នៅចំណុចផ្ទះលេខ៤២ ផ្លូវលេខ១៩ ភូមិ០៩ សង្កាត់ជ័យជំនះ ខណ្ឌដូនពេញ រាជធានីភ្នំពេញ កម្លាំងកងរាជអាវុធហត្ថរាជធានីភ្នំពេញ បានចុះដល់ទីតាំងកើតហេតុភ្លាមៗធ្វើអន្តរាគមន៍ ជួយពន្លត់ភ្លើងដែលឆាបឆេះ បានទាន់ពេលវេលា ព្រមទាំងបានធ្វើការទប់ស្កាត់និងឃាត់ខ្លួនជនបង្ក ផងដែរ។

ក្រោយហេតុការណ៍ ដ៏ភ្ញាក់ផ្អើលនេះត្រូវបានបញ្ចប់ ប្រជាពលរដ្ឋក្បែរខាងដែលទទួលរងនូវការភ័យខ្លាច និងបារម្ភពី ទង្វើដុតផ្ទះរបស់ជនបង្ក អាចនឹងឆេះរាលដាលដល់ផ្ទះពួកគាត់ បានសម្តែងការថ្លែងអំណរគុណ ដោយក្តីរំភើបបំផុត ចំពោះកម្លាំងអាវុធហត្ថរាជធានីភ្នំពេញ ដែលបានចុះជួយអន្តរាគមន៍ទាន់ពេលវេលា។

លោកឧត្ដមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ ក៏សូមអំពាវនាវដល់បងប្អូនប្រជាពលរដ្ឋ នៅក្នុងរាជធានីភ្នំពេញផងដែរ ប្រសិនបើបងប្អូន បានជួបហេតុការណ៍ណាមួយ ត្រូវការអន្តរាគមន៍បន្ទាន់ ពីកងរាជអាវុធហត្ថរាជធានីភ្នំពេញ សូមបងប្អូនហៅទូរស័ព្ទទៅកាន់លេខ១២៩១ ឬ អាចទាក់ទងតាមបណ្តាញ Telegram, WhatsApp, CoolApp របស់កងរាជអាវុធហត្ថរាជធានីភ្នំពេញ ដែលមានលេខ 031 5555 669 ឬអាចឆាតទៅកាន់ផេកហ្វេសប៊ុករបស់កងរាជអាវុធហត្ថរាជធានីភ្នំពេញ ដែលមានឈ្មោះថា Phnom Penh Gendarmerie៕

The post បុរសម្នាក់បែកថ្នាំប្រើហិង្សា ក្នុងគ្រួសារនិងដុតផ្ទះខ្លួនឯង ត្រូវអាវុធហត្ថរាជធានី ចុះបង្ក្រាបទាន់ពេលវេលា appeared first on Kampuchea Thmey Daily.

មន្ត្រីជំនាញបរិស្ថានខេត្តព្រះវិហារ បានឲ្យដឹងថា ប្រតិបត្តិការនេះដឹកនាំដោយ លោក នៅ ប្រុស អនុប្រធានការិយាល័យដែនជម្រកសត្វព្រៃព្រះរកា-ឆែប រួមជាមួយមន្ត្រីឧទ្យានុរក្សប្រចាំស្នាក់ការក្បាលដំរី។ កម្លាំងជំនាញបានធ្វើការឃាត់រថយន្តដឹកជញ្ជូនបទល្មើសធនធានធម្មជាតិ(ឈើជ្រុង) នៅចំណុចនិយាមកា (៥៣៦៧០៦-១៥៦១១៣៨) ស្ថិតក្នុងភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ។

បើតាមរបាយការណ៍បានបង្ហាញទៀតថា សមត្ថកិច្ចបានធ្វើការដកហូតបានវត្ថុតាងបទល្មើស រួមមាន៖ រថយន្ត១គ្រឿង ម៉ាក Highlander ពណ៌ស្ករ ពាក់ផ្លាកលេខ ភ្នំពេញ 2AP-1443 ,ឈើប្រភេទសុក្រំ ចំនួន ០.៨៦៧ ម៉ែត្រត្រីគុណ។ ដោយឡែក តៃកុងរថយន្តដឹកឈើ មិនត្រូវបានឃាត់ខ្លួននោះឡើយ សង្ស័យរត់គេចក្នុងពេលសមត្ថកិច្ចស្ទាក់ចាប់រថយន្ត។ក្រោយការបង្ក្រាបវត្ថុតាងរថយន្ត និងឈើទាំងអស់ ត្រូវបានកម្លាំងសមត្ថកិច្ចនាំយកទៅរក្សាទុកជាបណ្តោះអាសន្ននៅស្នាក់ការក្បាលដំរី ដើម្បីរៀបចំសំណុំរឿងតាមនីតិវិធីច្បាប់ស្តីពីតំបន់ការពារធម្មជាតិ។

