កាលពីថ្ងៃចន្ទ មេដឹកនាំកំពូលលោក Ayatollah Ali Khamenei បានអំពាវនាវ កុំឲ្យមានការលើកលែងឲ្យសោះចំពោះជនល្មើសនៃឧក្រិដ្ឋកម្មនេះ ហើយឈានដល់ថ្នាក់ប្រហារជីវិតជនល្មើស ស្របពេលមានកំហឹងសាធារណៈកាន់តែខ្លាំងឡើង។

ក្រសួងមហាផ្ទៃបាននិយាយនៅក្នុងសេចក្តីថ្លែងការណ៍មួយថា “មនុស្សមួយចំនួនដែលសង្ស័យថា បានផលិតសារធាតុគ្រោះថ្នាក់ ត្រូវបានចាប់ខ្លួននៅក្នុងខេត្តចំនួនប្រាំមួយ រួមទាំងឪពុកម្តាយរបស់សិស្សផងដែរ”។

អនុរដ្ឋមន្ត្រីក្រសួងមហាផ្ទៃអ៊ីរ៉ង់ លោក Majid Mirahmadi បានប្រាប់ទូរទស្សន៍រដ្ឋថា “ទីភ្នាក់ងារស៊ើបការណ៍សម្ងាត់បានធ្វើការចាប់ខ្លួនមនុស្សច្រើននាក់ ហើយទីភ្នាក់ងារពាក់ព័ន្ធកំពុងធ្វើការស៊ើបអង្កេតពេញលេញ”។

គួរបញ្ជាក់ថា សាលារៀនជាច្រើននៅទូទាំងប្រទេសអ៊ីរ៉ង់ ត្រូវបានវាយប្រហារដោយការបំពុលចាប់តាំងពីចុងខែវិច្ឆិកាមក ដោយសិស្សមានរោគសញ្ញាដូចជាដកដង្ហើមខ្លី ចង្អោរ និងវិលមុខ ជាដើម។ សិស្សទាំងនោះ ក៏បានប្រាប់ថា មានក្លិនមិនល្អនៅក្នុងបរិវេណសាលារបស់ពួកគេផងដែរ៕

ប្រែសម្រួល៖ Vann Vann

ប្រភព៖ Arab News

ចុចអាន៖ មេដឹកនាំអ៊ីរ៉ង់ ប្រកាសប្រហារជីវិតជននៅពីក្រោយការបំពុល ក្មេងស្រីសិស្សសាលាជាង ១ពាន់នាក់

The post ទីបំផុត អ៊ីរ៉ង់ ចាប់បានជនសង្ស័យក្នុងករណីបំពុលសិស្សស្រីជាង ៥ពាន់នាក់ appeared first on Kampuchea Thmey Daily.

នេះជាលើកទីមួយហើយដែលលោក Ayatollah Ali Khamenei និយាយជាសាធារណៈ អំពីការពុល ដែលចាប់ផ្តើមកាលពីឆ្នាំមុនមក។

ចាប់តាំងពីចុងខែវិច្ឆិកាឆ្នាំ២០២២ ការពុលរាប់រយករណី ត្រូវបានរាយការណ៍ក្នុងចំណោមសិស្សសាលា ដែលភាគច្រើនជាសិស្សស្រី ដោយខ្លះត្រូវការការព្យាបាលនៅមន្ទីរពេទ្យ។

ការពុលបានចាប់ផ្តើមនៅក្នុងទីក្រុង Qom ភាគខាងត្បូងនៃរដ្ឋធានី តេហេរ៉ង់ ប៉ុន្តែឥឡូវនេះ បានរីករាលដាលទូទាំងប្រទេស រួមទាំងនៅតាមសាលារៀនក្នុងរដ្ឋធានីផងដែរ។

