កញ្ញា ងិន ម៉ារ៉ាឌី Archives - Kampuchea Thmey Daily

ងិន ម៉ារ៉ាឌី ទម្លាយសារសុំទោសរបស់ ហង្ស ម៉ានីតា

អ៊ិន ពិសី — Wed, 18 Jan 2023 02:59:22 +0000

បវរកញ្ញាដែលជារៀមច្បង គឺ កញ្ញា ងិន ម៉ារ៉ាឌី បានបញ្ចេញសារសុំទោសរបស់បវរកញ្ញា ហង្ស ម៉ានីតា ដែលទើបតែចូលរួមប្រឡងសម្រស់នៅលើឆាកអន្តរជាតិកាលពីប៉ុន្មានថ្ងៃកន្លងទៅនេះ ដោយមិនអាចទទួលបានលទ្ធផលចូលទៅក្នុង Top16។

ជាការពិតណាស់មហាជន និងអ្នកគាំទ្រ ក៏បានបង្ហាញការចូលរួមសោកស្ដាយគ្រប់គ្នា ខណៈបវរកញ្ញាកម្ពុជា កញ្ញា ហង្ស ម៉ានីតា ពុំអាចចូលទៅក្នុង Top16 នៃការប្រកួត Miss Universe2022 លើកទី ៧១ លើទឹកដីសហរដ្ឋអាមេរិក។ ប៉ុន្តែនាងនៅតែទទួលបានការលើកទឹកចិត្តពីអ្នកគាំទ្រជាច្រើន។ ចំណែកកញ្ញា ងិន ម៉ារ៉ាឌី ដែលជារៀមច្បងក៏បង្ហាញការលើកទឹកចិត្ត និងគាំទ្រនាងផងដែរ ទោះបីមិនបានលទ្ធផលល្អក្ដី។

កញ្ញា ងិន ម៉ារ៉ាឌី ក្រៅពីការលើកទឹកចិត្ត ក្នុងនោះនាងក៏បានទម្លាយសារសុំទោសពីសំណាក់កញ្ញា ហង្ស ម៉ានីតា ដោយនាងសរសេរភ្ជាប់ខ្លឹមសារថា នឹកឃើញកាលខ្លួនឯងប្រឡងយល់អារម្មណ៍ហ្នឹងច្បាស់។

Manita ធ្វើបានល្អបំផុតហើយ ម៉ានីតា ឈ្នះក្នុងបេះដូងពួកយើងទាំងអស់គ្នា,all Cambodian really proud of you . You did great my queen។

ជាមួយគ្នានេះដែរ មានអ្នកគាំទ្រមួយចំនួនបានលើកឡើងដោយស្នើឲ្យមានការរៀបចំឈ្មោះកញ្ញា ហង្ស ម៉ានីតា ក្នុងការចេញទៅប្រកួតនាឆ្នាំក្រោយទៀតផងដែរ។ មតិបានលើកឡើងថា ចង់ឲ្យ ២០២៣ មិនបាច់រៀបចំការប្រកួត miss universe ហើយចង់ឲ្យបញ្ជូន ម៉ានីតា ទៅមួយឆ្នាំទៀត តែមិនអាច។ សមត្ថភាពប្រហែល Manita ហើយមិនបានចូល Top ទៀត ប្រហែលត្រូវឲ្យទេវតាទៅប្រកួតម្ដងទេ យ៉ាងណាវិញក៏ស្រលាញ់ queen Manita forever។

គួរបញ្ជាក់ដែរថា ថ្វីត្បិត ហង្ស ម៉ានីតា មិនអាចចូលទៅក្នុង Top16 នៃការប្រកួត Miss Universe2022 ក៏ពិតមែន តែសម្រាប់នាងនៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាដែលនាងបាននាំយកឈុតតំណាងជាតិទៅបង្ហាញលើឆាកអន្តរជាតិ ដើម្បីឲ្យពិភពលោកបានស្គាល់កាន់តែច្បាស់នូវអរិយធម៌វប្បធម៌ពីបុព្វកាលរបស់ដូនតាយើងបានបន្សល់ទុក៕

អត្ថបទ ៖ ចាន់រ៉ា

The post ងិន ម៉ារ៉ាឌី ទម្លាយសារសុំទោសរបស់ ហង្ស ម៉ានីតា appeared first on Kampuchea Thmey Daily.

