លោកបញ្ជាក់ថា «RPL មិនត្រឹមតែទទួលស្គាល់ជំនាញដែលមានស្រាប់ប៉ុណ្ណោះទេ ប៉ុន្តែថែមទាំងជួយបំប្លែងបទពិសោធការងាររបស់អតីតពលករ ឲ្យក្លាយជាវិញ្ញាបនបត្រផ្លូវការ ដែលជាសោបើកទ្វារទៅកាន់ការងារ ជំនាញ និង ប្រាក់ចំណូលកាន់តែប្រសើរ នាពេលអនាគត»។

បើតាម លោក អ៊ុកវង្ស ឌីនីកា ក្នុងរយៈពេលជិត ២ ខែ នៃការអនុវត្តកម្មវិធីទទួលស្គាល់ជំនាញពីបទពិសោធការងារ (RPL) មជ្ឈមណ្ឌល RPL នៃវិទ្យាស្ថានបច្ចេកវិទ្យាបាត់ដំបង (BIT) បានធ្វើតេស្តវាយតម្លៃសមត្ថភាពជូនអតីតពលករ និង ប្រជាពលរដ្ឋដែលមានជំនាញស្រាប់ចំនួន ១៨៥ នាក់ ក្នុងនោះ មានស្ត្រី ១២ នាក់ ដើម្បីទទួលបានវិញ្ញាបនបត្រទទួលស្គាល់ជំនាញផ្លូវការស្របតាមស្តង់ដារជាតិ។

ប្រភពដដែលបន្តថា គិតចាប់ពីថ្ងៃទី ៨ ខែមេសា ដល់ថ្ងៃទី ៣១ ខែឧសភា ឆ្នាំ ២០២៦ មជ្ឈមណ្ឌលបានផ្តោតលើការធ្វើតេស្តជំនាញក្នុងវិស័យសំណង់ចំនួន ៨ មុខជំនាញ ជាពិសេសសម្រាប់ពលករខ្មែរដែលបានវិលត្រឡប់មកពីប្រទេសថៃ និង មានបទពិសោធការងារជាក់ស្តែង។

ដើម្បីជួយសម្រួលដល់បេក្ខជនធ្វើតេស្ត មជ្ឈមណ្ឌលបានរៀបចំបរិយាកាសប្រឡងប្រកបដោយភាពងាយស្រួល និង ផ្តល់ការគាំទ្រជាច្រើន ដូចជា ផ្តល់ថវិកាឧបត្ថម្ភថ្លៃធ្វើដំណើរសម្រាប់បេក្ខជនដែលរស់នៅឆ្ងាយចាប់ពី ៤០ គីឡូម៉ែត្រ ឡើងទៅ ផ្គត់ផ្គង់ទឹកបរិសុទ្ធ និង មានក្រុមការងារជួយសម្របសម្រួលតាំងពីការផ្សព្វផ្សាយព័ត៌មាន ការចុះឈ្មោះ រហូតដល់ដំណើរការធ្វើតេស្ត។ នេះបើតាមការបន្ថែមរបស់ លោក អ៊ុកវង្ស ឌីនីកា។

សូមបញ្ជាក់ថា អតីតពលករខ្មែរដែលត្រឡប់មកពីប្រទេសថៃ មានអាយុចាប់ពី ១៦ ឆ្នាំ ឡើងទៅ និង មានបទពិសោធការងារជាក់ស្តែង អាចដាក់ពាក្យចូលរួមធ្វើតេស្តបានដោយមិនមានការរើសអើងលើភេទ ឬ ពិការភាពឡើយ។ ការចុះឈ្មោះអាចធ្វើឡើងតាមរយៈក្រុមការងារចុះដល់មូលដ្ឋាន មកផ្ទាល់នៅមជ្ឈមណ្ឌលវាយតម្លៃសមត្ថភាព ឬ ទាក់ទងតាមលេខ ០៥៣ ៧៣២ ៥៣៥ ឬ ប្រព័ន្ធ Hotline ១២៩៧ និង ប្រព័ន្ធអនឡាញ erpl.mlvt.gov.kh៕

The post មជ្ឈមណ្ឌលវាយតម្លៃ RPL បាត់ដំបង ៖ RPL ជួយបំប្លែងបទពិសោធការងារអតីតពលករ ឲ្យក្លាយជាវិញ្ញាបនបត្រផ្លូវការ និងជាកូនសោបើកទ្វារឆ្ពោះទៅរកប្រាក់ចំណូលខ្ពស់ appeared first on Kampuchea Thmey Daily.

