លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌឫស្សីកែវ បានដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ចុះអនុវត្តវិធានការរដ្ឋបាល ដោយប្រើប្រាស់គ្រឿងចក្រ រុះរើសំណង់អាណាធិបតេយ្យ នៅសង្កាត់ស្វាយប៉ាក ដែលបានសង់រំលោភលើដីចំណីផ្លូវសាធារណៈ។

អភិបាលខណ្ឌឫស្សីកែវបានបន្តថា អាជ្ញាធរមិនដែលចង់ប៉ះពាល់ការរស់ ក៏ដូចជាប្រកបអាជីវកម្មនោះរបស់ប្រជាពលរដ្ឋនោះឡើយ។ ហើយអាជ្ញាធរតែងធ្វើការណែនាំ និងប្រកាសប្រាប់ពលរដ្ឋជានិច្ច កុំអោយមានការសាងសង់រំលោភដីចំណីផ្លូវសាធារណៈ ដែលបង្កអោយបាត់បង់សោភ័ណភាព សណ្តាប់ធ្នាប់ដងផ្លូវ។ ហើយបើសិន ក្នុងលក្ខខណ្ឌណែនាំច្រើនដង នៅតែមិនចូលរួមសហការ អាជ្ញាធរ នឹង ប្រើប្រាស់វិធានការក្ដៅណាមួយ ក្នុងការអនុវត្តការរៀបចំសណ្ដាប់ធ្នាប់របៀបរៀបរយតាមដងផ្លូវសាធារណៈ។ ជាក់ស្តែង ចំពោះទីតាំងខាងលើនេះ ត្រូវបានអាជ្ញាធរសង្កាត់-ភូមិ ចុះណែនាំអោយរុះរើជាច្រើនលើក ច្រើនសារមកហើយ ទើបកម្លាំងគណៈបញ្ជាការឯកភាពរដ្ឋបាលខណ្ឌ សម្រេចអនុវត្តវិធានការរដ្ឋបាលនេះតែម្ដង។

ជាមួយគ្នានេះដែរ លោកអភិបាល នៅតែស្នើរសុំអោយប្រជាពលរដ្ឋទាំងអស់ នៅក្នុងមូលដ្ឋានខណ្ឌ សូមចូលរួមសហការក្នុងការរៀបចំសណ្ដាប់ធ្នាប់ របៀបរៀបរយ អនាម័យ និងបរិស្ថាន នៅតាមដងផ្លូវសាធារណៈ ជាពិសេសសូមបញ្ឈប់ជាបន្ទាន់នូវវប្បធម៌អន្ដរាគមន៍ណាមួយដោយមិនទំនងចំពោះការរំលោភយកដីចំណីផ្លូវសាធារណៈមកធ្វើជាប្រយោជន៍ផ្ទាល់ខ្លួន៕ អត្ថបទ ៖ រដ្ឋា

The post អភិបាលខណ្ឌឬស្សីកែវ ៖ ចំពោះពលរដ្ឋសាងសង់សំណង់ អនាធិបតេយ្យ ឬលក់ដូរ រំលោភចំណីផ្លូវ មិនស្តាប់តាមការណែនាំ អាជ្ញាធរ នឹងចាត់វិធានការក្តៅ appeared first on Kampuchea Thmey Daily.

ការចុះអនុវត្តនេះ មានគោលបំណងធានាបាននូវសណ្ដាប់ធ្នាប់សាធារណៈ កាត់បន្ថយភាពអនាធិបតេយ្យលើទ្រូងផ្លូវ និងលើកកម្ពស់បរិស្ថានឲ្យមានភាពស្អាត ស្របតាមគោលនយោបាយរបស់អាជ្ញាធរមូលដ្ឋាន ក្នុងការកែលម្អសោភ័ណភាពទីក្រុង និងធានាសុវត្ថិភាពចរាចរណ៍សម្រាប់ប្រជាពលរដ្ឋធ្វើដំណើរប្រចាំថ្ងៃ។