ទោះជាយ៉ាងនេះក្តី សកម្មភាពបង្ក្រាបរថយន្តដឹកឈើនេះ គេបានចាត់ទុក គឺជាផ្នែកមួយនៃកិច្ចខិតខំប្រឹងប្រែងយ៉ាងសកម្មរបស់មន្ត្រីឧទ្យានុរក្ស ក្នុងការការពារធនធានធម្មជាតិ និងទប់ស្កាត់បទល្មើសព្រៃឈើក្នុងតំបន់ដែនជម្រកសត្វព្រៃ ឱ្យមានប្រសិទ្ធភាពខ្ពស់បំផុត។

ជុំវិញការបង្ក្រាបបទល្មើសធនធានធម្មជាតិនៅតាមបណ្ដោយក្រវ៉ាត់ព្រំដែននៃខេត្តព្រះវិហារ នេះដែរ មហាជនបានកោតសរសើរដល់មន្ត្រីជំនាញនៃមន្ទីរបរិស្ថានខេត្តព្រះវិហារ ដែលបានចុះបង្ក្រាបទាន់ពេលវេលានៅការកាប់ឈើនិងទន្ទ្រានដីព្រៃរបស់រដ្ឋ។ការណ៍នេះគឺបានធ្វើឲ្យធនធានធម្មជាតិអាចនឹងកើនឡើងវិញដើម្បីជាគម្របព្រៃឈើដ៏ធំល្វឹងល្វើយនេះ ការពារខ្យល់ព្យុះ និងជាពិសេសការពារកុំឲ្យសត្រូវ មើលឃើញពីយុទ្ធសាស្ត្រនៅក្នុងខ្សែបន្ទាត់ព្រំដែនរបស់កម្ពុជា៕ដោយ៖ជុន កុសល

The post មន្ត្រីឧទ្យានុរក្សខេត្តព្រះវិហារ បង្ក្រាបរថយន្តដឹកឈើ ១ គ្រឿង ក្នុងដែនជម្រកសត្វព្រៃព្រះរការ-ឆែប ដើម្បីរក្សាគម្របព្រៃឈើឲ្យនៅគង់វង្ស appeared first on Kampuchea Thmey Daily.

ប្រតិបត្តិការនេះធ្វើឡើងកាលពីថ្ងៃទី២៧ ខែមីនា ឆ្នាំ២០២៦ ក្រោមការដឹកនាំផ្ទាល់ពីលោកស្រីអភិបាលនៃគណៈអភិបាលខេត្តប៉ៃលិន និងជាប្រធានគណៈបញ្ជាការឯកភាពរដ្ឋបាលខេត្ត ព្រមទាំងមានការចូលរួមសម្របសម្រួលនីតិវិធីពីព្រះរាជអាជ្ញានៃអយ្យការអមសាលាដំបូងខេត្តប៉ៃលិន។ ជាលទ្ធផល កម្លាំងសមត្ថកិច្ចបានឃាត់ខ្លួនជនបរទេសមួយចំនួន។

ការចុះបង្ក្រាបនេះធ្វើឡើងបន្ទាប់ពីរកឃើញថា ក្រុមជនសង្ស័យបានលួចលាក់រក្សាទុកឧបករណ៍សម្រាប់បម្រើឱ្យសកម្មភាពឆបោកតាមប្រព័ន្ធបច្ចេកវិទ្យា និងមានការស្នាក់នៅខុសច្បាប់ ដែលផ្ទុយនឹងអនុក្រឹត្យលេខ ០៣ ស្តីពីការគ្រប់គ្រងសន្តិសុខ និងសុវត្ថិភាពតាមទីតាំងរស់នៅប្រមូលផ្តុំ។ បច្ចុប្បន្ន អាជ្ញាធរបានសម្រេចបិទខ្ទប់ទីតាំងនោះជាបណ្ដោះអាសន្ន ខណៈមនុស្សចំនួន ១៧ នាក់ និងវត្ថុតាងទាំងអស់ ត្រូវបានប្រគល់ជូនស្នងការដ្ឋាននគរបាលខេត្ត ដើម្បីបន្តការសាកសួរ និងកសាងសំណុំរឿងបញ្ជូនទៅតុលាការតាមនីតិវិធី

