យ៉ាងហោចណាស់មានក្រុមហ៊ុនប្រមាណជាង២០០មកពីជាង១០ប្រទេសនឹងចូលរួមសេរីនៃពិព័រណ៍ពាណិជ្ជកម្មអន្តរជាតិអំពីវិស័យ កសិកម្ម ការចិញ្ជឹមសត្វ សម្រស់ ឱសថស្ថាន ឧបករណ៍បន្ទប់ពិសោធន៍ បរិក្ខាវេជ្ជសាស្រ្ត អាហារ-ភេសជ្ជៈ និង សត្វចិញ្ចឹមដែលនឹងប្រព្រឹត្តិទៅចាប់ពីថ្ងៃទី១៧ ដល់១៩ខែកញ្ញាឆ្នាំ២០២៥នៅមជ្ឍមណ្ឌលសន្និបាតនិងពិព័រណ៍កោះពេជ្រ រាជធានីភ្នំពេញ។

ថ្លែងក្នុងសន្និសីទសារព័ត៌មាននៅថ្ងៃព្រឹកទី២២សីហានេះនៅសណ្ឋាគារ ហាយ៉ាតរីជែនស៊ីភ្នំពេញ លោក វីននី គណៈកម្មាធិការរៀបចំ និងនាយកគ្រប់គ្រងក្រុមហ៊ុន Minh Vi Exhibition and Advertisement Services Co., Ltd (VEAS) បានមានប្រសាសន៍ថាពិព័រណ៍ពាណិជ្ជកម្មអន្តរជាតិនេះមានក្រុមហ៊ុនជាង២០០មកពីជាង១០ប្រទេសផ្សេងៗគ្នា មានដូចជា កម្ពុជា សាធារណរដ្ឋឆេក ចិន ឥណ្ឌា កូរ៉េខាងត្បូង ម៉ាឡេស៊ី ប៉ាគីស្ថាន តៃវ៉ាន់ ហូឡង់ វៀតណាម និងប្រទេសផ្សេងទៀតនឹងដាក់បង្ហាញផលិតផល បច្ចេកវិទ្យានិងសេវាកម្មជាច្រើននៅតាមស្តង់ជាង១០០ហើយពិព័រណ៍នេះត្រូវបានព្យាករថានឹងមានអ្នកចូលទស្សនា៥០០០ នាក់ជាអ្នកជំនួញមកពីក្នុងប្រទេសកម្ពុជានិងបណ្តាលប្រទេសក្នុងតំបន់ ដែលនឹងក្លាយជាវេទិការអាជីវកម្មតែមួយគត់សម្រាប់អ្នកជំនួញក្នុងប្រទេសកម្ពុជាដើម្បីអភិវឌ្ឍន៍ជំនួញរបស់ពួកគេនិងទំនាក់ទំនងទៅកាន់ទីផ្សារអន្តរជាតិ។

លោកបានបន្តទៀតថា៖« ព្រឹត្តិការណ៍នេះបានក្លាយទៅជាវេទិការជំនួបពាណិជ្ជកម្មដ៏សំខាន់ និងធំមួយសម្រាប់អ្នកផលិតផ្គត់ផ្គង់ ចែកចាយបន្ត និង អង្គភាពជាច្រើនទៀតក្នុងវិស័យទាំងនេះដើម្បីបង្កើតឱកាសអាជីវកម្ម អភិវឌ្ឍន៍ទីផ្សារ និង ចែករំលែកបច្ចេកវិទ្យាក៏ដូចជាជួយប្រជាជនកម្ពុជានិងអាជីវកម្មក្នុងតំបន់បានជួបជាមួយបច្ចេកវិទ្យាផលិតកម្មទំនើបចុងក្រោយគេបង្អស់របស់ពិភពលោក»។