រឿន ណាត ពោលពាក្យចាក់ដោត ក្រោយឃើញសិស្សប្អូន ម៉ារ៉ាឌី ភ្ជាប់ពាក្យមុនខ្លួន

អ៊ិន ពិសី — Tue, 25 Oct 2022 03:56:59 +0000

អ្នកគាំទ្រដឹងហើយថា កញ្ញា ងិន ម៉ារ៉ាឌី ដែលជាម្ចាស់មកុដ Miss Universe Cambodia 2021 បានសម្រេចរៀបចំពិធីភ្ជាប់ពាក្យជាផ្លូវការហើយ ជាមួយនឹងគូស្នេហ៍រូបសង្ហា ធ្វើឲ្យអ្នកគាំទ្រចូលរួមអបអរសាទរគ្រប់គ្នា។

បុរសសង្ហាដែលជាគូស្នេហ៍ និងអនាគតស្វាមីបវរកញ្ញា ងិន ម៉ារ៉ាឌី ត្រូវបានគេស្គាល់ឈ្មោះ Vannora Tith។ តែមិនទាន់មានប្រភពបង្ហើបទេថា គូស្នេហ៍ស្រីស្អាត ងិន ម៉ារ៉ាឌី រូបនោះ មានតួនាទី ការងារនៅក្នុងក្រុមហ៊ុន ឬស្ថាប័នណាទេ។ ចំណែកពិធីភ្ជាប់ពាក្យរបស់តារាស្រីរូបនេះបានធ្វើឡើងកាលពីព្រឹកថ្ងៃទី ២៤ ខែតុលា ឆ្នាំ ២០២២។

ដំណឹងនេះបានធ្វើឲ្យអ្នកគាំទ្រសម្ដែងការអបអរ និងជូនពរគូស្នេហ៍អ្នកទាំងពីរ ខណៈ ម៉ារ៉ាឌី អះអាងថា គូដណ្ដឹងរូបនេះជាមិត្ត ១០០ ឆ្នាំផងដែរ។ ដោយឡែកងាកទៅមើលបវរកញ្ញាដែលជារៀមច្បង គឺ កញ្ញា រឿន ណាត ឯណោះវិញ ស្របពេលពិធីភ្ជាប់ពាក្យរបស់ ងិន ម៉ារ៉ាឌី លេចឡើងនេះដែរ ក្រៅតែពីការជូនពរ និងអបអរ នាងក៏បានពោលពាក្យហាក់ចង់មានគូដូចគេដែរ។

តាមរយៈខ្លឹមសារ នៃសំណេរដែលស៊ែរភ្ជាប់ទិដ្ឋភាពពិធីភ្ជាប់ពាក្យ ងិន ម៉ារ៉ាឌី ត្រូវស្រីស្អាត រឿន ណាត លើកឡើងថា គ្មានណាធ្វើអ៊ីចឹងទេ មកក្រោយគេ ការមុនគេអ៊ីចឹងទេ Marady Ngin។ ចង់មានមិត្តដូចគេដែរ។ ក្នុងនោះគេឃើញ ម៉ារ៉ាឌី ឆ្លើយតបការខមមិន ថា មិនអីទេ បងប្អូនបានស្គាល់ និងឃើញមិត្តបងហើយ។ ជាមួយគ្នានេះ ក៏មានការលើកឡើងបែបលេងសើចថា ច្រណែនគេហ្មងបងណាត,ឆាប់ឆាប់ៗដែរទៅស៊ីស,ខ្លោចផ្សាណាស់អាណិតចែៗណាត៕

អត្ថបទ ៖ ចាន់រ៉ា

The post រឿន ណាត ពោលពាក្យចាក់ដោត ក្រោយឃើញសិស្សប្អូន ម៉ារ៉ាឌី ភ្ជាប់ពាក្យមុនខ្លួន appeared first on Kampuchea Thmey Daily.

