ការធ្វើបុណ្យ Archives - Kampuchea Thmey Daily

សាងបុណ្យដោយវិធី ៣ នេះ នឹងទទួលបានកុសលចម្រើនដល់ខ្លួនឯង និងអ្នកដទៃ

សាង ស្រីល័ក្ខ — Mon, 09 May 2022 09:18:25 +0000

បុណ្យក្នុងព្រះពុទ្ធសាសនា មានន័យថា ធ្វើអំពើល្អ ប្រព្រឹត្តត្រឹមត្រូវ ទាំងផ្លូវកាយ វាចា និងផ្លូវចិត្ត។ ការសាងកុសល មានច្រើនទម្រង់ ប៉ុន្តែតើធ្វើដូចម្ដេច ដើម្បីបានបុណ្យកុសលដ៏ខ្ពង់ខ្ពស់? ជាទូទៅវិធីនៃការធ្វើបុណ្យ អាចចែកចេញជាបីយ៉ាង គឺការឲ្យទាន សិក្ខាបទ និងសមាធិ។ បើទទួលបានបុណ្យខ្ពង់ខ្ពស់ វាអាស្រ័យលើសមាសធាតុបីខាងក្រោម៖

១ ទាន

សម្ភារៈដែលបានផ្តល់ឲ្យ ត្រូវតែបរិសុទ្ធ មានន័យថា អ្វីដែលអាចទទួលបានដោយខ្លួនឯង បានមកជាមួយភាពបរិសុទ្ធ មិនទៅរំលោភលើនរណាម្នាក់ ឬបានមកចេតនាណាមួយ។ ពោលគឺមុននឹងឲ្យទាន ត្រូវតែមានជំនឿ។ ឲ្យដោយសេចក្តីរីករាយ ហើយបន្ទាប់ពីបានឲ្យទៅ គិតត្រឡប់ទៅកាន់ទានដែលឲ្យនោះ ហើយត្រេកអរ ឬរីករាយនឹងអ្វីដែលបានធ្វើ។

២ រក្សាសិក្ខាបទ

សិក្ខាបទទាំង ៥ ដែលជាពាក្យប្រៀនប្រដៅរបស់ពុទ្ធសាសនិកជន គឺ វៀរចាកការសម្លាប់សត្វមានជីវិត វៀរចាកការលួច វៀរចាកការប្រព្រឹត្តខុសក្នុងកាម វៀរចាកការភូតភរ និង វៀរចាកការសេពសុរា។ យ៉ាងណាមិញ យើងត្រូវតែជាអ្នករក្សាសិក្ខាបទដោយបរិសុទ្ធ ទើបទទួលបានផលបុណ្យដោយចិត្តបរិសុទ្ធដែរ។

៣ សមាធិ

ធ្វើចិត្តឲ្យស្ងប់ ផ្ចង់អារម្មណ៍ មិនរវើរវាយ បំបាត់នូវអារម្មណ៍ផ្សេងៗ ហើយនៅពេលដែលចិត្តមាំទាំក្នុងសមាធិ រឿងបន្ទាប់គឺអភិវឌ្ឍប្រាជ្ញា ដែលនេះខុសពីការធ្វើសមាធិ គឺយើងត្រូវប្រើគំនិត ហើយធ្វើសមាធិដើម្បីឃើញការពិត អ្វីៗក្នុងលោកនេះ កើតមកមានហើយរលត់ទៅដោយធម្មជាតិ អនិច្ចា ទុគ៌ត មិនមែនជារបស់ខ្លួនឡើយ។ ដូច្នេះកុំលោភលន់ កុំចង់បាន កុំអួត កុំធ្វើបាបគេ យកជាឈ្នាន់សប្បាយរបស់ខ្លួន។

ចុងក្រោយនេះ កាលបើពិចារណាឃើញនូវធម៌ទាំង ៣ យ៉ាងនោះហើយ ត្រូវគិតថា អ្វីទាំងអស់កើតចេញពីយើងទាំងអស់គ្នា។ មិនថាជាកាយវិការ ការនិយាយ ចិត្ត អ្វីដែលសំខាន់មួយទៀតនោះគឺថា បុណ្យនឹងមានច្រើនឬតិច វាអាស្រ័យលើចេតនារបស់អ្នក ជំនឿរបស់អ្នក ដើម្បីធ្វើវាផងដែរ៕

គ្រូ ណុប

ចុចអាន៖ទម្លាប់ចាយលុយអស់ៗគ្មានសល់ តាមជំនឿ អាចមកពីកម្មផលចាស់ៗពីអតីតជាតិ

ចុចអាន៖វិបស្សនាជាអ្វី ហើយមានគោលបំណងដើម្បីអ្នកណា?

