យោងតាមប្រភពព័ត៌មាន បុរសបរទេសនោះត្រូវបានគេឃើញដេកស្លាប់លើពូក ដោយស្លៀកតែខោក្នុង (លីអូ) ប៉ុណ្ណោះ។ ហេតុការណ៍នេះកើតឡើងនៅជាន់ទី១៧ នៃអគារខុនដូ ហើយបានបង្កការភ្ញាក់ផ្អើលដល់អ្នកស្នាក់នៅ និងបុគ្គលិកសន្តិសុខ និតរាយការណ៍ទៅសមត្ថកិច្ចភ្លាមៗ។

បន្ទាប់ពីទទួលបានការរាយការណ៍ មន្ត្រីសមត្ថកិច្ចមូលដ្ឋានបានទៅដល់ទីតាំង ហើយបានទាត់ទងទៅនគរបាលជំនាញកោសល្យវិច័យចុះមកធ្វើការត្រួតពិនិត្យ និងស្វែងរកមូលហេតុនៃការស្លាប់។ ក្នុងហេតុការអ្នកស្លាប់នៅក្នុងខុនដូ ក្រុមសន្តិសុខដែលយាមកាមនៅកន្លែងកើតហេតុ បានព្យាយាមលាក់បាំងព័ត៌មាន ដោយព្យាយាមឆក់ទូរស័ព្ទពីអ្នកយកព័ត៌មាន ទៀតផង ។ ទោះបីយ៉ាងណា ករនីនេះ សមត្ថកិច្ចកំពុងបន្តស្រាវជ្រាវ ដើម្បីរកមូលហេតុនៃការស្លាប់របស់ជនរងគ្រោះ៕

អត្ថបទ៖ សំណាង

The post ជនបរទេសម្នាក់ដេកស្លាប់ក្នុងបន្ទប់ខុនដូ The Peninsula ខណៈសន្តិសុខព្យាយាមលាក់បាំងព័ត៌មាន appeared first on Kampuchea Thmey Daily.

យោងតាមរបាយការណ៍របស់ស្នងការដ្ឋាននគរបាលខេត្តព្រៃវែងបានឲ្យដឹងថា ជនរងគ្រោះមានឈ្មោះ ជ្រឿន ដេន ភេទប្រុស អាយុ៤៣ឆ្នាំ ឈ្មោះ ធន់ សារ៉េន ភេទប្រុស អាយុ៥៤ឆ្នាំ។ ជនរងគ្រោះទាំង២ មានទីលំនៅ នៅភូមិ-ឃុំកើតហេតុ។

តាមការបំភ្លឺរបស់ប្រពន្ធជនរងគ្រោះទាំង២នាក់បានឱ្យនគបាលដឹងថា មុនពេលកើតហេតុ ជនរងគ្រោះទាំង២នាក់បានទៅជីកអណ្តូងឱ្យឈ្មោះ អ៊ន អ៊ាប នៅវាលស្រែខាងលិចភូមិតាំងពីម៉ោងប្រហែល៣រសៀល រហូតដល់ម៉ោងប្រហែល​៩យប់មិនឃើញត្រឡប់មកផ្ទះវិញ ក៏ប្រើកូន និងក្មួយៗទៅតាម ពេលទៅដល់កន្លែងជីកអណ្ដូង ក៏ឃើញជនរងគ្រោះទាំង២នាក់ ដេកស្លាប់ក្នុងអណ្តូងបាត់ទៅហើយ។

តាមការធ្វើកោសល្យវិច័យបង្ហាញថា សពរងគ្រោះទាំង២នាក់ស្លាប់ដោយសារខ្វះខ្យល់អុកស៊ីសែន (ស្លាប់ដោយខ្លួនឯង) ដោយមិនមានស្លាកស្នាម ឬរបួសអ្វីគួរឱ្យកត់សម្គាល់ហើយ៕

អត្ថបទ៖ សុខុម

The post ប្រទះឃើញបុរសពីរនាក់ស្លាប់ក្នុងអណ្ដូងជម្រៅជាង​៦ម៉ែត្រ appeared first on Kampuchea Thmey Daily.

