យ៉ាងណា នាពេលបច្ចុប្បន្ននេះ កម្ពុជាកំពុងរីកចម្រើនលើគ្រប់វិស័យមានទាំង សាលាធំៗ, ផ្សារទំនើបឬក៏អគារសម្រាបជួល ខ្សែផ្លូវថ្មី, អាកាសយានដ្ឋានថ្មី Techo ដែលទាំងនេះជួយបង្កើតឱកាសជាច្រើននាំឲ្យតារាល្បីៗជាច្រើនហាក់ចាប់អារម្មណ៍យ៉ាងខ្លាំង។

ជាក់ស្តែង ក្រុម Super Junior គ្រោងនឹងមកធ្វើការប្រគំតន្ត្រីធំឆ្នាំ ២០២៥ (Charity Concert) នេះជាសញ្ញាដ៏ល្អមួយដល់ប្រទេសកម្ពុជា បើទោះពេលនេះកំពុងវិបិត្តជម្លោះព្រំដែនក្ដី។ កន្លងមក មានក្រុមតារាកូរ៉េជាច្រើនដែលធ្លាប់ប្រគំតន្រ្តីដូចជា T-ara, SPEED, U-KISS, Hyorin (Sistar) បានមកកាន់កម្ពុជា បង្ហាញថាកម្ពុជាមានអ្នកគាំទ្រពិតៗ។ មិនត្រឹមតែ K-Pop ទេ សូម្បីតែ តារាចិន, ថៃ, និង DJ អន្តរជាតិ ក៏ចាប់ផ្តើមចូលមកផងដែរ។

ហេតុផលដែលធ្វើឲ្យកម្ពុជាទាក់ទាញ អ្នកផ្សព្វផ្សាយអាស៊ី ពោលគឺ ទីតាំងភូមិសាស្ត្រ: នៅចំកណ្តាលអាស៊ាន ជិតថៃ, វៀតណាមនិងឡាវ។ ភាគច្រើនអ្នកគាំទ្រយុវវ័យ ដែលកម្ពុជាមានអ្នកតាម K-Pop, K-Drama ច្រើនតាម Facebook, TikTok, YouTube ជាដើម។

ជាងនេះទៀតដែរ ចំពោះតម្លៃសំបុត្រ និងកម្លាំងទីផ្សារ ប្រៀបធៀបថោកជាងថៃ សិង្ហបុរី អាចទាក់ទាញអ្នកមកពីប្រទេសជិតខាង។ ការគាំទ្រពីរដ្ឋាភិបាល ក្រសួងទេសចរណ៍ និងរដ្ឋាភិបាល កំពុងលើកទេសចរណ៍វប្បធម៌។

ទោះជាយ៉ាងក៏ដោយ អ្វីដែលត្រូវអភិវឌ្ឍបន្ថែម ស្តង់ដារសណ្ឋាគារ និង ទីកន្លែង កម្រិតពិភពលោក។ ប្រព័ន្ធសុវត្ថិភាព, ចរាចរណ៍, សេវាកម្ម សំបុត្រចូលអនឡាញ។ ការផ្សព្វផ្សាយអន្តរជាតិ និងកិច្ចសហការ ជាមួយ ឧបត្ថម្ភអាស៊ី(ឧ. Samsung, Shopee, Coca-Cola)។

សរុបមក បើទោះបីជាប្រទេសកម្ពុជា មិនមែនជាគោលដៅសម្រាប់ការប្រគំតន្ត្រីអាស៊ីមែនពិត ប៉ុន្តែជាកន្លែងថ្មីដែលតារាល្បីៗសម្លឹងឃើញ ជាពិសេសសុវត្ថិភាពដល់ពួកគេ។ ប្រសិនបើក្រុម Super Junior និងក្រុមធំៗទៀតជោគជ័យ នោះនឹងបើកផ្លូវឲ្យ BLACKPINK, BTS unit, NCT, Seventee ឬតារាផ្សេងៗងាកមកចាបអារម្មណ៍ជាក់ជាមិនខានឡើយ៕

អត្ថបទ៖ សាង ស្រីល័ក្ខ

ចុចអាន៖ក្រុមតារាកូរ៉េណាខ្លះ ធ្លាប់មកទស្សនា ប្រទេស កម្ពុជា នាពេលកន្លងមក

The post កម្ពុជា អាចក្លាយជាគោលដៅថ្មី សម្រាប់ការប្រគំតន្រ្តីពីតារា K-pop? appeared first on Kampuchea Thmey Daily.

