ថ្វីដ្បិតតែការសាក់មិនមែនជារឿងកម្រ និងជារឿងធម្មតានៅក្នុងប្រទេសជាច្រើនក៏ដោយ តែមានតែគ្រូពេទ្យជំនាញប៉ុណ្ណោះដែលត្រូវបានអនុញ្ញាតិឲ្យធ្វើការសាក់ដោយស្របច្បាប់ តាមដីការបស់តុលាការកំពូលក្នុងឆ្នាំ ១៩៩២។ ប៉ុន្តែបន្ទាប់ពីការអនុម័តច្បាប់ចាក់សាក់ដោយមហាសន្និបាត កាលពីថ្ងៃព្រហស្បតិ៍ទី ២៥ ខែកញ្ញា ឆ្នាំ ២០២៥ អ្នកជំនាញដែលមិនមែនជាពេទ្យ ដែលបង្កើតឧស្សាហកម្មភាគច្រើននឹងអាចទទួលបានអាជ្ញាប័ណ្ណស្របច្បាប់។

ត្រលប់ទៅឆ្នាំ ១៩៩២ អតិថិជនសាក់ដោយគ្មានអាជ្ញាប័ណ្ណវេជ្ជសាស្រ្ត អាចប្រឈមមុខនឹងការជាប់ពន្ធនាគាររហូតដល់៥ ឆ្នាំ និងពិន័យជាប្រាក់រហូតដល់៥០លានវ៉ុន (៣៥ ០០០ ដុល្លារ)។

នៅក្នុងពេលដែលស្ថិតិផ្លូវការថា អ្នកសាក់ប៉ុន្មាននាក់ត្រូវបានកាត់ទោសនោះទេ ប៉ុន្តែសហព័ន្ធសិល្បករសាក់កូរ៉េបានរាយការណ៍ថា ពួកគេបានផ្តល់ជំនួយផ្នែកច្បាប់ដល់សិល្បករសាក់ជាង ៥០ នាក់ក្នុងមួយឆ្នាំ ហើយវាត្រូវបានគេជឿថា មនុស្សជាច្រើនទៀតក៏រងការពិន័យនិងកាត់ទោសដូចគ្នាដែរ។

យ៉ាងណាក៏ដោយ មុនពេលច្បាប់ត្រូវបានអនុម័ត ការចាក់សាក់គឺខុសច្បាប់ទាំំងស្រុង។ សិល្បករសាក់រូបជាច្រើនត្រូវបានគេកំណត់គោលដៅជាមួយនឹងការគំរាមកំហែង និងរាយការណ៍ពីអតិថិជនដែលមិនពេញចិត្ត។ ជាពិសេស​ អ្នកជំនាញចាក់សាក់ខ្លះបានលួចលាក់បើកកន្លែងសាក់ក្រោមដី គេចពីការចាប់ខ្លួន ដោយសារតែនៅប្រទេសកូរ៉េខាងត្បូង គិតថា ការចាក់សាក់មានប្រវត្តិនៃការមាក់ងាយ និងជាប់ទាក់ទងនឹងឧក្រិដ្ឋកម្ម។ 

បន្ទាប់ពីច្បាប់ថ្មីដែលនឹងចូលជាធរមានក្នុងរយៈពេលពីរឆ្នាំ នឹងតម្រូវឲ្យអ្នកសាក់ត្រូវឆ្លងកាត់ការប្រឡងថ្នាក់ជាតិ ឆ្លងកាត់ការបណ្តុះបណ្តាលសុវត្ថិភាព និងអនាម័យ និងរក្សាកំណត់ត្រាលម្អិតផ្សេងៗ៕

អត្ថបទ៖ សាង ស្រីល័ក្ខ

ចុចអាន៖សុន្ទរកថាដំបូងនៅ UN លោក Lee ស្នើរំសាយអាវុធនុយក្លេអ៊ែរ ហើយថា «សន្តិភាព​ពិត គឺមិន​ប្រយុទ្ធគ្នា»

The post កូរ៉េខាងត្បូង​ អនុម័ត​ច្បាប់​ថ្មី ផ្ដល់សេរីភាពដល់អ្នកធ្វើ​សេវាកម្ម​ចាក់សាក់​មានសិទ្ធដូចគ្រូពេទ្យ appeared first on Kampuchea Thmey Daily.