យោងតាមការបញ្ជាក់ពីលេខាធិការដ្ឋានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.) យុទ្ធនាការបោសសម្អាត Online Scams នៅទូទាំងប្រទេស ចាប់ពីឆ្នាំ២០២៥ រហូតដល់សប្តាហ៍ទី២ ខែមីនា ឆ្នាំ២០២៦ នេះ សមត្ថកិច្ច និងអាជ្ញាធររាជធានី-ខេត្ត បានបង្ក្រាប និងបិទខ្ទប់ (Sealed) ទីតាំងសរុបចំនួន ២៣៦ កន្លែង។ ក្នុងនោះរួមមាន ទីតាំងកាស៊ីណូចំនួន ៩១ កន្លែង និងប្រភេទបុរី វីឡា ខុនដូ ព្រមទាំងលំនៅឋានចំនួន ១៤៥ កន្លែង។

ដោយឡែក របាយការណ៍របស់ក្រសួងយុត្តិធម៌បានបង្ហាញថា ក្នុងរយៈពេល ៨ ខែចុងក្រោយនេះ តុលាការកម្ពុជាបានអនុវត្តនីតិវិធីផ្លូវច្បាប់លើសំណុំរឿងពាក់ព័ន្ធនឹងការឆបោកអនឡាញសរុបចំនួន ៧៩ សំណុំរឿង ដោយបានផ្តន្ទាទោសមេខ្លោង និងបក្ខពួកចំនួន ៦៩៧ នាក់ (ដែលមានច្រើនសញ្ជាតិ រួមទាំងសំណុំរឿងធំៗដូចជាករណី ចេន ស៊ី និង លី គួង ជាដើម)។

The post អាជ្ញាធរខេត្តប៉ៃលិន ចុះបង្ក្រាបទីតាំងសង្ស័យមួយកន្លែងពាក់ព័ន្ធករណីឆបោកអនឡាញ (Online Scams)លួចលាក់ប្រព្រឹត្តបទល្មើស appeared first on Kampuchea Thmey Daily.

លោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាល រាជធានីភ្នំពេញ បានឲ្យដឹងថា ៖ អនុវត្តតាមបទបញ្ជាលេខ០១, លេខ០២ និងអនុក្រឹត្យលេខ០៣របស់ប្រមុខរាជរដ្ឋាភិបាលកម្ពុជា កម្លាំងគណៈបញ្ជាការឯកភាពរដ្ឋបាលរាជធានីភ្នំពេញ ដែលមានកម្លាំងនគរបាល និងកម្លាំងកងរាជអាវុធហត្ថ និងកម្លាំងគណៈបញ្ជាការឯកភាពរដ្ឋបាលខណ្ឌទាំង១៤ បានបង្កើនការយកចិត្តទុកដាក់ខ្ពស់ក្នុងការចុះរដ្ឋបាលពិនិត្យទីតាំងស្នាក់នៅប្រមូលផ្ដុំទាំងអស់ ក្នុងក្របខណ្ឌរាជធានីភ្នំពេញ ដើម្បីពិនិត្យលើការស្នាក់នៅរបស់ជនបរទេស និងគោលដៅចម្បង គឺដើម្បីទប់ស្កាត់ និងបង្ក្រាបដាច់ខាតលើបទល្មើសឆបោកតាមប្រព័ន្ធបច្ចេកវិទ្យា (Scams Online)។

លោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាល រាជធានីភ្នំពេញ

លោកស្រីអ្នកនាំពាក្យ បញ្ជាក់ថា ៖ កិច្ចការងារនេះ អាជ្ញាធរទូទាំងរាជធានី នឹងបង្កើនកម្តៅក្នុងការបោសសម្អាតឲ្យស្អាតនៅមុនថ្ងៃទី១៥ ខែមីនា ឆ្នាំ២០២៦ខាងមុខនេះ ពោលនៅមុនការដាក់បន្ទាត់ក្រហមរបស់ក្រសួងមហាផ្ទៃ។

