ក្នុងការចែករំលែកនេះ កញ្ញាបានបញ្ជាក់ថា ការតស៊ូ និងជំនឿលើខ្លួនឯង គឺជាចំណុចសំខាន់បំផុតដែលអាចនាំឲ្យសុបិនក្លាយជាការពិត។ ទន្ទឹមនេះ កញ្ញាក៏បានលើកទឹកចិត្តដែរថា ទោះបីជាមានឧបសគ្គ ឬការបរាជ័យកើតឡើងក៏ដោយ មិនគួរបោះបង់សុបិននោះទេ ព្រោះជោគជ័យតែងតែស្ថិតនៅចុងផ្លូវនៃការអត់ធ្មត់ និងការខិតខំប្រឹងប្រែង។

ភឹម ស្រីនោ បានបន្ថែមដែរថា សុបិនគឺដូចជាផ្កាយមួយដែលបំភ្លឺផ្លូវជីវិតរបស់មនុស្សម្នាក់ៗ ហើយជាទ្រព្យដ៏មានតម្លៃដែលជួយជំរុញឱ្យមនុស្សមានកម្លាំងចិត្តបន្តដំណើរទៅមុខ។ ហេតុនេះ កញ្ញាអំពាវនាវឱ្យយុវជនកម្ពុជា បន្តរក្សាសុបិនរបស់ខ្លួន និងមិនត្រូវបោះបង់ ទោះបីជាផ្លូវទៅរកវាពិបាកយ៉ាងណាក៏ដោយ។

គួរបញ្ជាក់ផងដែរថា បច្ចុប្បន្ន អតីតបវរកញ្ញារូបនេះ នៅតែទទួលបានការគាំទ្រយ៉ាងខ្លាំងពីសំណាក់ប្រជាជនកម្ពុជា ខណៈដែលកន្លងមក នាងបាននាំយកឈុតតំណាងជាតិទៅបង្ហាញលើឆាកអន្តរជាតិ ដើម្បីផ្សព្វផ្សាយអរិយធម៌ និងវប្បធម៌ខ្មែរឲ្យពិភពលោកស្គាល់កាន់តែច្បាស់។

មិនត្រឹមតែប៉ុណ្ណោះ ទើបតែពេលថ្មីៗនេះ ភឹម ស្រីនោ ក៏បានបោះជំហានថ្មីចូលក្នុងវិស័យសិល្បៈភាពយន្ត ដោយបានចូលរួមសម្តែងជាលើកដំបូងក្នុងខ្សែភាពយន្តមួយ ដែលបានចាក់បញ្ចាំងនៅដើមខែកុម្ភៈ ឆ្នាំ២០២៦ កន្លងទៅនេះផងដែរ។

តាមរយៈសារលើកទឹកចិត្តនេះ បានបង្ហាញឲ្យឃើញពីទស្សនៈវិជ្ជាជីវៈ និងបទពិសោធជីវិតដ៏មានតម្លៃរបស់កញ្ញាដែលអាចក្លាយជាគំរូល្អសម្រាប់អ្នកជំនាន់ក្រោយ ក្នុងការបន្តដំណើរទៅរកក្តីសុបិនរបស់ខ្លួន៕ ដោយ៖ ចាន់រ៉ា

The post ភឹម ស្រីនោ ផ្តាំអ្នកជំនាន់ក្រោយកុំអស់សង្ឃឹម សុបិនអាចក្លាយជាការពិត បើតស៊ូ និងជឿជាក់លើខ្លួនឯង appeared first on Kampuchea Thmey Daily.

