ថ្នាក់ដឹកនាំខេត្ត ក្រុងស្រុក អ្នកគ្រូលោកគ្រូ យុវជន និងសិស្សានុសិស្សសរុប៥៥៦នាក់ ត្រូវបានប្រកាសតែងតាំង និងបំពាក់កន្សែងនៅថ្ងៃទី២៦ ខែមីនា ឆ្នាំ២០២៦ ជាផ្លូវការនៅមហោស្រពខេត្តកោះកុង។

ថ្លែងពិធីសច្ចាប្រណិធាន និងបំពាក់កន្សែង កាយរីទ្ធិជំទង់កាយរីទ្ធិប្អូន និងមេដឹកនាំកាយរីទ្ធិខេត្ត លោកស្រី ឈី វ៉ា បានជំរុញដល់ថ្នាក់ដឹកនាំខេត្តក្រុងស្រុកអ្នកគ្រូលោកគ្រូ បន្តធ្វើជាយុវជនគំរូ គប្បីមានទម្លាប់ហាត់ពុតលុតដំខ្លួន និងមានវិន័យល្អ ដើម្បីចូលរួមចំណែកអភិវឌ្ឍន៍សង្គមជាតិបានទៅអនាគត។

លោកស្រី ឈី វ៉ា ចាត់ទុកថា ការគោរពវិន័យល្អ ខិតខំរៀនសូត្រ និងកសាងខ្លួនទៅរកផ្លូវត្រឹមត្រូវតាមការណែនាំរបស់ចាស់ទុំក្នុងសង្គម ចាត់ទុកថា ធនធានមនុស្សដ៏គំរូមួយទៅអនាគត ខណៈសង្គមជាតិចង់បានមនុស្សមានសមត្ថភាព ចំណេះដឹងពិតប្រាកដ ពិសេសគឺមានគុណធម៌ សុជីវធម៌ និងភាពទទួលខុសត្រូវ។

លោកស្រី ប្រធានកាយារីទ្ធិជាតិកម្ពុជាខេត្តកោះកុង បង្ហាញថា តាមរយៈរបាយការណ៍បូកសរុបលទ្ធផល នៃការងារកាយ រឹទ្ធិ ដែលបានអនុវត្តកន្លងមកសម្រាប់ឆ្នាំ២០២៤-២០២៥ មានរឹទ្ធិសរុប ចំនួន ៦១៦នាក់ ក្នុងនោះស្រី ចំនួន ៣៥៥នាក់ ដែលមានលក្ខណៈសម្បត្តិគ្រប់គ្រាន់ ឆ្លងតាមការបើកវគ្គហ្វឹកហ្វឺនបណ្តុះបណ្តាលសមាជិកភាព នាកន្លងមក។ ដោយឡែក ក្នុងឆ្នាំសិក្សា២០២៥-២០២៦ យើងមានកាយរឹទ្ធិ ចំនួន ៥៥៦នាក់ ស្រី ២៩២នាក់តែប៉ុណ្ណោះ នៅទូទាំងខេត្ត ដែលជាចំនួនតិចតួច ដូចជាសិស្សបានបញ្ចប់ ថ្នាក់ទី១២ និងទៅបំពេញការងារផ្សេងៗដែលធ្វើឱ្យសមាជិកកាយរឹទ្ធិទូទាំងខេត្តរបស់យើង មានការថយចុះ។

ទន្ទឹមនោះ លោកស្រីស្នើដល់សមាជិក សមាជិកកាយារីទ្ធិជាតិដែលប្រកាសតែងតាំង និងបំពាក់កន្សែងនៅថ្ងៃនេះ បន្តចូលរួមសកម្មភាពក្នុងសង្គមអោយបានច្រើន និងរក្សានូវគុណតម្លៃសម្លៀកបំពាក់ដែលប្រគល់ជូនអោយបានគង់វង្សក្នុងន័យបម្រើការងារសង្គម និងមនុស្សធម៌។

លោក ង៉ែត ឡឹង ប្រធានស្នងការកាយារីទ្ធិជាតិកម្ពុជាខេត្តកោះកុង ថ្លែងឱ្យដឹងថា ការបំពាក់កន្សែងជូនមេដឹកនាំកាយរីទ្ធិ កាយារីទ្ធិជំទង់ និងកាយារីទ្ធិកុមារឆ្នាំ២០២៦នេះ មានចំនួនសរុប៥៥៦នាក់ ស្រី២៩២នាក់ មកពី៧ក្រុងស្រុកក្នុងខេត្ត។
បើតាមលោក ង៉ែត ឡឹង កន្លងទៅ ក្រុមកាយារីទ្ធិខេត្ត បានជួយកិច្ចការងារដល់សង្គមជាច្រើនរួមមាន៖ ផ្សព្វផ្សាយច្បាប់ចរាចរណ៍ បញ្ហាគ្រឿងញៀន ដាំកូនឈើ សំអាតអនាម័យបរិស្ថាន បោះជំរុំ ការប្រកួតប្រជែងកាយារីទ្ធិថ្នាក់ជាតិ និងកម្មវិធីបុណ្យទានធំៗផ្សេងទៀតផងដែរ។ លើសពីនេះ ក្រុមកាយារីទ្ធិជាតិកម្ពុជាខេត្ត ចាត់ទុកថា ជនគំរូដែលជាទំពាំងស្នងឬស្សីឈានទៅរកភាពជាអ្នកដឹកនាំប្រទេសជាតិនៅជំនាន់ក្រោយៗ។

លោក ង៉ែត ឡឹង មើលឃើញថា ការអភិវឌ្ឍ មិនអាចកាត់ផ្តាច់បានពីការចូលរួមរបស់កម្លាំងយុវជនបានឡើយ ហេតុនេះ ការអប់រំយុវជន ដែលជាទំពាំងស្នងឫស្សី របស់ប្រទេសជាតិ យើងនៅថ្ងៃអនាគត ជាការ ចាំបាច់បំផុត ដើម្បីឱ្យពួកគាត់មានសមត្ថភាពរួមចំណែក ក្នុងការអភិវឌ្ឍប្រទេសជាតិ៕

អត្ថបទ៖ សិរីវឌ្ឍនៈ

The post អភិបាលខេត្តកោះកុង ជំរុញឲ្យថ្នាក់ដឹកនាំកាយរីទ្ធិក្រុងស្រុក ទម្លាប់ហាត់ពុតលុតដំខ្លួនដើម្បីរួមចំណែកអភិវឌ្ឍន៍សង្គមជាតិទៅថ្ងៃអនាគត appeared first on Kampuchea Thmey Daily.

