សេចក្ដីប្រកាសព័ត៌មានសង្កត់ធ្ងន់ថា៖«ថវិកាចំនួន ៩៥ ៤៨០ ០០០ រៀល នេះ ទទួលបានពីការចូលរួមបរិច្ចាគប្រចាំឆ្នាំ និងដោយស្ម័គ្រចិត្ត ក្នុងស្មារតី “ខ្មែរជួយខ្មែរ”ពីសំណាក់នាយទាហាន នាយទាហានរង និងពលទាហានចំនួន ១ ៥៤៦ នាក់ ដើម្បីរួមគ្នានាំភាពញញឹម និងក្តីសង្ឃឹមដល់ទារក និងកុមារ ដែលជាអនាគតដ៏ភ្លឺស្វាងរបស់កម្ពុជា។»។

មូលនិធិគន្ធបុប្ផាកម្ពុជា ថ្លែងអំណរគុណយ៉ាងជ្រាលជ្រៅជូន នាយទាហាន នាយទាហានរង និងពលទាហានទាំងអស់ នៃបញ្ជាការដ្ឋានកងទ័ពជើងអាកាស ក្រោមការដឹកនាំរបស់ឯកឧត្ដមនាយឧត្ដមសេនីយ៍ សឹង សំណាង ចំពោះការចូលរួមដឹកនាំចលនាកៀរគរថវិកាបរិច្ចាគ ជូនមូលនិធិគន្ធបុប្ផាកម្ពុជា ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ក្នុងបេសកកម្មផ្ដល់សេវាពិនិត្យ និងព្យាបាលទារក និងកុមារ ព្រមទាំងស្ត្រីមានផ្ទៃពោះ ដោយឥតគិតថ្លៃ ប្រកបដោយគុណភាព និងមិនមានការរើសអើង ។

សូមចូលរួមបរិច្ចាគតាមរយៈតំណនេះ ៖  https://epayment.acledabank.com.kh/wRx1Z4Gzqzi8zMDq/pay

លេខទំនាក់ទំនង ៖

061 701 111

010 543 666

The post មូលនិធិគន្ធបុប្ផាកម្ពុជាទទួលបានថវិកាបរិច្ចាគជាង៩៥លានរៀលពីបញ្ជាការដ្ឋានកងទ័ពជើងអាកាស appeared first on Kampuchea Thmey Daily.

ពិពរណ៍យន្តហោះ និងបច្ចេកវិទ្យា គឺជាព្រឹត្តិការណ៍ដ៏អស្ចារ្យ មានតែមួយគត់ក្នុងប្រទេសកម្ពុជា ជាព្រឹត្តិការណ៍ដាក់តាំងបង្ហាញប្រភេទយន្តហោះផ្សេងៗ និងការប្រកួតស្នាដៃបច្ចេកវិទ្យាប្លែកៗ ជាមួយគំនិតច្នៃប្រឌិតឥតដែនកំណត់របស់យុវជនកម្ពុជា។

ដើម្បីធានាថាការវិលត្រឡប់មកសារជាថ្មី នៃ ព្រឹត្តិការណ៍ ពិព័រណ៍យន្តហោះ និងបច្ចេកវិទ្យា (Air & Tech Show) ឆ្នាំ២០២៤ នេះ នឹងកាន់តែធំ កាន់តែអស្ចារ្យ និងកាន់តែពិសេសជាងមុនទ្វេដង និងដើម្បីឱ្យការរៀបចំបានរលូន និងជោគជ័យ ថ្នាក់ដឹកនាំ នៃព្រឹត្តិការណ៍ដ៏ធំមួយនេះ ព្រមទាំងក្រុមការងារពាក់ព័ន្ធសំខាន់ៗ បានរៀបចំកិច្ចប្រជុំត្រៀមលក្ខណៈជាច្រើនដងរួចមកហើយ។