ម្ចាស់មកុដ Miss Universe Cambodia2021ដឹកដៃគូស្នេហ៍ភ្ជាប់ពាក្យថ្ងៃនេះ

Sokhom Khon — Mon, 24 Oct 2022 04:48:25 +0000

ទីបំផុតកញ្ញា ងិន ម៉ារ៉ាឌី ដែលជាម្ចាស់មកុដ Miss Universe Cambodia2021 បានសម្រេចរៀបចំពិធីភ្ជាប់ពាក្យជាផ្លូវការហើយជាមួយគូស្នេហ៍រូបសង្ហាធ្វើឲ្យអ្នកគាំទ្រចូលរួមអបអរសាទរគ្រប់គ្នា។

បុរសសង្ហាដែលជាគូស្នេហ៍ និងអនាគត់ស្វាមីបវរកញ្ញា ងិន ម៉ារ៉ាឌី ត្រូវបានគេស្គាល់ឈ្មោះ Vannora Tith តែមិនទាន់មានប្រភពបង្ហើបទេថា គូស្នេហ៍ស្រីស្អាត ងិន ម៉ារ៉ាឌី រូបនោះមានតួនាទី ឬការងារនៅក្នុងក្រុមហ៊ុន ឬស្ថានប័នណាទេ។ ចំណែកពិធីភ្ជាប់ពាក្យរបស់តារាស្រី ងិន ម៉ារ៉ាឌី បានធ្វើឡើងនៅព្រឹកថ្ងៃទី២៤ ខែតុលា ឆ្នាំ២០២២នេះ។

នៅលើទំព័រហ្វេសប៊ុកឈ្មោះថា Monee Make Up បានបង្ហោះរូបភាពនៃទិដ្ឋភាពភ្ជាប់ពាក្យរបស់បវរកញ្ញារូបនេះដោយភ្ជាប់ជាមួយសាររៀបរាប់ដូច្នេះថា «Idol អ្នកណាខ្លះ? ពិធីភ្ជាប់ពាក្យរបស់បវកញ្ញាយើង Miss Universe គឺប្អូនស្រី Marady Ngin Vannora Tith»។

នេះបើតាមបណ្ដាញសង្គមហ្វេសប៊ុករបស់ជាងផាត់មុខម្នាក់ឈ្មោះថា Monee Make Up បានបង្ហោះរូបភាពនៃទិដ្ឋភាពភ្ជាប់ពាក្យរបស់បវរកញ្ញារូបនេះ ដោយភ្ជាប់ជាមួយសាររៀបរាប់ថា «Idol អ្នកណាខ្លះ? ពិធីភ្ជាប់ពាក្យរបស់បវកញ្ញាយើង Miss Universe គឺប្អូនស្រី Marady Ngin Vannora Tith»។ ដំណឹងនេះបានធ្វើឲ្យអ្នកគាំទ្រសម្តែងការរំភើបនិងជូនពរអ្នកទាំង២ផងដែរ។

ដោយឡែកនៅលើគណនីហ្វេសប៊ុករបស់កញ្ញា ងិន ម៉ារ៉ាឌី ក៏បានបង្ហោះខ្លឹមសារខ្លីភ្ជាប់ជាមួយរូបភាពមួយសន្លឹកអនាគត់ស្វាមីថា “មិត្ត១០០ឆ្នាំ”។

សូមជម្រាបដែរថា កញ្ញា ងិន ម៉ារ៉ាឌី គឺជាម្ចាស់មកុដ Miss Universe Cambodia 2021 ដែលទទួលបានការគាំទ្រច្រើនពីមហាជន ខណ:កន្លងទៅនាងក៏តំណាងឱ្យកម្ពុជាទៅចូលរួមប្រកួតក្នុងកម្មវិធី MissUniverse លើកទី៧០ ឆ្នាំ២០២១ នៅប្រទេសអ៊ីស្រាអែល៕

អត្ថបទ៖ ចាន់រ៉ា

The post ម្ចាស់មកុដ Miss Universe Cambodia2021ដឹកដៃគូស្នេហ៍ភ្ជាប់ពាក្យថ្ងៃនេះ appeared first on Kampuchea Thmey Daily.