លោកស្រី បានថ្លែងបែបនេះ ក្នុងពិធីបិទសន្និបាតបូកសរុបការងារវប្បធម៌ និងវិចិត្រសិល្បៈឆ្នាំ២០២៥ និងលើកទិសដៅការងារសម្រាប់ឆ្នាំ២០២៦ នាព្រឹកថ្ងៃទី៥ ខែកុម្ភៈ ឆ្នាំ២០២៦ នៅសាលសន្និសីទចតុម្មុខ។ លោកស្រីបានបន្ថែមថា លទ្ធផលនេះកើតចេញពីកិច្ចខិតខំប្រឹងប្រែងរបស់ថ្នាក់ដឹកនាំ មន្រ្តីរាជការ និងជួយឧបត្ថម្ភគំាទ្រពីសំណាក់ក្រសួងស្ថាប័នពាក់ព័ន្ធ ព្រមទាំងអាជ្ញាធរដែនដីគ្រប់លំដាប់ថ្នាក់។

លោកស្រី បញ្ជាក់ថា «កិច្ចការអភិរក្ស និងអភិវឌ្ឍសិល្បៈវប្បធម៌ជាតិ គឺជាកិច្ចការគ្មានទីបញ្ចប់ និងទាមទារឱ្យមានកិច្ចខិតខំប្រឹងប្រែងជាប់មិនដាច់ ព្រមទាំងកសាងឱ្យបាននូវយុវជនបន្តវេនប្រកបដោយជំនាញវិជ្ជាជីវៈ និងមនសិការខ្ពស់។ កិច្ចសហការប្រមូលផ្តុំកម្លាំងរួមរវាងអង្គភាពជំនាញរបស់ក្រសួងវប្បធម៌ និងវិចិត្រសិល្បៈ ជាមួយក្រសួងស្ថាប័នពាក់ព័ន្ធ វិស័យឯកជន និងប្រជាជនគ្រប់មជ្ឈដ្ឋាន គឺជាភាពចាំបាច់បំផុតដែលនាំឱ្យយើងសម្រេចបានទិសដៅការងារដែលបានគ្រោងទុក»។

ក្នុងឱកាសនោះ លោកស្រីក៏បានផ្តល់កិត្តិយសបំពាក់គ្រឿងឥស្សរិយយស ជូនដល់ថ្នាក់ដឹកនាំ និងមន្រ្តីរាជការរបស់ក្រសួងផងដែរ៕

The post ឆ្នាំ២០២៥ ក្រសួងវប្បធម៌ អនុវត្តការងារសម្រេចបានជាង៩០% ទោះបីប្រឈមនឹងបញ្ហាជាច្រើនក្តី appeared first on Kampuchea Thmey Daily.

លោក​បាន​បន្ត​ឱ្យដឹងថា រោងចក្រ និង​សហគ្រាស​ ទាំងនោះ​ ត្រូវបាន​បែងចែក​ទៅតាម​វិស័យ​សំខាន់ៗ រួមមាន វិស័យ​កសិកម្ម​ចំនួន ៣៨៦ , វិស័យ​ឧស្សាហកម្ម​ចំនួន ៧ ៥៦៥ , វិស័យ​កម្មន្តសាល​មាន ៤ ៩៦៤ និង​វិស័យ​កាត់ដេរ​ចំនួន ១ ៨៦៧ សហគ្រាស។

លោក​បាន​គូសបញ្ជាក់ថា ការកើនឡើង​ចំនួន សហគ្រាស ក្រុមហ៊ុន រោងចក្រ ជា​បន្តបន្ទាប់​នេះ គឺជា​សញ្ញា​វិជ្ជមាន ដែល​ឆ្លុះបញ្ចាំង​ពី​ជំនឿ​ចិត្ត​របស់​អ្នក​វិនិយោគ​មក​លើ​រាជរដ្ឋាភិបាល​កម្ពុជា​ក្នុង​ការ​បណ្ដុះបណ្ដាល​កម្លាំង​ពលកម្ម​ជំនាញ។

បើតាម​អ្នកនាំពាក្យ​ដដែល បច្ចុប្បន្ន​ កម្ពុជា​ នៅមាន​ឱកាស​ការងារ​ជាង ៨ ម៉ឺន​កន្លែង​ទៀត ​សម្រាប់​ប្រជាពលរដ្ឋដែល​កំពុង​ស្វែងរក​ការងារ​ធ្វើ។ ជាមួយគ្នានេះ អ្នកនាំពាក្យ​ក្រសួង​ការងារ ក៏បាន​អំពាវនាវ​ដល់ អ្នកស្វែងរក​ការងារ ជាពិសេស​អតីត​ពលករ អាច​ទំនាក់ទំនង​មកកាន់​លេខ ១២៩៧ របស់​ក្រសួង​ការងារ និង​បណ្តុះបណ្តាល​វិជ្ជាជីវៈ ដែល​បម្រើការ ៧ ថ្ងៃ​ ក្នុង​មួយ​សប្ដាហ៍៕

The post ត្រឹមឆ្នាំ ២០២៥ សហគ្រាសនៅកម្ពុជាកើន ៤,៦ ម៉ឺន ដែលផ្ដល់ការងារដល់កម្មករ-និយោជិត ជាង ២,១៤ លាននាក់ appeared first on Kampuchea Thmey Daily.

