ក្នុងការចុះពិនិត្យនេះ លោកអភិបាលខេត្តបានពិនិត្យឃើញថា សំណង់មួយចំនួន នៃស្ថានីយ៍ប្រេងឥន្ធនៈខាងលើ ពិតជាបានសាងសង់លយមកលើដីចំណីផ្លូវ ដែលបង្កឱ្យមានផលប៉ះពាល់ដល់សណ្តាប់ធ្នាប់សាធារណៈ សុវត្ថិភាពចរាចរណ៍ និងសោភណភាពក្រុងពិតប្រាកដមែន។ លោក ខូយ រីដា បានបញ្ជាក់យ៉ាងម៉ឺងម៉ាត់ថា រដ្ឋបាលខេត្តលើកទឹកចិត្តរាល់ការវិនិយោគ និងការរកស៊ីទទួលទានក្នុងខេត្ត ប៉ុន្តែរាល់ការសាងសង់ទាំងអស់ ត្រូវតែគោរពតាមច្បាប់ភូមិបាល និងច្បាប់សំណង់ជាដាច់ខាត។ យើងមិនអាចបណ្តោយឱ្យបុគ្គលណាម្នាក់ ឬ ក្រុមហ៊ុនណាមួយ មកសាងសង់រំលោភលើទ្រព្យសម្បត្តិរដ្ឋ ឬដីចំណីផ្លូវ ដែលជាប្រយោជន៍រួមរបស់ប្រជាពលរដ្ឋនោះឡើយ។

លោកបានបន្ថែមទៀតថា ការអនុវត្តច្បាប់ ម្ចាស់ការដ្ឋានត្រូវតែសហការជាមួយអាជ្ញាធរ ដើម្បីរុះរើផ្នែកដែលរំលោភបំពានចេញជាបន្ទាន់។ ប្រសិនបើមិនមានការកែសម្រួលតាមការណែនាំទេ រដ្ឋបាលខេត្តនឹងអនុវត្តវិធានការរដ្ឋបាល និងផ្អាកការសាងសង់ជាបណ្តោះអាសន្ន។ លោកបានដាស់តឿន សូមឱ្យអាជ្ញាធរមូលដ្ឋាន និងមន្ទីរជំនាញ ត្រូវតាមដានឱ្យបានដិតដល់ ចៀសវាងការសាងសង់ខុសបច្ចេកទេស ឬរំលោភច្បាប់មុននឹងឈានដល់ការបង្ក្រាប។

ជាមួយគ្នាផងដែរ លោកអភិបាលខេត្ត បានបង្គាប់ឱ្យក្រុមការងារបច្ចេកទេស ធ្វើការវាស់វែងសារជាថ្មី និងកំណត់ព្រំឱ្យបានច្បាស់លាស់ ដើម្បីឱ្យម្ចាស់ការដ្ឋានធ្វើការកែសម្រួលសំណង់របស់ខ្លួនឱ្យស្របតាមប្លង់ប្រព័ន្ធផ្លូវថ្នល់។ ចំពោះម្ចាស់ការដ្ឋានក៏បានទទួលស្គាល់កំហុសខ្វះខាត និងសន្យាអនុវត្តតាមការណែនាំរបស់រដ្ឋបាលខេត្ត ដើម្បីចូលរួមចំណែករក្សាសណ្តាប់ធ្នាប់ក្នុងក្រុងពោធិ៍សាត់យើងទាំងអស់គ្នា៕

The post អភិបាលខេត្តពោធិ៍សាត់ ដឹកនាំក្រុមការងារជំនាញចុះពិនិត្យការដ្ឋានស្ថានីយ៍ប្រេងឥន្ធនៈ តេលា សាងសង់រំលោភបំពានលើដីចំណីផ្លូវ appeared first on Kampuchea Thmey Daily.

