កញ្ញា ឡុង ស្រីពៅ ប្រធានរដ្ឋបាលនៃរោងចក្រ ហ្ស៊ីជាង ហេងហ្វេង ថប លេហ្សឺរ (ខេមបូឌា) ឯ.ក បានឲ្យដឹងថា រោងចក្រនេះ ផលិតនូវផលិតផលកាបូបគ្រប់ប្រភេទ ហើយនាំចេញទៅកាន់សហរដ្ឋអាមេរិកតែមួយប្រទេសប៉ុណ្ណោះ។ ក្នុងមួយខែរោងចក្រនេះ អាចផលិត និងនាំចេញកាបូបប្រមាណ ១៥ ទៅ ១៦ម៉ឺនកាបូប ហើយក្នុងមួយឆ្នាំរោងចក្រនេះ អាចរកចំណូលបានប្រមាណជា ១២លានដុល្លារអាមេរិក។

កញ្ញា ឡុង ស្រីពៅ បានឲ្យដឹងបន្តថា ក្នុងរយៈពេលដំណើរការ ៤ឆ្នាំកន្លងមកនេះ អ្នកបញ្ជាទិញនៅសហរដ្ឋអាមេរិក បានកោតសរសើរនូវគុណភាពផលិតផលកាបូប ដែលផលិតនៅរោងចក្រ ហ្ស៊ីជាង ហេងហ្វេង ថប លេហ្សឺរ ហើយក៏សរសើរការយកចិត្តទុកដាក់របស់កម្មករ-កម្មការនីរបស់កម្ពុជា ផងដែរ។

ប្រធានរដ្ឋបាល បានប្រាប់ឲ្យដឹងបែបនេះថា «រយៈពេល ៤ឆ្នាំនេះ ដែលយើងបានសហការជាមួយគ្នា ជាមួយនឹងខាងក្រុមហ៊ុន Buyer គឺគាត់មាន Feedback ល្អៗ ចំពោះគុណភាពនៃកាបូបរបស់យើង ហើយគាត់ក៏បានសរសើរដែរថា កម្មករនៅខ្មែររបស់យើង គឺធ្វើការយកចិត្តទុកដាក់»។

សម្រាប់កម្មករ-កម្មការនី នៅរោងចក្រ ហ្ស៊ីជាង ហេងហ្វេង ថប លេហ្សឺរ គឺទទួលបានប្រាក់ខែគោលចំនួន ២០០ដុល្លារក្នុងមួយខែដូចៗគ្នា ទោះបីជាពួកគាត់ទើបនឹងចូលធ្វើការងារដំបូងៗក៏ដោយ។ បើបូកនឹងអត្ថប្រយោជន៍ផ្សេងៗទៀត កម្មករ-កម្មការនី នៅរោងចក្រនេះ ទទួលបានថវិកាសរុបពី ៣០០ ទៅ ៣២០ដុល្លារ។

កញ្ញា ឡុង ស្រីពៅ បានបញ្ជាក់បែបនេះថា «តាមបទពិសោធន៍របស់ខ្ញុំ Estimate គាត់អាចទទួលបានពី ៣០០ ទៅ ៣២០ដុល្លារ ខែខ្លះអាចលោតដល់ ៣៥០ដុល្លារ បើសិនជាប្រាក់រង្វាន់ប្រចាំសប្ដាហ៍របស់គាត់»។

លោក សំ វិសិដ្ឋ  ប្រធានសហជីពដើម្បីសិទ្ធិការងារប្រចាំរោងចក្រ ហ្ស៊ីជាង ហេងហ្វេង ថប លេហ្សឺរ (ខេមបូឌា) ឯ.ក បានឲ្យដឹងដែរថា រោងចក្រនេះ បានបើកដំណើរការនៅខែកក្កដា ឆ្នាំ ២០១៩ ហើយមានកម្មករ-កម្មការនី កំពុងបម្រើការងារចំនួន ៧៣៥នាក់​ ដោយស្រ្ដីមានចំនួន ៤៦៨នាក់។

លោក សំ វិសិដ្ឋ បានឲ្យដឹងបន្តថា ការបញ្ជាទិញពីសហរដ្ឋអាមេរិក នៅតែបន្តមានជាបន្តបន្ទាប់ ហើយកម្មករ-កម្មការនី ក៏ទទួលការងារបន្ថែមម៉ោងជាបន្តបន្ទាប់ដែរ។ លោកថា «ចំពោះខាងនយោជក គឺគាត់មានការយកចិត្តទុកដាក់ ជាមួយបងប្អូនកម្មករ ក៏ដូចជានៅពេលបងប្អូនកម្មករមានបញ្ហាអី គាត់សួរផ្ទាល់ៗតែម្ដង ហើយគាត់លើកទឹកចិត្តពួកគាត់»។

រីឯលោក សំ សឿន ប្រធានក្រុមប្រឹក្សាជាតិសហជីព និងជាប្រធានសហភាពពលកម្មជាតិកម្ពុជា បានឲ្យដឹងដែរថា សហជីពនៅក្រោមសហភាពរបស់លោក បានធ្វើការងារជាមួយរោងចក្រ ហ្ស៊ីជាង ហេងហ្វេង ថប លេហ្សឺរ រយៈពេល ៤ឆ្នាំមកហើយ ដោយបានសម្របសម្រួលធ្វើយ៉ាងណាឲ្យមានសុខដុមរមនា នៅក្នុងរោចក្រនេះ។

លោក សំ សឿន មានប្រសាសន៍បែបនេះថា​ «សហជីពយើងបានធ្វើការជាមួយនឹងរោងចក្រនេះ ចាប់តាំងពីឆ្នាំ ២០១៩មកម្លេះ ជាមួយនឹងការបង្កើតថ្មីៗ នៃការបង្កើតឲ្យមានរោងចក្រនេះ យើងក៏បានកសាងនូវរចនាសម្ព័ន្ធសហជីព​របស់យើងនៅទីនេះ ដើម្បីរួមចំណែកក្នុងការទំនាក់ទំនងផ្នែកវិជ្ជាជីវៈរវាងកម្មករ និងនិយោជក ដើម្បីធ្វើយ៉ាងណាឲ្យមានសុខដុមរមនា នៅកន្លែងការងារ»។

សូមជម្រាបថា រោងចក្រ ហ្ស៊ីជាង ហេងហ្វេង ថប លេហ្សឺរ (ខេមបូឌា) ឯ.ក មានទីតាំងស្ថិតនៅក្នុងសួនវឌ្ឍនៈ ២ ផ្លូវជាតិលេខ ៣ ភូមិទឹកថ្លា សង្កាត់ក្រាំងពង្រ ខណ្ឌដង្កោ រាជធានីភ្នំពេញ។ បើតាមកញ្ញា ឡុង ស្រីពៅ ប្រធានរដ្ឋបាលនៃរោងចក្រ បានបញ្ជាក់ដែរថា រោងចក្ររបស់កញ្ញា កំពុងត្រៀមបង្កើតអគារមួយបន្ថែមទៀត ហើយត្រូវការកម្មករ-កម្មការប្រមាណ ២០០ ទៅ​ ៣០០នាក់បន្ថែមទៀត។