The post សាងបុណ្យដោយវិធី ៣ នេះ នឹងទទួលបានកុសលចម្រើនដល់ខ្លួនឯង និងអ្នកដទៃ appeared first on Kampuchea Thmey Daily.

២ វិធី រក្សាចិត្តឲ្យជ្រះថ្លា បានទាំងបុណ្យនិងកុសលព្រមគ្នា ដោយមិនប្រើទ្រព្យ

សាង ស្រីល័ក្ខ — Thu, 28 Apr 2022 00:40:00 +0000

ការធ្វើបុណ្យមានច្រើនវិធី ច្រើនទម្រង់ មិនថាធ្វើបុណ្យជាមួយព្រះសង្ឃ ជនអនាថា អ្នកអត់ឃ្លាន ឬការបរិច្ចាគបច្ច័យ ក្នុងការកសាងអ្វីមួយឡើយ។

ទន្ទឹមនោះ បើយើងខ្សត់ទ្រព្យពុំមានលុយកាក់គ្រប់គ្រាន់សម្រាប់សាងកុសល យើងក៏អាចងាកមកធ្វើបុណ្យដោយមិនបាច់ចំណាយទ្រព្យ តែបានចិត្តជ្រះថ្លាមកវិញ។ ម៉្យាងវិញទៀត ការធ្វើបុណ្យដាក់ទាន មិនមែនទាល់តែមានលុយដូចអ្នកមានៗ ទើបធ្វើបានទេ។ ទោះមានត្រឹមចិត្តជ្រះថ្លា ចិត្តល្អ យើងក៏អាចធ្វើបានដែរ។

រក្សាសិក្ខាបទ

ចំពោះមនុស្សទូទៅ មានសិក្ខាបទ ៥ យ៉ាងគឺ៖ មិនសម្លាប់, មិនលួច, មិនប្រព្រឹត្តខុសក្នុងកាម, មិនភូតភរ និងផឹកសុរា។ ដែលទាំងនេះ ជាគោលការណ៍សំខាន់នៃការរក្សាសិក្ខាបទ គឺមិនធ្វើបាបខ្លួនឯងនិងអ្នកដទៃ ទាំងផ្លូវកាយ វាចា និងផ្លូវចិត្តឡើយ ដោយការរក្សាសិក្ខាបទនោះ នឹងបានគេស្រឡាញ់រាប់អាន។ ធ្វើជាមនុស្សមានគុណធម៌ មានចិត្តសប្បុរសធម៌ពីខាងក្នុងកាយ មិនមែនធ្វើល្អ ដើម្បីលម្អភាពស្អុយពីខាងក្នុងរបស់យើងឡើយ។

ការអធិស្ឋានឬបន់ស្រន់ក្នុងចិត្ត

ដោយការអធិស្ឋានឬបន់ស្រន់មានវិធី ២ យ៉ាងគឺ ៖

សមាធិ

ជាការធ្វើចិត្តឲ្យស្ងប់ ផ្ចង់អារម្មណ៍ មិនឲ្យរវើរវាយ បំបាត់នូវអារម្មណ៍សៅហ្មងផ្សេងៗ។ ឈប់គិតអាក្រក់លើអ្នកណា ហើយគិតតែរឿងវិជ្ជមាន ឈប់តាមដានជីវិតគេ ជាងជីវិតខ្លួនឯង ជាពិសេសគឺបញ្ចប់រាល់គំនុំគំគួន ហើយអហោសិកម្មឲ្យគេចុះ។