លោក គន់ សោភា ប្រធានការិយាល័យសាធារណការខណ្ឌរខណ្ឌឬស្សីកែវ បានប្រាប់ កម្ពុជាថ្មី ថា ដោយទទួលបាន ការណែនាំពីសំណាក់លោក ជិន ប៊ុនធឿន អភិបាលខណ្ឌឬស្សីកែវ បានចាត់ឲ្យរូបលោកដឹកនាំក្រុមការងារខណ្ឌ និងអាជ្ញាធរសង្កាត់គីឡូម៉ែត្រលេខ៦ ចុះណែនាំដល់ការរដ្ឋានសំណង់មួយកន្លែងអោយអនុវត្ត បទដ្ឋានអនាម័យ បរិស្ថានត្រឹមត្រូវ ខណៈការរដ្ឋានខាងលើនេះបានកាយអាចម៍ដីដឹកចេញក្រៅធ្វើឲ្យហូរប្រឡាក់មកលើផ្លូវសាធារណៈធ្វើឲ្យបាត់បង់សណ្តាប់ធ្នាប់ បរិស្ថាន អនាម័យ លើដងផ្លូវ​។

លោកបានបន្ថែមថា ជាមួយគ្នានោះ ក្រុមការងារបានណែនាំ និងតម្រូវអ្នកទទួលម៉ៅការសំណង់ខាងលើនេះ ប្រកាន់ខ្ជាប់នូវសណ្តាប់ធ្នាប់សាធារណៈ ត្រូវបាញ់ទឹកលាងកង់រថយន្តរាល់ពេលចេញ និងចូលការដ្នាន។

បន្ទាប់ពីចុះណែនាំការរដ្ឋានរួច រដ្ឋបាលសង្កាត់គីឡូម៉ែត្រលេខ៦ បានបន្តចុះរៀបចំសណ្តាប់ធ្នាប់ ណែនាំដល់អាជីវករស្ថិតនៅ ផ្សារគីឡូម៉ែត្រលេខ៦ ដែលដាក់តាំងលក់របស់របរលក់ដូរឲ្យមានរបៀបរាបរយ កុំរំលោភលើចិញ្វើមផ្លូវ ទុកផ្លូវអោយមធ្យោបាយធ្វើដំណើរ និងទុកផ្លូវថ្មើរជើងសម្រាប់ប្រជាជលរដ្ឋមកទិញម្ហូបអាហារ សម្ភារៈ ផ្សេងៗ។ ជាមួយគ្នានោះ ក្រុមការងារក៏បានដាក់រថយន្តមកបូបស្តារ ប្រព័ន្ធលូដែលកកស្ទះនៅចំណុចផ្សារគីឡូម៉ែត្រលេខ៦ ផងដែរ៕

អត្ថបទ៖ សំណាង

The post អាជ្ញាធរខណ្ឌឬស្សីកែវ ចុះណែនាំការដ្ឋានសំណង់មួយកន្លែងឲ្យចូលរួមថែរក្សាសណ្តាប់ធ្នាប់ និងអនាម័យ appeared first on Kampuchea Thmey Daily.

លោក ឃ្លាំង ហួត អភិបាលរងរាជធានីភ្នំពេញ ដែលដឹកនាំមន្ត្រីចុះពិនិត្យទីតាំងផ្ទាល់បានបញ្ជាក់ថា អគារនេះមានកម្ពស់៧ជាន់ ជាកម្មសិទ្ធិរបស់ឈ្មោះ អ៊ុយ អ៊ាងហេង បានសាងសង់ដោយគ្មានច្បាប់អនុញ្ញាត គ្មានលក្ខណៈបច្ចេកទេសត្រឹមត្រូវ ស្ថិតតាមបណ្តោយ ផ្លូវលេខ១៨៤ សង្កាត់ផ្សារថ្មីទី៣ ខណ្ឌដូនពេញ។ ក្រោយចុះត្រួតពិនិត្យលោក បានបញ្ជាឲ្យអាជ្ញាធរខណ្ឌ ត្រូវផ្អាកការដ្ឋានសាងសង់ជាបន្ទាន់ ហើយកម្មករត្រូវចាកចេញពីការដ្ឋានជាបន្ទាន់។ លោក ឃ្លាំង ហួត ក៏បានណែនាំឲ្យមន្ទីររៀបចំដែនដីនគរូបនីយកម្មសំណង់និងសុរិយោដី ត្រូវពិនិត្យលិខិតអនុញ្ញាតសាងសង់ និងលក្ខណៈបច្ចេកទេសសាងសង់ឲ្យបានត្រឹមត្រូវ (គ្រឹះគ្រឿងបង្គំសំណង់)។

