អនុស្សរណៈនេះ គឺធ្វើឡើងក្នុងគោលបំណងដើម្បីកំណត់នូវកិច្ចសហប្រតិបត្តិការ និងការសម្របសម្រួលគ្នារវាងក្រសួងមហាផ្ទៃ និងអង្គការ IJM ក៏ដូចជាការពង្រឹងការប្តេជ្ញាចិត្តរួមគ្នា ក្នុងការប្រយុទ្ធប្រឆាំងអំពើជួញដូរមនុស្ស និងអំពើរត់ពន្ធមនុស្ស រួមមាន អំពើកេងប្រវ័ញ្ចកម្លាំងពលកម្មក្នុងវិស័យការងារ នេសាទ ស្ត្រីបម្រើតាមផ្ទះ សុំទាន កម្មករសំណង់ រោងចក្រ កសិកម្ម និងឧស្សាហកម្ម ព្រមទាំងអាពាហ៍ពិពាហ៍ផ្ទុយពីឆន្ទៈ ជាដើម។

អង្គការ IJM បានថ្លែងអំណរគុណចំពោះថ្នាក់ដឹកនាំរាជរដ្ឋាភិបាលគ្រប់ជាន់ថ្នាក់ ដែលបានទុកចិត្ត និងចូលរួមចំណែកយ៉ាងសកម្មក្នុងការប្រយុទ្ធប្រឆាំងអំពើកេងប្រវ័ញ្ចកម្លាំងពលកម្ម ក្នុងបរិបទទេសន្តរប្រវេសន៍។

អង្គការ IJM បញ្ជាក់ថា ខ្លួននឹងបន្តបេសកកម្មជាមួយរដ្ឋាភិបាល ជាពិសេសក្រសួងមហាផ្ទៃ តាមរយៈគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ដើម្បីការពារនូវជនក្រីក្រពីអំពើហិង្សា តាមរយៈការជួយសង្គ្រោះដល់ជនរងគ្រោះ ឧក្រិដ្ឋជនឱ្យទទួលខុសត្រូវចំពោះមុខច្បាប់ ស្តារនីតិសម្បទា ផ្តល់សុវត្ថិភាពដល់ជនធ្លាប់រងគ្រោះ និងគាំទ្រការកសាងអនាគតប្រកបដោយសុភមង្គលដ៏យូរអង្វែងសម្រាប់មន្ត្រីអនុវត្តច្បាប់។

គួរឱ្យដឹងថា នេះមិនមែនជាកិច្ចសហការលើកដំបូងឡើយ ក៏ប៉ុន្តែក្នុងភាពជាដៃគូរវាងរដ្ឋាភិបាល និងអង្គការសង្គមស៊ីវិល ក្រសួងមហាផ្ទៃ តាមរយៈគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) ក៏ធ្លាប់បានចុះអនុស្សរណៈនៃការយោគយល់ជាមួយអង្គការបេសកកម្មយុត្តិធម៌អន្តរជាតិ (IJM) ស្តីពីសកម្មភាពបង្ការទប់ស្កាត់ និងប្រយុទ្ធប្រឆាំងអំពើជួញដូរមនុស្សគ្រប់ទម្រង់ ក្នុងបរិបទទេសន្តរប្រវេសន៍ សម្រាប់ឆ្នាំ២០២៥-២០២៨ ដែលបានចុះហត្ថលេខាកាលពីថ្ងៃទី១៥ ខែកញ្ញា ឆ្នាំ២០២៥៕

The post កម្ពុជាពង្រឹងភាពជាដៃគូជាមួយអង្គការអន្តរជាតិ IJM ដើម្បីប្រឆាំងនឹងអំពើជួញដូរពលកម្មឆ្លងដែន appeared first on Kampuchea Thmey Daily.

ភស្តុតាងយ៉ាងច្បាស់ និងកំពុងកើនឡើង ដោយសារតែសារព័ត៌មាន Reuters បានធ្វើការស៊ើបអង្កេតជាច្រើន និងបានរកឃើញថាជនរងគ្រោះដែល”ធ្វើដំណើរទៅប្រទេសថៃ” គឺត្រូវបានរៀបចំឡើងតាមរយៈបណ្តាញក្រុមឆបោកទាំងនោះ និងបង្ខំឱ្យអ្នកទាំងនោះ ចូលទៅក្នុងទីតាំងបោកប្រាស់នៅក្នុងប្រទេសមីយ៉ាន់ម៉ាតាមច្រកព្រំដែនថៃ។ ជនរងគ្រោះពីការជួញដូរបានរៀបរាប់អំពីការចាប់ពង្រត់ ការបង្ខាំង និងការបង្ខិតបង្ខំឱ្យចូលទៅធ្វើការងារឆបោកអនឡាញ បន្ទាប់ពីត្រូវបានអូសទាញដោយការសន្យាក្លែងក្លាយពីការទទួលបានការងារដែលទទួលបានប្រាក់ខែច្រើន។ អ្នកខ្លះបាននិយាយថា ពួកគេត្រូវបាននាំខ្លួនតាមអាកាសយានដ្ឋានបាងកក ដោយមនុស្សក្លែងខ្លួនជាមន្ត្រីអន្តោប្រវេសន៍ថៃ មុនពេលត្រូវបានគេនាំទៅប្រទេសមីយ៉ាន់ម៉ា។

