ការងូតទឹក Archives - Kampuchea Thmey Daily

តើការងូតទឹកពេលព្រឹកឬយប់ មួយណាល្អសម្រាប់សុខភាព?

សាង ស្រីល័ក្ខ — Thu, 01 Feb 2024 00:45:00 +0000

មនុស្សគ្រប់រូបមានទម្លាប់ងូតទឹកនៅពេលវេលាខុសៗគ្នានៃថ្ងៃនីមួយៗ។ ប៉ុន្តែតើអ្នកដឹងទេថា ពេលណាដែលល្អបំផុតក្នុងការងូតទឹកដើម្បីសុខភាព? ខាងក្រោមនេះគឺជាការពន្យល់របស់លោកវេជ្ជបណ្ឌិតជាច្រើនទាក់ទិននឹងការងូតទឹក។

ការងូតទឹកគឺជាសកម្មភាពដែលយើងធ្វើជារៀងរាល់ថ្ងៃ ដោយជួយយើងកម្ចាត់បាក់តេរី ភាពកខ្វក់ ញើស និងកោសិកាស្បែកដែលងាប់ចេញពីរាងកាយ។ យ៉ាងណាមិញ មនុស្សជាច្រើននៅតែងឿងឆ្ងល់ថា តើការងូតទឹកពេលព្រឹក ឬពេលយប់ល្អចំពោះសុខភាពរបស់ពួកគេឬយ៉ាងណា?

គ្រូពេទ្យជំនាញខាងសើស្បែក Alok Vij ធ្វើការនៅមជ្ឈមណ្ឌលវេជ្ជសាស្ត្រ Cleveland Clinic សហរដ្ឋអាមេរិក បាននិយាយថា ការងូតទឹកពេលព្រឹក និងការងូតទឹកពេលល្ងាច សុទ្ធតែមានអត្ថប្រយោជន៍ដល់សុខភាពរៀងៗខ្លួន។

អត្ថប្រយោជន៍នៃការងូតទឹកពេលព្រឹក

១ ជួយអ្នកឲ្យស្វាងស្មារតី

ការងូតទឹកនៅពេលព្រឹកជួយឲ្យរាងកាយភ្ញាក់ឡើង និងជួយឲ្យមនុស្សមានអារម្មណ៍ប្រុងប្រយ័ត្ន។ អ្នកជំនាញ Vij បាននិយាយថា “ខ្ញុំងូតទឹកនៅពេលព្រឹកដើម្បីឲ្យរាងកាយមានការប្រុងប្រយ័ត្ន និងចាប់ផ្តើមថ្ងៃថ្មីជាមួយនឹងរាងកាយស្អាត។ នេះជួយឲ្យខ្ញុំមានអារម្មណ៍សុខស្រួល និងធូរស្រាលជាងមុន”។

២ កម្ចាត់ជាតិខាញ់ចេញពីសក់

ស្បែកក្បាលរបស់យើងអាចបញ្ចេញជាតិប្រេងបន្ទាប់ពីធ្វើការ និងរស់នៅមួយថ្ងៃ។ វេជ្ជបណ្ឌិត Vij ពន្យល់ថា “នៅពេលអ្នកគេង ស្បែកក្បាលរបស់អ្នកប៉ះនឹងខ្នើយ ប្រេង និងសម្ពាធនៃការដេកដែលអាចធ្វើឲ្យសក់របស់អ្នកមានជាតិខាញ់ និងពិបាកក្នុងការធ្វើរចនាប័ទ្ម។ ដូច្នេះការងូត និងកក់សក់នៅពេលព្រឹក នឹងជួយអ្នកកម្ចាត់ជាតិខ្លាញ់ចេញពីសក់របស់ពួកគេ ជួយសម្អាតស្បែកក្បាល និងធ្វើឲ្យសក់ទន់រលោង។