លេខរៀងទី ១០ គឺអ្នកបើកយន្តហោះដឹកអ្នកដំណើរ ដឹកទំនិញ និងឧទ្ធម្ភាគចក្រ មានប្រាក់ខែមធ្យម ១៩៨,១០០ ដុល្លារក្នុងមួយឆ្នាំ។ នេះត្រូវបានចាត់ទុកថាជាប្រាក់ខែដ៏ច្រើន ដែលឆ្លុះបញ្ចាំងពីលក្ខណៈសម្បត្តិរបស់អ្នកបើកយន្តហោះ ក៏ដូចជាហានិភ័យដែលទាក់ទងនឹងវិជ្ជាជីវៈនេះ។

អត្រាមរណភាពរបស់អ្នកបើកយន្តហោះនៅគឺ ៣១.៣ ករណីក្នុងចំណោមមនុស្ស ១០០,០០០ នាក់ ភាគច្រើនទាក់ទងនឹងគ្រោះថ្នាក់នៃយន្តហោះតូចៗ មិនត្រូវបានបំពាក់ដោយប្រព័ន្ធសុវត្ថិភាពទំនើបដូចជាយន្តហោះដឹកអ្នកដំណើរស៊ីវិល។ អាមេរិកតែងតែកត់ត្រាការធ្លាក់យន្តហោះតូចៗ នៅពេលដែលអ្នកបើកយន្តហោះជួបប្រទះនឹងស្ថានភាពអាកាសធាតុមិនល្អ ហើយមិនមានប្រព័ន្ធទំនើបៗដើម្បីគាំទ្រពួកគេ។

អ្នកបច្ចេកទេសបញ្ជូនថាមពលដែលជាប់ចំណាត់ថ្នាក់លេខ ៩ គឺអ្នកដំឡើង និងថែទាំខ្សែភ្លើងទៅកាន់គ្រួសារ និងអាជីវកម្ម។ ពួកគេតែងតែត្រូវឡើងលើបង្គោលភ្លើង ប៉មបញ្ជូន និងធ្វើការជាមួយខ្សែភ្លើងវ៉ុលខ្ពស់។

ប្រាក់ខែមធ្យមនៃវិជ្ជាជីវៈនេះគឺ ៩២,៥៦០ ដុល្លារអាមេរិក/ឆ្នាំ ហើយអត្រាមរណភាពគឺ ១៨.៤ ក្នុងចំណោមមនុស្ស ១០០,០០០ នាក់។ អ្នកសង្កេតការណ៍វាយតម្លៃថា នេះគឺជាប្រាក់បំណាច់ដ៏ច្រើនគ្រប់គ្រាន់សម្រាប់ហានិភ័យដែលមិនអាចចៀសវាងបាននៃការធ្វើការនៅក្នុងបរិយាកាសជាក់លាក់នៃឧស្សាហកម្មថាមពល។

Resume Genius ចាត់ថ្នាក់អ្នកគ្រប់គ្រងកសិដ្ឋាននៅចំណាត់ថ្នាក់លេខ ៨។ ការងារនេះមានប្រាក់ខែមធ្យម ៨៧,៩៨០ ដុល្លារ និងអត្រាមរណភាព ១៩ ក្នុងចំណោមមនុស្ស ១០០,០០០ នាក់។ លោក Jason Vaught អ្នកគ្រប់គ្រងជាន់ខ្ពស់នៅ SmashBrand បាននិយាយថា ប្រាក់បំណាច់នេះមានតម្លៃណាស់ ពីព្រោះមុខតំណែងនេះមានលក្ខណៈត្រួតពិនិត្យ និងប្រតិបត្តិការច្រើនជាងកម្លាំងពលកម្មដោយដៃ។

ចំណាត់ថ្នាក់ទី ៧ ជារបស់មន្ត្រីប៉ូលិស និងអ្នកស៊ើបអង្កេត។ ប្រាក់ខែមធ្យមគឺ ៧៧,២៧០ ដុល្លារ ហើយអត្រាមរណភាពគឺ ១១.៧៥ ក្នុងចំណោមមន្ត្រី ១០០,០០០ នាក់។ អ្នកសង្កេតការណ៍ចាត់ទុកថា នេះជាប្រាក់ខែមធ្យមសមរម្យ ប៉ុន្តែមន្ត្រីមានការចូលនិវត្តន៍ល្អ ដែលជួយទូទាត់សងសម្រាប់ភាពតានតឹង និងគ្រោះថ្នាក់ដែលមាននៅក្នុងការអនុវត្តច្បាប់។

