ការចុះពិនិត្យនេះ មានការចូលរួមពីលោក ហុង ជីវ សមាជិកក្រុមប្រឹក្សាស្រុក តំណាងលោក តឹក តុងលីម ប្រធានក្រុមប្រឹក្សាស្រុក ព្រមទាំងមន្ត្រីជំនាញពាក់ព័ន្ធ ដើម្បីតាមដានវឌ្ឍនភាព និងធានាគុណភាពការស្ដារប្រឡាយឱ្យមានប្រសិទ្ធភាពខ្ពស់។

តាមការបញ្ជាក់ពីលោក ងួន ឌីណា ប្រឡាយមេដែលកំពុងស្ដារនេះ មានប្រវែងសរុបជាង ២,០០០ម៉ែត្រ ស្ថិតតាមបណ្ដោយព្រំប្រទល់រវាងឃុំតាអូរ និងឃុំព្រៃរំដេង ក្នុងស្រុកគិរីវង់។ បន្ទាប់ពីស្ដាររួច ប្រឡាយនេះនឹងអាចផ្គត់ផ្គង់ទឹកស្រោចស្រពដល់ដីស្រែរបស់ប្រជាពលរដ្ឋបានប្រមាណជាង ៩០០ហិកតា។ ក្រៅពីការផ្គត់ផ្គង់ទឹកសម្រាប់បង្កបង្កើនផល ប្រឡាយមេនេះក៏មានតួនាទីសំខាន់ក្នុងការរំដោះទឹកពេលមានភ្លៀងធ្លាក់ខ្លាំង ជួយកាត់បន្ថយហានិភ័យនៃការជន់លិចភូមិ និងដំណាំកសិកម្ម ដែលធ្លាប់ជាបញ្ហាប្រឈមក្នុងតំបន់កន្លងមក។

ក្នុងឱកាសនោះដែរ លោកអភិបាលស្រុកគិរីវង់ បានអំពាវនាវដល់អាជ្ញាធរឃុំ ភូមិ និងប្រជាពលរដ្ឋដែលទទួលផល ត្រូវចូលរួមថែរក្សាប្រឡាយទឹកនេះឱ្យបានល្អ និងប្រើប្រាស់ដោយមានការទទួលខុសត្រូវ ដើម្បីធានាបាននូវអត្ថប្រយោជន៍យូរអង្វែង។

សមិទ្ធផលនេះ បង្ហាញពីការយកចិត្តទុកដាក់របស់រដ្ឋបាលស្រុកគិរីវង់ ក្នុងការដោះស្រាយបញ្ហាទឹកជាអាទិភាព ដើម្បីគាំទ្រវិស័យកសិកម្ម និងលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង ស្របតាមទិសដៅអភិវឌ្ឍន៍របស់រាជរដ្ឋាភិបាល៕

អត្ថបទ៖ វីរៈ

The post អភិបាលស្រុកគិរីវង់ ចុះពិនិត្យការស្ដារប្រឡាយទឹក​មេជាង២គីឡូម៉ែត្រ appeared first on Kampuchea Thmey Daily.

ប្រឡាយទឹកបុរាណទាំងពីរខ្សែនេះ បានបញ្ចប់រួចរាល់ជាស្ថាពរ និងបានរួមចំណែកក្នុងការងារអភិរក្សប្រឡាយទឹកបុរាណ ទេសភាពវប្បធម៌ និងជាប្រព័ន្ធរំដោះទឹកជំនន់ចេញពីតំបន់អង្គរ និងក្រុងសៀមរាប ព្រមទាំងជួយរំដោះទឹកភ្លៀងចេញពីភូមិដ្ឋានរបស់ពលរដ្ឋផង។ ប្រឡាយ២ខ្សែនេះ ក៏មានតួនាទីជួយរក្សាទឹកទុកសម្រាប់ពលរដ្ឋក្នុងឃុំ យកទៅស្រោចស្រពស្រែចម្ការ ដំណាំ និងផ្តល់ផលនេសាទ ព្រមទាំងធ្វើជាផ្លូវដីតាមខ្នងទំនប់សងខាងប្រឡាយ សម្រាប់ពលរដ្ឋក្នុងភូមិអាចធ្វើចរាចរ និងដឹកជញ្ជូនកសិផលជាដើម។