ទោះបីជាយ៉ាងណាក៏ដោយ ក្រុមមន្ត្រីទើបតែទទួលស្គាល់ឧប្បត្តិហេតុនេះ ក្នុងរយៈពេលប៉ុន្មានសប្តាហ៍ចុងក្រោយប៉ុណ្ណោះ ហើយមិនផ្តល់ព័ត៌មានលម្អិតថាអ្នកណាអាចនៅពីក្រោយការវាយប្រហារ ឬសារធាតុគីមីអ្វីដែលត្រូវបានប្រើដើម្បីបំពុលនោះទេ។

មិនដូចប្រទេសជិតខាងអាហ្វហ្គានីស្ថានទេ, អ៊ីរ៉ង់មិនមានប្រវត្តិនៃក្រុមជ្រុលនិយមសាសនាដែលផ្តោតលើការអប់រំរបស់ស្ត្រីឡើយ។

ប៉ុន្តែការវាយប្រហារដែលគេសង្ស័យ គឺត្រូវបានអ្នកអត្ថាធិប្បាយមួយចំនួនមើលឃើញថា ជាផ្នែកនៃការឆ្លើយតបជ្រុលហួសហេតុលើបាតុកម្មដឹកនាំដោយស្ត្រី និងក្មេងស្រី ដែលបានអង្រួនប្រទេសអ៊ីរ៉ង់ក្នុងរយៈពេលប៉ុន្មានខែថ្មីៗនេះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ សិស្សស្រីអ៊ីរ៉ង់ជាង១ពាន់នាក់ ត្រូវគេបំពុលយ៉ាងអាថ៌កំបាំង

The post មេដឹកនាំអ៊ីរ៉ង់ ប្រកាសប្រហារជីវិតជននៅពីក្រោយការបំពុល ក្មេងស្រីសិស្សសាលាជាង ១ពាន់នាក់ appeared first on Kampuchea Thmey Daily.

ទីភ្នាក់ងារ​ព័ត៌មាន​រដ្ឋ​ផ្សាយ​ថា ករណី​ទាំង​នោះ ​បាន​ចាប់​ផ្តើម​​នៅក្នុង​ខែ​វិច្ឆិកា។ តំបន់ដែលកើតឡើងនេះ រួមមានទាំងទីក្រុង Tehran និង Qom ផងដែរ។

សិស្សស្រីទាំងនោះ បានបង្ហាញអាការពិបាក​ដកដង្ហើម ស្ពឹក​ដៃជើង និង​អស់កម្លាំង។ ទោះបីជាយ៉ាងណាក៏ដោយ ករណីភាគច្រើនគឺស្រាល។

ដោយសារតែបញ្ហានេះ ឪពុកម្តាយ និងអាណាព្យាបាលមួយចំនួន បានសម្រេចចិត្តឲ្យកូនរបស់ពួកគេនៅផ្ទះ ហើយអំពាវនាវ ឲ្យមានការស៊ើបអង្កេតរកមូលហេតុ។

កាលពីថ្ងៃសុក្រទី០៣ខែមីនា លោកប្រធានាធិបតី Ebrahim Raisi បានស្តីបន្ទោសសត្រូវរបស់អ៊ីរ៉ង់ ចំពោះអ្វីដែលលោកពិពណ៌នាថា ជាផែនការមួយដើម្បីបង្កការភ័យខ្លាច និងអសន្តិសុខក្នុងចំណោមឪពុកម្តាយ និងសិស្ស៕

ប្រែសម្រួល៖ Vann Vann

ប្រភព៖ NHK

ចុចអាន៖ មន្ត្រីសុខាភិបាល ព្រមានយកស្រាពីរបីមុខលាយ​បញ្ចូលគ្នា អាច​ឱ្យពុលស្លាប់

The post សិស្សស្រីអ៊ីរ៉ង់ជាង១ពាន់នាក់ ត្រូវគេបំពុលយ៉ាងអាថ៌កំបាំង appeared first on Kampuchea Thmey Daily.