ក្នុងឱកាសដ៏មានសិរីសួស្តីប្រសើរថ្លៃថ្លាបំផុត ប្រកបដោយសេចក្តីសោមនស្សរីករាយ នៃការប្រារព្ធពិធីសច្ចាបញ្ចូលសមាជិកថ្មីលើកទី៣៣ នៃសមាគមកាយឫទ្ធិនារីកម្ពុជា ដែលបានប្រារព្ឋធ្វើឡើងនៅថ្ងៃទី១៨ ខែមិថុនា ឆ្នាំ២០២៥នេះ គឺ ស្របនឹងថ្ងៃដ៏មានមហាសិរីមង្គល ឧត្តុងឧត្តមបំផុត ក្នុងឱកាសព្រះរាជពិធីចម្រើនព្រះជន្មាយុ ថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ដែលជាព្រះប្រធានកិត្តិយស នៃសមាគមកាយឫទ្ធិនារីកម្ពុជា។ ក្នុងឱកាសនេះលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានមានប្រសាសន៍ថា ការចូលជាសមាជិករបស់សមាគមកាយឫទ្ធិនារីកម្ពុជា គឺជាកម្លាំងស្ម័គ្រចិត្តរួម ដែលផ្ដល់ឱ្យសមាជិកនូវចំណេះដឹង បទពិសោធន៍ទាំងជីវិតការងារ និង លទ្ធភាពធ្វើការរួមគ្នា ដើម្បីផលប្រយោជន៍សង្គម។

លើសពីនេះ កុមារី យុវតី និង សមាជិក​របស់​សមាគម ត្រូវបានបណ្ដុះបណ្ដាលភាពជាអ្នកដឹកនាំ ធ្វើការងារជាក្រុមក្លាយជាធនធានដ៏ល្អ ជួយអភិវឌ្ឍប្រទេសជាតិ។

មិនតែប៉ុណ្ណោះសមាជិកទាំងអស់ ត្រូវ​បាន​ជំរុញ​លើក​ទឹក​ចិត្ត ឱ្យ​ក្លាយ​ជា​កូន​ល្អ សិស្សល្អ ពលរដ្ឋ​ល្អ តាម​គោលបំណងបេសកកម្ម និងពាក្យ​ស្លោករបស់សមាគម គឺ “កម្លាំងស្ម័គ្រចិត្ត ដើម្បីកុមារីនិងយុវតីកម្ពុជា”។

លោក​ជំទាវ​មាន​ប្រសាសន៍​បញ្ជាក់​ទៀត​ថា តាម​រយៈ​លទ្ធផល​ការងារ​ដែល​សមាគមកាយឫទ្ធិនារីកម្ពុជា​បាន​ប្រឹងប្រែង​កន្លង​មក ធ្វើ​ឱ្យ​មជ្ឈដ្ឋានជាតិ និង​អន្តរជាតិបានទទួលស្គាល់ថា សមាគមកាយឫទ្ធិនារីកម្ពុជា ពិតជាបានបំពេញតួនាទីប្រកប ដោយការទទួលខុសត្រូវខ្ពស់ ដោយគ្មានការប្រកាន់និន្នាការនយោបាយ ពូជសាសន៍ ព៌ណសម្បុរ អាយុ ឬភេទនោះឡើយ ក្នុងន័យនេះ លោកជំទាវអគ្គស្នងការ ចង់សំដៅលើការលើកកម្ពស់ដល់ កុមារី យុវតី និងស្រី្ត ក្នុងការទទួលបានការអប់​រំ​ឱ្យបានកាន់តែខ្ពស់ កាន់តែប្រសើរ។ លោកជំទាវបណ្ឌិតអគ្គស្នងការសមាគមកាយឫទ្ធិនារីកម្ពុជា បានឱ្យថាគិតមកដល់ថ្ងៃនេះ សមាគមកាយឬទ្ធិនារីកម្ពុជា មានសមាជិកសរុបប្រមាណជាង៨ពាន់នាក់នៅទាំងប្រទេស។

សូមរំលឹកថា កម្ពុជាបានបង្កើតក្រុមកាយឫទ្ធិកាលពីឆ្នាំ១៩៤៣ តែមិនទាន់​ចូលជាកាយឫទ្ធិពិភពលោកនោះទេ។ ដោយសារសង្គ្រាម ក្រុមកាយឫទ្ធិ​ក៏ត្រូវបានរំសាយ ហើយក្រោយចប់សង្គ្រាមឆ្នាំ១៩៩៩ ទើបកម្ពុជាបានបង្កើតក្រុមនេះជាថ្មី និងនៅក្នុងឆ្នាំ២០០៦ ក៏មានការប្រជុំធំ រហូតតដល់ឆ្នាំ២០០៨ កម្ពុជាបានចូលរួមសកម្មភាព កាយឫទ្ធិពិភពលោក។ សមាគមកាយឫទ្ធិនារីកម្ពុជា គឺជាសមាគមក្រៅរដ្ឋាភិបាលមួយ ដែលមានទិសដៅលើកកម្ពស់ការអប់រំដល់កុមារី និងយុវតីឲ្យក្លាយទៅជាពលរដ្ឋល្អ ទទួលបាននូវចំណេះដឹងបទពិសោធន៍ទាំងជីវិតការងារ និងការងារសង្គម ដោយបានផ្តល់ឱកាស និងលទ្ធភាព ធ្វើការរួមគ្នា ដើម្បីផលប្រយោជន៍សង្គម។

លើសពីនេះ យុវតី ដែលជាសមាជិករបស់សមាគម ត្រូវ​បាន​បណ្ដុះបណ្ដាលភាពជាអ្នកដឹកនាំធ្វើការ​ជាក្រុមដើម្បីក្លាយជាធនធានដ៏ល្អជួយអភិវឌ្ឍប្រទេសជាតិ៕

The post កាយឫទ្ធិនារីកម្ពុជា ធ្វើពិធីសច្ចាបញ្ចូលសមាជិកថ្មីលើកទី៣៣ ចំនួន៣៨៤រូប នៅ​សាខា​ខេត្តកំពត appeared first on Kampuchea Thmey Daily.