សម្រាប់ប្រាក់ខែ និងអត្ថប្រយោជន៍ដែលកម្មករ-កម្មការនី នៅរោងចក្រនេះទទួលបានរួមមាន៖ ប្រាក់ខែគោល ២០០​ដុល្លារ+ប្រាក់ជំនាញ ១៥-១៥០ដុល្លារ+ប្រាក់ព្រីម ១៣ដុល្លារ+ប្រាក់បាយថ្ងៃត្រង់ ១៣ដុល្លារ+ប្រាក់ធ្វើដំណើរ ១១​ដុល្លារ+ប្រាក់អតីតភាពការងារ ៣-១៤ដុល្លារ+ប្រាក់ថែមម៉ោង ៨០ដុល្លារ+ប្រាក់បាយថែមម៉ោង ១ដុល្លារ/២ម៉ោង+ប្រាក់រង្វាន់បច្ចេកទេស ៣-២០ដុល្លារ+ប្រាក់រង្វាន់លើកទឹកចិត្តប្រចាំខែ៥ដុល្លារ+ប្រាក់ដេរស៊ីប៉ុង ១-១៨០ដុល្លារ+ប្រាក់រង្វាន់ប្រចាំសប្តាហ៍ ០.៧៥-៦០ដុល្លារ​+ប្រាក់រង្វាន់កុងត្រា ៥ភាគរយ ៣០-៥០ដុល្លារ/៣ខែ+ប្រាក់បំណាច់ឆ្នាំ​ ១៥០-​២៣០​ដុល្លារ/១ឆ្នាំ+ប្រាក់សោធន ៥០ភាគរយ/១ខែ+បសស​ ប្រាក់ឧបត្ថម្ភថែទាំសុខភាព+ហាន័ភ័យការងារ​៕

អត្ថបទ៖ ឃួន សុភ័ក្រ

The post រោងចក្រមួយនៅភ្នំពេញ ផលិតកាបូបគ្រប់ប្រភេទនាំចេញទៅអាមេរិកប្រមាណ ១៥ ទៅ ១៦ម៉ឺនកាបូប ក្នុងមួយខែៗ appeared first on Kampuchea Thmey Daily.

១. កាបូបស្បែកធំ The Row

អ្នកប្រមាញ់រូបថតឧស្សាហ៍ឃើញតារាម៉ូដែលលំដាប់ពិភពលោក Kendall Jenner ស្ពាយកាបូបស្បែកពណ៌ខ្មៅរបស់ The Row ណាស់ ។ កាបូបនេះមានម៉ូដសាមញ្ញតែមិនហួសសម័យសក្តិសមជាមួយសំលៀកបំពាក់ប្រចាំថ្ងៃនិងទូលាយងាយស្រួលប្រើប្រាស់ ចំណែកតម្លៃវិញគឺ ១,៧៩០ ដុល្លារ ។

២. កាបូបម៉ាក Chanel 

តារាម៉ូដែលលំដាប់ពិភពលោក Emily Ratajkowski ជានារីម្នាក់ក្នុងចំណោមនារីរាប់ម៉ឺននាក់ដែលស្រលាញ់ពេញចិត្តកាបូប Chanel ខាងក្រោមព្រោះវាងាយស្រួលប្រើហើយសាកសមស្ពាយគ្រប់កាលៈទេសៈ ។ កាបូប Chanel ម៉ូដនេះដែរមានតម្លៃ ១០,២០០ ដុល្លារ ហើយអ្នកលេងកាបូបភាគច្រើនមិនសូវមើលរំលងវាប៉ុន្មាននោះទេ ។

៣. កាបូបស្ពាយ YSL

Hailey Bieber ភរិយាតារាចម្រៀង Justin Bieber ចូលចិត្តស្ពាយកាបូបម៉ាក Yves Saint Laurent តម្លៃ ២,៥០០ ដុល្លារដោយសារភាពស៊ីវិល័យរបស់កាបូប ថែមទាំងស្រាលងាយដាក់របស់របរប្រើប្រាស់ទៀតផង ។ 

៤. កាបូបយួរម៉ាក Polene Paris

វាមានទំហំតូចប៉ុន្តែទាន់សម័យនិងថ្លៃថ្នូរ ហើយគេឃើញព្រះនាង Kate Middleton មហេសីព្រះអង្គម្ចាស់ William សព្វព្រះរាជហឫទ័យនឹងវាណាស់ ចំណែកតម្លៃវិញមិនថ្លៃខ្លាំងទេត្រឹមតែ ៤២០ ដុល្លារប៉ុណ្ណោះ ៕

ប្រែសម្រួល ៖ វារី

ចុចអាន ៖ ហេតុផល ៦ យ៉ាង យើងមិនគួរទិញកាបូបក្លែងក្លាយ ឬ Top Grade

The post តម្លៃកាបូបស្ពាយប្រចាំថ្ងៃ ៤ ប្រភេទ ជាសំណព្វចិត្តបុគ្គលល្បីលំដាប់ពិភពលោក appeared first on Kampuchea Thmey Daily.

១. គុណភាព

កាបូបពិតធ្វើពីស្បែកសត្វតួយ៉ាងដូចជា ស្បែកគោ ស្បែកពពែ ស្បែកពស់ថ្លាន់ ស្បែកក្រពា និងស្បែកសត្វផ្សេងៗ ហើយសម្ភារៈទាំងប៉ុន្មានដែលបានរៀបរាប់សុទ្ធតែអាចមានអាយុកាលរាប់សិបឆ្នាំតកូនតចៅបើសិនម្ចាស់មើលថែបានល្អ ។ ផ្ទុយទៅវិញរបស់ក្លែងក្លាយដែលធ្វើពីសម្ភារៈថោកៗមិនអាចស្អាតបានយូរឡើយ វានឹងរបក រហែក ឬប្រេះមិនខាន ។

២. ប៉ះពាល់សុខភាព

មិនត្រឹមតែការផលិតមិនម៉ត់ចត់ប៉ុណ្ណោះទេ កាបូបក្លែងក្លាយភាគច្រើនមានសារធាតុគីមីដែលអាចពុលដល់អ្នកប្រើផងដែរ ជាក់ស្ដែងសារធាតុទាំងនោះមាននៅក្នុងពណ៌ជ្រលក់កាបូបតែម្ដង ។