យោងតាមការបញ្ជាក់ពីមន្ត្រីសណ្តាប់ធ្នាប់ថា កន្លងមក អាជ្ញាធរបានចុះណែនាំ និងជូនដំណឹងដល់ក្រុមអាជីវករ ក៏ដូចជាម្ចាស់យានយន្ត ដែលធ្វើការចត ឬ ដាក់តាំងលក់ទំនិញលើចិញ្ចើមផ្លូវ និងលើទ្រូងផ្លូវខាងលើ ជាច្រើនលើកច្រើនសារ រួចមកហើយ។ ទោះជាយ៉ាងណា នៅតែមានករណីមួយចំនួនមិនទាន់អនុវត្តតាម ការណែនាំបណ្តាលឲ្យបង្កការកកស្ទះចរាចរណ៍ និងប៉ះពាល់ដល់សណ្ដាប់ធ្នាប់សាធារណៈ។

ក្នុងឱកាសចុះអនុវត្តការងារនេះ រដ្ឋបាលខណ្ឌឫស្សីកែវ បានប្រកាសយ៉ាងច្បាស់ថា នឹងចាប់ផ្តើមអនុវត្តវិធានការរដ្ឋបាលយ៉ាងតឹងរ៉ឹង ចំពោះការចតយានយន្តដោយគ្មានសណ្ដាប់ធ្នាប់ ការដាក់តាំងលក់ទំនិញលើទ្រូងផ្លូវ ឬលើចិញ្ចើមផ្លូវ ដោយគ្មានការលើកលែងឡើយ។ ការចាត់វិធានការទាំងនេះអាចរួមមាន ការផាកពិន័យ ការដកហូតសម្ភារៈ ឬ វិធានការផ្សេងៗ ស្របតាមបទប្បញ្ញត្តិជាធរមាន។

អាជ្ញាធរខណ្ឌ ក៏បានអំពាវនាវដល់ ប្រជាពលរដ្ឋ និងអាជីវករ ទាំងអស់សូមចូលរួមសហការជាមួយ អាជ្ញាធរ ដោយគោរពតាមការណែនាំ និងបទប្បញ្ញត្តិ ដើម្បីរួមចំណែកថែរក្សាសណ្ដាប់ធ្នាប់ អនាម័យ និងបរិស្ថានសាធារណៈ ឲ្យកាន់តែល្អប្រសើរ និងធានាបាននូវភាពរលូននៃចរាចរណ៍នៅតំបន់ខាងលើ៕ អត្ថបទ ៖ សំណាង

The post រដ្ឋបាលខណ្ឌឫស្សីកែវ អនុវត្តវិធានការរដ្ឋបាលតឹងរ៉ឹង សម្រាប់យានយន្តចតរំលោភលើផ្លូវ appeared first on Kampuchea Thmey Daily.

ជាក់ស្តែងកាលពីថ្ងៃទី២៤ ខែកុម្ភៈ ឆ្នាំ២០២៦ កម្លាំងសណ្តាប់ធ្នាប់ខណ្ឌឫស្សីកែវ បន្តការចុះរៀបចំសណ្តាប់ធ្នាប់ ដល់អាជីវករលក់ដូរ លើចិញ្ចើម ចំណុចកំណាត់ផ្លូវក្បែរទួលសង្កែ នឹង គីឡូលេខ៩ ក្នុងមូលដ្ឋានខណ្ឌឫស្សីកែវ រាជធានីភ្នំពេញ។

