វិជ្ជាជីវៈពិសេសមួយទើបតែបានបង្ហាញខ្លួននៅក្នុងប្រទេសចិន ដោយជួយយុវជនដែលគេងមិនលក់​​ ជាមួយនឹងការគាំទ្រផ្លូវចិត្ត និងការសន្ទនាដ៏ទន់ភ្លន់។ ពួកគេបម្រើមនុស្សវ័យក្មេងដែលកំពុងតស៊ូជាមួយវប្បធម៌ការងារ៩៩៦ ដែលពោរពេញដោយសម្ពាធ៩៩៦ គឺជាពាក្យសម្រាប់របបការងារដ៏ឃោរឃៅ ដែលជនជាតិចិនជាច្រើនត្រូវបានបង្ខំឲ្យទទួលយក ហើយនិយោជិតធ្វើការពីម៉ោង ៩:០០ ព្រឹកដល់ម៉ោង ៩:០០ យប់ ៦ ថ្ងៃក្នុងមួយសប្តាហ៍​ ពោលគឺ ៧២ ម៉ោងក្នុងមួយសប្តាហ៍ ១២ ម៉ោងក្នុងមួយថ្ងៃ។

លើសពីនេះ អ្នកឯកទេសដំណេកទាំងនេះក៏បម្រើមនុស្សដែលមានភាពតានតឹងក្នុងអាពាហ៍ពិពាហ៍របស់ពួកគេ ឬដោះស្រាយសម្ពាធផ្សេងៗក្នុងជីវិតផងដែរ។

Taozi ធ្វើការជាអ្នកឯកទេសដំណេកក្រៅម៉ោង នាងមានការងារមានស្ថេរភាពជាមួយនឹងប្រាក់ខែតិចតួច ដូច្នេះហើយនាងចាប់យកការងារបន្ថែមដើម្បីបង្កើនប្រាក់ចំណូលផ្ទាល់ខ្លួន។ បន្ទាប់ពីបានជួបប្រទះនូវអត្ថប្រយោជន៍នៃសេវាកម្មខ្លួនឯង។ Taozi បានប្រាប់ Guangzhou Daily ថា នាងបានប្រើប្រាស់សេវាកម្មគេងលក់ស្កប់ស្កល់ ដើម្បីគ្រប់គ្រងការថប់បារម្ភរបស់នាង នៅពេលដែលនាងឃើញថាមិត្តភក្ដិនៅក្នុងស្រុកកំណើតបានរៀបការទាំងអស់។

បញ្ហាផ្ទាល់ខ្លួនពិបាកចែករំលែកជាមួយមិត្តភ័ក្តិ និងក្រុមគ្រួសារ ប៉ុន្តែអាចចែករំលែកជាមួយមនុស្សចម្លែក ដែលអាចជាមធ្យោបាយដ៏ល្អបំផុតក្នុងការសម្អាតសំរាមដែលមានអារម្មណ៍។ នៅពេលដែលសំរាមផ្លូវអារម្មណ៍នេះត្រូវបានដោះស្រាយ មនុស្សមានទំនោរគេងលក់ស្រួលជាក់ជាមិនខានឡើយ។

យ៉ាងណា បន្ទាប់ពីក្លាយជាអ្នកឯកទេសដំណេក Taozi បានចូលរួមក្នុងក្រុមជជែកមួយដែលនាងអាចទទួលយក ការបញ្ជាទិញ នៅពេលទំនេររបស់នាងហើយចែករំលែកប្រាក់ចំណេញជាមួយវេទិកា។ បុគ្គលិកដេក​ត្រូវ​បាន​ចាត់​ថ្នាក់​ជា​កម្រិត ដោយ​កម្រិត​ខ្ពស់​រក​ប្រាក់​បាន​ច្រើន។ អ្នកជំរុញការគេងក្រៅម៉ោងអាចរកចំណូលបានរហូតដល់ ២៦០យន់ ក្នុងមួយម៉ោង។ បុគ្គលិកពេញម៉ោងអាចរកប្រាក់បានរហូតដល់ ៣០ ពាន់យន់ ក្នុងមួយខែ បូករួមទាំងគន្លឹះនៃការជជែកជាមួយភ្ញៀវផងដែរ។

ភាគច្រើននៃអតិថិជនរបស់ Taozi គឺជាមនុស្សវ័យក្មេងដែលកើតក្នុងទសវត្សរ៍ឆ្នាំ ១៩៩០និងឆ្នាំ ២០០០ ពួកគេស្វែងរកការស្តាប់ និងការគាំទ្រផ្លូវចិត្តដើម្បីយកឈ្នះលើបញ្ហាប្រឈមក្នុងជីវិត។ ការងាររបស់នាងបានបញ្ចប់នៅពេលដែលអតិថិជនដេកលក់។

ទន្ទឹមនោះទៀតដែរ មនុស្សនៅក្នុងអាជីពនេះគឺសកម្មទាំងអនឡាញ និងក្រៅបណ្តាញ។ អ្នកលេងអ៊ីនធឺណែតដែលមានឈ្មោះគណនី Sevenseven7 មានអ្នកតាមដានជាង ២.៦ លាននាក់នៅលើ Douyin ដែលល្បីល្បាញដោយសាររឿងគេងស្រមើស្រមៃរបស់គាត់។