ទន្ទឹមគ្នាដែលភាពយន្តដំបូងរបស់ខ្លួនត្រៀមនឹងចាក់បញ្ចាំងនាពេលខាងមុខនេះដែរ តារាស្រីកញ្ញា ភឹម ស្រីនោ បានដាក់ក្តីរំពឹងថាអាចទទួលបានការគាំទ្រពីច្រើនពីទស្សនិកជន ខណ: ស្រីនោ ក៏បានស្នើសុំមហាជនគាំទ្រ និងលើកទឹកចិត្តដល់នាងព្រមទាំងតារាប្រុសស្រីឯទៀតផងដែរ។

អីតីតម្ចាស់មកុដក្នុងកម្មវិធី Miss Grand Cambodia 2023 រូបនេះ បានបញ្ជាក់ឱ្យដឹងថា “ភាពយន្តថ្មី និងជាលើកទីមួយសម្រាប់នាងខ្ញុំ ស្រីនោ គ្រោងនឹងចាក់បញ្ជាំងក្នុងពេលឆាប់ៗនេះជួបគ្នាថ្ងៃទី១៣ ខែកុម្ភៈ ២០២៦ ខាងមុខ”។ភាពយន្តដំបូងដែលកញ្ញា ភឹម ស្រីនោ ចាប់ឱកាសថតសម្តែងគឺរឿង “អាគារលស់ព្រលឹង” ។

សូមបញ្ជាក់ដែរថា មកដល់ពេលនេកញ្ញា ភឹម ស្រីនោ នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាខណ:ដែលកន្លងទៅនាងបាននាំយកឈុតតំណាងជាតិទៅបង្ហាញនៅលើឆាកអន្តរជាតិដើម្បីឲ្យពិភពលោកបានស្គាល់កាន់តែច្បាស់នូវអរិយធម៌វប្បធម៌របស់ប្រទេសកម្ពុជា៕ដោយ: ចាន់រ៉ា

The post ភឹម ស្រីនោ រំពឹងទទួលបានការគាំទ្រពីទស្សនិកជន ខណ:ភាពយន្តដំបូងរបស់ខ្លួនត្រៀមចាក់បញ្ចាំង appeared first on Kampuchea Thmey Daily.

ការចេញមុខមកអះអាងនេះ គឺបន្ទាប់ពីមានការចែករំលែកដំណឹងដ៏ក្តៅថ្មីមកថា អតីតបវរកញ្ញារបស់ប្រទេសថៃនាង Nam ដែលជា Miss Grand Cambodia 2020 បានប្រកាសបបួល ភឹម ស្រីនោ វាយគ្នាមួយស្មើរក្រោយពេលអ្នកទាំង២ បានប៉ះពាក្យសម្តីគ្នានាពេលថ្មីៗកន្លងមកនេះ។

ឆ្លើយតបនឹងការលើកឡើងរបស់បវរកញ្ញាថៃនាង Nam កញ្ញា ភឹម ស្រីនោ បាននិយាយថា “ប្រកែកមិនឈ្នះគេប្រែចង់មកវ៉ៃអូន” និងគូសបញ្ជាក់ទៅកាន់បវរកញ្ញាថៃរូបនោះទៀតថា ខ្លួនគ្រាន់តែចង់រស់នៅបែបសុខសន្តិភាព បើចង់ឈ្លោះជាមួយខ្លួន ត្រូវយកហេតុផលមកនិយាយមក។

កញ្ញា ភឹម ស្រីនោ បន្ថែមថា “ពាក្យថាបវរកញ្ញា មិនមែនត្រឹមតែតំណាងប្រទេសនៅក្នុងតែកម្មវិធីទេ ក្នុងនាមខ្ញុំជាបវរកញ្ញាតំណាងប្រទេសកម្ពុជាក្នុងឆ្នាំ ២០២៣ ខ្ញុំមានសិទ្ធិចេញមកការពារប្រទេសរបស់ខ្ញុំ ខ្ញុំជាមនុស្សតែងតែនៅកណ្ដាលជានិច្ចខុសថាខុស ត្រូវថាត្រូវ កុំឱ្យតែនិយាយពាក្យមិនពិត ធ្វើឱ្យមានការយល់ច្រឡំមកកាន់ប្រទេសរបស់ខ្ញុំ”។

