ការតរោមភ្នែក Archives - Kampuchea Thmey Daily

ស្រីៗនិយមតរោមភ្នែក ត្រូវដឹងពីផលប៉ះពាល់ និងការបង្កគ្រោះថ្នាក់

សាង ស្រីល័ក្ខ — Thu, 20 Oct 2022 03:48:21 +0000

ការតរោមភ្នែកផ្ដល់ភាពងាយស្រួលដល់នារីសម័យថ្មី មិនឲ្យពិបាកប្រើម៉ាស្ការ៉ា ថែមទាំងអាចកុម្ម៉ង់ម៉ូដយ៉ាងណាឲ្យសក្ដិសម នឹងអ្វីដែលយើងចង់បាន។

ជាងនេះទៅទៀត សរសៃរោមភ្នែកសប្បនិម្មិតទាំងនោះ ធ្វើឡើងពីវត្ថុធាតុដើមធម្មជាតិ (ដូចជា អំពីសូត្រនិងរោមសត្វ) ឬសរសៃប្លាស្ទិក។ ពិតណាស់ ទោះបីជាវិធីនេះធ្វើឲ្យអ្នកមានសម្រស់ស្រស់ស្អាតក៏ដោយ ហានិភ័យចំពោះស្បែកក៏មិនអន់ដែរ ដូច្នេះការជ្រើសរើសអ្នកជំនាញមានឡាយសិនក្នុងការតត្រឹមត្រូវគឺសំខាន់ណាស់។

កាវដែលប្រើដើម្បីតរោមភ្នែករួមមានសារធាតុគីមី និងសារធាតុផ្សំដែលអាចនឹងរលាក ឬបង្កគ្រោះថ្នាក់ដល់ស្បែករបស់យើង។ ប្រសិនបើអ្នកមានប្រតិកម្មទៅនឹងសារធាតុគីមី ដែលប្រើក្នុងអំឡុងពេលតនោះអ្នកអាចជួបប្រទះផលប៉ះពាល់ក្នុងរយៈពេលពីរទៅបីថ្ងៃដូចជា៖

_ ក្រហមភ្នែកដូចចង់ចេញឈាម

_ រលាកភ្នែក

_ រមាស់ភ្នែក

_ មានការឈឺចាប់

_ មានដំបៅឬកន្ទួលរមាស់តំបន់ភ្នែក

_ ក្រហមនិងរលាកភ្នែកឬត្របកភ្នែក

_ ហើមភ្នែក។

គ្រឿងផ្សំមួយចំនួន ដែលមានជាទូទៅនៅក្នុងកាវរោមភ្នែករួមមាន៖ ជ័រ, ម្សៅសែលុយឡូស, cyanoacrylates, អាស៊ីត benzoic, និងformaldehyde។ ទន្ទឹមនឹងនោះក៏មានគ្រឿងផ្សំមួយចំនួននៅក្នុងថ្នាំដករោមភ្នែកសប្បនិម្មិតចេញរួមមាន៖ formaldehyde, propylene glycol, និងgeraniolជាដើម។

សូមបញ្ជាក់ដែរថា ការរតរោមភ្នែកនឹងធ្វើឲ្យរោមភ្នែកពិតស្រួយឬស្ដើងតាមជាក់ស្ដែង ហើយបើអ្នកមានការប្រតិកម្មឈឺភ្នែកនៅផ្ទះអ្នកអាចសាកធ្វើតាមវិធីខ្លះៗខាងក្រោមនេះដូចជា៖

_ ស្អំទឹកកក

_ បន្តក់ថ្នាំអាឡ័កស៊ីភ្នែក

_ លាបគ្រីម Hydrocortisone

_ និងប្រើផលិតផលប្រឆាំងនឹងអ៊ីស្តាមីនតាមមាត់។

ប៉ុន្តែបើនៅតែមានបញ្ហាក្នុងរយៈពេលលើសមួយថ្ងៃអ្នកគួរតែទៅរកពេទ្យជាបន្ទាន់ ជាមួយគ្នានេះដែរកុំភ្លេចទៅដកវាចេញផង។ គួររំលឹកថា អ្នកមិនគួរទទួលសេវាកម្មតរោមភ្នែកឡើយប្រសិនជាអ្នកមានបញ្ហា៖

_ រលាត់ស្បែកឬខូចស្បែកនៅតំបន់ត្របកភ្នែក

_ មានប្រវត្តិប្រតិកម្មភ្នែកទៅនឹងគ្រឿងសម្អាង ឬថ្នាំបន្តក់ភ្នែក

_ អាឡ័កស៊ីទៅនឹងជ័រឬគ្រឿងផ្សំនៅក្នុងកាវ

_ មានជំងឺជ្រុះសក់មួយដុំៗ

_ កំពុងទទួលការព្យាបាលដោយគីមី ឬវិទ្យុសកម្ម

_ និងមានជំងឺបោចរោមលើដងខ្លួន (ជំងឺអាកប្បកិរិយា)៕

ប្រែសម្រួលដោយ៖ វារី

ចុចអាន៖ម៉ាស្សាមុខជំរុញរំហូរទឹករងៃ ផ្ដល់ប្រយោជន៍ច្រើនយ៉ាងដល់ផ្ទៃមុខ

ចុចអាន៖ទម្លាប់បែបនេះ ទើបធ្វើឲ្យផ្ទៃមុខកាន់តែចាស់ និងមិនស្រស់ស្អាតដូចគេ

The post ស្រីៗនិយមតរោមភ្នែក ត្រូវដឹងពីផលប៉ះពាល់ និងការបង្កគ្រោះថ្នាក់ appeared first on Kampuchea Thmey Daily.