អត្ថប្រយោជន៍នៃការងូតទឹកពេលយប់

១ មានប្រយោជន៍សម្រាប់ការគេង

វេជ្ជបណ្ឌិត Jason Singh ដែលធ្វើការនៅចក្រភពអង់គ្លេសពន្យល់ថា ការងូតទឹកក្តៅប្រហែល ៤០-៤២អង្សាសេ នឹងជួយជំរុញការបញ្ចេញអរម៉ូន Melatonin ដែលជាអរម៉ូនដែលជួយគ្រប់គ្រងនាឡិកាជីវសាស្រ្ត និងការគេង។ នេះជួយឲ្យអ្នកមានគុណភាពដំណេកកាន់តែប្រសើរ។

២ កាត់បន្ថយការឈឺចាប់សាច់ដុំ និងរមួលក្រពើ

ការងូតទឹកក្តៅឧណ្ហៗនៅពេលល្ងាច អាចជួយកាត់បន្ថយការឈឺចាប់ និងភាពតានតឹងសាច់ដុំ បន្ទាប់ពីធ្វើការពេញមួយថ្ងៃ។ ការងូតទឹកក្តៅនៅពេលល្ងាច ក៏អាចការពារការរមួលក្រពើនៅពេលយប់ផងដែរ។

៣ កាត់បន្ថយហានិភ័យនៃជំងឺស្បែក

ការងូតទឹកមុនចូលគេង នឹងជួយកម្ចាត់បាក់តេរី និងមេរោគដែលមាននៅលើរាងកាយ និងសក់ រក្សាស្បែកស្អាត និងត្រជាក់។ ស្បែកបង្កើតឡើងវិញនៅពេលយើងគេង ដូច្នេះការងូតទឹកនៅពេលយប់ជួយឲ្យស្បែកស្អាត មានប្រយោជន៍សម្រាប់ដំណើរការបង្កើតកោសិកាស្បែកថ្មី ការពារមុន ឬជំងឺស្បែកផ្សេងៗ។

៤ ការពារអាឡ័កស៊ី

ការងូតទឹកពេលល្ងាចជួយកម្ចាត់អាឡ័កស៊ី ដូចជាលំអង និងធូលីដែលជាប់ស្បែក និងសំលៀកបំពាក់ បន្ទាប់ពីធ្វើការនៅខាងក្រៅមួយថ្ងៃ ដោយហេតុនេះជួយកាត់បន្ថយហានិភ័យនៃអាឡ័កស៊ី។

ងូតទឹកពេលព្រឹក ឬពេលយប់ មានប្រយោជន៍ជាង?

ការងូតទឹកពេលព្រឹក និងការងូតទឹកនៅពេលល្ងាចនាំមកនូវអត្ថប្រយោជន៍មួយចំនួន។ ទោះជាយ៉ាងណាក៏ដោយ ការជ្រើសរើសរវាង ពេលព្រឹក និងពេលល្ងាចក៏អាស្រ័យលើតម្រូវការផ្ទាល់ខ្លួន និងគោលដៅសុខភាពរបស់មនុស្សម្នាក់ៗផងដែរ។

ប្រសិនបើអ្នកចង់ចាប់ផ្តើមថ្ងៃរបស់អ្នកពោរពេញដោយថាមពល និងស្មារតីស្រស់ស្រាយ ការងូតទឹកពេលព្រឹកអាចជាជម្រើសដ៏ត្រឹមត្រូវ។ ផ្ទុយទៅវិញ ប្រសិនបើអ្នកចង់សម្រាកលំហែកាយបន្ទាប់ពីពេញមួយថ្ងៃ ហើយចង់បានដំណេកល្អនោះ សូមជ្រើសរើសការងូតទឹកពេលយប់។

លោកវេជ្ជបណ្ឌិត Vij ក៏បានកត់សម្គាល់ ៣ចំណុចទៀតថា ពេលងូតទឹក មិនថាពេលព្រឹក ឬពេលយប់ មនុស្សគួរងូតទឹកត្រឹមតែ ៥-១០ នាទីប៉ុណ្ណោះ ចៀសវាងការត្រាំក្រោមម៉ាស៊ីនយូរពេក ជាពិសេសអាកាសធាតុត្រជាក់ អាចធ្វើឲ្យផ្តាសាយ ប៉ះពាល់ដល់សុខភាព។