បច្ចុប្បន្ននេះ មានពលរដ្ឋក្នុងភូមិមួយចំនួន កំពុងទទួលប្រយោជន៍ដោយផ្ទាល់ពីគម្រោងស្ដារប្រឡាយបុរាណ២ខ្សែនេះ ដូចជា ភូមិគោកត្នោត ភូមិប្រាសាទចារ្យ និងភូមិល្បើក។ ជាមួយគ្នានេះ មានពលរដ្ឋនៅភូមិខ្លះទៀត ក៏ទទួលផលដោយប្រយោលពីប្រឡាយបុរាណនេះដែរ ដូចជាភូមិនគរក្រៅ ភូមិគោកបេង ភូមិគោកពោធិ៍ ភូមិរហាល ភូមិពាម និងភូមិតាស្នែ ជាដើម។

ដើម្បីជាការរួមចំណែកក្នុងការគ្រប់គ្រងទឹកនៅក្នុងភូមិសាស្រ្តឃុំដូនកែវ ស្រុកពួកនេះឱ្យកាន់តែមានប្រសិទ្ធភាព គម្រោងAWR ក៏បានធ្វើការសាងសង់សំណង់ធារាសាស្ត្រមួយចំនួននៅតាមបណ្តោយប្រឡាយទាំងនេះថែមទៀត ដូចជាសំណង់ទ្វារទឹកថ្មីចំនួន៤កន្លែង សំណង់បង្ហៀរ១កន្លែង និងជួសជុលទំនប់សងខាងប្រឡាយប្រវែង១០០០ម៉ែត្រ៕

ប្រភព៖ ក្រុមការងារគម្រោង AWR

The post គម្រោងស្ដារប្រឡាយបុរាណ បានផ្ដល់ប្រយោជន៍សំខាន់លើការអភិរក្ស និងរក្សាទឹកទុកសម្រាប់ស្រោចស្រពដំណាំរបស់ពលរដ្ឋ appeared first on Kampuchea Thmey Daily.

បើតាមរដ្ឋបាលខណ្ឌពោធិ៍សែនជ័យ ការស្តារភក់ និងកាកសំណល់ដែលកកស្ទះក្នុងប្រឡាយចេញពីជុំវិញវិទ្យាល័យជម្ពូវ័ន គឺដើម្បីធានាថា ទឹកអាចហូរបានលឿននៅពេលមានភ្លៀងធ្លាក់ខ្លាំង និងការពារការលិចលង់ដោយសារជំនន់ទឹកភ្លៀង ព្រោះវិទ្យាល័យជម្ពូវ័ន ជារឿយៗតែងរងការលិចលង់ដោយសារជំនន់ទឹកភ្លៀងនារដូវវស្សា ហើយក៏ជាវិធានការយុទ្ធសាស្ត្រដើម្បីការពារអគារសិក្សា និងផ្ដល់ភាពងាយស្រួលដល់សិស្សានុសិស្សផងដែរ។

លោក សក់ ច័ន្ទកញ្ញារិទ្ធ ក៏បានណែនាំដល់ក្រុមការងារបច្ចេកទេសឱ្យពន្លឿនការងារ និងធានាឱ្យបាននូវគុណភាព ដើម្បីជៀសវាងការដក់ទឹកបង្កជាក្លិនស្អុយប៉ះពាល់ដល់សុខភាពអ្នករស់នៅក្បែរនោះ ហើយលោកក៏សំណូមពរឱ្យប្រជាពលរដ្ឋកុំបោះសំរាមចូលក្នុងប្រឡាយ ដែលជាមូលហេតុចម្បងនៃការកកស្ទះ។

ជាមួយនឹងការណែនាំនេះ លោកអភិបាលខណ្ឌពោធិ៍សែនជ័យ ក៏បានស្នើឱ្យសហគមន៍ជួយមើលថែ និងរក្សាបរិស្ថានជុំវិញប្រឡាយដែលបានស្តាររួច ដើម្បីប្រយោជន៍រួមយូរអង្វែង៕

The post អាជ្ញាធរខណ្ឌពោធិ៍សែនជ័យ ចុះស្តារប្រឡាយជុំវិញវិទ្យាល័យជម្ពូវ័ន ដើម្បីការពារការលិចលង់ក្នុងបរិវេណសាលារៀន appeared first on Kampuchea Thmey Daily.