ជនរងគ្រោះទាំង០២នាក់មានឈ្មោះ ចំរើន ឆៃយ៉ា ហៅ ដូច ភេទប្រុស អាយុ២៧ឆ្នាំ មុខរបររត់ឡានតាកស៊ី ស្នាក់នៅផ្ទះកន្លែងកើតហេតុ ។ ទី២ឈ្មោះ ឡូវ ឆាយហុង ភេទប្រុស អាយុ២៧ឆ្នាំ មុខរបរលក់ដូរ ស្នាក់នៅផ្ទះលេខ៦១ ផ្លូវបេតុង ភូមិ៤ សង្កាត់ទំនប់ទឹក ខណ្ឌចំការមន រាជធានីភ្នំពេញ ។ ដោយឡែក ស្ត្រី០២នាក់ទៀត មិនត្រូវបានស្គាល់អត្តសញ្ញាណ ។

អធិការរងនគរបាលខណ្ឌដង្កោ ទទួលផែនយុត្តិធម៌ លោកវរសេនីយ៍ទោ ជាង ហុងសែ បានប្រាប់កម្ពុជាថ្មី តាមរយះទូរស័ព្ទ នាវេលាយប់ថ្ងៃទី០៩ ខែមិនា ឆ្នាំ២០២២នេះ អោយដឹងថា ក្រោយការពិនិត្យវិច័យលើកសាកសពយ៉ាងល្អិតល្អន់ពីសមត្ថកិច្ចជំនាញផ្នែកកោសល្យវិច័យរួចមក សពជនរងគ្រោះទាំង០២នាក់ គឺស្លាប់ដោយគាំងបេះដូង អាចបណ្ដាលមកពីប្រើប្រាស់សារធាតុញៀន មេតំទ្វេតាមីន និងអំទ្វេតាមីន ។ លោកអធិការរងបន្តថា នៅពេលពិនិត្យជុំវិញក្នុងរថយន្ត សមត្ថកិច្ចបានពិនិត្យឃើញមានថ្នាំញៀនប៉ុន្មានកញ្ចប់ និងស្រា រួមទាំងកែវស្រាផងដែរ ។ ក្រោយការពិនិត្យ ឃើញថា សពជនរងគ្រោះទាំង០២នាក់ មានផ្ទុកសារធាតុញៀន ក្នុងខ្លួនផងដែរ ។

យ៉ាងណាមិញ ក្រោយការពិនិត្យរួច សពត្រូវប្រគល់ជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណី ។ ដោយឡែក ស្ត្រីរងគ្រោះ០២នាក់ផ្សេងទៀត កំពុងស្ថិតក្នុងការសង្គ្រោះនៅឯមន្ទីរពេទ្យនៅឡើយ ។

គួររំលឹកថា ករណីខាងលើនេះ បានបង្កអោយមានការភ្ញាក់ផ្អើលជាខ្លាំង នៅវេលាម៉ោង១៧និង០០នាទីល្ងាចថ្ងៃទី០៩ ខែមីនា ឆ្នាំ២០២២ នៅចំណុចផ្ទះគ្មានលេខ ផ្លូវបេតុង ភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ ។

យោងតាមប្រភពព័ត៌មានអោយដឹងថា ដំបូងឡើយជនរងគ្រោះប្រុសស្រី០២នាក់ ក្នុងចំណោម០៤នាក់ បានបើករថយន្តមួយគ្រឿងម៉ាកព្រូស ពាក់ស្លាកលេខភ្នំពេញ 2BF-8087 បើកចតនៅមុខផ្ទះបងប្អូនពលរដ្ឋទល់មុខនោះ តាំងពីយប់ឡើងមកម្លេះ ។ ខណះបើកចតមួយរយះធំ តាំងពីព្រឹកដល់ព្រលប់ក្បាលល្ងាចហើយ នៅតែមិនឃើញជនរងគ្រោះទៅបើករថយន្តចេញ ម្ចាស់ផ្ទះក៏បានទៅអើតមើលនៅមុខផ្ទះជនរងគ្រោះ ស្រែកហៅយ៉ាងណាក៏មិនមានអ្នកឆ្លើយ ម្យ៉ាងឃើញមានចាក់សោរពីខាងក្នុង និងលឺតែសម្លេងបញ្ឆេះឡានចោលផង ក៏បានខលទូរស័ព្ទទៅស្ត្រីជាម្តាយបង្កើតរបស់ជនរងគ្រោះ ដើម្បីអោយមកជួយពិនិត្យ ។

