ការរុះរើ Archives - Kampuchea Thmey Daily

រដ្ឋបាលស្រុកល្វាឯម ទុកពេល០២សប្តាហ៍ឱ្យរុះរើស្លាកផ្សព្វផ្សាយពាណិជ្ជកម្មដែលគ្មានច្បាប់អនុញ្ញាត និងហួសសុពលភាព

Ung Meng — Tue, 17 Mar 2026 07:52:59 +0000

អាជ្ញាធរស្រុកល្វាឯម និង ធ្វើការរុះរើរបារកាត់ទទឹងផ្លូវ ផ្ទាំងប៉ាណូ និងស្លាកផ្សាយពាណិជ្ជកម្មភេសជ្ជៈ និងគ្រឿងស្រវឹងគ្រប់ប្រភេទ ដែលគ្មានច្បាប់អនុញ្ញាត និងហួសសុពលភាព ក្នុងភូមិសាស្ត្រស្រុកល្វាឯម ខេត្តកណ្តាល។

រដ្ឋបាលស្រុកល្វាឯម ជូនដំណឹងដល់ម្ចាស់អាជីវកម្ម ភោជនីយដ្ឋាន អាហារដ្ឋាន ផ្ទះលក់ភេសជ្ជៈ និងក្រុមហ៊ុនចែកចាយស្រាបៀរទាំងអស់ក្នុងភូមិសាស្ត្រស្រុក កន្លងមករដ្ឋបាលស្រុក បានសង្កេតឃើញ មានការតម្លើងផ្ទាំងផ្សព្វផ្សាយពាណិជ្ជកម្មភេសជ្ជៈគ្រប់មុខ និងស្រាបៀរជាច្រើន (គ្មានច្បាប់អនុញ្ញាត និងហួសសុ ពលភាព) ក្នុងបណ្តាឃុំទាំង១០ ពិសេសនៅតាមចិញ្ចើមផ្លូវសាធារណៈ ធ្វើឱ្យបាត់បង់នូវ សោភ័ណ្ឌភាព សេចក្តីថ្លៃថ្នូរ របៀបរៀបរយ និងសណ្តាប់ធ្នាប់សាធារណៈក្នុងមូលដ្ឋានស្រុក។

ដើម្បីរក្សាបានសណ្តាប់ធ្នាប់ របៀបរៀបរយល្អ ជាពិសេសលើកកម្ពស់សេចក្តីថ្លៃថ្នូរ រដ្ឋបាលស្រុក សូមស្នើឱ្យ លោក-លោកស្រី ជាម្ចាស់អាជីវកម្ម ក្រុមហ៊ុនចែកចាយភេសជ្ជៈ និងស្រាបៀរទាំងអស់ ដែលមានការដាក់តាំង ផ្សព្វផ្សាយពាណិជ្ជកម្មនៅខាងមុខហាង ឬជាយីហោហាងគ្រប់ប្រភេទនៅលើចិញ្ចើមផ្លូវសាធារណៈ ដែលគ្មានច្បាប់ អនុញ្ញាត និងហួសសុពលភាព ត្រូវធ្វើការរុះរើចេញជាបន្ទាន់ ដោយទុករយៈពេល០២សប្តាហ៍ គិតចាប់ពីថ្ងៃជូន ដំណឹងនេះតទៅ។

ក្នុងករណីផុតកាលបរិច្ឆេទកំណត់ខាងលើ គ្រប់ម្ចាស់អាជីវកម្ម ក្រុមហ៊ុនចែកចាយភេសជ្ជៈ និងស្រាបៀរទាំង អស់ ដែលមិនបានធ្វើការរុះរើ រដ្ឋបាលស្រុក នឹងចាត់នីតិវិធីរដ្ឋបាលធ្វើការរុះរើ ដោយបន្ទុកចំណាយ និងរាល់ការខូច ខាតគ្រប់ប្រភេទ ម្ចាស់អាជីវកម្មទាំងអស់ជាអ្នកទទួលខុសត្រូវ។

ជាមួយគ្នានេះ រដ្ឋបាលស្រុក ក៏កោតសសើរចំពោះការចូលរួមសហការពីបណ្ដាម្ចាស់អាជីវកម្ម ភោជនីយដ្ឋាន អាហារដ្ឋាន និងផ្ទះលក់ភេសជ្ជៈមួយចំនួន ដែលបានរុះរើដោយស្ម័គ្រចិត្ត បង្ហាញពីគម្រូដ៏ល្អសម្រាប់ ប្រជាពលរដ្ឋដទៃក្នុងស្រុកល្វាឯម៕

The post រដ្ឋបាលស្រុកល្វាឯម ទុកពេល០២សប្តាហ៍ឱ្យរុះរើស្លាកផ្សព្វផ្សាយពាណិជ្ជកម្មដែលគ្មានច្បាប់អនុញ្ញាត និងហួសសុពលភាព appeared first on Kampuchea Thmey Daily.

