របាយការណ៍​របស់ក្រសួងកសិកម្ម រុក្ខាប្រមាញ់ និងនេសាទ បង្ហាញថា ​នៅក្នុងឆ្នាំ ២០២៥ ការនាំ​ចេញ​ផលិតផលដំណាំសរុបចំនួន ១៤ ៩១០ ៤៨០ តោន កើនឡើង ២៧,៨៣% ធៀបនឹងឆ្នាំ ២០២៤ ក្នុងនោះការនាំចេញស្រូវសម្រេចបាន ៦ ៨៥៩ ៩៣០ តោន កើនឡើង ៤៨,៨៥%, អង្ករ ចំនួន ៩៤០ ៣២១ តោន កើន ៤៥,៥៩% និងផលិតផលដំណាំក្រៅពីស្រូវ-អង្ករចំនួន ​៧ ១១០ ២២៩ ​តោន។​

​ក្នុងឆ្នាំ ២០២៥ តុល្យភាពស្បៀងនៃបរិមាណផលស្រូវរដូវវស្សា ដែលនៅសល់ពីការនាំចេញ និងការប្រើប្រាស់ក្នុងស្រុកចំនួន ៥ ០៨៥ ៧៨៧ តោន (គិតជាអង្ករ ៣ ២៥៤ ៩០៤) ដែលនៅតែអាចផ្គត់ផ្គង់ កាប្រើប្រាស់ក្នុងស្រុក និងសម្រាប់ការនាំចេញ។

​លោក ឌិត ​ទីណា ​រដ្ឋមន្ត្រីក្រសួងកសិកម្ម ​រុក្ខាប្រមាញ់ ​និងនេសាទ ​បានលើកឡើង ​នៅក្នុងរបាយការណ៍ថា ​នៅក្នុងឆ្នាំ ២០២៥ ​ការនាំចេញផលិតផលដំណាំ មានលក្ខណៈល្អប្រសើរ កើនឡើង ២៧,៨៣% ធៀបនឹងឆ្នាំ ២០២៤។

លោករដ្ឋមន្ត្រីក្រសួងកសិកម្ម បានបន្ថែមថា ផលិតកម្មស្រូវ អង្ករ ដំណាំរួមផ្សំ ឈើហូបផ្លែ បន្លែ ត្រី សាច់សត្វ មានលទ្ធភាពគ្រប់គ្រាន់សម្រាប់ផ្គត់ផ្គង់តម្រូវការ​ក្នុងស្រុក និងអាចធានបាននូវសន្តិសុខ​ស្បៀង​សម្រាប់​ប្រជាពល​រដ្ឋទោះបីស្ថិតក្នុងស្ថាន​ភាពឈ្លានពានពីភាគីថៃ ​មកលើកម្ពុជាក៏ដោយ ការនាំចេញផលិតផល​កសិកម្មនៅតែ​បន្តជាធម្មតា៕

អត្ថបទ៖ ឡេង ដេត

The post ​កម្ពុជាទាញ​ចំណូល​បានជាង ​៥ ​ពាន់លានដុល្លារ ​ពីការនាំចេញ​ផលិតផលកសិផល​ នៅឆ្នាំ ២០២៥​ appeared first on Kampuchea Thmey Daily.

​ការអនុញ្ញាតនេះបានធ្វើឡើងក្នុងកិច្ចប្រជុំអន្តរក្រសួង-ស្ថាប័នដឹកនាំដោយលោកបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និង​ជាប្រធានក្រុមការងារអភិវឌ្ឍ​វិស័យឯកជននៅរសៀលថ្ងៃទី ២១ ខែ មករា ឆ្នាំ ២០២៦។

នៅក្នុងកិ្ចប្រជុំលោកបណ្ឌិតសភាចារ្យ បានគូសរំលេចអំពីសាវតារនៃការស្នើសុំប្រើប្រាស់ដី និងកិច្ចខិតខំប្រឹងប្រែងរបស់ស្ថាប័នពាក់ព័ន្ធ រហូតទទួលបានការឯកភាពពីរាជរដ្ឋាភិបាល ក្នុងការប្រើប្រាស់ដី សម្រាប់អនុវត្តគម្រោងកសិកម្មនេះ។

លោកបណ្ឌិតសភាចារ្យបានស្នើអង្គភាពពាក់ព័ន្ធ និងក្រសួងបរិស្ថាន ធ្វើការគិតគូរលម្អិតអំពីការបំពេញបែបបទ និងនីតិវិធីក្នុងការប្រើប្រាស់ដី ក្នុងទម្រង់កិច្ចសហការរវាង រដ្ឋ ឯកជន និងសហគមន៍ ឱ្យអនុលោមតាមការសម្រេចរបស់រាជរដ្ឋាភិបាល ជាមួយនឹងការធានាឱ្យបាននូវផលជះវិជ្ជមាន ដល់សេដ្ឋកិច្ចកម្ពុជា និងលើកកម្ពស់ជីវភាពរបស់ប្រជាជនក្នុង​សហគមន៍ និងម៉្យាងដើម្បីជំរុញការវិនិយោគ និងបង្កើនខ្សែច្រវាក់ផលិតកម្ម សំដៅផ្គត់ផ្គង់តម្រូវការក្នុងស្រុក ឱ្យបានគ្រប់គ្រាន់ និងមានភាពធន់នឹងកត្តាខាងក្រៅ៕

អត្ថបទ៖សំអឿន

The post រដ្ឋ អនុញ្ញាតឱ្យវិស័យឯកជន វិនិយោគកសិដ្ឋានចិញ្ចឹម​គោយកទឹកដោះ លើទំហំដីជិត ៦០០ ហិកតា appeared first on Kampuchea Thmey Daily.