របាយការណ៍ខាងលើ ត្រូវបានបង្ហាញនៅក្នុងពិធីបិទ “មហាសន្និបាតវិសាមញ្ញកាយរឹទិ្ធជាតិកម្ពុជា” នៅវិទ្យាស្ថានជាតិអប់រំ ដែលប្រព្រឹត្តទៅក្រោមអធិបតីភាពនាយករដ្ឋមន្រ្តី សម្តេចធិបតី ហ៊ុន ម៉ាណែត និងថ្នាក់ដឹកនាំកាយរឹទិ្ធ មកពីក្រសួង ស្ថាប័ន រាជធានីខេត្ត ក្រុងស្រុកខណ្ឌ សរុបប្រមាណ ១ពាន់នាក់ កាលពីថ្ងៃទី​១៧​ ខែមិថុនា ឆ្នាំ ២០២៥។ កាយរឹទិ្ធជាតិកម្ពុជា បានគាំទ្រយ៉ាងសកម្មដល់ក្របខណ្ឌគោលដៅអភិវឌ្ឍប្រកបដោយចីរភាពកម្ពុជា ឆ្នាំ២០១៦-២០៣០ គោល នយោបាយជាតិស្តីពីការអភិវឌ្ឍយុវជនកម្ពុជា គោលនយោបាយជាតិ ស្តីពីការសិក្សាពេញមួយជីវិត គោលនយោបាយអប់រំបរិយាបន្ន និងផែនការយុទ្ធសាស្រ្តវិស័យអប់រំ។

នាឱកាសនោះ សម្តេចធិបតី ហ៊ុន ម៉ាណែត បានវាយតម្លៃខ្ពស់ចំពោះកាយរឹទ្ធិជាតិកម្ពុជា ដែលបានបំពេញភារកិច្ច និងមានស្មារតីទទួលខុសត្រូវខ្ពស់ក្នុងកិច្ចខិតខំប្រឹងប្រែង និងជំរុញការអភិវឌ្ឍចលនាកាយរឹទិ្ធជាតិកម្ពុជា ឱ្យមានការរីក​ចម្រើនដូចបណ្តាប្រទេសនានា ជុំវិញពិភពលោក និងបានកសាងកម្លាំងបន្តវេនប្រកបដោយសក្តានុពល ព្រមទាំងមានភក្តីភាពជាមួយរាជរដ្ឋាភិបាលកម្ពុជា ក្នុងកិច្ចការអភិវឌ្ឍជាតិមាតុភូមិ។

រដ្ឋមន្រ្តីក្រសួងអប់រំ យុវជន​ និងកីឡា លោក ហង់ជួន ណារ៉ុន គូសបញ្ជាក់ថា បេសកកម្មកាយរឹទិ្ធជាតិកម្ពុជា ពិតជាបានឆ្លើយតបយ៉ាងវិជ្ជមាន និងមានប្រសិទ្ធភាព ដោយផ្តោតលើការពង្រឹងគុណភាព សាលារៀនរដ្ឋ ចាប់ពីថ្នាក់មត្តេយ្យសិក្សាដល់មធ្យមសិក្សា ព្រមទាំងបញ្ចូលកម្មវិធីកាយរឹទិ្ធកម្មទៅក្នុង សកម្មភាពក្រៅម៉ោងសិក្សាបន្ថែម ដើម្បីជួយពង្រឹងវិន័យ សីលធម៌ ចរិយាធម៌ សុជីវធម៌ គុណធម៌ និងឥរិយាបថល្អរបស់សិស្សនៅតាមគ្រឹះស្ថានសិក្សា។

គួរជម្រាបថា រាជរដ្ឋាភិបាលកម្ពុជាមានគោលដៅជំរុញចលនាកាយរឹទិ្ធ ឱ្យក្លាយជាយន្តការមួយដ៏មានប្រសិទ្ធភាព ក្នុងការអប់រំ និងហាត់ពត់លត់ដំទាំងគំនិត ប្រាជ្ញា ស្មារតី ព្រមទាំងកាយសម្បទារបស់យុវជន និងកុមារឱ្យសកម្ម ដើម្បីឱ្យពួកគេអាចអភិវឌ្ឍខ្លួនទៅជាធនធានមនុស្ស ប្រកបដោយចំណេះដឹង សីលធម៌ល្អ ចរិយាសម្បត្តិថ្លៃថ្នូរ ជាពលរដ្ឋល្អ និងជាពលរដ្ឋសកល ស្របតាមចក្ខុវិស័យរបស់អង្គការពិភពលោកនៃចលនាកាយរឹទ្ធិ គឺ “កសាងពិភពលោកមួយដ៏ស្រស់ត្រកាល”។

ដើម្បីពង្រីកចលនាកាយរឹទិ្ធជាតិកម្ពុជា ឱ្យកាន់តែរីកចម្រើន និងស័ក្តិសមជាសមាជិក សកម្មរបស់អង្គការពិភពលោកនៃចលនាកាយរឹទិ្ធ សម្តេចធិបតី  ហ៊ុន ម៉ាណែត បានផ្តល់អនុសាសន៍ដល់អភិបាល រាជធានី ខេត្ត ក្រុង ស្រុក ខណ្ឌ ត្រូវបង្កើនការយកចិត្តទុកដាក់ជំរុញចលនាកាយរឹទិ្ធគ្រប់លំដាប់ថ្នាក់ នៅគ្រឹះស្ថានសិក្សាតាមមូលដ្ឋានរបស់ខ្លួន ឱ្យបានកាន់តែច្រើន ដើម្បីឱ្យពួកគេក្លាយជាសមាជិកកាយរឹទិ្ធ និងជាបុគ្គលមានប្រយោជន៍ចំពោះសង្គមជាតិ៕

The post រយៈពេល២ឆ្នាំ កាយរឹទ្ធិជាតិកម្ពុជាកើនសមាជិកជាង១៨ម៉ឺននាក់ ដើរតួនាទីសំខាន់នៅក្នុងវិស័យអប់រំ appeared first on Kampuchea Thmey Daily.