អាជ្ញាធរចុះរុះរើរោងអនាធិបតេយ្យ ដែលសង់ស្នាក់នៅក្នុងវត្តច្បារអំពៅ

Kang Tola — Wed, 23 Nov 2022 10:53:36 +0000

ភ្នំពេញ ៖ លោកយ៉ិន វុធ ចៅសង្កាត់ច្បារអំពៅទី២បានដឹកនាំកម្លាំងចុះរុះរើរោងអនាធិបតេយ្យដែលសង់ក្នុងបរិវេណវត្តពោធិព្រះបាតហៅវត្តច្បារអំពៅ ស្ថិតក្នុងសង្កាត់ច្បារអំពៅទី២ ខណ្ឌច្បារអំពៅរាជធានីភ្នំពេញ។

លោកយ៉ិន វុធ បានឲ្យដឹងថា នៅរសៀលថ្ងៃទី២៣ខែវិច្ឆិកានេះ លោកបានទទួលបញ្ជាពីលោកចេង មុនីរ៉ា អភិបាលខណ្ឌច្បារអំពៅ ឲ្យដឹកនាំកម្លាំងចុះរុះរើរោងអនាធិបតេយ្យដែលសង់ស្នាក់នៅតាមចេតិយក្នុងបរិវេណវត្តបង្កឲ្យប៉ះពាល់ដល់ព្រះសង្ឃដែលគង់ចាំព្រះវស្សាទៀតផង។

លោកចៅសង្កាត់បានបញ្ជាក់ថា ជនដែលលួចសាងសង់រោងស្នាក់នៅនេះគឺមិនដឹងជាមកពីខេត្តណានោះទេហើយក៏ពុំមែនជាប្រជាពលរដ្ឋរស់នៅក្នុងមូលដ្ឋានខណ្ឌច្បារអំពៅឡើយ។ ដូច្នេះហើយទើបអាជ្ញាធរមិនបណ្តែតបណ្តោយឲ្យមកសង់រោងស្នាក់នៅបែបអនាធិបតេយ្យយ៉ាងដូច្នេះឡើយដោយស្នើឲ្យពួកគាត់ទៅរស់នៅស្រុកកំណើតវិញទៅបើសិនជាមាន។

គួររំលឹកថា កាលពីកក្កដាឆ្នាំ២០២២កន្លងទៅមានមនុស្សប្រមាណជា១០គ្រួសារបាននាំគ្នាទៅចាប់ដីសង់រោងនៅមាត់ច្រាំងទន្លេក្នុងភូមិដើមស្លែង សង្កាត់ច្បារអំពៅទី២ ហើយត្រូវបានអាជ្ញាធរចុះរុះរើមិនឲ្យរស់នៅច្រាំងទន្លេដែលជាដីរបស់រដ្ឋ៕

ដោយ ៖ នរា

The post អាជ្ញាធរចុះរុះរើរោងអនាធិបតេយ្យ ដែលសង់ស្នាក់នៅក្នុងវត្តច្បារអំពៅ appeared first on Kampuchea Thmey Daily.