លោក ជិន ប៊ុនធឿន អភិបាលខណ្ឌឫស្សីកែវ បានអោយដឹងថា លោកបានណែនាំអោយកម្លាំងសណ្ដាប់ធ្នាប់ នៃ រដ្ឋបាលខណ្ឌឫស្សីកែវ ត្រូវបន្តអនុវត្តន៍ចុះរៀបចំសណ្តាប់ធ្នាប់ និងរៀបចំអោយមានរបៀបរៀបរយតាមចិញ្ចើមផ្លូវ ក្នុងមូលដ្ឋាន ដើម្បីសម្រួលការកកស្ទះចរាចរណ៍ រាល់ពេលប្រជាពលរដ្ឋធ្វើដំណើរឆ្លងកាត់។ លោកបានបន្តថា កម្លាំងសណ្តាប់ធ្នាប់ បានកំពុងសស្រាក់សស្រាំក្នុងការរៀបចំ អោយមានរបៀបរៀបរយគ្រប់មូលដ្ឋានសង្កាត់ក្នុងខណ្ឌ ពិសេសម្ចាស់ទីតាំង, ម្ចាស់តូបហាមមិនឲ្យលក់ដូរ មិនអនុញ្ញាតិឲ្យដាក់តាំងលក់ប៉ះពាល់ផ្លូវសាធារណៈឡើយ ហើយរាល់អាជីវករទាំងអស់ត្រូវបញ្ឈប់ការលក់ដូរលើផ្លូវសាធារណៈ ដែលបង្កឲ្យបាត់បង់សណ្តាប់ធ្នាប់ កើតមានឡើងភាពអនាធិបតេយ្យ និងកកស្ទះចរាចរណ៍។

ជាមួយគ្នានោះ លោក ជិន ប៊ុនធឿន បានអំពាវនាវដល់អាជីវករទាំងអស់មូលដ្ឋាន បងប្អូនប្រជាពលរដ្ឋ ចូលរួមសហការជាមួយអាជ្ញាធរក្នុងការរៀបចំទើប ដើម្បីធានាបាននូវសណ្តាប់ធ្នាប់ របៀបរៀបរយ អនាម័យ បរិស្ថានល្អ៕ អត្ថបទ ៖ រដ្ឋា

The post អាជ្ញាធរខណ្ឌឫស្សីកែវ បន្តចុះរៀបចំសណ្តាប់ធ្នាប់លើ កំណាត់ផ្លូវជាតិលេខ៥ និងគីឡូលេខ៩ appeared first on Kampuchea Thmey Daily.

លោក ស្រេង សុផល បាន​ឲ្យ​ដឹង​ថា ក្រុមការងារ​រដ្ឋបាល​ក្រុង​សិរីសោភ័ណ កម្លាំង​សណ្ដាប់ធ្នាប់​សង្កាត់ មេភូមិ ៣ បាន​ចុះ​រៀបចំ​សណ្ដាប់ធ្នាប់​នៅ​តាម​បណ្ដោយ​ផ្លូវ​រង្វង់​មូល​ស្រី​គ្រប់លក្ខណ៍ រហូត ជុំវិញ​ក្រុង​នេះ ដើម្បី​ធ្វើការ​ណែនាំ​ប្រជាពលរដ្ឋ ក៏ដូចជា​អ្នក​លក់ដូរ​មួយ​ចំនួន សូម​ចូលរួម​សហការ​ជាមួយ​អាជ្ញាធរ​ក្នុង​ការ​ថែរក្សា​ដង​ផ្លូវ​សាធារណៈ​ឲ្យ​មាន​សណ្ដាប់ធ្នាប់ របៀបរៀបរយ ជាពិសេស​សោភ័ណភាព​ល្អ​ប្រសើរ​នៅ​ក្នុង​ក្រុង​សិរីសោភ័ណ។