ងិន ម៉ារ៉ាឌី ទទូចសុំចិត្តឲ្យបញ្ឈប់ការរើសអើងអ្នកស្រលាញ់ភេទដូចគ្នា

Sorn Phanith — Thu, 08 Sep 2022 02:50:59 +0000

ស្របពេលដែលការគាំទ្រ និងប្រជាប្រិយភាពកំពុងលេចធ្លោលើវិស័យសិល្បៈកញ្ញា ងិន ម៉ារ៉ាឌី ដែលជាបវរកញ្ញាចក្រវាលកម្ពុជា ២០២១ ចេញមុខអំពាវនាវដល់អ្នកគាំទ្រ និងមហាជនខ្មែរឲ្យបញ្ឈប់ការរើសអើងអ្នកស្រលាញ់ភេទដូចគ្នា។

ការចេញមុខស្នើរសុំដោយទទូចរបស់បវរកញ្ញា ងិន ម៉ារ៉ាឌី ពេលនេះធ្វើឡើងបន្ទាប់ពីកត់សម្គាល់ឃើញថា នាពេលសព្វថ្ងៃនេះសម្រាប់បុគ្គលដែលជ្រើសយកការស្រឡាញ់ភេទដូចគ្នា នៅតែត្រូវបានគេប្រើជាការប្រមាថ ឬលេងសើចនៅទីសាធារណៈ ដោយគ្មានការគោរពសិទ្ធិឡើយ។ទង្វើនេះ ត្រូវបានកញ្ញា ងិន ម៉ារ៉ាឌី ចាត់ទុកថាជាសកម្មភាពអសីលធម៌ណាស់។

បវរកញ្ញា ងិន ម៉ារ៉ាឌី បានបញ្ចេញទស្សនៈថា នៅយុគសម័យ ២០២២ ជិតចូលដល់ ២០២៣ ទៅហើយការស្រឡាញ់ភេទដូចគ្នានៅតែត្រូវបានគេប្រើជាការប្រមាថ ឬលេងសើចនៅទីសាធារណៈ។ពេលខ្លះការលេងសើចត្រឹមតែ ២ ឬ ៣ ម៉ាត់របស់អ្នកអាចធ្វើឲ្យគេឈឺចាប់ខ្មាសគេនៅកណ្តាលមនុស្សជាច្រើន។

កញ្ញា ងិន ម៉ារ៉ាឌី បន្ថែមទៀតថា អ្នកគួរតែរៀនគោរពសិទ្ធិមនុស្ស ឲ្យតម្លៃមនុស្សជុំវិញខ្លួន ឬស្គាល់អំពីសុជីវធម៌ ទីតាំងដែលអ្នកចង់លេងសើចទៅកាន់នរណាម្នាក់។ ការស្រលាញ់ភេទដូចគ្នាមិនមែនជាការដែលនរណាម្នាក់ ត្រូវលើកយកមកជាការលេងសើចនោះទេ ត្រូវចេះគោរពនិងគិតពិចារណា។ ជាការពិតបើសង្កេតមកទល់ពេលបច្ចុប្បន្ន កំណើននៃការស្រលាញ់ភេទដូចគ្នាហាក់មានការកើនឡើងគួរឲ្យកត់សម្គាល់។

សូមជម្រាបដែរថាកញ្ញា ងិន ម៉ារ៉ាឌី គឺជាម្ចាស់មកុដ Miss Universe Cambodia 2021 ខណៈកន្លងទៅនាងក៏តំណាងឱ្យកម្ពុជាទៅចូលរួមប្រកួតក្នុងកម្មវិធី Miss Universe លើកទី ៧០ ឆ្នាំ ២០២១ នៅ ប្រទេសអ៊ីស្រាអែល៕

អត្ថបទ៖ ចាន់រ៉ា

The post ងិន ម៉ារ៉ាឌី ទទូចសុំចិត្តឲ្យបញ្ឈប់ការរើសអើងអ្នកស្រលាញ់ភេទដូចគ្នា appeared first on Kampuchea Thmey Daily.