ជាជាង​ផ្តោត​លើកិច្ច​​អន្តរាគមន៍​ដាច់​ដោយ​ឡែកផ្សេងៗ​ពីគ្នា គម្រោង​សមភាពសម្រាប់ទាំងអស់គ្នា ប្រើយុទ្ធសាស្ត្រ​ប្រមូលផ្ដុំ​​ភាគី​ពាក់ព័ន្ធ​ចម្រុះ​ ដើម្បី​ដោះស្រាយ​បញ្ហា​ប្រឈម​ជា​ប្រព័ន្ធ​ក្នុង​ខ្សែច្រវាក់​តម្លៃ​ដំណាំ​ចេក និង​កៅស៊ូ។ តាមរយៈ​កិច្ច​សន្ទនា​ថ្នាក់​ជាតិ និង​ការចូលរួម​ពី​មូលដ្ឋាន គម្រោង​នេះ​បានឆ្លុះបញ្ចាំង​ក្ដីកង្វល់​​របស់​កម្មករ​​ក្នុងវិស័យ​កសិកម្ម ដែល​ជំរុញ​ឲ្យ​រដ្ឋាភិបាល​ប្តេជ្ញា​ចិត្ត​ក្នុង​ការ​ពង្រឹង​កិច្ចគាំពារ​ការងារ​​ និង​អនុវត្ត​ច្បាប់​របប​សន្តិសុខ​សង្គម។ កិច្ចខិតខំប្រឹងប្រែង​ទាំងនេះ​បាន​​នាំឱ្យមានការ​ចុះធ្វើអធិការកិច្ចជាថ្មី និង​ការត្រួតពិនិត្យឡើងវិញ ពីបេឡាជាតិ​​​សន្តិសុខ​សង្គម (ប.ស.ស.) ដែលនេះ​​ជា​សញ្ញា​នៃ​ការ​ឆ្ពោះទៅរក​គណនេយ្យភាព និង​សុខុមាលភាព​កម្មករប្រសើរ​ជាងមុន ។

គម្រោងសមភាពសម្រាប់ទាំងអស់គ្នា ក៏បានជំរុញលទ្ធភាព​ទទួលបានយុត្តិធម៌ តាមរយៈការ​គាំទ្រនីតិវិធីថ្មីៗ ដែលអនុញ្ញាតឱ្យកម្មករម្នាក់ៗដាក់ពាក្យបណ្តឹង និងស្វែងរកដំណោះស្រាយតាមរយៈយន្តការ​សន្ធានកម្ម និង​មជ្ឈត្តកម្មជាផ្លូវការ។ ការជំរុញនេះធានាថា បណ្ដឹងសារទុក្ខ​នៅកន្លែងធ្វើការត្រូវបានដោះស្រាយដោយយុត្តិធម៌ និងមានតម្លាភាព ដោយជួយពង្រឹងសិទ្ធិរបស់កម្មករកសិកម្មនៅក្នុងខេត្តចំនួន៦ រួមមានខេត្តកំពត កំពង់ចាម ត្បូងឃ្មុំ ក្រចេះ ស្ទឹងត្រែង និងរតនគិរី។

គម្រោងនេះ​ក៏បានជះ​ឥទ្ធិពលដល់ការចូលរួមរបស់ពលរដ្ឋផងដែរ ដោយ​ក្នុងនោះ គម្រោងបានជួយលើក​កម្ពស់កិច្ចសន្ទនាបែបស្ថាបនារវាងសហគមន៍ និងអាជ្ញាធរ។ តាមរយៈការរំលេច​បញ្ហាក្នុងមូលដ្ឋាន​​ឱ្យបានដឹងដល់ថ្នាក់ជាតិ គម្រោងសមភាពសម្រាប់ទាំងអស់គ្នា បានជួយជំរុញឱ្យមានការ​ឆ្លើយតប​ជា​គោលនយោបាយ និងការប្តេជ្ញាចិត្តរបស់ស្ថាប័នក្នុងការ​អនុវត្តការងារ​អភិបាលកិច្ចឱ្យកាន់តែមានការឆ្លើយតបខ្លាំងជាងមុន។ ការងារ​របស់គម្រោងដែលផ្ដោតលើ​ការវិនិយោគប្រកបដោយទំនួលខុសត្រូវ និងសិទ្ធិដីធ្លីបានជួយធ្វើឲ្យភាគីពាក់ព័ន្ធកាន់តែយល់ដឹងស៊ីជម្រៅ​ ទាក់ទងនឹង​ការអនុវត្ត​ទម្លាប់​អនុវត្ត​បែបបរិយាបន្ន និង​គិតគូរពីវិវាទ ដែលទាំងនេះ​គឺជា​ការ​កសាង​មូលដ្ឋានគ្រឹះសម្រាប់ការអភិវឌ្ឍ​ប្រកប​ដោយ​សមធម៌ជាងមុន។

លោកស្រី ភាណ សោភ័ណ នាយិការ​អង្គការ​អុកស្វាម មានប្រសាសន៍ថា “គម្រោង សមភាពសម្រាប់ទាំងអស់គ្នា បាន​បង្ហាញថា ការ​ផ្លាស់ប្ដូរយូរអង្វែង​កើត​ចេញពីសកម្មភាពជាសមូហភាព និង​ការ​សន្ទនា​យ៉ាងមោះមុត ។ តាមរយៈការកៀរគរកម្មករ សហគមន៍ និងអ្នកធ្វើការសម្រេចចិត្តឱ្យ​មកជួបជុំគ្នា មានន័យថាយើងបានជួយរៀបចំគោលនយោបាយផ្សេងៗ ដែលការពារសិទ្ធិ និងលើកកម្ពស់សមធម៌នៅក្នុងវិស័យកសិកម្មរបស់កម្ពុជា”។

លោកស្រី សេង រាសី នាយកប្រតិបត្តិអង្គការ ស៊ីលីកា មានប្រសាសន៍ថា “គម្រោងនេះ​ផ្ដល់ភាពអង់អាចដល់សហគមន៍​ឲ្យ​ហ៊ាននិយាយស្ដីឱ្យគេបាន​ដឹង ។ រាប់តាំងពី​កសិករ​នៅមូលដ្ឋាន រហូតដល់វេទិកា​ថ្នាក់ជាតិ គឺយើង​បានឃើញថា ការ​ចូលរួមបែបបរិយាបន្ន​អាចជំរុញ​ឱ្យ​មានការ​កែប្រែគោលនយោបាយ​ពិត​ប្រាកដ​​ និងពង្រឹង​ដល់​អភិបាលកិច្ច​តាមបែបលទ្ធិប្រជាធិបតេយ្យ”។

ភាពធន់នឹងអាកាសធាតុ និងសមភាពយេនឌ័រ ក៏ជាផ្នែកស្នូល​នៃការងារតស៊ូមតិរបស់គម្រោង​សមភាពសម្រាប់ទាំងអស់គ្នា ផងដែរ។ តាមរយៈការពិគ្រោះយោបល់ និងឯកសារគោលនយោបាយ គម្រោងនេះបានរួមចំណែកដល់របៀបវារៈជាតិស្តីពីអាកាសធាតុរបស់ប្រទេសកម្ពុជា ដោយលើកកម្ពស់ថាមពលកកើតឡើងវិញ និងយុទ្ធសាស្ត្រសម្របខ្លួនប្រកបដោយបរិយាបន្ន។ ទន្ទឹមនឹងនេះ គំនិតផ្តួចផ្តើមនានាដូចជា “ទឹកភ្នែកពណ៌ស” ជាដើម​ បានប្រើប្រាស់សិល្បៈ និងសកម្មនិយម ដើម្បីបង្ហាញពីបទពិសោធន៍របស់ស្ត្រី ដែលបានបំផុស​​ឱ្យមានការសន្ទនាជាសាធារណៈ និងជំរុញយុត្តិធម៌យេនឌ័រ។