វីដេអូដ៏ពេញនិយមបំផុតមួយរបស់នាងដែលមានចំណងជើងថា “Little Pig Boiling Medicine” បានទាក់ទាញអ្នកចូលចិត្តចំនួន ៤៨០ពាន់ដង ដោយនាងប្រាប់ពីរឿងចម្លែករបស់ជ្រូកតូចឈឺមួយក្បាលថា៖ «មានជ្រូកតូចគួរឲ្យស្រលាញ់មួយក្បាលឈឺ ហើយទៅជួបគ្រូពេទ្យ។ គ្រូពេទ្យ​បាន​ចេញ​វេជ្ជបញ្ជា​ឲ្យ​ជ្រូក​ស្ងោរ​ថ្នាំ​រយៈពេល ១០០០ វិនាទី ប៉ុន្តែ​ជ្រូក​បាន​ដេក​លក់ ខណៈ​ថ្នាំ​ឆ្អិន។ នៅពេលដែលវាភ្ញាក់ឡើង វាដឹងថា ១,០០១ វិនាទីបានកន្លងផុតទៅហើយ។ ដោយ​ភ័យ​ស្លន់​ស្លោ វា​បាន​ស្រែក​ថា៖ Yao shui jiao le​ – ដល់​ពេល​ដេក»។ ការនិទានរឿងលេងពាក្យនេះបានទាក់ទាញចំណាប់អារម្មណ៍របស់អ្នកទស្សនា ដោយមនុស្សជាច្រើនបានហៅវីដេអូរបស់នាងថា ថ្នាំថ្មីទំនើបនាសម័យកាលនេះ៕

អត្ថបទ៖ សាង ស្រីល័ក្ខ

ចុចអាន៖Breaking news!​​ ព្រះសង្ឃ Shaolin​ ចិន ដែលនិមន្តមកកម្ពុជាលើកមុន ជួបគ្រោះថ្នាក់សុគតក្នុងព្រះជន្ម ២១ វស្សា

The post យុវជន​ចិន​រក​ជំនួយ​​​បន្លប់​ឲ្យ​គេងលក់ស្រួល​ ក្រោយ​សម្ពាធ​ការងារ​ខ្លាំង​ពេក appeared first on Kampuchea Thmey Daily.

លើសពីនេះ យោងតាម ​​Health & Life បានបញ្ចាក់ថា ការបន្ថែមផ្លែក្រូចទៅក្នុងរបបអាហារផ្តល់នូវអត្ថប្រយោជន៍ជាច្រើន ជួយឲ្យតម្រងនោមដំណើរការបានត្រឹមត្រូវ និងរឹងមាំ ជួយឲ្យស្បែកស្រស់ស្អាត ពង្រឹងបេះដូង ការពារការឆ្លងមេរោគ ធ្វើឲ្យសុខភាពភ្នែកប្រសើរឡើង ប្រឆាំងរ៉ាឌីកាល់សេរី និងពង្រឹងមុខងារខួរក្បាល។

ចុះយល់យ៉ាងណាដែរ តើ​ការ​ដាក់​ក្រូច​ក្បែរ​គ្រែ​មាន​ផល​ប៉ះពាល់ឬអត្ថប្រយោជន៍​អ្វីខ្លះ?

បច្ចុប្បន្ននេះ ការបំពុលខ្យល់កាន់តែធ្ងន់ធ្ងរ និងជះឥទ្ធិពលអវិជ្ជមានដល់សុខភាពមនុស្ស។ សូម្បីតែសម្អាតផ្ទះ និងប្រើម៉ាស៊ីនបន្សុទ្ធខ្យល់ អ្នកប្រហែលជានៅតែមិនអាចយកឈ្នះលើស្ថានភាពនេះបានទេ។​ លើសពីនេះ ជីវិតមមាញឹក ប្រញាប់ប្រញាល់ និងតានតឹងរបស់យើង ធ្វើឲ្យមនុស្សភាគច្រើនមានអារម្មណ៍តានតឹងពេញមួយថ្ងៃ​ ហើយវាបានបន្តរហូតដល់ដល់ពេលរៀបចំគ្រែគេង។

ដូច្នេះអ្នកអាចអនុវត្តទម្លាប់ប្រចាំថ្ងៃ ដោយការដាក់ក្រូចនៅក្បែរគេង ឬនៅលើក្បាលគ្រែមុនពេលចូលគេង វាគឺជាដំណោះស្រាយមួយផ្សេងទៀតដែលនឹងជួយសម្អាតសួត ធ្វើឲ្យសុខភាពប្រសើរឡើង ប្រយុទ្ធប្រឆាំងនឹងការបំពុល និងធ្វើឲ្យចិត្តស្ងប់ ធ្វើឲ្យអ្នកមានអារម្មណ៍ធូរស្រាល ជួយឲ្យអ្នកគេងលក់សុខស្រួល។

