១.ក្អកស្រួចស្រាវ

ក្អកស្រួចស្រាវវាអាចកើតឡើងចន្លោះពី ១ទៅ ៣សប្ដាហ៍ នោះនឹងបាត់ទៅវិញដោយខ្លួនឯងដោយមិនត្រូវការព្យាបាលនោះទេ។ ចំណុចគួរកត់សម្គាល់គឺ ក្អកប្រភេទនេះគេតែងប្រទះជាញឹកញាប់គឺប្រភេទក្អកស្ងួត នោះក៏ព្រោះតែប្រព័ន្ធផ្លូវដង្ហើមមានការតោងជាប់ នៃពពួកបាក់តេរី ឬមានការរលាកបន្ដិចបន្ដួច ដោយសារការញ៉ាំអាហារមិនបានត្រឹមត្រូវ ឬបរិយាកាសមិនសូវល្អ មានធូលីផ្សេងៗ។ ដូច្នេះក្អកប្រភេទនេះអាចបាត់ទៅវិញដោយខ្លួនឯង។

២.ក្អករ៉ាំរៃ

ក្អករ៉ាំរៃ អាចកើតឡើងចាប់ពី៨សប្ដាហ៍ឡើងទៅ នេះចំពោះមនុស្សចាប់ពីវ័យជំទង់ឡើងទៅ បើចំពោះកុមារអាចចាប់ពី៤សប្ដាហ៍។ ការក្អកបែបនេះវាមិនអាចជាសះស្បើយដោយខ្លួនឯងបាននោះទេ ត្រូវទទួលការពិនិត្យ ព្យាបាល និង ស្វែងរកមូលហេតុផ្សេងៗ ដែលបណ្ដាលក្អករយៈពេលយូរដូច្នេះ។

ក្អករ៉ាំរៃអាចបណ្ដាលមកពីមូលហេតុច្រើនយ៉ាងពាក់ព័ន្ធនឹងបញ្ហាផ្លូវដង្ហើម ហើយក្អកប្រភេទនេះអាចបង្ហាញរោគសញ្ញាដូចជា៖

• ហៀរសំបោរ
• ក្រហាយទ្រូង
• ឈឺបំពង់ក
• គ្រុនក្តៅ (សីតុណ្ហភាពអាចលើស៣៨ អង្សាសេ)
• ស្រកគីឡូលឿន
• ក្អកមានឈាម ឬ ទឹកស្លេស្ម
• ថប់ដង្ហើម
• ស្អកកមិនបាត់
• បែកញើសច្រើនពេញយប់

តើការក្អករ៉ាំរ៉ៃអាចជារោគសញ្ញាជំងឺអ្វីខ្លះ?

ការក្អកជាប់ៗគ្នា លើសពី៨សប្ដាហ៍ នោះគឺជារឿងគួរព្រួយបារម្ភ ការក្អកប្រភេទនោះអាចជារោគសញ្ញានៃជំងឺផ្សេងៗដូចជា៖

• ជំងឺហឺត
• រលាកបំពង់អាហារ
• ជំងឺក្អកមាន់
• ជំងឺរបេង
• ជំងឺរលាកទងសួត

អត្ថបទផ្ដល់ដោយ៖Hello Krupet

ចុចអាន៖ពូកែក្អកញឹកញាប់ គួរចៀសវាងអាហារ ៨ ប្រភេទ

ចុចអាន៖ក្អកក្រោយញ៉ាំអាហារ មូលហេតុ ៦ យ៉ាងយើងត្រូវដឹង

The post ក្អកបែបណា ទើបស្ថិតក្នុងកម្រិតគួរព្រួយបារម្ភ? appeared first on Kampuchea Thmey Daily.

១.ជំងឺច្រាលអាស៊ីតក្រពះ

អ្នកមានជំងឺច្រាល់អាស៊ីតក្រពះ ក៏ជាមូលហេតុបណ្ដាលឲ្យក្អកបានដែរនៅពេលញ៉ាំអាហារចូលទៅ ពិសេសពេលអ្នកជំងឺញ៉ាំអាហាររួចរាល់។ ការក្អកដោយការច្រាលជាតិអាស៊ីត អាចបង្ហាញរោគសញ្ញាដូចជា ក្រហាយទ្រូង ក្អកញឹកញាប់នៅពេលយប់ និងពេលគេង ភើរច្រើន និង រាល់ក្រោយពេលញ៉ាំអាហារ អ្នកជំងឺតែងតែក្អក។

២.អាលែកហ្ស៊ីជាមួយអាហារ

ការអាលែកហ្ស៊ីនឹងរបបអាហារ ក៏បណ្ដាលឲ្យក្អកបានដែរ។ អាការៈនេះអាចកើតមានក្រោយពេលញ៉ាំអាហារ ចន្លោះពីមួយម៉ោងកន្លះ ទៅពីរម៉ោង ប៉ុន្ដែវាមិនបង្កប៉ះពាល់ពាល់ដល់សុខភាពនោះទេ និង​អាចបាត់ទៅវិញដោយខ្លួនឯង។ យើងគួរកត់សម្គាល់នឹងប្រភេទអាហារដែលបណ្ដាលឲ្យយើងប្រឈមអាលែកហ្ស៊ីព្រោះវាអាចប៉ះពាល់ដល់សុខភាព ប្រសិនបើយើងញ៉ាំវាញឹកញាប់ ហើយក្អកញឹកញាប់ដែរនោះ។