លោកវេជ្ជបណ្ឌិត លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលបានមានប្រសាសន៍នៅរសៀលថ្ងៃទី១ ខែវិច្ឆិកា នេះថា មន្ត្រីជំនាញសុខាភិបាលកំពុងសហការជាមួយមន្ត្រីក្រសួងកសិកម្មរុក្ខាប្រមាញ់និង
នេ​សាទ និងអង្គភាពពាក់ព័ន្ធផ្សេងៗទៀតដើម្បីអង្កេតស្រាវជ្រាវករណីស្លាប់កម្មករនៅខេត្តកំពង់ចាម ថាតើបណ្តាលមកពីមូលហេតុអ្វីពិតប្រាកដ។

លោកវេជ្ជបណ្ឌិតបានបន្តថា «ជាជំហានដំបូងក្រុមការងារមានការសង្ស័យទៅលើថ្នាំសម្លាប់សត្វល្អិតហ្នឹង តែយើងក៏បានរកឃើញថា មានពុលស្រាដែរបន្ទាប់ពីយើងបានយកស្រាទៅពិនិត្យឃើញមានសារធាតុមេតាណុលខ្ពស់រហូតដល់៩ភាគរយ។ អីចឹងឃើញថា មានករណីពាក់ព័ន្ធស្រា ហើយយើងបានណែនាំឱ្យបញ្ឈប់ការលក់ស្រា និងការផឹកស្រាហើយក៏ដូចជាការបាញ់ថ្នាំសំលាប់សត្វល្អិតក្នុងចំការរួចហើយដែរ»។

លោកវេជ្ជបណ្ឌិតបានបន្តទៀតថា ចំពោះមូលហេតុដែលបណ្តាលឱ្យកម្មករស្លាប់នោះ ត្រូវរង់ចាំការអង្កេតស្រាវជ្រាវពីមន្ត្រីជំនាញអន្តរក្រសួងសិន ថាតើបណ្តាលមកពីថ្នាំសម្លាប់សត្វកល្អិត ឬមកពីការពុលស្រា។ បើតាមលោកវេជ្ជបណ្ឌិត
យិន ស៊ីណាត ប្រធានមន្ទីរពេទ្យខេត្តកំពង់ចាម បានសន្និដ្ឋានថា អ្នកជំងឺដែលកំពុងសម្រាកព្យាបាលនោះ មានជំងឺផ្លូវចិត្ត ដូចជាករណីសិស្សសាលា និងកម្មកររោងច្រក ដែលដួលជាបន្តបន្ទាប់រយៈពេលកន្លងនោះដែរ ព្រោះគ្មានឃើញរោគសញ្ញាណាដែលបង្ហាញថា ពុលថ្នាំសម្លាប់សត្វល្អិតនោះទេ។

លោកវេជ្ជបណ្ឌិតបានបន្តថា កាលពីម្សិលមិញមានអ្នកជំងឺចំនួន២៨នាក់បានធូរស្រាលហើយវិលត្រឡប់ទៅផ្ទះរៀងៗខ្លួនវិញហើយ នៅសល់៣៤នាក់ទៀតកំពុងបន្តសំរាកព្យាបាល។ ហេតុការណ៍នេះបានកើតឡើងកាលពីថ្ងៃទី២៨ ខែតុលា ឆ្នាំ២០២២ នៅវេលាម៉ោង២និង៤៥នាទី នៅក្នុងចម្ការចេក ឡុង ស្រេង បឹងកេត ស្ថិតក្នុងភូមិ៣៥ ឃុំព្រែកកក់ ស្រុកស្ទឹងត្រង់ខេត្តកំពង់ចាម៕

អត្ថបទ៖ សំអឿន

The post មន្ត្រីជំនាញអន្តរក្រសួងកំពុងបើកការស៊ើបអង្កេត​ពាក់ព័ន្ធការស្លាប់កម្មករនៅចម្ការចេក ឡុង ស្រេង បឹងកេត appeared first on Kampuchea Thmey Daily.