គ្រោះថ្នាក់ទាំង ៥ នៃការប្រើប្រាស់ រោមភ្នែកក្លែងក្លាយ

សាង ស្រីល័ក្ខ — Thu, 09 Dec 2021 03:10:00 +0000

ការពាក់ឬ ត រោមភ្នែកក្លែងក្លាយ និងមិនត្រឹមត្រូវ អាចមានគ្រោះថ្នាក់ ប្រសិនបើពាក់មិនត្រឹមត្រូវតាមស្តង់ដារ នៃការប្រើប្រាស់។ លោកវេជ្ជបណ្ឌិត Benyapha Chatpaitoon និងលោកសាស្ត្រាចារ្យវេជ្ជបណ្ឌិត Suparat Jariyakosol នាយកដ្ឋានជំងឺភ្នែកនៃមន្ទីរពេទ្យជូឡាឡុងកន បញ្ជាក់ថា ការប្រើរោមភ្នែកក្លែងក្លាយ ដើម្បីសម្រស់ អាចត្រូវបានលាក់ដោយគ្រោះថ្នាក់ដល់ភ្នែក ដូចខាងក្រោម៖

១ ត្របកភ្នែករលាកដោយសារប្រតិកម្ម ទៅ នឹងសារធាតុគីមីក្នុងកាវ ដែលប្រើសម្រាប់ភ្ជាប់រោមភ្នែកក្លែងក្លាយ ឬភាពកខ្វក់ជាដើម។

២ ការដាច់នៃឫសរោមភ្នែក ដែលបណ្ដាលមកពីត្របកភ្នែករលាក អាចបណ្ដាលឲ្យរោមភ្នែកពិតទៅ ជាស្ដើង។

៣ រោមភ្នែកពិតនឹងជ្រុះ ឬមិនមានសុខភាពល្អ ឬដុះឡើងវិញក្នុងទិសដៅ ខុស ដែលបណ្ដាលមកពីការដករោមភ្នែកក្លែងក្លាយញឹកញាប់។

៤ រោមភ្នែកពិត ឬរោមភ្នែកក្លែងក្លាយ អាចធ្លាក់ចូលក្នុងភ្នែក ដែលបណ្ដាលឲ្យរលាកភ្នែក។ ប្រសិនបើអ្នកជូតភ្នែកមិនស្អាត ឬមិនបានសំអាតដោយទឹកអនាម័យ ឬឆ្លងមេរោគជុំវិញកែវភ្នែក អាចបណ្ដាលឲ្យភ្នែកទៅ ជាមើលលែងឃើញ។

៥ ប្រសិនបើតំបន់ត្របកភ្នែកមិនត្រូវបានសម្អាតបានត្រឹមត្រូវ អាចនាំឲ្យមានក្រពេញ sebaceous ក្នុងត្របកភ្នែកស្ទះ ដែលជាមូលហេតុនៃភ្នែកស្ងួត ឬឈឺភ្នែកញឹកញាប់។

របៀបប្រើរោមភ្នែកក្លែងក្លាយដោយសុវត្ថិភាព

-ប្រើរោមភ្នែកក្លែងក្លាយ និងកាវតាមស្តង់ដារ។
-លាងដៃជានិច្ច មុនពេលពាក់វា។
-កុំត្រដុសភ្នែក ពេលពាក់រោមភ្នែកក្លែងក្លាយ។
-មិនគួរប្រើបន្តក្នុងរយៈពេលយូរទេ។
-សម្អាតរោមភ្នែកក្លែងក្លាយ និងគ្រឿងបន្ថែមរោមភ្នែកបន្ទាប់ពីប្រើរួច។
-កុំចែករំលែករោមភ្នែកក្លែងក្លាយ ជាមួយអ្នកដទៃ។
-សម្អាតត្របកភ្នែករបស់អ្នក ឲ្យបានទៀងទាត់។
-សង្កេតមើលរោគសញ្ញាមិនប្រក្រតីដូចជា ហើម ត្របកភ្នែកក្រហម ឈឺភ្នែក ថយចុះការមើលឃើញ។ ដូច្នេះគួរតែទៅ ជួបគ្រូពេទ្យឯកទេសភ្នែកជាបន្ទាន់។ ប្រសិនបើមានតម្រូវការប្រើរោមភ្នែកក្លែងក្លាយញឹកញាប់ គួរសិក្សាពីរបៀបប្រព្រឹត្តឲ្យបានត្រឹមត្រូវ និងប្រើដោយប្រុងប្រយ័ត្ន៕

ប្រែសម្រួល៖ សាង ស្រីល័ក្ខ

ចុចអាន៖៦ វិធី បំបាត់ភាពអស់កម្លាំង និងនឿយណាយក្នុងកែវភ្នែក

ចុចអាន៖ផឹកស្រាថ្នាំពេលពពោះ ឬកូនខ្ចី អាចប៉ះពាល់សុខភាព

The post គ្រោះថ្នាក់ទាំង ៥ នៃការប្រើប្រាស់ រោមភ្នែកក្លែងក្លាយ appeared first on Kampuchea Thmey Daily.