៣. បំពុលបរិស្ថាន

ដោយសារគុណភាពអន់កាបូបក្លែងក្លាយត្រូវអ្នកប្រើប្រាស់បោះវាចោលក្រោយប្រើមិនយូរប៉ុន្មាន សូម្បីដំណើរការផលិតក៏ពោរពេញដោយសារធាតុពុលនិងកាកសំណល់ដែរ ។

៤. របស់ពិតសក្ដិសមនឹងតម្លៃ 

ការទិញរបស់ពិតក្នុងតម្លៃខ្ពស់អាចជួយសន្សំប្រាក់របស់អ្នកទៅវិញទេ ព្រោះយើងអាចប្រើវាបានមួយជីវិតឬតជំនាន់ពឹងផ្អែកលើគុណភាពដ៏ប្រណិតរបស់វា ។

៥. បាត់បង់គុណតម្លៃនៃការច្នៃប្រឌិត

កាបូបប្រណិតនីមួយៗឆ្លងកាត់ការផលិតដ៏ម៉ត់ចត់ និងអ្នកច្នៃម៉ូដដ៏ប៉ិនប្រសប់ ប៉ុន្តែរបស់ក្លែងក្លាយដែលកំពុងចរាចរណ៍ក្នុងទីផ្សារធ្វើឲ្យពួកគេបាត់បង់អតិថិជននិងការចាប់អារម្មណ៍គួរឲ្យកត់សម្គាល់ ។

៦. ការទិញកាបូបពិតជាការវិនិយោគ

កាបូបខ្លះដែលមានតម្លៃរាប់ម៉ឺនរាប់សែនដុល្លារគឺជាការវិនិយោគដ៏ល្អបំផុត ជួនកាលម្ចាស់អាចដាក់ដេញថ្លៃចំណេញទ្វេគុណឯណោះ ។

ទោះបីអ្នកមិនមានសមត្ថភាពជាវកាបូបតម្លៃថ្លៃកប់ពពកក៏ដោយ អ្នកគប្បីប្រើប្រាស់កាបូបពិតម៉ាកធម្មតាក៏ជាជម្រើសប្រសើរជាងរបស់ក្លែងក្លាយដែរ ៕

ប្រែសម្រួល ៖​ វារី

ចុចអាន ៖ ៥ តិចនិក ថែរក្សាកាបូបប្រណិតឲ្យនៅគង់វង្ស ប្រើដល់កូនចៅជំនាន់ក្រោយ

The post ហេតុផល ៦ យ៉ាង យើងមិនគួរទិញកាបូបក្លែងក្លាយ ឬ Top Grade appeared first on Kampuchea Thmey Daily.

ប៉ុន្តែក្រៅពីជាកេរ្តិ៍ឈ្មោះ និងការលក់របស់ម៉ាកយីហោប្រណិតនេះជុំវិញពិភពលោក តើមានអ្វីផ្សេងទៀតដែលត្រូវដឹងអំពី Louis Vuitton?

១ Louis Vuitton មិនដែលបញ្ចុះតម្លៃ

ម៉ាក់យីហោ Louis Vuitton មិនដែលមានការបញ្ចុះតម្លៃទេ ដោយជ្រើសរើសជំនួសវិញដោយរក្សាផលិតផលក្នុងតម្លៃថេរពេញមួយឆ្នាំ។ ម៉ាកយីហោនេះតែងតែព្រមានអតិថិជនរបស់ខ្លួនប្រឆាំងនឹងការទិញកាបូបបញ្ចុះតម្លៃនៅតាមអ៊ីនធឺណិត ជារឿយៗថាជាទំនិញក្លែងក្លាយ។

២ ក្រុមហ៊ុន Louis Vuitton ចាប់ផ្តើមផលិតប្រអប់ដាក់ឥវ៉ានជាផលិតផលដំបូង

Louis Vuitton ត្រូវបានបង្កើតឡើងក្នុងឆ្នាំ ១៨៥៤ ដោយលោក Louis Vuitton ផលិតផលដំបូងដែលគាត់បានផលិតសម្រាប់ក្រុមហ៊ុនគឺប្រអប់ដាក់ឥវ៉ាន់។ នៅពេលដែលលោក Louis Vuitton បានស្លាប់នៅឆ្នាំ ១៨៩២ អាជីវកម្មនេះត្រូវបានផ្ទេរទៅឲ្យកូនប្រុសរបស់គាត់ Georges ដែលកូនតែមួយគត់ រហូតមកដល់ចំណុចនេះ ក្រុមហ៊ុន Louis Vuitton ក៏បានផលិតកាបូប និងកាបូបតូចៗប្រណិតផងដែរ។

៣ អ្នកគ្រប់គ្រង់ Louis Vuitton ជំនាន់ទីបី

នៅពេលដែលលោក Georges Vuitton បានស្លាប់នៅឆ្នាំ ១៩៣៦ កូនប្រុសច្បងរបស់គាត់ Gaston បានទទួលមរតកបន្ត ហើយលោកបានក្លាយជាបុរសជំនាន់ទី ៣ របស់ Vuitton ដែលគ្រប់គ្រងម៉ាកយីហោនេះ។ នៅក្រោមការគ្រប់គ្រង់របស់ Gaston Vuitton ក្រុមហ៊ុនបានចាប់ផ្តើមផលិតកាបូប និងឥវ៉ាន់តូចៗបន្ថែមទៀត ហើយស្បែកសត្វបានក្លាយជាសម្ភារៈចម្បងនៅក្នុងផលិតផល Louis Vuitton ដែលម៉ាកនេះត្រូវបានគេស្គាល់យ៉ាងច្បាស់ដល់សព្វថ្ងៃនេះ។

៤ ប្រអប់ដាក់អីវ៉ាន់ត្រូវផលិតជាវ៉ាលីរូបរាងថ្មីរបស់ក្រុមហ៊ុន Louis Vuitton

ប្រអប់ដាក់ឥវ៉ាន់របស់ Louis Vuitton មិនមានរូបរាង និងរចនាបទបែបមុខទៀតទេ ដោយអ្នករចនាដំបូងគេដែលបង្កើតការឆ្នៃម៉ូដប្រអប់ដាក់អីវ៉ាន់ទៅជាវ៉ាលីរូបរាងថ្មី ការរចនាថ្មីនេះ​បាន​អនុញ្ញាត​ឱ្យ​កំណាត់​ដាក់អីវាន់កាន់តែងាយស្រួល។

៥ អក្សរកាត់ LV ដ៏ល្បីល្បាញបានកើតឡើងបន្ទាប់ពីការស្លាប់របស់លោក Louis Vuitton

កូនប្រុសរបស់គាត់ឈ្មោះ Georges Vuitton បានបង្កើតនិមិត្តសញ្ញា “L” និង “V” ត្រួតស៊ីគ្នានៅឆ្នាំ ១៨៩៦ បួនឆ្នាំក្រោយលោក Louis ក៏ស្លាប់ ហើយការរចនាម៉ូដអក្សរកាត់និងផ្កាដ៏សាមញ្ញបានធើ្វឲ្យក្រុមហ៊ុន Louis Vuitton ក្លាយជាម៉ាកម៉ូដែលទទួលស្គាល់ល្បីបំផុតមួយនៅក្នុងពិភពលោក។