បើតាមអាជ្ញាធរខណ្ឌដូនពេញ សំណង់ដែលកំពុងសាងសង់នេះ គឺអាជ្ញាធរខណ្ឌ-រាជធានី ធ្លាប់បានចុះហាមឃាត់ជាច្រើនលើកច្រើនសារមកហើយ ហើយក៏បានណែនាំឲ្យទៅធ្វើច្បាប់សាងសង់ផងដែរ។

ក្នុងនាមអាជ្ញាធរ លោក ឃ្លាំង ហួត បានអំពាវនាវប្រជាពលរដ្ឋទាំងអស់ក្នុងរាជធានីភ្នំពេញ ពិសេសក្នុងខណ្ឌដូនពេញ មុននឹងមានការសាង់សង់សំណង់អ្វីមួយ ត្រូវទៅសុំច្បាប់អនុញ្ញាតពីអាជ្ញាធរ និងពីផ្នែកជំនាញឲ្យបានត្រឹមត្រូវជាមុនសិន ជៀសវាងការខាតបង់ និងការលំបាកដល់ខ្លួននៅថ្ងៃក្រោយ ដែលកើតឡើងដោយសារតែគ្មានច្បាប់ទំលាប់នេះ៕

អត្ថបទ៖ សុភា

The post អាជ្ញាធររាជធានី ចុះផ្អាកការដ្ឋានសាងសង់អគារកម្ពស់៧ជាន់មួយកន្លែង ក្រោយសាងសង់គ្មានច្បាប់អនុញ្ញាត appeared first on Kampuchea Thmey Daily.

ហេតុការណ៍នេះ បានបង្កការភ្ញាក់ផ្អើលនៅវេលាម៉ោង៥និង២០នាទីល្ងាច ថ្ងៃទី១០ ខែមករា ឆ្នាំ២០២៥ នៅចំណុចអគារ​ខុនដូកំពុងសាងសង់មួយកន្លែង តាមបណ្តោយផ្លូវ ៣០៦ ក្នុងសង្កាត់បឹងកេងកងទី១ ខណ្ឌបឹងកេង រាជធានីភ្នំពេញ។

សពជនរងគ្រោះមានឈ្មោះ ZHANG XIAN ភេទប្រុស អាយុ៦៣ឆ្នាំ ជាជនជាតិចិន មុខរបរជាមេការសំណង់ ស្នាក់នៅផ្ទះលេខ ៥២ ផ្លូវលេខ ២៨២ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។

ប្រភពពីកម្មករសំណង់បានអោយដឹងថា មុនកើតហេតុ គាត់បានឃើញបុរសជាមេការខាងលើបានឡើងពីក្រោមអគារ​ខុនដូកំពុងសាងសង់ខាងលើតាមជណ្តើរយន្ត ដើម្បីត្រួតពិនិត្យការសាងសង់របស់កម្មករ។ លុះពេលឡើងមកដល់ជាន់ទី៤២ បុរសជាមេការបានដើរចេញពីជណ្តើរយន្តបានបន្តិច ក៏ដើរត្រឡប់ទៅក្រោយវិញ សង្ស័យភ្លេចរបស់របរនៅខាងក្រោម ស្របពេលនោះក៏រអិលជើងធ្លាក់ចុះមកក្រោម បណ្តាលឲ្យស្លាប់ភ្លាមៗ បែកសាកសពជាបំណែក បង្កអោយផ្អើលកម្មករ រួមទាំងពលរដ្ឋ និងសមត្ថកិច្ច ចុះអន្តរាគមន៍ភ្លាមៗ តែម្តង។

ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅជំនាញកោសល្យវិច័យនៃស្នងការដ្ឋាននគរបាលរាជធានីភ្នំពេញ មកត្រួតពិនិត្យសពនៅទីតាំងកើតហេតុ។ បន្ទាប់ពីត្រួតពិនិត្យចប់ សមត្ថកិច្ចបានធ្វើកំណត់ហេតុប្រគល់អោយខាងស្ថានទូត ជួយបន្តទាក់ទងរកគ្រួសារសព ដើម្បីយកទៅធ្វើបុណ្យតាមប្រពៃណី៕

អត្ថបទ៖ រដ្ឋា

The post មេការសំណង់ជនជាតិចិនម្នាក់ធ្លាក់ពីអគារកំពុង​សាង​សង់​ជាន់ទី៤២ ​ក្នុងមូលដ្ឋានខណ្ឌបឹងកេងកងស្លាប់ភាមៗ appeared first on Kampuchea Thmey Daily.

លោក សុខ សុទ្ធី អភិបាលរងខេត្តកោះកុង និងមន្ទីរអង្គភាពជំនាញពាក់ព័ន្ធ កាលពីថ្ងៃទី ៤ ខែមករា ឆ្នាំ ២០២៣ ម្សិលមិញ បានចុះត្រួតពិនិត្យទីតាំងដោយផ្ទាល់ ក្រោយផ្ទុះព័ត៌មានរឿងចោទថា ឧកញ៉ា គា ធី លួចសង់ផ្ទះត្រចៀកកាំគ្មានច្បាប់ទម្លាប់ត្រឹមត្រូវ ហើយថែមទាំងចាក់ដីចូលចំណីព្រែកធ្វើជាកម្មសិទ្ធិទៀតផង។

លោក សុខ សុទ្ធី អះអាងថា ករណីនេះពិតកើតមានប្រាកដមែន ដោយលោករកឃើញការដ្ឋានសំណង់ផ្ទះត្រចៀកកាំជាច្រើនជាន់ សាងសង់គ្មានច្បាប់បទដ្ឋានបច្ចេកទេសត្រឹមត្រូវពីអាជ្ញាធរ និងមន្ទីរជំនាញ។ បញ្ហានេះ លោកបានបញ្ជាឲ្យផ្អាកសកម្មភាពជាដាច់ខាតតែម្តង។

ទោះយ៉ាងណា លោកអភិបាលរងខេត្តរូបនេះ ក៏តម្រូវម្ចាស់សំណង់ គប្បីរៀបចំសំណុំឯកសារស្នើសូមច្បាប់អនុញ្ញាតឲ្យបានរួចរាល់ក្នុងរយៈពេល ១សប្តាហ៍ ដោយគិតចាប់ពីថ្ងៃទី ៩ ដល់ថ្ងៃទី ១៦ ខែមករា ឆ្នាំ ២០២៣។ ប្រសិនបើក្នុងរយៈពេល ១សប្តាហ៍នេះ￸ ម្ចាស់សំណង់មិនស្នើសុំច្បាប់អនុញ្ញាឲ្យបានត្រឹមត្រូវទេ រដ្ឋបាលខេត្តនឹងឲ្យមេធាវីរដ្ឋបាលខេត្ត សហការជាមួយមន្ទីររៀបចំដែនដី នគរូបនីយកម្ម សំណង់ និងសុរិយោដី រៀបចំឯកសារដាក់ពាក្យបណ្តឹង។

ក្រៅពីការរកឃើញកំហុសរបស់ឧកញ៉ា គា ធី លួចសង់ផ្ទះត្រចៀកកាំខុសច្បាប់ហើយ អាជ្ញាធរខេត្ត ក៏តម្រូវឲ្យលោកឧកញ៉ា គា ធី ជីកកាយអាចម៍ដី ដែលបានចាក់រំលោភចូលព្រែក ម្ចាស់ ចេញវិញ ក្រោយបានចាក់ដីចូលដីចំណីប្រមាណជា ១០ម៉ែត្រ។ ចំពោះរបងដែលបានសាងសង់ រំលោភចូលចំណីផ្លូវម្ចាស់សំណង់ត្រូវរុះរើចេញ។ ក្នុងករណី ម្ចាស់សំណង់ចង់សាងសង់របងឡើងវិញ ត្រូវសហការ ជាមួយមន្ត្រីជំនាញពាក់ព័ន្ធ និងអាជ្ញាធរមូលដ្ឋាន។