លោក​ថាក្រៅពីការបង្ហាញផលិតផលនិងបច្ចេកវិទ្យានៅស្តង់ ស៊េរីថ្មីពិព័រណ៍ឆ្នាំនេះក៏ទាក់ទាញអ្នកទស្សនា អ្នកទិញដែលមានសក្កានុពល និង សកម្មភាពសំខាន់ៗជាច្រើនផងដែរតាមរយៈសិក្ខាសាលាដែលដឹកនាំដោយអ្នកជំនាញផ្នែកឧស្សាហកម្មដែលផ្តោតទៅលើបច្ចេកវិទ្យាចុងក្រោយបំផុតនិងនិន្នាការទីផ្សារ, ផ្តល់នូវការយល់ដឹងដ៏មានតម្លៃសម្រាប់ការអភិវឌ្ឍអាជីវកម្ម។

ទន្ទឹមនឹងនេះអាជីវករអាចដាក់ពាក្យណាត់ជួបដោយផ្ទាល់នៅស្តង់ ជាមួយដៃគូដែលមានសក្តានុពល, ចរចាផលិតផលនិងបច្ចេកវិទ្យា, កំណត់អត្តសញ្ញាណអ្នកទិញសមរម្យ, និងបញ្ចប់កិច្ចសន្យាអាជីវកម្មប្រកបដោយប្រសិទ្ធភាព. អ្នករៀបចំនឹងជួយក្នុងការរៀបចំនិងកំណត់ពេលប្រជុំធ្វើឲ្យប្រសើរឡើងនូវការគ្រប់គ្រងពេលវេលា និង បង្កើន ប្រសិទ្ធភាពពាណិជ្ជកម្មសម្រាប់ភាគីទាំងពីរ។

លោកវីននី សង្ឃឹមថាការតាំងពិព័រណ៍នេះនឹងក្លាយជាស្ពានពាណិជ្ជកម្មដ៏ អំណោយផលមួយ ដើម្បីសម្រេចបាននូវសកម្មភាពអាជីវកម្មជាក់ស្តែងរវាងអាជីវកម្មក្នុងស្រុក និងបរទេស និងជាទីកន្លែងមួយដើម្បីរួមចំណែកយ៉ាងសកម្មដល់ការរីកចម្រើននៃសេដ្ឋកិច្ចកម្ពុជា៕

អត្ថបទ៖សំអឿន

The post ក្រុមហ៊ុនជាង២០០មកពីជាង១០ប្រទេសនឹងចូលរួមពិព័រណ៍ពាណិជ្ជកម្មអន្តរជាតិនៅកម្ពុជានាខែកញ្ញាខាងមុខ appeared first on Kampuchea Thmey Daily.

ថ្លែងក្នុងសន្និសីទសារព័ត៌មាននៅថ្ងៃព្រឹកទី ៣១កក្កដានេះនៅ​រាជធានីភ្នំពេញ លោក វីននី គណៈកម្មាធិការរៀបចំនិងនាយកគ្រប់គ្រងក្រុមហ៊ុន Minh Vi Exhibition and Advertisement Services Co., Ltd (VEAS) បានមានប្រសាសន៍ថាពិព័រណ៍ពាណិជ្ជកម្មអន្តរជាតិនេះមានក្រុមហ៊ុនចំនួន១៥០មកពីជាង១០ប្រទេសផ្សេងៗគ្នា ដូចជា បេឡារុស, កម្ពុជា,ចិន,កូរ៉េ,ម៉ាឡេស៊ី,ញ៉ូហ្សឺលែន.ប៉ូឡូញ,រុស្សី, តៃវ៉ាន់,ថៃ,អាមេរិកនិងវៀតណាមនឹងដាក់បង្ហាញផលិតផល បច្ចេកវិទ្យានិងសេវាកម្មជាច្រើនលើទំហំនៃការបង្ហាញ៣០០០ម៉ែត្រការ៉េហើយពិព័រណ៍នេះត្រូវបានព្យាករថានឹងមានអ្នកចូលទស្សនាចំនួន ៤៥០០ នាក់ជាអ្នកជំនួញមកពីក្នុងប្រទេសកម្ពុជានិងបណ្តាលប្រទេសក្នុងតំបន់ ដែលនឹងក្លាយជាវេទិការអាជីវកម្មតែមួយគត់សម្រាប់អ្នកជំនួញក្នុងប្រទេសកម្ពុជាដើម្បីអភិវឌ្ឍន៍ជំនួញរបស់ពួកគេនិងទំនាក់ទំនងទៅកាន់ទីផ្សារអន្តរជាតិ។