ពលរដ្ឋ ១០ គ្រួសារ រស់នៅលើចំណីផ្លូវ ក្នុងបឹងតាមោក ព្រមទទួលយកគោលនយោបាយ ហើយរុះរើផ្ទះចេញ

Sorn Phanith — Thu, 23 Dec 2021 08:44:07 +0000

ប្រជាពលរដ្ឋ ១០ គ្រួសារដែលរស់នៅលើចំណីផ្លូវ ១៥១ ក្នុងបឹងតាមោក ស្ថិតក្នុងភូមិសំរោងត្បូង សង្កាត់សំរោង ជាប់ព្រំប្រទល់សង្កាត់ពញ្ញាពន់ បានស្ម័គ្រចិត្តព្រមទទួលយកគោលនយោបាយក្នុងការដោះដូដីចេញពីដីបឹងតាមោក ហើយព្រមទទួលយកយកដីឡូត៍ទំហំ ៥មx ១៨ម នៅចំណុចភូមិទួលពន្សាំង សង្កាត់ពន្សាំង ខណ្ឌព្រែកព្នៅ រាជធានីភ្នំពេញ នាព្រឹកថ្ងៃទី ២៣ ខែធ្នូ ឆ្នាំ ២០២១ នៅសាលាសង្កាត់សំរោង។

ក្នុងឱកាសទទួលយកប័ណ្ណកម្មសិទ្ធនោះលោក ជា ខេមា អភិបាលរងខណ្ឌបានមានប្រសាសន៍ថា ប្រជាពលរដ្ឋចំនួន ១០ គ្រួសារ ដែលរស់នៅលើចំណីផ្លូវ១៥១ ក្នុងបឹងតាមោកណ ស្ថិតក្នុងភូមិសំរោងត្បូង សង្កាត់សំរោង ជាប់ព្រំប្រទល់សង្កាត់ពញ្ញាពន់ ដែលជាកន្លែងរស់នៅមិនរៀបរយបានស្ម័គ្រចិត្តព្រមទទួលយកដី ដែលរដ្ឋបាលរាជធានីភ្នំពេញរៀបចំជូន ដែលមានទំហំ ៥.ម x ១៨ម សម្រាប់ពួកគាត់សាងសង់លំនៅឋានរស់នៅស្របច្បាប់ ដែលទាំងនេះ គឺជាការខិតខំរួមគ្នាពីថ្នាក់លើរហូតមកដល់ថ្នាក់ក្រោម។ លោកបន្តថា ទាំងនេះគឺជាការយកចិត្តទុកដាក់ខ្ពស់ចំពោះ សុខទុក្ខរបស់បងប្អូន ប្រជាពលរដ្ឋដែលមករស់នៅលើដីសាធារណៈរបស់រដ្ឋ ហើយទទួលរងនូវផលពាល់ពីការរៀបចំជួសជុលពង្រីកផ្លូវ១៥១ ហើយប្រជាពលរដ្ឋដទៃទៀត ដែលមិនទាន់ឯកភាពនៅឡើយ សូមរុះរាន់មកកុំឲ្យខកពេលឲ្យសោះ។

ក្នុងនោះផងដែរលោកអភិបាលរងខណ្ឌ បានថ្លែងអំណរគុណយ៉ាងជ្រាលជ្រៅចំពោះឯកឧត្តម ឃួង ស្រេង អភិបាលនៃគណអភិបាលរាជធានីភ្នំពេញ ដែលលោកតែងតែខិតខំធ្វើយ៉ាងណាដើម្បីជួយសម្រួលដល់ការរស់នៅរបស់បងប្អូនប្រជាពលរដ្ឋ ដែលជួបប្រទះនូវការលំបាក និងចូលរួមចំណែកយ៉ាងសកម្ម ទាំងកម្លាំងកាយ កម្លាំងចិត្ត ប្រាជ្ញា ស្មារតី និងថវិកា ប្រកបដោយការទទួលខុសត្រូវខ្ពស់ ធ្វើឲ្យការងារទទួលបានលទ្ធផលល្អគួរជាទីមោទនៈ។

គួរបញ្ជាក់ថា ប្រជាពលរដ្ឋដែលស្ម័គ្រចិត្តព្រមទទួលយកគោលនយោបាយនាពេលនេះ គឺទទួលបានមានដីទំហំ ៥.ម x ១៨ម ថវិកាចំនួន ៥០០ ដុល្លារ អង្ករ២៥គីឡូក្រាម និងមីមួយកេសផងដែរ៕

អត្ថបទ៖ ឧត្តរ៉ា

The post ពលរដ្ឋ ១០ គ្រួសារ រស់នៅលើចំណីផ្លូវ ក្នុងបឹងតាមោក ព្រមទទួលយកគោលនយោបាយ ហើយរុះរើផ្ទះចេញ appeared first on Kampuchea Thmey Daily.