ហេតុការណ៍នេះបានកេីតឡេីងកាលពីថ្ងៃទី២៨ ខែតុលា ឆ្នាំ២០២២ នៅវេលាម៉ោង២និង៤៥នាទី នៅក្នុងចម្ការចេក ឡុង ស្រេង ស្ថិតក្នុងភូមិ៣៥ ឃុំព្រែកកក់ ស្រុកស្ទឹងត្រង។

បេីការបញ្ជាក់ពីលោក ឯម វឌ្ឍនា អធិការស្រុកស្ទឹងត្រង់ បានឲ្យដឹងថា មានកម្មករប្រុសចំនួនបីនាក់បានស្លាប់ពេលបញ្ជូនទៅកាន់មន្ទីរពេទ្យខេត្តកំពង់ចាម ខណៈបាញ់ថ្នាំពុល និងបោចស្មៅក្នុងចម្ការចេក បន្ទាប់មកមានអាការៈ ថប់ៗ ពិបាកដកដង្ហើម និងចុកទ្រូង។

លោកអធិការបញ្ជាក់ទៀតថា គឺរង់ចាំខាងក្រុមគ្រូពេទ្យពិនិត្យព្យាបាលតាមសិនថាតេីបង្កមកពីមូលហេតុអ្វី? ព្រោះបច្ចុប្បន្ន កម្មករជាច្រេីនដែលមកពិនិត្យព្យាបាលនៅមន្ទីរពេទ្យខេត្តកំពង់ចាម ហេីយបានធូរស្រាលត្រឡប់ទៅផ្ទះវិញ។

បេីតាមសម្តីជនរងគ្រោះដែលធ្វេីការនៅចម្ការចេក ឡុង ស្រេង បឹងកេត នោះ បានបញ្ជាក់ប្រាប់ថា ក្រោយពីពួកគេយកថ្នាំបាញ់ស្មៅ ក្នុងចម្ការដូចសព្វដង រួចស្រាប់តែកម្មករជាច្រេីននាក់ ចាប់ផ្តេីមមានអាការៈ ថប់ៗ ពិបាកដកដង្ហើម និងចុកទ្រូង ហេីយប្រសិនបេីមិនបានបញ្ជូលមកកាន់មន្ទីរពេទ្យទាន់ពេលទេនោះអាចបង្កឲ្យស្លាប់ភ្លាមៗ។

បច្ចុប្បន្នជនរងគ្រោះជាច្រេីននាក់ មានសភាពធូរស្រាល និងកំពុងបន្តព្យាបាលនៅមន្ទីរពេទ្យបង្អែកស្រុកស្ទឹងត្រង់ និងមន្ទីរពេទ្យខេត្តកំពង់ចាម ចំណែកសាកសពជនរងគ្រោះត្រូវសមត្ថកិច្ចប្រគល់ជូនក្រុមគ្រួសារយកធ្វើបុណ្យតាមប្រពៃណី៕

អត្ថបទ៖ ឡេក ចាន់ពេជ្រ

The post ស្លាប់កម្មករ៥នាក់ និងកំពុងសង្គ្រោះបន្ទាន់ជាច្រើននាក់ សង្ស័យពុលថ្នាំក្នុងចម្ការចេក ឡុង ស្រេង បឹងកេត appeared first on Kampuchea Thmey Daily.

យោងតាមរបាយការណ៍របស់មន្ទីរព័ត៌មានខេត្តកំពង់ធំ បានឲ្យដឹងថា បុរសដែលពុលសត្វល្អិតនោះឈ្មោះ ឈន ឈឿន ភេទប្រុស អាយុ៤២ឆ្នាំ មុខរបរធ្វើស្រែចម្ការ បានបាត់បង់ជីវិត ដោយសារពុលអាហារ ក្រោយពីបរិភោគសត្វល្អិតម្យ៉ាងដែលត្រូវបានគេស្គាល់ថា ខ្ញុងខ្មៅក្រហម ។