បន្ទាប់ពីមានការចែករំលែកដំណឹងយ៉ាងរសើបបែបនេះ គេឃើញមានអ្នកគាំទ្រនិងអ្នកប្រើប្រាស់បណ្តាញសង្គមហ្វេសប៊ុកខ្មែរមួយចំនួនធំ បានបញ្ចេញប្រតិកម្មចំពោះសម្តីលើកឡើងពីសំណាក់អតីតបវរកញ្ញាថៃនាង Nam ដែលហាក់មានចរិតកោងកាចអំនួតមកលើអតីតបវរកញ្ញាកម្ពុជាកញ្ញា ភឹម ស្រីនោ ដល់ថ្នាក់ប្រកាសបបួលវាយគ្នាថែមទៀត៕ អត្ថបទ៖ ចាន់រ៉ា

The post ភឹម ស្រីនោ អះអាងថា ខ្លួនមានសិទ្ធិការពារប្រទេសជាតិ ពីពាក្យមិនពិត ដែលអាចបង្កការយល់ច្រឡំ appeared first on Kampuchea Thmey Daily.

រឿងចម្រូងចម្រាសរវាងស្ថាប័ន MGC និង MGI អំពីការដកសិទ្ធិធ្វើជាម្ចាស់ផ្ទះ និងការដកថយពីការប្រកួត Miss Grand International របស់បវរកញ្ញាកម្ពុជា ប៊ី សុធារី បានបង្កជាជម្លោះពាក្យសម្ដីជាច្រើនពីអ្នកលេងបណ្ដាញសង្គមថៃនិងខ្មែរ។ ក្នុងនោះក៏មានតារា បវរកញ្ញា និងប្រជាពលរដ្ឋជាច្រើនគាំទ្រពីសកម្មភាពរបស់ស្ថាប័ន MGC ក្រោយធ្វើការបកស្រាយតាមរយៈសន្និសីទកាសែតស្វែងរកខុសត្រូវនឹងសេចក្ដីពិតជូនប្រទេសជាតិ ខណៈលោក ណាវ៉ាត់ ប្រធាន MGI និងបវរកញ្ញាថៃ នាង Malin បានលើករឿងរ៉ាវមួយចំនួនដែលមិនមែនជាការពិតទម្លាក់កំហុសមកលើកម្ពុជា។

ទន្ទឹមនឹងជម្លោះរវាងថៃនិងខ្មែរលើវិស័យបវរកញ្ញាលើកនេះ ស្រាប់តែអតីត Miss Grand Cambodia ឆ្នាំ ២០២៣ កញ្ញា ភឹម ស្រីណូ ចេញមុខការពារ និងនិយាយចំៗបកទៅឲ្យបវរកញ្ញាថៃ និងស្ថាប័នMGIវិញភ្លាមៗ ដោយមិនក្រែងចិត្តខ្លួនក៏ធ្លាប់បានទៅប្រកួតលើឆាកមួយនេះ។ ការចេញមុខមករបស់ ស្រីណូ បានធ្វើឲ្យប្រជាជនកម្ពុជាសម្ដែងការគាំទ្រ និងពេញចិត្តចំពោះការឈឺឆ្អាលសម្រាប់ប្រទេសជាតិយ៉ាងដូច្នេះ ហើយអតីតបវរកញ្ញារូបនេះក៏ត្រូវបានអ្នកលេងបណ្ដាញសង្គមថៃវាយប្រហារដូចគ្នា ខណៈក៏មាននាង Patcharaporn Chantarapadit Miss Grand Thailand ២០២០ រិះគន់ទៅកាន់ ស្រីណូ វិញដូចគ្នា។ អតីត Miss Grand Thailand ២០២០ រូបនេះ បានបង្ហោះសារឌឺដងផ្លែផ្កាព្រមទាំងវាយប្រហារកញ្ញា ភឹម ស្រីណូ និងអ្នកលេងបណ្ដាញសង្គមខ្មែរចំៗមិនញញើតដៃថែមទៀតផង។