ទាក់ទងបញ្ហានេះដែរ លោក ជា ចាន់កញ្ញា អភិបាលស្រុកស្រែអំបិល បានឲ្យដឹងនៅថ្ងៃទី ៥ ខែមករា នេះថា កាលពីចុងឆ្នាំ ២០២០ លោក និងក្រុមការងារធ្លាប់ចុះពិនិត្យទីតាំងខាងលើម្តងរួចមកហើយ ដោយតម្រូវឲ្យលោកឧកញ៉ា គា ធី ធ្វើសំណើសុំច្បាប់សាងសង់ផ្ទះត្រចៀកកាំ នៅច្រកចេញចូលតែមួយរដ្ឋបាលខេត្តកោះកុង ព្រោះទំហំនៃការវិនិយោគធំ ហើយរដ្ឋបាលស្រុកពុំមានសិទ្ធិសម្រេចនោះទេ។

លោកអភិបាលស្រុកស្រែអំបិល បានគូសបញ្ជាក់ទៀតថា ក្រោយបញ្ហាវិបត្តិជំងឺកូវីដ-១៩ រីករាលដាលឆ្លងខ្លាំង នៅក្នុងមូលដ្ឋានមិនមានពេលវេលាគ្រប់គ្រាន់ សម្រាប់តាមដានពិនិត្យលម្អិតនោះទេ ទាំងការធ្វើសំណង់ផ្ទះត្រចៀកកាំ ធ្វើរបង និងចាក់អាចម៍ដីបំពេញទីតាំងកើតហេតុ។ ជាក់ស្តែងមានការផ្តល់ព័ត៌មានក្រុមអ្នកសារព័ត៌មាន ក៏ដូចជាប្រជាពលរដ្ឋនាពេលថ្មីៗនេះ ទើបមានការចុះមានវិធានការច្បាប់តែម្តង ពោលគឺម្ចាស់សំណង់មិនបានទៅច្បាប់ ដូចការណែនាំរបស់រដ្ឋបាលស្រុកឡើយ។

ទោះយ៉ាងណា តំណាងលោកឧកញ៉ា គា ធី បានទទួលយកការណែនាំ និងលក្ខខណ្ឌច្បាប់មួយចំនួនពីរដ្ឋបាលខេត្តកោះកុង ដើម្បីធ្វើពាក្យស្នើសុំច្បាប់បានត្រឹមត្រូវ ចៀសវាងប្រឈមមុខចំពោះមុខច្បាប់ជាធរមាន។

ដោយឡែកលោក កែវ សុខ ជាមេឃុំស្រែអំបិល លើកឡើងថា លោកឧកញ៉ា គា ធី បានជួលដីអតីតទីស្នាក់ការគណ បក្សប្រជាជនកម្ពុជា សម្រាប់ការវិនិយោគចំនួន ៥០ឆ្នាំ លើដីក្បែរមាត់ព្រែកស្រែអំបិល ភាពខ្វះចន្លោះ នៃការពិនិត្យការ ដ្ឋានសំណង់ ក៏ព្រោះតែមានភារកិច្ចមួយចំនួនធំក្នុងមូលដ្ឋាន ពុំមានពេលវេលាគ្រប់គ្រាន់ ចំពោះវិធានការទប់ស្កាត់៕

អត្តបទ៖ សិរីវឌ្ឍនៈ  

The post Update ៖ អាជ្ញាធរខេត្តកោះកុង ផ្អាកការដ្ឋានសំណង់ផ្ទះត្រចៀកកាំរបស់ឧកញ៉ា គា ធី ក្រោយរកឃើញកំហុស appeared first on Kampuchea Thmey Daily.