លោកបានបន្តថា៖« ព្រឹត្តិការណ៍នេះបានក្លាយទៅជាវេទិការជំនួបពាណិជ្ជកម្មដ៏សំខាន់ និងធំមួយសម្រាប់អ្នកផលិតផ្គត់ផ្គង់ ចែកចាយបន្ត និង អង្គភាពជាច្រើនទៀតក្នុងវិស័យទាំងនេះដើម្បីបង្កើតឱកាសអាជីវកម្ម អភិវឌ្ឍន៍ទីផ្សារ និង ចែករំលែកបច្ចេកវិទ្យាក៏ដូចជាជួយប្រជាជនកម្ពុជានិងអាជីវកម្មក្នុងតំបន់បានជួបជាមួយបច្ចេកវិទ្យាផលិតកម្មទំនើបចុងក្រោយគេបង្អស់របស់ពិភពលោក»។

បើយោងតាមលោក វីននី ក្រៅពីការបង្ហាញផលិតផលនិងបច្ចេកវិទ្យានៅស្តង់ ស៊េរីថ្មីពិព័រណ៍ឆ្នាំនេះក៏ទាក់ទាញអ្នកទស្សនា អ្នកទិញដែលមានសក្កានុពល និង សកម្មភាពសំខាន់ៗជាច្រើនផងដែរតាមរយៈសិក្ខាសាលាដែលដឹកនាំដោយអ្នកជំនាញផ្នែកឧស្សាហកម្មដែលផ្តោតទៅលើបច្ចេកវិទ្យាចុងក្រោយបំផុតនិងនិន្នាការទីផ្សារ, ផ្តល់នូវការយល់ដឹងដ៏មានតម្លៃសម្រាប់ការអភិវឌ្ឍអាជីវកម្ម។

ទន្ទឹមនឹងនេះអាជីវករអាចដាក់ពាក្យណាត់ជួបដោយផ្ទាល់នៅស្តង់ ជាមួយដៃគូដែលមានសក្តានុពល, ចរចាផលិតផលនិងបច្ចេកវិទ្យា, កំណត់អត្តសញ្ញាណអ្នកទិញសមរម្យ, និងបញ្ចប់កិច្ចសន្យាអាជីវកម្មប្រកបដោយប្រសិទ្ធភាព. អ្នករៀបចំនឹងជួយក្នុងការរៀបចំនិងកំណត់ពេលប្រជុំធ្វើឲ្យប្រសើរឡើងនូវការគ្រប់គ្រងពេលវេលា និង បង្កើន ប្រសិទ្ធភាពពាណិជ្ជកម្មសម្រាប់ភាគីទាំងពីរ។

លោកសង្ឃឹមថាការតាំងពិព័រណ៍នេះនឹងក្លាយជាស្ពានពាណិជ្ជកម្មដ៏ អំណោយផលមួយ ដើម្បីសម្រេចបាននូវសកម្មភាពអាជីវកម្មជាក់ស្តែងរវាងអាជីវកម្មក្នុងស្រុក និងបរទេស និងជាទីកន្លែងមួយដើម្បីរួមចំណែកយ៉ាងសកម្មដល់ការរីកចម្រើននៃសេដ្ឋកិច្ចកម្ពុជា៕

អត្ថបទ៖សំអឿន

The post កម្ពុជានឹងស្វាគមន៍ក្រុមហ៊ុន១៥០មកពីជាង១០ប្រទេស​ចូលរួមពិព័រណ៍ពាណិជ្ជកម្មអន្តរជាតិ​ចុងខែសីហា​ appeared first on Kampuchea Thmey Daily.