បន្ទាប់ពីទទួលបានព័ត៌មានមក ស្ត្រីជាម្តាយបានទៅដល់ផ្ទះកើតហេតុ នឹងបានចាក់សោរចូលទៅខាងក្នុងជាមួយនឹងអាជ្ញាធរភូមិផង បានចូលទៅក៏ប្រទះឃើញជនរងគ្រោះទាំង០៤នាក់ ដេកក្នុងរថយន្តម៉ាក ហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AM-2178 ហើយពេលស្ទាបដង្ហើមទៅ ទើបដឹងថា ជនរងគ្រោះបុរស០២នាក់ បានដេកស្លាប់នៅកៅអីក្រោយទាំង០២នាក់ ហើយស្ត្រី០២នាក់ទៀត បានសន្លប់ស្តូកស្តឹង ។

ភ្លាមៗនោះស្ត្រីជាម្តាយ ក៏ដូចជាក្រុមអាជ្ញាធរ និងពលរដ្ឋដែលបានជួយអន្តរាគមន៍ បានជួយទំនាក់ទំនងរថយន្តសាម៉ុយអោយទៅទទួលជនរងគ្រោះ ដែលនៅរស់ទាំង០២នាក់ទៅសង្គ្រោះនៅមន្ទីរពេទ្យភ្លាមៗផងដែរ ៕

អត្ថបទ៖ លីហេង & សុខា

The post សមត្ថកិច្ចបញ្ជាក់ពីការស្លាប់មនុស្ស២នាក់ និងសង្គ្រោះបន្ទាន់២នាក់នៅខណ្ឌដង្កោកាលពីល្ងាច​មិញ appeared first on Kampuchea Thmey Daily.

​សមត្ថកិច្ច​បាន​ឲ្យ​ដឹងថា បន្ទាប់ពី​ទទួលបាន​ព័ត៌មាន​ពី​ប្រជាពលរដ្ឋ​បាន​រាយការណ៍​ភ្លាម កម្លាំង​ប៉ុស្តិ៍ សហការ​ជាមួយ​កម្លាំង​ជំនាញ​ការិយាល័យ​បច្ចេកទេស​វិទ្យាសាស្ត្រ បាន​ចុះ​ទៅដល់​កន្លែងកើតហេតុ ធ្វើ​កោសល្យវិច័យ​ទៅលើ​ដងខ្លួន​សព​ពុំមាន​ស្លាកស្នាម​អ្វី​គួរ​ឲ្យ​កត់សំគាល់​នោះឡើយ​។​

​សមត្ថកិច្ច​បានបញ្ជាក់​ទៀតថា យោងទៅតាម​ការបំភ្លឺរ​បស់​គ្រួសារ​ជនរងគ្រោះ​ថា ជនរងគ្រោះ​បាន​ដើរ​បាត់​ពី​ផ្ទះ​កាលពី​ថ្ងៃទី​ ២៨ ខែមករា ឆ្នាំ​ ២០២២ ជនរងគ្រោះ​ជា​មនុស្ស​គ​រ ហើយ​មាន​សតិ​មិន​គ្រប់ តែងតែ​ដើរ​ចេញពីផ្ទះ​មក​វត្ត​ភូមិ​ថ្មី ដោយសារ​ជនរងគ្រោះ​មានកូន​បួស​ជា​ព្រះសង្ឃ​។ សព​មាន​សភាព​ស្អុយរលួយ ស្លាប់​នៅ​បាត​ជ្រោះ​ចាប់តាំងពី​ថ្ងៃ​បាត់​ខ្លួន​រហូតដល់​ប្រទះឃើញ​សព​មាន​រយះពេល​៩​ថ្ងៃ​មកហើយ​នោះ​។​

​សមត្ថកិច្ច​បាន​សន្និដ្ឋាន​ថា ​ផ្អែក​តាម​ការពិនិត្យ​សព​ជនរងគ្រោះ​ខាងលើនេះ​ ពិតជា​ស្លាប់​ដោយសារ​ខ្យល់គរ​ពិតប្រាកដ​មែន មិនមែនជា​រឿង​ឃាតកម្ម​នោះទេ​។ បច្ចុប្បន្ន​សព​ ត្រូវបាន​ក្រុមការងារ​បច្ចេកទេស​វិទ្យាសាស្ត្រ​ពិនិត្យ​រួច និង​បានប្រគល់​សព​ជូន​ក្រុមគ្រួសារ ​ដើម្បី​យកទៅ​ធ្វើបុណ្យ​តាម​ប្រពៃណី​៕

អត្ថបទ៖ វុ​ទ្ធ​ឦសាន​

The post បុរសម្នាក់បាត់ពីផ្ទះ ៩ ថ្ងៃ ស្រាប់តែប្រទះឃើញដេកស្លាប់​នៅបាត​ជ្រោះ appeared first on Kampuchea Thmey Daily.