គួររំលឹកថាកាលពីយប់ថ្ងៃទី៧ ខែតុលា ឆ្នាំ ២០២៤ ខាងស្ថាប័ន Miss Grand International ចេញសេចក្ដីប្រកាសដកសិទ្ធិធ្វើជាម្ចាស់ផ្ទះពីកម្ពុជារួមគ្នាជាមួយថៃ ក្រោមហេតុផលមិនធ្វើតាមសង្ដ់ដាកម្មវិធី ហើយស្ថាប័ន Miss Grand Cambodia ក៏បានដកខ្លួនពីការប្រកួតភ្លាមៗដូចគ្នា ព្រមទាំងធ្វើសន្និសីទកាសែតបកស្រាយនៅពីក្រោយរឿងរ៉ាវទាំងអស់នោះផងដែរ៕

The post ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ appeared first on Kampuchea Thmey Daily.

កញ្ញា ភឹម ស្រីនោ បាន​លើក​ឡើង​ថា «នាង​ខ្ញុំ សុំ​ចិត្ត​ដល់​បងប្អូន​ទាំងអស់​គ្នា សូម​ជួយ​គាំទ្រ​ដល់​បវរកញ្ញា​គ្រប់រូប​ដែល​តំណាង​ឱ្យ​ប្រទេស​កម្ពុជា ទោះ​ពេលខ្លះ​អ្នក​ទាំងអស់​គ្នា​អាច​នឹង​ពេញចិត្ត ឬ មិន​ពេញចិត្ត​ទៅ​លើ​រូប​គាត់ ប៉ុន្តែ​អ្នក​ទាំងអស់​គ្នា​ក៏​មិន​ត្រូវ​ប្រើ​ពាក្យ​សម្តី​របស់​អ្នក​ប៉ះពាល់​ដល់​អារម្មណ៍​របស់​ពួកគាត់​ដែរ»។

បវរកញ្ញា ភឹម ស្រីនោ បាន​បន្ថែម​ទៀត​ថា «ព្រោះ​អ្វី​ដែល​ពួកគាត់​ត្រូវការ​ពី​អ្នក​គឺ​សេចក្តី​ស្រលាញ់ និង​ការ​គាំទ្រ​តែប៉ុណ្ណោះ ចូល​រួមគ្នា​ជា​ធ្លុង​មួយ ដើម្បី​ភាព​រឹងមាំ និង​មុខមាត់​របស់​ប្រទេសជាតិ​យើង»។

តារា​សម្តែង និង​ជា​ម្ចាស់​មកុដ Miss Grand Cambodia២០២៣ កញ្ញា ភឹម ស្រីនោ ថ្វីត្បិត​ពេលនេះ​នាង​ត្រូវ​បាន​ផ្ទេរតំណែង និង​មកុដ​ហើយ​ក៏​ពិតមែន តែ​សម្រាប់​ការ​គាំទ្រ បូករួម​នឹង​ប្រជាប្រិយភាព​គឺ​នៅ​ទទួល​បាន​ការ​ចាប់អារម្មណ៍ និង​ទីផ្សារ​ការងារ​ធម្មតា។

សូម​បញ្ជាក់​ដែរ​ថា មកដល់​ពេលនេះ កញ្ញា ភឹម ស្រីនោ នៅតែ​រក្សា​បាន​ការ​គាំទ្រ និង​លើកទឹកចិត្ត​ខ្លាំង​ពី​សំណាក់​ប្រជាជន​កម្ពុជា ខណៈ​កន្លងទៅ​នាង​បាន​នាំ​យក​ឈុត​តំណាង​ជាតិ​ទៅ​បង្ហាញ​នៅ​លើ​ឆាក​អន្តរជាតិ ដើម្បី​ឲ្យ​ពិភពលោក​បាន​ស្គាល់​កាន់តែ​ច្បាស់​នូវ​អរិយធម៌​វប្បធម៌​របស់​ប្រទេស​កម្ពុជា៕

អត្ថបទ ៖ ចាន់រ៉ា

The post ភឹម ស្រីនោ អង្វរសុំចិត្តអ្នកគាំទ្រជួយលើកទឹកចិត្តបវរកញ្ញាតំណាងឲ្យប្រទេសកម្ពុជា appeared first on Kampuchea Thmey Daily.