៦ Louis Vuitton បង្កើតប្រព័ន្ធចាក់សោរថ្មីជួយថែរក្សាឥវ៉ាន់របស់អតិថិជន

មុនពេលមរណភាពរបស់ Louis Vuitton គាត់ និងកូនប្រុសរបស់គាត់ឈ្មោះ Georges បានបង្កើតប្រព័ន្ធចាក់សោរថ្មីដើម្បីជួយរក្សាឥវ៉ាន់របស់អតិថិជនរបស់ពួកគេឱ្យកាន់តែមានសុវត្ថិភាព។ ពីព្រោះចោរតែងតែរកមើលកាបូបថ្លៃៗដែលអ្នកមានប្រើប្រាស់ ហើយប្រព័ន្ធថ្មីនេះបានធ្វើឱ្យវាកាន់តែមាន​សុវត្ថិភាពសម្រាប់​អតិថិជន។

៧ ក្រុមហ៊ុននេះមានទំនាក់ទំនងជាមួយរបបណាស៊ីកំឡុងសង្គ្រាមលោកលើកទីពីរ

បន្ទាប់ពីការលុកលុយរបស់ណាស៊ីនៅប្រទេសបារាំងក្នុងឆ្នាំ ១៩៤០ ហាងម៉ូដជាច្រើនត្រូវបានបញ្ជាឱ្យបិទ លុះត្រាតែពួកគេធ្វើការជាមួយរបបនោះ។ ក្រោមការគ្រប់គ្រងរបស់ Gaston Vuitton ក្រុមហ៊ុន Louis Vuitton មិនបានបិទទ្វារ និងធ្វើការជាមួយរដ្ឋាភិបាលដែលគាំទ្រដោយណាស៊ី។

៨ Louis Vuitton គឺជាផលិតផលដែលមានគុណភាព

ហេតុផលមួយក្នុងចំណោមហេតុផលដែលកាបូបប្រណិតLV ទាំងនេះមានតម្លៃថ្លៃខ្លាំងនោះគឺថាវា ប្រើប្រាស់បានយូរមិនគួរឱ្យជឿ និងរឹងមាំ។ សម្ភារៈ Louis Vuitton អាចទប់ទល់នឹងលក្ខខណ្ឌត្រូវទឹកសូម្បីតែភ្លើង ហើយខ្សែរ៉ូតត្រូវបានបើកនិងបិទសាកល្បងប្រហែល ៥,០០០ ដងមុខនិងដាក់លក់។

៩ LV ជ្រើសរើសតែម៉ូដែលល្បីធ្វើការជាមួយ

អ្វីគ្រប់យ៉ាងអំពី Louis Vuitton ត្រូវបានគេមើលឃើញថារួមទាំងឱកាសក្នុងការងារតារាល្បីក៏ធ្វើជាម៉ូដែលឲ្យក្រុមហ៊ុននេះដែរ។ ម៉ាកល្បីៗចង់បានម៉ូដែលដែលមានកេរ្តិ៍ឈ្មោះល្បីល្បាញ​ ដូច្នេះវាមិនមែនជារឿងចម្លែកទេដែលតារាសម្តែង Emma Stone, Léa Seydoux និង Alicia Vikander ស្ថិតក្នុងចំណោមមុខមាត់របស់ Louis Vuitton ។

១០ លោក Louis Vuitton ធ្លាប់បានធ្វើការឱ្យភរិយារបស់ណាប៉ូឡេអុង

អ្នកប្រហែលជាឆ្ងល់ពីរក្រុមហ៊ុន LV ផលិតរបស់លក់ឲ្យអតិថិជនដែលមានទ្រព្យសម្បត្តិ និងឋានៈខ្ពស់តែប៉ុណ្ណោះ ពីព្រោះលោក Louis Vuitton ធ្លាប់បានធ្វើការឱ្យលោកស្រី Joséphine ដែលជាភរិយារបស់ណាប៉ូឡេអុងអធិរាជនៃប្រទេសបារាំង។

១១ ការបូប LV Mini Speedy បង្កើតឡើងដោយតារាសម្ដែងនិងបង្ហាញម៉ូដ Audrey Hepburn

ក្នុងទសវត្សរ៍ឆ្នាំ ១៩៦០ តារាសម្ដែង និងជាតារាបង្ហាញម៉ូដ Audrey Hepburn បានទាក់ទងទៅក្រុមហ៊ុន Louis Vuitton ដោយសុំឱ្យក្រុមហ៊ុនធ្វើការបូប Mini Speedy ឲ្យនាង។ ការរចនាសម្រាប់ ការបូប “Speedy” ត្រូវបានបង្កើតឡើងក្នុងឆ្នាំ ១៩៣០ ហើយសព្វថ្ងៃនេះប្រភទនេះការបូកមានគ្រប់ទំហំខុសៗគ្នា។

យ៉ាងណាមិញ ឥឡូវនេះ LV កំពុងដំណើរការនៅក្នុងប្រទេសជាច្រើន គឺជាម៉ាកដ៏ពេញនិយមបំផុតមួយ មិនត្រឹមតែនៅក្នុងឧស្សាហកម្មម៉ូដប៉ុណ្ណោះទេ ប៉ុន្តែក៏មាននៅក្នុងពិភពលោកទាំងមូលផងដែរ ៕

ប្រែសម្រួល៖នាងតូច

ចុចអាន៖តារាចម្រៀង Lisa ទទួលមរណភាព បន្ទាប់ពីចប់កម្មវិធី Golden Globes

The post រឿងពិត ១១ យ៉ាងគួរឱ្យចាប់អារម្មណ៍ អំពីម៉ាកយីហោ Louis Vuitton appeared first on Kampuchea Thmey Daily.

