កញ្ញា មាន ពេជ្ររីតា Archives - Kampuchea Thmey Daily

កញ្ញា មាន ពេជ្រវីតា បានចេញពីពន្ធនាគារជាបណ្តោះអាសន្នហើយ

Kang Tola — Thu, 13 May 2021 13:40:03 +0000

ភ្នំពេញ ៖ កញ្ញា មាន ពេជ្រវីតា បានចេញពីពន្ធនាគារជាបណ្តោះអាសន្នហើយ ដើម្បីបើកការស៊ើបអង្កេត នៅវេលាម៉ោង៣រសៀល ថ្ងៃទី១៣ ខែឧសភា ឆ្នាំ២០២១នេះ។

កញ្ញាបានមកដល់ការិយាល័យក្រុមមេធាវីស្ម័គ្រចិត្តសម្តេចតេជោ នេះបើតាមលោកគី តិច បានបង្ហោះក្នុងបណ្ដាញទំនាក់ទំនងសង្គមហ្វេសបុក។

សូមបញ្ជាក់ថា កាលពីរសៀលថ្ងៃទី១៣ ឧសភា ឆ្នាំ២០២១ នេះ លោកឧកញ៉ា ហេង សៀ បានដាក់ពាក្យសុំពន្យារការចូលខ្លួនដើម្បីឆ្លើយបំភ្លឺទៅលើសំណុំរឿងដែលកញ្ញា មាន ពេជ្ររីតា បានប្ដឹងរូបលោក។

ពាក្យសុំពន្យារពេលចូលឆ្លើយនេះ ត្រូវបានដាក់ព្រមគ្នាទាំងនៅស្ថាប័នអយ្យការអមសាលាដំបូង និងស្ថាប័នតុលាការតែម្ដង បន្ទាប់ពីកញ្ញា រីតា ហៅយូប៊ី កាលពីថ្ងៃទី ១១ឧសភា បានដាក់ពាក្យចូលមកអយ្យការអមសាលាដំបូងមានកម្មវត្ថុប្ដឹងលោកឧកញ៉ា ហេង សៀ ពីបទ « ប៉ុនប៉ងរំលោភសេពសន្ថវៈ នៅក្នុងរថយន្ត» ដោយភ្ជាប់ជាមួយនឹងការទាមទារសំណងជំងឺចិត្តចំនួន១០ម៉ឺនដុល្លារ។

កញ្ញា មាន ពេជ្ររីតា ត្រូវបានចៅក្រមស៊ើបសួរសាលាដំបូងចេញដីកាសម្រេចដោះលែងឲ្យនៅក្រៅឃុំបណ្ដោះអាសន្នកាលពីរសៀលថ្ងៃទី ១៣ឧសភា ឆ្នាំ២០២១នេះ បន្ទាប់ពីឃុំខ្លួនបាន២ថ្ងៃ២យប់នៅពន្ធនាគារព្រៃស៕

កែសម្រួលដោយ ៖ នាគព័ន្ធ

The post កញ្ញា មាន ពេជ្រវីតា បានចេញពីពន្ធនាគារជាបណ្តោះអាសន្នហើយ appeared first on Kampuchea Thmey Daily.

Breaking News ៖ ឧកញ៉ា ហេង សៀ ដាក់ពាក្យមកអយ្យការ និងសាលាដំបូង សុំពន្យារពេលចូលឆ្លើយដោយសារមុខរបួសធ្ងន់ធ្ងរពេក

Kang Tola — Thu, 13 May 2021 12:12:35 +0000

ភ្នំពេញ ៖ ប្រភពព័ត៌មានច្បាស់ការពីសាលាដំបូងរាជធានីភ្នំពេញបានឲ្យដឹងថា លោកឧកញ៉ា ហេង សៀ កាលពីរសៀលថ្ងៃទី ១៣ឧសភា ឆ្នាំ ២០២១នេះ បានដាក់ពាក្យមកអយ្យការអមសាលាដំបូង និងសាលាដំបូងរាជធានីភ្នំពេញ សុំពន្យារការចូលខ្លួនដើម្បីឆ្លើយបំភ្លឺទៅលើសំណុំរឿងដែលកញ្ញា មាន ពេជ្ររីតា បានប្ដឹងរូបលោក។