ថ្លែងក្នុងសន្និសីទសារព័ត៌មានស្តីពីពិព័រណ៍វិស័យផ្គត់ផ្គង់ម្ហូបអាហារសណ្ឋាគារ និងបដិសណ្ឋារកិច្ចខ្នាតអន្តរជាតិ CAMFOOD/CAMHOTEL 2023 កាលពីរសៀលថ្ងៃទី ០៩សីហាលោក Andrew Siow ជាអគ្គនាយកក្រុមហ៊ុន AMB Tarsus Event group ដែលជាអ្នករៀបចំពិព័រណ៍នេះបានឱ្យដឹងថា ពិព័រណ៍នេះ នឹងប្រព្រឹត្តិទៅនៅថ្ងៃទី ១៤-១៦ ខែកញ្ញា ឆ្នាំ២០២៣ ជាមួយនឹងមានការត្រឡប់មកវិញសារជាថ្មីនៃការប្រកួតប្រជែងផ្នែកបដិសណ្ឋារកិច្ចថ្នាក់ជាតិ ហើយពិព័រណ៍នេះ មានក្រុមហ៊ុន និងម៉ាកយីហោក្នុងស្រុក និងអន្តរជាតិចូលរួមជាង២៥០ និងត្រូវបានរំពឹងថា នឹងមានអ្នកចូលរួម​ទស្សនាជាង១២០០០នាក់ ។

លោកបានបន្តថា ពិព័រណ៍នេះគ្រោងនឹងបើកជាផ្លូវការក្រោមអធិបតីភាពលោក អាំង សុវណ្ណរ័ត្ន អគ្គនាយកគ្រប់គ្រង​ឧស្សាហកម្មទេសចរណ៍ នៃក្រសួងទេសចរណ៍ និងលោក គឹម សេរីរដ្ឋ អគ្គលេខាធិការរងគ.ជ.វ.ទ និងប្រធាន​នាយកដ្ឋានគ្រប់គ្រងសេវាកម្មស្នាក់នៅទេសចរណ៍ និងម្ហូបអាហារ នៅថ្ងៃទី១៤ ខែកញ្ញា ឆ្នាំ២០២៣។

លោកបានបញ្ជាក់ថា«នៅពេលដែលទីផ្សារទេសចរណ៍ និង F&B ស្ទុះងើបឡើងវិញជាលំដាប់ក្នុងដំណាក់កាលក្រោយ COVID-19 នេះ យើងជឿជាក់ថា ពិព័រណ៍ ខេមហ្វួត/ខេម ហូតែលនឹងបន្ថែមទំនុកចិត្ត និងគុណតម្លៃដល់​ឧស្សា​ហកម្មនេះ តាមរយៈការប្រមូលផ្តុំអ្នកនៅក្នុងឧស្សាហកម្មក្នុងការ ចែករំលែកបទពិសោធន៍ និងបង្កើតភាពជា​ដៃគូអាជីវកម្មថ្មីៗ»។

ចំណែកសហព័ន្ធទេសចរណ៍កម្ពុជា នឹងធ្វើជាម្ចាស់ផ្ទះជាផ្លូវការ ដឹកនាំក្នុងការរៀបចំការប្រកួតប្រជែងផ្នែកបដិសណ្ឋារ​កិច្ចផងដែរនៅក្នុងព្រឹត្តិការណ៍ CAMFOOD/CAMHOTEL 2023 រួមមាន ការប្រកួតចំអិនម្ហូបដោយផ្ទាល់ មាន​ដូចជា នំបញ្ចុកសៀមរាប, សម្លកកូរខ្មែរ,ត្រីអាម៉ុក, សាច់គោ (Steak), ការតុបតែងនំខេក ជាដើម។ បន្ថែមលើស​ពីនេះក៍មាន ការប្រកួតឆុងកាហ្វេ (បារីស្តា) ថ្នាក់ជាតិ, ការប្រកួតរៀបចំតុអារហារ, ការប្រកួតក្រឡុកស្រា, ការប្រកួត​ប្រជែងពីរសិល្ប:តុបតែងនិងរៀបចំគ្រែ ការប្រកួតប្រជែងពីររបៀបរចនាផ្កា តុបតែងផ្កា ជាដើម៕