ប្រាជ្ញា

កាលណាចិត្តរឹងមាំក្នុងសមាធិ រឿងបន្ទាប់គឺអភិវឌ្ឍគំនិតនិងប្រាជ្ញា។ ដែលនេះ គឺខុសពីការធ្វើសមាធិ ដែលយើងត្រូវប្រើគំនិតឲ្យខ្លាំង។ ការប្រើប្រាជ្ញាដើម្បីឃើញការពិត អ្វីៗក្នុងលោកនេះកើតមកមានហើយរលត់ទៅតាមធម្មជាតិ ពោលគឺ “អនិច្ចា” មានន័យថា អនិច្ចា អ្វីក៏ដោយ អ្វីៗទាំងអស់មិនស្ថិតស្ថេរ កើតឡើងហើយ ប្រែប្រួល។ “ទុគ៌ត” មានន័យថា សភាពមិនអាចស្ថិតស្ថេរបាន ហើយ “អនាថា” មានន័យថា អ្វីៗទាំងអស់មិនមាន ហើយមិនមែនជាខ្លួន ឬជារបស់នរណាម្នាក់។ ទោះយ៉ាងណាក៏ដោយ ការធ្វើសប្បុរសធម៌មានច្រើនទម្រង់ គ្រាន់តែបុគ្គលដែលចង់ធ្វើនោះ ចង់បានប្រភេទណា ដើម្បីងាយស្រួលសម្រាប់ខ្លួនឯងតែប៉ុណ្ណោះ។

យ៉ាងណាមិញ គ្រូ ណុប សូមរំលឹកដល់មិត្តអ្នកអានរបស់កម្ពុជាថ្មីថា គោលការណ៍សំខាន់នៃការធ្វើបុណ្យ គឺមិនឲ្យខ្លួនឯង និងអ្នកផ្សេងទៀតរងទុក្ខ មិនធ្វើបាបអ្នកណាទាំងផ្លូវកាយ វាចា និងផ្លូវចិត្ត មិនគិតអាក្រក់លើគេ ហើយលាងខ្លួនឯងថាល្អ មិនបន្លំ មិនកុហក ព្រមទទួលស្គាល់កំហុសខ្លួន កុំអំនួតលើសគេ រហូតជាន់អ្នកតូចទាបជាងខ្លួន៕

គ្រូ ណុប

ចុចអាន៖វិធី ១០ យ៉ាង ជួយបង្កើនបុណ្យកុសលឲ្យខ្លួនឯង និងអ្នកជុំវិញ

ចុចអាន៖ធ្លាប់លើសលស់ លើអ្នកមានគុណ ទាំងផ្លូវកាយ និងផ្លូវចិត្ត ចូរប្រើវិធីនេះលុបលាងផលកម្មវិញ

The post ២ វិធី រក្សាចិត្តឲ្យជ្រះថ្លា បានទាំងបុណ្យនិងកុសលព្រមគ្នា ដោយមិនប្រើទ្រព្យ appeared first on Kampuchea Thmey Daily.

ធ្លាប់លើសលស់ លើអ្នកមានគុណ ទាំងផ្លូវកាយ និងផ្លូវចិត្ត ចូរប្រើវិធីនេះលុបលាងផលកម្មវិញ

សាង ស្រីល័ក្ខ — Fri, 18 Mar 2022 01:50:00 +0000

ធ្លាប់មានការលើសលស់លើឪពុកម្ដាយ មិនថាមានចេតនាក្ដី ឬអចេតនាដែរទេ? យ៉ាងណាមិញ ការលុបលាងផលកម្ម អាក្រក់ ដែលធ្លាប់ធ្វើបាបឪពុកម្ដាយទាំងផ្លូវកាយ និងផ្លូវចិត្ត គឺយើងអាចលុបលាងកម្មទាំងនោះបាន។ ប្រសិនបើយើងមានសទ្ធាជ្រះថ្លា និងចិត្តមេត្តា ចង់ជម្រះនៅរឿងអាក្រក់ៗទាំងនោះ។

មានវិធីងាយស្រួល ក្នុងការចាប់ផ្ដើមដូចជា៖

១ ប្រសិនបើលោកអ្នកមានគុណរបស់អ្នក នៅមានជីវិត ត្រូវកែប្រែអាកប្បកិរិយារបស់អ្នក ដោយគិតល្អ ធ្វើល្អ និយាយល្អជាមួយលោកទាំងពីរ។ អំឡុងពេលនេះ ត្រូវធ្វើចេញពីចិត្តដោយទិញនំចំណីចំណុកឲ្យលោកពិសា ជូនលោកទៅធ្វើបុណ្យទានរក្សាសីល ទាន់លោកនៅភ្នែកភ្លឺដើរបាន។ មួយវិញទៀត ត្រូវនិយាយស្ដីពីរោះពិសា គិតអ្នកមានគុណ ធំជាងអ្វីទាំងអស់។