ក្រសួងការបរទេសថៃបានបដិសេធថា មិនបានទទួលរបាយការណ៍បែបនេះទេ ប៉ុន្តែបានសន្យាថា នឹងធ្វើការស៊ើបអង្កេតលើបញ្ហានេះ ប្រសិនបើមានតម្រុយគួរឱ្យទុកចិត្តណាមួយ។ នៅដើមឆ្នាំ២០២៥ តារាសម្តែងជនជាតិចិនលោក Wang Xing បានបាត់ខ្លួននៅក្នុងប្រទេសថៃ ហើយក្រោយមកត្រូវបានគេរកឃើញនៅជិតព្រំដែនមីយ៉ាន់ម៉ា ក្នុងតំបន់ដែលគេស្គាល់ថាជាទីតាំងប្រតិបត្តិការឆបោកអនឡាញ។ ប៉ូលីសថៃបានបញ្ជាក់ថា លោក គឺជាជនរងគ្រោះពីការជួញដូរមនុស្ស។ លោក Wang ត្រូវបានគេបោកបញ្ឆោតដោយមានការសន្យាអំពីការងារសម្តែងមួយ ប៉ុន្តែ លោកបែរជាត្រូវបានគេនាំទៅប្រទេសមីយ៉ាន់ម៉ាទៅវិញ ដើម្បីធ្វើការក្នុងប្រតិបត្តិការឆបោកអនឡាញ ដែលផ្តោតលើជនជាតិចិន។ លោកត្រូវបានគេជួយសង្គ្រោះ ហើយនាំមកត្រឡប់ទៅប្រទេសថៃវិញ ដើម្បីសាកសួរ និងយោងតាមរបាយការណ៍បានបង្ហាញថា គាត់នៅតំបន់ មេស៊ុត (Mae Sot) នៅព្រំដែនថៃ-មីយ៉ាន់ម៉ា។

ព័ត៌មានជាផ្លូវការរបស់ក្រសួងការបរទេសសហរដ្ឋអាមេរិកឆ្នាំ២០២៤ អំពីការជួញដូរមនុស្ស បានបង្ហាញថា ប្រទេសថៃជាទីតាំងសំខាន់សម្រាប់កំណត់អត្តសញ្ញាណជនរងគ្រោះពីការជួញដូរមនុស្ស និងងាយរងគ្រោះដែលពាក់ព័ន្ធទៅនឹងការធ្វើចំណាកស្រុករកការងារធ្វើ ការធ្វើចំណាកស្រុកដោយមិនស្របច្បាប់ និងការកេងប្រវ័ញ្ចពីឧក្រិដ្ឋជន តាមរយៈបណ្តាញដែលប្រើប្រាស់ដោយក្រុមឧក្រិដ្ឋជន ដើម្បីផ្លាស់ទីមនុស្សចូលទៅក្នុងទីតាំងឆបោកអនឡាញ។ ប្រទេសថៃកំពុងតែស្ថិតក្នុងកម្រិតបន្ទាត់ក្រហមថ្នាក់ទី២ ដែលនេះ បង្ហាញថាប្រទេសនេះខ្វះស្តង់ដាក្នុងការបង្រ្កាប និងលុបបំបាត់ការជួញដូរមនុស្ស ហើយចាត់ទុកប្រទេសនេះ ជាប្រទេសឆ្លងកាត់ និងប្រភពទីតាំងនៃការជួញដូរមនុស្ស។ ទីភ្នាក់ងារអន្តរជាតិ ក៏បញ្ជាក់បន្ថែមថា នេះជាគ្រោះថ្នាក់ដ៏ធំក្នុងតំបន់។ 

ទីភ្នាក់ ងារអង្គការសហប្រជាជាតិ ដូចជា ការិយាល័យអង្គការសហប្រជាជាតិប្រឆាំងគ្រឿងញៀន និងឧក្រិដ្ឋកម្ម (UNODC) បានចងក្រងឯកសារអំពីមនុស្សរាប់សែននាក់ ដែលត្រូវបានគេជួញដូរទៅក្នុងមជ្ឈមណ្ឌលបោកប្រាស់នៅអាស៊ីអាគ្នេយ៍ ហើយបានគូសបញ្ជាក់អំពីរបៀបដែលឧក្រិដ្ឋកម្មតាមប្រព័ន្ធអ៊ីនធឺណិតបានក្លាយទៅជាពាណិជ្ជកម្មជួញដូរមនុស្សដ៏ធំមួយ។  ការរកឃើញរបស់ UNODC បានបង្ហាញពីទម្រង់តែមួយ ដែលជនរងគ្រោះត្រូវបានគេបោកបញ្ឆោតដោយការផ្តល់ជូនការងារមិនពិតប្រាកដ ត្រូវបានគេបញ្ចូនឆ្លងកាត់ព្រំដែន ត្រូវបានគេឃុំខ្លួនក្នុងបរិវេណទីតាំងឆបោកដែលមានការយាមការតឹងតែង ត្រូវគេបង្ខំឱ្យធ្វើការហៅទូរស័ព្ទនិងបោកប្រាស់ជនរងគ្រោះនៅក្រៅប្រទេស និងរងការធ្វើទារុណកម្មយ៉ាងធ្ងន់ធ្ងរពីក្រុមឧក្រិដ្ឋជនទាំងនោះ ប្រសិនជាមិនធ្វើតាមការបញ្ជាររបស់ពួកគេ។ នេះមិនមែនជារឿងប្រឌិតនោះទេ នេះ គឺជាបណ្តាញឧក្រិដ្ឋកម្មជាប្រព័ន្ធ ដែលមានឯកសារបញ្ជាក់ច្បាស់លាស់។