យោងតាមលោកវេជ្ជបណ្ឌិត Bui Hoang Minh សមាគមឱសថបូព៌ា Ba Dinh Hanoi ក្នុងកាសែត To Quoc បានឲ្យដឹងថា ផ្លែក្រូចមានរសជាតិផ្អែម និងជូរ មានប្រសិទ្ធិភាពត្រជាក់ជួយ​បំបាត់​ការ​ស្រេកទឹក ព្យាបាល​ការ​ក្អក បណ្តេញ​ជាតិពុល និង​ជួយ​បំបាត់​អាកា​រៈហៀរ​សំបោរ​។

ការស្រាវជ្រាវផ្នែកវេជ្ជសាស្ត្រទំនើបក៏បានបង្ហាញថា ផ្លែក្រូចមានបរិមាណដ៏ច្រើននៃវីតាមីន C, kerotene, អាស៊ីតនៃក្រូចឆ្មា និង Oriacidin ដែលមានអត្ថប្រយោជន៍ជាច្រើនសម្រាប់រាងកាយ។ លើសពីនេះ ក្លិនទឹកក្រូចជួយកាត់បន្ថយសម្ពាធផ្លូវចិត្ត បំបាត់ភាពតានតឹងអារម្មណ៍ ហើយត្រូវបានគេចាត់ទុកថាជាថ្នាំ sedative ធម្មជាតិ ល្អសម្រាប់ការគេងមិនលក់ជាដើម។

របៀបដាក់ក្រូចក្បែរគ្រែពេលចូលគេង

កាត់ផ្លែក្រូចជា ៦-៨ ដុំ (អាស្រ័យលើទំហំផ្លែក្រូច) ដាក់លើចានមួយ រួចដាក់លើតុក្បែរគ្រែក្បែរទីតាំងគេងរបស់អ្នក។ ដើម្បីឲ្យក្លិនក្រអូបពីផ្លែក្រូចរីករាលដាល ធ្វើឲ្យអ្នកមានអារម្មណ៍ស្រួល និងគេងលក់លឿន។​ ការ​ដាក់​ក្រូច​នៅ​ក្បែរ​គ្រែ​មុន​ចូល​គេង​មាន​ឥទ្ធិពល​ក្នុង​ការ​បន្សុទ្ធ​ខ្យល់ បង្កើតអារម្មណ៍នៃការសំរាកលំហែ ជួយឲ្យអ្នកគេងលក់កាន់តែប្រសើរជាងមុន។ រក្សា​ស្មារតី​ឲ្យប្រុង​ប្រយ័ត្ន និង​រាងកាយ​ពោរពេញ​ដោយ​ថាមពល​នៅពេល​ព្រឹក។ នេះគឺជាការព្យាបាលអាហារូបត្ថម្ភដ៏សាមញ្ញ តម្លៃថោក និងមានប្រសិទ្ធភាពបំផុត៕

អត្ថបទ៖ សាង ស្រីល័ក្ខ

ចុចអាន៖មេរៀន ៣ យ៉ាង មហាសេដ្ឋីជប៉ុន Kazuo Inamori​ ប្រាប់ថា មានតម្លៃជាងមាសប្រាក់កែវកង

The post ហេតុអ្វីគេនិយមដាក់ផ្លែក្រូច នៅក្បែរគ្រែគេង? appeared first on Kampuchea Thmey Daily.

នេះគឺជាដំណោះស្រាយ ១០យ៉ាង សម្រាប់ការគេងមិនលក់ ដែលអាចជួយអ្នកបាន។

១ បង្កើតលំនាំនៃការគេងធម្មតា

ព្យាយាមចូលគេង និងក្រោកពីដំណេកក្នុងពេលតែមួយ រួមទាំងការចៀសវាងការគេងពេលថ្ងៃ ឬគេងក្រៅម៉ោងធម្មតា។

២​ ថែរក្សាបរិយាកាសបន្ទប់គេង

ត្រូវប្រាកដថាបន្ទប់គេងមានសីតុណ្ហភាព និងសំណើមត្រឹមត្រូវ ហើយ​ប្រើ​អំពូល​មានពន្លឺស្រទន់​នៅពេល​ព្រឹក​ ដើម្បី​ជួយ​ធ្វើឲ្យអ័រម៉ូន​មាន​តុល្យភាព ​បន្ទាប់ពី​ថ្ងៃ​មក​ហើយ​ទៅ​។

៣​ ចៀសវាងសារធាតុរំញោចមុនពេលចូលគេង

ចៀសវាង​សកម្មភាព​ដែល​នឹង​បង្ក​ឲ្យ​មាន​អារម្មណ៍​រំភើប​មុន​ពេល​ចូល​គេង ដូចជា​ការ​មើល​ទូរទស្សន៍ ឬ​ប្រើ​ទូរស័ព្ទ​ដៃ ឬធ្វើលំហាត់ប្រាណ​ឲ្យ​បានខ្លាំងក្លា។

៤​ ធ្វើសមាធិ ឬបន្ធូរអារម្មណ៍

ការអនុវត្តសមាធិ ឬបន្ធូរអារម្មណ៍ ឧ. យូហ្គា ឬការដកដង្ហើមជ្រៅ វាអាចជួយកាត់បន្ថយភាពតានតឹង និងជួយឲ្យអ្នកគេងលក់ស្រួលជាងមុន។