ហេតុការណ៍នេះបានកើតឡើងនៅព្រឹកថ្ងៃទី២៩ ខែកក្កដា ឆ្នាំ២០២២ កន្លងទៅនេះ ស្ថិតនៅភូមិអូរខ្សង់​ ឃុំសាគ្រាម​ ស្រុកប្រាសាទបល្ល័ង្ក ខេត្តកំពង់ធំ ។ បើតាមការរៀបរាប់ពីក្រុមសាច់ញាតិបានឲ្យដឹងថា ដំបូងឡើយបុរសខាងលើ ត្រូវជាកូនបានឃើញគេដាក់លក់សត្វនេះដោយគិតថា មិនអី គាត់ក៏បានទិញវាយកមកលាងទឹក រួចក៏ចម្អិនហូបក្រោយលីងវាឆ្អិន។

ស្ត្រីជាម្តាយបានសាកល្បងហូបចូលមាត់បន្តិចក៏ខ្ជាក់ចេញវិញដោយស្រែកថា ល្វីងណាស់ ចំណែកបុរសជាកូនប្រុសបានបន្តហូបសត្វនេះធម្មតា។ បន្ទាប់ពីហូបសត្វនេះរួចបុរសខាងលើបានចាប់ផ្តើមមានអាការៈមិនស្រួលខ្លួន រាគផង ក្អួតផង ដោយគិតស្មានថា មិនអី រូបគាត់មិនបានទៅព្យាបាលនៅមន្ទីរពេទ្យទាន់ពេលនោះទេ ពោលគឺបន្តប្រើថ្នាំព្យាបាលនៅផ្ទះអស់រយៈពេលប្រហែលពីរថ្ងៃ។

ក្រោយមកសភាពជំងឺហាក់មិនថយសោះដោយវាកាន់តែធ្ងន់ធ្ងរទៅ ឃើញដូច្នេះសាច់ញាតិក៏សម្រេចដឹករូបគាត់ទៅកាន់មន្ទីរពេទ្យ ប៉ុន្តែពេលទៅដល់មន្ទីរពេទ្យ គ្រូពេទ្យបានប្រាប់វិញថា ហួសពេលហើយ គ្រឿងក្នុងសំខាន់ៗរបស់គាត់ត្រូវបានជាតិពុលបំផ្លាញអស់ហើយ ។

ឮដូច្នេះក្រុមសាច់ញាតិ ក៏បានសម្រេចដឹកបញ្ជូនគាត់មកផ្ទះទាំងសោកស្តាយទៅធ្វើបុណ្យតាមប្រពៃណីព្រះពុទ្ធសាសនា នៅរសៀលថ្ងៃទី០១ ខែសីហាឆ្នាំ២០២២។

គួរបញ្ជាក់ថា បើតាមអ្នកស្រុក សត្វល្អិតប្រភេទនេះមានឈ្មោះវាថា ខ្ញុងខ្មៅក្រហម ឬ ពព្លះខ្មៅក្រហម ។ សត្វល្អិត​​ប្រភេទនេះ វាមានរូបរាងតូចទម្ងន់ប្រហែល៤ ទៅ ៦ក្រាម​ ។ វាស្ថិតនៅក្នុងចំណោមសត្វល្អិត ដែលមិនអាចយកមកបរិភោគបានទេ បើទោះបីជាបានចម្អិនរួចហើយក៏ដោយ ។ មនុស្ស​ ឬសត្វ បរិភោគសត្វល្អិតប្រភេទនេះ នឹងត្រូវទទួលរងការខូច​ខាត​ធ្ងន់ធ្ងរ​ដល់​គ្រឿងក្នុងសំខាន់ដូចជា ក្រពះពោះវៀន, ក្រលៀន និងផ្លូវ​បង្ហួរនោម ព្រោះដោយសារសត្វល្អិតនេះ វាមានផ្ទុកកំហាប់ដ៏ច្រើននៃសារធាតុ ដែលជាជាតិពុលច្រើន៕

The post បុរសម្នាក់ពុលសត្វល្អិតម្យ៉ាងរហូតខូចគ្រឿងក្នុងទាំងស្រុងជួយសង្គ្រោះលែងបាន appeared first on Kampuchea Thmey Daily.