ការរាយការណ៍ឯករាជ្យ និងមតិសាធារណៈក៏ជាវិភាគទានសំខាន់ផងដែរ។ ការរាយការណ៍ថ្មីៗនេះដោយ សារព័ត៌មានអន្តរជាតិល្បីៗដូចជា Reuters និង The Guardian បានធ្វើការយកព័ត៌មាន និងតាមដានពីការរំលោភបំពានដ៏ធ្ងន់ធ្ងរដូចជា ការវាយដំ ការឆក់ដោយអគ្គិសនី ការបង្ខាំងក្នុងបរិវេណទីតាំងឆបោក និងការបង្ខិតបង្ខំឱ្យចូលរួមឆបោក។  នៅឆ្នាំ២០២៥ ប្រទេសថៃ បានចាប់ផ្តើមកាត់ផ្តាច់ចរន្តអគ្គិសនីសម្រាប់ប្រើប្រាស់ក្នុងការឆបោក និងបានពិនិត្យមើលទីតាំងឆបោកនៅតាមព្រំដែនកម្ពុជា និងមីយ៉ាន់ម៉ា ប៉ុន្តែ ការធ្វើឡើងនេះ គឺបន្ទាប់ពីមានការដាក់សម្ពាធខ្លាំងពីអន្តរជាតិប៉ុណ្ណោះ ដែលនេះបានបង្ហាញពីការធ្វេសប្រហែសរបស់រដ្ឋាភិបាលថៃ ឬការមិនអើពើលើបញ្ហានេះដែលកំពុងកើតមានយ៉ាងច្រើនក្នុងប្រទេសរបស់ខ្លួន។ កាលពីខែកុម្ភៈកន្លងមកនេះ ក្រុមកងទ័ពប្រជាធិបតេយ្យការ៉េន នៅមីយ៉ាន់ម៉ា បានចូលបង្រ្កាបទីតាំងឆបោកមួយកន្លែងនៅតាមព្រំដែនថៃ-មីយ៉ាន់ម៉ា និងបានបញ្ចូនមនុស្សចំនួន២៦០នាក់ ដែលភាគច្រើនជាជនជាតិអេត្យូពីចូលទៅក្នុងប្រទេសថៃ ហើយអ្នកបានជួយសង្រ្គោះនោះ បាននិយាយថា ពួកគេត្រូវបានគេរំលោភបំពាន និងបង្ខំឱ្យចូលទៅក្នុងការឆបោកជាសកល។

ភស្តុតាងរួមគ្នា ដែលត្រូវបានគូសបញ្ជាក់ច្បាស់លាស់ខាងលើ គួរតែជាភស្តុតាងដែលអាចយកជាគោលការណ៍ក្នុងការថ្កោលទោសដ៏ធ្ងន់ធ្ងរលើបណ្តាញក្រុមឧក្រិដ្ឋជនទាំងនោះ ដែលមានមូលដ្ឋាននៅក្នុង និងកំពុងធ្វើប្រតិបត្តិការនៅក្នុងប្រទេសថៃ ហើយក្រុមនេះបានបង្កើតជាឧស្សាហកម្មដ៏ធំក្នុងតំបន់សម្រាប់ការជួញដូរមនុស្ស និងការឆបោកនៅក្នុងតំបន់។ ទីតាំងដែលអ្នកស៊ើបអង្កេតបានរកឃើញថា ភស្តុតាងពាក់ព័ន្ធ នឹងការសម្របសម្រួល ឬការឃុបឃិតដោយមន្ត្រីព្រំដែន ហើយទីតាំងដែលជនរងគ្រោះរាយការណ៍ថាត្រូវបានបញ្ចូនឆ្លងកាត់ទឹកដីថៃទៅក្នុងទីតាំងឆបោក។ របាយការណ៍ទាំងនេះ អាចបង្ហាញបានអំពីបរាជ័យរបស់ស្ថាប័នរដ្ឋរបស់ថៃ ដែលអនុញ្ញាតឱ្យរឿងនេះកើតឡើង។  ការរាយការណ៍របស់សារព័ត៌មាន Reuters គឺច្បាស់លាស់ ដែលបង្ហាញប្រទេសថៃបាន និងកំពុងក្លាយជាមជ្ឈមណ្ឌលឆ្លងកាត់ដ៏សំខាន់សម្រាប់ជនរងគ្រោះពីការជួញដូរ ដែលអ្នកទាំងនោះបានក្លាយជាទាសករនៅក្នុងទីតាំងឆបោកអនឡាញ៕

ដោយ៖ លោក ថុង ម៉េងដាវិត អ្នកវិភាគភូមិសាស្ត្រនយោបាយ និងសន្តិសុខអន្តរជាតិ

The post ប្រទេសថៃ៖ ច្រកទ្វារនៃការជួញដូរមនុស្ស និងការបោកប្រាស់អនឡាញ appeared first on Kampuchea Thmey Daily.

នគរបាល​បាន​ប្រាប់​ថា ដោយ​អនុវត្ត​តាម​បទបញ្ជា​របស់ លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ និង​មាន​ការ​សម្របសម្រួល​ពី​ព្រះរាជអាជ្ញា​រង​អម​សាលាដំបូង​រាជធានី​ភ្នំពេញ កម្លាំង​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន ដឹកនាំ​ដោយ​លោក​ឧត្ដមសេនីយ៍​ទោ ចាន់ កិត្តិខុម ស្នងការ​រង ផែន​ការងារ​ប្រឆាំង​ការ​ជួញដូរ​មនុស្ស និង​ការពារ​អនីតិជន និង​ការងារ​យេនឌ័រ និង​លោកស្រី​ឧត្ដមសេនីយ៍​ត្រី ឆេង សារ៉េត ស្នងការ​រង ទទួល​ដឹកនាំ​ការិយាល័យ​ប្រឆាំង​ការ​ជួញដូរ​មនុស្ស និង​ការពារ​អនីតិជន បាន​ចុះ​បង្ក្រាប​ហាង​ម៉ាស្សា ១ កន្លែង យីហោ ម៉ាស្សា​សុខភាព ដែល​មាន​ទីតាំង​ស្ថិត​នៅផ្ទះ ២ ល្វែង លេខ ១៣៩&១៤១ ផ្លូវ 8m ភូមិ​ស្ងួន​ពេជ្រ សង្កាត់​កន្ទោក ខណ្ឌ​កំបូល និង​ឃាត់ខ្លួន​ជនសង្ស័យ​ឈ្មោះ ថា​ន់ សុខ​ហេង ភេទ​ស្រី ជនជាតិ​ខ្មែរ (​ថៅកែ​ហាង​ម៉ាស្សា)។