លោក មូល វីរៈ ចៅសង្កាត់ឬស្សីកែវបានអោយដឹងថា ការចុះស្ដារប្រឡាយនេះធ្វើឡើងក្រោមការការណែនាំពីសំណាក់លោក ជិន ប៊ុនធឿន អភិបាលខណ្ឌឬស្សីកែវ ដោយចំណាយថវិកាផ្ទាល់ខ្លួនសម្រាប់ការងារនេះ ហើយក៏ទទួលបានការ ជួយជ្រោមជ្រែង ពីលោក ស៊ន អេលីត ដែលបានឧបត្ថម្ភថវិកាក្នុងការជួលម៉ាស៊ីន អេស្កាវ៉ាទ័រ ដើម្បីជួយជីក និងបារសំរាម កំប្លោក ដីភក់ចេញពីក្នុងប្រឡាយ។

លោក មូល វីរះ បានបន្ថែមថា ក្រោយការស្តារនេះនឹងជួយរំដោះទឹកដែលលិចចេញពីសាលាបឋមសិក្សា និងវិទ្យាល័យឬស្សីកែវ ដោយមានប្រសិទ្ធភាព ហើយក៏ជួយកាត់បន្ថយបញ្ហាទឹកជំនន់ នៅក្នុងមូលដ្ឋានសង្កាត់ឬស្សីកែវ និងជួយឱ្យទឹកអាចហូរចេញពីប្រព័ន្ធលូមួយចំនួន ដែលមានការជាប់នឹងតំបន់សង្កាត់គីឡូម៉ែត្រលេខ៦ផងដែរ។

លោក សាយ សុវណ្ណារ៉ា ប្រជាពលរដ្ឋក្នុងភូមិមិត្តភាព បានអោយដឹងថា កាលពីកន្លងទៅ ទឹកបានជន់លិចសាលារៀន និងផ្លូវធ្វើដំណើរជារឿយៗ តែឥឡូវឃើញថា ទឹកហូរចេញបានល្អហើយ យើងសូមអរគុណចំពោះលោកចៅសង្កាត់ និងសប្បុរសជន ដែលបានយកចិត្តទុកដាក់ជួយសហគមន៍។ លោកបានបន្តថា នេះបង្ហាញពីការសហការយ៉ាងល្អរវាងអាជ្ញាធរសង្កាត់ មេភូមិ និងប្រជាពលរដ្ឋ ក្នុងការរួមចំណែកអភិវឌ្ឍសហគមន៍ ដើម្បីបង្កើនគុណភាព និងសុវត្ថិភាពសាធារណៈក្នុងតំបន់៕

អត្ថបទ៖ សំណាង

The post អាជ្ញាធរសង្កាត់ឬស្សីកែវ ដាក់គ្រឿងចក្រស្តារប្រឡាយប្រវែង២៥០ម៉ែត្រ ដើម្បីរំដោះទឹកចេញពីតំបន់ appeared first on Kampuchea Thmey Daily.

លោក ឯម ច្រឡឹង ជាពលរដ្ឋរស់នៅក្នុងមូលដ្ឋានខណ្ឌច្បារអំពៅ បានឲ្យដឹងថា នៅពេលដែលអាជ្ញាធរជម្លៀសប្រជាពលរដ្ឋរស់នៅលើមាត់ព្រែកប្រា ព្រំប្រទល់សង្កាត់ព្រែកប្រា និងសង្កាត់ព្រែកថ្មី ក្នុងខណ្ឌច្បារអំពៅ ចេញទៅនៅភូមិថ្មីដោយរដ្ឋប្តូរដីជូនរួចមក ដីព្រែកនេះត្រូវបានប្រជាពលរដ្ឋសុំឲ្យអាជ្ញាធរជួយស្ថាបនាផ្លូវចាក់ក្រាលបេតុងតាមស្តង់ដាដូចព្រែកបារាំងដែលស្ថិតនៅព្រំប្រទល់សង្កាត់ច្បារអំពៅ១ សង្កាត់និរោធ និងសង្កាត់ព្រែកប្រា ខណ្ឌច្បារអំពៅតែមួយ។

ក្នុងសំណូមពររបស់ប្រជាពលរដ្ឋនេះ តំណាងអាជ្ញាធរសុំមិនបញ្ចេញឈ្មោះធ្លាប់បានប្រាប់ កម្ពុជាថ្មី ថា ចំពោះគម្រោង​លើព្រែកប្រានេះ ភាគីសាលារាជធានីភ្នំពេញកំពុងធ្វើការសិក្សារយ៉ាងហ្មត់ចត់បំផុតពុំមែនទុកចោលនោះទេ ព្រោះព្រែកនេះត្រូវតភ្ជាប់ប្រពន្ធ័ផ្លូវជាច្រើនពេលសាងសង់រួច៕

អត្ថបទ៖ នរា

The post ពលរដ្ឋខណ្ឌច្បារអំពៅ ស្នើឲ្យអាជ្ញាធរស្ថាបនាព្រែកប្រា ឲ្យដូចព្រែកបារាំង appeared first on Kampuchea Thmey Daily.