Bruns បើកក្រុមហ៊ុន HYPRSKN ក្នុងខែមករា ឆ្នាំ ២០២២ មុនសហការជាមួយលោក McCurdy ដែលជាអ្នកចាក់សាក់ដ៏ល្បី ថែមទាំងធ្លាប់សាក់ឲ្យកំពូលតារាលំដាប់ពិភពលោកដូចជា Rihanna, Lebron James, Justin Bieber និង Adele ទៀតផង ។ ផលិតផលដំបូងរបស់ពួកគេគឺ “ទឹកថ្នាំវេទមន្ដ” ដែលមានតម្លៃ ១០០ ដុល្លារ សម្រាប់ចំណុះ ១៤,៧៨ មីលីលីត្រ ។

លោក John Swierk អ្នកគីមីវិទ្យានៅសាកលវិទ្យាល័យរដ្ឋ New York-Binghamton បានព្រមានថា “ប្រសិនបើនរណាម្នាក់សាក់ដោយប្រើ ទឹកថ្នាំវេទមន្ត ពួកគេត្រូវតែទទួលយកផលប៉ះពាល់ដែលមាននៅថ្ងៃអនាគត” ។

ក្រៅពីទឹកថ្នាំវេទមន្ត មានទឹកថ្នាំប្លែកៗជាច្រើនប្រភេទទៀតដូចជា ទឹកថ្នាំមានតួនាទីប្រាប់មនុស្សពីពេលត្រូវលាបឡេការពារកម្ដៅថ្ងៃដែលគេបានសាកល្បងក្នុងស្បែកជ្រូក  និងដើរតួជំនួសផលិតផលការពារកម្ដៅថ្ងៃផងដែរ ប៉ុន្តែមិនទាន់ប្រើការលើមនុស្សណាម្នាក់នៅឡើយទេ ។

លោក McCurdy បានឲ្យដឹងថា គាត់ចង់សហការជាមួយវិស្វករណាណូ ដោយសារការស្រលាញ់បច្ចេកវិទ្យា និងការបង្កើតថ្មី ។ ជាពិសេសនៅថ្ងៃខាងមុខ គាត់អាចនឹងបង្កើតទឹកថ្នាំសម្រាប់ប្រាប់មនុស្សពីជាតិស្ករក្នុងខ្លួនក៏ថាបាន ៕

ប្រែសម្រួល៖ វារី

ប្រភព៖ Dailymail

ចុចអាន៖ យុវជនខ្លះ ប្រាប់ថា មុនចាក់សាក់លើដងខ្លួន រូបគេបានសុំការអនុញ្ញាតពីឪពុកម្ដាយ

The post ទឹកថ្នាំសាក់ថ្មី អាចការពារមិនឲ្យអ្នកផ្ទះឃើញ និងមានពន្លឺតែពេលជប់លៀងប៉ុណ្ណោះ appeared first on Kampuchea Thmey Daily.

យុវជន លី សុខហេង អាយុ ២២ឆ្នាំ មានមុខរបរជាជាងកាត់សក់នៅផ្សារទួលសង្កែ បានប្រាប់កម្ពុជាថ្មីថា ខ្លួនជាមនុស្សម្នាក់ដែលស្រឡាញ់ការចាក់សាក់លើដងខ្លួន តាំងពីខ្លួនធំដឹងក្ដីមកម្លេះ ហើយមុនពេលចាក់សាក់នៅលើដងខ្លួន សុខហេង ក៏បានប្រាប់ និងសុំការអនុញ្ញាតពីឪពុកម្ដាយរបស់រួចហើយ ទើបសម្រេចចិត្តចាក់សាក់នៅកដៃ ដែលជារូបបែបអក្សរភ្លេង។