បើទោះបីជាគម្រោង សមភាពសម្រាប់ទាំងអស់គ្នា បានបិទបញ្ចប់​ហើយក្ដី​ ប៉ុន្តែមរតករបស់អ្វីដែលគម្រោងបានធ្វើ គឺជាការ​ផ្លាស់ប្ដូរយូរអង្វែង​ ដែល​​បានជួយ​ជំរុញ​ឱ្យ​មាន​កិច្ចគាំពា​រ​កាន់តែប្រសើរជាងមុនដល់​កម្មករ សហគមន៍កាន់តែមានភាពអង់អាច ហើយ​វិស័យកសិកម្មរបស់កម្ពុជា​កាន់តែ​មាន​ភាពយុត្តិធម៌ និងចីរភាព​ នាពេលអនាគត៕

The post រយៈពេល៥ឆ្នាំ គម្រោង “សមភាពសម្រាប់ទាំងអស់គ្នា” រួមចំណែកលើកកម្ពស់សមធម៌សង្គម​​ក្នុងវិស័យ​​​កសិកម្មកម្ពុជា​ appeared first on Kampuchea Thmey Daily.

នេះ​ជា​ការ​រៀបរាប់​របស់​អ្នកស្រី​ សុខឿត រស់​នៅ​ឃុំ​ជន្លាស​ដៃ​ ស្រុក​ក្រឡាញ់​ ខេត្ត​សៀមរាប​បាន​ត្អូញ​រៀបរាប់​ពី​ការ​លំបាក​របស់​ខ្លួន​ក្រោយ​ពេល​ដែល​ប្រមូល​ផល​ស្រូវ​មិន​អាច​ទូទាត់​សង​ដល់​ថ្លៃ​ជី ថ្នាំ ថ្លៃ​ច្រូត និង​អគ្គិសនី​បាន​។ អ្នកស្រី​ថា​ឆ្នាំ​នេះ​តម្លៃ​ស្រូវ​កាន់​តែ​ថោក តែ​តម្លៃ​ជី​នៅ​តែ​ឡើង​ថ្លៃ​ ដែល​ប៉ះពាល់​ដល់​ការ​លក់​ស្រូវ​ដែល​ធ្វើ​បាន​ជា​ខ្លាំង​។

អ្នក​ស្រី​បន្ថែម​ថា៖«វេទនា​ណាស់! ណាមួយ​កូន​រៀន​អត់​មាន​លុយ​ឱ្យ​កូន​រៀន​ ខ្ញុំ​គ្មាន​គោ​ក្របី​អី​នឹង​គេ​ទេ​។ សព្វថ្ងៃ​នេះ​ខ្ញុំ​បាន​លក់​ដូរ​តិត​តក់​ៗ ហើយ​លក់​នេះ​ក៏​ពិបាក​ទៀត​ លក់​មិន​បាន​ទេ​! ១ថ្ងៃ​ខ្ញុំ​សឹង​តែ​រក​មិន​បាន​៣​ម៉ឺន​ចូល​ហោប៉ៅ​ទេ!»។

​អ្នកស្រី​សំណូម​ពរ​ឱ្យ​មាន​វិធាន​ការ​យ៉ាង​ណា​កាត់​បន្ថយ​ថ្លៃ​ដើម​នៃ​ការ​ផលិត​ដោយ​ធ្វើ​យ៉ាងណា​សម្រួល​ថ្លៃ​ថ្នាំ ​ជី​កសិកម្ម ប្រេងសាំង អគ្គិសនី​​ ហើយ​សុំ​ឱ្យ​មន្ត្រី​រដ្ឋាភិបាល​ចុះ​មក​ពិនិត្យ​លើ​ទីតាំង​ជាក់​ស្ដែង​ទទួល​យក​កង្វល់​របស់​ប្រជាកសិករ​ដើម្បី​ជួយ​ស្វែង​រក​ដំណោះស្រាយ​ផង​ដែរ។

នៅ​តាម​បណ្ដោយ​ផ្លូវ​ជាតិ​លេខ​៦​ពី​ខេត្ត​សៀមរាប​ទៅ​ខេត្ត​បន្ទាយមានជ័យ កសិករ​មួយ​ចំនួន​បាន​ចាប់​ផ្ដើម​ប្រមូល​ផល​ស្រូវ​វស្សា​របស់​ខ្លួន​ដើម្បី​យក​លក់​ឱ្យ​ឈ្មួញ​ទទួល​ទិញ​ដែល​យើង​ឃើញ​មាន​រថយន្ត​ធំៗ​ជា​ច្រើន​បាន​ចត​នៅ​តាម​ផ្លូវ​ដើម្បី​ប្រមូល​ទិញ​ពី​កសិករ។

តម្លៃ​ស្រូវ​រំដួល និង​ម្លិះ​ត្រូវ​បាន​ឈ្មួញ​ប្រមូល​ទិញ​ក្នុង​មួយ​គីឡូ​ ១ ០០០រៀល ខណៈ​ស្រូវ​សែន​ក្រអូប​បាន​ត្រឹម​ ៩០០រៀល​ប៉ុណ្ណោះ។ កសិករ​បាន​រអ៊ូរទាំ​ថា​តម្លៃ​នេះ​ស្ទើរ​តែ​មិន​អាច​ទូទាត់​នឹង​ថ្លៃ​ផលិត​បាន​នោះ​ទេ​ តែ​យ៉ាងណា​ត្រូវ​តែ​បង្ខំ​លក់​ព្រោះ​ស្រូវ​ទុំ​ហើយ និង​ត្រូវ​យក​លុយ​សង​ថ្លៃ​ជី ថ្លៃ​ម៉ាស៊ីន​ច្រូត​ជា​ដើម​។