ក្នុង​ប្រតិបត្តិការ​នោះ​ដែរ កម្លាំង​ជំនាញ បាន​សង្គ្រោះ​ជនរងគ្រោះ​ចំនួន ៥ នាក់ ជា​អនីតិជន (​ស្រី ៤ នាក់​ , ភេទ​ទីបី ១ នាក់​) រួម​នឹង​ដកហូត​វត្ថុ​តាង​មួយ​ចំនួន យក​មក​កាន់​ការិយាល័យ ដើម្បី​ធ្វើការ​សាកសួរ និង​អនុវត្ត​តាម​នីតិវិធី។

បន្ទាប់ពី​ការ​សង្គ្រោះ ជនរងគ្រោះ ត្រូវ​បាន​បញ្ជូន​ទៅ​មន្ទីរ​សង្គមកិច្ច និង ស្តារ​នីតិ​សម្បទា ដើម្បី​ធានា​ថា​ពួកគេ​ទទួល​បាន​ការ​ការពារ សេរីភាព និង​ជំនួយ​ចាំបាច់​ផ្សេងៗ ដូចជា​ សេវា​សុខភាព ការពារ​ផ្លូវ​ច្បាប់ និង​សេវា​ពិគ្រោះ​យោបល់​ផ្លូវចិត្ត។ ដោយឡែក​ជនសង្ស័យ​ដែល​ជា​ម្ចាស់​ទីតាំង​ នគរបាល​ជំនាញ​ បាន​កសាង​នីតិវិធី​បញ្ជូន​ទៅ​តុលាការ​ចាត់ការ​តាម​ផ្លូវ​ច្បាប់៕

អត្ថបទ ៖ សំណាង

The post កម្លាំងការិយាល័យប្រឆាំងការជួញដូរមនុស្ស និងការពារអនីតិជន សង្គ្រោះជនរងគ្រោះជាអនីតិជន ៥ នាក់ ពីកន្លែងម៉ាស្សា ១ កន្លែង appeared first on Kampuchea Thmey Daily.

ហេតុការណ៍​នេះ​បាន​កើត​ឡើង​កាលពី​វេលា​ម៉ោង ៩ ​និង ​៤០ ​នាទី​យប់ ថ្ងៃ​ទី ៩ ខែ​ឧសភា ឆ្នាំ ២០២៥ ស្ថិតនៅ​ផ្លូវ​បេតុង សង្កាត់​ត្រពាំង​ក្រសាំង ខណ្ឌ​ពោធិ៍​សែន​ជ័យ រាជធានី​ភ្នំពេញ។

ប្រភព​ព័ត៌មាន​បាន​និយាយ​ថា ​ដោយ​ទីតាំង​យីហោ «​ម្លប់​ដូងខ្ទិះ​ម៉ា​រា​នី» និង ហាង​«អង្គរជុំ​ត្រជាក់​ចិត្ត» ខាងលើ​សង្ស័យ​ថា​មាន​លួច​បង្កប់​សេវា​បម្រើ​ផ្លូវ​ភេទ​ខុសច្បាប់ ទើប​នគរបាល​នាយកដ្ឋាន ដាក់​កម្លាំង​ជំនាញ សហការ​ជាមួយ​នឹង​កម្លាំង​នគរបាល​ខណ្ឌ​ពោធិ៍​សែន​ជ័យ ចុះ​បង្ក្រាប​ជាក់ស្ដែង​តែម្ដង និង​ធ្វើការ​ឃាត់ខ្លួន​មនុស្ស​ប្រុស-ស្រី​បាន​ជា​ច្រើន​នាក់​ដែល​ពាក់ព័ន្ធ ព្រមទាំង​ដកហូត​សម្ភារៈ​ផ្សេងៗ មួយ​ចំនួន​ធំ ចំណែក​អ្នក​​មិន​មាន​ការ​ពាក់ព័ន្ធ​វិញ​នោះ​ ត្រូវ​បាន​ឲ្យ​ចេញ​ត្រឡប់​ទៅ​វិញ​ធម្មតា។

ក្រោយពី​ធ្វើការ​ឃាត់ខ្លួន​រួច​ សមត្ថកិច្ច​ក៏បាន​នាំ​ខ្លួន​មនុស្ស​ប្រុស-ស្រី​ជាច្រើន​នាក់ ​ខាងលើ​ រួមមាន​សម្ភារៈ​មួយ​ចំនួន យក​ទៅ​កាន់​នាយកដ្ឋាន​ប្រឆាំង​ការ​ជួញដូរ​មនុស្ស ​និង​ការពារ​អនីតិជន នៃ​អគ្គស្នងការ​នគរបាល​ជាតិ​ ដើម្បី​សួរនាំ​បន្ត​ និង​ចាត់ការ​តាម​នីតិវិធី​ច្បាប់៕

អត្ថបទ ៖ សំណាង

The post នគរបាលប្រឆាំងការជួញដូរមនុស្ស និងការពារអនីតិជន ឆ្មក់បង្ក្រាបហាងផឹកស៊ី ២ កន្លែង ឃាត់ខ្លួនមនុស្សប្រុស-ស្រីជាច្រើននាក់ នៅខណ្ឌពោធិ៍សែនជ័យ appeared first on Kampuchea Thmey Daily.