លោក​បាន​បន្ត​ថា សកម្មភាព​ខាង​លើ​នេះ បាន​បន្ត​ចុះ​ធ្វើ​ដូច​ភ្លៀងរលឹម នៅ​ក្នុង​មូលដ្ឋាន ដោយ​ធ្វើ​យ៉ាងណា​ចង់​ឲ្យ​ប្រជាពលរដ្ឋ​យល់ដឹង​កាន់តែ​ច្បាស់​អំពី​សណ្ដាប់ធ្នាប់ របៀបរៀបរយ​តាម​ដង​ផ្លូវ​សាធារណៈ ពិសេស​អាជីវករ​យក​ចិញ្ចើម​ផ្លូវ​ដាក់​អីវ៉ាន់​លក់ដូរ​យ៉ាង​អនាធិបតេយ្យ ព្រមទាំង​ស្លាក​យីហោ​មួយ​ចំនួន​ដែល​ដាំ​ជាប់​នៅ​ចិញ្ចើម​ផ្លូវ​ប៉ះពាល់​ចំណី​ផ្លូវ​សាធារណៈ និង​គ្មាន​ច្បាប់​អនុញ្ញាត។

ទន្ទឹម​នោះ ក្រុម​ការងារ ក៏បាន​ណែនាំ​ដល់​ម្ចាស់​អាជីវកម្ម ឲ្យ​អនុវត្ត​ទុក​ចិញ្ចើម​ផ្លូវ ៣ ម៉ែត្រ សម្រាប់​ឲ្យ​អ្នក​ដំណើរ​ដើរ​ទៅ​មក​បាន​ស្រួល​ផង​ដែរ។

លោក​អភិបាល​ក្រុង​សិរីសោភ័ណ ក៏បាន​សំណូមពរ​ប្រជាពលរដ្ឋ​ទាំងអស់ សូម​ចូលរួម​សហការ​ជាមួយ​អាជ្ញាធរ​ក្នុង​ការ​ថែរក្សា​របៀបរៀបរយ​សណ្ដាប់ធ្នាប់​តាម​ដង​ផ្លូវ​សាធារណៈ​ឲ្យ​បាន​ល្អ​ប្រសើរ ដើម្បី​ទុក​ជា​ផលប្រយោជន៍​រួម​ទាំងអស់​គ្នា៕

អត្ថបទ ៖ វ៉ាន់ ណាង

The post អភិបាលក្រុងសិរីសោភ័ណ ដឹកនាំក្រុមការងារ ចុះរៀបចំសណ្ដាប់ធ្នាប់ជុំវិញ​ក្រុងសិរីសោភ័ណ ឲ្យមានរបៀបរៀបរយ appeared first on Kampuchea Thmey Daily.

ដោយ​មាន​ការ​យកចិត្តទុកដាក់​ពី​លោកស្រី គឹម ញឹប អភិបាល នៃ​គណៈ​អភិបាល​ខណ្ឌ​ដង្កោ ក្រុម​ការងារ​រដ្ឋបាល​ខណ្ឌ​ដង្កោ កម្លាំង​សណ្ដាប់ធ្នាប់​សាលា​ខណ្ឌ-សង្កាត់ បាន​ចុះ​រៀបចំ​សណ្ដាប់ធ្នាប់​ក្នុង​មូលដ្ឋាន​សង្កាត់​ដង្កោ ខណ្ឌ​ដង្កោ នៅ​តាម​បណ្ដោយ​ផ្លូវ​លេខ ២១៧ និង​ធ្វើការ​ណែនាំ​ប្រជាពល​រដ្ឋ ក៏ដូចជា​អ្នក​លក់ដូរ​មួយ​ចំនួន សូម​ចូលរួម​សហការ​ជាមួយ​អាជ្ញាធរ​ក្នុង​ការ​ថែរក្សា​ដង​ផ្លូវ​សាធារណៈ​ឲ្យ​មាន​សណ្ដាប់ធ្នាប់ របៀបរៀបរយ និង​កាត់​សំយាប​ផ្ទះ​ដែល​សង់​រំលោភ​មក​លើ​ផ្លូវ។