៥​ បង្កើនភាពងងុយគេង

ប្រសិនបើអ្នកគេងមិនលក់ ប្រសិនបើអ្នកមានអារម្មណ៍ភ្ញាក់ពេកអំឡុងពេលគេង។ អ្នកគួរតែស្ងប់ស្ងាត់ ហើយក្រោកពីគេងសម្រាប់សកម្មភាពស្រាលៗក្នុងអំឡុងពេលនេះ។ បន្ទាប់មកចូលគេងវិញ។

៦ កុំពិសារទឹក និងអាហារច្រើនពេកមុនពេលចូលគេង

អ្នកគួរតែចៀសវាងការទទួលទានទឹក និងអាហារច្រើននៅជិតពេលចូលគេង។ ដើម្បីការពារភាពមិនស្រួលនៅពេលយប់។

៧ ក្រោកពីដំណេក ប្រសិនបើអ្នកគេងមិនលក់

ប្រសិនបើអ្នកមិនអាចដេកលក់ អ្នកគួរតែក្រោកពីគេង ហើយធ្វើសកម្មភាពដូចជា៖ អានសៀវភៅ ឬស្តាប់តន្ត្រីស្រទន់។ ជំនួសឲ្យការទំនេរ។

៨ ចៀសវាងសារធាតុមុនពេលចូលគេង

ចៀសវាងការទទួលទានសារធាតុរំញោចដូចជា ជាតិកាហ្វេអ៊ីន និងជាតិនីកូទីន បន្ទាប់ពីពាក់កណ្តាលអធ្រាត្រ។

៩ កែលំហាត់ប្រាណរបស់អ្នក

លំហាត់ប្រាណទៀងទាត់អាចជួយកាត់បន្ថយភាពតានតឹង និងបង្កើតតុល្យភាពរវាងការចំណាយថាមពល និងការគេង។

១០ ស្វែងរកជំនួយជំនាញ

ប្រសិនបើអ្នកពិបាកដេកលក់យូរ ឬគេងមិនគ្រប់គ្រាន់ អ្នកគួរតែទៅជួបគ្រូពេទ្យ ឬចិត្តវិទ្យា ដើម្បីទទួលបានការណែនាំ និងការព្យាបាលសមស្រប។

ការលំបាកក្នុងការគេងអាចប៉ះពាល់ដល់សុខភាព និងគុណភាពជីវិតរបស់អ្នក។ ដូច្នេះហើយ អ្នក​គួរតែ​ជួសជុល​វា​ជាបន្ទាន់​ដោយ​ប្រើ​វិធីសាស្ត្រ​សមស្រប​ទៅតាម​មូលហេតុ និង​សមស្រប​សម្រាប់​អ្នក​៕

ប្រែសម្រួល៖ សាង ស្រីល័ក្ខ

ចុចអាន៖សញ្ញាគ្រោះថ្នាក់ អ្នកអាចប្រឈមនឹងហានិភ័យនៃការគេងមិនលក់

The post ដំណោះស្រាយ ១០យ៉ាង សម្រាប់អ្នកគេងមិនលក់រាល់យប់ appeared first on Kampuchea Thmey Daily.

លោកវេជ្ជបណ្ឌិត Weerawut Imsamran អគ្គនាយករងនៃនាយកដ្ឋានសេវាវេជ្ជសាស្រ្តបានបង្ហើបថា ការគេងគឺជាកត្តាសំខាន់មួយក្នុងការរស់នៅ។ ប្រសិនបើ​យើង​គេង​បាន​គ្រប់គ្រាន់ វា​នឹង​នាំឲ្យ​រាងកាយ​មាន​សុខភាព​ល្អ រឹងមាំ ស្រស់ស្រាយ និង​មិន​ងាយ​រលាក​។ ប៉ុន្តែមនុស្សមួយចំនួនយល់ថា ពួកគេមានបញ្ហាគេងមិនលក់ ដូចជាពិបាកដេកលក់, គេងមិនបានល្អ, ភ្ញាក់ពីដំណេកលឿនជាងអ្វីដែលអ្នកគួរ និងងងុយគេងនៅពេលថ្ងៃ។ ប្រសិនបើអ្នកមានរោគសញ្ញាបែបនេះ អ្នកគួរតែទៅពិគ្រោះជាមួយគ្រូពេទ្យ។ ព្រោះ​បើ​មិន​បាន​ព្យាបាល​ទេ វា​អាច​ប៉ះពាល់​ដល់​សុខភាព​អ្នក​ទៅ​ថ្ងៃ​អនាគត។

ក្រុមហានិភ័យនៃការគេងមិនលក់

ការគេងមិនលក់អាចកើតមាននៅគ្រប់វ័យ។ ភាគច្រើនវាកើតឡើងចំពោះស្ត្រី និងមនុស្សចាស់ដែលមានអាយុលើសពី ៦៥ឆ្នាំ។

មូលហេតុនៃការគេងមិនលក់

ការគេងមិនលក់អាចកើតឡើងដោយសារហេតុផលជាច្រើន ជាមួយនឹងកត្តាហានិភ័យដូចជា៖

លក្ខណៈរបស់មនុស្សគេងមិនលក់ មានការថប់បារម្ភយ៉ាងងាយ, ការផ្លាស់ប្តូរការងារ, ការស្លាប់របស់មនុស្សជាទីស្រឡាញ់, ការលែងលះ, ផឹកកាហ្វេនៅពេលល្ងាច ឬមុនពេលចូលគេង។