ក្នុងឆ្នាំ២០២៤នេះ ក្រុមការងាររៀបចំការប្រកួត នាំមកនូវវិញ្ញាសាជាច្រេីន រួមមាន៖ ការប្រកួតមនុស្សយន្ត ការប្រកួតយន្តហោះបញ្ជា ការប្រកួតរ៉ូបូតចម្បាំង និងការប្រកួតប្រណាំងដ្រូន។

គួរឱ្យដឹងថា ព្រឹត្តិការណ៍ ពិព័រណ៍យន្តហោះ និងបច្ចេកវិទ្យា (Air & Tech Show) ធ្លាប់ធ្វើឡើងចំនួន ៣លើករួចមកហើយ ពោលគឺក្នុងឆ្នាំ២០១៨ ឆ្នាំ២០១៩ និងឆ្នាំ២០២១ ដោយទទួលបានការគាំទ្រយ៉ាងខ្លាំងពីសាធារណជន សិស្សានុសិស្ស យុវជន និងប្រជាជនកម្ពុជា៕

The post ពិព័រណ៍យន្តហោះ និងបច្ចេកវិទ្យា២០២៤ នឹងធ្វើឡើងពីថ្ងៃ ១៣-១៥ ខែធ្នូ នៅទ័ពអាកាសពោធិចិនតុង appeared first on Kampuchea Thmey Daily.

បើតាមអ្នកនាំពាក្យក្រសួងការពារជាតិកម្ពុជា សន្និសីទនេះ ប្រព្រឹត្តទៅក្រោមប្រធានបទ៖ «ការលើកកម្ពស់ការចែករំលែកព័ត៌មាន និងកិច្ចសហប្រតិបត្តិការយ៉ាងស្អិតរមួតក្នុងចំណោមកងកម្លាំងអាកាសអាស៊ាន ដើម្បីសន្តិភាព និងការអភិវឌ្ឍ» ហើយសន្និសីទលើកទី២១ មានគោលបំណងជំរុញការផ្លាស់ប្តូរយន្តការព័ត៌មានក្នុងចំណោមកម្លាំងអាកាសនៃប្រទេសសមាជិកអាស៊ាន។ អ្នកនាំពាក្យ បានបន្តថា សន្និសីទមេបញ្ជាការកងទ័ពជើងអាកាសអាស៊ានលើកទី២១ នឹងធ្វើឱ្យមានភាពរស់រវើកឡើងវិញនូវវេទិកាចែករំលែកព័ត៌មានដែលមានស្រាប់ ដូចជា គេហទំព័ររបស់កងកម្លាំងអាកាសអាស៊ាន និងការបញ្ចូលនីតិវិធីប្រតិបត្តិការស្តង់ដារ (SOP) សម្រាប់ជំនួយមនុស្សធម៌ និងជំនួយសង្គ្រោះគ្រោះមហន្តរាយ (HADR) នៅក្នុងការបណ្តុះបណ្តាល និងលំហាត់រួមគ្នាទូទាំងអាស៊ាន។

នាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ បានឱ្យដឹងថា ចាប់តាំងពីការបង្កើតឡើងមក សន្និសីទមេបញ្ជាការកងទ័ពជើងអាកាសអាស៊ាន បានចូលរួមចំណែកយ៉ាងសំខាន់ដល់កិច្ចសហប្រតិបត្តិការការពារជាតិអាស៊ានកាន់តែទូលំទូលាយ ដោយដើរតួនាទីយ៉ាងសំខាន់ក្នុងការលើកកម្ពស់សន្តិភាព ការអភិវឌ្ឍ ជំរុញការបង្កើនសមាហរណកម្ម និងភាពជាដៃគូក្នុងចំណោមកងទ័ពអាកាស AMS។ AACC ក៏បម្រើជាវេទិកាដ៏មានតម្លៃសម្រាប់ប្រធានអាកាស នៅក្នុងតំបន់អាស៊ីអាគ្នេយ៍ក្នុងការប្រជុំជាទៀងទាត់ និងដោយចេតនាលើបញ្ហាដែលមានផលប្រយោជន៍រួម។