ជនរងគ្រោះមានឈ្មោះ យ៉ាត់ ស៊ីថាត អាយុ២៤ឆ្នាំ មុខរបរជាបុគ្គលិកផ្នែកដឹកជញ្ចូនក្រុមហ៊ុនឯកជន។

តាមប្រភពព័ត៌មានបានឲ្យដឹងថា មុនពេលកេីតហេតុគេឃើញមានបុរសរងគ្រោះបានដើរខាងក្រោមការដ្ឋានកន្លែងកើតហេតុ ខណៈនោះក៏ស្រាប់តែធ្លាក់ឈើមួយបន្ទះពីលើការដ្ឋានជាន់លើបណ្ដាលឲ្យចំក្បាលជនរងគ្រោះស្លាប់ភ្លាមៗនៅកន្លែងកើតហេតុតែម្ដង។

បើតាមប្រភពព័ត៌មានពីបងប្អូនប្រជាពលរដ្ឋដែលរស់នៅជិតខាងក្បែរទីតាំងការដ្ឋានបានបន្ថែមឲ្យដឹងទេថា ទីតាំងការដ្ឋាននោះតែងតែមានធ្លាក់ដែក ធ្លាក់ឈើជាញឹកញាប់ ក៏ប៉ុន្តែសំណាងល្អមិនត្រូវលើប្រជាពលរដ្ឋនៅជិតនោះគ្រាន់តែប៉ះពាល់លើសម្ភារៈរបស់ប្រជាពលរដ្ឋ។

ក្រោយកេីតហេតុកម្លាំងសមត្ថកិច្ចមូលដ្ឋានចុះមកធ្វើការហ៊ុំព័ទ្ធ និងធ្វើការទំនាក់ទំនងទៅសមត្ថកិច្ចជំនាញចុះធ្វើកោសល្យវិច័យ និងទាក់ទងទៅក្រុមគ្រួសារមកទទួលសពជនរងគ្រោះទៅធ្វេីបុណ្យតាមប្រពៃណី ៕

អត្ថបទ៖ សុខា

The post ធ្លាក់ឈើបន្ទះពីការដ្ឋានសំណង់មួយកន្លែងចំក្បាលបុរសម្នាក់ស្លាប់ភ្លាមៗ appeared first on Kampuchea Thmey Daily.

វេទិកានេះធ្វើឡើងក្រោមវត្តមានលោក ម៉ប់ សារិន ប្រធានក្រុមប្រឹក្សារាជធានីភ្នំពេញ និងលោក កើត ឆែ អភិបាលរងរាជធានី តំណាងលោក ឃួង ស្រេង អភិបាលរាជធានី។

ក្នុងវេទិកានេះ ប្រជាពលរដ្ឋបានលើកឡើងថា សំណង់អគារដ៏ធំមួយកន្លែងនៅក្នុងសង្កាត់ទន្លេបាសាក់ ខណ្ឌចំការមន បានរំខានដល់ការរស់នៅរបស់ពួកគាត់យ៉ាងខ្លាំង ដេកពួនមិនបាន និងធ្វើអោយលំនៅដ្ឋានរបស់ពួកគាត់ ប្រេះជញ្ជាំងថែមទៀត ។ ពួកគាត់បញ្ជាក់ផងដែរថា ការដ្ឋាននេះបានចាប់ផ្តើមការងាររបស់ខ្លួនពីម៉ោង៧ព្រឹករហូតម៉ោង៥ភ្លឺ ហើយនៅពេលយប់ភាគច្រើន ក្រុមហ៊ុនសំណង់នេះបានបុកគ្រឹះរំខានមិនអាចអោយពួកគាត់ដេកពួនបានឡើយ។ បន្ថែមពីនេះ ប្រជាពលរដ្ឋក៏បានស្នើសុំអោយស្ថាបនាផ្លូវលូ ផ្លូវ ដាក់អំពូលភ្លើងបំភ្លឺសាធារណៈផងដែរ។