អ្នកជំនាញរូបនេះបានបន្ថែមថា មនុស្សក៏គួរប្រើទឹកក្តៅជំនួសទឹកក្តៅឬត្រជាក់ដែរ។ ជាចុងក្រោយ នៅពេលងូតទឹក អ្នកអាចប្រើជែលផ្កាឈូកទន់ៗ ដើម្បីបង្កើនប្រសិទ្ធភាពនៃការលាងសម្អាតរាងកាយបានយ៉ាងល្អប្រសើរ៕

អត្ថបទ៖ សាង ស្រីល័ក្ខ

ចុចអាន៖បិទគម្របបង្គន់ពេលចុចទឹក មិនបានបញ្ឈប់ការរីករាលដាលមេរោគឡើយ

The post តើការងូតទឹកពេលព្រឹកឬយប់ មួយណាល្អសម្រាប់សុខភាព? appeared first on Kampuchea Thmey Daily.

គន្លឹះងូតទឹក ៤ យ៉ាង ជួយរក្សាស្បែកមានសុខភាពល្អ និងចៀសឆ្ងាយពីជំងឺផ្ដាសាយ

សាង ស្រីល័ក្ខ — Tue, 12 Jul 2022 02:10:13 +0000

សូម្បីតែការងូតទឹក ក៏នឹងធ្វើឲ្យសុខភាពរាងកាយស្រស់ស្រាយដែរ។ ជាពិសេស ជួយលាងសម្អាតជាតិពុល ក៏ដូចជាធ្វើឲ្យរាងកាយមានអារម្មណ៍ធូរស្រាល រួមជាមួយនឹងការកាត់បន្ថយភាពតានតឹង។

ទន្ទឹមនោះ ការងូតទឹករួមចំណែកដល់ជំងឺផ្តាសាយ តែពេលខ្លះវាក៏អាចប៉ះពាល់អវិជ្ជមានដល់សុខភាពស្បែករបស់មនុស្សគ្រប់រូបផង។ ថ្ងៃនេះ យើងខ្ញុំសូមនាំមកជូនអ្នកនូវវិធីងូតទឹកចំនួន ៤ ដែលជួយឲ្យស្បែកស្អាត និងមានសុខភាពល្អ ហើយជួយជៀសផុតពីជំងឺផ្ដាសាយ។

១ លៃតម្រូវសីតុណ្ហភាពទឹកឲ្យសមស្រប

ការងូតទឹកដែលរក្សាស្បែកឲ្យមានសុខភាពល្អ ស្រស់ស្អាត និងការពារជំងឺផ្តាសាយ ត្រូវតែគណនីសីតុណ្ហភាពទឹកសមប្រហែល ៣៧-៤០ដឺក្រេ។ ការងូតទឹកដោយទឹកក្ដៅពេក មិនត្រូវបានណែនាំទេ។ ព្រោះវានឹងប៉ះពាល់យ៉ាងធ្ងន់ធ្ងរដល់ស្រទាប់ខាងក្រៅនៃស្បែក ដែលបណ្ដាលឲ្យស្ងួត ហើយក៏បំផ្លាញកោសិកាស្បែក។ ទោះបីជាវាធ្វើឲ្យអ្នកមានអារម្មណ៍ត្រជាក់ និងស្រស់ស្រាយក៏ដោយ។ ប៉ុន្តែវាអាចបង្កឲ្យមានបញ្ហាឈាមរត់បាន ដោយសារតែសីតុណ្ហភាពរាងកាយផ្លាស់ប្ដូរយ៉ាងឆាប់រហ័ស នេះអាចបណ្តាលឲ្យមានការភ្ញាក់ផ្អើល និងបាត់បង់ស្មារតី។

២ កុំងូតទឹកញឹកញាប់ពេក

ការងូតទឹកញឹកញាប់ពេក មិនមែនជាដំណោះស្រាយល្អទេ។ ព្រោះការងូតទឹកញឹកញាប់ នឹងធ្វើឲ្យស្បែកស្ងួត ឬបណ្ដាលឲ្យខ្វះជាតិសំណើមនៅក្នុងស្បែក ដែលនៅពេលស្បែកស្ងួតខ្លាំង លទ្ធផលគឺមានស្នាមប្រេះ ស្បែកឡើងក្រហម រមាស់ និងខ្វះការបត់បែន។ យ៉ាងណាមិញ ការងូតទឹកតែពីរដងក្នុងមួយថ្ងៃពេលព្រឹកនិងពេលល្ងាច និងរាល់ពេលបន្ទាប់ពីងូតទឹក គួរលាបក្រែមថែរក្សាស្បែក ឬជាតិសំណើម ដើម្បីការពារស្បែកស្ងួតរាល់ពេលវាល្អសម្រាប់សុខភាពស្បែក។