បែកធ្លាយទំនាក់ទំនងពិសេសរវាងបេក្ខជន ណាន វីសារ និងបវរកញ្ញាចក្រវាល ងិន ម៉ារ៉ាឌី

Sokhom Khon — Tue, 07 Jun 2022 09:08:32 +0000

ទស្សនិកជន និងអ្នកគាំទ្របានដឹងហើយថា បេក្ខជន ណាន វីសារ ថ្មីៗនេះបានធ្វើឲ្យអ្នកប្រើប្រាស់បណ្តាញសង្គមហ្វេសប៊ុកនិងនិយមតាមដានវិស័យប្រឡងចម្រៀងលំដាប់ពិភពលោកមានចាប់អារម្មណ៍ខ្លាំងទៅលើសមត្ថភាពរបស់លោក ខណ:ក៏មានការលើកសរសើរផងដែរ។

អ្វីដែលលោក ណាន វីសារ បានបញ្ចេញឲ្យគ្រប់គ្នាបានឃើញនោះ គឺឡើងនៅក្នុងកម្មវិធីប្រឡងចម្រៀងCambodian Idol រដូវកាលទី៤។ ណាន វីសារ បានឆក់បានការសរសើរពីមិត្តៗយុវ័យនិងមហាជនគ្រប់មជ្ឈដ្ឋានជាមួយនឹងទឹកដមសំឡេងយ៉ាងពីរោះរបស់លោក។ ទន្ទឹមនេះដែរស្រាប់លេចដំណឹងដ៏ភ្ញាក់ផ្អើលមួយទៀតអំពីទំនាក់ទំនងដ៏ពិសេសរវាងបេក្ខជនរូបនេះជាមួយបវរកញ្ញាចក្រវាលកញ្ញាកម្ពុជា២០២១ កញ្ញា ងិន ម៉ារ៉ាឌី ។

បើតាមប្រភពពីអ្នកគាំទ្រដែលបានបង្ហើបចេញមកមុននេះបានបង្ហាញថា បេក្ខជន ណាន វីសារ គឺជាបុគ្គលមួយរូបធ្លាប់ជាអ្នកជួយជ្រោមជ្រែងដល់បវរកញ្ញា ងិន ម៉ារ៉ាឌី ពេលចូលប្រកួត Miss Universe Cambodia២០២១ ។ ជាក់ស្តែងនៅលើគណនីហ្វេសប៊ុកWe love Visa Nan បានរៀបរាប់ថា « ទាំងអស់គ្នាមានដឹងទេថា នៅពីក្រោយភាពជោគជ័យរបស់កញ្ញា Ngin Marady – Rosa នៃការឈ្នះម្កុដ Miss Universe Cambodia 2021 ក៏មានការជួយជ្រោមជ្រែងពីបងប្រុស ណាន វិសារ – Nan Visa បេក្ខភាព Cambodia idol រដូវកាលទី៤ផងដែរ»។

ប្រភពបានបញ្ជាក់បន្ថែមដោយខ្លីទៀតថា ដោយគាត់(ណាន វិសារ) តែងតែនៅក្បែរបង ម៉ារ៉ាឌី ជានិច្ច និងជួយរៀបចំខ្លួនក្នុងអំឡុងពេលប្រកួតMUC 2021 ក៏ដូចជាថតរូប និងសកម្មភាពផ្សេងៗ ជូនបង ម៉ារ៉ាឌី ផងដែរ៕

អត្ថបទ៖ ចាន់រ៉ា

The post បែកធ្លាយទំនាក់ទំនងពិសេសរវាងបេក្ខជន ណាន វីសារ និងបវរកញ្ញាចក្រវាល ងិន ម៉ារ៉ាឌី appeared first on Kampuchea Thmey Daily.