៣.ការឡើងស្លេស្ម

យើងអាចចាប់អារម្មណ៍នឹងរបបអាហារមួយចំនួន ដែលបង្កឲ្យយើងងាយឡើងស្លេស្ម និងអាចបណ្ដាលឲ្យយើងក្អកបានដែរ។ របបអាហារទាំងនោះមានដូចជា ផលិតផលទឹកដោះគោ និងផលិតផលពីសណ្ដែកសៀង។

៤.កើតជំងឺហឺត

អ្នកកើតជំងឺហឺត ក៏ប្រឈមក្អកដូចគ្នាបន្ទាប់ពីញ៉ាំអាហារហើយ។ ជំងឺហឺតគឺជាជំងឺផ្លូវដង្ហើមរ៉ាំរ៉ៃដែលជារឿយៗត្រូវបានផ្សារភ្ជាប់ជាមួយនឹងការក្អករ៉ាំរ៉ៃនេះឯង ពិសេសនៅពេលអ្នកជំងឺមិនអាចគ្រប់គ្រងរបបអាហារបានល្អ តាមការណែរនាំរបស់គ្រូពេទ្យ។ ពពួកអាហារដែលអាចបណ្ដាលអ្នកជំងឺក្អកបាន ដូចជា គ្រឿងសមុទ្រ សណ្ដែកដី សណ្ដែកសៀង និង គ្រាប់ធញ្ញជាតិជាដើម។ អាហារ​ទាំង​នេះ​អាចបង្កឲ្យអ្នកមានអាការៈក្អក និង ករណីធ្ងន់ធ្ងរអាចពិបាកដកដង្ហើម។

៥.ឈ្លក់អាហារ

ការញ៉ាំអាហារឈ្លក់អាចកើតឡើងច្រើន ពិសេសអ្នកបានញ៉ាំអាហារលឿនពេក បង្ខំពេក អាចបណ្ដាលឲ្យយើងឈ្លក់ និងក្អកបានដែរ។ ដូច្នេះចូរញ៉ាំអាហារមួយៗ តាមដំណើរ កុំបង្ខំពេក ទើបមិនធ្វើឲ្យឈ្លក់។

៦.បញ្ហាពិបាកលេបអាហារ

អ្នកមានបញ្ហាពិបាកលេបអាហារ ក៏ជាផ្នែកមួយធ្វើឲ្យប្រឈមក្អកពេលកំពុងញ៉ាំអាហារបានដែរ។ ការពិបាកលេបអាហារគឺជាអាការៈមួយបណ្ដាលមកពី ដំណើរការសាច់ដុំក្នុងបំពង់អាហារទៅក្រពះដំណើរការមិនបានល្អ ឬបំពង់អាហារមានសភាពរួមតូច និង អាចមានការរលាកជាដើម ដូច្នេះអាហារដែលញ៉ាំចូលទៅ ពិបាកក្នុងបញ្ជូនទៅក្រពះ។ អាការៈនេះអាចកើតឡើងច្រើន ចំពោះមនុស្សចាស់ វ័យចាប់ពី ៦០ឆ្នាំឡើងទៅ។

អត្ថបទផ្ដល់ដោយ៖Hello Krupet

ចុចអាន៖ថៃ ព្រមានថា នំឆាខ្វៃជាមួយតែទឹកដោះគោពេលព្រឹក ជាអាហារគ្រោះថ្នាក់ខ្លាំង

The post ក្អកក្រោយញ៉ាំអាហារ មូលហេតុ ៦ យ៉ាងយើងត្រូវដឹង appeared first on Kampuchea Thmey Daily.

១​ អាហារ​ដែល​ផ្អែម​ខ្លាំង ដូចជា​បង្អែម បង្អែម ភេសជ្ជៈ ទឹកផ្លែឈើ​​គ្រប់ប្រភេទ ដោយសារ​តែ​ជាតិ​ស្ករ​នៅ​ក្នុង​អាហារ នេះបង្កើនហានិភ័យនៃ​ការរលាក និងការឆ្លងនៅក្នុងខ្លួន ធ្វើឲ្យ​មនុស្ស​ឈឺ ឬ​អាច​មាន​រោគ​សញ្ញា​ធ្ងន់ធ្ងរ​ជាង​នេះ​។​

២ អាហារ​ត្រជាក់​ឬ​ភេសជ្ជៈ ភាព​ត្រជាក់​គឺជាកត្តាមួយទៀតដែលបង្កឲ្យ​មាន​ការក្អក​។ នៅពេល​ដែល​យើង​មាន​ជំងឺ​ផ្ដាសាយ និង​ក្អក យើង​គួរតែ​ចៀសវាងភេសជ្ជៈត្រជាក់ផ្សេងៗដូចជា ទឹក​ត្រជាក់ ទឹកកក ការ៉េម។

៣ អាហារហឹរ ឬអាហារមានជាតិ​ខ្លាញ់ អាហារ​ហឹរ និង​អាហារ​មានជាតិខ្លាញ់ខ្ពស់។ វាជា​អាហារ​ដែល​បណ្ដាល​ឲ្យ​រលាក​បំពង់ក និង​បង្ក​ឲ្យ​មាន​ការ​ក្អក​កាន់​តែ​ខ្លាំង។ ជាពិសេសស្លេសនឹងកាន់តែឡើង ហើយបង្កឲ្យរមាស់បំពង់កលើសមុនដោយសារតែសារធាតុហឹរខ្លាំង។