៣ ចៀសវាងការងូតទឹកភ្លាមៗបន្ទាប់ពីញ៉ាំអាហាររួច មូលហេតុដែលគេមិនណែនាំឲ្យងូតទឹកក្រោយពេលញ៉ាំអាហារភ្លាមៗ ពីព្រោះវាប៉ះពាល់ដល់ប្រព័ន្ធរំលាយអាហារ ។ ព្រោះពេលយើងងូតទឹក សរសៃឈាមនៅតំបន់ស្បែកនឹងរីកធំ ហើយធ្វើឲ្យឈាមច្រើនរាលដាលទៅតំបន់ស្បែក ។ ដូច្នេះការផ្គត់ផ្គង់ឈាមទៅសរីរាង្គដែលប្រើសម្រាប់ការរំលាយអាហារ និងការស្រូបយកសារធាតុចិញ្ចឹមមានតិច រួមទាំងការងូតទឹកភ្លាមៗ បន្ទាប់ពីការហាត់ប្រាណ ឬផឹកស្រា ក៏មិនត្រូវបានណែនាំទេ។ ដែលទាំងនេះ អាចបណ្ដាលឲ្យវិលមុខ បាត់បង់ថាមពល ហៀរសំបោរ និងបាត់បង់ស្មារតី។

៤ ចៀសវាងការងូតទឹកនៅពេលយប់ ព្រោះយប់ជ្រៅ អាកាសធាតុនឹងចាប់ផ្ដើមចុះត្រជាក់។ ប្រសិនបើអ្នកងូតទឹកក្នុងអំឡុងពេលនេះ អ្នកអាចផ្តាសាយបានយ៉ាងងាយ។ វាមិនខុសពីការហាមមិនឲ្យងូតទឹកក្រោមកម្ដៅថ្ងៃនោះទេ។ ព្រោះវានឹងធ្វើឲ្យសីតុណ្ហភាពក្នុងខ្លួនប្រែប្រួលយ៉ាងឆាប់រហ័ស និងអាចបណ្ដាលឲ្យ ischemia បេះដូងនិងខួរក្បាល ជាពិសេសអ្នកដែលមានជំងឺមូលដ្ឋានដូចជា ជំងឺបេះដូង ជំងឺលើសឈាម ឬសម្ពាធឈាមទាប ត្រូវប្រុងប្រយ័ត្នជាពិសេសនៅពេលងូតទឹកក្នុងអាកាសធាតុត្រជាក់ ឬក្តៅខ្លាំង។

សម្រាប់អ្នកដែលចូលចិត្តងូតទឹក ជាប្រកាមួយល្អនិងត្រូវបានគេចាត់ទុកជា វិធីធ្វើឲ្យរាងកាយស្អាត និងជួយឲ្យមានអារម្មណ៍ស្រស់ស្រាយ។ ប៉ុន្តែគួរយកចិត្តទុកដាក់លើពេលងូតទឹកផងដែរ ដើម្បីកុំឲ្យមានផលប៉ះពាល់ដល់សុខភាពខ្លួនឯង៕

ប្រែសម្រួល៖ សាង ស្រីល័ក្ខ

ចុចអាន៖មនុស្សទម្លាប់ខ្ជិលងូតទឹក គឺមានហេតុផល ៦ យ៉ាងនេះក្នុងខ្លួន

ចុចអាន៖មកដឹងពីអយស្ទ័រធំបំផុត លើពិភពលោក

The post គន្លឹះងូតទឹក ៤ យ៉ាង ជួយរក្សាស្បែកមានសុខភាពល្អ និងចៀសឆ្ងាយពីជំងឺផ្ដាសាយ appeared first on Kampuchea Thmey Daily.