លោក កើត ឆែ បានមានប្រសាសន៍លើកឡើងថា ចំពោះក្រុមហ៊ុនសំណង់ដែលរំខានដល់ការរស់នៅរបស់ប្រជាពលរដ្ឋនេះ រដ្ឋបាលរាជធានីភ្នំពេញ ធ្លាប់បានធ្វើការណែនាំរួចហើយអោយក្រុមហ៊ុនធ្វើការងារដែលបង្កសំឡេងរំខាននៅពេលថ្ងៃនិងធ្វើការងារដែលមិនរំខាននៅពេលយប់។ ប៉ុន្តែទោះបីជាយ៉ាងណាក្តីរដ្ឋបានរាជធានីភ្នំពេញ បានជម្រុញអោយអាជ្ញាធរខណ្ឌចំការមន និងមន្ត្រីពាក់ព័ន្ធចុះពិនិត្យលើការងារនេះបន្ថែមទៀត ។ ចំពោះការប្រេះអាគារវិញលោក កើត ឆែ អោយប្រជាពលរដ្ឋដាក់ពាក្យបណ្តឹងមកសង្កាត់ ឬខណ្ឌ ដើម្បីមានឯកសារដោះស្រាយសំណងជាមួយក្រុមហ៊ុនសំណង់នេះ។ពាក់ព័ន្ធការស្នើសុំអោយស្ថាបនាផ្លូវលូ ផ្លូវ ដាក់អំពូលភ្លើងបំភ្លឺសាធារណៈ លោក កើត ឆែ បានលើកឡើងថា រដ្ឋបាលរាជធានីភ្នំពេញ ស្នើអោយអាជ្ញាធរខណ្ឌ និងមន្ទីរពាក់ព័ន្ធចុះសិក្សាផលប៉ះពាល់សិន បើមិនមានបញ្ហាទេ គឺយើងដោះស្រាយជូនពួកគាត់តែម្តង។

ប្រធានក្រុមប្រឹក្សារាជធានីភ្នំពេញ លោក ម៉ប់ សារិន បានមានប្រសាសន៍ថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញនេះ បានផ្តោតសំខាន់ពាក់ព័ន្ធនឹងកង្វល់ផ្ទាល់របស់ប្រជាពលរដ្ឋ ក្នុងនោះរួមមាន បញ្ហាសន្តិសុខ សណ្តាប់ធ្នាប់ បញ្ហាបរិស្ថាន និងបញ្ហាអភិវឌ្ឍន៏នៅមូលដ្ឋាន ដើម្បីឱ្យអាជ្ញាធរបានដឹងលឺ និងរកយន្តការដោះស្រាយជូន។

វេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំបេញ ត្រូវបានធ្វើឡើងក្នុង១ឆ្នាំម្តង ដើម្បីដោះស្រាយរាល់កង្វល់ សំណូមពរ និងសំណើររបស់ប្រជាពលរដ្ឋ ។ ប៉ុន្តែក្នុងរយៈពេល២ឆ្នាំជាប់គ្នានេះត្រូវបានខកខានដោយការរាតត្បាតជម្ងឺកូវីដ-១៩ ។ ការរាតត្បាតជម្ងឺកូវីដ-១៩នេះត្រូវបានរាជរដ្ឋាភិបាលយកចិត្តទុកដាក់ខ្លាំងណាស់ ដោយបានស្រោចវ៉ាក់សាំងជូនប្រជាពលរដ្ឋរហូតដល់ដុសទី៤និងទី៥ ដែលបានធ្វើអោយប្រទេសកម្ពុជា ក៏ដូចជារាជធានីភ្នំពេញបើកដំណើរការសេដ្ឋកិច្ចប្រទេសឡើងវិញ៕

អត្ថបទ៖ ស្រីរ័ត្ន

The post ពលរដ្ឋស្នើឲ្យអាជ្ញាធរដោះស្រាយការដ្ឋានសំណង់​មួយកន្លែងរំខានការរស់នៅ និងធ្វើឲ្យប្រេះស្រាំលំនៅដ្ឋាន appeared first on Kampuchea Thmey Daily.