អាជ្ញាធរ​ខណ្ឌ​ដង្កោ បាន​ឲ្យ​ដឹង​ថា សកម្មភាព​ខាង​លើ​នេះ អាជ្ញាធរ នឹង​បន្ត​ចុះ​ធ្វើការ​បន្ត​ទៀត​នៅ​ក្នុង​មូលដ្ឋាន ធ្វើ​យ៉ាងណា​ចង់​ឲ្យ​ប្រជាពលរដ្ឋ​យល់ដឹង​កាន់តែ​ច្បាស់​អំពី​សណ្ដាប់ធ្នាប់ របៀបរៀបរយ​តាម​ដង​ផ្លូវ​សាធារណៈ ចាប់ពី​គល់​ស្ពាន​ដែក ផ្លូវ​លេខ ២១៧ រហូត​ដល់​ផ្លូវ​បេតុង​កែង​ភូមិ​ទួល​ពង្រ សង្កាត់​ចោមចៅ​ទី ១ ខណ្ឌ​ពោធិ៍​សែន​ជ័យ។

អាជ្ញាធរ​ខណ្ឌ​ដង្កោ បាន​ធ្វើការ​កាត់​សំយាប និង ស្លាក​យីហោ​មួយ​ចំនួន ដែល​ធ្វើ​ឲ្យ​ប៉ះពាល់​ចំណី​ផ្លូវ​សាធារណៈ និង​គ្មាន​ច្បាប់​អនុញ្ញាត​មួយ​ចំនួន​ផង​ដែរ ដោយសារ​អាជ្ញាធរ​ខណ្ឌ​បាន​ណែនាំ​ដល់​ម្ចាស់​អាជីវកម្ម ប៉ុន្តែ​មិន​ព្រម​អនុវត្ត​តាម។ អាជ្ញាធរ ក៏បាន​វាស់​បាញ់ថ្នាំ​រំកិល​ថយ​ចូល ៤ ម៉ែត្រ ចាប់ពី​បេតុង​សងខាង​ផ្លូវ​ផង​ដែរ។

អាជ្ញាធរ​ខណ្ឌ​ដង្កោ ក៏បាន​សំណូមពរ​ប្រជាពលរដ្ឋ​ទាំងអស់ សូម​ចូលរួម​សហការ​ជាមួយ​អាជ្ញាធរ​ក្នុង​ការ​ថែរក្សា​របៀបរៀបរយ​សណ្ដាប់ធ្នាប់​តាម​ដង​ផ្លូវ​សាធារណៈ​ឲ្យ​បាន​ល្អ​ប្រសើរ ដើម្បី​ទុក​ជា​ផល​ប្រយោជន៍​រួម៕

អត្ថបទ ៖ សុខា

The post រដ្ឋបាលខណ្ឌដង្កោ ចុះរៀបចំសណ្ដាប់ធ្នាប់កាត់សំយាបដែលពលរដ្ឋ​សង់រំលោភផ្លូវសាធារណៈ appeared first on Kampuchea Thmey Daily.

ការចុះនេះ នៅតាមផ្លូវបេតុងច្រកចូលវត្តតាភេម ក្នុងគោលបំណងលើកកម្ពស់សោភ័ណភាព និងការរក្សាសណ្តាប់ធ្នាប់សាធារណៈ ក៏ដូចជាបញ្ចៀសបញ្ហាកកស្ទះចរាចរណ៍ ដែលធ្វើឱ្យរំខានដល់ការធ្វើដំណើររបស់ប្រជាពលរដ្ឋ កម្មករ-កម្មការិនី ជារៀងរាល់ថ្ងៃ។

ក្នុងឱកាសនេះ រដ្ឋបាលខណ្ឌកំបូល បានជម្រាបជូនដល់ប្រជាពលរដ្ឋ និងម្ចាស់អាជីវកម្ម ដែលរស់នៅដាក់តាំងលក់ទំនិញតាមបណ្ដោយផ្លូវឱ្យធ្វើការរុះរើ ឬដកសម្ភារៈដាក់តាំង និងស្លាកយីហោផ្សេងៗ ចេញឱ្យផុតពីគម្លាត ២,៥ ម៉ែត្រ សងខាងផ្លូវ។ រយៈពេលអនុវត្តត្រូវធ្វើក្នុង ២សប្តាហ៍ ចាប់ពីថ្ងៃចែកលិខិតជូនដំណឹងតទៅ។