​ទីភ្នាក់ងារ​ព័ត៌មាន AP​ បានរាយការណ៍ថា យ៉ាង​ហោច​ណាស់ ការប្រគំតន្ត្រីចំនួន៣នៅទីក្រុង Vienna ប្រទេស​អូទ្រីស​​ ដែលជាផ្នែកមួយនៃកម្មវិធី Eras Tours របស់តារាចម្រៀងអាមេរិក Taylor Swift ត្រូវបានលុបចោល​ភ្លាមៗ ដោយអ្នករៀបចំ បន្ទាប់ពីមន្ត្រីបានប្រកាសពីការចាប់ខ្លួនជុំវិញផែនការគ្រោង​វាយប្រហារកម្មវិធីរបស់នាង ដែលទំនងជាត្រូវបានបំផុសគំនិតដោយក្រុមរដ្ឋអ៊ីស្លាម និង​អាល់​កៃដា។

ការប្រគំតន្រ្តីដែលគ្រោងធ្វើនៅកីឡដ្ឋាន Ernst Happel កាលពីថ្ងៃព្រហស្បតិ៍ ដែលអ្នកគាំទ្ររហូតដល់ ៦៥០០០ នាក់​ត្រូវបានគេរំពឹងថានឹងចូលរួម។ ប៉ុន្តែដោយសារតែការលុបចោល នៅថ្ងៃបន្ទាប់អ្នកគាំទ្របានប្រមូលផ្តុំគ្នានៅ Corneliusgasse ដែលជាផ្លូវតូចមួយមានចម្ងាយត្រឹមតែ​៥គីឡូម៉ែត្រពីកីឡដ្ឋាន ដើម្បីដោះដូរខ្សែដៃមិត្តភាពនិងអបអរសាទរចំពោះការលុបចោល។ ខ្សែដៃអង្កាំ ដែលមានចំណងជើងបទចម្រៀង ឬឃ្លាពេញនិយមរបស់Taylor Swift ជាធម្មតាត្រូវបានផ្លាស់ប្តូរគ្នាជាមួយមនុស្សផ្សេងៗទៀតនៅក្នុងការប្រគំតន្ត្រី។

អ្នកគាំទ្របានប្រមូលផ្តុំគ្នានៅលើផ្លូវ Corneliusgasse ដោយសារតែឈ្មោះផ្លូវនេះស្រដៀងឈ្មោះបទ«Cornelia Street» នៅក្នុងអាល់ប៊ុមនាឆ្នាំ ២០១៩ របស់Taylor Swift គឺ «Lover» ។ចំណងជើងនេះសំដៅលើផ្លូវមួយនៅក្នុងភូមិ Greenwich នៃទីក្រុងញូវយ៉ក ជាកន្លែងដែល Taylor Swiftបានជួលផ្ទះល្វែងដ៏ប្រណិតមួយនៅក្នុងឆ្នាំ ២០១៦ ។យ៉ាងណាក៏មានការតាមដានយ៉ាងយកចិត្តទុកដាក់ពីប៉ូលិសផងដែរ ជុំវិញជាជួបជុំគ្នានេះ។

អ្នក​គាំទ្រ​ទាំងនោះទះ​ដៃ រាំ និង​អបអរ ខណៈ​ពួក​គេ​បាន​លើក​ខ្សែដៃឡើងនិង​ថត​រូប​ Selfie ជាមួយ​គ្នា។ អ្នក​ខ្លះ​មាន​ចិត្ត​រំភើប អ្នក​ខ្លះ​បាន​ឱប និង​យំ ដោយ​និយាយ​ថា​ពួកគេខក​ចិត្តដែលកាប្រគំតន្ត្រីនេះត្រូវបានលុបចោល។អ្នកគាំទ្រខ្លះបានពាក់ខ្សែដៃនៅលើដើមឈើ សូម្បីតែឯកសណ្ឋានប៉ូលិសម្នាក់ក៏ត្រូបានតុបតែងដោយខ្សែដៃដូចអ្នកគាំទ្រផងដែរ។ដោយសារតែ​មានភ្លៀង​ចាប់​ផ្ដើមធ្លាក់​មាន​អ្នក​គាំទ្រ​ខ្លះ​បែក​ខ្ញែក​គ្នា តែយ៉ាងណា​ប្រហែល​ជា​មានការជួបជុំ​គ្នា​នៅ​ថ្ងៃ​បន្ទាប់ទៀត៕

អត្ថបទ៖ ប៊ុន សុភាព

The post ទោះបី​ព្រមាន​បំផ្ទុះ​គ្រាប់បែក អ្នកគាំទ្រ​តារាចម្រៀង Taylor Swift នៅតែជួបជុំ appeared first on Kampuchea Thmey Daily.