អង្គុយ​នៅ​លើ​ម៉ូតូ​បន្ទាប់​ពី​យក​ស្រូវ​មក​លក់​បាន​ប្រមាណ​២តោន​ និង​ទទួល​បាន​លុយ​ប្រមាណ​២លាន៤០ម៉ឺន​រៀល​លោក ហ៊ុំ ឈូក បាន​អង្គុយ​គិត​គូរ​ថ្លៃ​ចំណាយ​និង​បាន​និយាយ​បែប​អស់​សំណើច ​ហួស​ចិត្ត​ថា ​បន្ទាប់​ពី​ដាំ​ដុះ​​រាប់​ខែ​ ចំណាយ​កម្លាំង​អស់​ជា​ច្រើន​មក ​ក្រោយ​លក់​ស្រូវ​​ទូទាត់​នឹង​ថ្លៃ​ដើម​ទៅ​សល់​បាន​២០ម៉ឺន​រៀល​ប៉ុណ្ណោះ។

លោក​ថា៖ «សល់​តិច​ណាស់​!​ បើ​គិត​ថា​សល់​នោះ វា​យ៉ាប់​វេទនា។ បើ​សល់​គឺ​សល់​តិច​ណាស់​ វា​មិន​ដូច​កាល​ពី​ឆ្នាំ​ទៅ​មិញ​​​»។

លោក​ថា​តម្លៃ​ស្រូវ​ដែល​អាច​ធានា​ដល់​ប្រជា​កសិករ​បាន​នោះ​ក្នុង​តម្លៃ​ ១៥០០រៀលក្នុង​មួយ​គីឡួ បូករួម​ទាំង​ការ​ប្រមូល​ផល​បាន​ពេញ​លេញ​ និង​ផ្លូវ​ដឹក​ជញ្ជូន​ពី​ស្រែ​មក​កន្លែង​លក់​ល្អ។

អ្នកនាំពាក្យ​ក្រសួង​ពាណិជ្ជកម្ម​លោក ប៉ែន សុវិជាតិ បាន​ប្រាប់​មក​កម្ពុជាថ្មី​ថា ​ចំពោះ​កត្តា​តម្លៃ​នៃ​ការ​ផលិត​ដែល​ត្រូវ​ចំណាយ​ច្រើន​ប៉ះពាល់​ដល់​ចំណូល​កសិករ​​ពុំ​មែន​ជា​សមត្ថកិច្ច​របស់​ក្រសួង​ពាណិជ្ជកម្ម​នោះ​ទេ ដោយ​បង្វែរ​ទៅ​កាន់​ក្រសួង​កសិកម្ម​វិញ​។

ក្នុង​វីដេអូ​ដែល​បាន​បង្ហោះ​លើ​បណ្ដាញ​សង្គម​កាល​ពី​ថ្ងៃទី​២ ខែ​វិច្ឆិកា ឆ្នាំ​២០២៥ រដ្ឋមន្ត្រី​កសិកម្ម​លោក ឌិត ទីណា បាន​លើក​ឡើង​ថា​ស្រូវ​ផ្កា​រំដួល​ដែល​លក់​បាន​ក្នុង​តម្លៃ​១០០០​រៀល​នេះ​គឺ​ជា​តម្លៃ​សមរម្យ​ដែល​អាច​ទទួល​បាន ទោះ​បី​ជា​លោក​ថា​ហាក់​បី​ជា​នៅ​ទាប​ក្ដី​។ លោក​ថា​បច្ចុប្បន្ន​រដ្ឋាភិបាល​កំពុង​គិត​គូរ​ពី​ដំណោះស្រាយ​សម​ស្រប​ដល់​កសិករ​ផង​ដែរ ខណៈ​ចំពោះ​បញ្ហា​ចំពោះ​មុខ​ពេល​បច្ចុប្បន្ន​លោក​សំណូម​ពរ​ដល់​ម្ចាស់​បំណុល​ជួយ​យោគយល់​អធ្យាស្រ័យ​ដល់​ការ​លំបាក​របស់​កសិករ​ ខណៈ​លោក​ជំរុញ​ដល់​ប្រជាកសិករ​ចងក្រង​ជា​សហគមន៍​ដើម្បី​មាន​ការ​​គាំទ្រ​គ្នា​។

​លោក​ថា៖ «នៅ​ពេល​ដែល​យើង​ព្យាយាម​លើក​តម្លៃ​ម្នាក់​បន្តិច ឈ្មួញ​ជួយ​លើក​បន្ដិច អ្នក​ទិញ​ហូប​ជួយ​ទិញ​បន្ថែម​ដើម្បី​មាន​ថវិកា​ចូល​ រដ្ឋ​យើង​ដែល​មាន​ក្រសួង​សេដ្ឋកិច្ច​និង​ហិរញ្ញវត្ថុ​គាត់​ទម្លាក់​ថវិកា​ក្នុង​ការ​ឱ្យ​ជួយ​ទិញ​ថែម​ទៀត​ដើម្បី​ឱ្យ​តម្លៃ​ហ្នឹង​វា​កើន​ឡើង​ខ្ពស់​ ហើយ​បូក​រួម​ជា​មួយ​អ្នក​ដែល​ឱ្យ​ប្រជាកសិករ​យើង​ជំពាក់​ព្យាយាម​អត់​អោន​ការ​ជំពាក់​នេះ​ដើម្បី​ចាំ​រដូវ​ប្រមូល​ផល​លើក​ក្រោយ​ដើម្បី​ព្យាយាម​សង​ជា​លំដាប់​ជា​លំដាប់​គឺ​យើង​អាច​ទៅ​មុខ​ទាំង​អស់​គ្នា ប្រជា​កសិករ​យើង​ក៏​អាច​ទទួល​បាន​លទ្ធភាព​នៃ​ការ​ដាំ​ដុះ​បន្ត​ទៀត»។

បើ​តាម​លោក​រដ្ឋមន្ត្រី​បច្ចុប្បន្ន​កម្ពុជា​មាន​ផ្ទៃ​ដី​ដាំ​ដុះ​ជាង​៣លាន​ហិតា​ និង​មាន​ប្រជាកសិករ​ប្រមាណ​ជាង​១,៧លានគ្រួសារ ខណៈ​បច្ចុប្បន្ន​កម្ពុជា​ប្រមូល​ទិន្នផល​ស្រូវ​បាន​ប្រមាណ​ជិត​៣ម៉ឺន​តោន​ក្នុង​មួយ​ថ្ងៃ។