លោក សុខហេង បាននិយាយថា តាមគំនិតរបស់ខ្លួន ការចាក់សាក់នៅលើដងខ្លួន វាមិនទាស់ខុសអ្វីនោះទេ តែអ្វីដែលសំខាន់នោះគឺបុគ្គលផ្ទាល់ ត្រូវតែជាមនុស្សមានអត្តចរិតល្អ និងមានមុខរបររកស៊ីច្បាស់​លា​ស់ ប្រកបដោយសុចរិត ទើបមនុស្សជុំវិញខ្លួនសរសើរ និងផ្ដល់តម្លៃ។

សុខហេង និយាយទៀតថា «ប្រសិនបើចង់ឲ្យគេផ្ដល់តម្លៃដល់ខ្លួន ចូរធ្វើខ្លួនឲ្យមានតម្លៃជាមុនសិន ទោះបីមានស្នាមសាក់តែក៏មិនបង្ហាញថា អ្នកជាមនុស្សបាតសង្គម ឬក្មេងទំនើងនោះដែរ»៕

សម្រាប់កញ្ញា សោភ័ណ ជានារីបម្រើការនៅភោជនីយដ្ឋាន និងខារ៉ាអូខេមួយនៅរាជធានីភ្នំពេញ បានប្រាប់ដែរថា កញ្ញាស្រឡាញ់ការចាក់សាក់លើស្មា ជារូបបែបយ័ន្តដែលមាននៅក្នុងជំនឿរបស់ខ្មែរតាំងពីសម័យដើមមកម្លេះ ហើយការចាក់សាក់របស់កញ្ញា ក៏សមស្របទៅនឹងការពេញនិយមរបស់យុវវ័យសម័យថ្មីដែរ។

កញ្ញា សោភ័ណ បាននិយាយដែរថា «សូមកុំមើលតែរូបរាង និងការតុបតែងខ្លួនខាងក្រៅ អ្វីដែលសំខា​ន់គឺអត្តចរិតល្អ មិនប្រព្រឹត្តអំពីដែលខុសពីច្បាប់សង្គម ទៅបាននោះទៅហើយ»៕  

អត្ថបទ៖ សួស សិត

The post យុវជនខ្លះ ប្រាប់ថា មុនចាក់សាក់លើដងខ្លួន រូបគេបានសុំការអនុញ្ញាតពីឪពុកម្ដាយ appeared first on Kampuchea Thmey Daily.

កាលពីថ្ងៃពុធ ទី២៣ ខែសីហា Mr. K ដែលជាជាងសាក់ដ៏ល្បីក្នុងចំណោមតារាអន្តរជាតិជាច្រើន បានបង្ហោះរូបសាក់ដៃកណ្ដាលរបស់អ្នកស្រី Angelina Jolie បណ្ដាលឲ្យមហាជនគិតថា ជាសាក់ជេរអតីតស្វាមីគឺលោក Brad Pitt ។

Mr. K បានបង្ហោះក្នុង Instagram ថា “ជាដំបូង ខ្ញុំមានអារម្មណ៍សោកស្តាយចំពោះការរំពឹងទុកមិនល្អទាំងអស់ និងសុំទោសដោយស្មោះទៅ @angelinajolie សម្រាប់ភាពតានតឹងដែលបង្កលើនាង ។”

គាត់បានបន្ថែមថា “ស្នាមសាក់នេះតំណាងឱ្យដាវ ២ ដកស្រង់ពីធរណីមាត្រ ហើយគ្មានអ្វីទាក់ទងនឹងសាសនា ឬឈើឆ្កាងទេ” ។

ទោះបី Jolie មិនបានសាក់អ្វីទាក់ទងនឹង Pitt ក្ដី ប៉ុន្តែអ្នកស្រីនៅតែរក្សាទុកស្នាមសាក់ដែលធ្លាប់សាក់ជាមួយគ្នាដូចជាពាក្យស្លោកជាដើម ៕

ប្រែសម្រួល៖ វារី

ប្រភព៖ pagesix

ចុចអាន៖ អ្នកគាំទ្រសង្ស័យ Angelina Jolie សាក់ជេរអតីតស្វាមី

The post Mr. K ចេញបកស្រាយពីរូបសាក់របស់ Angelina Jolie appeared first on Kampuchea Thmey Daily.