ការស្នើនេះ ត្រូវបានលើកឡើងនាឱកាស លោករដ្ឋមន្រ្តីក្រសួងអប់រំ បានអញ្ជើញជាអធិបតីក្នុងពិធីប្រកួតក្រុមភ្លេងកាយរឹទិ្ធថ្នាក់ជាតិ លើកទី២ ឆ្នាំ២០២៥ ក្រោមប្រធានបទ «ភ្លេងកាយរឹទិ្ធ ដើម្បីមហាបវរវិបុលភាព» កាលពីថ្ងៃទី​៤ ខែមិថុនា ឆ្នាំ ២០២៥។ លោកថ្លែងថា៖«កាយរឹទិ្ធជាតិកម្ពុជា​ បាន​ចូល​រួម​ចំណែក​យ៉ាងសំខាន់​ជាមួយ​​ក្រសួង​អប់រំ យុវជន និងកីឡា ក្នុងការអភិវឌ្ឍ​កុមារ និង​យុវជន​ ឱ្យមាន​សក្កានុពល​ពេញលេញ​ខាងផ្លូវកាយ ផ្លូវបញ្ញា ផ្លូវអារម្មណ៍ ផ្លូវសង្គម និងផ្លូវចិត្ត ក្លាយជាពលរដ្ឋ​សាកល និងពលរដ្ឋសកម្ម​នៅក្នុង​​​សហគមន៍រស់នៅរបស់ខ្លួន»។

ដើម្បីជំរុញកម្មវិធីអប់រំកាយរឹទិ្ធកម្ម និងពង្រឹងសកម្មភាពក្លឹបកាយរឹទិ្ធគាំទ្រកម្មវិធីសិក្សាក្រៅម៉ោងបន្ថែមនៅតាមសាលារៀន លោក ហង់ជួន ណារ៉ុន បានផ្តល់អនុសាសន៍ដល់ក្រុមការងារកាយរឹទ្ធិពាក់ព័ន្ធ និងមន្ទីរអប់រំ យុវជន និងកីឡា រាជធានី-ខេត្ត បន្តជួយកៀរគរមូលនិធិពីសប្បុរសជន និងក្រុមហ៊ុនឯកជននានា ដើម្បីបង្កើតក្រុមភ្លេងកាយរឹទិ្ធប្រចាំរាជធានី ខេត្តឱ្យបានមួយយ៉ាងតិច។

លោកស្នើឱ្យរៀបចំក្រុមគ្រូភ្លេងព្យុហយាត្រាកាយរឹទិ្ធថ្នាក់ជាតិ ដោយចងក្រងក្មួយៗកាយរឹទិ្ធ ដែលមានជំនាញភ្លេងព្យុហយាត្រាកាយរឹទិ្ធ ដើម្បីចុះជួយបង្វឹកដល់ក្រុមភ្លេងព្យុហយាត្រាកាយរឹទិ្ធ នៅតាមរាជធានី ខេត្ត ដែលបង្កើតថ្មីៗ។ បន្ថែមពីនេះ ត្រូវសហការរៀបចំផែនការសកម្មភាព និងកម្មវិធីផ្លាស់ប្តូរបទពិសោធន៍ រវាងក្រុមភ្លេងព្យុហយាត្រាកាយរឹទិ្ធរាជធានីខេត្ត ដើម្បីចែករំលែកចំណេះដឹង និងបទពិសោធភ្លេងព្យុហយាត្រាកាយរឹទិ្ធ។

លោក ហង់ ជួនណារ៉ុន ក៏បានលើកទឹកចិត្តឱ្យសហការរៀបចំផែនការពង្រីកសមាជិកភាព និងពង្រឹងរចនាសម្ព័ន្ធកងល្បាតនៅតាមសាលារៀនគំរូ ដើម្បីគាំទ្រដល់ការអនុវត្តកម្មវិធីសិក្សាក្រៅម៉ោង និងរៀបចំដំណើរការ «ក្លឹបកាយរឹទិ្ធល្អ» នៅតាមសាលារៀនគំរូ ដើម្បីលើកកម្ពស់ការអភិវឌ្ឍជំនាញសតវត្សទី២១ ជំនាញបច្ចេកវិទ្យាព័ត៌មាន ជំនាញឌីជីថលនិងបញ្ញាសិប្បនិម្មិត និងជំនាញបច្ចេកទេស សម្រាប់កុមារនិងយុវជន។

ព្រឹត្តិការណ៍ ការប្រកួតក្រុមភ្លេងកាយរឹទ្ធិថ្នាក់ជាតិ លើកទី២ មានការចូលរួមប្រកួតចំនួន ៨ ក្រុម ប៉ុន្តែមានតែ ៥ ក្រុម ប៉ុណ្ណោះ ឈានដល់វគ្គផ្ដាច់ព្រ័ត្ររួមមាន (១). ក្រុមភ្លេងកាយរឹទ្ធិ រាជធានីភ្នំពេញ (២). ក្រុមភ្លេងកាយរឹទ្ធិ ខេត្តរតនគិរី (៣).ក្រុមភ្លេងកាយរឹទ្ធិ ខេត្តកណ្ដាល(៤). ក្រុមភ្លេងកាយរឹទ្ធិ ខេត្តឧត្តរមានជ័យ និង(៥). ក្រុមភ្លេងកាយរឹទ្ធិ ខេត្តកោះកុង។

ជាលទ្ធផល ក្រុមភ្លេងកាយរឹទ្ធិជាតិល្អបំផុតទាំង ៣ ដែលដណ្ដើមបានជ័យលាភី រួមមាន ជ័យលាភី លេខ ១ បានទៅលើ ក្រុមភ្លេងកាយរឹទ្ធិ ខេត្តឧត្តរមានជ័យ ទទួលបានពានរង្វាន់ ដំបងបញ្ជាភ្លេង និង ទឹកប្រាក់ចំនួន ២០,០០០,០០០រៀល។  ជ័យលាភី លេខ ២ បានទៅលើ ក្រុមភ្លេងកាយរឹទ្ធិ ខេត្តកោះកុង ទទួលបានពានរង្វាន់ និងទឹកប្រាក់ចំនួន ១២,០០០,០០០រៀល។ ចំណែកជ័យលាភី លេខ ៣ បានទៅលើ ក្រុមភ្លេងកាយរឹទ្ធិ ខេត្តកណ្តាល ទទួលបានពានរង្វាន់ និង ទឹកប្រាក់ចំនួន ៨,០០០,០០០រៀល៕

The post រដ្ឋមន្រ្តីអប់រំ ចង់ឃើញមានក្រុមភ្លេងកាយរឹទ្ធិយ៉ាងតិចមួយ ប្រចាំរាជធានី-ខេត្ត appeared first on Kampuchea Thmey Daily.