សញ្ញាគ្រោះថ្នាក់ អ្នកអាចប្រឈមនឹងហានិភ័យនៃការគេងមិនលក់

យើងអាចសង្កេតឃើញរោគសញ្ញានៃការគេងដូចជា

-ពិបាកក្នុងការគេង ការគេងមិនទៀងទាត់ គេងមិនបានល្អ

-ភ្ញាក់ពីដំណេកលឿនជាងអ្វីដែលអ្នកគួរធ្វើប្រចាំថ្ងៃ

-ភាពទន់ខ្សោយ កង្វះថាមពល

-ការថយចុះការយកចិត្តទុកដាក់ និងការចងចាំ

-អារម្មណ៍មិនល្អ ឆាប់ខឹង

-ងងុយគេងពេលថ្ងៃ។

គ្រោះថ្នាក់នៃការគេងមិនលក់

ប្រសិនបើ​គេង​មិន​លក់​យូរ​ អាចប៉ះពាល់ដល់សុខភាពរាងកាយ បង្កើនហានិភ័យនៃជំងឺគ្រោះថ្នាក់ជាច្រើនដូចជា៖

ជំងឺធ្លាក់ទឹកចិត្ត (ហានិភ័យ ២ដងច្រើនជាងមនុស្សធម្មតា)

ជំងឺបេះដូង ischemic

គាំងបេះដូង

សម្ពាធ​ឈាម​ខ្ពស់

ជំងឺខ្លាញ់ខ្ពស់

ជំងឺទឹកនោមផ្អែម

ភាពធាត់

អាចបង្កើនការស្លាប់ ព្រោះវាបង្កើនឱកាសនៃគ្រោះថ្នាក់ពីការបើកបរ និងគ្រោះថ្នាក់ពីការងារ។

ដូច្នេះហើយ ការគេងពិតជាមានសារៈសំខាន់ណាស់សម្រាប់សុខភាព។ ប្រសិនបើអ្នកមានរោគសញ្ញានៃការគេងមិនលក់ ឬសង្ស័យថាអ្នកអាចមានការគេងមិនលក់។ អ្នកគួរតែទៅជួបគ្រូពេទ្យជំនាញខាងដំណេកដើម្បីរកមូលហេតុ និងព្យាបាលឲ្យបានត្រឹមត្រូវ៕

ប្រែសម្រួល៖ សាង ស្រីល័ក្ខ

ចុចអាន៖រោគសញ្ញានៃការគេងមិនលក់ និងកន្ទ្រាក់ តើបណ្ដាលមកពីអ្វី?

ចុចអាន៖តើអ្នកដឹងទេ? ផឹកភេសជ្ជៈញឹកញាប់ រងជំងឺពុកឆ្អឹងឥតដឹងខ្លួន

The post សញ្ញាគ្រោះថ្នាក់ អ្នកអាចប្រឈមនឹងហានិភ័យនៃការគេងមិនលក់ appeared first on Kampuchea Thmey Daily.

តើការរំខានដំណេកគឺជាអ្វី?

វាគឺជារោគសញ្ញាដែលបង្កឡើងដោយសាច់ដុំក្នុងរាងកាយធ្វើការ និងរមួលក្រពើពេលកំពុងគេង ទោះបីជាអ្នកមិនទាន់ដឹងខ្លួនក៏ដោយ។ ប៉ុន្តែមានរោគសញ្ញាស្រដៀងគ្នា ជាមួយនឹង​វិលមុខ និង​ស្រវាំង មនុស្សមួយចំនួនអាចមានការរមួលក្រពើ ដៃ ជើង ឬរមួលពេញខ្លួន។​ ដែលពេលខ្លះអាចបណ្តាលមកពីមាន​ការ​ច្របូកច្របល់​នៃ​ខួរក្បាល​ព្រោះ​ពេល​គេង សាច់ដុំ​ក្នុង​រាងកាយ​ត្រូវបាន​បញ្ជាឲ្យសម្រាកយបាន​ពេញលេញ​។ ប៉ុន្តែខួរក្បាលអាចច្រឡំថាយើងកំពុងធ្លាក់ពីកម្ពស់ណាមួយ។

ប៉ុន្តែ​រោគសញ្ញា​ទាំងនេះ​មិន​ត្រូវបាន​ចាត់ទុកថា​ធ្ងន់ធ្ងរ​ដល់​សុខភាព​នោះទេ​។ គ្រាន់តែបណ្តាលឲ្យមានការរំខាន ព្រោះ​មនុស្ស​មួយ​ចំនួន​អាច​នឹង​ងាយ​នឹង​កន្ត្រាក់ ហើយជារឿយៗភ្ញាក់នៅពេលយប់ ខណៈ​មូលហេតុ​នៅ​មិន​ទាន់​ច្បាស់​នៅ​ឡើយ​ទេ។