អ្នកស្រីទទួលសេវាកម្មសាក់ដៃពី Mr K ដែលជាជាងសាក់ដ៏ល្បីនៅទីក្រុងញូវយ៉ក ។ Mr K បានចែករំលែករូបសាក់ដៃរបស់តារាស្រីវ័យ ៤៨ ឆ្នាំរូបនេះ នៅលើគណនី Instagram របស់ខ្លួន ប៉ុន្តែលាក់បាំងដោយដាក់ព្រិលៗ ។

ធ្វើបែបនេះបណ្ដាលឲ្យអ្នកគាំទ្រមួយចំនួនសង្ស័យថា ជាពាក្យជេរដែលសាក់លើដៃកណ្ដាលរបស់ Angelina ដើម្បីបង្ហាញទៅ Brad  ដែលជាគូស្នេហ៍ចាស់ ។

សូមរំលឹកថា អ្នកទាំងពីរបានស្រលាញ់គ្នាពីឆ្នាំ ២០០៥ រហូតរៀបការនៅឆ្នាំ ២០១៤ និងលែងលះវិញ ២ ឆ្នាំក្រោយ ។

ជាក់ស្ដែងអ្នកស្រី Angelina មានស្នាមសាក់ជាច្រើន រួមទាំងសាក់ដើម្បីផ្ដល់តម្លៃកិច្ចការសប្បុរសធម៌របស់នាង និងកូនៗជាដើម ។

លើសពីនេះគាត់ក៏ធ្លាប់សាក់តំណាងដល់អតីតគូស្នេហ៍ជាច្រើនទៀតដែរ រួមទាំងស្វាមីមុនគឺ Billy-Bob Thornton ។ បន្ទាប់ពីការលែងលះគ្នា Angelina បានលុបសាក់ និងប្ដេជ្ញាចិត្តមិនសាក់ឈ្មោះបុរសណាទៀតលើរាងកាយរបស់នាងទេ ។

យ៉ាងណាមិញ Angelina និង Brad ធ្លាប់សាក់រូបគូស្នេហ៍ជាច្រើន មុនការបែកបាក់គ្នានៅឆ្នាំ ២០១៦ ៕

ប្រែសម្រួល៖ វារី

ប្រភព៖ Pagesix

ចុចអាន៖ ដឹងទេ ឆ្នាំនេះ តារាហូលីវូដ Angelina Jolie មានទ្រព្យសម្បត្តិប៉ុន្មាន?

The post អ្នកគាំទ្រសង្ស័យ Angelina Jolie សាក់ជេរអតីតស្វាមី appeared first on Kampuchea Thmey Daily.

ក្នុងវីដេអូដែលមានការចូលមើលជាង ២.១ លានដង, Kiki Mary បានអួតអំពីរឿងមិនធម្មតារបស់នាង ហើយអ្នកខ្លះសឹងតែមិនហ៊ានមើលពេលដែលម្ជុលចាក់សាក់ ដាក់ចូលទៅជិតភ្នែករបស់នាង។

វីដេអូ បានបង្ហាញឲ្យឃើញអ្នកសាក់រូបម្នាក់ បានចាក់ទឹកថ្នាំខ្មៅចូលទៅក្នុងគ្រាប់ភ្នែករបស់នាង មុនពេលចាក់ទឹកចូល។ បន្ទាប់​មក Kiki បើក​ភ្នែក​ឡើង​ ដើម្បី​បង្ហាញ​រូបរាង​ថ្មី​របស់​នាង ដែល​ភ្នែក​ពោរពេញទៅ​ដោយ​ទឹក​ថ្នាំពណ៌​ខ្មៅ។

អ្នកទស្សនាមានការរន្ធត់ចិត្តជាខ្លាំងចំពោះវីដេអូនេះ ខណៈមនុស្សជាច្រើនបានចោទសួរថាហេតុអ្វីបានជា Kiki ប្រថុយនឹងរឿងធ្វើឲ្យពិការភ្នែកបែបនេះ។