ចំណាត់ថ្នាក់ទី ៦ គឺកម្មករដែក និងដែកថែប ដែលមានប្រាក់ខែមធ្យម ៦១,៩៤០ ដុល្លារ អត្រាមរណភាព ១៩.៨ក្នុងចំណោមមនុស្ស ១០០,០០០នាក់។ នេះគឺជាប្រាក់ខែជាមធ្យម អាស្រ័យលើថ្លៃដើមនៃការរស់នៅកន្លែងដែលពួកគេរស់នៅ។ លោក Vaught ជឿជាក់ថា ប្រាក់បំណាច់នេះមានតម្លៃណាស់ ពីព្រោះកម្មករដែក និងដែកថែបមានជំនាញវិជ្ជាជីវៈដែលពិបាកជំនួស។

អ្នកពន្លត់អគ្គីភ័យត្រូវបានជាប់ចំណាត់ថ្នាក់ទី ៥ នៅក្នុងបញ្ជីមុខរបរដ៏គ្រោះថ្នាក់។ នេះត្រូវបានចាត់ទុកថាជាវិជ្ជាជីវៈដ៏ថ្លៃថ្នូនៅអាមេរិក នៅពេលដែលពួកគេត្រូវពន្លត់អគ្គីភ័យ ជួយសង្គ្រោះមនុស្ស និងចូលរួមចំណែកដល់សហគមន៍។ ប្រាក់ខែមធ្យមអ្នកពន្លត់អគ្គីភ័យគឺ ៥៩.៥៣០ ដុល្លារក្នុងមួយឆ្នាំ ហើយអត្រាមរណភាពគឺ ២៧ នាក់ក្នុងចំណោមមនុស្ស ១០០.០០០ នាក់ ដែលរងរបួស ការប៉ះពាល់នឹងសារធាតុគីមី ផ្សែងពុល អគារដួលរលំ គឺជាបន្ទុកផ្លូវចិត្ត និងរាងកាយដ៏ធំមួយ។

នៅលំដាប់ទី ៤ គឺអ្នកបើកបររថយន្តដឹកទំនិញ ដែលមានប្រាក់ខែមធ្យម ៥៧.៤៤០ ដុល្លារអាមេរិក និងអត្រាមរណភាព ២៦.៨ នាក់ក្នុងចំណោមអ្នកបើកបរ ១០០.០០០ នាក់។ នេះត្រូវបានចាត់ទុកថាជាការងារដ៏លំបាកមួយ ជារឿយៗក្នុងគ្រោះថ្នាក់ ប្រាក់ខែអាចសមរម្យ ឬមិនសមរម្យអាស្រ័យលើម្ចាស់ ឬអ្នកបើកបរ។

ការងារដែលមានគ្រោះថ្នាក់បំផុតទី៣គឺជាងដំបូល ដែលមានប្រាក់ខែមធ្យម ៥០,៩៧០ ដុល្លារ និងអត្រាមរណភាព ៥១.៨ នាក់ក្នុងចំណោមកម្មករ ១០០,០០០ នាក់។ ជាងដំបូលច្រើនតែជាប់ពាក់ព័ន្ធនឹងគ្រោះថ្នាក់ធ្ងន់ធ្ងរ ហើយប្រាក់ខែនេះ មិនគ្រាន់តែទូទាត់សងសម្រាប់ហានិភ័យនៃការដួល គ្រោះថ្នាក់ដល់អាយុជីវិត ឬរបួសដែលបញ្ចប់អាជីពនោះទេ។

នៅក្នុងចំណាត់ថ្នាក់ទី២គឺកម្មករកាប់ឈើ ដែលមានប្រាក់ខែមធ្យម ៤៩,៥៤០ ដុល្លារ។ ការងារនេះតម្រូវឲ្យធ្វើការជាមួយម៉ាស៊ីនកាត់ឈើ និងគ្រឿងចក្រធុនធ្ងន់ដើម្បីដឹកជញ្ជូនឈើនៅក្នុងព្រៃជ្រៅ ត្រូវការកម្លាំងរាងកាយខ្ពស់ ធ្វើការក្នុងស្ថានភាពអាកាសធាតុដែលមិនអាចទាយទុកជាមុនបាន និងដីអាក្រក់។