ខាងក្រោមនេះគឺពាក្យសុំពន្យារពេលរបស់ឧកញ៉ា ហេង សៀ ដែលស្ថាប័នអយ្យការ និងតុលាការបានទទួលជាផ្លូវការ ៖

ដោយ ៖ មករា

The post Breaking News ៖ ឧកញ៉ា ហេង សៀ ដាក់ពាក្យមកអយ្យការ និងសាលាដំបូង សុំពន្យារពេលចូលឆ្លើយដោយសារមុខរបួសធ្ងន់ធ្ងរពេក appeared first on Kampuchea Thmey Daily.

សាលាដំបូងរាជធានី បន្តការសាកសួរកញ្ញា មាន ពេជ្ររីតា នៅព្រឹកនេះ

Sokhom Khon — Thu, 13 May 2021 03:38:47 +0000

ប្រភពព័ត៌មានពីសាលាដំបូងបានបញ្ជាក់ឲ្យដឹងថា ចៅក្រមសើបសួរលោក កូយ សៅ បានបន្តនីតិវិធីសាកសួរបន្ថែមទៀតលើកញ្ញា មាន ពេជ្ររីតា ពាក់ព័ន្ធនឹងបណ្ដឹងព្រហ្មទណ្ឌ ប្ដឹងទៅ ប្ដឹងមក ជាមួយលោកឧកញ៉ា ហេង សៀ ដែលកំពង់ព្យាបាលរបួសនៅមន្ទីរពេទ្យ ។

កញ្ញា ជាជនជាប់ចោទផង និងជាដើមបណ្ដឹងផង ត្រូវបានអនុរ័ក្សពន្ធនាគារដឹកបញ្ជូនមកកាន់តុលាការតាំងពីម៉ោង៦ព្រឹកថ្ងៃទី១៣ ខែឧសភា ឆ្នាំ២០២១ ប្រគល់ឲ្យចៅក្រមសើបសួរបន្តនីតិវិធី ។ ក្នុងនោះផងដែរគេបានឃើញម្ដាយរបស់ជនជាប់ចោទបានមកតុលាការលើកទឹកចិត្តកូនដើម្បីកុំឲ្យភិតភ័យផងដែរ ។

ការបន្តសាកសួរនេះធ្វើឡើងក្រោយពីចៅក្រមសើបសួរបានផ្អាកការសើបសួរកាលពីយប់មិញ ហើយបង្គាប់ឲ្យអនុរ័ក្សពន្ធនាគារនាំយកកញ្ញាជាជនជាប់ចោទទៅឃុំខ្លួនវិញ លុះព្រឹកឡើងទើបបញ្ជូនមកតុលាការវិញ ។
រហូតមកដល់ថ្មើនេះនៅពុំទាន់មានការសម្រេចជាផ្លូវការលើជោគវាសនា កញ្ញា មាន ពេជ្ររីតា ពីសំណាក់ចៅក្រមសើបសួរនៅឡើយ ៕

អត្ថបទ ៖ មករា

The post សាលាដំបូងរាជធានី បន្តការសាកសួរកញ្ញា មាន ពេជ្ររីតា នៅព្រឹកនេះ appeared first on Kampuchea Thmey Daily.

Breaking News ៖ បញ្ជូនកញ្ញា មាន ពេជ្ររីតា ទៅកាន់ពន្ធនាគារព្រៃសវិញទាំងយប់

Kang Tola — Wed, 12 May 2021 13:17:53 +0000

ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ នៅវេលាម៉ោង១៩និង២០នាទីយប់ថ្ងៃទី ១២ឧសភា ឆ្នាំ២០២១នេះ បានបញ្ជូនជនជនជាប់ចោទ មាន ពេជ្ររីតា ទៅកាន់ពន្ធនាគារវិញ បន្ទាប់ពីបាននាំមកសាកសួរបន្ថែមអស់ជាច្រើនម៉ោង។