ការប្រកួតនេះ ត្រូវបានរៀបចំឡើងដោយក្រសួងអប់រំ យុវជន និងកីឡា នៅថ្ងៃទី​ ៤ ខែមិថុនា ឆ្នាំ ២០២៥ ក្រោមប្រធានបទ “ភ្លេងកាយរឹទិ្ធ ដើម្បីមហាបវរវិបុលភាព” ដែលមានក្រុមភ្លេងកាយរឹទ្ធិចូលរួមចំនួន ០៨ ខេត្ត ក្នុងនោះរួមមាន ក្រុមភ្លេងព្យុហយាត្រាកាយរឹទ្ធិ ខេត្តកោះកុង កណ្តាល ឧត្តរមានជ័យ រតនគិរី បាត់ដំបង សៀមរាប បន្ទាយមានជ័យ និងក្រុមភ្លេងកាយរឹទ្ធិ រាជធានីភ្នំពេញ។ ចំណែកក្រុមភ្លេងកាយរឹទ្ធិ ដែលពុំទទួលបានជ័យលាភី ទទួលបានការឧបត្ថម្ភថវិកា ពីលោកឧបនាយកដ្ឋមន្រ្តី ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា។

ឆ្លៀតក្នុងឱកាសនោះលោក ហង់ជួន ណារ៉ុន បានថ្លែងថា កោតសរសើរដល់ក្មួយៗដែលបានយកចិត្តទុកដាក់ ហ្វឹកហាត់ និងស្រាវជ្រាវនូវទម្រង់សម្តែងអស់រយៈពេលជាច្រើនខែ ដើម្បីមកចូលរួមប្រកួតក្រុមភ្លេងកាយរឹទ្ធិនាពេលនេះ ។ លោកបន្តថាគំនិតនៃការផ្តួចផ្តើមរៀបចំប្រកួតភ្លេងកាយរឹទ្ធិនេះ គឺដើម្បីធ្វើយ៉ាងណារក្សា និងអភិវឌ្ឍន៍ ភ្លេងកាយរឹទ្ធិឱ្យមាននិរន្តភាព។
លោកបញ្ជាក់ថា៖«កាយរឹទិ្ធជាតិកម្ពុជា​ បាន​ចូល​រួម​ចំណែក​យ៉ាងសំខាន់​ជាមួយ​​ក្រសួង​អប់រំ យុវជន និងកីឡា ក្នុងការអភិវឌ្ឍ​កុមារ និង​យុវជន​ ឱ្យមាន​សក្កានុពល​ពេញលេញ​ខាងផ្លូវកាយ ផ្លូវបញ្ញា ផ្លូវអារម្មណ៍ ផ្លូវសង្គម និងផ្លូវចិត្ត ក្លាយជាពលរដ្ឋ​សាកល និងពលរដ្ឋសកម្ម​នៅក្នុង​​​សហគមន៍រស់នៅរបស់ខ្លួន»។

បើតាមលោករដ្ឋមន្រ្តី បន្ទាប់ពីការរៀបចំការប្រកួតលើកទី១មក ខេត្តនានាក៏បានរៀបចំបង្កើតឱ្យមានក្រុមភ្លេងកាយរឹទ្ធិ នៅឆ្នាំនេះ ហើយចំនួនខេត្តដែលចូលរួមនៅក្នុងការប្រកួតមានការកើនឡើង ខណៈខេត្តមួយចំនួនទៀតក៏មានការប្តេជ្ញាចិត្តនៅក្នុងការរៀបចំការបង្កើត ហ្វឹកហាត់ និងត្រៀមខ្លួនក្នុងការប្រកួតនៅក្នុងឆ្នាំក្រោយទៀត។ ជាពិសេសខេត្តថ្មី ដូចជាខេត្តប៉ៃលិន និងខេត្តស្ទឹងត្រែង ក៏កំពុងត្រៀមចូលរួមបង្កើតនៅឆ្នាំក្រោយ»។

លោកបន្តថា ឆ្នាំនេះមានខេត្តថ្មីៗមួយចំនួន ដូចជាខេត្តសៀមរាប បាត់ដំបង ដែលបានចូលរួមលើកទី១ ទោះបីជាមិនទាន់ទទួលបានជោគជ័យក៏ដោយ ប៉ុន្តែការចូលរួមក្នុងការប្រកួតនេះនឹងជួយលើកទឹកចិត្តឱ្យយុវជនកាយរឹទ្ធិយើង ខិតខំប្រឹងប្រែងហ្វឹកហាត់ ហើយក៏ជាគំរូដល់ចលនាកាយរឹទ្ធផងដែរ។

បណ្តាលប្រទេសជុំវិញពិភពលោក តែងតែយកចិត្តទុកដាក់ក្នុងការរៀបចំភ្លេងព្យុហយាត្រា នៅតាមគ្រឹះស្ថានសិក្សា ការបង្កើតក្រុមភ្លេងព្យុហយាត្រានៅតាមគ្រឹះស្ថានសិក្សា គឺដើម្បីជួយក្នុងការអប់រំ ស្មារតីកាយរឹទ្ធិ ក្នុងចំណោមយុវជន និងកុមារ ។ លោក ហង់ជួន ណារ៉ុន បញ្ជាក់ថា៖«ការបង្កើតក្រុមភ្លេងព្យុហយាត្រានៅតាមគ្រឹះស្ថានសិក្សា ពិតជាបានជួយអភិវឌ្ឍកាយសម្បទា បំណិនសម្បទា សុខភាពផ្លូវចិត្ត និងជួយដល់ការលូតលាស់បំណិនសត្សវត្សទី២១ បណ្តុះបញ្ញាស្មារតី វិន័យសីលធម៌ ធ្វើការងារជាក្រុម និងភាពធន់ ជាពិសេស មានផលជះជាវិជ្ជមានលើការសិក្សា រៀនសូត្រ និងមានឥរិយាបទល្អ នៅក្នុងសាលារៀន»។

