំបង្ការ AstraZeneca បានរកឃើញករណីជំងឺកូវីដ-១៩បញ្ចេញរោគសញ្ញាចំនួន៨៥ករណី ដោយក្នុងនោះមានត្រឹម២នាក់ប៉ុណ្ណោះ ដែលត្រូវបញ្ជូនទៅព្យាបាលនៅមន្ទីរពេទ្យ។ លោកវេជ្ជបណ្ឌិត Anupam Sibal ប្រធានផ្នែកវេជ្ជសាស្ត្រនៃក្រុមនេះ បានប្រាប់កាសែត The Telegraph ថា៖ “ការសិក្សារបស់យើងបានបង្ហាញថា ៩៧,៣៨ភាគរយនៃអ្នកដែលបានចាក់វ៉ាក់សាំង គឺត្រូវបានការពារពីការឆ្លងរោគ ហើយអត្រាព្យាបាលនៅមន្ទីរពេទ្យមានត្រឹមតែ០,០៦ភាគរយប៉ុណ្ណោះ”។ ប្រែសម្រួលដោយ៖ Vann Vann ប្រភព៖ Daily Mail
ក្រសួងធានធានទឹក និងឧតុនិយម ទើបបានជូនដំណឹង នាព្រឹកថ្ងៃទី១៨ ឧសភា ២០២១នេះថា ចាប់ពីថ្ងៃទី ១៩-២៥ ឧសភា ប្រទេសកម្ពុជានឹងទទួលរងនូវឥទ្ធិពលខ្យល់មូសុងនិរតីដ៏ខ្លាំងមួយឈ្មោះ The Strong Monsoon។ អាស្រ័យហេតុនេះ សូមបងប្អូនប្រជាពលរដ្ឋប្រុងប្រយ័ត្នចំពោះ បាតុភូតផ្គរ រន្ទះ និងខ្យល់កន្ត្រាក់៕
ការសិក្សាជាសកលមួយទៅលើការចំណាយពេលធ្វើការច្រើនម៉ោង បានបង្ហាញថា មនុស្ស៧៤៥០០០នាក់បានស្លាប់នៅឆ្នាំ២០១៦ដោយសារជំងឺដាច់សរសៃឈាម និងជំងឺបេះដូង។ នេះបើតាមការរកឃើញរបស់ WHO។ តាមរបាយការណ៍បានរកឃើញទៀតថា មនុស្សរស់នៅក្នុងតំបន់ប្រទេសអាស៊ីអាគ្នេយ៍ និងប៉ាស៊ីហ្វិកខាងលិចទទួលរងធ្ងន់ធ្ងរជាងគេ។ អង្គការសុខភាពពិភពលោកបាននិយាយថា ករណីនេះប្រហែលជារឹតតែធ្ងន់ធ្ងរខ្លាំងឡើងដោយសារវិបត្តិជំងឺកូវីដ-១៩។ ការសិក្សាបានរកឃើញថា ការចំណាយពេលធ្វើការហូតដល់៥៥ម៉ោង ឬច្រើនជាងនេះក្នុងមួយសប្តាហ៍អាចកើតមានហានិភ័យនៃការដាច់សរសៃឈាមដល់ទៅ៣៥% និងមានហានិភ័យនៃការស្លាប់ដោយសារជំងឺគាំងបេះដូងខ្ពស់បំផុត១៥% បើប្រៀបធៀបនឹងអ្នកធ្វើការពី៣៥ម៉ោងទៅ៤០ម៉ោងក្នុងមួយសប្តាហ៍។ ប្រែសម្រួល៖ វីរបុត្រប្រភព៖ BBC
អនុគណៈកម្មការស្រាវជ្រាវជំងឺកូវីដ-១៩ ទើបបានប្រកាសប៉ុន្មានម៉ោងមុននេះថា បុគ្គលិកធ្វើការនៅឱសថស្ថាន អរុណរស្មីថ្មី ដែលមានទីតាំងស្ថិតនៅផ្ទះលេខ 15BE0 ផ្លូវលេខ ២៨៤ សង្កាត់អូឡាំពិក ខណ្ឌចំការមន ពិនិត្យឃើញវិជ្ជមានកូវីដ-១៩។ អាស្រ័យហេតុនេះ សូមបងប្អូនដែលធ្លាប់បានចេញចូលទិញថ្នាំ និងជួបប្រាស្រ័យទាក់ទងផ្ទាល់ ឬប្រយោលជាមួយបុគ្គលិកក្នុងឱសថស្ថានខាងលើ ចាប់ពីថ្ងៃទី ៧ ដល់ថ្ងៃទី ១៥ ខែឧសភា ឆ្នាំ២០២១ សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤...
បន្ទាប់ពីសាងភ្នួសអស់រយៈពេល ជិត ២ខែ ដើម្បីស្វែងរកភាពស្ងប់ស្ងាត់ សងគុណអ្នកមានគុណ និងលាងបាបកម្ម នាពេលកន្លងមក ថ្ងៃនេះ ព្រះតេជគុណ ឌួង ឆាយ បានសម្រេចលាចាកសិក្ខាបទហើយនាថ្ងៃទី១៧ ខែឧសភា ២០២១នេះ។ «ព្រះករុណា ខ្ញុំបាទ ឌួង ឆាយ បានលាចាកសិក្ខាបទមកជាឃរាវាសវិញហើយទាំងក្តីអាឡោះអាល័យជាទីបំផុត។ សូមអរព្រះគុណ និងអរគុណចំពោះព្រះគុណម្ចាស់គ្រប់ព្រះអង្គ លោកយាយ លោកតា ពូមីង ពុកម៉ែ បងប្អូនទាំងឡាយ...
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញសេចក្តីសម្រេច ស្តីពីការបង្កើតក្រុមការងារអន្តរក្រសួង ដើម្បីសិក្សា រៀបចំលិខិតបទដ្ឋានគតិយុត្ត សម្រាប់ការគ្រប់គ្រងឧកញ៉ា ការផ្តល់គោរមងារឧកញ៉ា និងការដកហូតគោរមងារឧកញ៉ា។