ការសាកសួរបន្ថែមនេះ ក្រោយពីចៅក្រមស៊ើបសួរ លោកកូយ សៅ បានចេញដីកាសម្រេចឃុំខ្លួនកញ្ញា មាន ពេជ្ររីតា ដាក់ពន្ធនាគារក្រោមការចោទប្រកាន់ពីបទលួចមានស្ថានទម្ងន់ទោសដោយអំពើហិង្សា ពាក់ព័ន្ធនឹងបទល្មើស ចាក់ឧកញ៉ា ហេង សៀ ២កាំបិត បណ្ដាលឲ្យរងរបួសធ្ងន់ ហើយលួចយកទូរសព្ទពីក្នុងរថយន្ត។ បន្ទាប់មកជនជាប់ចោទបានប្ដឹងបកទៅជនរងគ្រោះវិញដោយចោទពីបទ ប៉ុនប៉ងរំលោភនៅក្នុងរថយន្ត។

ពាក់ព័ន្ធករណី ប្ដឹងទៅ ប្ដឹងមកនេះ ភស្តុតាងនៅកន្លែងកើតហេតុជាវីដេអូកាមេរ៉ាសុវត្ថិភាព កាលពីថ្ងៃទី៤ ខែឧសភា ឆ្នាំ២០២១ ត្រង់ចំណុចម្តុំផ្សារគីឡូម៉ែត្រលេខ៤ ជិតសាកលវិទ្យាល័យអាស៊ីអឺរ៉ុប បង្ហាញពីជម្លោះរវាងស្ត្រីឈ្មោះ មាន ពេជ្ររីតា ពិធីការិនី My TV និង លោកឧកញ៉ា ហេង សៀប្រទូស្តរាយគ្នានៅក្នុងរថយន្ត។

ក្រោយកើតហេតុ លោកឧកញ៉ា ហេង សៀ បានចោទប្រកាន់នាង មាន ពេជ្ររីតា ពីបទ(លួចមានស្ថានទម្ងន់ទោស) ដោយជនសង្ស័យបានធ្វើសកម្មភាពលួចទូរសព្ទដៃជនរងគ្រោះ ទើបមានការប្រតប់ប្រតាយគ្នា ហើយជនសង្ស័យឈ្មោះ មាន ពេជ្ររីតា បានប្រើកាំបិតចាក់លោកឧកញ៉ា ហេង សៀ ២កាំបិត។

ជាក់ស្ដែងនៅក្នុងវីដេអូ គេឃើញឧកញ៉ា ហេង សៀ ស្ទុះចេញពីរថយន្តនៅត្រង់កន្លែងបើកបរ ដួលផ្ងាក រួចទើបស្ទុះរត់ទៅក្រោយរថយន្តបាត់ទៅ។ ភ្លាមៗនោះគេឃើញកញ្ញា មាន ពេជ្ររីតា បើកទ្វាររថយន្តចេញពីបាំងខាងក្រោយ ដៃម្ខាងកាន់កាំបិត ដៃម្ខាងកាន់ទូរសព្ទ ស្ពាយកាបូប ចេញមកដើរទៅខាងក្រោយរថយន្ត មួយសន្ទុះទើបដើរទៅម្ខាងរថយន្តបាត់ទៅ។

ចំណែកស្ត្រីដែលជាជនជាប់ចោទឈ្មោះ មាន ពេជ្ររីតា ហៅ យូប៊ី វិញបានប្តឹងចោទប្រកាន់លោកឧកញ៉ា ហេង សៀ ពីបទ (ប៉ុនប៉ងរំលោភសេពសន្ថវៈមានស្ថានទម្ងន់ទោស) ប្រព្រឹត្តនៅក្នុងរថយន្ត។