អត្រាមរណភាពនៃវិជ្ជាជីវៈនេះគឺ ៩៨.៩ ក្នុងចំណោមមនុស្ស ១០០,០០០ នាក់ ដែលខ្ពស់ជាងមធ្យមភាគនៃការងារទាំងអស់នៅអាមេរិក ៣០ដង ស្ទើរតែទ្វេដងនៃការងារណាមួយនៅក្នុងកំពូលទាំង ១០។ អ្នកសង្កេតការណ៍វាយតម្លៃថា ប្រាក់បៀវត្សរ៍មិនស៊ីគ្នានឹងកម្រិតគ្រោះថ្នាក់ដែលវិជ្ជាជីវៈនេះនាំមកនោះទេ។

នៅកំពូលនៃចំណាត់ថ្នាក់គឺកម្មករប្រមូលសំរាម ដែលមានអត្រាមរណភាពខ្ពស់បំផុត គឺ ៤១.៤ ក្នុងចំណោមកម្មករ ១០០,០០០នាក់ ប៉ុន្តែមានប្រាក់ខែមធ្យមទាបបំផុត ប្រហែល ៤៨,៣៥០ដុល្លារក្នុងមួយឆ្នាំ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ចិន បង្ហោះទិដ្ឋភាពទីក្រុងតៃប៉ិ ក្នុងន័យបញ្ចាក់ថា តៃវ៉ាន់ជាទឹកដីរបស់ខ្លួន

The post ការងារដ៏គ្រោះថ្នាក់បំផុតនៅ អាមេរិក តែទទួលបានប្រាក់ឈ្នួលទាបបំផុត appeared first on Kampuchea Thmey Daily.

កម្មវិធីនេះបានប្រព្រឹត្តទៅមានការអញ្ជើញចូលរួមពីសំណាក់ លោកអភិបាលរងខេត្ត លោកប្រធានមន្ទីរ/អង្គភាពពាក់ព័ន្ធនានាក្នុងខេត្ត អាជ្ញាធរពាក់ព័ន្ធ តំណាងក្រុមហ៊ុនក្នុងខេត្ត ចំនួន៩ ព្រមទាំងបងប្អូនប្រជាពលរដ្ឋ និងពលករដែលទើបវិលមកពីប្រទេសថៃ ចូល រួមសរុបប្រមាណចំនួន ៧៦៤នាក់ ស្រី២៣៦នាក់។

ក្នុងឱកាសនេះ អភិបាលខេត្តបានសំណូមពរដល់ពលករខ្មែរដែលទើបត្រលប់មកពីប្រទេសថៃ ត្រូវខិតខំធ្វើការនៅក្នុងប្រទេសរបស់យេីង ដើម្បីជួយគ្រួសារ និងសង្គមសេដ្ឋកិច្ចជាតិឱ្យកាន់តែប្រសើរឡេីង ព្រោះថាការងារនៅកម្ពុជា ក៏ដូចជានៅខេត្តស្វាយរៀង មិនខ្វះទេឱកាសធ្វេីការងារព្រោះតំបន់សេដ្ឋកិច្ចឧស្សាហកម្មជាច្រេីនកំពុងត្រូវការកម្លាំងពលកម្ម និងទទួលបានអត្ថប្រយោជន៍ច្រើនជាងធ្វើការនៅប្រទេសថៃ ដែលទទួលរង នូវការម៉ាក់ងាយពីថៅកែថៃនិងក្រុមជ្រុលនិយមមួយចំនួនរបស់គេផងដែរ។

លោក បន្តថា វេទិការនេះមានគោលបំណងសំខាន់ៗ ជាច្រេីន ទៅលេីការអនុវត្តគោលនយោបាយរបស់រាជរដ្ឋាភិបាល ក្នុងការជួយគាំទ្រពលករដែលវិលត្រលប់ពីប្រទេសថៃក្នុងការទទួលបានឱកាសការងារសំដៅបង្កើនអត្រាអ្នកមានការងារធ្វើនៅតាមមូលដ្ឋាន និងការចូលរួមលើកស្ទួយជីវភាពប្រជាពលរដ្ឋឱ្យកាន់តែល្អប្រសើរឡើង និងគាំពារសហគ្រាសគ្រឹះស្ថាន ក្នុងស្រុក និងបរទេសតាមរយៈការផ្គត់ផ្គងកម្លាំងពលកម្មនិងជំនាញបង្ខិតសេវាជួយស្វែងរកការងារធ្វើឱ្យកាន់តែខិតជិតដល់ប្រជាពលរដ្ឋនៅតាមមូលដ្ឋានក្នុងនោះ ផ្សព្វផ្សាយព័ត៌មានឱកាសការងារ និងសម្ភាសការងារ នៅនឹងកន្លែងភ្លាមៗពីសំណាក់សហគ្រាស គ្រឹះស្ថានដែលមានតម្រូវការជ្រើសរើសកម្លាំងពលកម្ម និងផ្តល់ឱកាសដល់និយោជកដែលមានត ម្រូវការកម្លាំងពលកម្ម។ ជាមួយគ្នានេះ ផ្សព្វផ្សាយព័ត៌មានសិក្សារបស់វិទ្យាស្ថានពហុបច្ចេកទេសភូមិភាគតេជោសែនស្វាយរៀង របស់ក្រសួងការងារ និងបណ្ដុះបណ្ដាលវិជ្ជាជីវៈ ផ្សព្វផ្សាយពីឱកាសអាហារូបករណ៍ វគ្គអប់រំបណ្ដុះបណ្ដាលជំនាញវិជ្ជាជីវៈ និងបច្ចេកទេស និងចុះឈ្មោះយុវជនមកពីក្រុមគ្រួសារក្រីក្រ និងងាយរងហានិភ័យចំនួន ១លាន៥សែននាក់។