កម្ពុជា មានមោទនភាពយ៉ាងខ្លាំងដែលអាចចូលរួមចំណែកក្នុងកិច្ចខិតខំប្រឹងប្រែងក្នុងតំបន់ឆ្ពោះទៅរកការរក្សាសន្តិភាព និងសន្តិសុខក្នុងតំបន់ ចាប់តាំងពីថ្ងៃដំបូងនៃសមាជិកភាពអាស៊ានរបស់ខ្លួន។ ក្នុងរយៈពេលប៉ុន្មានឆ្នាំមកនេះ កម្ពុជាបានរួមចំណែកយ៉ាងសកម្ម និងយ៉ាងសំខាន់ដល់កិច្ចសហប្រតិបត្តិការរបស់អាស៊ានលើគ្រប់វិស័យ។ ជាការបន្ថែមរបស់នាយឧត្តមសេនីយ៍ ឈុំ សុជាត។

ការកោះប្រជុំនៃសន្និសីទមេបញ្ជាការកងទ័ពជើងអាកាសអាស៊ាន AACC លើកទី២១នេះ ជាឧទាហរណ៍ពីការប្តេជ្ញាចិត្តរបស់កងយោធពលខេមរភូមិន្ទ ក្នុងការជំរុញកិច្ចសហប្រតិបត្តិការជាក់ស្តែង និងសន្តិភាពប្រកបដោយនិរន្តរភាពផងដែរ៕

The post កម្ពុជាធ្វើជាម្ចាស់ផ្ទះសន្និសីទមេបញ្ជាការកងទ័ពជើងអាកាសអាស៊ាន ដើម្បីលើកកម្ពស់សន្តិភាពតំបន់ appeared first on Kampuchea Thmey Daily.

ការបដិសេធនេះកើតឡើង បន្ទាប់ពីសមាគមប្រជាជាតិអាស៊ីអាគ្នេយ៍ (អាស៊ាន) ក៏ចោទប្រកាន់យោធាកាលពីសប្តាហ៍មុនផងដែរថា មិនអើពើនឹងផែនការសន្តិភាពដែលបានព្រមព្រៀងជាមួយប្លុក ដើម្បីបញ្ចប់អំពើហិង្សា។

មីយ៉ាន់ម៉ានៅតែជាសមាជិកអាស៊ាន ប៉ុន្តែមេដឹកនាំយោធារបស់ខ្លួន ត្រូវបានដកចេញពីកិច្ចប្រជុំកំពូល ចាប់តាំងពីការចូលកាន់តំណែង។

ប្រមុខកងកម្លាំងដែនអាកាសនៃប្លុក១០ប្រទេស បានជួបប្រជុំគ្នាជារៀងរាល់ឆ្នាំ ដើម្បីពិភាក្សាអំពីកិច្ចសហប្រតិបត្តិការក្នុងវិស័យការពារជាតិ ការប្រយុទ្ធប្រឆាំងនឹងក្រុមជ្រុលនិយម និងការសង្គ្រោះគ្រោះមហន្តរាយ។

ឆ្នាំនេះ ប្រទេសមីយ៉ាន់ម៉ាត្រូវធ្វើជាម្ចាស់ផ្ទះ ខណៈការជួបជុំបានចាប់ផ្តើមតាំងតែងពីថ្ងៃពុធ ទី១៣ខែកញ្ញា និងបញ្ចប់ទៅវិញនៅថ្ងៃសុក្ រទី១៥ ខែកញ្ញា ហើយបន្ទាប់ពីមីយ៉ាន់ម៉ា កិច្ចប្រជុំនេះ នឹងត្រូវធ្វើឡើងនៅប្រទេសកម្ពុជាវិញម្តងក្នុងឆ្នាំ២០២៤ ។

ទោះបីជាយ៉ាងណាក៏ដោយ មេទ័ពអាកាសនៃប្រទេសឥណ្ឌូណេស៊ី ម៉ាឡេស៊ី ហ្វីលីពីន និងសិង្ហបុរី មិនបានធ្វើដំណើរទៅចូលរួមកិច្ចប្រជុំនោះទេ។ ដោយឡែក មេទ័ពអាកាសមកពីប្រទេសកម្ពុជា ព្រុយណេ ឡាវ ថៃ និងវៀតណាម បានទៅដល់រដ្ឋធានី ណៃពិដោ តាំងតែពីថ្ងៃអង្គារទី១២ខែកញ្ញាមកម្ល៉េះ ៕