ភាគច្រើននៃពួកគេបណ្តាលមកពីការថប់បារម្ភ ភាពតានតឹង ការគេងមិនលក់ ការគេងមិនគ្រប់គ្រាន់ ឬមានជំងឺពីកំណើតដូចជា ភាពស្លេកស្លាំង កង្វះជាតិដែក ឬសារធាតុចិញ្ចឹមមួយចំនួន ជំងឺតម្រងនោម ជំងឺទឹកនោមផ្អែម ស្ទះដំណេក ឬទទួលថ្នាំប្រឆាំងនឹងជំងឺធ្លាក់ទឹកចិត្ត។

ដំណោះស្រាយ និងព្យាបាលការរំខានដំណេក

– គេងឲ្យបានគ្រប់គ្រាន់

– ការ​ថែទាំ​សុខភាព ការញ៉ាំនិងហាត់ប្រាណ

– ធ្វើឲ្យចិត្តរបស់អ្នកឲ្យស្ងប់ និងស្ត្រេសតិចបំផុត

– ថែរក្សាខ្លួនអ្នក ព្រមទាំង ព្យាបាលតាមជំងឺមូលដ្ឋាន

យ៉ាងណាមិញ ប្រសិនបើមានរោគសញ្ញាធ្ងន់ធ្ងរជាងនេះ តាមការណែនាំបានបង្ហាញថាឲ្យលោកអ្នកត្រូវពិគ្រោះជាមួយវេជ្ជបណ្ឌិត សម្រាប់ការព្យាបាល និងការធ្វើរោគវិនិច្ឆ័យដោយផ្អែកលើរោគសញ្ញា៕

ប្រែសម្រួល៖ សាង ស្រីល័ក្ខ

ចុចអាន៖តើអ្នកដឹងទេ? ផឹកភេសជ្ជៈញឹកញាប់ រងជំងឺពុកឆ្អឹងឥតដឹងខ្លួន

The post រោគសញ្ញានៃការគេងមិនលក់ និងកន្ទ្រាក់ តើបណ្ដាលមកពីអ្វី? appeared first on Kampuchea Thmey Daily.

ការគេងមានសារៈសំខាន់ចំពោះសុខភាពភ្នែក ព្រោះជាពេលវេលាដែលភ្នែកអាចសម្រាក បន្ទាប់ពីការសម្លឹង ធ្វើចលនាអស់រយៈពេលជាច្រើនម៉ោង ប្រឈមនឹងបរិយាកាសខាងក្រៅ ដូចជាពន្លឺ កម្ដៅ ធូលី និង ខ្យល់ប៉ះផងទៀតនោះ។ ភ្នែករបស់យើងក៏ត្រូវការសម្រាកឲ្យបានគ្រប់គ្រាន់ មិនខុសពីសរីរាង្គផ្សេងទៀតនោះដែរ។ តាមការសិក្សាបានបង្ហាញថា ភ្នែកត្រូវការពេលវេាលាសម្រាកយ៉ាង​ហោចបាន ៥ ម៉ោង ក្នុងមួយថ្ងៃ តែបើចង់ឲ្យសុខភាពកាន់តែល្អ គួរសម្រាកឲ្យបានចាប់ពី ៦ម៉ោង នោះសុខភាពភ្នែករបស់យើងនឹងល្អប្រសើរ។

ប្រសិនបើការគេងរបស់យើងមិនគ្រប់គ្រាន់ឬតិចជាង ៥ម៉ោង នឹងធ្វើឲ្យភ្នែកយើងអាចប្រឈមបញ្ហាដូចជា ការឡើងជាំខ្មៅជុំវិញរង្វង់ភ្នែក ភ្នែកឡើងក្រហម ក្ដៅភ្នែក ស្ងួតភ្នែក ហៀរទឹកភ្នែកច្រើនខុសធម្មតា ចុករួយភ្នែក រមាស់ក្នុងភ្នែក អាចប្រឈមការរលាកភ្នែកស្រួចស្រាល់ និង ករណីខ្លះអាចធ្វើឲ្យយើងមិនអាចសម្លឹងមើលឃើញបានច្បាស់ល្អ។ អាការៈទាំងនេះថ្វីដ្បិតជាមិនសូវធ្ងន់ធ្ងពិតមែន ប៉ុន្ដែយើងក៏មិនអាចបណ្ដែតបណ្ដោយនោះដែរ។

តើការគេងមិនគ្រប់គ្រាន់អាចបណ្ដាលឲ្យភ្នែកមានជំងឺធ្ងន់ធ្ងដែរទេ?

មិនទាន់មានរបាយការណ៍ណាមួយបានបង្ហាញថា ការគេងមិនគ្រប់គ្រាន់អាចបង្កភ្នែកកើតជំងឺធ្ងន់ធ្ងរនោះទេ។ ប៉ុន្ដែអាការៈមួយចំនួន អាចបង្កការរំខានដល់ការរស់នៅ ម្យ៉ាងទៀតអាការៈខាងលើ ក៏ជាមូលហេតុចម្បងមួយ ដែលអាចវិវត្ដទៅរកជំងឺធ្ងន់ធ្ងរបាន ប្រសិនបើយើងមិនបានការពារ ឬព្យាបាលឲ្យបានត្រឹមត្រូវនោះទេ ពិសេសការទម្លាប់គេងមិនគ្រប់គ្រាន់ ឬ តិចជាង ៥ម៉ោងតែម្ដង។ តួយ៉ាងដូចជា អាការៈក្ដៅភ្នែក ស្ងួតភ្នែកជាដើម ដែលទាមការយកចិត្ដទុកដាក់ការពារ ពិគ្រោះជាមួយគ្រូពេទ្យឲ្យបានត្រឹមត្រូវ។