Miss Universe ៣ រូប ហ៊ានបង្ហាញមុខគូស្នេហ៍ឲ្យអ្នកគាំទ្រស្គាល់ជាសាធារណៈ

Sorn Phanith — Thu, 26 May 2022 08:11:14 +0000

មិនត្រឹមតែបញ្ចេញសម្រស់ទាក់ទាញទស្សនិកជននិងអ្នកគាំទ្រប៉ុណ្ណោះទេ តែបវរកញ្ញាចក្រវាឡ ៣ រូបនេះ ក៏ហ៊ានបញ្ចេញមុខបុរសជាគូស្នេហ៍ឲ្យអ្នកគាំទ្រស្គាល់ជាសាធារណៈ។

មួយរយៈចុងក្រោយនេះ វិស័យបវរកញ្ញាកំពុងទទួលបានការគាំទ្រជោគជាំជាខ្លាំងពីសំណាក់ប្រជាជនកម្ពុជា ហើយក៏បានធ្វើឲ្យបរទេសចាប់អារម្មណ៍ជាមួយបេក្ខភាពតំណាងប្រទេសមិនថា សម្រស់ ចំណោះដឹង បូករួមនឹងទេពកោសល្យផងដែរ។ ស្របពេលវិស័យនេះកំពុងរីកចម្រើននៅក្នុងប្រទេស ស្រាប់តែបវរកញ្ញាចក្រវាឡ ៣ រូបនេះ បើកមុខបុរសជាគូស្នេហ៍ជាសាធារណៈឲ្យអ្នកគាំទ្រស្គាល់ ដោយមិនខ្លាចការបាត់បង់ប្រជាប្រិយភាព។

១. កញ្ញា ប៊ី សុធារី

កញ្ញា ប៊ី សុធារី អតីតបវរកញ្ញាចក្រវាឡឆ្នាំ ២០១៧ បានបង្ហាញមុខគូស្នេហ៍ជាបុរសសង្ហាសាច់សឲ្យអ្នកគាំទ្រស្គាល់ ដោយមិនញញើតពីអ្នករិះគន់។

២. កញ្ញា រ៉េត សារីតា

ក្រោយបញ្ចប់ការប្រកួតបវរកញ្ញាចក្រវាឡឆ្នាំ ២០២០ នៅប្រទេសអាមេរិក កញ្ញា រ៉េត សារីតា បានបង្ហាញមុខបុរសគូស្នេហ៍ជនជាតិបរទេសជាសាធារណៈ ដើម្បីជម្រះមន្ទិលសង្ស័យរបស់អ្នកគាំទ្រឲ្យដឹងពីទំនាក់ទំនងស្នេហារបស់ខ្លួន។

៣. កញ្ញា ងិន ម៉ារ៉ាឌី

កាលពីពេលថ្មីនេះ ស្រីតូចច្រឡឹង ងិន ម៉ារ៉ាឌី បវរកញ្ញាចក្រវាឡឆ្នាំ ២០២១ បានបង្ហោះរូបភាពមួយសន្លឹក បង្ហាញពីភាពស្និទ្ធស្នាលជាមួយគូស្នេហ៍ផ្អើលអ្នកគាំទ្រ ក្រោយជោគជ័យលើឆាតប្រកួតនៅប្រទេសអ៉ីស្រាអែល។

អត្ថបទ៖ ផានិត

The post Miss Universe ៣ រូប ហ៊ានបង្ហាញមុខគូស្នេហ៍ឲ្យអ្នកគាំទ្រស្គាល់ជាសាធារណៈ appeared first on Kampuchea Thmey Daily.

បវរកញ្ញា ងិន ម៉ារ៉ាឌី ក្តាប់បានតំណែងធំក្នុងភាពយន្តដំបូង

KC Virak — Sun, 24 Apr 2022 09:23:00 +0000

ភ្នំពេញ៖ ស្របពេលដែលការគាំទ្រ និងប្រជាប្រិយភាពកំពុងលេចធ្លោលើវិស័យសិល្បៈ កញ្ញា ងិន ម៉ារ៉ាឌី ដែលជាបវរកញ្ញាចក្រវាលកម្ពុជា ២០២១ ពេលនេះបានចាប់រំលេចខ្លួនជាលើកដំបូងក្នុងខ្សែភាពយន្តថ្មីដែលត្រូវបានគេដឹងថានាងទទួលបានតំណែងធំក្នុងរឿងនោះ។