អ្នកលេងអ៊ីនធឺណិតម្នាក់​សួរ​ថា​ “ហេតុ​អ្វី​បាន​ជា​បំផ្លាញ​ភ្នែក​ដ៏​ស្រស់​ស្អាត​របស់​អ្នក?”។ ​ម្នាក់​ទៀត​និយាយ​ថា “នេះ​ជា​អ្វី​ដែល​ខ្ញុំ​​មិន​យល់ទាល់តែសោះ”។

យោងតាមសាលារោគភ្នែកបានឲ្យដឹងថា ការសាក់គ្រាប់ភ្នែកបែបនេះ មិនមែនជាទម្រង់ប្រពៃណីនៃការសាក់នោះទេ។ នេះមានន័យថា អ្នកដែលធ្វើបែបនេះ អាចប្រឈមនឹងគ្រោះថ្នាក់ខ្លាំងបំផុត។

ចង់ដឹងថា វីដេអូនេះយ៉ាងណា តស់ទៅទស្សនាទាំងអស់គ្នា!

ប្រែសម្រួល៖ Vann Vann

ប្រភព៖ Daily Mail

ចុចអាន៖ អាចារ្យធំនិយាយពីការចាក់សាក់ ប្រវត្តិរាប់ពាន់ឆ្នាំ មានអត្ថន័យផ្សេងៗគ្នា

The post វីដេអូស្រ្តីម្នាក់ ចាក់សាក់គ្រាប់ភ្នែក ធ្វើឲ្យគ្រប់គ្នាស្រៀវ ព្រឺឆ្អឹងខ្នង appeared first on Kampuchea Thmey Daily.

១. រូប “ណោតភ្លេង”

សាកដំបូងបង្អស់របស់ Selena គឺ ណោតភ្លេង ដោយសារនាងគឺជាអ្នកចម្រៀង ។ សាក់នេះមានទីតាំងនៅកដៃខាងស្ដាំ ។

២. លេខ “៧៦” ជាលេខរូម៉ាំង

“LXXVI” ជាលេខ “៧៦” ដែលតារាចម្រៀងរូបនេះសាក់នៅក្រោយករបស់នាងក្នុងឆ្នាំ ២០១២ តំណាងឲ្យឆ្នាំកំណើតម្ដាយបង្កើតគឺអ្នកស្រី Mandy Teefey ។

៣. អក្សរ “God who strengthens me” 

Selena បកស្រាយថាប្រយោគនេះដក​ស្រង់​ចេញ​ពី​វគ្គ​គម្ពីរ​ដែល​នាង​ចូល​ចិត្ត ហើយសាក់លើភ្លៅខាងស្ដាំក្នុងចន្លោះឆ្នាំ ២០១២ មានន័យថា “ព្រះជាអ្នកធ្វើឲ្យខ្ញុំរឹងមាំ” ។

៤. អក្សរ “G” តូច

គ្មាននរណាដឹងថាសាក់នេះមានតាំងពីពេលណាទេ ដឹងត្រឹមថាជាសាក់តំណាងឲ្យGracie ប្អូនស្រីរបស់ Selena ។ 

៥. អក្សរ “Love Yourself First” ជាភាសាអារ៉ាប់

អក្សរនេះសាក់នៅលើខ្នងផ្នែកខាងស្ដាំក្នុងឆ្នាំ ២០១៤ មានន័យថា “ស្រលាញ់ខ្លួនឯងជាមុនសិន” ។

៦. សញ្ញារំលឹកពេលវេលាដែលនាងជួបមិត្តល្អ

សាក់នៅលើត្រគាកខាងឆ្វេងតំណាងឲ្យពេលនាងជួបមិត្តល្អម្នាក់កាលពី ៨ឆ្នាំមុន ។

៧. អក្សរ “sunshine” 

Selena បង្ហោះក្នុង Twitter ថា សាក់ដែលនៅលើប្រអប់ជើងស្ដាំសំដៅឲ្យលោកយាយជាទីស្រលាញ់របស់នាង ។

៨. សញ្ញាក្បៀស

Selena Gomez, Alisha Boe, និង Tommy Dorfman មានសាក់ដូចគ្នានៅកដៃតំណាងឲ្យ ការយល់ដឹងអំពីសុខភាពផ្លូវចិត្ត និងការការពារការសម្លាប់ខ្លួន ។