ពលរដ្ឋប្រុសស្រីសង្កេតឃើញថា ក្នុងមួយរយៈពេលក្រោយមកនេះ ការបង្ក្រាបបទល្មើស Scams Online នៅទូទាំងប្រទេសនិយាយជារួម និយាយដោយឡែកក្នុងក្របខណ្ឌរាជធានីភ្នំពេញ ហាក់មានការថយចុះកម្រិតខ្ពស់ ឬស្ទើរតែមិនឃើញមាន ក្រោយប្រមុខរាជរដ្ឋាភិបាលកម្ពុជា ក៏ដូចជាក្រសួងមហាផ្ទ និងកងកម្លាំងអាជ្ញាធរមានសមត្ថកិច្ចពាក់ព័ន្ធបានយកចិត្តទុកដាក់បោសសម្អាតឧក្រិដ្ឋកម្មឆបោកនេះចេញពីកម្ពុជា ដើម្បីធានាសន្តិសុខ សុវត្ថិភាព និងស្ថេរភាពជូនសង្គមជាតិ និងប្រជាជនទាំងមូល។

ពួកគាត់បញ្ជាក់បន្ថែមថា កម្ពុជារីកមុខរីកមាត់លើ ឆាកអន្តរជាតិតាមរយៈផលវិជ្ជមាននានា មិនមែនគេស្គាល់ដោយសារ ជាប្រទេសមានបទល្មើសឧក្រិដ្ឋនោះឡើយ ព្រោះកម្ពុជាជាប្រទេស មានវប្បធម៌ អរិយធម៌ និងជាប្រទេសសម្បូរដោយតំបន់ទេសចរណ៍ បុរាណៗជាច្រើន ដែលអាចទាក់ទាញភ្ញៀវទេសចរណ៍មកកម្សាន្តបាន ជាពិសេសបណ្ដាវិនិយោគិនបរទេស អាចមកវិនិយោគបាន ខណៈកម្ពុជា ជាប្រទេសដែលកំពុងឋិតក្នុងការអភិវឌ្ឍន៍យ៉ាងគំហុគ ក្រោមម្លប់ សុខសន្តិភាពដ៏ពេញលេញរបស់ប្រទេសជាតិ ដែលដឹកនាំក្រោមកិត្តិ បណ្ឌិតរបស់សម្តេចតេជោ ហ៊ុនសែន និងសម្ដេចធិបតី ហ៊ុន ម៉ាណែត។

គួរបញ្ជាក់ថា សម្តេចធិបតី នាយករដ្ឋមន្ត្រី កាលពីពេលថ្មីៗ នៅក្នុងពិធីបិទសន្និបាទបូកសរុបលទ្ធផលការងាររបស់អាជ្ញាធរជាតិប្រយុទ្ធប្រឆាំងគ្រឿងញៀន ក៏បានដាក់បញ្ជាឲ្យ កងកម្លាំងអាជ្ញាធរមានសមត្ថកិច្ចនៅទូទាំងប្រទេស ត្រូវបន្តទប់ស្កាត់ និងបង្ក្រាបឲ្យមានប្រសិទ្ធិ លើបញ្ហាអនឡាញស្គេមនេះ ខណៈកម្ពុជាពុំមែនជាទីជម្រកសុវត្ថិភាពរបស់ក្រុមឧក្រិដ្ឋជនទាំងនេះឡើយ៕ អត្ថបទ ៖ សុភា

The post បន្ទាត់ក្រហមនៃការបោសសម្អាត Scams Online កាន់តែជិតផុតថ្ងៃឱសានវាទ អាជ្ញាធររាជធានីកាន់តែបន្ថែមកម្ដៅក្នុងការបោសសម្អាត appeared first on Kampuchea Thmey Daily.

​ការចាក់​បំផ្លាញចោល​អាកុល​ក្លែងក្លាយ​នេះ​ធ្វើឡើង​ កាល​ពី​ថ្ងៃទី​០៨ ខែកញ្ញា ឆ្នាំ​២០២១ នៅ​ទីបញ្ជាការដ្ឋាន ​វរៈ​សេនា​តូច​នគរបាល​ការពារ​ព្រំដែន​គោក​លេខ​៦០៣ ក្រោម​វត្តមាន​លោក​ឧ​ត្ត​ម​សេនីយ៍​ទោ សុខ សំណាង ស្នងការ​នគរបាល​ខេត្តតាកែវ លោក ខាន់ សុខា អភិបាលរង​ខេត្តតាកែវ និង​មន្ត្រី​ពាក់ព័ន្ធ​មួយចំនួន​ផងដែរ​។ ទឹក​អាល់កុល​ក្លែងក្លាយ​(​មេ​តា​ណុល​) ដែល​បាន​ចាក់​បំផ្លាញចោល​ មាន​ចំនួន​៩៤៤​ប៊ីដុង​ស្មើ​នឹង​២៨៣២០​លីត្រ​។​