ការប្រគំតន្ត្រី “The Celebration tour” នឹងប្រព្រឹត្តនៅថ្ងៃទី១៤ ខែតុលា ក្នុងទីក្រុង London ចក្រភពអង់គ្លេសវិញ ខណៈផែនការប្រគំនៅសហរដ្ឋអាមេរិកខ្លះត្រូវបានលុបចោល ឬពន្យាដល់ឆ្នាំ ២០២៤ ។

ដំបូងការប្រគំតន្ត្រីធ្វើឡើងដើម្បីអបអរខួបលើកទី ៤០ នៃការចេញចម្រៀងទោលដំបូងគឺ “Holiday” ។ ស្រាប់តែអ្នកគ្រប់គ្រងទម្លាយព័ត៌មានអំពីជំងឺដ៏ធ្ងន់របស់នាង បណ្ដាលឲ្យខកខានបាត់ទៅ ។ សំណាងល្អ Madonna ក៏ធូរស្បើយម្ដងទៀត ក្រោយទទួលបានការលើកទឹកចិត្តពីក្រុមគ្រួសារ ។

ការប្រគំតន្ត្រីនឹងចាប់ផ្តើមធ្វើនៅអឺរ៉ុបតាមការគ្រោងទុក Madonna នឹងធ្វើដំណើរទៅកាន់ប្រទេសបារាំង អ៊ីតាលី ដាណឺម៉ាក ព័រទុយហ្គាល់ និងអាល្លឺម៉ង់ មុនត្រលប់ទៅទីក្រុងឡុងដ៍វិញ ។

ដោយឡែកគេបានរំសាយកម្មវិធីនៅកន្លែងមួយចំនួនហើយ ដូចជា Tulsa, San Francisco, Phoenix និង Las Vegas ខណៈការកំណត់កាលវិភាគនៃការប្រគំតន្ត្រីឡើងវិញមានភាពស្មុគស្មាញបន្តិច ដោយសារទីក្រុងមួយចំនួនត្រូវការកន្លែងថ្មី ៕

ប្រែសម្រួល៖ វារី

ប្រភព៖ BBC

ចុចអាន៖ កូនស្រី Madonna ថតស្រាតផ្សាយពាណិជ្ជកម្មកាបូប

The post ក្រោយជាពីជំងឺ Madonna ប្រកាសកាលវិភាគប្រគំតន្ត្រីសាជាថ្មី appeared first on Kampuchea Thmey Daily.

ចូលរួមឲ្យបានច្រើនកុះករ លោកអ្នកក៏អាចមានសំណាងឈ្នះរង្វាន់ជាច្រើនផងដែរ៕

The post នៅថ្ងៃអាទិត្យ ទី២៣ ខែមេសានេះ ការប្រគំតន្រ្តីទេសចរណ៍ ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកខេត្តតាកែវ appeared first on Kampuchea Thmey Daily.

នៅថ្ងៃអាទិត្យ ទី១២ ខែមីនា ឆ្នាំ២០២៣ នៅបរិវេណបេនឡានក្រុងសិរីសោភ័ណ ខេត្តបន្ទាយមានជ័យ ចាប់ពីម៉ោង ៦ល្ងាចតទៅ និងតាមរយៈកញ្ចក់ទូរទស្សន៍ ហង្សមាស HDTV ចាប់ពីម៉ោង ៨យប់តទៅ !!

ចូលរួមឲ្យបានច្រើនកុះករ លោកអ្នកក៏អាចមានសំណាងឈ្នះរង្វាន់ជាច្រើនផងដែរ៕

The post ថ្ងៃអាទិត្យ ទី១២ ខែមីនានេះ ការប្រគំតន្រ្តីទេសចរណ៍ភេសជ្ជៈប៉ូវកម្លាំង ខារ៉ាបាវ ២០២៣ នឹងទៅជួបបងប្អូនអ្នកខេត្តបន្ទាយមានជ័យ appeared first on Kampuchea Thmey Daily.