បើតាមប្រភពព័ត៌មានបានឱ្យដឹងថា បវរកញ្ញា ងិន ម៉ារ៉ាឌី ថ្មីៗនេះត្រូវបានក្រុមហ៊ុនមួយបានទាក់ទងហៅនាងថតសម្តែងរឿងខ្លីក្នុងពេលឆាប់ៗនេះ ដែលក្នុងជំហ៊ានដំបូងនេះគឺ ងិន ម៉ារ៉ាឌី គ្រងតំណែងជាតួឯក។ ប្រភពបន្តថា ភាពយន្តដែល ម៉ារ៉ាឌី ត្រូវថតនេះ គឺជាប្រភេទរឿងបែបស្នេហាយុវវ័យដោយបញ្ចូលមនោសញ្ចេតនាយ៉ាងចាប់អារម្មណ៍។

ងាកទៅមើលសាមីខ្លួន គឺម្ចាស់ម្កុដចក្រវាលកម្ពុជាឆ្នាំ២០២១ កញ្ញា ងិន ម៉ារ៉ាឌីក៏បានធ្វើការបង្ហោះនៅក្នុង IG ដោយបានបញ្ជាក់ថា៖ “A new short film is coming soon. Thank you for giving me this opportunity”។

ពាក់ព័ន្ធនឹងដំណឹងនេះដែរមិនទាន់អាចស្វែងរកការសួរនាំបន្ថែមពីកញ្ញា ងិន ម៉ារ៉ាឌី បានទេនៅរសៀលថ្ងៃទី២៤ ខែមេសា ឆ្នាំ២០២៣នេះ។ យ៉ាងណាក៏មានប្រភពបញ្ជាក់ថា ងិន ម៉ារ៉ាឌី ក្រោយទទួលបានឱកាសសម្តែងលើកដំបូងនេះ នាងបានបង្ហាញពីអារម្មណ៍រំភើប និងសប្បាយចិត្ត ខណៈនាងបានត្រៀមខ្លួនរួចរាល់សម្រាប់តំណែងធំមួយនេះ។

សូមជម្រាបថា កញ្ញា ងិន ម៉ារ៉ាឌី គឺជាម្ចាស់ម្កុដ Miss Universe Cambodia 2021 និងនាងក៏តំណាងឱ្យកម្ពុជាទៅចូលរួមប្រកួតក្នុងកម្មវិធី Miss Universe លើកទី៧០ ឆ្នាំ២០២១ នៅប្រទេសអ៊ីស្រាអែល៕

អត្ថបទ៖ ចាន់រ៉ា

The post បវរកញ្ញា ងិន ម៉ារ៉ាឌី ក្តាប់បានតំណែងធំក្នុងភាពយន្តដំបូង appeared first on Kampuchea Thmey Daily.

ងិន ម៉ារ៉ាឌី រំលេចខ្លួនជាមួយគ្រឿងពេជ្រតម្លៃរាប់ម៉ឺន បង្អួតសម្រស់លើកម្រាលព្រំក្រហម

Sorn Phanith — Tue, 05 Apr 2022 07:29:33 +0000

ទស្សនិកជនដឹងហើយថា បវរកញ្ញាកម្ពុជាកញ្ញា ងិន ម៉ារ៉ាឌី គឺជាម្ចាស់មកុដ Miss Universe Cambodia 2021 ខណៈកន្លងទៅនាងក៏តំណាងឱ្យកម្ពុជាទៅចូលរួមប្រកួតក្នុងកម្មវិធី Miss Universe លើកទី ៧០ ឆ្នាំ ២០២១ នៅប្រទេសអ៊ីស្រាអែល។

ស្របពេលដែលការគាំទ្រ និងប្រជាប្រិយភាពកំពុងលេចធ្លោលើវិស័យសិល្បៈកញ្ញា ងិន ម៉ារ៉ាឌី ដែលជាបវរកញ្ញាចក្រវាលកម្ពុជា ២០២១ ពេលនេះបានធ្វើឲ្យអ្នកគាំទ្រចាប់អារម្មណ៍ថែមទៀតបន្ទាប់ពីឃើញរូបភាពជាច្រើនសន្លឹករំលេចខ្លួនជាមួយគ្រឿងពេជ្រតម្លៃរាប់ម៉ឺនលើកម្រាលព្រំក្រហមកាលពីថ្មីៗនេះ ។