ក្នុងសេចក្ដីបំភ្លឺព័ត៌មានចុះថ្ងៃទី២២ ខែមេសា ឆ្នាំ២០២៥ អគ្គនាយកដ្ឋានអន្តោប្រវេសន៍ឱ្យដឹងថាមនុស្ស​ទាំង៩៨នាក់នេះ មានប្រុសតែម្នាក់ប៉ុណ្ណោះ ហើយក្នុងនោះ​មនុស្ស៥៩នាក់ត្រូវបានបញ្ជូនត្រលប់ទៅលំនៅដ្ឋានរបស់ពួកគេវិញ ក្រៅពីនេះសល់៣៧នាក់ត្រូវបាន​ប្រគល់ជូននាយកដ្ឋាន​គាំពារជនរងគ្រោះ និងគាំពារអនីតិជន នៃក្រសួងសង្គមកិច្ចដើម្បី​គ្រប់គ្រងបន្ត។

ការចាញ់បោកមេខ្យល់ទៅលក់នៅប្រទេសចិនបានកើតឡើងជាញឹកញាប់ទោះបីជារដ្ឋាភិបាលមានវិធានការទប់ស្កាត់ជាបន្តបន្ទាប់ក្ដី កាលពីថ្ងៃទី១៩ ខែមេសា ឆ្នាំ២០២៥ នគរបាលរាជធានីភ្នំពេញបានបើកការស្រាវជ្រាវដើម្បីជួយស្ត្រីខ្មែរម្នាក់ដែលបាន​ធ្វើវីដេអូឡាយតាមហ្វេសប៊ុកសុំឱ្យមានការអន្តរាគមន៍ជួយគាត់ឱ្យបានត្រលប់មកកម្ពុជាវិញបន្ទាប់ពីបាន​ចាញ់បោកមេខ្យល់យកទៅរៀបការនៅប្រទេសចិនត្រូវបានប្ដីវាយធ្វើបាប។

កន្លងទៅសមត្ថកិច្ចអន្តោប្រវេសន៍កម្ពុជាបានធ្វើការសាកសួរព័ត៌មាន និងហាមឃាត់ការធ្វើដំណើររបស់ពលរដ្ឋខ្មែរមួយចំនួន ជាពិសេសស្ត្រីខ្មែរដែលរៀបអាពាហ៍ពិពាហ៍ជាមួយជនបរទេស។ តាមរយៈវិធានការនេះក្នុងរយៈពេល៤ខែ ក្នុងឆ្នាំ២០២៥នេះ សមត្ថកិច្ចបានទប់ស្កាត់អ្នកដំណើរជាង១០០នាក់ (១០៧នាក់ ស្រ្តី៨២នាក់) នឹងបានបញ្ជូនទៅនាយកដ្ឋានប្រឆាំងការជួញដូរមនុស្ស និងការពារអនីតិជនដើម្បីបន្តស្រាវជ្រាវ។

នគរបាលបានបញ្ជាក់ថាការសាកសួរ និងហាមឃាត់ការធ្វើដំណើររបស់ពលរដ្ឋមួយចំនួននេះមិនមែនជាការបំបិទសិទ្ធសេរីភាពរបស់ពលរដ្ឋទេ តែជាការអនុវត្តនូវតួនាទីដើម្បីការពារផលប្រយោជន៍ពលរដ្ឋខ្មែរ កុំឱ្យចាញ់បោកមេខ្យលអូសទាញទៅរៀបការ ឬធ្វើការនៅបរទេសដោយខុសច្បាប់៕

អត្ថបទដោយ ហ៊ុន សិរីវឌ្ឍន៍

The post ជនរងគ្រោះជិត១០០នាក់ ត្រូវបានចិនសង្គ្រោះបញ្ជូនមកកម្ពុជាវិញក្នុងរយៈពេល៤ខែ appeared first on Kampuchea Thmey Daily.

តាមរយៈទំព័រហ្វេសប៊ុក លោក រ៉េន រតនៈ បានសរសេររៀបរាប់៣ចំណុចពីបញ្ហាការប្រយុទ្ធប្រឆាំងអំពើជួញដូរមនុស្ស និងការឆបោកតាមប្រព័ន្ធអនឡាញ។ លោកថា ទី១-កំពុងដើរកាត់ភ្លៀងទាំងអស់គ្នា ហេតុអ្វីមកទទឹកតែកម្ពុជា? បញ្ហាឧក្រិដ្ឋកម្មតាមអ៉ិនធើណែត និងអំពើជួញដូរមនុស្ស បានវិវត្តមកក្លាយជាបញ្ហារួមពាសពេញសាកលោក។ ពីដំបូងឡើង បញ្ហានេះប្រឈមខ្លាំងតែនៅតាមបណ្ដាប្រទេសជឿនលឿន គឺប្រទេសដើរមុនគេទាំងខាងសេដ្ឋកិច្ច និងបច្ចេកវិទ្យាប៉ុណ្ណោះ។ សម្រាប់កម្ពុជា ចរន្តសាកលភាវូបនីយកម្ម និងទើបតែក្នុងពេលសេដ្ឋកិច្ច និងបច្ចេកវិទ្យាផ្ដើមលេចធ្លោប៉ុន្មានឆ្នាំនេះទេ ដែលមានការជ្រៀតចូលនូវជនប្រព្រឹត្តអំពើជួញដូរមនុស្សតាមទម្រង់ថ្មី រួមទាំងការឆបោកតាមអនឡាញ ហើយប្រទេសក្នុងតំបន់ក៏ទទួលរងឥទ្ធិពលអាក្រក់នេះដូចគ្នាដែរ។