សំណុំរឿងប្ដឹងនេះតុលាការបានទទួលចាត់ការហើយ ទើបបង្គាប់ឲ្យនាំជនជាប់ចោទមកសាកសួរបន្ថែម នៅចំពោះមុខមេធាវីច្រើនរូប ដែលស្ម័គ្រចិត្តការពារក្ដីឲ្យជនជាប់ចោទ រីតា។ ប៉ុន្តែក្រោយសាកសួរជនជាប់ចោទរួចតុលាការបានបង្គាប់ឲ្យនាំកញ្ញា មាន ពេជ្ររីតា ទៅកាន់ពន្ធនាគារព្រៃសវិញសិន ដើម្បីរង់ចាំការសម្រេចពេលក្រោយ ខណៈឧកញ៉ា ហេង សៀ នៅក្នុងសង្គ្រោះរបស់គ្រូពេទ្យនៅឡើយ៕

ដោយ ៖ មករា

The post Breaking News ៖ បញ្ជូនកញ្ញា មាន ពេជ្ររីតា ទៅកាន់ពន្ធនាគារព្រៃសវិញទាំងយប់ appeared first on Kampuchea Thmey Daily.

ប្រធានក្រុមមេធាវីសម្តេចតេជោ ដាក់ពាក្យស្នើសុំកញ្ញា មាន ពេជ្ររីតា ឲ្យនៅក្រៅឃុំបណ្ដោះអាសន្នចូលតុលាការហើយ

Kang Tola — Wed, 12 May 2021 12:23:09 +0000

ភ្នំពេញ ៖ ប្រធានក្រុមមេធាវីសម្តេចតេជោ ហ៊ុន សែន គឺលោកគី តិច បានដាក់ពាក្យស្នើសុំ កញ្ញា មាន ពេជ្ររីតា ឲ្យនៅក្រៅឃុំបណ្ដោះអាសន្នចូលទៅតុលាការហើយ។

សូមរំលឹកថា ពិធីការិនីទូរទស្សន៍ My TV កញ្ញា មាន ពេជ្ររីតា បានដាក់ពាក្យបណ្តឹងតបទៅលោក ឧកញ៉ា ហេង សៀ ពីបទប៉ុនប៉ងរំលោភសេពសន្ថវៈ និងទាមទារសំណងជំងឺចិត្តចំនួន ១០ ម៉ឺនដុល្លារ (១០០,០០០) ព្រមទាំងការខាតបង់ និងខូចខាតពេលវេលា និងសេវាផ្លូវច្បាប់ចំនួន ១ ម៉ឺនដុល្លារ។

កញ្ញា មាន ពេជ្ររីតា ហៅយូប៊ី អាយុ ២០ឆ្នាំ ត្រូវបាន ព្រះរាជអាជ្ញារងអមសាលាដំបូងរាជធានីភ្នំពេញ បង្គាប់ឱ្យចាប់ខ្លួន ពីបទលួចទូរស័ព្ទដៃ និងប្រើហិង្សាចាក់ទៅលើឧកញ៉ា ហេង សៀ បណ្តាលឱ្យរងរបួស។

បន្ទាប់ពីបញ្ជូនខ្លួនទៅតុលាការ ព្រះរាជអាជ្ញា បានសម្រេចឱ្យបញ្ជូនទៅឃុំខ្លួន ខណៈដែលពាក្យបណ្តឹង១ច្បាប់របស់នាងប្តឹងតបទៅឧកញ៉ាលេចចេញមក ធ្វើឲ្យមហាជនកំពុងរង់ចាំតាមដានការចោទប្រកាន់គ្នាទៅវិញទៅមករវាងគូទំនាស់ទាំងពីរ។

ពាក្យបណ្តឹង របស់ កញ្ញា មាន ពេជ្ររីតា បានប្រាប់ថា ខ្លួនបានស្គាល់ឧកញ្ញា ហេង សៀមួយរយៈកន្លងមក បន្ទាប់ពីនាងបានទៅចូលរួមពិធីសម្ពោធហាងកូនស្រីរបស់លោក។ ក្រោយមកលោក ឧកញ៉ា ហេង សៀ បានព្យាយាមទាក់ទងទៅរូបនាង តាមបណ្តាញសង្គមតេឡេក្រាម ហើយប្រាប់នាងថា ចង់យកនាងធ្វើជាពិធីការិនីនៅពេលចប់កូវីដ។