ជាក់ស្តែងនៅលើគណនីហ្វេសប៊ុកផ្ទាល់ខ្លួនរបស់កញ្ញា ងិន ម៉ារ៉ាឌី ដែលគេស្គាល់គ្រប់គ្នាថា ជាម្ចាស់ជយលាភីគ្រងមកុដ Miss Universe Cambodia 2021 ក៏បានបង្ហោះរូបភាពបង្ហាញពីការពាក់គ្រឿងអលង្ការពេជ្រមួយឈុតដែលមានក្បូរក្បាច់រចនាល្អប្រណីតព្រមជាមួយនឹងរូបសម្រស់យ៉ាងស្រស់ស្អាតទាញយកការសរសើរពីមហាជនជាច្រើន។

បើតាមប្រភពបានបញ្ជាក់ថា រូបភាពនេះត្រូវបានធ្វើ ឡើងនៅក្នុងកម្មវិធីមួយដែលមានវត្តមានកញ្ញា ងិន ម៉ារ៉ាឌី និងបវរកញ្ញា Miss UniverseCambodia ច្រើនជំនាន់បានចូលរួមពាក់បង្ហាញគ្រឿងអលង្ការ(ពេជ្រ)ដែលមានតម្លៃរាប់ម៉ឺនដុល្លារដើរនៅលើកម្រាលព្រំក្រហមយ៉ាងស្រស់ស្អាតដូចគ្នា៕

អត្ថបទ៖ ចាន់រ៉ា

The post ងិន ម៉ារ៉ាឌី រំលេចខ្លួនជាមួយគ្រឿងពេជ្រតម្លៃរាប់ម៉ឺន បង្អួតសម្រស់លើកម្រាលព្រំក្រហម appeared first on Kampuchea Thmey Daily.

កញ្ញា ងិន ម៉ារ៉ាឌី Archives - Kampuchea Thmey Daily

ងិន ម៉ារ៉ាឌី ទម្លាយសារសុំទោសរបស់ ហង្ស ម៉ានីតា

រឿន ណាត ពោលពាក្យចាក់ដោត ក្រោយឃើញសិស្សប្អូន ម៉ារ៉ាឌី ភ្ជាប់ពាក្យមុនខ្លួន​

ម្ចាស់មកុដ Miss Universe Cambodia2021​ដឹកដៃគូស្នេហ៍ភ្ជាប់ពាក្យថ្ងៃនេះ

ងិន ម៉ារ៉ាឌី ទទូចសុំចិត្តឲ្យបញ្ឈប់ការរើសអើងអ្នកស្រលាញ់ភេទដូចគ្នា

បែកធ្លាយទំនាក់ទំនងពិសេសរវាងបេក្ខជន ណាន វីសារ និងបវរកញ្ញាចក្រវាល ងិន ម៉ារ៉ាឌី

Miss Universe ៣ រូប ហ៊ានបង្ហាញមុខគូស្នេហ៍ឲ្យអ្នកគាំទ្រស្គាល់ជាសាធារណៈ

បវរកញ្ញា ងិន ម៉ារ៉ាឌី ក្តាប់បានតំណែងធំក្នុងភាពយន្តដំបូង

ងិន ម៉ា​រ៉ា​ឌី រំលេច​ខ្លួន​ជាមួយ​គ្រឿង​ពេជ្រ​តម្លៃ​រាប់ម៉ឺន​ បង្អួត​សម្រស់​លើ​កម្រាលព្រំ​ក្រហម​

រឿន ណាត ពោលពាក្យចាក់ដោត ក្រោយឃើញសិស្សប្អូន ម៉ារ៉ាឌី ភ្ជាប់ពាក្យមុនខ្លួន

ម្ចាស់មកុដ Miss Universe Cambodia2021ដឹកដៃគូស្នេហ៍ភ្ជាប់ពាក្យថ្ងៃនេះ

ងិន ម៉ារ៉ាឌី រំលេចខ្លួនជាមួយគ្រឿងពេជ្រតម្លៃរាប់ម៉ឺន បង្អួតសម្រស់លើកម្រាលព្រំក្រហម