លោក បន្ថែមទៀតថា ទីភ្នាក់ងារជាតិមុខរបរ និងការងារ នៃក្រសួងការងារ បណ្តុះបណ្តាលវិជ្ជាជីវៈ នាពេលនេះ បានផ្តល់ឱកាសការងារយ៉ាងច្រេីនជូនប្រជាពលរដ្ឋ ជាពិសេសបងប្អូនពលករខ្មែរ ដែលទើបត្រឡប់មកពីប្រទេសថៃ ឱ្យទទួលបានការងារភ្លាមៗពីក្រុមហ៊ុនក្នុងខេត្តស្វាយរៀងនៅទីនេះ មានចំនួន៩ ដែលកំពុងមានតម្រូវការកម្លាំងពលកម្មចំនួន៤,០២២កន្លែង ទន្ទឹមនេះចំពោះប្រាក់ចំណូលដែលទទួលបានបើប្រៀបធៀបនឹងការទៅធ្វើការនៅប្រទេសថៃ គឺប្រហាក់ប្រហែលគ្នា ប៉ុន្តែការធ្វើការងារនៅប្រទេសថៃគ្មានសុវត្ថិភាព ហើយនៅឆ្ងាយពីស្រុកកំណើត ឆ្ងាយពីឪពុកម្ដាយទៀតផង៕

ដោយ៖ ភក្ដី

The post ខេត្តស្វាយរៀង រៀបចំយុទ្ធនាការវេទិកាការងារ នៅវិទ្យាស្ថានពហុបច្ចេកទេសភូមិភាគ តេជោសែនស្វាយរៀង appeared first on Kampuchea Thmey Daily.

ការ​បើក​​វេទិកា​​ការ​ងារ​​នេះ ធ្វើ​ឡើង​​ក្នុង​​គោល​​បំណង​ផ្តល់​​ឱកាស​ការ​ងារ​​ជូន​​ប​ង​​ប្អូន​​ប្រជា​ពល​​រដ្ឋ ​និង​​ពលករ​ខ្មែរ ​ដែល​​ទើប​​វិល​ត្រឡប់​មក​​ពី​ប្រទេ​ស​​​ថៃ​​មក​​ចូល​​រួម​ចំនួន ២៧៧នា​ក់ និង​មានអ្នក​ទទួល​បានឱ​កាសកា​រងារ​ភ្លាមៗ​ជិត ៨០នាក់​ពី​ក្រុម​ហ៊ុនធំៗ​ដែល​កំពុង​មាន​តម្រូវ​ការ​កម្លាំង​ពល​កម្ម​។

លើសពី​នេះ មន្រ្តី​ក្រសួ​ង ក៏បាន​ផ្សព្វ​ផ្សាយ​អំពី​អត្ថ​ប្រយោ​ជន៍​នៃ​របប​សន្តិ​សុខ​សង្គម និង​ការ​អប់រំ​បណ្ដុះ​បណ្ដា​ល​បច្ចេក​ទេ​ស និង​វិជ្ជា​ជីវៈ ដល់​បង​ប្អូន​ប្រជា​ពល​រដ្ឋ ជាពិ​សេស បង​ប្អូន​ពលករ​ខ្មែរ​ដែល​ទើប​ត្រឡប់​មក​ពីប្រ​ទេស​ថៃ​៕

The post ក្រសួងការងារ​ យ​​ក​​ឱកាស​ការ​ងារ ​១៦០​កន្លែង​​​ទៅ​ផ្ស​​ព្វ​ផ្សា​យ​​ជូន​​ប្រជា​ពល​រដ្ឋ និង​​ពលករ​ខ្មែរ​​ទើប​ត្រឡប់​មក​ពីប្រទេ​សថៃ នៅក្នុង​ខេត្ត​តា​កែវ appeared first on Kampuchea Thmey Daily.