២ បើអ្នកមានគុណបានចែកឋានទៅកាន់បរលោកហើយ ចូរអ្នកជាកូនត្រូវធ្វើបុណ្យ បរិច្ចាគដល់អ្នកអត់ជាងខ្លួន ហើយសុំការអភ័យទោសឲ្យបានញឹកញាប់ ពីសំណាក់លោកទាំងពីរ។

ទន្ទឹមនោះ អ្វីដែល គ្រូ ណុប ចង់ដាស់សតិដល់មិត្តអ្នកអានគ្រប់គ្នាថា ប្រសិនបើបានជ្រុលកាយជ្រុលគំនិត លើសលស់ដល់ឪពុកម្ដាយដោយចៃដន្យ ឬគ្មានចេតនាឡើយ។ តែចង់សុំទោស និងឲ្យលោកអត់អោន នោះត្រូវប្រញាប់ធ្វើឲ្យហើយ បុណ្យក៏ដោយ បើចង់ធ្វើទាន់លោកនៅមានជីវិតរស់នៅ ហើយគ្រូមិនបានប្រមាថជីវិតលោកដែរ។ គ្រាន់តែថា អ្វីគ្រប់យ៉ាងលើលោកនេះគឺមិនទៀងទាត់ទេ អ្វីដែលសំខាន់ ត្រូវធ្វើបុណ្យទាន់ខែភ្លឺ កុំចាំដល់ខែងងឹត មកសំពះផ្នូរសុំការអភ័យ ពេលនោះវាគ្មានន័យអ្វីទៀតទេ៕

គ្រូ ណុប

ចុចអាន៖វិធី ១០ យ៉ាង ជួយបង្កើនបុណ្យកុសលឲ្យខ្លួនឯង និងអ្នកជុំវិញ

ចុចអាន៖បុគ្គលដែលវាសនាចារជាមហាសេដ្ឋី ត្រូវមានលក្ខណៈសម្បត្តិ ៧ នេះលើផ្ទៃមុខ

The post ធ្លាប់លើសលស់ លើអ្នកមានគុណ ទាំងផ្លូវកាយ និងផ្លូវចិត្ត ចូរប្រើវិធីនេះលុបលាងផលកម្មវិញ appeared first on Kampuchea Thmey Daily.

វិធី ១០ យ៉ាង ជួយបង្កើនបុណ្យកុសលឲ្យខ្លួនឯង និងអ្នកជុំវិញ

សាង ស្រីល័ក្ខ — Mon, 03 Jan 2022 04:30:00 +0000

ការធ្វើបុណ្យ យើងអាចធ្វើទៅបានច្រើនប្រភេទ មិនថាជាការរក្សាសិល ឲ្យទានដល់អ្នកក្រខ្សត់ ឬស្ដាប់ធម៌ទេសនាយ៉ាងណានោះទេ។

បុណ្យកុសលទាំង ១០ ដែលអាចអនុវត្តបាន ក្នុងជីវិតប្រចាំថ្ងៃមានដូចខាងក្រោម ៖

ឲ្យទានដល់អ្នកក្រខ្សត់ជាងខ្លួន ជួយលុបបំបាត់ភាពអាត្មានិយម មិនជាប់នឹងវត្ថុ និងដឹងពីរបៀបចែករំលែក សូមឲ្យវត្ថុដែលយើងឲ្យ ជាប្រយោជន៍ដល់អ្នកដទៃ។

រក្សាសិក្ខាបទ គឺជាការបដិបត្តិមិនប្រព្រឹត្តអំពើអាក្រក់។ អ្វីដែលសំខាន់បំផុត គឺកុំរំលោភបំពានលើនរណាម្នាក់។ ចេះធ្វើចិត្តទូលាយ ដើម្បីផ្សព្វផ្សាយដល់អ្នកដទៃផ្សេងទៀត។

បច្ចេកទេសវិប្បសនា អភិវឌ្ឍចិត្ត និងបញ្ញា ដើម្បីបង្កើតអារម្មណ៍សន្តិភាព ចេះកាត់ចិត្ត មើលតម្លៃនៅក្នុងវត្ថុ ជាការពិតទាំងអស់។ ជាពិសេសកុំឲ្យចិត្តនៅមានការច្រណែនស្នានីស ហើយមានតែអំពើល្អជានិច្ច។