ទីប្រឹក្សា​ផ្នែក​កសិកម្ម​លោក សម វិទូ បាន​ឱ្យ​កម្ពុជា​ថ្មី​ដឹង​ថា​​ បញ្ហា​តម្លៃ​ស្រូវ​នេះ​នឹង​ចោទ​ជា​បញ្ហា​ជា​រៀងរាល់​ឆ្នាំ​ដោយសារ​តម្រូវ​ការ​ទាប​ជាង​ការ​ផ្គត់​ផ្គង់។ ​លោក​ថា​មាន​ប្រទេស​មិន​ច្រើន​ទេ​ដែល​ត្រូវ​ការ​ការ​នាំ​ចូល​អង្ករ​ពី​បរទេស​នោះ​ ខណៈ​អ្នក​ផ្គត់ផ្គង់​មាន​ឥណ្ឌា ថៃ វៀតណាម ភូមា កម្ពុជា ដែល​កំពុង​ប្រកួត​ប្រជែង​គ្នា​នាំ​អង្ករ​ទៅ​លក់​។

លោក​ថា​បច្ចុប្បន្ន​អង្គរ​កម្ពុជា​មាន​ទីផ្សារ​នៅ​ទីផ្សារ​អឺរ៉ុប​ដែល​ជា​ហេតុ​ធ្វើ​ឱ្យ​តម្លៃ​ស្រូវ​ប្រណិត​របស់​កម្ពុជា​នៅ​រក្សា​តម្លៃ​សមរម្យ​នៅ​លើ​ទីផ្សារ​ យ៉ាងណា​ក្ដី​លោក​ឱ្យ​ជា​យោបល់​ថា​រដ្ឋាភិបាល​គួរ​គិត​គូរ​ពី​ផែន​ការ​ផលិត និង​រក​ដំណាំ​ស្រូវ​ប្រភេទ​ណា​ដែល​អាច​យក​ទៅ​ផលិត​ជា​របស់​ផ្សេង​ក្រៅ​ពី​អង្ករ​សម្រាប់​បរិភោគ។

លោក​ថា៖ «យើង​ត្រូវ​រក​ស្រូវ​ពួជ​អី​ដែល​អាច​ជា​អ្វី​ផ្សេង​ទៀត​ក្រៅ​តែ​ពី​ការ​យក​ទៅ​ដាំ​បាយ​ហូប​ព្រោះ​មនុស្ស​ម្នាក់​បាយ​បី​ពេល​​អស់​អង្ករ​ប៉ុន្មាន​យើង​មិន​អាច​ហូប​លើស​ពី​ហ្នឹង​ទេ! ព្រោះ​បាយ​យើង​មិន​អាច​យក​ទៅ​ហូប​លេង​ឬ​អី​ទេ។ ឬ​យើង​អាច​ថា​យក​អង្ករ​របស់​យើង​ទៅ​ច្នៃ​ជា​ផលិត​ផល​អ្វី​ដែល​មាន​មនុស្ស​ប្រើប្រាស់​ច្រើន​ត្រូវ​គិត​ពី​បញ្ហា​អស់​ហ្នឹង​ក្រៅពី​ការ​ផលិត​ស្រូវ​ឬ​កិន​ជា​អង្ករ​លក់​នោះ​ ឬ​ក៏​យើង​ត្រូវ​គិត​ថា​ដាំ​ស្រូវ​ណា​ដែល​ត្រូវ​ផលិត​ជា​អង្ករ​សម្រាប់​នាំ​ចេញ​ទៅ​លើ​ទីផ្សារ​ណា​ដែល​ត្រូវ​ការ​នាំ​ចេញ​ខ្ពស់​​»។

លោក សម វិទូ បាន​ជំរុញ​ដល់​មន្ទីរ​ ក្រសួង​ស្ថាប័ន​ពាក់ព័ន្ធ​ ជា​ពិសេស​ក្រសួង​កសិកម្ម និង​ពាណិជ្ជកម្ម​ត្រូវ​គិត​គូរ​ពិភាក្សា​គ្នា​រៀបចំ​ផែន​ការ​ដោយ​ពិនិត្យ​លើ​ទីផ្សារ​សម្រាប់​ការ​ផ្គត់​ផ្គង់​ជា​រៀង​រាល់​ឆ្នាំ​ដើម្បី​មាន​ថ្នាល​តម្រង់​ទិស​សម្រាប់​ការ​ដាំ​ដុះ​ផង​ដែរ។

ងាក​ទៅ​អ្នកស្រី សុខឿត វិញ​នៅ​ពេល​សួរ​ថា​បើ​លក់​ខាត​រាល់​ឆ្នាំ​ហេតុអ្វី​អ្នក​ស្រី​នៅ​តែ​បន្ត​ធ្វើ​ស្រែ​នេះ​ទៀត។ អ្នក​ស្រី​ថា​កសិករ​មិន​ដឹង​ថា​ត្រូវ​ធ្វើ​អ្វី​​ជីវិត​របស់​កសិករ​គឺ​ស្រូវ​អង្ករ​នេះ​​ទោះ​បី​ជា​ខាត មាន​តែ​រក​ចំណូល​មក​ផ្សែផ្សំ​បន្ថែម​ដើម្បី​អាច​បន្ត​រស់នៅ​បន្ត​ទៀត​ប៉ុណ្ណោះ។

អ្នកស្រី​ថា៖ « ខាត​សឹង​តែ​រាល់​ឆ្នាំ​ដោយ​សារ​តែ​យើង​មិន​ដឹង​ធ្វើ​អី​? ជីវិត​កសិករ​យើង​គឺ​រំពឹង​លើ​ការ​ធ្វើ​ស្រែ​នេះ​ហើយ​បើ​ថា​យើង​ចំណេញ​មាន​បាន​ដោយ​សារ​ស្រូវ​អង្ករ​គឺ​អត់​មាន​ទេ​! ​តែ​ខ្ញុំ​មិន​ដឹង​ធ្វើ​យ៉ាង​មិច។ សំណួរ​៖ បើខាត​អ៊ីចឹង​យើង​រក​ចំណូល​អី​ដើម្បី​យក​មក​ទប់​​ការ​ខាត​បាន? មាន​តែ​ចិញ្ចឹម​មាន​ចិញ្ចឹម​ទា​បាន​ក៏បាន អត់​ក៏​អត់​ខ្ញុំ​ចាស់​ហើយ​ទៅ​រក​អី​បាន​? ទៅ​ធ្វើ​រោង​ចក្រ​មិន​ដឹង​ថា​ធ្វើ​យ៉ាងណា​យើង​ក៏​ចាស់​ហើយ មាន​តែ​ចិញ្ចឹម​គោ​ មាន់​ ទា និង​ធ្វើ​ស្រែ​ប៉ុណ្ណោះ​»»៕

អត្តបទដោយ ហ៊ុន សិរីវឌ្ឍន៍

The post បទ​យកការណ៍៖ កសិករ​ចង់​ឱ្យ​មាន​ដំណោះស្រាយ​រឿង​តម្លៃ​ស្រូវ​ខណៈ​ថ្លៃ​ផលិត​កាន់​តែ​កើន​ឡើង appeared first on Kampuchea Thmey Daily.