កញ្ញា មាន ពេជ្ររីតា បន្តថា “ អំឡុងពេលនោះ គាត់បានលួងលោមឱ្យនាងខ្ញុំប្រើលេខដែលគាត់ទិញឱ្យវិញ ដើម្បីងាយស្រួលក្នុងការទំនាក់ទំនង នាងខ្ញុំក៏បានប្រកែកមិនប្រើ”។

យោងតាមពាក្យបណ្តឹង នាងបានបន្តរៀបរាប់ដំណើររឿងថា “ក្រោយមកទៀត គាត់ក៏បានប្រើពាក្យលួងលោម ចង់ជួប និងស្គាល់រូបនាងខ្ញុំ តែនាងខ្ញុំបដិសេធ មិនព្រមជួប លុះត្រាទាក់ទងនិងការងារទើបនាងខ្ញុំព្រមជួបគាត់។

គាត់ក៏នៅតែបន្តការរំខានរហូតដល់មានការផ្ញើរូបអាសអាភាសមកខ្ញុំ ហើយគាត់លុបចេញវិញដោយខ្លួនឯង ធ្វើឱ្យនាងខ្ញុំមានចម្ងល់ តែក៏មិនគិតថាគាត់មានបំណងអាក្រក់មកលើរូបនាងខ្ញុំឡើយ”។

នាងបន្តថា “រហូតដល់ថ្ងៃកើតហេតុ នៅថ្ងៃទី ០៤ អំឡុងពេលម៉ោង ២ រសៀល គាត់បានទូរស័ព្ទប្រាប់ថាចង់ជួបនាងខ្ញុំ ហើយចង់ឱ្យអីវ៉ាន់ មកនាងខ្ញុំមានដូចជា អង្ករ ទឹកត្រីមួយចំនួន ដើម្បីចែកអំណោយទៅប្រជាពលរដ្ឋដែលទទួលរងគ្រោះដោយសារកូវីដ គាត់បានឱ្យនាងខ្ញុំចាំនៅក្បែរផ្សារ គីឡូលេខ៤ ជិតសាកលវិទ្យាល័យអាស៊ីអឺរ៉ុប រួចក៏បង្ខំឱ្យចូលក្នុងឡាន។ គាត់ថាឱ្យចូលក្នុងឡានសិនមក ដោយមានរឿងការងារត្រូវនិយាយគ្នា ក៏ដូចជាចែកម្ហូបអាហារសម្រាប់អ្នកកូវីដ ហើយចំបាច់ត្រូវនិយាយជាមួយនាងខ្ញុំ ក៏នាងខ្ញុំចូលក្នុង នឹកឃើញថា ពេលយកម្ហូបអាហារសម្រាប់ចែកអ្នកូវីដរួចហើយចេញទៅវិញ ពេលនៅក្នុងឡានគាត់និយាយពាក្យអាសអាភាសដាក់ខ្ញុំ រួចក៏យកដៃរបស់គាត់មកលូកស្ទាប់អង្អែលភ្លៅ និងប្រដាប់ភេទរបស់នាងខ្ញុំជាញឹកញាប់ ហើយនិយាយថា ពាក្យលេបខាយ និងចង់យកនាងចូលផ្ទះសំណាក់”។

បន្ទាប់មកគាត់ (ហេង សៀ) ក៏បានផ្តល់លេខទូរស័ព្ទថ្មី ទៅឱ្យនាង និងបានព្យាយាមផ្ញើប្រាក់ចំនួន ៥ ដង ដែលសរុបទៅមានទឹកប្រាក់ចំនួន ៨៤៧ដុល្លារចូលក្នុងគណី ABA របស់នាង គ្រាដែលនាងបដិសេធមិនទទួលយក តែលោកនៅតែបន្តផ្ញើ ហើយបាននិយាយថា សំណាងណាស់បានស្គាល់នាង។