អាជ្ញាធរ អនុវត្តវិធានការក្តៅ លើការរំលោភដីចំណីផ្លូវសាធារណៈ ពីសំណាក់អាជីវករ នៅផ្សារអូរជ្រៅ

Sorn Phanith — Tue, 12 Oct 2021 07:36:22 +0000

អាជ្ញាធរស្រុកអូរជ្រៅ បានដឹកនាំសមត្ថកិច្ចចម្រុះ ចុះអនុវត្តវិធានការក្តៅ តាមរយៈការកាយផ្តាច់ផ្លូវដើម្បីដាក់លូរំដោះទឹក លើទីតាំងដីចំណីផ្លូវរថភ្លើង ដែលត្រូវបានអាជីវករ និងប្រជាពលរដ្ឋ រស់នៅសាងសង់លំនៅឋាន និងប្រកបអាជីវកម្មលក់ដូរ នៅចំណុចផ្សារគុតសត ស្ថិតក្នុងស្រុកអូរជ្រៅ ខេត្តបន្ទាយមានជ័យ។

ការអនុវត្តនេះ ធ្វើឡើងរយៈពេល២ថ្ងៃមកហើយ ចាប់តាំងពីម្សិលមិញដល់ថ្ងៃទី១២ ខែតុលា ឆ្នាំ២០២១ នេះ នៅចំណុចផ្សារអូរជ្រៅ ស្ថិតក្នុងភូមិយាងថ្មី ឃុំគត៌សត្ត ស្រុកអូរជ្រៅ ខេត្តបន្ទាយមានជ័យ។ លោកអនុភូមិយាងថ្មី បានឱ្យដឹងថា នេះជាការអនុវត្តវិធានការរបស់រដ្ឋបាលស្រុកអូរជ្រៅ បន្ទាប់ពីមានសេចក្តីជូនដំណឹងរបស់រដ្ឋបាលស្រុក លេខៈ ០៥៩/២១ សជណ ចុះថ្ងៃទី០៦ ខែកញ្ញា ឆ្នាំ២០២១ ដោយយោងតាមលិខិត លេខៈ ៤៥១/២១ សជណ ចុះថ្ងៃទី២៥ ខែសីហា ឆ្នាំ២០២១ ស្តីពីការទប់ស្កាត់ ការចាក់ដី លុបផ្លូវរំដោះទឹក ការរំលោភយកដីចំណីផ្លូវសាធារណៈ និងដីចំណីផ្លូវរថភ្លើង ក្នុងភូមិសាស្ត្រខេត្តបន្ទាយមានជ័យ របស់រដ្ឋបាលខេត្តបន្ទាយមានជ័យ ដែលបានជម្រាបជូនដំណឹងដល់ បងប្អូនប្រជាពលរដ្ឋ ដែលរស់នៅតាមដងផ្លូវជាតិ ផ្លូវរថភ្លើង ផ្លូវសាធារណៈ ប្រឡាយ និងផ្លូវរំដោះទឹកមួយចំនួន ត្រូវបញ្ឈប់ជាបន្ទាន់រាល់សកម្មភាពរំលោភយកដីចំណីផ្លូវជាតិ ផ្លូវរថភ្លើង ផ្លូវសាធារណៈ ប្រឡាយ និងផ្លូវរំដោះទឹក ដោយប្រញាប់រុះរើ និងកែសម្រួលនូវសំណង់ការផ្សេងៗ ដែលបានសាងសង់លើដីចំណីផ្លូវជាតិ ផ្លូវរថភ្លើង ផ្លូវសាធារណៈ ប្រឡាយ និងផ្លូវរំដោះទឹក ចាប់ពីថ្ងៃជូនដំណឹងនេះ រហូតដល់ថ្ងៃទី០៦ ខែតុលា ឆ្នាំ២០២១ ជាកំហិត។