ពាក់ព័ន្ធទៅនិងគម្រោងវិនិយោគនេះ លោក​បណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បាន​គូស​បញ្ជាក់​​ប្រាប់ ​«កម្ពុជា​ថ្មី​» ថា ក្រុម​ហ៊ុន​នេះ ជា​ក្រុមហ៊ុន​មក​ពី​ប្រទេស​កូរ៉េ ដែល​មាន​ជំនាញ​​ច្បាស់​លាស់​ផ្នែក​កសិកម្ម ជា​ពិសេស​ការ​ដាំដុះ​ប៉ែង​បោះ​ឈឺ​រី និង​ការ​ដាំ​ដុះ​ផ្លែ​តាសក់​។

ជាមួយ​គ្នា​នេះ ជា​ជំហាន​ដំបូង​ក្រុមហ៊ុន​ចង់​ដាំដុះ​ទៅ​លើ​ដំណាំ​ប៉ែង​បោះ​ឈឺ​រី និង​ផ្លែ​តាសក់​ នៅ​ក្នុង​ផ្ទះ​សំណាញ់ ដើម្បី​ផ្គត់ផ្គង់​ទី​ផ្សារ​ក្នុង​ស្រុក និង​នាំ​ចេញ​ទៅ​កាន់​ទីផ្សារ​ប្រទេស​កូរ៉េ​ ដោយ​សារ​មាន​ក្រុមហ៊ុន​មាន​ពូជ​ពិសេស​មួយ ដែល​បាន ​ចុះឈ្មោះ​រួច​រាល់​ទាំង​នៅ​កូរ៉េ និង​ក្នុង​ប្រទេស​កម្ពុជា។ ចំពោះ​ប្រភេទ​ពូជ​នេះ គឺ​​ផលិត​នៅ​ក្នុង​​ប្រទេស​កូរ៉េ​ ប៉ុន្តែ​ដាក់​ពូជ​ឈ្មោះ​ខ្មែរ​ ហើយ​ពូជ​នេះ​ទៀតសោត ​ត្រូវ​បាន​ផលិត​ចេញ​ពី​ពូជ​ផ្លែ​តាសក់​ជា​ច្រើន​ប្រភេទ មក​នៅ​ត្រឹម​តែ​មួយ​ប្រភេទ​ប៉ុណ្ណោះ​។

លោក​បណ្ឌិត​ កៅ ថាច ក៏​បាន​បន្ថែម​ដែរ​ថា ពូជ​នេះ​គឺបាន​ដាំ​ដុះ​ចំនួន ២ រដូវ​រួច​មក​ហើយ​នៅ​ខេត្ត​កំពង់​ឆ្នាំង ហើយ​ក្រុមហ៊ុន​គឺចង់​ដាំដុះ​យក​តែ​ម្តង ដើម្បី​ផលិត​ និង​លក់​ នៅ​ក្នុង​ប្រទេស​កម្ពុជា​។ ប្រសិន​បើ​ដាំដុះ​ទៅ​ទទួល​បាន​ទិន្នផល​ល្អ ហើយ​ទទួល​បាន​គុណភាព​ដូច​ការ​គ្រោង​ទុក នោះ​ក្រុមហ៊ុន​នឹង​ធ្វើ​ការ​នាំ​ចេញ​ត្រឡប់​ទៅ​វិញ​លក់​នៅ​ក្នុង​ប្រទេស​កូរ៉េ​វិញ​។

យ៉ាង​ណា​មិញ សម្រាប់​ការ​ដាំដុះ​នៅ​ខេត្ត​កំពង់​ឆ្នាំ​ង លោក​បណ្ឌិត កៅ ថាច ឱ្យ​ដឹង​បន្ថែម​ថា​ ការ​ដាំ​ដុះ​នេះ​ គឺ​ជា​ដំណាក់​កាល​នៃ​ការ​សាកល្បង​តែ​ប៉ុណ្ណោះ​ ប៉ុន្តែ​បច្ចុប្បន្ន​ ក្រុមហ៊ុន គឺ​កំពុង​រៀបចំ​ធ្វើ​ដាំដុះ​នៅ​ក្នុង​ផ្ទះ​សំណាញ់​នៅ​ក្នុង​ជំហាន​ទី​១ នេះ​ ប្រហែល​ជា​អាច​ធ្វើ​ឡើង​នៅ​ក្នុង​រង្វង់ ៩៦ ផ្ទះ​សំណាញ់​ ដើម្បី​ផ្គត់ផ្គង់​។

តាម​រយៈ​ការ​ចង្អុល​បង្ហាញ​របស់​លោក​ផ្ទាល់ គម្រោង​នេះ​ អាច​និង​រៀប​ចំ​ឡើង​នៅ​ទីក្រុង​ភ្នំពេញ​ ដែល​ក្នុង​នោះ​ភាគ​ច្រើន​នៅ​ក្នុង​ទឹក​ដី​ខេត្ត​កណ្ដាល​ ដូច​ជា​នៅ​ខាង​ស្រុក​ពញាឮ និង​ស្រុក​ខ្សាច់​កណ្ដាល អាច​ផ្នែក​មួយ​ចំនួន អាច​ឈាន​ទៅ​ដល់​ខេត្ត​កោះកុង​ ប៉ុន្តែ​ការងារ​នេះ​អាច​នឹង​ចាប់​ផ្តើម​នៅ​ខាង​ស្រុក​ពញាឮ​មុន ដែល​មាន​ផ្ទះ​សំណាញ់​ខ្លះ និង​សហការ​ផ្ទាល់​ជា​មួយ​កសិករ​តែ​ម្តង​៕

ដោយ៖ ឌិន ថារី

The post ក្រុមហ៊ុនកូរ៉េ គ្រោងវិនិយោគលើការដាំដុះប៉ែងបោះ ឈឺរី-ផ្លែតាសក់ផ្អែម ផ្គត់ផ្គង់ទីផ្សារកម្ពុជា និងនាំចេញត្រឡប់ទៅវិញ appeared first on Kampuchea Thmey Daily.