៩. លេខ “1” 

​Selena សាក់លេខ “1” នៅលើឆ្អឹងជំនីទ្រូងផ្នែកខាងស្តាំរបស់នាង ទុកបង្ហាញពីក្ដីស្រលាញ់ចំពោះមិត្តភាពរបស់នាងជាមួយ Courtney Lopez ។

១០. លេខ “4” 

សាក់លេខ “4” ជាមួយមិត្តជិតស្និតទាំង ៣ របស់គាត់គឺ Lopez, Ashley Cook, និងRaquelle Stevens នៅកន្លែងផ្សេងៗគ្នា ។ 

១១. សញ្ញា “ព្រួញ​” 

ជាសាក់គូនឹងមិត្តល្អម្នាក់ទៀតគឺ Julia Michaels ចាក់ក្នុងឆ្នាំ ២០១៩ ។ សញ្ញាព្រួញពួកគេនឹងបាញ់ទៅរកគ្នារាល់ពេលកាន់ដៃ ។

១២. រូប “ដៃសំពះ”

នាងបង្ហាញសាក់ដៃសំពះលើភ្លៅខាងឆ្វេងក្នុងឆ្នាំ ២០១៩ ។ អ្នកគាំទ្រសង្ស័យថាសាក់នេះជាសាក់រំលឹកពីអតីតសង្សារចាស់គឺ Justin Bieber ។

១៣. កាលបរិច្ឆេទវះកាត់ប្ដូរក្រលៀន

ថ្ងៃទី ១៩ ខែមិថុនា ឆ្នាំ ២០១៧ ជាថ្ងៃវះកាត់ក្រលៀនដែលបានមកពីមិត្តល្អនាង Francia Raisa ។ 

១៤. អក្សរ “Rare” 

ចំណងជើងអាល់ប៊ុម Solo ទីបីរបស់ Selena ត្រូវចាក់នៅលើកញ្ជឹងករបស់នាងក្នុងខែមករា ឆ្នាំ ២០២០ ។

១៥. សញ្ញា “ឈើឆ្កាង”

នាងគ្រាន់តែចង់បញ្ជាក់ពីសាសនាដែលនាងសម្រេចចិត្តជឿជាក់លើប៉ុណ្ណោះ ហើយសាក់នេះចាក់ក្នុងខែមេសា ឆ្នាំ ២០២១ ។

១៦. រូប “ផ្កាកុលាបពណ៌ផ្កាឈូក”

រូបផ្កាលើខ្នងនេះសាក់នៅខែធ្នូ ឆ្នាំ ២០២១ ដោយសារតារាម៉ូដែលលំដាប់ពិភពលោក Cara Delevingne ធ្លាប់ហៅ Selena ថា “rosebud” (ផ្កាមិនទាន់រីកមានន័យថា ក្មេងស្រីស្អាត) កាលពីក្មេងៗ ។

១៧. អក្សរ “angel”

ជាសាក់តំណាងឲ្យមិត្តភាពជាមួយ Nicola Peltz ហើយ Nicola ធ្លាប់ផុសក្នុង Instagram story ជាមួយ emoji បេះដូងពណ៌សមួយ ។

សាក់ភាគច្រើននៅលើដងខ្លួនរបស់ Selena គឺចាក់ដោយ Keith Scott “Bang Bang” McCurdy គឺជាសិល្បករសាក់រូបដ៏ល្បីល្បាញរបស់អាមេរិកក្នុងទីក្រុងញូវយ៉ក ៕

ប្រែសម្រួលដោយ ៖ វារី

ចុចអាន ៖ Selena ហៅការបែកបាក់ជាមួយ Justin គឺជារឿងល្អបំផុត និងមិនធ្លាប់មានក្នុងជីវិតនាង

ចុចអាន ៖ Selena ស្រក់ទឹកភ្នែក ក្រោយទស្សនាភាពយន្ត ‘My Mind & Me’ ឆ្លុះបញ្ចាំងពីជីវិតពិតនាង

The post អត្ថន័យសាក់ទាំង ១៧ កន្លែងរបស់ Selena Gomez  appeared first on Kampuchea Thmey Daily.