​លោកយាយ​រងគ្រោះ មានឈ្មោះ សេង ហ៊ាង អាយុ​៧៩​ឆ្នាំ មុខរបរ​លក់ដូរ មាន​ទីលំនៅ​ចំណុចកើតហេតុ ។ លោកយាយ​ស្នាក់នៅ តែម្នាក់ឯង មកជា​ច្រើន​ឆ្នាំ​ហើយ ដោយ​លោកយាយ​ជា​ស្ត្រី​ចំណាស់​ម៉េ​ម៉ា​យ​កូន​១ ហើយ​កូនស្រី បាន​បែកការ​រស់នៅ​ជាមួយគ្នា​ជាច្រើន​ឆ្នាំ​កន្លង​ទៅហើយ ។

​យោងតាម​ប្រភពព័ត៌មាន​ពី​អ៊ុ​ប្រុស​ម្នាក់ ដែលជា​ពលរដ្ឋ​ជិតខាង​នឹង​គ្នា បានអោយដឹងថា ៖ ដោយមាន​មានការ​ងឿងឆ្ងល់ និង​សង្ស័យ​ត្រង់ ក្នុង​រយះពេល​៣​ថ្ងៃក្រោយ​មកនេះ មិនឃើញ​លោកយាយ​ចេញពី​ក្នុង​លំនៅឋាន មក​ក្រៅ​សោះ ក៏​លោក​អ៊ុ​ប្រុស​ដដែល បាន​រាយការណ៍​ជូន​មេភូមិ​ដើម្បី​សុំ​អោយជួយ​អន្តរាគមន៍ ក្រែង​លោកយាយ​មាន​បញ្ហា​អ្វី​នៅ​ខាងក្នុង ។

​បន្ទាប់ពី​ទទួលបាន​ព័ត៌មាន​ហើយ​នោះ លោក​ប្រធានភូមិ បាន​រាយការណ៍​បន្ត​ជូន​សមត្ថកិច្ច​មូលដ្ឋាន នឹង​បាន​ទំនាក់ទំនង​ជាង​អោយទៅជួយ​កាត់​សោរ​ទ្វារ ។ លុះ​ពេល​កាត់​ចូលទៅ​ខាងក្នុង​បាន​ហើយ​នោះ ក៏​ប្រទះឃើញ លោកយាយ​ចំណាស់​ខាងលើ ដេកស្លាប់​លើ​គ្រែ​ក្នុង​បន្ទប់​តែម្តងទៅ ។

​ក្រោយ​ដឹងថា ស្លាប់​ហើយ​នោះ សមត្ថកិច្ច​បាន​ពិនិត្យមើល​ទីតាំង​កើតហេតុ និង​សាកសព​រួចមក ឃើញថា ជនរងគ្រោះ គឺ​ដេកស្លាប់​តែម្នាក់ឯង​ប៉ុណ្ណោះ ព្រោះ​ផ្ទះកើតហេតុ ជាប់​សោរ​ពី​ខាងក្នុង ប៉ុន្តែ​នេះ​គ្រាន់​ជាការ​សន្និដ្ឋាន​ដំបូង​របស់​នគរបាល​មូលដ្ឋាន​ជា​ជំហាន​បឋម រងចាំ​នគរបាល​ជំនាញ​ផ្នែក​កោសល្យ​វិ​ច្ច័​យ មក​ធ្វើការ​ពិនិត្យ​អោយបាន​ច្បាស់លាស់​សិន ដើម្បី​កំណត់​បាន​១០០​ភាគរយ ថា​ជា​ករណី​អ្វី ។

​ជុំវិញ​ករណី​នេះដែរ តាម​ការ​អោយដឹង ពី​នារី​ជា​ចៅ​បង្កើត​ម្នាក់​របស់​លោកយាយ​រងគ្រោះ​អោយដឹងថា ៖ លោកយាយ​របស់ខ្លួន​បានរស់នៅ​តែម្នាក់ឯង ប្រមាណ​២​ឆ្នាំ​ហើយ ។ ហើយ​នាង​តែង​ឧស្សាហ៍​ចេញ​ចូលទៅ​មើល​លោកយាយ​ជា​បន្តបន្ទាប់​ផងដែរ ដោយសារតែ​ស្ត្រី​ជា​ម្តាយ ដែល​ត្រូវជា​កូន​ស្ត្រី​ជា​រងគ្រោះ មាន​បញ្ហា​មិន​ចុះសម្រុង​គ្នា​ឡើយ ៕

អត្ថបទ៖ លី​ហេង​

The post លោកយាយវ័យ៧៣ឆ្នាំម្នាក់ ដេកស្លាប់ក្នុងផ្ទះម្នាក់ឯង៣ថ្ងៃទើបភ្ញាក់ផ្អើល appeared first on Kampuchea Thmey Daily.

