លោក សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២ តំណាងដ៏ខ្ពង់ខ្ពស់ លោក ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអ៊ីងកម្ពុជា ព្រមទាំងលោក ម៉ែន វិបុល ប្រធានក្រុមប្រឹក្សាខេត្ត និងលោក ប៉េង ពោធិ៍សា អភិបាលខេត្តស្វាយរៀង បានអញ្ជើញជាអធិបតី ក្នុងពិធីប្រកួតកីឡាទូកប្រពៃណីខ្នាតអន្តរជាតិ ”ទូកនាគ” ក្នុងព្រឹត្តិការណ៍កីឡាជាតិលើកទី៤ ស្ថិតនៅទំនប់តាណេង ច្រាំងតាបុល ទន្លេវ៉ៃគោ ក្រុងស្វាយរៀង នារសៀលថ្ងៃទី៧ ខែវិច្ឆិកា ឆ្នាំ២០១៤។

មានប្រសាសន៍ក្នុងឱកាសនោះ លោក សរ សិទ្ធិ បានថ្លែងការកោតសរសើរដល់រដ្ឋបាលខេត្តស្វាយរៀង និងក្រសួងអប់រំ យុវជន និងកីឡា ដែលបានសហការគ្នា រៀបចំធ្វើពិធីប្រណាំងទូកខ្នាតអន្តរជាតិ(ទូកនាគ) នៅតាមដងទន្លេវ៉ៃគោ ដែលជាទីតាំងដ៏ល្អប្រសើរសម្រាប់ការប្រារព្ធធ្វើពិធីបុណ្យអុំទូកម្ដងៗ។ លោករដ្ឋលេខាធិការ បានផ្តាំផ្ញើដល់ក្រុមកីឡាករអុំទូកទាំងអស់ ត្រូវបន្តខិតខំប្រឹងប្រែងហ្វឹកហាត់កីឡាអុំទូកឱ្យកាន់តែល្អប្រសើរបន្ថែមទៀតដើម្បីសុខភាព សាមគ្គីភាព មិត្តភាព និងសន្តិភាព។

ជាលទ្ធផល ការប្រកួតកីឡាទូកប្រពៃណីខ្នាតអន្តរជាតិ “ទូកនាគ” ក្នុងព្រឹតិ្តការណ៍កីឡាជាតិ លើកទី៤ ឆ្នាំ២០២៤ នេះខេត្តកោះកុងទទួលបានមេដាយមាស១ ក្រសួងមហាផ្ទៃទទួលបានមេដាយមាស១ ក្រសួងការពារជាតិទទួលបានមេដាយប្រាក់២ ខេត្តព្រៃវែងទទួលបានមេដាយសំរិទ្ធ១ ខេត្តកណ្តាលទទួលបានមេដាយសំរិទ្ធ១។

ក្នុងឱកាសនោះដែរ គណៈអធិបតីក៏បានធ្វើពិធីប្រគល់ទង់ ពានជ័យលាភី និងថវិកាមួយចំនួន ព្រមទាំងបំពាក់មេដាយដល់កីឡាអុំទូកពីលេខ១ ដល់លេខ៣ ដែលមកប្រកួតនៅខេត្តស្វាយរៀងនេះផងដែរ៕

ដោយ៖ ភក្តី

The post ក្រសួងមហាផ្ទៃ និងខេត្តកោះកុង ទទួលបានមេដាយមាសពីការប្រកួតកីឡាទូកប្រពៃណីខ្នាតអន្តរជាតិ “ទូកនាគ” appeared first on Kampuchea Thmey Daily.