រដ្ឋបាលខណ្ឌ ក៏បានបញ្ជាក់ថា អាជីវករលក់ដូរចល័តដូចជា រ៉ឺម៉ក រទេះផ្លែឈើ បន្លែ ត្រីសាច់ រថយន្តគ្រប់ប្រភេទ ត្រូវបញ្ឈប់ការចត និងការរំលោភលើផ្លូវ និងចិញ្ចើមផ្លូវសាធារណៈជាដាច់ខាត។ ប្រសិនបើមានការមិនអនុវត្តតាម ស្ថាប័នផ្លូវការ នឹងចាត់វិធានការចុះរុះរើ ដោយមិនទទួលខុសត្រូវចំពោះការខូចខាត ឬបាត់បង់ទ្រព្យសម្បត្តិរបស់ម្ចាស់អាជីវកម្មឡើយ។ ចំពោះរថយន្ត ឬមធ្យោបាយដែលចតរំលោភផ្លូវសាធារណៈ នឹងត្រូវដកហូតទៅរក្សាទុកនៅសាលាខណ្ឌជាបណ្ដោះអាសន្នផងដែរ។

រដ្ឋបាលខណ្ឌកំបូល ជឿជាក់លើកិច្ចសហការរបស់ប្រជាពលរដ្ឋក្នុងការអនុវត្តតាមសេចក្តីជូនដំណឹងនេះ ដើម្បីរួមគ្នាធ្វើឱ្យមូលដ្ឋានខណ្ឌកំបូល កាន់តែមានសោភ័ណភាព សណ្តាប់ធ្នាប់ និងសុវត្ថិភាពប្រសើរឡើងជាបន្តបន្ទាប់៕

អត្ថបទ ៖ សំណាង

The post រដ្ឋបាលខណ្ឌកំបូល បន្តចែកលិខិតជូនដំណឹង រៀបចំសណ្ដាប់ធ្នាប់តាម​ផ្លូវបេតុងចូលវត្តតាភេម រក្សាគម្លាត ២,៥ ម៉ែត្រ សងខាងផ្លូវ appeared first on Kampuchea Thmey Daily.

ការ​ជំរុញ​នេះ​ក្នុង​កិច្ចប្រជុំ​សាមញ្ញ​លើក​ទី ១៨ របស់​ក្រុម​ប្រឹក្សា​ខណ្ឌ អាណត្តិ​ទី ៤ ដើម្បី​ត្រួតពិនិត្យ លទ្ធផល​ការងារ ក្រោម​វត្តមាន លោក ហែម អាន ប្រធាន​ក្រុមប្រឹក្សា​ខណ្ឌ​ដូនពេញ និង​លោក ជា ខេមា អភិបាល នៃ​គណៈ​អភិបាល​ខណ្ឌ​ដូនពេញ ដោយ​មាន​ការ​ចូលរួម​ពី​មន្ត្រី​ពាក់ព័ន្ធ ព្រមទាំង​សមាជិក​ក្រុមប្រឹក្សា នៃ​រដ្ឋបាល​ខណ្ឌ កាលពី​ព្រឹក​ថ្ងៃ​ទី ២៧ ខែ​វិច្ឆិកា ឆ្នាំ ២០២៥ នេះ។

នា​ឱកាស​នោះ លោក ហែម អាន បាន​កោតសរសើរ​រដ្ឋបាល​ខណ្ឌ​ដែល​បម្រើ​ការងារ​ដល់​ប្រជាពលរដ្ឋ និង​ចូលរួម​ការងារ​សង្គម​ផ្សេងៗ បាន​ល្អ ជាពិសេស​រក្សា​បាន​សន្តិសុខ​សណ្ដាប់ធ្នាប់​សាធារណៈ​ល្អ​ប្រសើរ​ជូន​ភ្ញៀវ​ជាតិ-អន្តរជាតិ មក​លេង​កម្សាន្ត តាម​រមណីយដ្ឋាន​ទេសចរណ៍​ក្នុង​មូលដ្ឋាន​ខណ្ឌ​ដូនពេញ។