៤ ផ្លែឈើត្រជាក់ ទោះបីជាផ្លែឈើសម្បូរវីតាមីនក៏ដោយ ហើយសារធាតុរ៉ែដែលល្អសម្រាប់រាងកាយ ប៉ុន្តែមិនមែនថាយើងអាចញ៉ាំផ្លែឈើគ្រប់មុខបានគ្រប់ពេលនោះទេ។ ផ្លែឈើត្រជាក់ៗ​ដូចជា ឪឡឹក ត្រសក់ស្រូវ ដោយសារតែផ្លែឈើប្រភេទនេះ ភាគច្រើនជាផ្លែឈើដែលមាន​ជាតិទឹកច្រើន បណ្តាល​ឲ្យ​រលាកបំពង់ក បូកនឹងភាពត្រជាក់នៅក្នុងផ្លែឈើ ក៏​ដើម្បី​ជំរុញ​ឲ្យ​​មាន​ការ​ក្អក​កាន់​តែ​ច្រើន​ និងធ្វើឲ្យពិបាកដកដង្ហើម។

៦ ផ្លែឈើដែលរឹង ពិបាករំលាយ និងម្សៅ​ បន្ថែមពីលើផ្លែឈើត្រជាក់ ផ្លែឈើរឹង និងម្សៅដូចជា ស្វាយមិនទាន់ទុំ ផ្លែល្ហុង ឬចេកក៏អាចបង្កឲ្យ​ក្អកបានដែរ។ ព្រោះ​ពេល​មាន​ជំងឺ​ផ្តាសាយ សីតុណ្ហភាព​រាងកាយ​ឡើង​ខ្ពស់​ខ្លាំង​រួច​ទៅ​ហើយ។ បរិភោគផ្លែឈើបែបនេះ នឹងធ្វើឲ្យ​រាងកាយ​ដុតថាមពល​ច្រើន បណ្ដាល​ឲ្យ​មាន​កំដៅ​រាងកាយ ហើយរាងកាយ​នឹងមានសីតុណ្ហភាពខ្ពស់ រហូតដល់ប្រកាច់។

៧ ទឹកដោះគោ និងផលិតផលទឹកដោះគោ ទោះបីជាទឹកដោះគោមានសុខភាពល្អក៏ដោយ។ ប៉ុន្តែសម្រាប់អ្នក​ដែលមាន​អាឡ័កស៊ី​ទៅនឹងប្រូតេអ៊ីន​ទឹកដោះគោ គួរចៀស​ផលិតផលទឹកដោះគោ​ទាំងអស់។ ដោយសារតែផលិតផលទឹកដោះគោ រួមចំណែកដល់​ការឡើងក្រាស់​នៃ​សំបោរ​ ធ្វើឲ្យ​​ស្អិតជាងមុន រហូតដល់វាអាច​ស្ទះ​ផ្លូវ​ដង្ហើម កាន់​តែ​ពិបាក​ដកដង្ហើម។

៨ ស្រា និងភេសជ្ជៈមានជាតិអាល់កុលផ្សេងទៀត ព្រោះ​ជាតិ​ស្រវឹង​មាន​ឥទ្ធិពល​ទប់ស្កាត់​ប្រព័ន្ធ​ភាព​ស៊ាំ​ក្នុង​ខ្លួន​ វាក៏រំលាយថ្នាំ ដែល​យើង​ទទួលទាន​ដើម្បី​ព្យាបាល​ជំងឺ​ផ្ដាសាយ បំបាត់​ការ​តឹង​ច្រមុះ ឬ​កាត់​បន្ថយ​ការ​ហៀរ​សំបោរ និង​ក្អក តែជាតិអាល់កុល នឹងរួម​ចំណែក​កាត់​បន្ថយ​ប្រសិទ្ធភាព​ថ្នាំ​គ្រប់​ប្រភេទ​ជា​មុន​សិន៕

ប្រែសម្រួល៖ សាង ស្រីល័ក្ខ

ចុចអាន៖អត្ថប្រយោជន៍ ១០ យ៉ាងនៃផ្សិតម្ជុល ជួយសម្រកទម្ងន់និងជំងឺទឹកនោមផ្អែម

ចុចអាន៖ចូលចិត្តញ៉ាំប្រៃ អាចធ្វើឲ្យប៉ះពាល់ដល់សុខភាពបេះដូង

The post ពូកែក្អកញឹកញាប់ គួរចៀសវាងអាហារ ៨ ប្រភេទ appeared first on Kampuchea Thmey Daily.