ការលើកឡើងនេះ ធ្វើឡើងព្រឹកថ្ងៃទី១៥ ខែឧសភា ឆ្នាំ២០២៤ ក្នុងឱកាស លោក សរ សិទ្ធិ ដឹកនាំកិច្ចប្រជុំស្តីពី “ការបូកសរុបលទ្ធផលការងារត្រីមាសទី១ និងលើកទិសដៅការងារប្រចាំត្រីមាសទី២ ឆ្នាំ២០២៤” នៅសាលប្រជុំ អគារមជ្ឈមណ្ឌលកីឡា ក្នុងបរិវេណពហុកីឡដ្ឋានជាតិអូឡាំពិក។ លោកបាន ណែនាំដល់ ថ្នាក់ដឹកនាំ នាយនគរបាលទាំងអស់ បន្តរួបរួមសាមគ្គីភាពជាធ្លុងមួយ និងត្រូវបន្តការខិតខំប្រឹងប្រែង ដើម្បីទទួលបានលទ្ធផលមួយកាន់តែប្រសើរទៅមុខ។ បន្ថែមលើនេះ លោក បានជំរុញដល់ថ្នាក់ដឹកនាំអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ ត្រូវបន្តតាមដានបញ្ជីឈ្មោះកីឡាករ កីឡាការិនីក្រោមចំណុះឱ្យបានហ្មត់ចត់ និងរាយការណ៍ពីវឌ្ឍនភាពរបស់ប្រតិភូ គ្រូបង្វឹក និងអត្តពលិក ក្នុងគោលបំណងពង្រឹងសមត្ថភាពបន្ថែមកាន់តែរឹងមាំ ដើម្បីត្រៀមខ្លួនប្រកួតប្រជែងក្នុងព្រឹត្តិការណ៍កីឡាជាតិ លើកទី៤ ឆ្នាំ២០២៤ នាអំឡុងខែវិច្ឆិកា ខាងមុខ។

រដ្ឋលេខាធិការ ក៏បានណែនាំដល់ថ្នាក់ដឹកនាំអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ ត្រូវប្រជុំជាមួយប្រតិភូ គ្រូបង្វឹក ដោយពិនិត្យឱ្យបានល្អិតល្អន់នូវធនធានកីឡាករ កីឡាការិនី ដើម្បីរក្សាឲ្យបានចំណាត់ថ្នាក់ល្អៗ ក្នុងការចូលរួមក្នុងព្រឹត្តិការណ៍ធំៗ នៅក្រៅប្រទេសនាពេលខាងមុខដូចជាព្រឹត្តិការណ៍ World Police and Fire Games ឆ្នាំ២០២៥ នៅសហរដ្ឋអាមេរិក និងព្រឹត្តិការណ៍កីឡាស៊ីហ្គេម លើកទី៣៣ ឆ្នាំ២០២៥ នៅប្រទេសថៃ។ ក្នុងនោះដែរ ថ្នាក់ដឹកនាំតាមប្រភេទកីឡានីមួយៗត្រូវមានមានចក្ខុវិស័យ និងយុទ្ធសាស្រ្តក្នុងការជំរុញលើកទឹកចិត្តឱ្យមន្ត្រី ក្រោមឱវាទមានទំនួលខុសត្រូវខ្ពស់។

លោក សរ សិទ្ធិ ក៏បានសំណូមពរដល់ថ្នាក់ដឹកនាំ ជាពិសេសកីឡាករ កីឡាការិនី ត្រូវបន្តខិតខំបង្កើតសមិទ្ធផលល្អៗបន្ថែមជូនអង្គភាពដើម្បីតបស្នងដល់កិច្ចខិតខំប្រឹងប្រែងរបស់សម្ដេចក្រឡាហោម ស ខេង អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលបានលើកទឹកចិត្ត ដោយបានបញ្ចូលក្របខណ្ឌដល់អត្តពលិកដែលមានស្នាដៃកន្លងមក។