លោកបន្តថា បេសកកម្មរបស់កាយរឹទ្ធិកម្ពុជា ពិតជាបានឆ្លើយតបជាវិជ្ជមាន និងមានប្រសិទ្ធភាព នៅក្នុងការអនុវត្តសកម្មភាព ក្រៅម៉ោងសិក្សា ការពង្រឹងវិន័យ សីលធម៌ ចរិយាធម៌ សុជីវធម៌​ គុណធម៌ និងឥរិយាបទល្អ របស់សិស្សនៅតាមសាលារៀន ជាពិសេស តាមរយៈការរៀបចំក្រុមភ្លេងកាយរឹទ្ធិ៕

The post ក្រុមភ្លេងកាយរឹទ្ធិ ខេត្តឧត្តរមានជ័យ ជ័យលាភីលេខ១ ទទួលបានដងបញ្ជាភ្លេងមាស appeared first on Kampuchea Thmey Daily.

លោកបណ្ឌិតសភាចារ្យ ឧបនាយករដ្ឋមន្រ្តី បានស្វាគមន៍យ៉ាងកក់ក្តៅដល់លោកស្រី ឱក សុគន្ធកញ្ញា និងសហការី ចំពោះការចូលរួមក្នុងមហាគ្រួសារកាយរឹទ្ធិជាតិកម្ពុជា និងបានលើកឡើងពីសាវតានៃចលនាកាយរឹទ្ធិពិភពលោក ក៏ដូចជាសកម្មភាពជាច្រើនរបស់កាយរឹទ្ធិជាតិកម្ពុជាកន្លងមក និងនាពេលខាងមុខ។

បណ្ឌិតសភាចារ្យ ហង់ ជួនណារ៉ុន វាយតម្លៃខ្ពស់ចំពោះ លោកស្រី ឱក សុគន្ធកញ្ញា​បានស្ម័គ្រចិត្ត​ទទួលយកភារកិច្ចជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីផ្សព្វផ្សាយពីសកម្មភាពកាយរឹទិ្ធជាតិកម្ពុជា សំដៅលើកកម្ពស់ការអប់រំដល់យុវជនជំនាន់ក្រោយ តបតាមអនុសាសន៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលយកចិត្តទុកដាក់ជំរុញឱ្យយុវជនចូលរួមការងារសង្គម ដើម្បីបង្កើនភាពធន់ និងចំណេះដឹង​ប្រែក្លាយជាកម្លាំងចលករចូលរួមអភិវឌ្ឍសេដ្ឋកិច្ចសង្គមជាតិ។

ជាការឆ្លើយតប លោកស្រី ឱក សុគន្ធកញ្ញា បានថ្លែងអំណរគុណយ៉ាងជ្រាលជ្រៅដល់ ឯកឧត្ដមបណ្ឌិតសភាចារ្យ ឧបនាយករដ្ឋមន្រ្តី ព្រមទាំងក្រុមការងារកាយរឹទ្ធិទាំងអស់ ដែលបានផ្តល់កិត្តិយស និងឱកាសឱ្យលោកស្រី និងសហការី បានចូលរួមបំពេញភារកិច្ចដ៏មានអត្ថន័យនេះ ដើម្បីបម្រើដល់សង្គមជាតិ ដោយគូសបញ្ជាក់ពីការប្តេជ្ញាចិត្តខ្ពស់ក្នុងការរួមចំណែកឱ្យកាន់តែសកម្មដល់សកម្មភាពមនុស្សធម៌ សប្បុរសធម៌ ធ្វើជាគំរូបង្ហាញនូវទង្វើល្អក្នុងការរស់នៅ សច្ចធម៌ គុណធម៌ សន្តិភាពផ្លូវចិត្ត ជំរុញលើកទឹកចិត្តយុវជនជំនាន់ក្រោយឱ្យក្លាយជាកូនល្អ មិត្តល្អ សិស្សល្អ និងពលរដ្ឋល្អ។

តាងនាមក្រសួងអប់រំ យុវជន និងកីឡា ឧបនាយករដ្ឋមន្រ្តី ហង់ ជួនណារ៉ុន កោតសរសើរ និងថ្លែងអំណរគុណចំពោះទឹកចិត្ត និងការប្តេជ្ញាចិត្តរបស់ លោកស្រី ឱក សុគន្ធកញ្ញា និងសហការីទាំងអស់ ដែលបានស្ម័គ្រចិត្តចូលជាសមាជិកកាយរឹទិ្ធជាតិកម្ពុជា ដើម្បីចូលរួមចំណែកផ្សព្វផ្សាយការងារអប់រំ កិច្ចការមនុស្សធម៌ និងអភិវឌ្ឍសហគមន៍នានា នៅក្នុងព្រះរាជាណាចក្រកម្ពុជា។ ក្នុងនាមជាទូតសុច្ឆន្ទៈ លោកស្រី នឹងបន្តជួយផ្សព្វផ្សាយរូបភាពកាយរឹទិ្ធជាតិកម្ពុជា និងការអប់រំនៅក្នុងព្រះរាជាណាចក្រកម្ពុជា៕

The post តារាចម្រៀង ឱក សុគន្ធកញ្ញា ក្លាយជាទូតសុច្ឆន្ទៈ នៃកាយរឹទិ្ធជាតិកម្ពុជា ដើម្បីលើកកម្ពស់ការអប់រំយុវជន appeared first on Kampuchea Thmey Daily.