ជាមួយគ្នានោះ គេ​ក៏​សង្កេត​ឃើញ​មាន​ការ​បន្ត​ស៊ែ​ចែក​រំលែក​នៅ​លើ​បណ្តាញ​សង្គម​បន្ទាប់​ពី​ឃើញ​សកម្មភាព​ថតរូប​បង្ហាញ​សម្រស់​យ៉ាង​ទាក់ទាញ​នៃ​ការ​​លេង​ស្ទីល​ថត​កាច់​រាង​ពី​សំណាក់​ស្រី​ស្រស់ ភឹម ស្រីនោ ដែល​បាន​សម្ញែង​​សាច់​ខ្លី​ម៉ដ​រលោង​គួរជាទី​គយគន់។

កញ្ញា ភឹម ស្រីនោ បាន​រំលេច​ខ្លឹមសារ​ថា ស្ត្រី​ខ្លាំង​ តែងតែ​ប្រែ​ការ​ឈឺចាប់​របស់​នាង​ទៅ​ជា​ថាមពល, យើង​កំពុង​រស់​នៅ​ក្នុង​សង្គម​ដែល​កាន់​តែ​ជឿនលឿន និង​រីក​ចម្រើន​ស្តង់​ដារ​នៃ​សម្រស់​គឺ​ មិន​ត្រឹម​តែ​ខាង​ក្រៅ​នោះ​ទេ សម្រាប់​ខ្ញុំ​ស្ថិត​នៅ​ក្នុង​ចិត្ត​និង​ អាកប្បកិរិយា​របស់​យើង។

គេ​នៅ​ចាំ​បាន​ដែរ​ថា ភឹម ស្រីនោ កាល​ពីថ្មីៗ​កន្លង​ទៅ​ នាងធ្លាប់​បង្ហាញ​ការ​ហួសចិត្ត​ជា​ខ្លាំង​បន្ទាប់​មានបុគ្គល ម្នាក់​បាន​រិះគន់​ទៅ​លើ​រូបសម្ផស្ស​របស់​នាង​ថា បវរកញ្ញា​ស្អីមាន​រូបរាងមិនស្អាត​ថែមទាំង​សាច់ស្បែក​ដូចសត្វ​គីង្គក់​ដូចមនុស្សមាន​កូន ៤ ឬ ៥ នាក់ ធាត់ក៏ធាត់ យាក៏យា។

ទោះបីធ្លាប់ឆ្លង​កាត់​ការរិះគន់​ពី​សំណាក់​បុគ្គល​មួយ​ចំនួន​ទៅ​លើ​រូប​សម្ផស្សរបស់​ខ្លួន​នោះ​តែ​ម្ចាស់មកុដ Miss Grand Cambodia2023កញ្ញា ភឹម ស្រីនោ គឺតែងតែ​បាន​ចេញមកលើកទឹកចិត្ត​ចំពោះ​អ្នកដែលកំពុងរងការ Bully ពី​សំណាក់​បុគ្គល​ដទៃ​ឲ្យ​ត្រូវ​ស្រលាញ់​ខ្លួនឯងច្រើនបំផុត៕

អត្ថបទ៖ ចាន់រ៉ា

The post កាន់តែហឹរ! MGC 2023 ភឹម ស្រីនោ ប្ដូរស្ទីលតុបតែងខ្លួន ១៨០ ដឺក្រេ ក្រោយផ្ទេរមកុដ appeared first on Kampuchea Thmey Daily.