ក្នុងករណីមិនអនុវត្តតាមខ្លឹមសារសេចក្តីជូនដំណឹងនេះ រដ្ឋបានស្រុកអូរជ្រៅ នឹងអនុវត្តតាមវិធានការស្របច្បាប់ ស្តីពីផ្លូវថ្នល់ ហើយមិនទទួលខុសត្រូវ រាល់ការខូចខាតទ្រព្យសម្បត្តិ របស់បងប្អូនឡើយ។ លោកអនុភូមិបន្តថា ការអនុវត្តនេះដែរ ក៏ដើម្បីរៀបចំធ្វើសួន លំអសោភ័ណភាពផ្សារ ក៏ដូចជាសោភ័ណភាពស្រុកអូរជ្រៅនេះ ឱ្យមានភាពស្រស់ស្អាតផងដែរ។ ជាមួយនឹងការអនុវត្តនេះ ប្រជាពលរដ្ឋ និងអាជីវករ រស់នៅលក់ដូរមួយចំនួន លើដីចំណីផ្លូវរថភ្លើង ក្នុងភូមិសាស្ត្រខាងលើ បានសម្តែងនូវការចូលរួម និងរីករាយ ដែលអាជ្ញាធរមានគំនិតរៀបចំអភិវឌ្ឍសួនច្បាប់ និងដាក់ប្រព័ន្ធលូរំដោះទឹក តែក៏សូមឱ្យអាជ្ញាធររៀបចំឱ្យមានសមភាព និងត្រឹមត្រូវតាមស្តង់ដាបច្ចេកទេស បើកាយផ្លូវហើយ ត្រូវដាក់លូវិញភ្លាមៗផង កុំកាយតែដើម្បីបណ្តេញប្រជាពលរដ្ឋ ហើយគ្មានដាក់លូ ឬអភិវឌ្ឍអ្វីទាំងអស់នោះ ។

ក្នុងនោះក៏មានប្រជាពលរដ្ឋមួយចំនួនទៀត បានសម្តែងការមិនពេញចិត្ត និងប្រឆាំងចំពោះការរៀបចំ ធ្វើសួនរបស់អាជ្ញាធរស្រុក ដោយបានលើកឡើងថា ពួកគាត់បានរស់នៅទីនេះ រយៈពេលយូរឆ្នាំមកហើយ ហើយបើអាជ្ញាធរចង់កាយដីដាក់លូ ពួកគាត់នឹងចូលរួមជាមួយ ហើយបើកាយទៅប៉ះសំយ៉ាប ឬផ្នែកណាមួយតិចតួច ពួកគាត់នឹងព្រមរុះរើតាមភាពជាក់ស្តែង តែបើឱ្យពួកគាត់រុះរើ សំណង់ផ្ទះទាំងអស់របស់ពួកគាត់ ដែលបានសាងសង់លើដីចំណីផ្លូវរថភ្លើងនេះ គឺពួកគាត់មិនព្រមនោះទេ ព្រោះពួកគាត់មិនដឹងទៅរស់នៅឯណាឡើយ៕

អត្ថបទ៖ ពៅ

The post អាជ្ញាធរ អនុវត្តវិធានការក្តៅ លើការរំលោភដីចំណីផ្លូវសាធារណៈ ពីសំណាក់អាជីវករ នៅផ្សារអូរជ្រៅ appeared first on Kampuchea Thmey Daily.

អាជ្ញាធរត្រៀមប្រតិបត្តិការរុះរើសំណង់នៅលើចំណីផ្លូវរថភ្លើង

Bo Doula — Fri, 18 Dec 2020 04:55:08 +0000

នៅព្រឹកថ្ងៃទី ១៨ ខែ ធ្នូ នេះ លោក ផេង សិទ្ធី អភិបាលក្រុងបាត់ដំបង ខេត្តបាត់ដំបង បានអះអាងថា លោកនឹងចេញសេចក្តីជូនដំណឹងជាលើកទី ២ ដើម្បីឲ្យម្ចាស់សំណង់ដែលបានសង់បំពានលើដីចំណីផ្លូវរថភ្លើង ត្រូវរុះរើចេញឲ្យអស់។

គួររំលឹកថា កាលពីថ្ងៃទី ២៦ ខែ វិច្ឆិកា កន្លងមកនេះ រដ្ឋបាលក្រុងបាត់ដំបង បានចេញសេចក្តីជូនដំណឹងមួយច្បាប់តម្រូវឲ្យម្ចាស់រោងដែកមួយកន្លែង នៅត្រង់ចំណុចភូមិអណ្តូងចេញ ក្នុងសង្កាត់អូរចារ ក្រុងបាត់ដំបង ខេត្តបាត់ដំបង ដោយតម្រូវឲ្យបញ្ឍប់ដំណើរការសាងសង់ជាបន្ទាន់ក្រោយបានសាងសង់រំលោភលើដីចំណីថ្នល់ និងចំណីផ្លូវរថភ្លើង កាលពីដើមសប្តាហ៍កន្លងមក ហើយតម្រូវឲ្យរុះរើសំណង់ទាំងនោះចេញក្នុងរង្វង់រយៈពេល ៧ថ្ងៃជាកំហិត។