ថ្លែង​ក្នុង​ពិធី​សច្ចាប្រណិធាន និង​បំពាក់​កន្សែង​ជូន​នវ​កាយរឹទ្ធិ​រៀមច្បង​ជំនាន់​ទី ៧ នៃ​សាកលវិទ្យាល័យ​ជាតិ​គ្រប់គ្រង​ កាលពី​ថ្ងៃទី​ ១២​ មីនា លោក​ឧបនាយករដ្ឋមន្ត្រី ​បាន​បន្ត​ថា កាយរឹទ្ធិ​​ជាតិ​កម្ពុជា បាននិងកំពុង​ចូលរួម​យ៉ាងសកម្ម​ក្នុង​កម្មវិធី​អប់រំ​ក្រៅ​ប្រព័ន្ធ និង​ការអប់រំ​បែប​កាយរឹទ្ធិ​កម្ម​ដ៏​មាន​ប្រសិទ្ធភាព ដែល​បាន​គាំទ្រ​យ៉ាង​ពេញទំហឹង​ដល់​កម្មវិធីសិក្សា​ក្រៅ​ម៉ោង​បន្ថែម​នៅក្នុង​ស្តង់ដារ​សាលា​រៀន​គំរូ ព្រោះថា​បេសកកម្ម​របស់​កាយរឹទ្ធិ​ជាតិ​កម្ពុជា​បាន​ឆ្លើយតប​យ៉ាង​វិជ្ជមាន និង​មាន​ប្រសិទ្ធភាព​បំផុត ស្របតាម​អនុសាសន៍​របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា ស្ដីពី​ការ​លើក​កម្ពស់​គុណភាព​អប់រំ ផ្តោត​លើ​ការ​ពង្រឹង​គុណភាព​សាលារៀន​រដ្ឋ ដោយ​កែប្រែ​ទៅជា​សាលារៀន​គំរូ ចាប់ពី​ថ្នាក់​ម​ត្តេ​យ្យ​សិក្សា​ដល់​មធ្យម​សិក្សា។

លោក​ឧបនាយករដ្ឋមន្ត្រី បាន​បន្ត​ទៀត​ថា ការអប់រំ​បែប​កាយរឹទ្ធិ​កម្ម ត្រូវ​ដាក់​បញ្ចូល​ទៅ​ក្នុង​សកម្មភាព​ក្រៅ​ម៉ោង​សិក្សា ក្នុង​ការ​ពង្រឹង​វិន័យ សីលធម៌ ចរិយា​ធម៌ សុជីវធម៌ គុណធម៌ និង​ឥរិយាបថ​ល្អ​របស់​សិស្ស​នៅ​តាម​សាលារៀន​គំរូ។ ការរៀបចំ “​ក្លឹប​កាយរឹទ្ធិ​” និង “​រចនាសម្ព័ន្ធ​កង​ល្បាត​” នៅ​តាម​គ្រឹះស្ថានសិក្សា ចាប់ពី​កម្រិត​បឋមសិក្សា រហូតដល់​កម្រិត​ឧ​ត្ត​មសិ​ក្សា គឺ​ពិតជា​បាន​ចូលរួមចំណែក​ក្នុងការ​បណ្តុះបណ្តាល ការអភិវឌ្ឍ​បុគ្គលិកលក្ខណៈ​ពេញលេញ និង​បំណិន​សតវត្ស​ទី ២១ ដល់​យុវជន និង​កុមារ ដើម្បី​ប្រែក្លាយ​ពួកគេ​ទៅជា ពលរដ្ឋ​ល្អ ជា​ពលរដ្ឋ​សកល និង​មាន​ស្មារតី​ស្រឡាញ់​ជាតិ ការពារ​មាតុភូមិ និង​ការ​អភិវឌ្ឍ​សង្គម​កម្ពុជា។

លោក​ឧបនាយករដ្ឋមន្ត្រី បាន​វាយតម្លៃ​ខ្ពស់​ចំពោះ​ពិធី​សច្ចាប្រណិធាន និង​បំពាក់​កន្សែង​ជូន​នវ​កាយរឹទ្ធិ​រៀមច្បង​នាពេលនេះ​ ពិតជា​បាន​ឆ្លើយតប​ទៅ​នឹង​ខ្លឹមសារ​កម្មវិធី​នយោបាយ​របស់​រាជរដ្ឋាភិបាល និង​ការ​អំពាវនាវ​របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា លើកទឹកចិត្ត​ដល់​យុវជន​កម្ពុជា​គ្រប់រូប ត្រូវ​ចូលរួម​អនុវត្ត​គម្រោង និង​សកម្មភាព​នានា ដើម្បី​សម្រេច​បាន​នូវ​គោលដៅ​អភិវឌ្ឍន៍​ប្រកប​ដោយ​ចីរភាព​(SDGs)៕

អត្ថបទ ៖ សំអឿន

The post កម្ពុជា មានសមាជិកកាយរឹទ្ធិជិត ២ សែននាក់ នៅទូទាំងប្រទេស ចូលរួមលើកកម្ពស់គុណភាពអប់រំកាន់តែប្រសើរ appeared first on Kampuchea Thmey Daily.

លោក​បណ្ឌិត ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រី​ក្រសួង​អប់រំ យុវជន និង​កីឡា បាន​ឱ្យ​ដឹង​នៅ​ក្នុង​សេចក្ដីជូនដំណឹង​ចុះ​ថ្ងៃ​ទី ១៤ មករា ថា សមាគម​កាយរឹទ្ធិ​សិង្ហបុរី នឹង​រៀបចំ“​ការ​បោះជំរំ​កាយរឹទ្ធិ​ជំទង់​អន្តរជាតិ​សិង្ហបុរី​” ចាប់ពី​ថ្ងៃទី ១៨ ដល់​ថ្ងៃ​ទី​ ២៤ ខែវិច្ឆិកា ឆ្នាំ ​២០២៥ នៅ​ប្រទេស​សិង្ហបុរី។ ការ​បោះ​ជំរំ​នេះ​ រៀបចំ​ក្នុង​គោលបំណង​អភិវឌ្ឍន៍​សមត្ថភាព ការ​ជួបជុំ​ផ្លាស់ប្ដូរ​បទ​ពិសោធ និង​វប្បធម៌​ចម្រុះ​រវាង​កាយរឹទ្ធិ​មកពី​បណ្តា​ប្រទេស​ជា​សមាជិក​អាស៊ាន និង​តំបន់​អាស៊ី​-​ប៉ាស៊ីហ្វិក។