ជាងនេះថែម​ទៀត​អ្វីដែល​ធ្វើឲ្យអ្នកគាំទ្រ​សរសើរ និង​ចាប់អារម្មណ៍​លើ ស្រីនោ ពេលនេះ​ខណៈ​ដែលឃើញនាង​គ្រងឈុតបុរាណ “ហូលពិតានខ្មែរ” ភ្ជាប់​ដោយ​ខ្លឹម​សារ​បំផុស​រួមគ្នា​ក្នុងការផ្សព្វផ្សាយ “ហូលពិតានខ្មែរ” ដើម្បីឲ្យ​ប្រជាពលរដ្ឋ និង​យុវជនខ្មែរ​បាន​ស្គាល់​ច្បាស់។

ស្ថិតក្នុង​សម្លៀកបំពាក់​ប្រពៃណី​បុរាណខ្មែរ​កញ្ញា ភឹម ស្រីនោ បាន​ឲ្យដឹង​ពីគោលបំណង​ថា ហូលពិតានខ្មែរ ប្រជាជនខ្មែរ​មួយចំនួន​គឺ​មិន​បាន​ស្គាល់​ ដូច្នេះ​យើង​ជា​អ្នក​ស្គាល់​ជួយ​ផ្សព្វផ្សាយ​ឲ្យអ្នកដែលមិនស្គាល់បានដឹងផង។ នាងថា “ហូលពិតាន” ជាសិល្បៈ​មួយប្រភេទមាន​ភាពប្រណីតល្អឯក និងឆ្លងកាត់ការ​ផលិត​ច្រើន​ដំណាក់​កាលរួមមាន, ការផលិត​សរសៃ​អំបោះ ,ការជ្រលក់ពណ៌ធម្មជាតិ(លក្ខណៈពិសេសជាងគេនៃតម្បាញខ្មែរ) ,ការតម្លើងគោមក្បាច់ជាដើម។

បវរកញ្ញា​រូបនេះ​ក៏បានបញ្ជាក់ទៀតថា «ចំពោះ​ការប្រើប្រាស់​ក៏​មាន​ក្បួនខ្នាតដោយសារ ហូលពិតាន ខុសពី​ហូល ធម្មតា​ដែលខ្មែរ​និយម​ស្លៀក​ ប៉ុន្តែហូលពិតាន​គឺ ប្រើ​សម្រាប់​ការ​ដាក់​តាំង​លម្អរ​ គោរពបូជា នៅតាម​ទីសក្ការៈ​ក្នុងអត្ថន័យ​សាសនា​ដោយ​សិល្បៈ​ប្រភេទ​នេះ​ត្បាញចេញអំពីរឿងទេវកថា ឬពុទ្ធប្រវត្ថិ ឬក៏​ទសជាតក​ ឬក៏រឿង​រ៉ាវជំនឿផ្សេង​ៗក្នុងសង្គមខ្មែរ»។

សូមបញ្ជាក់ដែរថា មកដល់ពេល​នេះ កញ្ញា ភឹម ស្រីនោ នៅ​តែរក្សាបានការគាំទ្រ និង​លើកទឹកចិត្តខ្លាំងពី​សំណាក់​ប្រជាជន​កម្ពុជា ខណៈ​ដែល​កន្លង​ទៅ​នាង​បាន​នាំ​យក​ឈុតតំណាង​ជាតិទៅបង្ហាញ​នៅ​លើឆាកអន្តរជាតិ​ដើម្បី​ឲ្យពិភពលោកបាន​ស្គាល់កាន់តែច្បាស់នូវអរិយធម៌ វប្បធម៌ របស់​ប្រទេស​កម្ពុជា៕

អត្ថបទ៖ ចាន់រ៉ា

The post ភឹម ស្រីនោ បំផុសការផ្សព្វផ្សាយ “ហូលពិតានខ្មែរ” ដើម្បីឲ្យពលរដ្ឋខ្មែរបានស្គាល់ច្បាស់ appeared first on Kampuchea Thmey Daily.