ទោះជាយ៉ាងណា ​អាយុកាល​របស់កាបូបគឺអាស្រ័យលើការថែទាំផងដែរ។ ខាងក្រោម​នេះ​ជា​បច្ចេកទេស​ទាំង ៥ ដែល​អាច​ជួយ​ថែរក្សា​កាបូប ​មិន​ថា​ម៉ាក​យីហោណា ឲ្យ​ជាប់​បាន​យូរ ​ឆ្លង​ដល់​កូនចៅ​ជំនាន់​ក្រោយ ​បាន​ប្រើ​ទៀត​ផង។

១ ជ្រើសរើស​ផលិតផល​ដែល​មាន​គុណភាព​ល្អ

គួរចាប់ផ្តើមពីដំបូង ពោលគឺជ្រើសរើសកាបូបដែលមានគុណភាព ទាំង​សម្ភារៈ​ប្រើប្រាស់ និង​ដេរ​ ត្រូវ​តែ​មានគុណភាពល្អ។ ប្រសិនបើអ្នកមិនមែន​ជា​អ្នក​និយមម៉ាកយីហោទេ សូម​ស្វែងរក​កាបូប​នៅលើ​ទីផ្សារ ដែលផលិតពី​ស្បែក​ពិត​ប្រាកដ ទាំងសម្ភារៈ​សមាសធាតុ​ជាប់​លាប់ និង​គុណភាព​កាត់ដេរ ប៉ុន្តែ​ប្រសិន​បើ​អ្នក​ជ្រើសរើស​ផលិតផល​ម៉ាក​យីហោ អ្នក​នឹង​ទទួល​បាន​ផលិតផល​ដែល​ធានា​គុណភាព។ ត្រូវ​ប្រាកដ​ថា​ផលិតផល​នោះ​ ជា​ផលិតផល​ដែល​មាន​អាជ្ញាប័ណ្ណ​ពិត​ប្រាកដ​ឬ​អត់។

២ ដឹង​ពីសម្ភារៈប្រើប្រាស់សម្រាប់ធ្វើកាបូប

សម្ភារៈ​របស់កាបូបនីមួយៗ មានវិធីសាស្រ្តថែទាំខុសៗគ្នា មិនថាវាជាផ្ទាំងក្រណាត់ដែលស្រោប (ផ្ទាំងក្រណាត់) ស្បែកគោ​ដែលមានជាតិពណ៌ កញ្ចក់ ក្រណាត់ ឬស្បែកសត្វពិសេសនោះ​ទេ។ វាជាការសំខាន់ណាស់ ដែលត្រូវដឹងពីសម្ភារៈដែលកាបូបរបស់អ្នក ត្រូវបានផលិត។ អាច​សាកសួរពីអ្នក​លក់ ហើយសួររក​វិធីសាស្រ្ត​ថែទាំដែលសមរម្យ សម្រាប់កាបូប​ប្រភេទនោះ។

៣ ទុកវានៅកន្លែងដែលមានខ្យល់ចេញចូល

ដោយសារអាកាសធាតុក្តៅ និងសើម ការទុកកាបូបនៅក្នុងទូ​ ដោយមិន​ឲ្យ​មាន​ខ្យល់​ចេញចូល ​អាច​បង្ក​គ្រោះថ្នាក់​ដល់​កាបូប។ បើផ្ទៃនៃ​ថង់ត្រូវបានប្រេះឬ​ស្ងួត ឬប្រសិនបើវា​ស្ថិតនៅក្នុង​តំបន់​ដែល​មាន​សំណើម​ខ្ពស់ អាច​បណ្ដាល​ឲ្យ​កាបូប​ក្លាយទៅជាផ្សិត។ ប្រសិន​បើអ្នក​ទុក​កាបូប​របស់​អ្នក​នៅ​ក្នុង​ទូ វា​គួរតែ​ត្រូវ​បាន​យក​ចេញពីថង់ដើម្បីសម្អាត និង​ស្ថិត​នៅក្នុងតំបន់​ដែល​មាន​ខ្យល់​ចេញចូលបានល្អ វា​នឹង​ជួយ​ពន្យារ​អាយុ​ជីវិត​របស់​កាបូប​កាន់​តែល្អ ជាងមុន។​

៤ រៀបចំ​កាបូប​របស់អ្នកជារៀងរាល់ថ្ងៃ

ការប្រើកាបូបជារៀងរាល់ថ្ងៃ អ្នកប្រហែលជាអាចយករបស់ចូល និងចេញដោយមិនពិនិត្យមើលភាពស្អាត ឬយករបស់ដែលមិនចាំបាច់ចេញពីកាបូបភ្លាមៗ។ ដូច្នេះ បន្ទាប់ពីត្រលប់មកផ្ទះវិញជារៀងរាល់ថ្ងៃ គួរតែពិនិត្យ និងរៀបចំនៅខាងក្នុងកាបូប នេះនឹងផ្តល់អត្ថប្រយោជន៍ដល់អ្នក ក៏ដូចជាជួយអ្នកចងចាំរឿងសំខាន់ៗ មុនពេលចាកចេញពីផ្ទះ និងគ្រប់គ្រងកាកសំណល់ ឬវត្ថុដែលអាចមានហានិភ័យនៃការបំផ្លាញកាបូប ដូចជាប៊ិច បង្កាន់ដៃដែលអាចទុកស្នាមទឹកថ្នាំនៅលើថង់ស្បែក ស្ករគ្រាប់ និងស្ករកៅស៊ូដែលរលាយ និងបង្កើតជារង្វង់ស្អិតដោយបន្សល់ទុកក្នុងកាបូប។

៥ ពេលមិនប្រើ គួររក្សាទុកក្នុងថង់ក្រណាត់

ប្រសិនបើកាបូបណាមួយ មិនត្រូវបានប្រើក្នុងអំឡុងពេលនោះ កាបូប​គួរទុកក្នុងថង់​ក្រណាត់ដែល​មកជាមួយ។ ប៉ុន្តែ​មុន​នឹង​ខ្ចប់​កាបូប គួរ​ចាប់​ផ្ដើម​ដោយ​ពិនិត្យ​មើល​ផ្នែក​ខាង​ក្នុង​ថង់​ ដើម្បី​មើល​ថា​មាន​អ្វី​នៅ​សល់​ឬ​អត់។ បន្ទាប់មកជូតកាបូបឲ្យ​​ស្អាត ដោយ​យកកន្សែង ឬពោងខ្យល់ដែលបានបង្ហាប់ដាក់នៅខាងក្នុង ដើម្បីរុញថង់​ឲ្យ​មានរូបរាង ដោះកាបូប ឬ​បើ​អ្នក​មិន​អាច​យក​វា​ចេញ​បាន សូម​រក្សា​ខ្សែ​នៅ​ក្នុង​កាបូប មុន​នឹង​យក​វា​ទៅ​ដាក់​ក្នុង​ថង់​ក្រណាត់ ហើយ​ដាក់​ក្នុង​ទូដាក់​ឥវ៉ាន់។ ទាំងអស់នេះ ដើម្បីការពារកាបូបកុំ​ឲ្យ​ខូច ប្រសិនបើរក្សាទុកក្នុងរយៈពេលយូរ៕

ប្រែសម្រួល៖ សាង ស្រីល័ក្ខ

ចុចអាន៖កាបូបប្រេនលំដាប់អន្តរជាតិ បុគ្គលមានទ្រព្យវាល់លាន ទើបអាចទិញផ្ដាច់មុខបាន

ចុចអាន៖រឿងរ៉ាវចាក់ស្រេះ របស់ Hermès Birkin មុនក្លាយជាកាបូបប្រេន លំដាប់ពិភពលោក

The post ៥ តិចនិក ថែរក្សាកាបូបប្រណិតឲ្យនៅគង់វង្ស ប្រើដល់កូនចៅជំនាន់ក្រោយ appeared first on Kampuchea Thmey Daily.