តាមរបាយការណ៍ របស់ ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ ការចូលរួមប្រកួតព្រឹត្តិការណ៍ក្នុង និងក្រៅប្រទេសរបស់កីឡាករ កីឡាការិនី ឆ្នាំ២០២៤ រយៈពេលកន្លងមក សរុបជាលទ្ធផលមេដាយក្នុងប្រទេស ទទួលបាន ១០៧គ្រឿង (មេដាយមាស ៣២ ប្រាក់៣៦ និង សំរឹទ្ធ៣៩) និងពានរង្វាន់ FAIR PLAY ។ ការប្រកួតក្រៅប្រទេស ទទួលបានមេដាយ សំរឹទ្ធ០២គ្រឿង៕

The post រដ្ឋលេខាធិការក្រសួងមហាផ្ទៃ​ ជំរុញកីឡាករ កីឡាការិនីពង្រឹងសមត្ថភាពដើម្បីត្រៀមប្រកួតកីឡាជាតិខាងមុខ appeared first on Kampuchea Thmey Daily.

លោក វ៉ាត់ ចំរើន រដ្ឋលេខាធិការ​ក្រសួង​អប់រំ យុវជន និង​កីឡា និង​ជា​អគ្គលេខាធិការ​នៃ​គណៈកម្មាធិការ​ជាតិ​អូឡាំពិក​កម្ពុជា (NOCC) បាន​ឲ្យ​ដឹង​ថា នេះ​គ្រាន់​តែ​ជា​គម្រោង និង​ជា​ទឹក​ចិត្ត​​ដ៏​ខ្ពង់​ខ្ពស់​បំផុត​របស់​សម្តេច​ធិបតី​នាយក​រដ្ឋ​មន្ត្រី​ក្នុង​ពេល​រៀប​ចំ​ពិធី​​ជប់​លៀង​អបអរសាទរ​​អំពី​ជោគជ័យ​ស៊ីហ្គេម-អាស៊ាន​ប៉ារ៉ាហ្គេម កាល​ពី​ថ្ងៃ​ទី​១៧ ខែ​វិច្ឆិកា ឆ្នាំ​២០២៣។ ក្រសួង និង​ភាគី​ពាក់​ព័ន្ធ​កំពុង​រៀប​ចំ​​បែប​បទ​ដើម្បី​​​ស្នើ​សុំ​ទៅរាជ​រដ្ឋាភិបាល​​​ដើម្បី​​រៀបចំ​ថា​តើ​​ផ្តល់​ការ​តង​ស្នង​សងគុណ​អត្តពលិក​​ជម្រើស​ជាតិ​​​ដែល​មាន​ស្នាដៃ​ដោយ​​វិធី​ណា នៅពេល​ពួកគាត់​ចូលនិវត្តន៍ ឬ​មិន​អាច​បន្ត​អាជីព​បាន។

រដ្ឋលេខាធិការ​ក្រសួង​អប់រំ យុវជន និង​កីឡា​បាន​លើក​ឡើង​ថា ៖«យើងត្រូវ​តប​ស្នង​សង​គុណកីឡាករ កីឡាការិនី​ដែល​បម្រើ​ជាតិ ទទួល​បាន​ជយលាភី​ជូន​​ជាតិ​ ឧបត្ថម្ភ​គាំទ្រ​ពួក​គាត់ ទាំង​ស្មារតី​ដល់​ពួក​គាត់​ទៅ​ថ្ងៃ​ក្រោយ​​។ ​ពេល​ពួក​គាត់​ចប់​អាជីព​ថា​តើ​ ពួក​គាត់​ទទួល​បាន​ការ​ថែទាំ​ ឬ​ការ​ផ្តល់​​​អ្វី​មួយ​ពី​ជាតិ​វិញ។ ការងារ​នេះ យើង​ស្ថិត​​ក្នុង​គម្រោង​នៅ​ឡើយ​ទេ។ យើង​កំពុង​តែ​គ្រោង​​រៀប​ចំ​ដោយ​យោង​​​លើ​ទិដ្ឋភាពនៃ​ច្បាប់​ លក្ខន្តិកៈ​មន្ត្រី​រាជ​ការ តើ​មាន​អ្វី​ខ្លះ ឬ​ត្រូវ​មាន​លក្ខណៈ​ពិសេស​អ្វី​មួយ​។ នេះ​ជា​ប្រសាសន៍​របស់​សម្តេច​ធិបតី​កាល​ពី​ថ្ងៃ​ទី​១៧វិច្ឆិកា»។