អាការៈ​ក្អ​ក​រយៈពេល​យូរ​អាច​បណ្ដាល​មកពី​បញ្ហា​សុខភាព​មួយ​ចំនួន​៖​

ជំងឺហឺត៖ ក្អកជាប្រចាំក៏ជារោគសញ្ញារបស់​ជំងឺហឺតមួយ​ដែរ​។ អាការៈអ្នកជំងឺដំបូង មានការក្អក ដោយសារតែទងសួតមានការរលាក និង ត្បៀតរួមតូច ទើបបណ្ដាលឲ្យអ្នកជំងឺបង្ហាញអាការៈក្អកប។ អាការៈក្អកអាច​កើត​មាន​លើកដំបូង ចន្លោះ ២ ទៅ ៣សប្ដាហ៍ ហើយអ្នកជំងឺធ្វើទុក្ខខ្លាំងនៅពេលយប់។

ជំងឺរលាកទងសួតរ៉ាំរ៉ៃ៖ ជំងឺ​នេះបណ្តាលមកពីការរលាកផ្លូវដង្ហើមរយៈពេលយូរ ដែល​បណ្តាលឲ្យក្អកដែរ​។ ជាធម្មតាជំងឺ​នេះ​កើតឡើងដោយសារផលប៉ះពាល់នៃការជក់បារី ឬផ្សែងដែលមានសារធាតុពុលប៉ះពាល់ដល់សួត។

ជំងឺច្រាលទឹកអាស៊ីដក្រពះ៖ កើតឡើងនៅពេលដែលអាស៊ីដត្រលប់ពីក្រពះ និងចូលទៅក្នុងបំពង់ក។ លទ្ធផលអាច​ជាការរលាករ៉ាំរ៉ៃនៅក្នុងបំពង់កដែលនាំឲ្យក្អកបាន។

ការឆ្លងមេរោគ៖ ការឆ្លងរោគដែលប៉ះពាល់ដល់ប្រព័ន្ធដង្ហើម ដូចជាមេរោគបង្កជាជំងឺរលាកសួត គ្រុនផ្ដាសាយ ដែលកត្ដាទាំងនេះ ក៏អាចបណ្ដាលឲ្យមានការកើតជំងឺក្អកបានដែរ តែវានឹងបាត់ទៅវិញក្នុងរយៈពេលណាមួយ។ ប៉ុន្ដែយ៉ាងណាក៏ដោយ វាអាចបង្កឲ្យសួតរបស់យើងជួបប្រទះ នឹងការរលាកមួយរយៈពេល។

ការប្រើថ្នាំបញ្ចុះសម្ពាធឈាម៖ ថ្នាំបញ្ចុះសម្ពាធឈាម​មួយ​ចំនួន ជាទូទៅសម្រាប់អ្នកជំងឺលើសឈាម និងជំងឺខ្សោយបេះដូង ត្រូវបានគេដឹងថាបណ្តាលឲ្យក្អករ៉ាំរ៉ៃបាន ប៉ុន្ដែមានចំនួនអ្នកកើតតិច។

ជំងឺមហារីកសួត៖ ជំងឺមហារីកសួតក៏បង្ហាញរោគសញ្ហាដោយការក្អកដែរ។ ឈានដល់ដំណាក់កាលមហារីក សួតទទួលការវាយប្រហារខ្លាំង និងសភាពធ្ងន់ធ្ងរ។ ម្យ៉ាងវិញទៀត រោគសញ្ញាមហារីកសួត ដែលកាន់តែធ្ងន់ធ្ងរនោះ គឺក្អកមានឈាម មានក្លិន ដែលអ្នកជំងឺត្រូវប្រុងប្រយ័ត្ននៃរោគសញ្ញាឈានដល់ដំណាក់កាលនេះ។

ជាទូទៅការក្អករ៉ាំរ៉ៃ ជាសញ្ញានៃជំងឺដែលពាក់ព័ន្ធនឹងផ្លូវដង្ហើមដែលអាចបង្កការរំខានដល់ជីវភាពរស់នៅ ប៉ះពាល់ដល់សុខភាព បង្កជាជំងឺធ្ងន់ធ្ងរ គ្រោះថ្នាក់ដល់ជីវិត។ ដូច្នេះបើ​មានរោគសញ្ញាក្អកចន្លោះ​ពី​៤ទៅ ៥សប្ដាហ៍ គួរតែប្រញាប់ ធ្វើតេស្ដសុខភាពស្វែងរកជំងឺ ដើម្បីព្យាបាល៕

អត្ថបទផ្ដល់ដោយ៖ Hello Krupet

ចុចអាន៖លេចនោមពេលក្អក ឬកណ្ដាស់ ជាបញ្ហាសុខភាពធ្ងន់ធ្ងរ?

ចុចអាន៖ប្រភេទនៃការក្អក អាចឲ្យយើងដឹងពីស្ថានភាព ជំងឺក្នុងខ្លួន

The post ក្អកជាប់គ្នាច្រើនសប្ដាហ៍មិនបាត់ អាចជា រោគសញ្ញាជំងឺមួយចំនួន appeared first on Kampuchea Thmey Daily.