ហេតុការណ៍នេះបានកើតឡើងនៅវេលាម៉ោង១១និង១០នាទី ថ្ងៃទី០៨ ខែសីហា ឆ្នាំ២០២២ នៅចំណុចអាគារខុនដូរ ស្ថិតនៅជាប់របងសាលាខណ្ឌទួលគោក តាមបណ្ដោយផ្លូវលេខ៥៩៦ កែងផ្លូវលេខ៣២៩ ភូមិ៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

ប្រភពប្រជាពលរដ្ឋបានឲ្យដឹងថា មិនដឹងជាមូលហេតុអ្វីនោះទេ ស្រាប់តែមានដែកធ្លាក់ជាច្រើនដើមពីលើអាគារខុនដូរ ជាន់លើបំផុត ធ្លាក់មកក្រោម បណ្ដាលឲ្យត្រូវមេការម្នាក់រងរបួសចំក្បាលធ្ងន់ធ្ងរ និងរថយន្តរងការខូចខាតចំនួន៣គ្រឿង រួមមានរថយន្តរបស់ការដ្ឋាន រថយន្តរបស់គណៈបញ្ជាការឯកភាពខណ្ឌទួលគោក និងរបស់ពលរដ្ឋ ដែករាយប៉ាយពេញផ្លូវ និងខ្ទាតចូលដល់ក្នុងបរិវេណផ្ទះបងប្អូនប្រជាពលរដ្ឋថែមទៀតផងដែរ។

គួរបញ្ជាក់ផងដែរថា កន្លងមកទីតាំងខុនដូរនេះក៏ធ្លាប់មានបងប្អូនប្រជាពលរដ្ឋ មានការសំណូមពរ និងការត្អូញត្អែលើកឡើងផងដែរថា ការដ្ឋានមួយកន្លែងនៅជាប់សាលាខណ្ឌទួលគោក កំពុងសាងសងរំលោភលើចិញ្ចើមផ្លូវ បង្កការកកស្ទះ និងខ្វះលក្ខណៈបច្ចេកទេស គ្មានស្ដង់ដារ អាចបង្កហានិភ័យ និងគ្រោះថ្នាក់ដល់ពលរដ្ឋអ្នកធ្វើដំណើរ។

ក្រោយមានការសំណូមពរ នៅព្រឹកថ្ងៃទី១៣ ខែកក្កដា ឆ្នាំ២០២២កន្លងមកនេះ លោក ទៀវ សំអឿន អភិបាលរងខណ្ឌទួលគោក បានដឹកនាំកម្លាំងជំនាញរដ្ឋបាលខណ្ឌចុះត្រួតពិនិត្យ និងធ្វើការអប់រំណែនាំដល់ម្ចាស់គម្រោងសាងសងការដ្ឋាន ដើម្បីធ្វើយ៉ាងណាឲ្យមានសុវត្ថិភាព សណ្ដាប់ធ្នាប់ អនាម័យល្អ និងមិនឲ្យប៉ះពាល់ដល់សណ្ដាប់ធ្នាប់សាធារណៈ។

ក្នុងការចុះត្រួតពិនិត្យនេះដែរ លោក ទៀវ សំអឿន អភិបាលរងខណ្ឌទួលគោកបានឲ្យដឹងថា ចំពោះទីតាំងការដ្ឋាននេះ មានច្បាប់អនុញ្ញាតសាងសង់ត្រឹមត្រូវពុំបានរំលោភចិញ្ជើមផ្លូវសាធារណៈឡើយ មានព័ទ្ធសំណាញ់និងរបាំងដែក ការពារធ្លាក់របស់របបគ្រប់ជាន់ ចៀសវាងបង្កហានិភ័យដល់បងប្អូនប្រជាពលរដ្ឋអ្នកធ្វើដំណើរជាដើម។

លោក អភិបាលរងខណ្ឌបានបន្ថែមទៀតថា ចំពោះដែលថាការដ្ឋានបង្កការកក់ស្ទះនោះ គឺមានបន្តិចបន្តួច ប៉ុន្តែពេលចាក់បេតុងម្ដងៗ គឺអាជ្ញាធរអនុញ្ញាតឲ្យបិទផ្លូវតែមួយចំហៀងប៉ុណ្ណោះ ពុំដែលអនុញ្ញាតបិទផ្លូវទាំងស្រុងឡើយ៕

អត្ថបទ៖ ស្រីរ័ត្ន

The post ធ្លាក់ដែកពីការដ្ឋានអគារកំពុងសាងសង់ រងរបួសមនុស្សម្នាក់ និងខូចខាតរថយន្ដ៣គ្រឿង appeared first on Kampuchea Thmey Daily.