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតកើតហេតុគេឃើញពលករប្រុសស្រីជាច្រើនដែលកំពុងតែសម្រាកព្យាបាលជំងឺកូវីដ១៩ នៅមណ្ឌលចត្តាឡីស័កកូបធំ ក្នុងភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ នៅវេលាម៉ោង ២ សៀលថ្ងៃទី ១១ ខែវិច្ឆិកា ឆ្នាំ២០២១ បងប្អូនពលករទាំងនោះបាននាំគ្នាទៅទិញភេសជ្ជៈអូរអ៊ីឈិមកលាយជាមួយទឹកអាល់កលហើយនាំគ្នាទទួលទានតែម្ដង។

ប្រភពដដែលបន្តថា ក្រោយពេលទទួលទានរួចបានចំនួន ១០នាទីប៉ុណ្ណោះស្រាប់តែមានបងប្អូនពលករមួយចំនួនបានក្អួតចង្អោរខ្លះទៀតក៏ដួលស្លាប់នៅកន្លែងកើតហេតុស្រាប់តែមានការភ្ញាក់ផ្អើលជាបន្តបន្ទាប់ សមត្ថកិច្ចដែលប្រចាំការនៅទីនោះនាំគ្នាយកររថយន្តទៅសង្គ្រោះភ្លាមតែម្តង។

លោក ឡេ ចាន់សង្វាត ប្រធានមន្ទីរសុខាភិបាលខេត្តបន្ទាយមានជ័យបានឲ្យដឹងថា មកដល់ពេលនេះជនរងគ្រោះក្នុងចំណោម ២២ អ្នកបានបាត់បង់ជីវិតចំនួន ៧ នាក់ហើយក្នុងនោះមានស្រីម្នាក់ លោកបានបន្តទៀតថា ជនរងគ្រោះដែលស្លាប់នោះរួមមាន ម្នាក់បានស្លាប់នៅមន្ទីពេទ្យបង្អែកក្រុងប៉ោយប៉ែត ហើយ ៤ នាក់ទៀតបានស្លាប់នៅក្នុងមន្ទីរពេទ្យមិត្តភាពកម្ពុជាជប៉ុនស្រុកមង្គលបូរីខេត្តបន្ទាយមានជ័យ មកដល់ម៉ោង ១០ ព្រឹកថ្ងៃទី ១២ នេះ គឺមានពីរនាក់ទៀតបានស្លាប់នៅមន្ទីពេទ្យខេត្តសៀមរាប វឯជនរងរបួសកំពុងតែបន្តជួយសង្គ្រោះបន្ទាន់ផងដែរនៅក្នុងមន្ទីរពេទ្យបង្អែកមិត្តភាពកម្ពុជាជប៉ុន។

នៅវេលាម៉ោង ១១នឹង២០នាទី ព្រឹកថ្ងៃទី១២វិច្ចការឆ្នាំ២០២១នេះ លោកគាតហ៊ុល អភិបាលនៃគណៈអភិបាលក្រុងប៉ោយប៉ែត បានអញ្ជើញទៅសួរសុខទុក្ខជនរងគ្រោះដែលពុលភេសជ្ជៈនៅក្នុងមន្ទីរពេទ្យបង្អែកក្រុងប៉ោយប៉ែត ដោយពាំនាំថវិកាមួយចំនួនជូនជនរងគ្រោះទៀតផង ក្នុងនោះដែរលោកបានបញ្ជាក់ថា វាជារឿងមួយមិនគួរឲ្យកើតមានប៉ុន្តែបែជាកើតមានស្ដែងៗតែម្ដង ពេលនេះអាជ្ញាធរនឹងមន្ត្រីពេទ្យកំពុងតែធ្វើការត្រួតពិនិត្យយ៉ាងហ្មត់ចត់ថាតើភេសជ្ជៈនោះមានលាយអ្វីឲ្យពិតប្រាកដ ទើបឈានដល់ការពុលរហូតដល់ស្លាប់យ៉ាងដូច្នេះ ក្នុងនោះដែរលោកអភិបាលក្រុងបានជូនពរដល់បងប្អូនជនរងគ្រោះដែលកំពុងសម្រាកនៅក្នុងមន្ទីរពេទ្យបង្អែកក្រុងប៉ោយប៉ែតសូមឱ្យមានការឆាប់ជានឹងវិលទៅជួបជុំគ្រួសារវាពេលខាងមុខនេះកុំបីខាន៕