ប្រែសម្រួល៖ Vann Vann

ប្រភព៖ CNA

ចុចអាន៖ ឥណ្ឌូណេស៊ី សង្ឃឹមថា អាស៊ាន នឹងមិនក្លាយជាចំណាប់ខ្មាំង ដោយសារតែ​វិបត្តិ មីយ៉ាន់ម៉ា នោះទេ

The post មេទ័ពអាកាសអាស៊ាន៤ប្រទេស មិនចូលរួមសន្និសីទនៅមីយ៉ាន់ម៉ា ខណៈឆ្នាំក្រោយ កម្ពុជា នឹងរៀបចំកិច្ចប្រជុំនេះ វិញម្តង appeared first on Kampuchea Thmey Daily.

យោងតាមការបញ្ជាក់របស់កងទ័ពអាកាសថៃថា សមយុទ្ធរួមគ្នានេះ ក្នុងគោលបំណងដើម្បីពង្រឹងទំនាក់ទំនង និងជំរុញការយល់ដឹងឱ្យកាន់តែប្រសើរឡើងរវាងកងទ័ពអាកាសនៃប្រទេសទាំងពីរ ដែលជាមូលដ្ឋានគ្រឹះនៃកិច្ចសហប្រតិបត្តិការក្នុងការរក្សាសន្តិភាព និងសន្តិសុខក្នុងតំបន់ ក៏ដូចជាអភិវឌ្ឍន៍សមត្ថភាព និងបង្កើនប្រសិទ្ធភាពខាងអាកាសចរណ៍ រវាងកងទ័ពអាកាសថៃ និងកងទ័ពអាកាសចិន ព្រមទាំងតភ្ជាប់ទំនាក់ទំនង និងសាមគ្គីភាពចំពោះកងទ័ពគ្រប់លំដាប់ថ្នាក់នៃប្រទេសទាំងពីរឱ្យកាន់តែជិតស្និទ្ធថែមទៀត។

យោងតាមទីភ្នាក់ងារសារព័ត៌មាន Reuters បានរាយការណ៍ថា សមយុទ្ធនេះបានកើតឡើងខណៈពេលដែលទំនាក់ទំនងរវាងសហរដ្ឋអាមេរិក និងចិន និងតៃវ៉ាន់ កំពុងឡើងកម្ដៅ ដោយនិយាយថា ប្រទេសថៃគឺជាសម្ព័ន្ធមិត្តដែលមានទំនាក់ទំនងដ៏យូរអង្វែងជាមួយសហរដ្ឋអាមេរិក ប៉ុន្តែក្នុងរយៈពេលចុងក្រោយនេះមានការព្យាយាមពង្រឹងទំនាក់ទំនងជាមួយចិន ដោយមានរបាយការណ៍អំពីលទ្ធកម្មការពារជាតិជាញឹកញាប់ពីប្រទេសចិន។

Reuters នៅបាននិយាយថា កងទ័ពអាកាសថៃគឺជាកងទ័ពអាកាសមួយដែលមានឧបករណ៍ពេញលេញបំផុតនៅអាស៊ីអាគ្នេយ៍ ហើយកំពុងព្យាយាមបញ្ជាទិញយន្តហោះចម្បាំង F-35 ពីក្រុមហ៊ុន Lockheed Martin Corp ដើម្បីជំនួសយន្តហោះ F-16 ចាស់ៗមួយចំនួន។