ទាំង​នោះ​​គឺជា​មន្ត​ស្នេហ៍​មួយ​នៃ​ភាព​មាន​តម្លៃ​ ដែល​មនុស្ស​ជា​ច្រើន ប្រាថ្នា​ចង់​​យក​មក​ជា​កម្មសិទ្ធិ​ផ្ទាល់ខ្លួន។ ប៉ុន្តែ​មុន​នឹង​ក្លាយ​ជា​ម្ចាស់​កាបូប​ តើដំណើរ និងរឿងរបស់ Birkin Hermès ចាប់ផ្ដើម​ដោយ​របៀបណា? ហើយ​ហេតុ​អ្វី​បានជាវា ​ក្លាយ​ជា​កាបូប​ដ៏​ល្បី​ មិន​ធ្លាប់​មាន​រហូត​ដល់​សព្វ​ថ្ងៃនេះ?

រឿងរ៉ាវនៃប្រេនមួយនេះ បានចាប់ផ្តើមនៅឆ្នាំ ១៩៨១ ដោយកាលណោះ តារា​សម្ដែង​ជនជាតិ​អង់គ្លេស​នាង Jane Birkin បានជួប​ជាមួយ​នាយកប្រតិបត្តិ Hermès លោក Jean louis dumas នៅលើយន្តហោះមួយ ​ពេលធ្វើដំណើរទៅទីក្រុងឡុងដ៍។ នៅពេលនោះ​ លោក Dumas ងាក​ទៅ​ឃើញ​ Jane ដាក់​របស់​ក្នុង​កន្ត្រក​មួយ​សែន​រញ៉េរញ៉ៃ​។ បន្ទាប់មក គាត់ក៏​បាន​ផ្តល់​ដំបូន្មាន​ដល់​តារា​សម្ដែង​រូប​នោះ​ថា នាងគួរតែមានកាបូបធំមួយ ​ដែល​មិនមែន​ជា​កាបូប​ដូច​ដើរ​លេង​ចុង​សប្ដាហ៍ ​​ឬ​កន្ត្រក​ធំ ដែលនាងកំពុងប្រើ ប៉ុន្តែ​ជា​ថង់​ដែល​អាច​ដាក់​អ្វីៗ​បាន​ទាំងអស់ (បន្ទាប់ពី​ឃើញ Jane ព្យាយាម​ដាក់​កន្ត្រក​ ដែល​នាងចូលចិត្តក្នុងទូដាក់អីវ៉ាន់។ តែ​បន្ទាប់​មក​ កន្ត្រក​របស់​នាង​ធ្លាក់​ដល់​ដី ហើយ​របស់​ដែល​នៅ​ខាង​ក្នុង​ត្រូវ​បាន​រាយប៉ាយ​ពេញ​ហ្នឹង។

ភ្លាមៗ​នោះ​ Jane បាន​ទាញ​យក​ខ្មៅដៃមួយ ហើយគូសវាស​នូវ​ការ​រចនា​កាបូប​នៅ​ពេល​នោះ​តែម្ដង។ ហើយ​នោះ​គឺ​ជា​លើក​ទី​មួយ ​ ​ដែល​គំនូរ​ព្រាង​នៃ​កាបូប Birkin បានកើតឡើងមក និង​ជា​វត្ថុ​មួយ​ក្នុង​ចំណោម​វត្ថុ​ដែល​មនុស្ស​គ្រប់គ្នា​ប្រាថ្នា​ចង់​បាន​ជា​ខ្លាំង។

Hermès Birkin ត្រូវបានគេដាក់​ឈ្មោះតាម Jane Birkin និង​ត្រូវ​បាន​ចេញ​លក់​ជា​លើក​ដំបូង​ក្នុង​ឆ្នាំ ១៩៨៤ ហើយនៅឆ្នាំ ១៩៩០ Birkin បានក្លាយជានិមិត្តសញ្ញា​នៃ​ទំនិញ​របស់​អភិជន ដែលបង្ហាញពីស្ថានភាព​សង្គមរបស់អ្នកកាន់ ក្នុងរយៈពេលដ៏ខ្លី និងការពង្រឹងឋានៈរបស់ខ្លួនផងដែរ។ ​យ៉ាងណាមិញ នេះក៏ជា​និមិត្ត​សញ្ញាមួយ​នៃភាពជោគជ័យរបស់ Hermes ក្រោយរឿងភាគដ៏ល្បី Sex and the City បានបង្ហាញពីតួអង្គ Samantha ត្រូវរង់ចាំ ៥ ឆ្នាំ​ ដើម្បី​បាន​កាបូប Birkin ក្នុងដៃ​របស់​គាត់។

រហូតមកដល់​បច្ចុប្បន្ន​នេះ ​វា​ក៏បានក្លាយជាកាបូបលេខ ១ របស់​ស្ត្រី​និង​តារា​ល្បី​រាប់​​សិប​នាក់ ​រួមទាំង Victoria Beckham, Jannifer Lopez, Naomi Campbell និង​ផ្សេងៗ​រាប់មិនអស់។ អស់​រយៈ​ពេលជាង ៤០ ឆ្នាំមកហើយ Hermès Birkin នៅតែ​បន្ត​ជាកាបូប​ដែលមានតម្លៃបំផុត​នៅលើទីផ្សារ ហើយជឿជាក់ថា មិនមានរបស់ណាដែលអាចយកឈ្នះជើងឯកលេខ ១ របស់ Hermès Birkin នោះ​ទេ។ កាបូប Hermes Birkin មានតម្លៃចាប់ពី ៨,៥០០ដុល្លារដល់ ២០០,០០០ ដុល្លារ និងជា Birkin ថ្លៃបំផុត យោងតាមទស្សនាវដ្តី Forbes និង Bloomberg Business បានឲ្យ​ដឹងថា កាបូប Hermès បានកើនឡើង ៤៣០% ចាប់តាំងពីខែមីនា ឆ្នាំ ២០២០ មក វាជាការ​វិនិ​យោគហិរញ្ញ​វត្ថុ​ប្រសើរ​ជាង​ភាគហ៊ុន ឬមាស ដោយសារតម្រូវការទីផ្សារនេះ បង្ហាញថា មិនមានសញ្ញានៃការធ្លាក់ចុះក្នុងប៉ុន្មានទសវត្សរ៍ថ្មីៗនេះទេ។