លោក​ កង​ វង​ ចៅសង្កាត់ចោមចៅទី១​ បានឲ្យដឹងថា​ ការដាក់គ្រឿងចក្រកាយស្ដារស្មៅចេញពីប្រឡាយនេះ គឺដោយសារកាកសំណល់ និងស្មៅនៅលើផ្ទៃទឹកបានធ្វេីឲ្យស្ទះនូវចរន្តទឹកហូរ​ មិនហូរបានលឿនដែលអាចនឹងបង្កជាទឹកជំនន់ក្នុងមូលដ្ឋាន។

លោកចៅសង្កាត់បន្ថែមថា ប្រឡាយដែលត្រូវកាយស្ដារនេះ គឺជាប្រទ្បាយទួលពង្រទី២ ដែលមានប្រវែង ២០០០ម៉ែត្រ ចាប់ពីចំណុចភូមិត្រពាំងរំចេក និងភូមិទួលពង្រ ដល់ព្រំប្រទល់សង្កាត់ដង្កោ ខណ្ឌដង្កោ រាជធានីភ្នំពេញ ដើម្បីរំដោះការជន់លិច និងការកកស្ទះទឹក នៅក្នុងមូលដ្ឋាន សង្កាត់ចោមចៅទី១។

ក្នុងនាមអាជ្ញាធរ លោកចៅសង្កាត់ចោមចៅទី១ សូមគោរពថ្លែងអំណរគុណលោក ឃួង ស្រេង អភិបាលនៃគណៈអភិបាលរាជធានីភ្នំពេញ និងលោក សក់ ចន្ច័កញ្ញារិទ្ធ អភិបាលខណ្ឌ ដែលបានផ្តល់គ្រឿងចក្រដេីម្បីចុះស្តារប្រឡាយខាងលេីរំដោះទឹកជូនបងប្អូនប្រជាពលរដ្ឋ៕

អត្ថបទ៖ សុខា

The post អាជ្ញាធរសង្កាត់ចោមចៅទី១ដាក់គ្រឿងចក្រស្តារស្មៅចេញពីប្រឡាយដេីម្បីរំដោះទឹកជំនន់ appeared first on Kampuchea Thmey Daily.

លោក ឃួង ស្រេង បានចុះពិនិត្យការស្តារប្រឡាយភូមម័រ ចាប់ពីប្រឡាយលូប្រាំរហូតដល់ស្ថានីយបឹងទំពុន ពិនិត្យការស្តារប្រឡាយបឹងទំពុនរហូតមកដល់ផ្លូវ៦០ម៉ែត្រ ឆ្ពោះទៅស្ទឹងជ្រៅ បន្តចុះពិនិត្យប្រឡាយបឹងជើងឯកត្រង់ចំណុចប្រសប់ជាមួយមហាវិថីឈុនគង់ ខណៈទីតាំងនេះកំពុងសាងសង់ស្ពានឆ្លងកាត់។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ​ បានឲ្យដឹងថា ការចុះពិនិត្យមើលប្រឡាយ​លូខាងលើនេះ លោក ឃួង ស្រេង បានជំរុញឱ្យអាជ្ញាធរខណ្ឌ និងមន្ទីរសាធារណការ និងដឹកជញ្ជូនរាជធានីភ្នំពេញស្តារប្រឡាយភូមម័រ ចាប់ពីប្រឡាយលូប្រាំរហូតដល់ស្ថានីយបឹងទំពុន ទៅផ្លូវ៦០ម៉ែត្រ ឆ្ពោះទៅស្ទឹងជ្រៅឱ្យបានលឿន ដើម្បីធានាឱ្យទឹកហូរពីភាគខាងត្បូងរាជធានីភ្នំពេញឆ្ពោះទៅកាន់ស្ទឹងជ្រៅបានលឿន។ បន្ថែមពីនេះទៀត លោកអភិបាលរាជធានីភ្នំពេញ បានជំរុញឱ្យអាជ្ញាធរខណ្ឌមានជ័យ និងខណ្ឌដង្កោ បន្តការដោះស្រាយផលប៉ៈពាល់ ប្រឡាយភូមិម័រដែលនៅសល់សល់ ពីការដោះស្រាយផលប៉ះពាល់របស់គណៈកម្មាធិការអន្តរក្រសួងឱ្យបានរួចរាល់ ដើម្បីឱ្យក្រុមការងារអាចដាក់គ្រឿងចក្រចូលស្តារប្រឡាយនេះបានទៅតាមទំហំនៃប្លង់ប្រឡាយលូក្នុងរាជធានីភ្នំពេញ។ ជាងនេះទៅទៀតលោក ឃួង ស្រេង ក៏បានជំរុញឱ្យការសាងសង់ស្ថានីយលូប្រាំ និងស្ថានីយបឹងទំពុនឱ្យបានលឿន និងរួចរាល់នៅក្នុងខែ
កក្កដាខាងមុខនេះ ដើម្បីបានប្រើប្រាស់ដោះស្រាយបញ្ហាទឹកលិចលង់នៅក្នុងភូមិសាស្ត្ររាជធានីភ្នំពេញ។