ប្រភពពីកងទ័ពអាកាសថៃម្នាក់សុំមិនបញ្ចេញឈ្មោះបាននិយាយថា ប្រទេសថៃនឹងមិនប្រើប្រាស់យន្ត F-16 ក្នុងក្នុងការធ្វើសមយុទ្ធរួមគ្នាជាមួយចិននេះទេ ប៉ុន្តែជំនួសមកវិញដោយប្រើប្រាស់យន្តហោះចម្បាំង Saab JAS-39 “Gripen” និង Alpha Jet របស់អាល្លឺម៉ង់ជំនួសវិញ៕

ប្រែសម្រួល៖ គង់ សំអាន

ប្រភព៖ pptvhd

ចុចអាន៖ លោក Zelensky ប្រាប់ឲ្យមន្ត្រី ឈប់និយាយអំពីយុទ្ធសាស្ត្រយោធារបស់ អ៊ុយក្រែន ជាមួយអ្នកសារព័ត៌មាន 

The post កងទ័ពអាកាសថៃ និងចិន នឹងធ្វើសមយុទ្ធរួមគ្នា នៅ ២ថ្ងៃខាងមុខនេះ appeared first on Kampuchea Thmey Daily.

បើតាមសម្ដេចតេជោ ហ៊ុន សែន ​កន្លងមក សម្ដេចធ្លាប់​​បានលើកឡើងពីការប្រើប្រាស់ “សំណាញ់​​មេឃ”។ ប៉ុន្តែ​អ្នក​មិនយល់មួយចំនួន ស្ដាប់អត្ថន័យ​មិនបាន ហើយ​ការលើកឡើងនេះ ដោយសារតែ​មានការលើកឡើងមួយចំនួនថា កម្ពុជាខ្វះយន្តហោះមិច និងនា​វា​មុជទឹកជាដើម។ ​សម្ដេចបានបញ្ជាក់ថា «យន្តហោះមិចនេះ​ យើងមិនប្រើទេ ពីព្រោះនៅ​ក្នុងអតីតរដ្ឋកម្ពុជាកម្ពុជា យើងមានយន្តហោះមិចនេះ រាប់រាប់សិបគ្រឿង ហើយ​ក្នុងមួយឆ្នាំៗ ត្រូវចំណាយចិញ្ចឹមចំនួន​ ៣៦០តោន​ (ក្នុងយន្តហោះ ១គ្រឿង) សម្រាប់ហ្វឹកហាត់ពីឡុត»​។

សម្តេចតេជោ បានអះអាងថា កម្ពុជាមិនមាន​ការចាំបាច់ ​ក្នុងការប្រើប្រាស់យន្តហោះមិចនេះទេ ហើយចង់ប្រើប្រាស់ “សំណាញ់មេឃ”​ វិញ ដែល​និយមន័យ​សំណាញ់មេឃ​ ​នៅក្នុងពេលនេះ បានសេចក្តីថា “កម្លាំងការពារអាកាស ​​ដែលទៅពីខាងក្រោម”។​ តែ​មានមនុស្សខ្លះ​នៅតែមិនយល់ ហើយមិនព្រម​ស្វែងយល់អ្វីទៅ​ដែលគេចង់និយាយ។​

សម្ដេចតេជោ ហ៊ុន សែន​ បានឲ្យដឹងទៀតថា «ឥឡូវខ្ញុំនិយាយ​ឲ្យច្បាស់ ខ្ញុំទើបតែចុះហត្ថលេខាលើ​អនុក្រឹត្យក្រឹត្យ​បង្កើត ឲ្យរើសកងទ័ពចំនួន​ជាង ៣០០នាក់ សម្រាប់បំពេញបន្ថែម​ឲ្យផ្នែកការ​ពារ​អាកាស។ កម្ពុជា​ អត់ត្រូវការចាំបាច់រកយន្តហោះ ទៅបាញ់​គ្នាលើអាកាសនោះទេ គឺត្រូវការ​តែ​កម្លាំង​ការពារអាកាស ដែលហៅថា “សំណាញ់មេឃ” ប៉ុណ្ណោះ»៕ ​

អត្ថបទ៖ កោះកែវ

The post សម្ដេចតេជោ អនុញ្ញាតឲ្យជ្រើសរើសកងទ័ព​ជាង ៣០០នាក់ ​សម្រាប់បំពេញបន្ថែមផ្នែកការពារដែនអាកាស​ appeared first on Kampuchea Thmey Daily.