តាមពាក្យបណ្តឹង នាងបន្តថា “ពេលនោះនាងខ្ញុំបានប្រាប់គាត់ថា សុំកុំធ្វើចឹង ប្រយ័ត្នខ្ញុំលោតចុះពីលើឡាន សូមជូននាងខ្ញុំទៅផ្ទះវិញទៅ ហើយគាត់ប្រាប់ថាគាត់មានកាំភ្លើង ពេលឭដូច្នេះនាងខ្ញុំមានអារម្មណ៍ភិតភ័យជាខ្លាំង ដោយមិនអាចចេញពីក្នុងឡានបាន នាងខ្ញុំបានរត់មកកៅអីឡានផ្នែកខាងក្រោយ ហើយគាត់ក៏បានឈប់ឡាន យកដៃរបស់គាត់មកចាប់សង្គ្រប់លើរូបនាងខ្ញុំ ហើយខំរើបម្រាស់ច្រានគាត់ចេញ ទាំងដៃទទេ”។

នាងប្រាប់ថា ហេតុការណ៍នេះ មិនបានប្រាប់ឱ្យគ្រួសារខ្លួនដឹងនោះឡើយ ព្រោះមិនចង់ឱ្យគាត់ពិបាកចិត្ត ស្រាប់តែនៅថ្ងៃទី ០៨ ខែឧសភា សមត្ថកិច្ចអធិការខណ្ឌទួលគោក បាននាំខ្លួននាងទៅឃុំ រយៈពេល ២ ថ្ងៃ ដោយមិនដឹងមូលហេតុ ទើបបញ្ជូនមកសាលាដំបូងរាជធានីភ្នំពេញ ដោយបានចោទពីបទលួច មានស្ថានទម្ងន់ទោស ខណៈនាងអះអាងថា មិនបានលួចអ្វីឡើយ។

នគរបាលនៃអធិការដ្ឋាននគរបាលខណ្ឌទួលគោក នៅព្រឹកថ្ងៃទី១១ ខែឧសភា ឆ្នាំ២០២១នេះ បានធ្វើការចាប់បញ្ជូនខ្លួននារីជាជនសង្ស័យឈ្មោះ មាន ពេជ្ររីតា មកអយ្យការអមសាលាដំបូងរាជធានីភ្នំពេញ ដើម្បីធ្វើការសាកសួរពាក់ព័ន្ធនឹងករណី លួចទូរស័ព្ទដៃនិងប្រើហិង្សា ចាក់ឧកញ៉ាម្នាក់រងរបួស។

ព្រះរាជអាជ្ញារងអមសាលាដំបូងរាជធានីភ្នំពេញ កាលពីថ្ងៃទី ១១ឧសភា ឆ្នាំ២០២១ បានសម្រេចធ្វើការចោទប្រកាន់នារីម្នាក់ឈ្មោះ មាន ពេជ្ររីតា ហៅ យូប៊ី អាយុ២០ឆ្នាំ ពីបទ «លួចមានស្ថានទម្ងន់ទោស» និងបង្គាប់ឱ្យបញ្ជូនទៅពន្ធនាគារ ឬមណ្ឌលឃុំខ្លួន(ម២) រង់ចាំការសម្រេចជាថ្មី៕

ដោយ ៖ នាគព័ន្ធ

The post ប្រធានក្រុមមេធាវីសម្តេចតេជោ ដាក់ពាក្យស្នើសុំកញ្ញា មាន ពេជ្ររីតា ឲ្យនៅក្រៅឃុំបណ្ដោះអាសន្នចូលតុលាការហើយ appeared first on Kampuchea Thmey Daily.

ក្រៅពីអាជីពសិល្បៈកញ្ញា មាន ពេជ្ររីតា បច្ចុប្បន្នជានិស្សិតឆ្នាំទី២ផ្នែកពាណិជ្ជកម្ម

Kang Tola — Wed, 12 May 2021 10:49:53 +0000

ភ្នំពេញ ៖ រហូតមកទល់រសៀលថ្ងៃនេះករណីរឿងរ៉ាវក្ដីក្ដាំរវាងតារាស្រីកញ្ញា មាន ពេជ្ររីតា ជាមួយឧក ញ៉ា ហេង សៀ នៅតែជាប្រធានបទក្តៅសម្រាប់មហាជននិងអ្នកសិល្បៈគ្រប់មជ្ឈដ្ឋាន។