អត្ថបទ ៖ សំអឿន

The post កម្ពុជា នឹងរៀបចំពិព័រណ៍វិស័យផ្គត់ផ្គង់ម្ហូបអាហារសណ្ឋាគារ និងបដិសណ្ឋារកិច្ចខ្នាតអន្តរជាតិនៅខែ កញ្ញា appeared first on Kampuchea Thmey Daily.

បើតាមការភ្នាក់ងាររៀបចំ ពិព័រណ៍យានយន្តអគ្គិសនីឆ្នាំ២០២៣ Electric Mobility Showcase (EMS) បញ្ជាក់ថា សាធារណជន មិនថាសិស្សនិស្សិត អ្នកធ្វើការ ឬអ្នកប្រកបរបរអ្វីឡើយ អាចចូលរួមដោយសេរី ចាប់ពីម៉ោង ៩:00 ព្រឹក ដល់ ៥:00 ល្ងាច នាថ្ងៃសុក្រ ទី១១ ខែសីហា ឆ្នាំ២០២៣ ខាងមុខនេះ នៅទីតាំង វិទ្យាស្ថានបច្ចេកវិទ្យាកម្ពុជា (ITC)។

គូសបញ្ជាក់ដែរថា ការតាំងពិពណ៌នេះ គឺរួមបញ្ចូលសកម្មភាពសំខាន់ៗមួយចំនួន ដោយមានការបើកបរសាកល្បង ការធ្វើបទបង្ហាញពីប្រធានបទរថយន្តអគ្គិសនី ការកែច្នៃថ្ម ការប្រកួតប្រជែង និងឱកាសនៅការបង្កើនផលិតកម្ម។ ក្រៅពីនេះ នៅមានបទបង្ហាញខ្លីស្តីពីប្រវត្តិ និងការវិវត្តន៍នៃយានជំនិះអគ្គិសនី បន្តពិភាក្សាអំពីស្ថានភាពបច្ចុប្បន្ននៃការអនុម័ត និងនិន្នាការដែលកំពុងរីកចម្រើន។

ជាមួយគ្នានេះ សាធារណជនដែលចូលរួម ក្រៅពីអាចស្វែងយល់អំពីការវិវត្តថ្មីៗ នៃបច្ចេកវិទ្យាយានយន្តអគ្គិសនីហើយ គឺមានឱកាសភ្ជាប់ទំនាក់ទំនងជាមួយបុគ្គលសំខាន់ៗក្នុងវិស័យនេះផងដែរ។

គួរបញ្ជាក់ថា ពិព័រណ៍យានយន្តអគ្គិសនីនៅកម្ពុជា ផ្តើមរៀបចំឡើងចាប់តាំងពីឆ្នាំ២០១៩ ដោយនៅឆ្នាំ២០២១ សហការជាមួយក្រសួងបរិស្ថាន, ឆ្នាំ២០២២ ធ្វើនៅ factory phnom penh និងឆ្នាំ២០២៣ ធ្វើនៅវិទ្យាស្ថានបច្ចេកវិទ្យាកម្ពុជា។ ជុំវិញនៃការចូលរួមនេះដែរ គឺតម្រូវឱ្យសាធារណជន ដែលមានបំណងចង់ចូលរួម ត្រូវចុះឈ្មោះជាមុនសិន តាមរយៈលីងរបស់ EnergyLab Cambodia ៕

អត្ថបទដោយ៖ សុធាវី

The post ពិព័រណ៍យានយន្តអគ្គិសនី ថ្ងៃសុក្រ ​សប្តាហ៍នេះ ជា​ឱកាសសាកល្បងផលិតផល​ក្រុមហ៊ុន ដោយសេរី appeared first on Kampuchea Thmey Daily.