ការថែទាំភ្នែកឲ្យមានសុខភាពល្អ​

ភ្នែកគឺជាសរីរាង្គយ៉ាងសំខាន់ជួយឲ្យយើងអាចមើលឃើញនូវអ្វីៗគ្រប់យ៉ាងជុំវិញខ្លួន ដូច្នេះយើងត្រូវតែយកចិត្ដទុកដាក់ថែទាំឲ្យបានល្អ៖

• គេងឲ្យបានគ្រប់គ្រាន់ លើសពី៥ម៉ោង
• ញ៉ាំអាហារមានជីវជាតិ ពពួកវីតាមីន A B C និង អាស៊ីតខ្លាញ់អូមេហ្គា៣
• ផឹកទឹកឲ្យបានច្រើន
• ហាត់ប្រាណ ឬលេងកីឡា ជាប្រចាំ
• ពាក់វ៉ែតា មួក ពេលចេញក្រៅ
• សម្រកទម្ងន់
• កុំជក់បារី
• ទៅជួបគ្រូពេទ្យ ពេលភ្នែកមានបញ្ហា

អត្ថបទផ្ដល់ដោយ៖Hell Krupet

ចុចអាន៖សីតុណ្ហភាពរាងកាយចុះទាប អាចគ្រោះថ្នាក់ដល់ជីវិត និងមានសញ្ញាព្រមានអ្វីខ្លះ?​​​​​​​​​​​​​​​​​​​​​​​​​​​​​​​​​​

The post ការគេងមិនគ្រប់គ្រាន់ ក៏អាចប៉ះពាល់ដល់សុខភាពភ្នែក appeared first on Kampuchea Thmey Daily.

១.ញ៉ាំអាហារសម្បូរជាតិកាល់ស្យូម

ប្រសិនបើយើងគេងមិនគ្រប់គ្រាន់ គួរតែជ្រើសរើសអាហារណាដែរសម្បូរជាតិកាល់ស្យូម។ អាហារ​ទាំង​នោះ​មាន​ដូចជាពពួកបន្លែបៃតង គ្រាប់ធញ្ញជាតិ និង​ទឹកដោះគោស្រស់ជាដើម ព្រោះជាតិកាល់ស្យូមជួយដល់សុខភាពបេះដូង និងឆ្អឹង ពិសេសជួយដល់ចរន្ដឈាមឲ្យដំណើរការល្អ និងបង្កើនម៉ាសសាច់ដុំ។

២.ញ៉ាំអាហារសម្បូរជាតិដែក និងស័ង្កសី

អាហារសម្បូរជាតិដែក និងស័ង្កសី អាចជួយរក្សាសុខភាពយើងឲ្យល្អប្រសើរទោះយើងគេងមិនគ្រប់គ្រាន់ក៏ដោយ។ ព្រោះជាតិដែក ជួយដល់កោសិកាគ្រាប់ឈាមក្រហមឲ្យដំណើរការបានល្អពេញរាងកាយ ចំណែកជាតិស័ង្កសីល្អសម្រាប់គ្រាប់ឈាមស ដែលជាផ្នែកមួយយ៉ាងសំខាន់នៃប្រព័ន្ធការពារក្នុងរាងកាយ។ របបអាហារដែលសម្បូរសារធាតុទាំងពីរ មានដូចជា ពោត បន្លែបៃតង សាច់គោ គ្រាប់ធញ្ញជាតិ ទឹកដោះគោរស្រស់ សណ្ដែកខៀវ និងផ្សិត។

៣.ញ៉ាំអាហារសម្បូរជាតិទឹក

ការសិក្សាបានបង្ហាញថា អ្នកគេងមិនគ្រប់គ្រាន់ ឬគេងតិចជាង ៦ម៉ោង អាចប្រឈមបាត់បង់ជាតិទឹកដល់ទៅ ៥០% បើធៀបនឹងអ្នកបានគេងលើសពី ៧ម៉ោង។ ការថយចុះជាតិទឹកអាចធ្វើឲ្យយើងមានអាការៈ វិលមុខ ឈឺក្បាល និង​អស់កម្លាំង។ ដើម្បីបំពេញជាតិទឹកឲ្យគ្រប់គ្រាន់ យើងអាច ញ៉ាំអាហារដែលសម្បូរជាតិទឹក ឬក៏អាចញ៉ាំទឹកឲ្យបានច្រើន ក៏ល្អដែរ។

៤.ញ៉ាំអាហារ ឬភេសជ្ជៈមានជាតិកាហ្វេអ៊ីន

ជាតិកាហ្វេអ៊ីនដែលមាននៅក្នុងអាហារ ឬភេសជ្ជៈ អាចជួយឲ្យយើងមានអារម្មណ៍ស្រស់ស្រាយ និងកាត់បន្ថយការងងុយគេង។