រូបថតដែលចេញផ្សាយកាលពីថ្ងៃអង្គារ បានបង្ហាញពីក្រុមសកម្មប្រយុទ្ធនេះ អង្គុយថតរូបនៅក្នុងកាប៊ីនយន្ដហោះរបស់កងទ័ពអាកាសអាហ្វហ្គានីស្ថាន ដែលធ្លាប់ត្រូវបានប្រើប្រាស់ប្រឆាំងនឹងពួកគេ។

យន្តហោះទាំងនេះ ត្រូវបានទុកចោលរួមជាមួយសព្វាវុធនិងយានយោធាអាមេរិកមួយចំនួនធំ។ កន្លងមក កងទ័ពអាកាសអាហ្វហ្គានីស្ថាន បានហ្វឹកហាត់ជាមួយក្រុមចម្រុះដឹកនាំដោយអាមេរិកប៉ុន្តែបច្ចុប្បន្ន របស់ទាំងនោះបានធ្លាក់ដល់ដៃក្រុមតាលីបង់ ដែលធ្វើឲ្យពេលនេះ ពួកគេមានកងទ័ពអាកាសដោយខ្លួនឯង។

រូបថតផ្សេងទៀត ក៏បង្ហាញពីយុទ្ធជនតាលីបង់ ដើរជុំវិញហើយសម្លឹងមើលឧបករណ៍ដែលបន្សល់ទុកផងដែរ។

យោធាអាមេរិក កងទ័ពអាកាសអាហ្វហ្គានីស្ថាននិងកងយោធារបស់ប្រទេសដទៃទៀត បានបន្សល់ទុកនូវឧបករណ៍ដែលបច្ចុប្បន្នក្រុមតាលីបង់អាចយកប្រើប្រាស់បាន។

ទោះបីជាយ៉ាងណាក៏ដោយ ឧត្តមសេនីយ៍អាមេរិកម្នាក់បាននិយាយកាលពីថ្ងៃចន្ទថា យោធាអាមេរិក បានប្រែក្លាយយានយន្តនិងយន្តហោះជាង ១៥០ គ្រឿងឲ្យប្រើការលែងកើតជាអចិន្ត្រៃយ៍នៅពេលចាកចេញ ដូច្នេះក្រុមតាលីបង់មិនអាចយកទៅធ្វើអ្វីបានទេ។

ប៉ុន្តែក្រុមតាលីបង់ បានគ្រប់គ្រងអាវុធរបស់អាមេរិកជាច្រើន ខណៈអាមេរិកបានចំណាយប្រាក់រាប់ពាន់លានដុល្លារដើម្បីបំពាក់អាវុធដល់យោធាអាហ្វហ្គានីស្ថាន៕

ប្រែសម្រួល៖ Vann Vann

ប្រភព៖ Business Insider

ចុចអាន៖ ក្រុមតាលីបង់ ចាប់រំលោភនិងធ្វើបាប សូម្បីបុរសភេទទី៣

The post ដោយសារអាមេរិក ពេលនេះក្រុមតាលីបង់ មានកងទ័ពអាកាសផ្ទាល់ខ្លួន appeared first on Kampuchea Thmey Daily.

កិច្ចប្រជុំនេះបានធ្វើឡើងនៅទីស្នាក់ការកណ្តាលរបស់គណបក្សកាន់អំណាចកាលពីថ្ងៃពុធ ។

ទីភ្នាក់ងារសារព័ត៌មាន KCNA បាននិយាយថា “កិច្ចប្រជុំនេះសំដៅទៅលើចំណុចខ្វះខាតជាបន្តបន្ទាប់ដែលបានបង្ហាញនៅក្នុងសកម្មភាពយោធា នយោបាយ និងសីលធម៌រស់នៅរបស់មន្ដ្រីយោធាមេទ័ពប្រជាជនកូរ៉េ (KPA) ហើយក៏បានពិភាក្សាជាចម្បងអំពីបញ្ហានៃការបង្កើតវិន័យសីលធម៌បដិវត្តយ៉ាងហ្មត់ចត់នៅក្នុង KPA ផងដែរ” ។