លោក​ឧបនាយករដ្ឋមន្ត្រី បាន​បន្ត​ថា ក្នុង​ន័យ​នេះ កាយរឹទ្ធិ​ជាតិ​កម្ពុជា សូម​ប្រកាស​ជ្រើសរើស​កាយរឹទ្ធិ​ជំទង់ ៣៦ ​នាក់ និង​កាយរឹទ្ធិ​រៀមច្បង ៤ ​នាក់ ដែល​មាន​លទ្ធភាព​ចំណាយ​ថវិកា​ផ្ទាល់ខ្លួន​ចូលរួម​ការ​បោះជំរំ​ខាងលើ។

លោក​ឧបនាយករដ្ឋមន្ត្រី បាន​បន្ត​ទៀត​ថា ចំពោះ​លក្ខខណ្ឌ​សមាជិក​ជំរំ ជា​កាយរឹទ្ធិ​ជំទង់​ ត្រូវមាន​អាយុ​ចន្លោះ​ពី ​១៣​ ឆ្នាំ ដល់​ ១៧ ​ឆ្នាំ មាន​កាយសម្បទា​មាំមួន និង​សុខភាព​ល្អ​ មាន​ស្មារតី​ក្រុម និង​មាន​ទំនួល​ខុសត្រូវ​ក្នុង​ការ​ចូលរួម​គ្រប់​កម្មវិធី និង​គ្រប់​កាលៈទេសៈ ​មានចំណេះដឹង​ភាសា​អង់គ្លេស​អាច​ប្រាស្រ័យ​ទាក់ទង​បាន​ និង​មាន​លិខិតឆ្លងដែន​មាន​សុពលភាព​លើស​ពី​ ៦​ ខែ មុន​ថ្ងៃ​ធ្វើដំណើរ។

សម្រាប់​អ្នកស្ម័គ្រចិត្ត​អន្តរជាតិ​ជា​កាយរឹទ្ធិ​រៀមច្បង ឬ​ កាយរឹទ្ធិ​ស្ម័គ្រចិត្ត​ ត្រូវមាន​អាយុ​ចាប់ពី ​១៨ ​ឆ្នាំ ឡើង​ទៅ​ មាន​ជំនាញ​កាយរឹទ្ធិ​កម្ម ឬ​ ជំនាញ​ផ្សេងៗ អាចជួយ​ដល់​ការងារ​បោះជំរំ​ មាន​កាយសម្បទា​មាំមួន និង​សុខភាព​ល្អ​ មាន​ស្មារតី​ស្ម័គ្រចិត្ត និង​ទំនួល​ខុសត្រូវ​ក្នុងការ​ចូលរួម​គ្រប់​កម្មវិធី និង​គ្រប់​កាលៈទេសៈ ​មានចំណេះដឹង​ភាសា​អង់គ្លេស​ល្អ​ និង​មាន​លិខិតឆ្លងដែន​មាន​សុពលភាព​លើស​ពី ៦ ខែ មុន​ថ្ងៃ​ធ្វើដំណើរ។

លោក​ឧបនាយករដ្ឋមន្ត្រី​ បាន​លើក​ឡើង​ទៀត​ថា ការ​ប៉ាន់​ប្រមាណ​ចំណាយ​ក្នុង ​១ ​នាក់ សម្រាប់​សមាជិក​ជំរំ និង​អ្នកស្ម័គ្រចិត្ត​អន្តរជាតិ​ថ្លៃ​ចុះ​បញ្ជីកា​សម្រាប់​អាហារ ការ​ស្នាក់នៅ និង​សម្ភារៈ​បោះជំរំ​ប្រមាណ​ ៤០០ ដុល្លារ​អាមេរិក ​និង​ថ្លៃ​សំបុត្រ​យន្តហោះ​ចន្លោះ​ពី ២៥០ ទៅ​ ៣០០ ដុល្លារ​អាមេរិក ​ក្នុង ​១​ នាក់។ ដូចនេះ​ សមាជិក​ជំរំ និង​អ្នកស្ម័គ្រចិត្ត​អន្តរជាតិ ​ត្រូវ​ចំណាយ​សរុប​ក្នុង ​១​ នាក់ ចន្លោះ​ពី ៦៥០ ទៅ ៧០០ ដុល្លារ​អាមេរិក ​ក្នុង​ ១​ នាក់។

គួរ​បញ្ជាក់​ថា ការ​ប្រកាស​ជ្រើសរើស​កាយរឹទ្ធិ​ជំទង់ និង​កាយរឹទ្ធិ​រៀមច្បង​ចូលរួម​ការ​បោះជំរំ​កាយរឹទ្ធិ​ជំទង់​អន្តរជាតិ​សិង្ហបុរី​នេះ​ នឹង​ចាប់ផ្ដើម​ទទួល​ពាក្យ​ស្នើ​សុំ​ចាប់ពី​ការ​ផ្សាយ​ដំណឹង​នេះ​តទៅ និង​ផុត​កំណត់​ថ្ងៃ​ទី​ ១ ខែ​កក្កដា ឆ្នាំ ​២០២៥ ដោយ​អាច​ធ្វើការ​ទំនាក់ទំនង​ព័ត៌មាន​បន្ថែម​ជាមួយ លោក ឯម ពិសិដ្ឋ ប្រធាន​លេខាធិការ​កាយរឹទ្ធិ​ជាតិ​កម្ពុជា Tel/Telegram ០១៦ ៦៦៦ ៩៧៧ /០១២ ៤០៨ ១៨០៕

អត្ថបទ ៖ សំអឿន

The post ក្រសួងអប់រំ ប្រកាសជ្រើសរើសកាយរឹទ្ធិជំទង់ និងកាយរឹទ្ធិរៀមច្បង ចូលរួមបោះជំរំកាយរឹទ្ធិជំទង់អន្តរជាតិនៅសិង្ហបុរី appeared first on Kampuchea Thmey Daily.