៥.ខ្លាញ់អូមេហ្គា៣

ពពួកអាហារដែលផ្ទុកអាស៊ីតខ្លាញ់អូមេហ្គា៣ មានអត្ថប្រយោជន៍ចំពោះខួរក្បាល ជួយដល់ការចងចាំ និងជួយដល់សុខភាពបេះដូង។ ដូច្នេះសម្រាប់អ្នកគេងមិនបានគ្រប់គ្រាន់អាចស្វែងរកសារជាតិនេះនៅក្នុង ពពួកគ្រាប់ធញ្ញជាតិ ស៊ុត ខ្លាញ់ត្រី ផ្លែប៊ឺ សាច់ត្រីសាលម៉ុន និង​ធូណា​ជា​ដើម​៕

អត្ថបទផ្ដល់ដោយ៖ Hello Krupet

ចុចអាន៖ចៀសវាងញ៉ាំអាហារ ៧ ប្រភេទនេះ បើមិនចង់កើតមហារីក

The post គេងមិនបានពេញភ្នែក ព្រឹកឡើងមិនអស់ងងុយ សាកអាហារទាំងនេះ appeared first on Kampuchea Thmey Daily.

មូលហេតុ​នៃ​ការ​គេង​មិន​លក់​អាច​បណ្ដាល​មក​ពី​កត្តា​ជា​ច្រើន​ដូចជា៖

១ ភាព​តានតឹង ​អាច​បណ្ដាល​មក​ពី​ការងារ ឬ​បញ្ហា​គ្រួសារ

២ ជំងឺ​រាងកាយ​ដូចជា ឈឺក្បាល ឈឺខ្នង ឈឺសន្លាក់ ជំងឺផ្លូវចិត្ត ដូចជាជំងឺធ្លាក់ទឹកចិត្ត

៣ ថ្នាំមួយ​ចំនួន​ដូចជា ថ្នាំ​បញ្ចុះ​សម្ពាធឈាម ថ្នាំស្តេរ៉ូអ៊ីត ថ្នាំផ្តាសាយ តឹងច្រមុះ ជាដើម

៤ សារធាតុរំញោចដូចជា ជាតិកាហ្វេអ៊ីន ជាតិនីកូទីន អាល់កុល

៥ បរិយាកាស​មិន​សមស្រប ដូចជាសម្លេងខ្លាំង ពន្លឺរំខាន សីតុណ្ហភាពក្តៅពេក ឬត្រជាក់

៦ ការ​ផ្លាស់ប្ដូរ​កាលវិភាគ​គេង​ដូចជា ពីការធ្វើដំណើរ ផ្លាស់ប្តូរ​ការងារទៅជាពេល​យប់

៧ កង្វះអ័រម៉ូនដូចជា Melatonin អ័រម៉ូនលូតលាស់ អរម៉ូន​ភេទ

៨ កង្វះ​សារធាតុចិញ្ចឹម វីតាមីន និង​សារធាតុរ៉ែ ដូចជា​ស័ង្កសី វីតាមីន B5 និង tryptophan ជាដើម។

វិធី​ដោះស្រាយ​ការ​គេង​មិន​លក់

-ចាប់ផ្ដើមកែប្រែឥរិយាបថផ្ទាល់ខ្លួនរបស់អ្នក ចូលគេងហើយភ្ញាក់ទាន់ពេល កុំគេងពេលថ្ងៃត្រង់

-ចៀសវាង​ផឹកតែ កាហ្វេ ជាតិ​នីកូទីន អាល់កុល ពេលរសៀល

-ចៀសវាង​ការធ្វើលំហាត់ប្រាណ ៣-៤ ម៉ោងមុនពេលចូលគេង

-កុំញ៉ាំអាហារមានជីវជាតិខ្លាំង មុនពេល​ចូលគេង

-ផ្តល់បរិយាកាសបន្ទប់គេងសមរម្យ ស្ងប់ស្ងាត់ ងងឹត មិនក្តៅពេក ឬត្រជាក់ពេក

-អាចសម្រាកមុនពេលចូលគេង ដោយអានសៀវភៅ ឬស្តាប់តន្ត្រី។

ទោះយ៉ាងណាប្រសិនបើរាងកាយអ្នកចាប់ផ្តើមកាន់តែយ៉ាប់យ៉ឺន ការអនុវត្តខាងលើនេះ ប្រហែលជាមិនប្រសើរឡើងទេ។ ដូច្នេះ គួរតែទៅជួបគ្រូពេទ្យ ដោយចាប់ផ្តើមស្វែងរកមូលហេតុ និងការព្យាបាលជាពិសេស៕

ប្រែសម្រួល៖ សាង ស្រីល័ក្ខ

ចុចអាន៖៥ វិធី ជួយអ្នកឲ្យឈប់គិតពីការងារ ហើយឆាប់គេងលក់លឿន

ចុចអាន៖វិធី ១០ យ៉ាង ជួយឲ្យឆាប់គេងលក់ស្រួល សម្រាប់អ្នកពិបាករឿងដំណេក

The post មូលហេតុធំៗ ៨ យ៉ាង នាំឲ្យគេងមិនសូវលក់ និងវិធីព្យបាល appeared first on Kampuchea Thmey Daily.