នាយករដ្ឋមន្ត្រីកម្ពុជា និងប្រធានាធិបតីតាជីគីស្ថាន ឯកភាពបន្តពង្រឹង និងពង្រីកកិច្ចសហប្រតិបត្តិការទ្វេភាគី។ ការឯកភាពនេះកើតឡើងនៅក្នុងជំនួបនាព្រឹកថ្ងៃទី៩ ខែមិថុនា រវាង សម្តេចហ៊ុន ម៉ាណែត នាយករដ្ឋមន្ត្រីកម្ពុជា ជាមួយលោក Emomali Rahmon ប្រធានាធិបតីតាជីគីស្ថាន នៅក្រៅសន្និសីទលើកទី៣របស់អង្គការសហប្រជាជាតិ ស្ដីពីមហាសមុទ្រ (UNOC3) រៀបចំឡើងនៅទីក្រុងនីស ប្រទេសបារាំង។

ក្នុងឱកាសនៃជំនួបនេះ, លោកប្រធានាធិបតីតាជីគីស្ថាន បានសម្តែងនូវក្តីសោមនស្សរីករាយដែលបានជួបពិភាក្សាការងារទ្វេភាគីជាមួយសម្តេចបវរធិបតី ហ៊ុន ម៉ាណែត ដែលជំនួបនេះនឹងជួយពង្រឹង និងពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។

លោកប្រធានាធិបតី បានរំឭកអំពីដំណើរទស្សនកិច្ចរបស់សម្តេចតេជោ ហ៊ុន សែន នៅប្រទេសតាជីគីស្ថាន កាលពីឆ្នាំ២០១៩ កន្លងទៅ។ ប្រធានាធិបតីតាជីគីស្ថានក៏បានលើកឡើងអំពីសក្តានុពលរបស់ប្រទេសតាជីគីស្ថាន ដែលមានឧត្តមភាពខាងវិស័យថាមពល, ថាមពលស្អាត និងបានដាក់ចេញគោលដៅក្នុងការប្រើប្រាស់ថាមពលស្អាតឱ្យបាន ១០០% ត្រឹមឆ្នាំ២០៣៨។

លោកប្រធានាធិបតីតាជីគីស្ថាន បានកត់សម្គាល់ថា កម្ពុជាជាប្រទេសមានសក្តានុពលផ្នែកកសិកម្ម ដោយកម្ពុជាអាចធានានូវការផ្គត់ផ្គង់ស្បៀងក្នុងស្រុក និងមានអតិរេកស្បៀងសម្រាប់បម្រើដល់ការនាំចេញទៅកាន់ទីផ្សារអន្តរជាតិផងដែរ។ ជាមួយគ្នានេះ, ឯកឧត្តមប្រធានាធិបតីបានបង្ហាញជំនឿជឿជាក់យ៉ាងមុតមាំថា ក្រោមការដឹកនាំប្រកបដោយចក្ខុវិស័យវែងឆ្ងាយរបស់សម្តេចបវរធិបតី ទំនាក់ទំនងទ្វេភាគីតាជីគីស្ថាន-កម្ពុជានឹងកាន់តែត្រូវបានពូនជ្រុំបន្ថែមទៀត ដើម្បីជាឧត្តមប្រយោជន៍ដល់ប្រជាជន និងប្រទេសទាំងពីរ។

ជាការឆ្លើយតប, សម្តេចបវរធិបតីបានថ្លែងថា ជំនួបទ្វេភាគីនេះជាឱកាសសម្រាប់ការស្វែងរកកាលានុវត្តភាពនៃកិច្ចសហប្រតិបត្តិការលើវិស័យសំខាន់ៗរវាងប្រទេសទាំងពីរ។ ទន្ទឹមនឹងនោះ, ជាមួយនឹងការពាំនាំនូវការផ្តាំផ្ញើសួរសុខទុក្ខរបស់សម្តេចតេជោ ហ៊ុន សែន ប្រធានព្រឹទ្ធសភា ជូនចំពោះលោកប្រធានាធិបតី, សម្តេចបវរធិបតីបានគូសបញ្ជាក់ពីការប្តេជ្ញាបន្តពង្រឹង និងពង្រីកទំនាក់ទំនងនៃប្រទេសទាំងពីរ ត្បិតនៅមានសក្តានុពលជាច្រើនដែលអាចពង្រីកកិច្ចសហប្រតិបត្តិការជាមួយគ្នា។

សម្តេចបវរធិបតី និងប្រធានាធិបតីតាជីគីស្ថាន ក៏បានពិភាក្សាអំពីការបន្តពង្រឹង និងពង្រីកកិច្ចសហប្រតិបត្តិការលើវិស័យសំខាន់ៗមួយចំនួន ដូចជា៖ ថាមពលស្អាត, កសិកម្ម និង អប់រំ ជាដើម, និង បានអញ្ជើញបំពេញទស្សនកិច្ចផ្លូវការ ទៅវិញទៅមក នាពេលវេលាសមស្របខាងមុខ ព្រមទាំងបានប្រគល់ភារកិច្ចដល់រដ្ឋមន្ត្រីការបរទេសនៃប្រទេសទាំងពីរ បន្តផ្សារភ្ជាប់ទំនាក់ទំនងឱ្យកាន់តែជិតស្និទ្ធ ក្នុងការស្វែងរកកាលានុវត្តភាពនៃកិច្ចសហប្រតិបត្តិការ ក៏ដូចជាសម្របសម្រួលដំណើរទស្សនកិច្ចរបស់ថ្នាក់ដឹកនាំទាំងពីរ។

កម្ពុជា និងតាជីគីស្ថាន បានកសាងទំនាក់ទំនងការទូតជាផ្លូវការជាមួយគ្នាតាំងតែពីឆ្នាំ១៩៩៥។ រហូតមកដល់ពេលបច្ចុប្បន្នទំនាក់ទំនងនៃប្រទេសទាំងពីរឈានដល់វ័យ៣០ឆ្នាំហើយ៕

The post កម្ពុជា-តាជីគីស្ថាន ឯកភាពបន្តពង្រឹង និងពង្រីកកិច្ចសហប្រតិបត្តិការលើវិស័យថាមពលស្អាត កសិកម្ម និងអប់រំ appeared first on Kampuchea Thmey Daily.