ទី២-តើកម្ពុជានៅស្ងៀម ហើយយកឧក្រិដ្ឋកម្មធ្វើជាឈ្នាន់អភិវឌ្ឍន៍ជាតិ? ចម្លើយ គឺពុំដូច្នេះឡើយ! ទាំងរាជរដ្ឋាភិបាលនីតិកាលកន្លងមក ក្រោមការដឹកនាំរបស់សម្ដេចតេជោ ហ៊ុន សែន បើនិយាយពីក្របខណ្ឌប្រយុទ្ធប្រឆាំងអំពើជួញដូរមនុស្ស គឺការងារនេះត្រូវបានយកចិត្តទុកដាក់អនុវត្តតាំងពីប្រទេសក្នុងតំបន់ប្រឈមមុខដោះស្រាយបញ្ហាឆ្លងដែនខុសច្បាប់ត្រឹមតែជាការជួញដូរមនុស្សទៅធ្វើពលករនេសាទ កសិកម្ម និងការងារផ្ទះខុសច្បាប់មកម្លេះ។ បើនិយាយពី Scam Online គ្រានោះ មិនដឹងបែរមុខទៅណាទេ។ ដោយឡែក ការដោះស្រាយបញ្ហាប្រឈមចុងក្រោយនៃអំពើជួញដូរមនុស្សតាមទម្រង់ថ្មីនេះ គឺរាជរដ្ឋាភិបាល ក្រោមការដឹកនាំរបស់សម្ដេចធិបតី ហ៊ុន ម៉ាណែត ដោយមានក្រសួងមហាផ្ទៃ ជាសេនាធិការ បានសម្រួចបន្ថែមទៀតនូវយន្តការ និងវិធីសាស្រ្តដោះស្រាយ ដោយបង្កើតជាគណៈកម្មការ និងក្រុមការងារចំពោះកិច្ច ហើយជំរុញ តាមដាន កិច្ចប្រតិបត្តិការស្រាវជ្រាវ និងបង្ក្រាបយ៉ាងយកចិត្តទុកដាក់បំផុត។

ទី៣-តើកម្ពុជា ខិតខំដោះស្រាយបញ្ហានេះ ដើម្បីតែមាតុប្រទេសខ្លួនឯង ឬមនុស្សជាតិ? សម្រាប់កម្ពុជា បញ្ហានេះ គឺជាភារកិច្ចដើម្បីផលប្រយោជន៍រួមរបស់មនុស្សជាតិ។ ជាក់ស្ដែង ឧក្រិដ្ឋជនដែលមានអង្គការចាត់តាំងពីប្រទេសជឿនលឿនខាងបច្ចេកវិទ្យា បានព្យាយាមសំងំបើកទីតាំងឈរជើងដោយលួចលាក់នៅកម្ពុជា ដើម្បីធ្វើសកម្មភាពអូសទាញជនជាតិខ្លួន ឬជនជាតិដទៃ ឱ្យមកធ្វើការ ដើម្បីគោលដៅបោកបញ្ឆោទជនជាតិខ្លួន ឬជនជាជាតិសាសន៍ដទៃ។ តិចណាស់ដែលមានជនជាតិខ្មែរទៅពាក់ព័ន្ធការងារទាំងនោះ។ ដូច្នោះហើយបានជាកិច្ចប្រតិបត្តិការបង្ក្រាបជាច្រើនលើកកន្លងមក អាជ្ញាធរកម្ពុជា បានចាប់បញ្ជូនពួកឧក្រិដ្ឋជនដែលជាជនបរទេស និងជនរងគ្រោះដែលគេបោកបញ្ឆោទឱ្យមកធ្វើការ ហើយដែលជារឿយៗបានទទួលការគាបសង្កត់ និងអំពើហិង្សា នោះ ឱ្យទៅប្រទេសសាមីដើម្បីបន្តវិធានការច្បាប់ និងទទួលយកទៅវិញ រួមទាំងជនជាតិនៃប្រទេសក្បែរខាងផង ជាច្រើននាក់។

ត្រង់ចំណុច​នេះ លោក រ៉េន រតនៈ បានអះអាងថា៖ «ករណីនេះ បើខ្មែរគ្មានឆន្ទៈទេនោះ ម្លេះមិនដឹងជាមានជនបរទេសប៉ុន្មាននាក់ទេដែលត្រូវរងគ្រោះ! យើងបានជួយជនទាំងនោះឱ្យបានត្រឡប់ទៅប្រទេសកំណើតវិញ ទាំងដែលធាតុពិត ពួកគេបានចូលមកកម្ពុជាដោយបន្លំព័ត៌មាន ដោយខ្លះថាជាទេសចរណ៍ ឬជាអ្នកមកធ្វើការងារស្របច្បាប់ តែទីបំផុតឃុបឃិតជាមួយជនជាតិខ្លួន ឬជនជាតិផ្សេង យកទឹកដីកម្ពុជាប្រព្រឹត្តបទល្មើស រហូតផុងខ្លួនឯងក្លាយជាជនរងគ្រោះដង្ហោយឱ្យយើងជួយ»។