លោក ពេជ្រ ចំរើន អាយុ ៦១ឆ្នាំ ដែលអះអាងថា ជាឱពុកម្ចាស់រោងដែក បានបញ្ជាក់ថា ការសាងសង់រោងនេះឡើង គឺដើម្បីឲ្យកូនរបស់លោកបានលក់ដូរចំណីអាហារតិចតួចប៉ុណ្ណោះ ហើយចំពោះទីតាំងដែលបានធ្វើរោងនេះដែរ លោកបានការអនុញ្ញាតិពីម្ចាស់ដី ដែលបានអាស្រ័យផលតាំងពីឆ្នាំ ១៩៩០មក គឺលោក ចាន់ លាង ជាអាជីវករ។

បើទោះបីមានមតិលើកឡើងថា ជាសំណង់តូចតាចយ៉ាងណាក៏ដោយ ក៏នៅព្រឹកថ្ងៃទី ១៨ ខែធ្នូនេះ លោក ផេង សិទ្ធី អភិបាលក្រុងបាត់ដំបង បានបញ្ជាក់ថា នេះជាសំណង់ថ្មី ដែលមិនអាចអនុញ្ញតឲ្យសាងសង់បាននោះទេ ដោយសារតែសំណង់នេះ បានរំលោភលើដីចំណីផ្លូវជាតិផង និងចំណីផ្លូវរថភ្លើងផង។

លោកអភិបាលក្រុងបាត់ដំបង បញ្ជាក់ថា នៅដើមសប្តាហ៍ក្រោយ លោកនឹងសម្រេចចេញ ស ជ ណ ជាលើកទី ២ ដើម្បីកំណត់ឲ្យម្ចាស់រុះរើចេញទាំងអស់ ៕

អត្ថបទ ៖ សោ និយមរ័ត្ន

The post អាជ្ញាធរត្រៀមប្រតិបត្តិការរុះរើសំណង់នៅលើចំណីផ្លូវរថភ្លើង appeared first on Kampuchea Thmey Daily.

ម្ចាស់សណ្ឋាគារនិងពលរដ្ឋ៤៤គ្រួសារ យល់ព្រមឲ្យអាជ្ញាធររតនគីរី អភិវឌ្ឍន៍ជុំវិញរមណីយដ្ឋានបឹងកន្សែង

Sorn Phanith — Tue, 15 Dec 2020 03:13:23 +0000

ម្ចាស់សណ្ឋាគារទែរ៉ូនិងប្រជាពលរដ្ឋចំនួន៤៤គ្រួសារទៀត ដែលបានជំទាស់នឹងគម្រោងកែលម្អអភិវឌ្ឍន៍ហេដ្ឋារចនាសម្ព័ន្ធជុំវិញបរិវេណរមណីយដ្ឋានបឹងកន្សែង ក្រុងបានលុងនោះបានស្ម័គ្រចិត្តរុះរើសំណង់ តូប សំយាបផ្ទះចេញពីចំណីផ្លូវ ហើយបន្ទាប់ពីមានការសម្របសម្រួលពីលោក ថង សាវុន អភិបាលខេត្តរតនគិរីរួចមក។