ជាការពិត ទាំងនេះមិនមែនគ្រាន់តែជាម៉ូដប៉ុណ្ណោះទេ ពីព្រោះ Hermès បាន​បន្តបង្កើត​ភាព​ខ្លាំង​របស់​ខ្លួន​ ក្នុង​គុណភាព​អស់រយៈពេលជាយូរ។ ថង់​តែ​មួយ​អាច​ចំណាយ​ពេល​ពី ២០ ទៅ ៤៨ ម៉ោង ​ដើម្បី​បង្កើត​ជាកាបូបមួយ។ នេះក៏​រាប់បញ្ចូលទាំងពេលវេលា​ដែល​ចំណាយ​លើការ​បណ្ដុះបណ្ដាល​​សិប្បករ​ជំនាញ​ យ៉ាងតិច៥ឆ្នាំផងដែរ។ វាប្រៀបដូចជា​ការធានា​ មិនថា​ប៉ុន្មាន​សម័យកាល​បាន​កន្លង​ផុត​ទៅ ប៉ុន្តែ​លំនាំ​ហត្ថលេខា​ដើម ម៉ាក​យីហោ​ប្រាកដជានៅ​ដដែល ហើយ​នេះ​ប្រហែលជាហេតុផលមួយ ដែល Hermes Birkin គឺ​ជា​កាបូប​មួយ​ក្នុង​ចំណោម​កាបូប​ ដែល​ឈរ​ជើង​រាប់​សិប​ឆ្នាំ ​និង​គ្មាន​កាបូប​ណា​ មក​ប្រជែង​បាន​ឡើយ៕

ប្រែសម្រួល៖ សាង ស្រីល័ក្ខ

ចុចអាន៖កាបូបប្រេនលំដាប់អន្តរជាតិ បុគ្គលមានទ្រព្យវាល់លាន ទើបអាចទិញផ្ដាច់មុខបាន

The post រឿងរ៉ាវចាក់ស្រេះ របស់ Hermès Birkin មុនក្លាយជាកាបូបប្រេន លំដាប់ពិភពលោក appeared first on Kampuchea Thmey Daily.

ជាក់ស្ដែង​ខាងក្រោម​នេះ សុទ្ធតែ​ជា​កំពូល​កាបូប​ប្រេនៗ​លំដាប់​ខ្ពស់ ទាល់​តែ​អ្នក​មាន​ទ្រព្យ​វាល់​លាន ទើប​អាច​ទិញ​ផ្ដាច់មុខ​បាន។

​១ កាបូបពេជ្រ Mouawad 1001 Nights – ៣.៨ លានដុល្លារ

Mouawad 1001 Nights Diamond Purse គឺជាកាបូបមួយក្នុងចំណោមកាបូបថ្លៃ​បំផុត​នៅ​លើពិភពលោក នាពេលបច្ចុប្បន្ន​នេះ ។ កាបូបនេះមានមាស ១៨ ការ៉ាត់ និងមានត្បូងពេជ្រ​ពណ៌លឿង ១០៥ គ្រាប់ ពេជ្រពណ៌ផ្កាឈូក ៥៦គ្រាប់ និងពេជ្រគ្មានពណ៌ ៤,៣៥៦ គ្រាប់។

២ Hermes Kelly Rose Gold – ២ លានដុល្លារ

បង្កើតឡើងក្នុងឆ្នាំ ១៨៣៧ Hermès គឺជាម៉ាកយីហោបារាំងដ៏ប្រណីត និងទាន់សម័យ និង​ជាម៉ាកកំពូលក្នុងពិភពលោក។ Hermes បានសហការ​ជាមួយអ្នក​គ្រឿងអលង្ការ Pierce Hardy ដើម្បីបង្កើតកាបូបមួយ​ប្រភេទ​នេះដែលមានត្បូងពេជ្រចំនួន ១,១៦០ ធ្វើពីស្បែកក្រពើ និង​មាសសុទ្ធ។ តម្លៃលក់រាយមានចាប់ពី ១,៧០០ ដល់ ១០,៩០០ នេះបើយោងតាម ​​HandbagsLovetoKnow ។

៣ Hermes Birkin Bag ដោយ Ginza Tanaka – ១.៤លានដុល្លារ

កាបូបនេះត្រូវបានរចនាឡើង ដោយជនជាតិជប៉ុន Ginza Tanaka ហើយភ្ជាប់មកជាមួយ​នូវ​ផ្នែក​ដែល​អាច​ដោះចេញបាន ។ Hermes Birkin ​មានត្បូងពេជ្រចំនួន ២០០០គ្រាប់ នៅលើសំបក​ខាងក្រៅ​របស់​វា រួម​ជាមួយ​នឹងត្បូង​ថ្ម ៨ការ៉ាត់​ដែលមានរាងដូចផ្លែ pear ជាផ្នែកកណ្តាល។

៤ Hermes Chaine’d Ancre – ១.៤ លានដុល្លារ

កាបូប Hermes Chaine’d Ancre មិនមែនជាកាបូបធម្មតាឡើយ។ វា​មាន​រូបរាង​ជាបង្កាន់ដៃ​ពន្ធនាគារ ហើយ​ធ្វើ​ពី​ច្រវាក់។ កាបូបនេះត្រូវបានរុំព័ទ្ធដោយត្បូងពេជ្រចំនួន ១,១៦០ ដុំ និងផលិតតែ ៣ ប៉ុណ្ណោះ។

៥ Lana Marks’ Cleopatra clutch – ៤០០,០០០ដុល្លារ

Lana Marks Cleopatra Clutch ដោយ Lana Mark ត្រូវបានគេឃើញ​ប្រើ​ដោយន​តារាហូលីវូដជា​ច្រើន​ នៅ​ក្នុង​ព្រឹត្តិការណ៍​កម្រាល​ព្រំ​ក្រហម​របស់​ពួកគេ។ តម្លៃ​របស់​កាបូប​មាន​ចាប់ពី ១០០,០០០ ដុល្លារ ហើយអាចមានតម្លៃដល់ទៅ ៤០០,០០០ ដុល្លារ។

៦ Niloticus Crocodile Himalayan Birkin – ៣៨០,០០០ដុល្លារ

Himalayan Birkin ភាគច្រើនត្រូវបានផលិតចេញពីសត្វក្រពើ niloticus និង​ត្រូវចំណាយពេលយូរខ្លាំង។ កាបូបនេះនឹងធ្វើឲ្យ​អ្នកគិតអំពីភ្នំហិម៉ាឡៃយ៉ា ដោយសារពណ៌ត្នោត​​ពណ៌នា​ពី​ភ្នំ និងពណ៌ស បង្ហាញពពក និងកំពូល​ដែលគ្របដណ្តប់​ដោយ​ព្រិល។