ជាមួយ​នេះ លោក ជា ខេមា បាន​ជំរុញ​ថា យោង​តាម​ការ​ណែនាំ​របស់​រដ្ឋបាល​រាជធានី​ភ្នំពេញ កម្លាំង​អាជ្ញាធរ​ពាក់ព័ន្ធ នៃ​គណៈ​បញ្ជាការ​ឯកភាព​ខណ្ឌ ត្រូវ​យកចិត្តទុកដាក់​បង្កើន​ការ​រក្សា​សន្តិសុខ​សណ្ដាប់ធ្នាប់ បរិស្ថាន​អនាម័យ ឲ្យ​បាន​ល្អ​ប្រសើរ ក្នុង​មូលដ្ឋាន​ទាំង ១១ សង្កាត់។ ចំពោះ​បញ្ហា​សន្តិសុខ សណ្ដាប់ធ្នាប់ នេះ ជា​កត្តា​សំខាន់​ក្នុង​មូលដ្ឋាន​របស់​ប្រជាពលរដ្ឋ​ ត្រូវ​អនុវត្ត​មាន​វិធានការ ជាប់​ជាប្រចាំ ដើម្បី​រក្សា​ចិញ្ចើម​ផ្លូវ​សម្រាប់​អ្នក​ថ្មើរជើង ដែល​មូលដ្ឋាន​ខណ្ឌ​ដូនពេញ​ជា​ទីតាំង​ប្រមូលផ្ដុំ​ដោយ​ទេសចរណ៍ វប្បធម៌ សេដ្ឋកិច្ច និង​ជា​បេះដូង​រាជធានី​ភ្នំពេញ។

លោក​អភិបាល​ខណ្ឌ​ដូនពេញ សង្កត់​ធ្ងន់​ថា ដើម្បី​សោភ័ណភាព​ទីក្រុង​ស្អាត ត្រូវ​ផ្ដោត​លើ​ហេដ្ឋា​រចនា​សម្ព័ន្ធ ផ្លូវថ្នល់ ទាំង​សណ្ដាប់ធ្នាប់ អនាម័យ និង​ជួសជុល​ផ្លូវ​ខូច ជង្ហុក​សំបុក​មាន់ ចិញ្ចើម​ផ្លូវ ផ្លាស់ប្ដូរ​ការ៉ូឡា​ថ្មី ជាពិសេស​នោះ​ភ្លើង​បំភ្លឺ​ផ្លូវ​ពេល​រាត្រី​ជូន​ដល់​ប្រជាពលរដ្ឋ។

ក្រៅពី​កិច្ចការ​ការពារ​ រក្សា​សន្តិសុខ សណ្ដាប់ធ្នាប់ បញ្ហា​ក្មេង​ទំនើង បញ្ហា​គ្រឿងញៀន លោក​ក៏បាន​រំលឹក និង​ដាស់តឿន​ដល់​មន្ត្រី តាមរយៈ​ការិយាល័យ​ច្រក​ចេញ​ចូល​តែមួយ ដោយ​បម្រើ​សេវា​សាធារណៈ​ជូន​ប្រជាពលរដ្ឋ​ឲ្យ​បាន​លឿន​រហ័ស មាន​តម្លាភាព និង​ជា​ប្រយោជន៍​ដល់​សង្គម និង​ពលរដ្ឋ៕

អត្ថបទ ៖ សុភា

The post អភិបាលខណ្ឌដូនពេញ ជំរុញមន្ត្រីពាក់ព័ន្ធ ត្រូវបង្កើនការរក្សាសន្តិសុខ សណ្ដាប់ធ្នាប់ ក្នុងមូលដ្ឋានឲ្យល្អ appeared first on Kampuchea Thmey Daily.