លោក ថង សាវុន ដែលបានដឹកនាំក្រុមការងារជំនាញពាក់ព័ន្ធ ចុះពិនិត្យជាក់ស្តែងអំពីផលប៉ះពាល់លើប្រជាពលរដ្ឋដែលរស់នៅជុំវិញបឹងកន្សែង ក្រុងបានលុង កាលពីថ្ងៃទី១៤ធ្នូកន្លងទៅនេះ បានមានប្រសាសន៍ថា គម្រោងកែលម្អអភិវឌ្ឍន៍ហេដ្ឋារចនាសម្ព័ន្ធជុំវិញបឹងនេះ មានពលរដ្ឋសរុបចំនួន៤៥គ្រួសារ ដែលត្រូវប៉ះពាល់ក្នុងគម្រោងនេះ ក្នុងកម្រិតជាក់ស្តែងប៉ះពាល់របង តូប និងសំយាបផ្ទះដែលសាងសង់លើដីចំណីផ្លូវ។ លោកបានបន្តទៀតថា ក្នុងចំណោមពលរដ្ឋ៤៥គ្រួសារ មាន៤៤គ្រួសារ បានសាទរចំពោះគម្រោងនេះ ដោយព្រមសហការ និងចូលរួមជាមួយអាជ្ញាធរខេត្តដោយស្ម័គ្រចិត្តរុះរើសំណង់ តូប សំយាបផ្ទះចេញពីចំណីផ្លូវ ដើម្បីទុកលទ្ធភាពជូនអាជ្ញាធរសាងសង់ហេដ្ឋារចនាសម្ព័ន្ធ។

លោកបានបន្ថែមទៀតថា ទន្ទឹមគ្នានេះ មានម្ចាស់សណ្ឋាគារ ០១ទីតាំងឈ្មោះសណ្ឋាគារទែរ៉ូ បានជំទាស់មិនព្រមសហការជាមួយអាជ្ញាធរ និងធ្វើការផ្សព្វផ្សាយព័ត៌មានមិនពិតទាក់ទងទៅនឹងការស្ម័គ្រចិត្តរបស់ពលរដ្ឋទាំង៤៤គ្រួសារ និងស្នើអាជ្ញាធរពង្វាងផលប៉ះពាល់លើកម្មសិទ្ធិរបស់គាត់(លោកស្រី ខៃ ចិន្តា ម្ចាស់សណ្ឋាគារ)។ លោកអភិបាលខេត្ត បានបន្ថែមទៀតថា ក្រោយការចុះសម្របសម្រួល ពន្យល់លម្អិតអំពីទស្សនវិស័យ និងគម្រោងអភិវឌ្ឍន៍របស់ខេត្ត ព្រមទាំងកំណត់ផលប៉ះពាល់ជាក់ស្តែងទើបលោកស្រី ខៃ ចិន្តា បានព្រមទទួលយក និងសហការជាមួយអាជ្ញាធរខេត្ត។

លោកអភិបាលខេត្តបានគូសបញ្ជាក់ថា គម្រោងខាងលើនេះ ប៉ះពាល់តែផ្នែកខ្លះនៃរបងសណ្ឋាគាររបស់លោកស្រីប៉ុណ្ណោះ ពុំមានការប៉ះពាល់ទៅលើសំណង់រឹងជាអគារសណ្ឋាគារ ដែលឈានដល់ការវាយកម្ទេចដូចជាការលើកឡើង តាមបណ្តាញសង្គមfacebookរបស់ម្ចាស់សណ្ឋាគារទែរ៉ូនោះឡើយ៕

អត្ថបទ៖ សំអឿន

សូមចុចអាន៖

The post ម្ចាស់សណ្ឋាគារនិងពលរដ្ឋ៤៤គ្រួសារ យល់ព្រមឲ្យអាជ្ញាធររតនគីរី អភិវឌ្ឍន៍ជុំវិញរមណីយដ្ឋានបឹងកន្សែង appeared first on Kampuchea Thmey Daily.

ការរុះរើ Archives - Kampuchea Thmey Daily

អាជ្ញាធរ​ចុះ​រុះរើ​រោង​អនាធិបតេយ្យ​ ដែល​សង់​ស្នាក់នៅ​ក្នុង​វត្ត​ច្បារអំពៅ

ពលរដ្ឋ ១០ គ្រួសារ រស់នៅលើចំណីផ្លូវ ក្នុងបឹងតាមោក ព្រមទទួលយកគោលនយោបាយ ហើយរុះរើផ្ទះចេញ

អាជ្ញាធរ អនុវត្តវិធានការក្តៅ លើការរំលោភដីចំណីផ្លូវសាធារណៈ ពីសំណាក់អាជីវករ នៅផ្សារអូរជ្រៅ

អាជ្ញាធរត្រៀមប្រតិបត្តិការរុះរើសំណង់នៅលើចំណីផ្លូវរថភ្លើង

អាជ្ញាធរចុះរុះរើរោងអនាធិបតេយ្យ ដែលសង់ស្នាក់នៅក្នុងវត្តច្បារអំពៅ