តាមការចុះផ្សាយរបស់ Bangkok Post នៅថ្ងៃចន្ទទី១៦ខែមិថុនាឆ្នាំ២០២៥ ការបង្ក្រាបនេះត្រូវបានបញ្ជាដោយរដ្ឋមន្ត្រីក្រសួងការងារ Phiphat Ratchakitprakarn ដែលបង្គាប់ឲ្យភ្នាក់ងារនានាត្រូវតែសហការគ្នាដើម្បីការពារឲ្យបាននូវការងារដែលទុកឲ្យពលរដ្ឋថៃធ្វើ។

ជុំវិញបញ្ហានេះអ្នកនាំពាក្យក្រសួង លោក Phumphat Muanchan បានបញ្ជាក់ថា ក្រសួងនឹងធ្វើការជាមួយប៉ូលិសនិងមន្ទីរការងារ ដើម្បីស្វែងរក ផាកពិន័យ និងធ្វើមាតុភូមិនិវត្តន៍ពលករខុសច្បាប់។

ការបង្ក្រាបនេះធ្វើឡើងបន្ទាប់ពីក្រសួង ចាប់ខ្លួនមនុស្សជាង ៤ ៤០០នាក់ដោយសារល្មើសច្បាប់ ក្នុងរយៈពេល៩ខែមកនេះ។ ចាប់ពីថ្ងៃទី១ខែតុលាឆ្នាំ២០២៤ដល់ថ្ងៃទី១៣ខែមិថុនាឆ្នាំ២០២៥ ជនបរទេសចំនួន ៤ ៤៣៧នាក់ ត្រូវបានរកឃើញថា ប្រកបមុខរបរដែលហាមឃាត់យ៉ាងតឹងរ៉ឹងសម្រាប់ជនបរទេស ដូចជាអ្នកលក់ដូរ ជាងកាត់សក់ អ្នកម៉ាស្សាបែបប្រពៃណី លេខា និងអ្នកបើកបរ ហើយក្នុង​នោះ​ក្រសួង​បាន​ដាក់​ការ​ចោទ​ប្រកាន់​តាម​ផ្លូវ​ច្បាប់​ប្រឆាំង​នឹងមនុស្សចំនួន ៤១៧នាក់។

សូមជម្រាបថា មានការងារចំនួន២៧ ដែលថៃទុកសម្រាប់តែប្រជាជនខ្លួនធ្វើប៉ុណ្ណោះ ដូចជា៖

1. ជាងចម្លាក់ឈើ
2. អ្នកបើកបរដឹកជញ្ជូនសាធារណៈ
3. អ្នកធ្វើការងារខាងដេញថ្លៃ
4. អ្នកកាត់ត្បូង
5. ជាងកាត់សក់
6. អ្នកត្បាញក្រណាត់
7. អ្នកត្បាញកន្ទេល
8. អ្នកធ្វើក្រដាសខ្ចប់
9. ម្នាងសិលា
10. អ្នកផលិតឧបករណ៍ភ្លេងថៃ
11. អ្នកធ្វើនីឡូវែរ
12. ជាងមាស ប្រាក់ និងស្ពាន់
13. ការងារធ្វើពីលង្ហិនប៉ូលា
14. អ្នកធ្វើតុក្កតាថៃ
15. អ្នកធ្វើបាត្រលោក
16. អ្នកត្បាញក្រណាត់សូត្រធ្វើដោយដៃ
17. ជាងចម្លាក់ព្រះពុទ្ធរូប
18. អ្នកធ្វើឆ័ត្រក្រដាសប្រពៃណី
19. ភ្នាក់ងារឈ្មួញកណ្តាល
20. អ្នកធ្វើការងារម៉ាស្សាបែបប្រពៃណីថៃ
21. អ្នកមូរបារី
22. មគ្គុទេសក៍ទេសចរណ៍
23. អ្នកដើរលក់របស់កំប៉ិកកំប៉ុក
24. អ្នកវាយអក្សរ
25. អ្នកក្រងខ្សែអំបោះ
26. លេខា
27. អ្នកផ្តល់សេវាដោះស្រាយវិវាទ

អត្ថបទ៖ សុខ សុវណ្ណ

ចុចអាន៖ ក្រសួង​ការងារ ៖ ​សូម​កុំ​បារម្ភ​ ឱកាស​ការងារ​នៅ​កម្ពុជា​រាប់សិបម៉ឺន​កន្លែង​កំពុង​រង់​ចាំ​បងប្អូន​ខ្មែរ​មក​ពី​ថៃ

The post ថៃ ចាប់ផ្តើមបង្ក្រាបលើពលករនិងជនបរទេស ដែលលួចការងារពលរដ្ឋខ្លួនធ្វើ appeared first on Kampuchea Thmey Daily.