១. កុំសម្រេចចិត្តលឿនពេក

ចំណុចនេះសង្កត់ធ្ងន់ទៅលើការសាក់ឈ្មោះនិងមុខនរណាម្នាក់ទៅលើស្បែក ព្រោះថាការលុបសាក់វិញក៏ឈឺមិនចាញ់ពេលសាក់ដែរថែមទាំងស្នាមទៀតផង។

២. ស្រាវជ្រាវហើយស្រាវជ្រាវទៀត

សាកសួរនាំមិត្តភក្តិដែលធ្លាប់ចាក់សាក់ពីគុណភាពទឹកថ្នាំ និងទឹកដៃជាងមុនសម្រេចចិត្ត។

៣. ស្វែងរកហាងនិងជាងសាក់ គួរជាទីទុកចិត្តមកធ្វើសេវាកម្ម

អ្នកអាចស្វែងរកហាងសាក់ល្អៗតាម Instagram Facebook ដោយមើលតាម Feedback។

៤. កុំគំរិះពេក ឲ្យធីបជាងសាក់ផង

សាក់មួយដងជាប់មួយជីវិត ទម្រាំបានគំនូរស្អាតៗមកជាប់នឹងស្បែករបស់អ្នកមិនមែនជាការងារងាយស្រួលនោះទេ។ ចូរឲ្យតម្លៃការយកចិត្តទុកដាក់និងភាពច្នៃប្រឌិតរបស់ជាងសាក់តាមរយៈការឲ្យធីប។

៥. ត្រៀមខ្លួនរួចរាល់សិនចាំសាក់

អ្នកគួរគេងឲ្យគ្រប់គ្រាន់ ញ៉ាំអាហារគោកមុនមកសាក់ កុំភ្លេចយកចំណីមកសាគួរផងក្រែងលខ្វះជាតិស្ករអំឡុងពេលចាក់សាក់។

៦. ត្រូវដឹងថាវាឈឺសាច់

ការទ្រាំរបស់មនុស្សមានកម្រិតខុសៗគ្នា គេចាក់មិនអី មិនមានន័យថាអ្នកអាចទ្រាំដូចគេនោះទេ។

៧. ស្ដាប់តាមការណែនាំជាងសាក់បន្ទាប់ពីចាក់ហើយ

សាក់ថ្មីៗត្រូវការរយៈពេល២សប្ដាហ៍ទម្រាំតែជា ដូច្នេះមុខរបួសនោះត្រូវតែសម្អាតការពារមេរោគយ៉ាងប្រុងប្រយ័ត្ន។ ជាងសាក់នឹងណែនាំអ្នកអំពីការថែទាំ និងអ្វីគួរជៀសវាងយ៉ាងលម្អិត។

៨. អនាគតទៅត្រូវថែមថ្នាំសាក់ព្រោះវានឹងរលុបខ្លះៗ

កន្លែងខ្លះវាងាយនឹងរលុបដូចជា បាតដៃ-បាតជើង កន្លែងឧស្សាហ៍ត្រូវថ្ងៃនិងត្រូវទឹកយូរៗ ដូច្នេះជាងសាក់ភាគច្រើនគាត់ទទួលថែមទឹកថ្នាំដោយឥតគិតថ្លៃ ចំណែកខ្លះទៀតយកប្រាក់តិចតួចតែប៉ុណ្ណោះ៕

ប្រែសម្រួលដោយ៖ វារី

ចុចអាន៖ ហេតុផល ៦យ៉ាង ​ដែល​យើង​គួរ​គិត​​ហើយ​គិត​ទៀត​ មុន​សម្រេចចិត្តចាក់​សាក់

ចុចអាន៖ ១០ វិធី លុបស្នាមសាក់ចេញពីដងខ្លួន បានយ៉ាងមានប្រសិទ្ធភាព

The post មុនចាក់សាក់លើកដំបូង គួរដឹងរឿង ៨ ចំណុចនេះសិន appeared first on Kampuchea Thmey Daily.