ព្រះរាជពិធីច្រត់ព្រះនង្គ័ល ត្រូវប្រារព្ធធ្វើឡើងជារៀងរាល់ឆ្នាំ នៅខែពិសាខ ដែលជាព្រះរាជពិធីដ៏សំខាន់មួយ នៃពិធីបុណ្យទ្វារទសមាស។ ក្នុង​ឆ្នាំ​២០២៥នេះ ព្រះរាជ​ពិធីច្រត់ព្រះនង្គ័ល រៀបចំ​នៅ​វាល​ព្រះស្រែ ដែលមានទីតាំង​នៅមុខសាលាខេត្តកំពង់ឆ្នាំង។

ក្រោយការច្រត់ព្រះនង្គ័លជានិមិត្តរូប ៣ជុំ គោឧសភរាជ ត្រូវបានព្រលែងឱ្យទៅបរិភោគអាហារទាំង ៧មុខដែលមាន ស្រូវ សណ្តែក ពោត ល្ង ស្មៅ ទឹក និងស្រា។ ក្នុងចំណោមអាហារទាំង ៧មុខនេះ មានអាហារចំនួន ៣មុខដែលគោឧសភរាជបានបរិភោគច្រើនជាងគេ ដោយក្នុងនោះ ស្រូវមានចំនួន ៩៥ភាគរយ ពោត ៩៥ភាគរយ និងសណ្ដែក ៨០ភាគរយ។ តាមរយៈការបរិភោគរបស់គោឧសភរាជនេះ ត្រូវបានព្រាហ្មបុរោហិតផ្សងប្រផ្នូលឃើញថា ដំណាំកសិកម្មទាំង៣មុខនេះនឹងទទួលបានទិន្នផលល្អប្រសើរក្នុងឆ្នាំនេះ។

ប្រផ្នូលកាលពី​ឆ្នាំ​២០២៤ ក៏បង្ហាញថា ស្រូវ ពោត និង​សណ្ដែក ក៏ជា​ដំណាំ​កសិកម្មដែល​ទទួល​បាន​ទិន្នផល​ល្អប្រសើរផងដែរ ដោយកាលនោះ ​គោឧសភរាជបានបរិភោគច្រើនជាងគេមាន ស្រូវមានចំនួន ៩៥ភាគរយ ពោត ៩៥ភាគរយ និងសណ្ដែក ៨៥ភាគរយ។

គួរឱ្យដឹង​ដែរថា ព្រះរាជពិធីប្រពៃណីនេះធ្វើឡើងក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ» លើអាហារ៧យ៉ាង រួមមាន៖ ស្រូវ សណ្តែក ពោត ល្ង ស្មៅ ទឹក និងស្រា។ ព្រះរាជពិធីនេះ ក៏ជាការដាស់តឿន ក្រើនរំឭកដល់ប្រជាជនខ្មែរ ដែលពឹងផ្អែកលើការធ្វើកសិកម្មជាចម្បងនោះឱ្យបានដឹងថា រដូវវស្សាបានចូលមកដល់ហើយ៕

អត្ថបទដោយ ហ៊ុន សិរីវឌ្ឍន៍

The post តាមរយៈប្រផ្នូលក្នុងព្រះរាជពិធីច្រត់ព្រះនង្គ័លដំណាំកសិកម្ម៣នឹងទទួលទិន្នផលល្អប្រសើរក្នុងឆ្នាំ២០២៥ appeared first on Kampuchea Thmey Daily.

ដាំដុះលើផ្ទៃដីជាង ៩០ហិកតា ដំណាំកសិកម្មចម្រុះជាច្រើនប្រភេទ រួមទាំងឈើខ្លឹម កំពុងហុចផលត្រឡប់មកវិញ ដំណាំសក្តានុពលទាំងនោះមាន ម្រេច ក្រូច ម្ទេស រមៀត ខ្ញី ជាដើម។ ក្នុងនោះដំណាំកសិកម្មដែលមានសក្តានុពលចំនួន ៥មុខ កំពុងត្រូវបានកែច្នៃ វេចខ្ចប់នៅហ្នឹងកន្លែង ដើម្បីលក់ចេញទៅកាន់ទីផ្សាក្នុងស្រុក និងក្រៅស្រុកផងដែរ។

លោកបន្តថា សម្រាប់ដំណាំម្រេចជាប្រភេទម្រេច GI កាលពី ឆ្នាំ២០២៤ យើងទទួល​បានទិន្នផល​ប្រមាណ​៦​តោន ដាំលើផ្ទៃដី ៤ហិកតា ក្រោយសម្ងួតរួចយើងទទួលបានម្រេចស្ងួតជាង ៣តោន ដោយឡែកឆ្នាំនេះយើងរំពឹងខ្ពស់ថា ទិន្នផល​ម្រេចស្ងួតនឹងកើនឡើងអាចរហូតដល់ ៥​តោន​សម្រាប់នាំ​ចេញ។

ដោយឡែកផលិតផលវេចខ្ចប់​ផ្សេង​ទៀត​មាន ម្សៅល្មៀត ម្សៅខ្ញី ម្រេសក្រៀម កាល​ឆ្នាំ​កន្លង​ទៅ​យើង​លក់​ចេញបានប្រមាណ ៧០០គ.ក ដោយឡែកឆ្នាំនេះ នឹង​រំពឹងដែរ​ថា អាចទទួលបានទិន្នផលខ្ពស់ដើម្បីនាំចេញដូចម្រេចដែរ។

លោកគូសបញ្ជាក់ថា សម្រាប់កសិដ្ឋាននេះរាល់ដំណាំដែលដាំបាន មិនបារម្ភពីទីផ្សារនោះទេ ខ្លាចតែមិនអាចមានគ្រប់ទៅតាមតម្រូវការរបស់អតិថិជន។

គួរបញ្ជាក់ថា កន្លងទៅរដ្ឋបាលខេត្តកែប ក៏ដូចជាមន្ទីរជំនាញ ធ្លាប់បានចុះមក​ពិនិត្យ​ដំណើរការ​ដាំដុះ និងវេចខ្ចប់នូវផលិតផលកសិកម្មរបស់កសិដ្ឋាននេះដែរ ក្នុងនោះលោក សោម ពិសិដ្ឋ អភិបាលខេត្តកែប លើកទឹកចិត្តខ្ពស់ ឱ្យ​ម្ចាស់​ទីតាំងខាងលើបន្តប្រឹងប្រែងបង្កើន​នូវផលិតផលសម្រេចរបស់ខ្លួនដែលផលិតបាននៅលើទឹកដីខេត្តកែប ដើម្បីផ្គតផ្គង់ទីផ្សារ​ក្នុងស្រុកកាត់បន្ថយការនាំចូល និងជំរុញការនាំចេញនៅកាន់ទីផ្សារអន្តរជាតិ៕

ដោយ ៖ សឹង រ៉ាត់

The post ផលិតផល​កសិកម្ម៥មុខ​នៅ​ខេត្តកែប កំពុង​កែច្នៃ​វេចខ្ចប់នាំចេញទៅទីផ្សារ​ក្នុងស្រុក និង​ក្រៅ​ប្រទេស appeared first on Kampuchea Thmey Daily.