ចំពោះអ្នកជំងឺកូវីដ-១៩ មានរោគសញ្ញាក្អក និងកំហាកក្នុងបំពង់ក ច្រើនតែអូសបន្លាយរយៈពេលព្យាបាល ហើយសូម្បីតែបន្ទាប់ពីជាសះស្បើយពីវិជ្ជមានទៅអវិជ្ជមានវិញក៏ដោយ ក្អក ពិបាកដកដង្ហើម និងរមាស់បំពង់កនៅតែកើតមានដដែល។ ដូច្នេះដើម្បីជម្នះនូវស្ថានភាពខាងលើ ក្រសួងសុខាភិបាល វៀតណាម បានចេញសេចក្ដីណែនាំឱ្យអ្នកជំងឺប្រើតែក្រូចឆ្មារ ដើម្បីជួយព្យាបាលអាការក្អកឱ្យឆាប់ធូរស្រាល។

យោងតាម​ប្រភពពីគេហទំព័រ Bestie ដែលបានដកស្រង់សម្ដី សាស្ត្រាចារ្យវេជ្ជសាស្ត្រលោក Ths.BS Nguyen Le បានឱ្យដឹងថា ក្រូចឆ្មារល្អពិតជាល្អសម្រាប់សុខភាព ដោយសារតែវាមានផ្ទុកវីតាមីន C ខ្ពស់។ ជាមួយគ្នានេះ លោកបណ្ឌិតផ្ដល់ដំបូន្មាន ឱ្យអ្នកជំងឺគួរប្រើក្រូចឆ្មាទាំងមូលសម្រាប់ធ្វើតែពិសារ ព្រោះតាំងពីសំបករហូតដល់គ្រាប់ វាមានអត្ថប្រយោជន៍ច្រើនណាស់ ទុកចោលផ្នែកណាមួយក៏ខ្ជះខ្ជាយដែរ។

ក្រូចឆ្មាមានផ្ទុកនូវវីតាមីន C, B6 និង flavonoids ជាច្រើន ដើម្បីជួយសម្រួលដល់ប្រព័ន្ធផ្លូវដង្ហើម ពង្រឹងប្រព័ន្ធការពាររាងកាយ។ សម្រាប់ករណីក្អក ស្លេស្ម ហៀរសំបោរ ឈឺបំពង់ក ជាដើម តែក្រូចឆ្មាជាជម្រើសដំបូង ព្រោះវាងាយស្រួល សន្សំសំចៃ និងមានប្រសិទ្ធភាពខ្ពស់។

មិនតែប៉ុណ្ណោះ ទឹកក្រូចឆ្មាមានវីតាមីន និងសម្បូរសារធាតុរ៉ែ ដែលមានសមត្ថភាពបន្ថយកម្ដៅ ប្រឆាំងការរលាក និងព្យាបាលជំងឺផ្តាសាយ។

ក្រៅ​ពី​នេះ គ្រាប់​ក្រូចឆ្មា​ក៏​នាំ​មក​នូវ​សារធាតុចិញ្ចឹម​តូចៗ​ជា​ច្រើន​ដែល​មនុស្ស​តិច​តួច​ណាស់ធ្លាប់បាន​ដឹង។ គ្រាប់ក្រូចឆ្មាមានផ្ទុកសារធាតុដូចជា ប្រេងខ្លាញ់ អាស៊ីត palmitic stearic ។ល។ ដូចនេះទើបបានជាគ្រាប់ក្រូចឆ្មាតែងតែត្រូវបានរៀបចំទុកប្រើជាឱសថ។

វិធីប្រើដែលត្រឹមត្រូវ ចំពោះ​ក្រូចឆ្មា​ស្រស់ អ្នក​ជំងឺ​ត្រូវ​បឺត​យក​ទឹកក្រូចឆ្មារ​មួយ​ចំណិត​ជាមួយ​អំបិល​បន្តិច រួច​លេប​យឺតៗ។ វិធី​នេះ​អាច​ជួយ​ព្យាបាល​ការ​ឈឺ​បំពង់ក ស្អក និងក្អក​ស្លេស្ម​ ឬ​អ្នក​អាច​លាយ​ក្រូចឆ្មា​ស្រស់​ជាមួយ​ទឹកឃ្មុំ បន្ថែម​ទឹក​ក្តៅ​បន្តិច​ផឹក ​ដើម្បី​ជួយ​សម្រួល​ដល់​បំពង់ក បំបាត់​ក្លិនមាត់។

ចំពោះក្រូចឆ្មាស្ងួត អ្នកអាចប្រើគ្រាប់ក្រូចឆ្មាក្រៀម និងសំបករបស់វា បន្ថែមឱសថបុរាណផ្សេងទៀតដូចជា ស្លឹកគ្រៃ និងទឹកឃ្មុំ រួចចម្អិនជាឱសថបុរាណសម្រាប់ទុកផឹក។ វាអាចព្យាបាលការក្អករយៈពេលយូរ ជំងឺរលាកសួត និងការបាត់បង់សំឡេងចំពោះកុមារតូចៗ។ ទោះជាយ៉ាងនេះក្តី លោកវេជ្ជបណ្ឌិតណែនាំកុំឱ្យប្រើក្រូចឆ្មាច្រើនពេក ជាពិសេសសម្រាប់អ្នកដែលមានប្រវត្តិកើតជំងឺក្រពះ។

ដើម្បីព្យាបាលឆាប់រហ័ស និងកាត់បន្ថយបញ្ហាក្អក ​ក្នុងមួយថ្ងៃគួរប្រើក្រូចឆ្មារចំនួន ១០០ក្រាម ដើម្បីពង្រឹងសុខភាពរបស់អ្នកជំងឺ៕

ប្រែសម្រួល៖ សន្យា

ចុចអាន៖ ពេទ្យប្រាប់របៀបថែទាំត្រឹមត្រូវ ជួយអ្នកជំងឺកូវីដគ្រប់ប្រភេទ ឆាប់ជាសះស្បើយ
ចុចអាន៖ វេជ្ជបណ្ឌិតបញ្ជាក់ច្បាស់ ងូតទឹកក្ដៅឧណ្ហៗ ផ្ដល់ប្រយោជន៍ខ្លាំងដល់អ្នកជំងឺកូវីដ

The post អ្នកជំងឺកូវីដទាំងក្មេងទាំងចាស់ដែលឧស្សាហ៍ក្អក ប្រើវិធីមួយនេះ ផ្ដល់ប្រសិទ្ធភាពពិតៗ appeared first on Kampuchea Thmey Daily.