​សូម​រំឭក​ថា កាលពី​ថ្ងៃអាទិត្យ​ទី​០៥ ខែកញ្ញា ឆ្នាំ​២០២១ វេលា​ម៉ោង​១៤​និង​៣០​នាទី​កម្លាំង​ជំនាញ​បាន​ប្រទះឃើញ​រ៉ឺម៉ក​ម៉ូតូ​ចំនួន​០២​គ្រឿង​ ដឹក​ទឹក​អាល់កុល​ក្លែងក្លាយ​ នៅតាម​បណ្តោយ​ផ្លូវជាតិ​០២​ស្ថិតក្នុង​ភូមិ​ផ្សារ ឃុំ​ភ្នំ​ដិ​ន ស្រុក​គីរីវង់ ខេត្តតាកែវ​។ ក្រោយពី​ទទួលបាន​ព័ត៌មាន​លោក​ឧ​ត្ត​ម​សេនីយ៍​ទោ សុខ សំណាង ស្នងការ​នគរបាល​ខេត្ត បាន​បញ្ជា​កម្លាំង​នគរបាល​ជំនាញ សហ​ការណ៍​ជាមួយ​មន្ត្រី​សាខា​កាំកុងត្រូល​ប្រចាំ​ខេត្តតាកែវ អាជ្ញាធរ​ពាក់ព័ន្ធ និង​មានការ​សម្របសម្រួល​នីតិវិធី​ពី​លោក ជីវ ចាន់​តារា ព្រះរាជអាជ្ញា​អម​សាលាដំបូង​ខេត្តតាកែវ​ផង​នោះ បាន​រឹបអូស​ដកហូត​ទឹក​អាល់​ក្លែងក្លាយ​(​មេ​តា​ណុល​)​ចំនួន​ពីរ​ទីតាំង​ផ្សេងគ្នា​ដែលមាន​តំណាង​ម្ចាស់​ទំនិញ​ឈ្មោះ ហុង ស្រី ម៉ាច និង​ឈ្មោះ ច័ន្ទ សុ​ណា មាន​ចំនួន​៩៤៤​ប៊ីដុង​ស្មើ​និង​២៨៣២០​លីត្រ​៕

អត្ថបទ៖ វីរៈ​

The post អាល់កុលក្លែងក្លាយជាង៩០០ប៊ីដុង ត្រូវរឹបអុស ហើយយកបំផ្លាញចោល appeared first on Kampuchea Thmey Daily.

មន្ត្រី​អគ្គនាយកដ្ឋាន ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ ដោយមាន​ការអនុញ្ញាត​ពី​លោក​ព្រះរាជអាជ្ញារង អម​សាលាដំបូង​រាជធានី​ភ្នំពេញ និង​មាន​ការចូល​រួមសហកា​រ​ដោយ​អាជ្ញាធរ​មូលដ្ឋាន​ខណ្ឌ​ពោធិ៍​សែន​ជ័យ បាន​ចុះបង្ក្រាប​ទីតាំង​ស្តុក និង​ចែកចាយ​អាល់កុល​ក្លែងក្លាយ ឬ​មេ​តា​ណុល មួយកន្លែង​នៅ​រសៀល​ថ្ងៃទី​២៤ ខែមិថុនា ឆ្នាំ​២០២១ ដែលមាន​អាសយដ្ឋាន​ស្ថិតនៅ​សង្កាត់​ចៅ​២ ខណ្ឌ​ពោធិ​សែន​ជ័យ រាជធានី​ភ្នំពេញ​។

​ក្នុង​ប្រតិបត្តិ​ការចុះ​ត្រួតពិនិត្យ​នេះ មន្ត្រី​ជំនាញ​បាន​ដកយក​គំរូ​ផលិតផល​ធ្វើការ​វិភាគ​ភ្លាម ៗ ដោយ​រថយន្ត​ពិសោធន៍​ចល័ត​របស់​អគ្គនាយក​ដ្ឋា​ន ក​.​ប​.​ប​. ដោយ​ទទួលបាន​លទ្ធផល គឺ​ផលិតផល​ចំនួន ១២១​កាន និង ៨០០​ដប ស្មើនឹង ៤ ០៣០​លីត្រ គឺជា​សារធាតុ​មេ​តា​ណុល​និង ផលិតផល​ចំនួន ១០៤​កាន ស្មើនឹង ៣ ១២០​លីត្រ មាន​ល្បាយ​សារធាតុ​មេ​តា​ណុល​៕​

សូមចុចអាន៖ ពន្ធនាគារខេត្តតាកែវ កំពុងបង្ហូរទឹកកខ្វក់ចូលប្រឡាយ ខណៈអា​ជ្ញាធរកំពុងញាប់ដៃដោះស្រាយ

The post ចុះ​រឹបអូស​កន្លែង​ស្ដុក​ និង​ចែកចាយ​អាល់កុល​ក្លែងក្លាយ នៅ​ខណ្ឌ​ពោធិ៍​សែន​ជ័យ appeared first on Kampuchea Thmey Daily.