ចេះបន្ទាបខ្លួន នឹងធ្វើឲ្យមនុស្ស ចេះគោរពគ្នាទៅវិញទៅមក ទាំងក្នុងគំនិត និងការបញ្ចេញមតិចំពោះបុគ្គល និងសង្គមផ្សេងៗគ្នា។

ជួយសហគមន៍ជុំវិញ ត្រូវលះបង់រូបកាយ និងព្រលឹង ដើម្បីប្រយោជន៍រួម សម្រាប់ជាប្រយោជន៍ដល់អ្នកដែលនឹងត្រូវទទួលបាន។

អនុញ្ញាតឲ្យអ្នកដទៃចូលរួមបុណ្យជាមួយយើង ចូលរួមជាមួយអ្នកដទៃក្នុងសកម្មភាព មតិយោបល់ នេះរួមបញ្ចូលទាំងការឧទ្ទិសកុសល ដល់អ្នកដែលបានចែកឋានទៅដែរ។

ទទួលយកនិងរីករាយក្នុងការធ្វើល្អ ចូររីករាយ សរសើរ ឬបុណ្យដល់អ្នកដទៃ បើយើងឃើញថាអ្វីដែលគាត់ធ្វើ គឺត្រឹមត្រូវ ដោយមិនបំពានលើនរណាម្នាក់។ នោះក៏បានបុណ្យច្រើនអនេកផងដែរ។

ស្ដាប់ព្រះធម៌ទេសនា ការស្ដាប់ព្រះធម៌ ឬស្ដាប់ព្រះធម៌ សូមឲ្យអ្វីដែលយើងឮមានប្រយោជន៍ទាំងខ្លួនយើង និងអ្នកជុំវិញ ហើយនាំឲ្យជីវិតជួបតែសេចក្ដីសុខផ្លូវចិត្ត និងផ្លូវកាយ។

សំដែងធម៌ដល់អ្នកផ្សេង ការផ្ដល់គំនិតល្អៗដល់អ្នកដទៃ ប្រៀបដូចជាការបង្កើតកុសល ដោយការផ្សព្វផ្សាយចំណេះដឹងល្អៗ។

បង្កើតមតិត្រឹមត្រូវ និងសមរម្យក្នុងខ្លួន កុំប្រកាន់ចិត្តរឹងរូស កុំប្រកាន់គំនិតខ្លួនឯង ស្ដាប់អ្នកដទៃខ្លះ កែគំនិត និងយល់ត្រូវតាមក្បួន គិតល្អ គិតត្រូវ៕

គ្រូ ណុប

ចុចអាន៖រុក្ខជាតិ ៥ ប្រភេទ ជួយបង្កើនស្នេហា ឲ្យស្អិតរមួត និងទាក់ទាញគេអាណិតស្រលាញ់ច្រើន

ចុចអាន៖បកស្រាយសុបិនឃើញមនុស្សចាស់ ឬឲ្យរបស់របរចម្លែក តើអត្ថន័យដូចម្ដេច?

The post វិធី ១០ យ៉ាង ជួយបង្កើនបុណ្យកុសលឲ្យខ្លួនឯង និងអ្នកជុំវិញ appeared first on Kampuchea Thmey Daily.

ការធ្វើបុណ្យ Archives - Kampuchea Thmey Daily

សាងបុណ្យដោយវិធី ៣ នេះ នឹងទទួលបានកុសលចម្រើនដល់ខ្លួនឯង និងអ្នកដទៃ

២ វិធី រក្សាចិត្តឲ្យជ្រះថ្លា បានទាំងបុណ្យនិងកុសលព្រមគ្នា ដោយមិនប្រើទ្រព្យ

ធ្លាប់លើសលស់ លើអ្នកមានគុណ ទាំងផ្លូវកាយ និងផ្លូវចិត្ត ចូរប្រើវិធីនេះលុបលាងផលកម្មវិញ

វិធី​ ១០​ យ៉ាង​ ជួយបង្កើន​បុណ្យ​កុសលឲ្យ​ខ្លួន​ឯង​ និងអ្នកជុំវិញ

វិធី ១០ យ៉ាង ជួយបង្កើនបុណ្យកុសលឲ្យខ្លួនឯង និងអ្នកជុំវិញ