បើតាមលោក រ៉េន រតនៈ កម្ពុជាទទួលស្គាល់ថា ដូចបណ្ដាប្រទេសក្នុងតំបន់ និងពិភពលោកដែរ គឺកំពុងប្រឈមដូចគ្នានឹងអំពើជួញដូរមនុស្ស និងឧក្រិដ្ឋកម្មតាមប្រព័ន្ធអ៉ីនធើណេត។ កម្ពុជា ដោយមានប្រជាជនជាសាក្សីជាង១០លាននាក់ គឺច្បាស់ណាស់មិនឱ្យបញ្ហានេះក្លាយជាជំងឺរាំរៃបំផ្លាញផលប្រយោជន៍ជាតិសាសន៍ខ្លួនឡើយ ហើយក៏ដូចគ្នា មិនចង់ឃើញមនុស្សជាតិទូទាំងពិភពលោក រងគ្រោះដោយអំពើនេះដែរ។ យ៉ាងណាក៏ដោយ កម្ពុជា មិនអាចឱ្យពាក្យ «ឆ្កែចេះតែព្រុះ មនុស្សចេះតែដើរ» ធ្វើឱ្យប៉ះពាល់កិត្តិយស និងកិច្ចខិតខំប្រឹងប្រែងរបស់ខ្លួនបានឡើយ។ លោកសង្កត់ធ្ងន់ថា៖ «យើងប្រឆាំងដាច់ខាតរាល់របៀបវារៈ ឬការផ្សព្វផ្សាយទាំងឡាយណាដែលចោទប្រកាន់មកលើយើងខុសពីការពិត ទាំងដែលយើងកំពុងខិតខំរួមចំណែកដោះស្រាយបញ្ហារួម»៕

The post លោក រ៉េន រតនៈ៖ យើងមិនអាចឱ្យពាក្យ«ឆ្កែចេះតែព្រុស មនុស្សចេះតែដើរ»ធ្វើឱ្យប៉ះពាល់ដល់កិច្ចខិតខំប្រយុទ្ធប្រឆាំងអំពើជួញដូរមនុស្ស និងScam Online បានឡើយ! appeared first on Kampuchea Thmey Daily.

អ្នកនាំពាក្យរដ្ឋាភិបាលថៃ អ្នកស្រី​ Jirayu Huangsub បាននិយាយថា អ្នកស្រី​នាយករដ្ឋមន្ត្រី ផែតងតាន​ កាល​ពី​ថ្ងៃ​ចន្ទ​ បានបញ្ជាឱ្យក្រសួងទេសចរណ៍ និងកីឡាថៃ​ ចាប់ផ្តើមយុទ្ធនាការដើម្បីស្ដារទំនុកចិត្តភ្ញៀវទេសចរឡើង​វិញ​។ អ្នក​ស្រីក៏បានណែនាំដល់មេប៉ូលីស ឱ្យធានាឱ្យបានគ្រប់គ្រាន់នូវសុវត្ថិភាពរបស់​ភ្ញៀវ​​ទេសចរ ហើយ​ប៉ូលិសត្រូវតែល្បាតនៅតំបន់​ហានិភ័យ និងបង្ក្រាបប្រតិបត្តិការរបស់ក្រុម​ជើង​កាង​ដែល​មាន​ឥទ្ធិពល។

អ្នកស្រី​ Jirayu បាន​ស្រង់សម្ដី​របស់​អ្នក​ស្រី​ ផែតងតាន ដែល​លើកឡើងថា​ ទោះ​បីជា​តារាសម្ដែងចិនដែល​បាន​បាត់ខ្លួននៅ​មីយ៉ាន់ម៉ា​ ត្រូវ​បាន​រកឃើញ​វិញ​ហើយ​ក្ដី​ ក៏​ប៉ុន្តែ​ករណីនេះ​បាន​ប៉ះពាល់​ដល់​ទេសចរណ៍ថៃ។ អ្នកស្រីនាយករដ្ឋ​មន្រ្តីថែម​ទាំង​បាន​បញ្ជា​ផងដែរ​ ឱ្យ​ក្រសួងសេដ្ឋកិច្ច និងសង្គមឌីជីថល ដោះស្រាយបញ្ហា​ព័ត៌មាន​ក្លែងក្លាយ​ និងសហការយ៉ាងជិតស្និទ្ធជាមួយអាជ្ញាធរចិន ដើម្បីស្ដារទំនុកចិត្តរបស់ភ្ញៀវទេសចរចិនឡើងវិញ។

គួរ​រំឭកថា​ ករណី​បាត់ខ្លួន​តារាសម្ដែង​ចិន​ឈ្មោះ Wang Xing ​បាន​ក្លាយជា​ប្រធានបទ​ក្ដៅគគុកទាំង​នៅថៃ​ និង​នៅ​ប្រទេស​ចិន​ ដែល​ជា​ប្រភព​ទេសចរ​ដ៏​ធំបំផុត​មួយ​សម្រាប់​ឧស្សាហកម្មទេសចរណ៍ថៃ​។ យោងតាម​សារព័ត៌មាន​ចិន​ លោក Wang បាន​ធ្វើ​ដំណើរ​មក​ទីក្រុង​បាងកក ហើយ​ត្រូវ​បាន​គេ​ល្បួងទៅក្រុង Mae Sot ដែល​ជា​ក្រុង​ថៃ​នៅជាប់​ព្រំដែន​មីយ៉ាន់ម៉ា​ មុនពេល​បាត់ខ្លួន​នៅថ្ងៃ​ទី​ ៣ មករា បន្ទាប់​ពី​​ឧក្រិដ្ឋជន​ចាប់​ខ្លួន​លោកឆ្លង​ព្រំដែន​។ ស្ថានទូត​ចិន​ប្រចាំ​ប្រទេស​ថៃ​បាន​បញ្ជាក់​ថា​ លោក​​ត្រូវ​បាន​គេ​ជួយ​សង្គ្រោះ​ពីកន្លែង​ប្រតិបត្តិការ​ឆបោក​អនឡាញថ្ងៃ​ទី ៧ មករា ខណៈ​អាជ្ញាធរ​ថៃ​ចាត់ទុកលោក Wang ថាជា​ជន​រងគ្រោះ​នៃការ​ជួញដូរ​មនុស្ស។