លោក សាំ ពិសិដ្ឋ បានបញ្ជាក់ថា បើតាមគម្រោង ស្ថានីយលូប្រាំនឹងរួចរាល់នៅចុងខែមិថុនានេះ ហើយស្ថានីយបឹងទំពុនថ្មីដែលសាងសង់បន្ថែម នឹងរួចរាល់ ហើយដាក់ឲ្យដំណើរការបាននៅថ្ងៃទី១៥ កក្កដានេះ។

នាព្រឹកដដែល លោកអភិបាលរាជធានីភ្នំពេញ បានបន្តចុះពិនិត្យប្រឡាយបឹងជើងឯកត្រង់ចំណុចប្រសប់ជាមួយមហាវិថី ឈុន គង់ ដែលទីតាំងនេះ ក្រុមការងារបាននិងកំពុងតែសាងសង់ស្ពាន ដោយលោកអភិបាលបានណែនាំឲ្យការដ្ឋានកាយភក់ប្រឡាយឲ្យបានធំដើម្បីឲ្យទឹកហូរបានល្អ៕

អត្ថបទ៖ ស្រីរ័ត្ន

The post អភិបាលរាជធានី ជំរុញអាជ្ញាធរពាក់ព័ន្ធស្តារប្រឡាយ​ភូមម័រឲ្យបានលឿនដើម្បីរំដោះទឹកជំនន់នៅរដូវវស្សានេះ appeared first on Kampuchea Thmey Daily.

លោក​ វ៉ា​ សាវឿន​ ចៅសង្កាត់ចោមចៅទី៣​ បានឲ្យដឹងថា​ ការយកគ្រឿងចក្រចុះស្ដារនៅពេលនេះ គឺបន្ទាប់ពីប៉ុន្មានថ្ងៃនេះមានភ្លៀងធ្លាក់ជាប់ៗគ្នា ធ្វើឲ្យតំបន់មួយចំនួនស្ទះចរន្ដទឹកហូរ ដោយសារល្បាប់ ភក់​ និងស្មៅដែលនៅក្នុងប្រឡាយ។

ជាមួយគ្នានេះលោក​ វ៉ា​ សាវឿន​​ ក៏សំណូមពរដល់ប្រជាពលរដ្ឋទាំងអស់ក្នុងភូមិព្រៃព្រីងខាងត្បូង២ មេត្តាវិចខ្ចប់ទុកដាក់សំរាមឲ្យបានត្រឹមត្រូវកុំបោះចោលពាសវាលពាសកាល ដែលធ្វើឲ្យសំរាមទាំងនោះធ្លាក់ ឬហេីរចូលប្រឡា​យ និងមាត់លូបង្កការកកស្ទះនូវចរន្តទឹកហូរ៕

អត្ថបទ៖ សុខា

The post ក្រោយភ្លៀងធ្លាក់ជាប់ៗគ្នា អាជ្ញាធរសង្កាត់ចោមចៅទី៣ ចុះស្ដារប្រឡាយ៦០០ម៉ែត្រ appeared first on Kampuchea Thmey Daily.