ថ្ងៃនេះយើងខ្ញុំនឹងមកនិយាយអំពីការបន្តពូជរបស់សត្វកវែង ដោយសារតែទម្លាប់ពីធម្មជាតិវាចម្លែកពេកទើប “កម្ពុជាថ្មី” ចង់ចែករំលែកដល់ប្រិយមិត្តឲ្យបានដឹងដូចតទៅ៖

សត្វកវែងគឺជាសត្វដែលមានប្រពន្ធច្រើនមានន័យថា “ឈ្មោលដែលពូកែបំផុតតែងរួមភេទជាមួយនឹងញីទាំងអស់នៅក្នុងហ្វូង” លុះត្រាតែញីនោះដល់ពេលអាចមានកូនដែរ ណាមួយពួកវាមិនមានរដូវកាលបន្តពូជដូចសត្វទូទៅនោះទេពេលណាសត្វញីអាចមានកូនបានគឺយកកូនតែម្ដង ជាពិសេសរដូវភ្លៀងព្រោះថាវាសម្បូរអាហារដើម្បីបំពេញកម្លាំងសម្រាប់បន្តពូជ។ រាល់ពេលស្វែងរកញីមកបន្តពូជម្ដងៗ សត្វឈ្មោលត្រូវដើរភ្លក់ទឹកនោមសត្វញីជាមុនសិនឲ្យដឹងថាសត្វញីមួយណាមានសម្ថភាពអាចមានពពោះបាន បន្ទាប់ពីត្រូវរូវគ្នាហើយសត្វឈ្មោលនឹងដើរតាមសត្វញីរហូតដល់វាឈរស្ងៀម ទីបំផុតការបន្តពូជនឹងប្រព្រឹត្តិទៅនៅទីនោះ។ ជាមួយគ្នានេះដែរ ការមានផ្ទៃពោះរបស់សត្វកវែងមានរយៈពេល ១៥ខែ គឺយូរជាងមនុស្សច្រើនទម្រាំតែកូនធំត្រូវការលូតលាស់យូរទើបរឹងមាំនិងពេញលេញ។

ជាចុងក្រោយក៏គួរឲ្យភ្ញាក់ផ្អើលដូចគ្នា សត្វកវែងសម្រាលកូនទាំងឈរដើម្បីកូនដែលមានកម្ពស់២ម៉ែត្រនោះកើតមកមិនបាក់កស្លាប់ ដូច្នេះម្ដាយត្រូវតែទ្រាំឈរបង្កើតទាំងលំបាក។ យ៉ាងណាក្ដីការលះបង់រយៈពេល១៥ខែមិនអត់ប្រយោជន៍ឡើយ កូនសត្វកវែងនឹងចេះដើរ ចេះស៉ីអាហារ បន្ទាប់ពីកើតចេញមកត្រឹមតែ២-៣ម៉ោងក្រោយប៉ុណ្ណោះ៕

ប្រែសម្រួលដោយ៖ វារី

ចុចអាន៖ ស្ត្រីកុលសម្ព័ន្ធមួយ ពាក់ចានបបូរមាត់ឲ្យកាន់តែធំ បើចង់បានថ្លៃបណ្ណាការខ្ពស់

ចុចអាន៖ រឿងរ៉ាវប្លែកៗ ៦​ យ៉ាង ពីសត្វកង់ហ្គូរូ

The post មកដឹងពីរបៀបបន្តពូជដ៏គួរឲ្យភ្ញាក់ផ្អើល របស់សត្វ ក វែង appeared first on Kampuchea Thmey Daily.

កាលពីថ្ងៃអង្គារ ក្រសួងសុខាភិបាលបានចេញផ្សាយគោលការណ៍ណែនាំទី ៤ នេះ សម្រាប់ការរៀបចំការថែទាំសុខភាពសម្រាប់ស្ត្រីមានផ្ទៃពោះ និងទារកទើបនឹងកើតដែលមានជំងឺកូវីដ ១៩ ។

របាយការណ៍បាននិយាយថា “នៅដំណាក់កាលនៃអ្នកមានផ្ទៃពោះ វាចាំបាច់ណាស់ក្នុងការចាក់វ៉ាក់សាំង ។ យើងសង្កត់ធ្ងន់ថា បច្ចុប្បន្ននេះមិនមានទិន្នន័យស្តីពីផលប៉ះពាល់ណាមួយ នៃការចាក់វ៉ាក់សាំងការពារជំងឺកូវីដ ១៩ របស់រុស្ស៊ី លើមុខងារបន្តពូជរបស់បុរស និងស្ត្រីនោះទេ” ។

ក្រសួងបាននិយាយថា “វ៉ាក់សាំងក្នុងស្រុកមានសុវត្ថិភាព ហើយការឆ្លងជំងឺកូវីដ ១៩ ក៏មិនអាចជះឥទ្ធិពលដល់មុខងារបន្តពូជដែរ” ។

ដើមឡើយ មជ្ឈមណ្ឌលស្រាវជ្រាវខាងវិទ្យាសាស្រ្ត នៃក្រសួងសុខាភិបាលបាននិយាយថា វ៉ាក់សាំងការពារជំងឺកូវីដ ១៩ របស់រុស្ស៊ី មិនមានផលប៉ះពាល់ដល់សុខភាពបន្តពូជរបស់បុរសទេ ជាពិសេសវ៉ាក់សាំង Sputnik V ។

ទន្ទឹមនោះ មជ្ឈមណ្ឌលស្រាវជ្រាវ Gamaleya ដែលបានបង្កើតវ៉ាក់សាំង Sputnik V បាននិយាយកាលពីខែធ្នូថា មិនមានភ័ស្តុតាងណាមួយដែលភ្ជាប់វ៉ាក់សាំង ទៅនឹងភាពគ្មានកូនរបស់បុរស ឬស្ត្រីនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អារ៉ាប់រួម អះអាងថា វ៉ាក់សាំង រុស្ស៊ី Sputnik V បង្ហាញប្រសិទ្ធភាពការពារកូវីដ ៩៧.៨ ភាគរយ

The post កុំបារម្ភ! វ៉ាក់សាំងការពារកូវីដរបស់ រុស្ស៊ី គ្មានផលប៉ះពាល់លើមុខងារបន្តពូជរបស់បុរស និងស្ត្រីឡើយ appeared first on Kampuchea Thmey Daily.