១. មូលហេតុ​

បញ្ហា​លេច​នោម​ពេល​ក្អក ឬ​កណ្ដាស់​នេះ កើតឡើង​នៅ​ពេល​សាច់ដុំ និង​ជាលិកា​ផ្សេងៗ​ទៀត​ដែល​ទ្រទ្រង់​បំពង់​បង្ហួរនោម​(សាច់​ដុំ​បាត​អាង​ត្រគាក) និង​សាច់ដុំ​ខ្ជឹប​នោម​ចុះ​ខ្សោយ​។

ប្លោកនោម​នឹង​រីក​ពេល​ពេញ​ដោយ​ទឹក​នោម។ ជា​ធម្មតា​សាច់​ដុំ​វ៉ាល់​​នៅ​ក្នុង​បំពង់​បង្ហួរ​នោម បិទ​ជានិច្ច​ពេល​​ប្លោក​នោម​រីក​ ការពារ​កុំ​ឲ្យ​លេច​នោម​ដោយ​ចៃដន្យ រហូត​យើង​ទៅ​ដល់​បន្ទប់​ទឹក​។ ប៉ុន្តែ​នៅ​ពេល​សាច់​ដុំ​ទាំង​នោះ​ចុះ​ខ្សោយ ពេល​មាន​សម្ពាធ ឬ​កម្លាំង​សង្កត់​លើ​ពោះ ឬ​លើសាច់ដុំ​ត្រគាក ដូច​ជា​កណ្ដាស់ ឱន​ចុះ​ក្រោម លើក​របស់​ធ្ងន់​ៗ ក្អក ឬ​សើច​ខ្លាំង​ៗ សុទ្ធ​តែ​អាច​ដាក់​សម្ពាធ​ដល់​ប្លោក​នោម និង​ធ្វើ​ឲ្យ​លេច​នោម​បាន​។​

សាច់​ដុំ​បាត​អាង​ត្រគាក និង​សាច់​ដុំ​ខ្ជឹប​នោម​អាច​ចុះ​ខ្សោយ​ដោយ​សារ​៖

សម្រាល​កូន​៖ សម្រាប់​ស្រ្តី ជាលិកា និង​ប្រព័ន្ធ​ប្រសាទ​មួយ​ចំនួន​អាច​ខូច​ខាត​នៅ​ពេល​ឆ្លង​ទន្លេ ដែល​អាច​ធ្វើ​ឲ្យ​សាច់ដុំ​បាត​អាង​ត្រគាក ឬ​​សាច់ដុំ​ខ្ជឹប​ចុះ​ខ្សោយ​។ បញ្ហា​លេច​នោម​ដោយចៃដន្យ​នេះ​ ក៏​អាច​កើត​ឡើង​បាន​ដែរ​ក្រោយ​សម្រាល​កូន​ភ្លាម​ៗ ឬ​ច្រើន​ឆ្នាំ​បន្ទាប់​។

វះ​កាត់​ក្រពេញ​ប្រូស្ដាត៖ សម្រាប់​បុរស ការវះកាត់​ក្រពេញ​ប្រូស្តាត ដើម្បី​ព្យាបាល​ជំងឺ​មហារីក​ក្រពេញ​ប្រូស្ដាត ជា​មូល​ហេតុ​ទូ​ទៅ​មួយ​ធ្វើ​ឲ្យ​មានការ​លេច​នោម​បែប​នេះ។ នីតិវិធី​វះកាត់​ព្យាបាល​នេះ​អាច​ធ្វើ​ឲ្យ​សាច់​ដុំ​ខ្ជឹប​ចុះ​ខ្សោយ ដែល​សាច់​ដុំនេះ​​ស្ថិត​នៅ​ពី​ក្រោម​ផ្ទាល់​នៃ​ក្រពេញ​ប្រូស្ដាត និង​ជុំវិញ​បំពង់​បង្ហួរ​នោម​។
​​​
កត្តា​ប្រឈម​ផ្សេង​ទៀត​​ធ្វើ​ឲ្យ​លេច​នោម​ពេល​ក្អក ឬ​កណ្ដាស់ មាន​ដូច​ជា​ធាត់​ខ្លាំង ជក់​បារី ឬ​អ្នក​ធ្វើ​ការ​ប្រើ​កម្លាំង​ខ្លាំង​ៗ​ ជា​ដើម​។

ក្នុង​ករណី បញ្ហា​លេច​នោម​នេះ​រំខាន​ដល់​សកម្មភាព​ប្រចាំ​ថ្ងៃ ឬ​សកម្មភាព​សង្គម គ្នា​យើង​គួរ​ស្វែង​រក​ជំនួយ​ពី​គ្រូពេទ្យ​ ដើម្បី​បាន​ការ​ព្យាបាល ធ្វើ​ឲ្យ​ជីវិត​យើង​ប្រសើរ​ឡើង​វិញ​។