ក្រោយ​ករណី​នេះ​ផ្ទុះឡើង​ មាន​សេចក្ដីរាយការណ៍​ជា​ច្រើន​អំពីភ្ញៀវទេសចរចិន​លុប​ចោលដំណើរកម្សាន្ត​មក​ប្រទេស​ថៃ​របស់​ខ្លួនទ្រង់ទ្រាយធំ​ ខណៈ​ក្ដី​បារម្ភ​ពីសុវត្ថិភាព​សម្រាប់​ទេសចរនៅ​ថៃ ក្លាយ​ជា​ប្រធានបទ​ពិភាក្សា​ក្ដៅនៅ​លើ​បណ្ដាញ​សង្គមចិន​​។ យោងតាមក្រុមហ៊ុនវិភាគការធ្វើដំណើរ ForwardKeys ចំនួននៃការលុបចោលសំបុត្រយន្តហោះពីចិនទៅថៃ បានកើនឡើង ១៥៥ ភាគរយ​ ឆ្នាំលើ​ឆ្នាំ​ កាល​ពី​ចុង​សប្ដាហ៍កន្លង​ទៅ​។

កាសែត​បាងកកប៉ុស្តិ៍បានរាយការណ៍កាលពីថ្ងៃព្រហស្បតិ៍សប្ដាហ៍​មុន ដោយដកស្រង់ការប៉ាន់ស្មានពីសមាគមភ្នាក់ងារទេសចរណ៍ថៃ (Atta) ថា ការមកទស្សនារបស់ភ្ញៀវទេសចរចិននៅថៃ អាចធ្លាក់ចុះពី ១០ ទៅ ២០ ភាគរយ​ ក្នុងរដូវឈប់សម្រាក​ខាង​មុខ​នេះ ដោយសារតែការព្រួយបារម្ភអំពីសុវត្ថិភាពរបស់ទេសចរ ក្រោយ​ករណីបាត់ខ្លួន​លោក Wang៕

The post រដ្ឋាភិបាល​ថៃ​ប្រឹង​ប្រែង​ស្ដារទំនុកចិត្តទេសចរចិន​ឡើងវិញ​​ ក្រោយ​ផ្ទុះក្ដីបារម្ភករណី​បាត់ខ្លួនតារាសម្ដែង​ចិន appeared first on Kampuchea Thmey Daily.

ការបញ្ជូននេះគឺបន្ទាប់ពីពួកគេទាំង៥៧នាក់ក្នុងនោះជនជាតិ​ប៉ាគីស្ថាន៥៣នាក់ និងណេប៉ាល់ ៤នាក់ បាននាំគ្នាតវ៉ា និងដើរចេញពីក្រុមហ៊ុន បង្ករការភ្ញាក់ផ្អើលកាលពីថ្ងៃទី៥ ខែមករា ឆ្នាំ២០២៥កន្លងទៅ។

ក្នុងសេចក្ដីបំភ្លឺព័ត៌មានចុះថ្ងៃទី៧ ខែមករា ឆ្នាំ២០២៥ ស្នងការដ្ឋាននគរបាលខេត្តឧត្តរមានជ័យ ឱ្យដឹងថា បន្ទាប់ពីសាកសួរជនបរទេសទាំងអស់នោះបានឆ្លើយថា ពួកគេបានមកធ្វើការនៅកម្ពុជា ២-៣ខែហើយដោយមិនទទួលបានប្រាក់ខែនោះទេនិងត្រូវបានក្រុមហ៊ុនបញ្ជូនពីខេត្តព្រះសីហនុ មកធ្វើការនៅក្រុមហ៊ុនកាស៊ីណូអូរស្មាច់រីសតនេះ។

ក្នុងសេចក្ដីបំភ្លឺនោះលើកឡើងថា៖ «ក្រោយពួកគាត់បានមកធ្វើការនៅក្រុមហ៊ុនក្នុងការស៊ីណូអូរស្មាច់រីសតបានរយៈពេល១០ថ្ងៃ ត្រូវអ្នកគ្រប់គ្រងជនជាតិចិន(មិនស្គាល់ឈ្មោះ) ឱ្យពួកគាត់ធ្វើការគ្មានថ្ងៃសម្រាក និងដោយភ័យខ្លាចថាខ្លួនមិនបានទទួលប្រាក់ខែដូចក្រុមហ៊ុននៅឯខេត្តព្រះសីហនុ ទើបនាំគ្នាតវ៉ា ហើយដើរចេញពីក្រុមហ៊ុន»។

បើតាមស្នងការដ្ឋាននគរបាលខេត្តឧត្តរមានជ័យក្រោយសាកសួរពួកគេខ្លះចង់បន្តការងារនៅកន្លែងដដែល ខ្លះចង់ទៅធ្វើការនៅក្រុមហ៊ុនក្នុងខេត្តព្រះសីហនុ និងខ្លះទៀតចង់ត្រឡប់ទៅប្រទេសកំណើតវិញ ដោយកម្លាំងបានបញ្ជូនពួកគេទាំង៥៧នាក់ទៅកាន់ស្នាក់ការអន្តោប្រវេសន៍នៅខេត្តសៀមរាប ដើម្បីបន្តនីតិវិធី៕

អត្ថបទដោយ ហ៊ុន សិរីវឌ្ឍន៍

The post នគរបាលបញ្ជូនជនបរទេសជិត៦០នាក់ដែលដើរចេញពីកាស៊ីណូមួយនៅឧត្តរមានជ័យទៅស្នាក់ការអន្តោប្រវេសន៍ appeared first on Kampuchea Thmey Daily.