យ៉ាងណាក្តីអំឡុងពេលនេះ គេក៏សង្កេតឃើញមានមហាជននិងអ្នកសិល្បៈជាច្រើនបាននឹងកំពុងទទូចស្នើសុំយុត្តិធម៌ចំពោះកញ្ញា មាន ពេជ្ររីតា ផងដែរ។ ដោយឡែកក៏មានការបង្ហាញពីប្រវត្តិខ្លះៗជុំវិញការងារសិល្បៈនិងការសិក្សាបច្ចុប្បន្នរបស់ ពេជ្ររីតា។

កញ្ញា មាន ពេជ្ររីតា ត្រូវបានគេដឹងថា នាងគឺជាអតីតបេក្ខនារី Miss Grand Cambodia២០២០ ដែលធ្លាប់ឆ្លងកាត់ការប្រឡងកម្មវិធីកញ្ញាឯកដ៏អស្ចារ្យនៃកម្ពុជាកាលពីអំឡុងឆ្នាំ២០២០។ បន្ទាប់ពីការប្រកួតខាងលើនាងក៏មានឱកាសក្លាយជាពិធីការិនីរបស់ស្ថានីយទូរទស្សន៍MY TV។

កញ្ញាមាន ពេជ្ររីតា បច្ចុប្បន្នមានអាយុ២០ឆ្នាំហើយ ក្រៅពីការងារសិល្បៈនាងក៏ជានិស្សិតឆ្នាំទី២ ផ្នែកពាណិជ្ជកម្ម នៅសាកលវិទ្យាល័យផារ៉ាកនទៀត ផង។ មាន ពេជ្ររីតា សព្វថ្ងៃមានទីលំនៅក្នុងរាជ ធានីភ្នំពេញ។ គូរបញ្ជាក់ថា បន្ទាប់ពីផ្ទុះរឿងរ៉ាវក្តីក្តាំនេះ នាងត្រូវបានតុលាការសម្រេចបញ្ជូនទៅឃុំខ្លួននៅពន្ធនាគារ(មណ្ឌល ម២)ក្រោយរងការចោទប្រកាន់ចាក់សម្លាប់ឧកញ៉ា ហេង សៀ ៕

ដោយ ៖ ចាន់រ៉ា

The post ក្រៅពីអាជីពសិល្បៈកញ្ញា មាន ពេជ្ររីតា បច្ចុប្បន្នជានិស្សិតឆ្នាំទី២ផ្នែកពាណិជ្ជកម្ម appeared first on Kampuchea Thmey Daily.

កញ្ញា មាន ពេជ្ររីតា Archives - Kampuchea Thmey Daily

កញ្ញា មាន​ ពេជ្រវីតា​​​​ បានចេញ​ពី​ពន្ធនាគារ​ជាបណ្តោះអាសន្ន​ហើយ

សាលាដំបូងរាជធានី​ បន្តការសាកសួរកញ្ញា មាន ពេជ្ររីតា នៅព្រឹកនេះ

Breaking News ៖ បញ្ជូន​កញ្ញា មាន ពេជ្រ​រីតា ទៅកាន់​ពន្ធនាគារ​ព្រៃ​ស​វិញ​ទាំងយប់​

ក្រៅពី​អាជីព​សិល្បៈ​កញ្ញា មាន ពេជ្រ​រីតា បច្ចុប្បន្ន​ជា​និស្សិត​ឆ្នាំ​ទី​២​ផ្នែក​ពាណិជ្ជកម្ម

កញ្ញា មាន ពេជ្រវីតា បានចេញពីពន្ធនាគារជាបណ្តោះអាសន្នហើយ

សាលាដំបូងរាជធានី បន្តការសាកសួរកញ្ញា មាន ពេជ្ររីតា នៅព្រឹកនេះ

Breaking News ៖ បញ្ជូនកញ្ញា មាន ពេជ្ររីតា ទៅកាន់ពន្ធនាគារព្រៃសវិញទាំងយប់

ក្រៅពីអាជីពសិល្បៈកញ្ញា មាន ពេជ្ររីតា បច្ចុប្បន្នជានិស្សិតឆ្នាំទី២ផ្នែកពាណិជ្ជកម្ម