អ្នកនាំពាក្យក្រសួងការបរទេសលោក Ned Price បានថ្លែងនៅក្នុងសន្និសីទកាសែតមួយថា “យើងមានការតក់ស្លុត និងរំជើបរំជួលនៅពេលបានឃើញអំពើហិង្សាដ៏សាហាវដែលបានប្រព្រឹត្ដប្រឆាំងនឹងប្រជាជនភូមាចំពោះការអំពាវនាវដោយសន្តិវិធីដើម្បីស្តារអភិបាលកិច្ចស៊ីវិលឡើងវិញ” ។

លោក Price បាននិយាយថា សហរដ្ឋអាមេរិកកំពុងអំពាវនាវឲ្យប្រទេសទាំងអស់និយាយក្នុងសម្លេងតែមួយដើម្បីថ្កោលទោសចំពោះអំពើហិង្សាដ៏ឃោរឃៅដោយយោធាមីយ៉ាន់ម៉ាប្រឆាំងនឹងប្រជាជនរបស់ខ្លួន និងដើម្បីលើកកម្ពស់ការទទួលខុសត្រូវចំពោះសកម្មភាពរបស់យោធាដែលបានបណ្តាលឲ្យបាត់បង់ជីវិតមនុស្សជាច្រើននៅក្នុងប្រទេសមីយ៉ាន់ម៉ា ។

នៅព្រឹកថ្ងៃនេះប្រេសិតពិសេសរបស់អង្គការសហប្រជាជាតិប្រចាំប្រទេសមីយ៉ាន់ម៉ាបាននិយាយថា ការឆ្លើយតបដ៏ឃោរឃៅរបស់យោធាបានបណ្តាលឲ្យមានមនុស្សស្លាប់ចំនួន ៣៨ នាក់កាលពីថ្ងៃពុធដែលនេះគឺជា “ថ្ងៃថ្លុកឈាមបំផុត” ចាប់តាំងពីរបបយោធាបានឡើងកាន់អំណាចនៅថ្ងៃទី ១ ខែកុម្ភៈ ។

លោកស្រី Christine Schraner Burgener បានថ្លែងប្រាប់អ្នកសារព័ត៌មានក្នុងសន្និសីទកាសែតមួយថា រហូតមកដល់ពេលនេះមានអ្នកស្លាប់ចំនួន ៥០ នាក់ ហើយអ្នកផ្សេងទៀតជាច្រើនបានរងរបួសក្នុងពេលមានបាតុកម្មទ្រង់ទ្រាយធំដែលកំពុងបន្តប្រឆាំងនឹងការដណ្តើមអំណាចរបស់យោធា ។

អង្គការសហប្រជាជាតិបាននិយាយថា រហូតមកដល់ពេលនេះមនុស្សជាង ១,២០០ នាក់ត្រូវបានឃុំខ្លួនហើយកន្លែងឃុំឃាំងរបស់ពួកគេភាគច្រើននៅតែជាអាថ៌កំបាំងសម្រាប់សមាជិកគ្រួសាររបស់ពួកគេ ៕

ប្រែសម្រួលដោយ ៖ ជិវ័ន្ត

ប្រភព ៖ Anadolu

ចុចអាន ៖ កាន់​តែ​ធ្ងន់​​ធ្ងរ! មនុស្ស​​ស្លាប់​​៣៨​​នាក់​​នៅ​​​មីយ៉ាន់ម៉ា​​ម្សិល​មិញ​

ចុចអាន ៖ បែកធ្លាយ ឧបករណ៍យោធាមីយ៉ាន់ម៉ា ប្រើបង្ក្រាបបាតុករប្រឆាំងរដ្ឋប្រហារ

The post ក្រោយបាតុករស្លាប់ ៣៨ នាក់បន្ថែម អាមេរិកតក់ស្លុតចំពោះការបង្ក្រាបរបស់យោធាមីយ៉ាន់ម៉ា appeared first on Kampuchea Thmey Daily.