៧ កាបូបម៉ាក Chanel Diamond Forever – ២៦០,០០០ ដុល្លា

Chanel មានតម្លៃ ២៦០,០០០ ដុល្លារ ផលិត​ពីស្បែកក្រពើដ៏ល្អ និងមានត្បូងពេជ្រចំនួន ៣៣៤ ដែលមានទម្ងន់ ៣.៥៦ ការ៉ាត់ ជាមាសពណ៌ស។​ វា​ក៏មានខ្សែសង្វាក់មាស ១៨ការ៉ាត់ ដែល​អាច​ប្រើ​ជា​ខ្សែ និង​អាច​ផ្ដាច់​បាន។ ទោះ​យ៉ាងណា​ក៏ដោយ មិនមែន​គ្រប់គ្នា​សុទ្ធ​តែ​អាច​ធ្វើជា​ម្ចាស់​កាបូប​ម៉ាក Chanel នេះ​បាន​ទេ ព្រោះ​មាន​តែ ១៣ បំណែក​ប៉ុណ្ណោះ​ដែល​ត្រូវ​បាន​ផលិតចេញ។

៨ Fuchsia Diamond Studded Hermes Birkin – ២២៥,០០០ដុល្លារ

កាបូប​នេះ​មាន​ពណ៌​ភ្លឺ ដែល​ធ្វើ​ឲ្យ​វាក្លាយជា​ម៉ាក​កាបូប​ថ្លៃ​មួយ​ ដែល​នារី​គ្រប់រូប​ប្រាថ្នា​ចង់​មាន។ លក្ខណៈ​ពិសេស​មួយ​ចំនួន​ដែល​ធ្វើ​ឲ្យ​វា​មាន​តម្លៃ ​គឺ​មាស ​ស ១៨ ការ៉ាត់ និង​ពេជ្រ​រាយ​តាម​កាបូប។

៩ Hermes Exceptional Collection Shiny Rouge H Porosus Crocodile 30 Cm Birkin – ២០០,០០០ ដុល្លារ

កាបូបនេះមានមាស ១៨ការ៉ាត់ និងគ្រឿងរឹងនៃពេជ្រ ដែលធ្វើ​ឲ្យ​វា​ក្លាយជាកាបូបទាន់​សម័យ​បំផុត​ ​មិន​ធ្លាប់​មាន។ ដើម្បី​មាន​លទ្ធភាព​ទិញ​កាបូប​នេះ អ្នក​ត្រូវ​តែ​ស្ថិត​ក្នុង​ចំណោម​អ្នក​មានកំពូលៗ។ កាបូប​​ម៉ូដ​នេះ​ ត្រូវ​បាន​លក់​កាលពី​ប៉ុន្មាន​ឆ្នាំ​មុន​ នៅ​ឯការ​ដេញ​ថ្លៃ​ជា​សាធារណៈ Heritage Auctions ក្នុង​ទីក្រុង Dallas ។ វានៅតែជាកាបូបថ្លៃបំផុតមួយ​សម្រាប់​ស្ត្រីមិនប្រែប្រួល។

១០ កាបូបដៃម៉ាក Hermes Birkin ពណ៌ខៀវ Crocodile – ១៥,០០០ ដុល្លារ

កាបូប​ទាន់សម័យ​នេះ​មាន​មាសស និងពេជ្រ ១៨ ការ៉ាត់។ ដូចកាបូបជាច្រើននៅក្នុងបញ្ជីនេះ សុទ្ធតែ​ជាអ្នក​ជំនាញ និងផលិតយ៉ាងយកចិត្តទុកដាក់ខ្ពស់ ដើម្បីបង្កើតវា​បានមួយៗមក។ វាត្រូវការ​វិចិត្រករ​ដែលមានភ្នែកល្អ ដើម្បីបំពាក់អ្វីៗគ្រប់យ៉ាងសម្រាប់កាបូបបែបនេះ។ កាបូបដៃពណ៌ខៀវ Hermes Birkin មានពណ៌អព្យាក្រឹត ហើយអាចញ័រក្នុងអំឡុងពេលព្រឹត្តិការណ៍​ផ្លូវការ និង​ធម្មតាណាមួយ៕

ប្រែសម្រួល៖ សាង ស្រីល័ក្ខ

ចុចអាន៖ប្រមូលម៉ាក​កាបូបយួរដៃប្រណីតៗលើលោកទាំង១០ មានខ្លះថ្លៃរាប់លានដុល្លារ

The post កាបូបប្រេនលំដាប់អន្តរជាតិ បុគ្គលមានទ្រព្យវាល់លាន ទើបអាចទិញផ្ដាច់មុខបាន appeared first on Kampuchea Thmey Daily.

តម្លៃនៃផលិតផលដែលត្រូវបានរកឃើញក្នុងស្រុក Vu Ban នៃខេត្ត Nam Dinh ត្រូវបានអាជ្ញាធរខេត្ត Nam Dinh ប៉ាន់ប្រមាណថា ប្រហែល៦ពាន់លានដុង ស្មើនឹង ២៦២,០០០ដុល្លារអាមេរិក។

ប៉ូលិសនិងកងកម្លាំងផ្សេងទៀត ត្រូវបង្ខំចិត្តប្រើឡាន៣តោនកន្លះ ចំនួន១០គ្រឿង ដើម្បីដឹកទំនិញដែលរឹបអូសបាន ដែលភាគច្រើនជាកាបូបដៃ។ ពួកគេនិយាយថា នេះគឺជាឃ្លាំងផ្ទុកទំនិញធំបំផុតដែលត្រូវបានរកឃើញនៅភាគខាងជើងប្រទេសវៀតណាម បន្ទាប់ពីការស៊ើបអង្កេតអស់រយៈពេល៦ខែ។

អ្នកលក់ មិនបានបង្ហាញពីប្រភពដើមនៃផលិតផលទាំងនេះទេ។ ផលិតផលទាំងនេះ ភាគច្រើនចែកចាយតាមរយៈបណ្តាញសង្គម ដោយប្រើគណនី Facebook រាប់សិបគណនី ដើម្បីគេចវេះពីអាជ្ញាធរ។

ពួកគេបានចុះបញ្ជីអាស័យដ្ឋាននៅសង្កាត់ Bac Tu Liem ក្នុងទីក្រុងហាណូយ ថាជាហាងផ្លូវការ ប៉ុន្តែអាជ្ញាធរមិនបានរកឃើញអ្វីនៅទីនោះទេ៕

ប្រែសម្រួលដោយ៖ Vann Vann

ប្រភព៖ VN Express

ចុចអាន៖ ជួញដូរគ្រឿងញៀន ២គីឡូក្រាម វៀតណាម ផ្តន្ទាទោសស្ត្រីខ្មែរម្នាក់ជាប់ពន្ធនាគារអស់មួយជីវិត

The post ប៉ូលិសវៀតណាម រឹបអូសកាបូបប្រ៊េនៗក្លែងក្លាយពីឃ្លាំងមួយ ប្រើរថយន្តធុនធំ១០គ្រឿងទើបដឹកអស់ appeared first on Kampuchea Thmey Daily.