លោក វ៉ាត់ ចំរើន បាន​ឲ្យ​ដឹង​ថា កម្ពុជា​បាន​សម្លឹង​មើល​ទៅ​ប្រទេស​ផ្សេង​​ដើម្បី​ជា​​គំរូ​ដែល​​ប្រទេស​ទាំង​នោះ​​បាន​​យក​ចិត្ត​ទុកដាក់​ចំពោះ​កីឡាករ កីឡាការិនី​ជម្រើស​ជាតិ​​របស់​ពួក​គេ ក្រោយ​ពេល​បញ្ចប់​អាជីព​។

«គេ​មាន​របៀប​ពីរ ទី១. គេ​ឲ្យចូល​ក្រប​ខណ្ឌ​រដ្ឋ​ដើម្បី​បាន​ទទួល​នូវ​ការ​ឧបត្ថម្ភ​ពី​រដ្ឋ។ ទី២.​ រដ្ឋ​មាន​កញ្ចប់​ពិសេសដើម្បី​ចិញ្ចឹម​ពួក​គាត់​​នៅ​ពេល​ពួក​គាត់​ឈប់​​ពី​អាជីព​រហូត​ដល់​ចាស់។ ការ​យក​ចិត្ត​ទុក​ដាក់​នេះ​គឺ​សំដៅ​ទៅ​កីឡាករ កីឡាការិនី​ដែល​បាន​ចូល​និវត្តន៍​ ឬ​ពួក​គេ​ជួប​គ្រោះ​ថ្នាក់​អ្វី​មួយ​ទាំង​នៅ​វ័យ​ក្មេង​ដែល​មិន​អាច​បន្ត​អាជីព​បាន ក៏​​ទទួល​បាន​​ការ​ឧបត្ថម្ភ​គាំទ្រ​ពី​រដ្ឋ​ដែរ»។ នេះ​ជា​ប្រសាសន៍​របស់​លោក វ៉ាត់ ចំរើន។

លោក​បាន​បញ្ជាក់​ថា ដោយ​ឡែក​ការ​ផ្តល់​ក្របខណ្ឌ​រដ្ឋ​ដល់​អត្តពលិក​មួយ​ចំនួន​នៅ​តាម​ក្រសួង ឬ​សហព័ន្ធ​​កីឡា​ជាតិ​កន្លង​មក​គឺ​ជា​គោលការណ៍​​​របស់​ស្ថាប័ន​សាមី​ផ្សេង ដោយ​​មិន​ពាក់​ព័ន្ធ​នឹង​គម្រោង​របស់​ក្រសួង​អប់រំ យុវជន និង​កីឡា​ឡើយ៕

អត្ថបទ៖ វីរបុត្រ

The post ក្រសួងអប់រំត្រៀមកញ្ចប់ពិសេស​សងគុណអត្តពលិកមានស្នាដៃ​ដែលប្រកួតលែងកើត appeared first on Kampuchea Thmey Daily.

ក្រសួងមហាផ្ទៃ បានឈ្នះមេដាយច្រើនជាងគេទាំងមេដាយមាស ប្រាក់ និងសំរឹទ្ធ ពោលគឺបានឈ្នះមេដាយសរុប១៦៩ គ្រឿង ហើយថ្ងៃនេះនឹងបន្តមានការប្រកួតខ្លះទៀត។ ក្នុងចំណោម១៦៩គ្រឿង ក្រសួងមហាផ្ទៃ ឈ្នះមេដាយមាស៨៧ គ្រឿង, ប្រាក់ ៤២គ្រឿង និងសំរឹទ្ធ ៤០គ្រឿង។