ហេតុការណ៍​ភ្ញាក់ផ្អើល​ដោយសារ​មាន​ជនបរទេស​ដេកស្លាប់​ខាងលើ បានកើត​ឡើង​នៅ​ចំណុច​ផ្ទះជួល​ ស្ថិត​ក្នុងភូមិ​កំពង់ត្រឡាច សង្កាត់​ព្រៃធំ ក្រុងកែប ខេត្ត​កែប កាលពី​ព្រឹក​ថ្ងៃទី​១៤ ខែធ្នូ ឆ្នាំ​២០២១ វេលា​ម៉ោង​៥​និង០០នាទីព្រឹក។​

តាម​របាយការណ៍​ដែល​ទទួលបាន​ពី​សមត្ថកិច្ច​ជំនាញ និង​ក្រុមគ្រូពេទ្យ​ដែល​មក​ពិនិត្យ​ធ្វើ​កោសល្យ​វិច័យ​ បានឱ្យដឹងថា ជនរងគ្រោះ​ស្លាប់មានឈ្មោះ Flora Victor ភេទ​ប្រុស អាយុ​៧១​ឆ្នាំ ជនជាតិ​អាល្លឺម៉ង់ កាន់​លិខិតឆ្លងដែន​លេខ C2YX3N4PT ជា​ភ្ញៀវទេសចរ ស្លាប់​ដោយសារ​ជំងឺ​គាំងបេះដូង។ បុរសរងគ្រោះ​ស្នាក់នៅ​ផ្ទះជួល ក្នុងភូមិ​កំពង់ត្រឡាច សង្កាត់​ព្រៃធំ ក្រុង​/​ខេត្ត​កែប​។​

បច្ចុប្បន្ន​សព​ជនជាតិ​បរទេស​ខាងលើ សមត្ថកិច្ច​បានប្រគល់​ជូន​សាច់ញាតិ​(​ជា​មិត្តភ័ក្ដិ​)​តាម​ការ​ណែ​នាំ​ពី​ស្ថានទូត​អាល្លឺម៉ង់ និង​ក្រោម​ការសម្របសម្រួល​ពី​លោក​ព្រះរាជអាជ្ញា​អប​សាលាដំបូង​ខេត្ត​៕

អត្ថបទ៖ សេង ណា​រិ​ទ្ធ​

The post បុរសជនជាតិអាល្លឺម៉ង់ម្នាក់ដេកស្លាប់ក្នុងផ្ទះជួល សមត្ថកិច្ចប្រាប់ពីមូលហេតុនៃការស្លាប់​ appeared first on Kampuchea Thmey Daily.

​សព​ជនរងគ្រោះ​ទាំងពីរ​គឺ​ទី​១​ឈ្មោះ ង៉ែត ឧ​ត្ត​ម ភេទ​ប្រុស ​អាយុ​៣២​ឆ្នាំ​ ត្រូវជា​ពូ​និង​ជា​ម្ចាស់​យានដ្ឋាន​ជួសជុល​រថយន្ត​ និង​បុរស​ជា​ក្មួយប្រុស​ ឈ្មោះ ងួន ណែ​ត អាយុ​១៧​ឆ្នាំ​។​