មនុស្សទម្លាប់ខ្ជិលងូតទឹក គឺមានហេតុផល ៦ យ៉ាងនេះក្នុងខ្លួន

សាង ស្រីល័ក្ខ — Wed, 22 Jun 2022 08:25:46 +0000

ជាធម្មតាយើងងូតទឹកយ៉ាងហោចណាស់ ២ដងក្នុងមួយថ្ងៃ ដើម្បីរក្សាអនាម័យខ្លួនប្រាណឲ្យបានត្រឹមត្រូវ។ ប៉ុន្តែក្នុងនោះក៏មានមនុស្សខ្លះ ខ្ចិលសូម្បីងូតទឹកសម្អាតខ្លួន ជាពិសេសចំពោះអ្នកដែលរស់នៅម្នាក់ឯង មិនមានឪពុកម្ដាយឬអ្នកណាមកបង្ខំ ។

ទន្ទឹមនោះដែរ យើងខ្ញុំមានហេតុផល ៦ យ៉ាង សម្រាប់មនុស្សដែលកម្ជិលក្នុងការងូតទឹកសម្អាតខ្លួនប្រាណ។

១ ដោយសារតែខ្យល់ត្រជាក់ពេក

បើសិនខ្យល់ត្រជាក់មានកម្រិតខ្ពស់ នោះជាបញ្ហាធំសម្រាប់អ្នកដែលខ្ចិល ឬមិនចង់ងូតទឹកតែម្ដង។ ដូច្នេះអ្នកអាចប្រើទឹកក្ដៅឧណ្ហៗ ឬងូតទឹកនៅពេលព្រឹកបន្ទាប់ពីព្រះអាទិត្យឡើងខ្ពស់បន្តិច។ អ្នកក៏អាចហាត់ប្រាណ និងញ៉ាំអាហារពេលព្រឹកជាមុនសិន ដើម្បីឲ្យរាងកាយមានភាពកក់ក្តៅមុននឹងងូត។ ដូចគ្នាដែរ នៅពេលល្ងាច ការងូតទឹកមុនម៉ោង៥ល្ងាច គឺដើម្បីកុំឲ្យអ្នកត្រជាក់ខ្លាំង។

២ ដោយសារតែថ្ងៃសម្រាក

ថ្ងៃឈប់សម្រាក កាលវិភាគងូតទឹករបស់អ្នកក៏បិទដូចគ្នា។ តែយ៉ាងណាត្រូវចាំថា គោលដៅនៃការសម្អាតខ្លួនឯង គឺដើម្បីសុខភាព។ ដូច្នេះ ទោះមិនទៅណាក៏នៅតែងូតទឹកឲ្យទាន់ពេល។ សូម្បីតែនៅផ្ទះ ក៏មានញើសតិចតួចដែរ។ សូមកុំឲ្យក្លៀក ក្លាយជាកន្លែងបង្កាត់ពូជមេរោគឲ្យសោះ។

៣ មានអារម្មណ៍ថាមិនកខ្វក់រាងកាយ

ក្នុងបញ្ហាអនាម័យ និងសុខភាពរាងកាយ កុំប្រើអារម្មណ៍។ ព្រោះភាពកខ្វក់ដែលជាប់នឹងខ្លួន មិនអាចមើលឃើញនឹងភ្នែកទទេនោះទេ។ នៅពេលងូតទឹក អ្នកពឹងផ្អែកលើរាងកាយមានអារម្មណ៍ថាកខ្វក់ ឬនៅតែស្អាត យូរៗទៅអ្នកក្លាយជាមនុស្សងាយរងគ្រោះនឹងភាពកខ្វក់។