ដោយឡែកក្រុមលេខ២ លេខ៣ ក៏ជាក្រុមតំណាងស្ថាប័នរដ្ឋ ពោលគឺក្រសួងការពារជាតិ ឈរនៅលេខ២ រកមេដាយសរុប ៨៥គ្រឿង ក្នុងនោះមេដាយមាស ៣៨គ្រឿង, ប្រាក់ ២១គ្រឿង និងសំរឹទ្ធ ២៦គ្រឿង។ ក្រសួងសេដ្ឋកិច្ច និងហិរញ្ញវត្ថុ ដែលរកបានមេដាយមាស ២៨គ្រឿង, មេដាយប្រាក់ ២៤គ្រឿង និងមេដាយសំរឹទ្ធ ២០គ្រឿង សរុប ៨២គ្រឿង។

ចំណោម ២៨ក្រុមដែលចូលរួមកីឡាជាតិ លើកទី៣ បានដណ្ដើមមេដាយអស់ហើយ ដោយគ្មានក្រុមណាចូលរួមប្រកួតដោយពុំទទួលបានមេដាយនោះទេ។ ខាងក្រោមគឺជាតារាងមេដាយសរុប គិតត្រឹមល្ងាចថ្ងៃទី២៩៖

គួរបញ្ជាក់ថា ព្រឹត្តិការណ៍នេះ ចាប់ពីថ្ងៃទី២១ នឹងបញ្ចប់នៅថ្ងៃទី៣០ ខែវិច្ឆិកា។ ក្នុងព្រឹត្តិការណ៍នេះមានកីឡាចំនួន ៤៥ប្រភេទ រាប់ទាំងកីឡាជនពិការ ដើម្បីឲ្យប្រកួតប្រជែងដណ្តើមមេដាយ៕

អត្ថបទ៖ មន្នីរ័ត្ន

The post ក្រសួងមហាផ្ទៃ ជោគជ័យក្នុងព្រឹត្តិការណ៍កីឡាជាតិលើកទី៣ ដោយដណ្ដើមមេដាយសរុបជិត ២០០គ្រឿង appeared first on Kampuchea Thmey Daily.

ខាង​ក្រោម​ជា​បេក្ខជន​ជាប់​វគ្គ​ជម្រុះ​​​ព្រឹក​មិញចំនួន​៥​វិញ្ញាសា​​ដែល​ត្រូវ​ឡើង​វគ្គ​ផ្តាច់​ព្រ័ត្រ។

ប្រភេទ Man’s Bodybuilding ​មាន​៤​វិញ្ញាសា

ទី​១. វិញ្ញាសាទម្ងន់​៦០​គីឡូក្រាម​

• កីឡាករ កែវ រស្មី មក​ពីខេត្ត​កំពត
• កីឡាករ យឿន សុភា មក​ពីខេត្ត​កំពត
• កីឡាករ ហ៊ន ធារ៉េត មក​ពីខេត្ត​ព្រះ​សីហនុ
• កីឡាករ ផាន ណារិទ្ធ មក​ពីខេត្ត​កំពង់ចាម
• កីឡាករ ថម ដុល្លា មក​ពីខេត្ត​កំពត

ទី​២. វិញ្ញសា​ទម្ងន់៧០គីឡូក្រាម

• កីឡាករ ឈូក ភក្តី មក​ពី​ខេត្ត​ព្រះ​សីហនុ
• កីឡាករ ទេព សេរីវ៉ាត់ មក​ពីខេត្ត​កែប
• កីឡាករ ផន ផៃយ៉ា មក​ពីខេត្ត​កំពត
• កីឡាករ អាត វិចិត្រ មក​ពីខេត្ត​កំពង់ចាម
• កីឡាករ ប៉ិច វិសាល មក​ពីខេត្ត​ព្រះ​សីហនុ