រាជរដ្ឋាភិបាល​កម្ពុជា​បាន​កំណត់​យក​ថ្ងៃ​ទី​១៥ ​ខែ​មិថុនា​ជា​រៀង​រាល់​ឆ្នាំ​សម្រាប់​ប្រារព្ធទិវា​ជាតិ​អប់​រំ​បណ្តុះ​បណ្តាល ​បច្ចេកទេស ​និង​វិជ្ជាជីវៈ​ ក្នុង​គោល​បំណង​ដើម្បី​លើក​កម្ពស់​ការ​អប់រំ​បណ្តុះ​បណ្តាល​បច្ចេកទេស និងវិជ្ជាជីវៈ ​និង​ធ្វើ​ការ​ផ្សព្វផ្សាយ​ទៅ​ដល់​សិស្សានុសិស្ស និស្សិត យុវជន ​មាតាបិតា អាណាព្យាបាល​ និង​វិស័យឯកជន​ឱ្យ​បាន​យល់អំពីសារៈ​សំខាន់​នៃ​«ការ​អប់រំ​បណ្តុះបណ្តាល​បច្ចេកទេស ​និង​វិជ្ជាជីវៈ (Technical​ Vocational Education and Training) ហៅ​ថា ​ធីវេត (TVET)» ក្នុង​ការ​ជំរុញ​ការ​បណ្តុះបណ្តាល​កម្លាំង​ពលកម្ម​ជំនាញ ​ប្រកប​ដោយ​គុណភាព និង​ប្រសិទ្ធភាព​ឱ្យ​ឆ្លើយ​តប​ទៅ​នឹង​តម្រូវ​ការ​ទីផ្សារ​ការងារ​ទាំង​ក្នុង​ និង​ក្រៅ​ប្រទេស។ ​នេះ​បើ​យោង​តាម​សារាចរ​ណែ​នាំ​​របស់​រាជរដ្ឋាភិបាល​ចុះ​ថ្ងៃ​ទី​ ២៣ ​ខែ​ឧសភា​​ ឆ្នាំ​២០២៥​។​

សារាចរ​ណែ​នាំ​របស់​រាជរដ្ឋាភិបាល​បាន​ឱ្យ​ដឹង​ថា ​ទិវា​ជាតិ​នេះ​ស្រប​តាម​យុទ្ធសាស្ត្រ​បញ្ចកោណ​ ដំណាក់​កាល​ទី១ ​ដែល​បាន​កំណត់​យក​អាទិភាព​គន្លឹះ​ទី​១ ​គឺ​មនុស្ស​ ដោយ​បាន​ផ្តោត​សំខាន់​ លើ​ការ​កសាង ​និង​អភិវឌ្ឍ​មូល​ធនមនុស្ស​ប្រកប​ដោយ​គុណភាព សមត្ថភាព ជំនាញ​វិជ្ជាជីវៈ​ច្បាស់​លាស់​ គំនិត​ច្នៃ​ប្រឌិត និង​ភាព​ប្រកួត​ប្រជែង​ខ្ពស់ ​ដើម្បី​សម្រេច​ឱ្យ​បាន​នូវ​គោល​ដៅ​ «ពលរដ្ឋម្នាក់​មាន​ជំនាញ​មួ​យ​យ៉ាង​តិច​ប្រចាំ​ជីវិ​ត»​។

កម្មវិធី​នេះ​នឹង​ប្រារព្ធ​ ក្រោម​អធិបតីភាព​របស់​ឯកឧត្តមបណ្ឌិតសភាចារ្យ ហង់ជួន ណារ៉ុន​ ឧបនាយក​រដ្ឋមន្ត្រី រដ្ឋមន្ត្រីក្រសួង អប់រំ យុវជន​ និង​កីឡា តំណាង​ដ៏ខ្ពង់​ខ្ពស់​សម្តេចមហាបវរធិបតី ហ៊ុន ម៉ាណែត ​នាយករដ្ឋមន្ត្រី​ នៃ​ព្រះរាជាណាចក្រកម្ពុជា​៕​

The post ទិវា​ជាតិ​អប់រំ​បណ្ដុះ​បណ្ដាល​បច្ចេកទេស ​និង​វិជ្ជាជីវៈ​លើក​ទី​៨ ​ឆ្នាំ​២០២៥​ នឹង​ប្រារព្ធ​ទូទាំង​ប្រទេស​នៅ​ថ្ងៃ​ស្អែក​នេះ appeared first on Kampuchea Thmey Daily.