អត្ថបទ៖ ពៅរី

The post ស្លាប់ ៧ នាក់ កំពុងសង្គ្រោះ ១៧ នាក់ ដោយសារផឹកអាល់កុលលាយភេសជ្ជៈ appeared first on Kampuchea Thmey Daily.

លោកអ៊ុំ រាត្រី អភិបាលខេត្តបន្ទាយមានជ័យ និងមន្ត្រីអមដំណើរជាច្រើននាក់ចុះដល់កន្លែងកើតហេតុបានប្រាប់ បានប្រាប់អ្នកយកព័ត៍មានឲ្យដឹងថា មុនពេលពុលនោះមានពលករខ្មែរជាច្រើននាក់មកដេកស្នាក់នៅកន្លែងមណ្ឌល​ចត្តា​ឡីស័ក​ក្រុងប៉ោយប៉ែត១កន្លែង នៅចត្តាឡីស័កជិតចេញបានវិលទៅផ្ទះវិញហើយស្រាប់តែនៅយប់នោះពលករទាំងអស់នោះមិនដឹងគិតយ៉ាងណាបាននាំគ្នាទិញ ទឹកអូអ៊ិឈិ និងទឹកក្រូច យកមកលាយនិងអាល់កុល មកផឹកយ៉ាងសប្បាយ រយះពេលកន្លងមកមិនបានប៉ុន្មានម៉ោងផងពលករមានអាការក្អួត ចង្អោរ រហូតដល់ដេកដួលពេញកន្លែងចត្តាឡីស័ក ក្រុមគ្រូពេទ្យប្រចាំការនៅទីនោះខិតខំជួយសង្គ្រោះដែរដោយសារតែ ពលករបាន យកទឹកអូអ៊ិឈិ និងទឹកក្រូច លាយនិងអាល់​កុលមកផឹកធ្វើឲ្យជាតិពុលខ្លាំងមិនអាចសង្គ្រោះទាន់បណ្តាលឲ្យមានពលករស្លាប់ជាបន្តបន្ទាប់ដល់ទៅ៦នាក់ ក្នុងនោះក្រុមគ្រូពេទ្យកំពុងដឹកពលករតានរថយន្តយកទៅសង្គ្រោះនៅមន្ទីរពេទ្យបង្អែកចំនួន ១០នាក់ទៀតមិនដឹងថាពលករទាំង១០នាក់នោះអាចសង្គ្រោះបានរឺអត់ទេ។

លោក អ៊ុំ រាត្រីបានបញ្ជាក់ឲ្យដឹងបន្តទៀតថា ពលករដែលស្លាប់នោះកំពុងធ្វើការទំនាក់ទំនងទៅគ្រួសារមកយកសពទៅធ្វើបុណ្យនៅផ្ទះរាងៗខ្លួនហើយ។

ចំណែកពលករទាំង១០ដែលសង្គ្រោះបន្ទាន់នោះក្រុមគ្រួពេទ្យកំពុងយកចិត្តទុកដាក់ជួយសង្គ្រោះយ៉ាងខ្លាំងផងដែរសង្ឃឹមថាពលករទាំង១០នាក់នេះអាចសង្គ្រោះបានទៅចុះ៕

វ៉ាន ណាង

The post ពលករខ្មែរជាប់ចត្តាឡីស័ក យកទឹកអាល់កុល លាយធ្វើស្រាផឹកស្លាប់ ៦ នាក់ ១០ នាក់កំពុងសង្គ្រោះ appeared first on Kampuchea Thmey Daily.