​តាម​របាយការណ៍​រប​ស់លោក​វរសេនីយ៍ត្រី ជា រតនា នាយ​នគរបាល​ប៉ុស្តិ​ចាក់អង្រែលើ​បាន​ឲ្យ​ដឹងថា ដើមហេតុ​ដំបូង​គឺ​ឈ្មោះ​ ហល ម៉ន ភេទ​ប្រុស ​ជា​កូនជាង​ជួសជុល​រថយន្ត​មិន​ឃើញ​ពីរ​នាក់ មា​និង​ក្មួយ មក​យានដ្ឋាន ក៏បាន​ខ​ល​តាម​ទូរ​សព្ទ​ហៅ​តែ​មិន​លើក​ជាច្រើន​សារ ​ក៏​សម្រេចចិត្ត​មកដល់​ផ្ទះ​ ដែល​អ្នក​ទាំងពីរ​ដេក​ ប៉ុន្តែ​ទោះជា​ស្រែកហៅ​យ៉ាងណា​ក៏​មិន​បើកទ្វារ​។​បន្ទាប់មក​កូនជាង​និង​ប្រជាពលរដ្ឋ​ក្បែរ​ខាង​បាន​យក​ម៉ូ​ទ័​រ​កាត់​គន្លឹះទ្វារ​ចូល​ទៅក្នុង​ផ្ទះ​ក៏​ប្រទះឃើញ ​​ង៉ែត ឧ​ត្ត​ម ដេកស្លាប់​ផ្កាប់មុខ​នៅលើ​គ្រែ​ចំណែក ងួន ណែ​ត ដេកស្លាប់​លើ​អង្រឹង​ធ្លាក់​ក្បាល​មកក្រោម​។

​លោកនាយ​ប៉ុស្តិ​បាន​បន្តថា​ ការស្លាប់​របស់​ជនរងគ្រោះ​ គឺ​ដោយសារ​ថប់ដង្ហើម​ខ្វះ​អុកស៊ីសែន​(​បញ្ឆេះ​ម៉ា​ស៊ី​ន​ភ្លើង​)​។ នគរបាល​បានបញ្ជាក់​ច្បាស់​ថា​ សព​ជនរងគ្រោះ​ទាំងពីរ​នាក់​ពូ​និង​ក្មួយ​គឺ​ពុំមែន​ស្លាប់​ដោយ​ករណី​ឃាតកម្ម​នោះទេ​៕

អត្ថបទ៖ ​ន​រា​

The post ពីរ​នាក់​ពូ​​ក្មួយ​ដេកស្លាប់ ​ក្នុងផ្ទះ​ដោយ​ខ្វះខ្យល់​អុក​ស៊ីសែន appeared first on Kampuchea Thmey Daily.

សពមានឈ្មោះ មាស ឈុនលាភ មានមុខរបរជាគ្រូពេទ្យ ស្នាក់នៅកន្លែងកេីតហេតុខាងលេី មានស្រុកកំ​ណើត​នៅខេត្តព្រៃវែង។

ប្រភពព័ត៌មានពីកន្លែងកេីតហេតុបានឱ្យដឹងថា ជារៀងរាល់ថ្ងៃគេសង្កេតឃេីញជនរងគ្រោះបេីកលក់ថ្នាំពេទ្យតាមធម្មតាតែរយៈពេល២ថ្ងៃមកហេីយ មិនបានឃើញលោកគ្រូពេទ្យបើកទ្វារ ចេញមកក្រៅលក់ថ្នាំនោះទេ បន្ទាប់មកដល់ថ្ងៃកើតហេតុខាងលើ បានបងប្អូនពលរដ្ឋចូលមកទិញថ្នាំ ដោយគោះទ្វារហៅយ៉ាងណាក៏មិនឆ្លេីយ ពេលនោះក៏ងឿងឆ្ងល់អេីតមេីលស្រាប់តែឃើញជនរងគ្រោះដេកនៅខាងក្នុងទេីប រាយការណ៍ ទៅសមត្ថកិច្ចឱ្យចុះមកពិនិត្យភ្លាមៗ។

ក្រោយកេីតហេតុសមត្ថកិច្ចមូលដ្ឋាន បានចុះមកដល់រួចក៏នាំគ្នាគាស់ទ្វារចូលទៅខាងក្នុងពិនិត្យឃេីញជនរងគ្រោះបានស្លាប់បាត់ទៅហេីយ ទេីបទាក់ទងទៅក្រុមគ្រូពេទ្យ ឱ្យចុះមកពិនិត្យសំណាកលើសពភ្លាមៗ បន្ទាប់​ពីក្រុមគ្រូពេទ្យពិនិត្យរួចមក ដោយបញ្ជាក់ពីគ្រូពេទ្យ សពជនរងគ្រោះគឺមានវិជ្ជមានកូវីដ១៩៕

ដោ៖សុខា

The post វេជ្ជបណ្ឌិតដេកស្លាប់ក្នុងបន្ទប់ព្យាបាល​ពិនិត្យឃើញវិជ្ជមាន​កូវីដ១៩ appeared first on Kampuchea Thmey Daily.