២. ផល​វិបាក​

បញ្ហា​លេច​នោម​បែប​នេះ​អាច​បង្ក​ជា​ផល​វិបាក​ដូច​ជា៖

ប៉ះ​ពាល់​ផ្លូវ​ចិត្ត​៖ បើ​សិន​ជា​យើង​ជួប​បញ្ហា​លេច​នោម​បែប​នេះ​ប្រចាំ​ថ្ងៃ វា​អាច​ធ្វើ​ឲ្យ​យើង​មាន​អារម្មណ៍​ខ្មាស​អៀន ឬ​ធុញ​ថប់​បាន​។ បញ្ហា​លេច​នោម​បែប​នេះ​អាច​រំខាន​ដល់​ការ​បំពេញ​ការងារ​ប្រចាំថ្ងៃ សកម្មភាព​សង្គម និង​សកម្មភាព​ផ្លូវ​ភេទ​ផ​ង​ដែរ​។

រមាស់​ស្បែក​៖ ស្បែក​ដែល​ប៉ះ​ពាល់​នឹង​ទឹក​នោម​ញឹកញាប់​អាច​ធ្វើ​ឲ្យ​ចេញ​រមាស់ ឈឺ ឬ​ប្រេះ​។ ការណ៍​នេះ​អាច​កើត​ឡើង​បាន​នៅ​ពេល​យើង​មាន​បញ្ហា​លេច​នោម​ដោយ​មិន​ដឹង​ខ្លួន​​ធ្ងន់​ធ្ងរ និង​មិន​បាន​យក​ចិត្ត​ទុក​ដាក់​ត្រឹម​ត្រូវ​។ ចូរ​ស្វែង​រក​ការ​ព្យាបាល បើ​បញ្ហា​នេះ​រំខាន​ដល់​ជីវិត​ប្រចាំ​ថ្ងៃ​របស់​យើង​​៕

អត្ថបទផ្ដល់ដោយ៖ Hello Krupet

ចុចអាន៖សញ្ញាទាំងនេះ បញ្ជាក់ថា យើងអាចកំពុងខ្សោយបេះដូងហើយ

ចុចអាន៖នៅក្មេងក៏អាចកើតជំងឺពុកឆ្អឹងដែរ ឲ្យតែមានប៉ុន្មានចំណុចនេះ

The post លេចនោមពេលក្អក ឬកណ្ដាស់ ជាបញ្ហាសុខភាពធ្ងន់ធ្ងរ? appeared first on Kampuchea Thmey Daily.

១. ក្អក​ស្លេស្ម

អាការៈ​ក្អក​ស្លេស្ម​​ អាច​បណ្ដាល​មក​ពី​​ជំងឺ​រលាក​ទង​សួត ដោយ​សារ​តែ​ផ្លូវ​ដង្ហើម​មាន​សភាព​ហើម​ និង​បង្កើត​ជា​ស្លេស្ម។ ជាក់​ស្ដែង​ ជំងឺ​មួយ​ប្រភេទ​នេះ​បង្ក​ឡើង​ដោយ​វីរុស និង​ធ្វើការ​វិវត្ត​ក្រោយ​ពេល​ដែល​យើង​មាន​ជំងឺ​គ្រុន​ផ្ដាសាយ ដែល​ហៅថា​ជំងឺ​រលាក​ទង​សួត​ស្រួចស្រាល់។ យ៉ាង​ណា​មិញ យើង​អាច​នឹង​មិន​​មាន​ក្អក​ស្លេស្ម​នៅ​ប៉ុន្មាន​ថ្ងៃ​ដំបូង​​នៃ​ការ​ឆ្លង​មេរោគ​រលាក​ទង​សួត​ឡើយ​។

២. ក្អក​ស្លេស្ម​​រ៉ាំរ៉ៃ​

ប្រសិនបើ​យើង​ក្អក​ស្លេស្ម​រយៈពេល​ច្រើន​ថ្ងៃ​នៅ​ក្នុង​មួយ​ខែ​ និង​យ៉ាង​ហោច​ណាស់​រយៈពេល​៣​ខែ​ក្នុង​មួយ​ឆ្នាំ យើង​អាច​នឹង​មាន​ជំងឺ​រលាក​ទង​សួត​រ៉ាំរ៉ៃ។ វា​អាច​ជា​ផ្នែក​មួយ​នៃ​ជំងឺ​ស្ទះ​​ផ្លូវ​ដង្ហើម​​។ ការ​ជក់​បារី​អាច​ជា​មូលហេតុ​ចម្បង​មួយ​ដែល​នាំ​ឲ្យ​កើត​ជំងឺ​​រលាក​ទង​សួត​រ៉ាំរ៉ៃ​។

៣. ក្អក​ស្លេស្ម​ និង​គ្រុន​ក្ដៅ​

​​​​​ជាមួយ​គ្នា​នេះ​ដែរ ការ​ក្អក​ស្លេស្ម​ក៏​អាច​ជា​រោគសញ្ញា​នៃ​ជំងឺ​រលាក​សួត​​ផង​ដែរ​។ រោគសញ្ញា​នៃ​ជំងឺ​រលាក​សួត​ដទៃ​ទៀត​មាន​ដូចជា​គ្រុន​ក្ដៅ គ្រុន​រងា និង​ដកដង្ហើម​ខ្លី​ៗ​។ ស្លេស្ម​អាច​មាន​ពណ៌​បៃតង លឿង​ ឬ​មាន​ឈាម​។ ប្រសិនបើ​យើង​សង្ស័យ​ថា​កើត​ជំងឺ​រលាក​សួត​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ​។