ទី​៣. វិញ្ញាសា​ទម្ងន់​ ៨០​គីឡូក្រាម

• កីឡាករ នៅ សុថុន មក​ពីខេត្ត​កែប
• កីឡាករ ម៉ៅ សារ៉ែន មក​ពីខេត្តកំពង់ចាម
• កីឡាករ ឆន បារាំង មក​ពី​ខេត្ត​កំពត
• កីឡាករ ធន សុធារិទ្ធ មក​ពី​ខេត្ត​កំពត
• កីឡាករ បាន ចាន់ដារ៉ា មក​ពី​ខេត្ត​ព្រះ​សីហនុ

ទី​៤. វិញ្ញាសា​ទម្ងន់​ +៨០​គីឡូក្រាម

• កីឡាករ សិទ្ធ​ វិច្ឆិកា មក​ពីខេត្តកែប
• កីឡាករ សៀង ម៉េងសាង មក​ពី​ខេត្ត​ព្រះសីហនុ
• កីឡាករ រស់ ​ដេវីត មក​ពីខេត្ត​កែប
• កីឡាករ ស៊ិន សក្តា មក​ពី​ក្រសួង​មហា​ផ្ទៃ

វិញ្ញាសា Man Athlete Physique កម្ពស់​១.៧០ ម៉ែត្រ

• កីឡាករ យ៉ែម វ៉ា មក​ពីខេត្ត​កំពត
• កីឡាករ ឆេង ចាន់កក្កដា មក​ពីខេត្ត​កែប
• កីឡាករ ឈិង ណូរ៉ា មក​ពីខេត្ត​កែប
• កីឡាករ ឈឹម ចន្ថា មក​ពីខេត្ត​កំពង់ចាម
• កីឡាករ វណ្ណា សីហា មក​ពី​ខេត្ត​កំពត

សូម​បញ្ជាក់​ថា នៅ​មាន​វិញ្ញាសា​ជា​ច្រើន​ទៀត​ទាំង​បុរស និង​នារី​ដែល​ត្រូវ​ប្រកួត​វគ្គ​ជម្រុះ​នារ​សៀល ថ្ងៃ​សុក្រ នៅ​ផ្សារ​ទំនើប​អ៊ីអន​សែន​សុខ៕

អត្ថបទ៖ វីរបុត្រ

The post កាយ​វប្បកម្ម​រក​ឃើញ​៥​វិញ្ញាសា​ឡើង​វគ្គ​ផ្តាច់​ព្រ័ត្រ​កីឡា​ជាតិ​លើក​ទី​៣ appeared first on Kampuchea Thmey Daily.

គិត​ត្រឹម​ថ្ងៃ​ទី​២៤ ខែ​វិច្ឆិកា នេះ ក្រុម​កីឡា​ក្រសួង​មហា​ផ្ទៃ​ស្ថិត​នៅចំណាត់​ថ្នាក់​លេខ១​ពី​ការ​​ឈ្នះ​មេដាយ​សរុប​៧៣​គ្រឿង ក្នុង​នោះ​មាស​៣៤ ប្រាក់​១៩ និង​សំរឹទ្ធ​២០។ ចំណាត់​ថ្នាក់​លេខ​២ ក្រុម​កីឡា​​​ក្រសួង​សេដ្ឋកិច្ច និង​ហិរញ្ញវត្ថុ ​ដែល​បាន​មេដាយ​​៥១​គ្រឿង​ក្នុង​នោះ​មាស​១៧  ប្រាក់​១៨ និង​សំរឹទ្ធ​​១៦ ខណៈ​ចំណាត់​ថ្នាក់​លេខ​៣ ក្រុម​កីឡា​ក្រសួង​ការពារ​ជាតិ​បាន​មេដាយ​​២៩​គ្រឿង​ក្នុង​នោះ​មាស​១៥ ប្រាក់​​៥ និង​សំរឹទ្ធ​៩៕

អត្ថបទ៖ វីរបុត្រ

The post ក្រសួង​​មហា​​ផ្ទៃ​​​​ឈ្នះ​​មេដាយ​​​​កីឡា​​ជាតិ​​ដាច់​ឆ្ងាយ​លើ​គូ​ប្រជែង appeared first on Kampuchea Thmey Daily.