លោក ប៉ាង លីដា អភិបាល​រង​ខណ្ឌ​ពោធិ៍​សែន​ជ័យ ទទួល​បន្ទុក​កិច្ច​ការងារ​សណ្ដាប់ធ្នាប់​សាធារណៈ តំណាង​លោក សក់ ចន្ទ​កញ្ញា​រិ​ទ្ធ អភិបាល​ខណ្ឌ លើកឡើង​បន្ត​ថា កិច្ច​ការងារ​រៀបចំ​សណ្ដាប់ធ្នាប់​លើ​ដង​ផ្លូវ ដើម្បី​សោភ័ណភាព ពិសេស​ការ​រំដោះ​ចិញ្ចើម​ផ្លូវ​ទុក​សម្រាប់​ឲ្យ​ពលរដ្ឋ​ថ្មើរ​ជើង​បាន គឺ ទាមទារ​ការ​ចូលរួម​ខ្ពស់​ណាស់​ពី​បណ្ដា​អ្នក​ពាក់ព័ន្ធ ពិសេស​នោះ​ប្រជាពលរដ្ឋ​ក្នុង​មូលដ្ឋាន​តែម្ដង។

លោក ជា ហាក់ ជា​ប្រជាពលរដ្ឋ បាន​សម្ដែង​ក្ដី​រីករាយ​ក្នុង​ការ​ចូលរួម​សហការ​ជាមួយ​អាជ្ញាធរ​ក្នុង​ការ​រៀបចំ​សណ្ដាប់ធ្នាប់​ចិញ្ចើម​ផ្លូវ និង​ដង​ផ្លូវ​សាធារណៈ ព្រោះ​ពួកគាត់​ក៏​ចង់​បាន​ផ្លូវ​ធំ​ទូលាយ​ស្អាត​ល្អ បង្ក​លក្ខណៈ​ងាយស្រួល​ដល់​ការ​រស់នៅ ការ​ធ្វើ​ដំណើរ និង​ការ​ប្រកប​មុខរបរ​រកស៊ី​ទទួលទាន​ជាដើម ពិសេស​ចង់​បាន​ទីក្រុង​មាន​សោភ័ណភាព និង​របៀបរៀបរយ​ខ្ពស់​ផង​ដែរ។

គួរ​រំលឹក​ថា បញ្ហា​សណ្ដាប់ធ្នាប់​លើ​ដង​ផ្លូវ​សាធារណៈ​នេះ​ដែរ កាលពី​ពេល​ថ្មីៗ នេះ លោក ឃួង ស្រេង អភិបាល​រាជធានី​ភ្នំពេញ បាន​បន្ត​ការ​ក្រើនរំលឹក​ខ្ពស់​ទៅកាន់​អាជ្ញាធរ​ទាំង ១៤ ខណ្ឌ និង​ផ្សារ​រដ្ឋ​ទាំង ២៥ ឲ្យ​បន្ត​ការ​យកចិត្តទុកដាក់​រៀបចំ​ឲ្យ​បាន​ស្អាត​ល្អ ធានា​ភាព​ល្អ​ប្រសើរ ពិសេស​ការងារ​រំដោះ​ចិញ្ចើម​ផ្លូវ​សាធារណៈ​ក្នុង​រាជធានី​ភ្នំពេញ ទុក​សម្រាប់​ការ​ថ្មើរជើង គឺ​ត្រូវតែ​អនុវត្ត​ឲ្យ​មាន​ប្រសិទ្ធភាព៕

អត្ថបទ ៖ សុភា

The post អភិបាលរងខណ្ឌពោធិ៍សែនជ័យ ៖ អាជ្ញាធរពុំដែលមានចេតនាវាយកម្ទេច ឬរើបំផ្លាញទ្រព្យសម្បត្តិពលរដ្ឋណាម្នាក់ឡើយ តែជាវិធានការចំពោះមុខ appeared first on Kampuchea Thmey Daily.