លោក គីម បានថ្លែងថា វិន័យមានសារៈសំខាន់ណាស់ចំពោះកងទ័ព KPA ដោយកត់សម្គាល់ពីតម្រូវការ “ការអប់រំ និងការគ្រប់គ្រង” ដើម្បីធានាថា មេទ័ពមានមនសិការនយោបាយ និងការជឿជាក់ខាងសីលធម៌ត្រឹមត្រូវ ។

គណៈកម្មការយោធាកណ្តាលបានតែងតាំងលោក Kim Song Gil ជាមេបញ្ជាការកងទ័ពជើងទឹក និងមានឋានៈជាអនុឧត្តមនាវី ខណៈលោក Kim Chung Il ត្រូវបានតែងតាំងជាមេបញ្ជាការកងទ័ពអាកាស និងជាកងកម្លាំងប្រឆាំងដែនអាកាស ឋានៈជាឧត្តមសេនីយ៍ឯក ។

ទីភ្នាក់ងារព័ត៌មានមិនបានបញ្ជាក់ពីមុខតំណែងពីមុនរបស់ពួកគេទេដោយគ្រាន់តែហៅពួកគេថាជា “សមមិត្ត” ។ យោងតាមការចុះផ្សាយរបស់សារព័ត៌មានកូរ៉េខាងត្បូងបានឲ្យដឹងថា ប្រជាជនទាំងនេះមិនស្គាល់ប្រព័ន្ធផ្សព្វផ្សាយទេ ហើយអាចចាត់ទុកថាជា “មុខមាត់ថ្មី” ។

ទន្ទឹមនោះនាយទាហានរាប់សិបនាក់ក៏ត្រូវបានតំឡើងឋានៈជាឧត្តមសេនីយ៍ឯក និងឧត្តមសេនីយផងដែរ ។

ប្រព័ន្ធផ្សព្វផ្សាយកូរ៉េខាងត្បូងសង្កត់ធ្ងន់ថា ការតំឡើងឋានៈដល់មេបញ្ជាការវ័យក្មេងដែលមិនមែនជាមេដឹកនាំយោធាចាស់ទុំអាចជា “ការផ្លាស់ប្តូរសករាជថ្មី” ដើម្បីកម្ចាត់អំពើពុករលួយនៅក្នុងជួរកងទ័ព និងកែលម្អសីលធម៌ និងវិន័យ ។

ប្រព័ន្ធផ្សព្វផ្សាយព័ត៌មានក៏បានលើកឡើងផងដែរថា ការរុះរើកងទ័ពអាកាស និងបញ្ជាការដ្ឋានកងទ័ពជើងទឹកគឺទាក់ទងទៅនឹងការពង្រឹងសន្តិសុខតាមព្រំដែន បន្ទាប់ពីឧប្បត្តិហេតុឆ្នាំ ២០២០ នៅពេលដែលមន្រ្តីជលផលកូរ៉េខាងត្បូងម្នាក់បានហែលចូលដែនទឹករបស់កូរ៉េខាងជើង ហើយត្រូវបានបាញ់សម្លាប់ដោយយោធា ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លេចមុខភរិយាលោក គីម ជុងអ៊ុន ជាសាធារណៈ ក្រោយបាត់់មួយឆ្នាំ (មានវីដេអូ)

ចុចអាន ៖ លោក គីម ជុងអ៊ុន លេងខ្លាំងៗលើភាពអសកម្មរបស់ទីភ្នាក់ងារសេដ្ឋកិច្ច

The post ផ្លាស់ប្ដូរសករាជថ្មី គីម ជុងអ៊ុន តែងតាំងមេបញ្ជាការវ័យក្មេងក្នុងជួរកងទ័ពជើងទឹក និងអាកាស appeared first on Kampuchea Thmey Daily.