៤ គិតថាធម្មតា ទោះត្រលប់មកផ្ទះវិញ

មនុស្សខ្លះមានបំណងងូតទឹកនៅពេលយប់ ជិតចូលគេង។ មូលហេតុគឺ ពេលចូលគេងរាងកាយមានសភាពស្អាតល្អ មានអារម្មណ៍ត្រជាក់ និងងាយស្រួលគេងលក់ស្រួលរហូតដល់ព្រឹក។ ទោះបីជាហេតុផលហាក់ដូចជាត្រឹមត្រូវដោយ ក៏ទម្លាប់នេះអាចមានគ្រោះថ្នាក់ខ្លាំងណាស់។ មូលហេតុគឺក្រោយពីធ្វើសកម្មភាពក្រៅផ្ទះអស់មួយថ្ងៃ នៅពេលដែលដែលអ្នកវិលមកផ្ទះវិញ មានភាពកខ្វក់ និងមេរោគច្រើន។ ការលាងដៃ និងជើងតែមួយមុខមិនគ្រប់គ្រាន់ទេ។ ភាពកខ្វក់ និងមេរោគមាននៅលើសំលៀកបំពាក់ និងពាសពេញរាងកាយ។ ប្រសិនបើអ្នកគ្រាន់តែផ្លាស់ប្ដូរសំលៀកបំពាក់ ភាពកខ្វក់ និងមេរោគផ្លាស់ទីទៅសំលៀកបំពាក់។ អ្នកក៏អាចរាលដាលវាទៅគ្រប់ជ្រុងនៃផ្ទះ រួមទាំងនាំមកនូវគ្រោះថ្នាក់នៃការចម្លងជំងឺដល់សមាជិកគ្រួសារផងដែរ។

៥ ដោយសារតែប្រើទឹកអប់បន្លំ

ប្រេងក្រអូបច្រើនតែជាសារធាតុសំខាន់នៅពេលមនុស្សត្រូវធ្វើដំណើរ និងមិនមានពេលងូតទឹក។ ទោះជាយ៉ាងណាក៏ដោយ យកល្អគួរតែងូតទឹកជាមុនសិន។ សូម្បីតែក្លិនញើសដែលជាប់លើក្លិនទឹកអប់។ មិនថាទឹកអប់របស់អ្នកល្អប៉ុណ្ណាទេ ស្ថានភាពរាងកាយកខ្វក់នឹងធ្វើឲ្យក្លិនរបស់អ្នកកាន់តែអាក្រក់។

៦ ដោយសារតែអាកាសធាតុ

ពេលខ្លះអាកាសធាតុក្តៅ អ្នកនឹងបែកញើសម្តងទៀត ដូច្នេះបើទោះបីជាអ្នកខំរក្សាអនាម័យ និងសុខភាពរាងកាយក៏ដោយ។ វាជាការពិតដែលថា នៅថ្ងៃក្តៅសូម្បីតែបន្ទាប់ពីងូតទឹក អ្នកនឹងបែកញើសម្តងទៀត។ ទោះជាយ៉ាងណាក៏ដោយ ក្លិនដែលផលិតនឹងមានភាពខុសគ្នាខ្លាំង ជាងប្រសិនបើអ្នកពន្យារពេលងូតទឹក។ ជាមួយនឹងការងូតទឹក ញើស និងមេរោគត្រូវបានបាត់បង់។ ជាងនេះទៅទៀត អ្នកផ្លាស់ប្តូរទៅជាសម្លៀកបំពាក់ស្អាត ដែលស្រូបញើស ក្លិនខ្លួននឹងមិនមករកអ្នកទេ៕

ប្រែសម្រួល៖ សាង ស្រីល័ក្ខ

The post មនុស្សទម្លាប់ខ្ជិលងូតទឹក គឺមានហេតុផល ៦ យ៉ាងនេះក្នុងខ្លួន appeared first on Kampuchea Thmey Daily.

ការងូតទឹក Archives - Kampuchea Thmey Daily

តើ​ការ​ងូត​ទឹក​ពេល​ព្រឹកឬ​​យប់ មួយណា​ល្អ​សម្រាប់​សុខភាព​?

គន្លឹះងូតទឹក ៤ យ៉ាង ជួយរក្សាស្បែកមានសុខភាពល្អ និងចៀសឆ្ងាយពីជំងឺផ្ដាសាយ

មនុស្សទម្លាប់ខ្ជិលងូតទឹក គឺមានហេតុផល ៦ យ៉ាងនេះក្នុងខ្លួន

តើការងូតទឹកពេលព្រឹកឬយប់ មួយណាល្អសម្រាប់សុខភាព?