សេចក្ដីជូនដំណឹង បានបញ្ជាក់ថា ដើម្បីឲ្យកម្មវិធីខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់​ធ្នាប់ និងរបៀបរៀបរយសាធារណៈ រដ្ឋបាលរាជធានីភ្នំពេញ នឹងធ្វើការបញ្ចៀសចរាចរ និងផ្អាកចរាចរជាបណ្ដោះអាសន្ន ជុំវិញទីតាំងប្រារព្ធពិធីរហូតដល់បញ្ចប់កម្មវិធី ដោយមិនអនុញ្ញាតឲ្យយានជំនិះគ្រប់ប្រភេទ ឆ្លងកាត់កំណាត់មហាវិថីឈ្នះឈ្នះ ពីគល់ស្ពានព្រែកព្នៅរហូតដល់ផ្លូវជាតិលេខ ៦ នៅថ្ងៃទី ២១ ខែវិច្ឆិកា ឆ្នាំ ២០២២ និងនៅថ្ងៃទី ៣០ ខែវិច្ឆិកា ឆ្នាំ ២០២២ រហូតដល់បញ្ចប់កម្មវិធីសម្រាប់ថ្ងៃនីមួយៗ។

រដ្ឋបាលរាជធានីភ្នំពេញ សង្ឃឹមថា ប្រជាពលរដ្ឋដែលធ្វើដំណើរឆ្លងកាត់តាមដងផ្លូវខាងលើ នឹងមានការយោគយល់អធ្យាស្រ័យ និងបញ្ចៀសការធ្វើដំណើរឆ្លងកាត់ទីតាំងប្រារព្ធពិធី តាមកាលបរិច្ឆេទខាងលើដោយអនុគ្រោះ។ ផុតរយៈពេលហាមឃាត់បណ្ដោះអាសន្ននេះ រដ្ឋបាលរាជធានីភ្នំពេញ នឹងបើកឲ្យចរាចរជាធម្មតាវិញ៕

អត្ថបទ៖ ស្រីរ័ត្ន

The post អាជ្ញាធរ នឹងមិនអនុញ្ញាតឲ្យធ្វើចរាចរពីគល់ស្ពានព្រែកព្នៅរហូតដល់ផ្លូវជាតិលេខ ៦ នៅថ្ងៃទី ២១ និងថ្ងៃទី ៣០ វិច្ឆិកា appeared first on Kampuchea Thmey Daily.

ការ​ប្រកួត​កីឡា​ជាតិ​លើក​ទី​៣​នេះ​ ខុស​ប្លែក​ពី​លើក​ទី​១ និង​លើក​ទី​២ ដោយសារ​មាន​កីឡា​ជន​ពិការ​ថែម​ទៀត​ផង។ ក្នុង​នោះ​ការ​ប្រកួត​កីឡា​ទូទៅ​មាន​៣៨​ប្រភេទ និង​កីឡា​ជន​ពិការ​មាន​៧​ប្រភេទ​កីឡា។ បន្ថែម​កីឡា​ជន​ពិការ​នេះ​ស្រប​ពេល​ដែល​កម្ពុជា​ក៏​ទទួល​ធ្វើ​ម្ចាស់​ផ្ទះ​កីឡា​ជនពិការ​អាស៊ាន​ប៉ារ៉ាហ្គេម ឆ្នាំ​២០២៣​ផង​ដែរ។

ខាង​ក្រោម​ជា​កម្មវិធី​ប្រកួត​ទាំង​ស្រុង

អត្ថបទ៖ វីរបុត្រ

The post នេះ​​កម្មវិធី​​ប្រកួត​​កីឡា​​ជាតិ​​លើក​​ទី​​៣​​ទាំង​​៤៥​​ប្រភេទ​​កីឡា appeared first on Kampuchea Thmey Daily.