៤. ក្អក​បណ្ដាល​មក​ពី​ជក់​បារី

អាការៈ​ក្អក​ដែល​ពាក់ព័ន្ធ​នឹង​ស្លេស្ម​ច្រើន​ អាច​ជា​រោគសញ្ញា​ទូទៅ​នៃ​ជំងឺ​ស្ទះ​​ផ្លូវ​ដង្ហើម​​រ៉ាំរ៉ៃ។ នៅ​ក្នុង​ករណី​នេះ យើង​អាច​មាន​បញ្ហា​ក្នុង​ការ​ដកដង្ហើម​ ដោយ​សារ​តែ​​ផ្លូវ​ដង្ហើម​ស្ទះ​។ រោគ​សញ្ញា​ដទៃ​ទៀត​ រួម​មាន​តឹង​ទ្រូង កណ្ដាស់​ និង​ដកដង្ហើម​ខ្លី​ៗ។៥. ក្អក​ និង​ជូរ​មាត់​

ប្រសិនបើ​យើង​ក្អក​ ព្រម​ទាំង​មាន​អារម្មណ៍​ថា​​មាន​រសជាតិ​ជូរ​ក្នុង​មាត់​​ ដែល​មាន​រយៈពេល​ពីរ​ ឬ​ច្រើន​ខែ វា​អាច​ជា​សញ្ញា​នៃ​ជំងឺ​ច្រាល​ទឹក​ក្រពះ។ ជំងឺ​ច្រាល​ទឹក​ក្រពះ​កើត​ឡើង​នៅ​ពេល​ដែល​​បរិមាណ​ទឹក​ក្រពះ ហូរ​ត្រលប់​​ចូល​ក្នុង​បំពង់​ក​របស់​យើង​។

៦. ក្អក​ស្ងួត​

ចំពោះ​អាការៈ​ក្អក​ស្ងួត​ដែល​មិន​បាត់​ទៅ​វិញ អាច​ជា​រោគ​សញ្ញា​នៃ​ជំងឺ​ហឺត​ ជា​ពិសេស​ប្រសិនបើ​យើង​ក្អក​ច្រើន​នៅ​ពេល​យប់​។ មនុស្ស​ភាគច្រើន​ដែល​មាន​ជំងឺ​ហឺត​​ក៏​ជួប​អាការៈ​តឹង​ទ្រូង កណ្តាស់​ និង​ដកដង្ហើម​ខ្លី​ៗ​។

៧. ក្អក​មាន​ឈាម​

ប្រសិនបើ​យើង​ក្អក​មាន​ឈាម​ ចូរ​ពិគ្រោះ​យោបល់​ជាមួយ​នឹង​គ្រូពេទ្យ​ជា​បន្ទាន់​។ ឈាម​អាច​​ចេញ​ពី​សួត ឬ​ផ្លូវ​ដង្ហើម​ ហើយ​​វា​អាច​មាន​ពពុះ ពីព្រោះ​វា​លាយ​បញ្ចូល​ជាមួយ​ខ្យល់​ពី​សួត​។ អាការៈ​ក្អក​ឈាម​អាច​ជា​សញ្ញា​នៃ​បញ្ហា​សុខភាព​ ដូចជា​ការ​ឆ្លង​មេរោគ ការ​រលាក​រ៉ាំរ៉ៃ ឬ​ដុំ​សាច់​ជាដើម​។

៨. ក្អក​ និង​មាន​រោគសញ្ញា​នៃ​ជំងឺ​គ្រុន​ផ្ដាសាយ​

ការ​ក្អក​អាច​ជា​រោគសញ្ញា​នៃ​ជំងឺ​ផ្ដាសាយ ជា​ពិសេស​នៅ​ពេល​ដែល​វា​​អម​ដោយ​អាការៈ​តឹង​ច្រមុះ ឈឺ​ខ្លួន​ប្រាណ ឬ​ឈឺ​បំពង់​ក​។ ការ​សម្រាក​ឲ្យ​បាន​គ្រប់គ្រាន់ និង​ញ៉ាំ​ថ្នាំ​បំបាត់​ជំងឺ​គ្រុន​ផ្ដាសាយ​ អាច​ជួយ​ឲ្យ​​អាការៈ​របស់​យើង​ប្រសើរ​ឡើង​វិញ។ ដោយ​ឡែក​ ការ​ក្អក​អាច​នឹង​ជា​សះស្បើយ​យូរ​ជាង​រោគ​សញ្ញា​ដទៃ​ទៀត​៕

អត្ថបទផ្ដល់ដោយ៖ Hello Krupet

ចុចអាន៖សញ្ញាព្រមានទាំង៥ នៃជំងឺមហារីកសួត​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​គួរស្វែងយល់

ចុចអាន៖កាត់បន្ថយទម្លាប់ ៣ យ៉ាងនេះ ដើម្បីសុខភាពល្អ

The post ប្រភេទនៃការក្អក អាចឲ្យយើងដឹងពីស្ថានភាព ជំងឺក្នុងខ្លួន appeared first on Kampuchea Thmey Daily.