ជា​មួយ​គ្នា​នៃ​ការ​ទម្លាយ​នូវ​រឿងរ៉ាវ​មួយ​ចំនួន​ដែល ភឹម ស្រីនោ ធ្លាប់​ឆ្លង​កាត់​ការ​តស៊ូ​ជា​ច្រើន​នោះ​អ្នក​នាង អ៉ឹម សុគន្ធាបាន​សរសើរ និង​លើក​ទឹកចិត្ត​ចំពោះ​នាង​ផងដែរ។ ក្នុងនោះ​អ្នក​នាង អ៊ឹម សុគន្ធា បាន​និយាយ​ថា សម្រាប់​អ្នកនាងសុំមិន​និយាយអ្វីទាំងអស់ ព្រោះកូនស្រីម្នាក់​នេះ​បាននិយាយ​ពីអារម្មណ៍​របស់គាត់​ហើយថ្ងៃ​ដែល​គាត់​​ផ្ទេរម្កុដ…។

អ្នក​​នាង​​និយាយថា មនុស្ស​មួយ​ចំនួន​មិន​បាន​ឃើញ​ពី​ការ​ខិតខំ​ប្រឹងប្រែង នឹង​តម្លៃ​របស់​ក្មេង​ស្រីម្នាក់នេះ តែ​សម្រាប់​ខ្ញុំគាត់ជា Queen ដែល​ល្អបំផុត គាត់ប្រឹង​អស់​ពី​​សម្ថភាព ក៏​ឆ្លង​កាត់​ការ​ប្រមាថ​​មើលងាយ​​ពី​សំណាក់​បងប្អូន​ដែលមាន​ឈាម​​ជ័រជាខ្មែរ​តែមួយ តែមិនជា​បញ្ហា​កូនស្រី​ដែល​នាង​ខ្ញុំ​បាន​ជ្រើសរើស​មកគាត់​បានបំពេញ​តួនាទី​ពេញ ១ឆ្នាំ បានល្អបំផុត។

អ្នកនាង អ៉ឹម សុគន្ធា បញ្ជាក់​ទៀត​ថា គាត់​ពិត​ជា​មនុស្ស​ស្រី​រឹង​មាំ​បំផុត​សម្រាប់​ខ្ញុំ​ ចរិត​លក្ខណៈ​គាត់​មិន​ខុស​ពីខ្ញុំ មិនចេះនិយាយ​ច្រើន​តែ​ចូលចិត្ត​ធ្វើអ្វី​ដែល​ជា​ប្រយោជន៍​រួម​សម្រាប់​ជាតិ​ខ្ញុំ​នឹង​គាត់​បាន​ឆ្លង​កាត់​រឿង​​ជា​ច្រើន​ចង់និយាយ​ក៏និយាយ​​មិនចេញ​ ចង់ខឹង​ស្អប់​​ក៏​ស្អប់មិនកើត មានតែពាក្យថា ទ្រាំ​ដល់​ទីបំផុត​ដើម្បី​តួនាទី​ដែល​ខ្លួន​ស្រលាញ់។

អ្នកគ្រប់គ្រង​ស្ថាប័ន Miss Grand Cambodia រូបនេះ​បានប​ន្ថែម​ថា អ្នក​នាង​នៅ​តែ​ស្រលាញ់​ទោះ​បី​ពេលនេះ ភឹម ស្រីនោ បាន​ផ្ទេរផ្ទេរ​តំណែង​ក៏​ដោយ​​ក៏​នៅ​តែជាក្មេងស្រីល្អ​ក្នុងបេះដូង​នាង​ជានិច្ច។ ម្យ៉ាង​ក៏​អរគុណ​សម្រាប់​គ្រប់​យ៉ាង​ព្រោះ ស្រី​នោ ពិត​ជា Queen ម្នាក់​ដ៏​អស្ចារ្យ៕

អត្ថបទ៖ ចាន់រ៉ា

The post ក្រោយផ្ទេរមកុដ អ៊ឹម សុគន្ធា លើកឡើងចំណុចពិសេស ភឹម ស្រីនោ ធ្លាប់រងការរិះគន់ appeared first on Kampuchea Thmey Daily.