ការឡើងទម្ងន់ Archives - Kampuchea Thmey Daily

៧ យ៉ាង ធ្វើឲ្យធាត់ដោយមិនដឹងខ្លួន

សាង ស្រីល័ក្ខ — Tue, 07 Feb 2023 07:28:06 +0000

ការឡើងទម្ងន់ដែលប៉ះពាល់ដល់ស្ថានភាពរាងកាយនៃការលើសទម្ងន់ ឬធាត់ ប្រហែលជាមូលហេតុ អាចមកពីអ្វីដែលនៅជិតរាងកាយ ខណៈពេលយើងមិនបានដឹងខ្លួន។ ទោះយ៉ាងណាមានវិធីនៃការទទួលទានអាហារ ៧ យ៉ាង អាចជាមូលហេតុធំ នៃការទម្ងន់របស់យើង ចំពោះអ្នកខ្លះប្រាកដជាធ្វើវាជាទម្លាប់ថែមទៀត។

១ ញ៉ាំលឿនពេក

បរិភោគអាហារឆាប់រហ័ស មិនទំពាឲ្យបានហ្មត់ល្អ អាចធ្វើឲ្យអ្នកឡើងទម្ងន់ដោយមិនដឹងខ្លួន ហើយអាចបណ្ដាលឲ្យមានទំនោរទៅរកការធាត់។ ក្រៅពីរាងកាយត្រូវការពេលវេលាច្រើនក្នុងការរំលាយ។ កុំភ្លេចថានៅពេលដែលយើងញ៉ាំ វានឹងត្រូវរង់ចាំសញ្ញាបញ្ជូនទៅកាន់ខួរក្បាល។ ដូច្នេះសូមញ៉ាំយឺត ៗ ទំពាឲ្យហ្មត់ ដើម្បីឲ្យសញ្ញាជួយបញ្ជូនទៅខួរក្បាល។

២ ផឹកតិច

នៅក្នុងជីវិតប្រចាំថ្ងៃ យើងមានការស្រាវជ្រាវដែលបង្ហាញថា ១៦-២៨% នៃមនុស្សពេញវ័យ ផឹកទឹកតិចជាងតម្រូវការដែលរាងកាយត្រូវការជារៀងរាល់ថ្ងៃ។ មានការសិក្សាគួរឲ្យចាប់អារម្មណ៍មួយនិយាយថា ប្រសិនបើយើងផឹកទឹកមិនគ្រប់គ្រាន់ រាងកាយនឹងមានអារម្មណ៍ស្រេកទឹក។ ហើយប្រហែលជាការស្រេកទឹកត្រូវបានបកស្រាយខុសដោយរាងកាយថាជាការស្រេកឃ្លាន ធ្វើឲ្យយើងញ៉ាំអាហារកាន់តែច្រើន។

៣ ចូលរួមសង្គមច្រើនពេក

គ្រប់គ្នាត្រូវជាផ្នែកមួយនៃសង្គម។ ប៉ុន្តែពេលខ្លះសង្គមអាចបណ្ដាលឲ្យយើងឡើងទម្ងន់ ឧទាហរណ៍ យើងចូលសង្គមដោយការផឹកស្រាបៀរជាប្រចាំដោយការហូបសាច់។ ជាការពិត មនុស្សមានទំនោរញ៉ាំរបស់ដូចក្រុមដែលយើងទៅជាមួយ ក៏ដូចជាអ្នកដែលចូលចិត្តហាត់ប្រាណ មនុស្សនៅក្នុងក្រុមនេះ ទំនងជាធ្វើលំហាត់ប្រាណ រួមទាំងការបរិភោគអាហារដែលមានប្រយោជន៍ផងដែរ។

៤ អង្គុយយូរពេក

អង្គុយពី ៩ទៅ ១១ម៉ោងក្នុងមួយថ្ងៃ មានការសិក្សាដែលបង្ហាញពីទំនោរក្នុងការឡើងទម្ងន់ ហើយហានិភ័យនៃការស្លាប់ឆាប់ជាងអ្នកដទៃថែមទៀត។ ការសិក្សាលើមនុស្ស ៦សែននាក់ បានរកឃើញថា មនុស្សពេញវ័យដែលអង្គុយលើសពី ១០ ម៉ោងក្នុងមួយថ្ងៃ មានហានិភ័យខ្ពស់នៃការស្លាប់មុនអាយុ ៣៤% ។ ពួកគេក៏បានរកឃើញថា អ្នកដែលអង្គុយយូរមានទំនោរចំណាយពេលតិចក្នុងការធ្វើលំហាត់ប្រាណ។

៥ ទំហំចានបាយ ជឿឬមិនជឿ ទំហំនៃចានអាហាររបស់យើងក៏ប៉ះពាល់ដល់ការទទួលទានអាហារ និងទម្ងន់ផងដែរ។ ការសិក្សាជាង ៧២ បានរកឃើញថា មនុស្សបរិភោគច្រើនតាមទំហំចានឬពែងដែលបានបម្រើ ទោះបីជាបរិមាណអាហារដូចគ្នាក៏ដោយ ច្រើមតែលើសទម្ងន់។ នេះជាលទ្ធផលនៃភ្នែកឃើញ និងខួរក្បាលមានអារម្មណ៍ថា យើងញ៉ាំមិនគ្រប់គ្រាន់។

៦ ញ៉ាំនៅមុខទូរទស្សន៍

ញ៉ាំនៅមុខទូរទស្សន៍ពេលមើលទូរទស្សន៍អាចរីករាយ។ ប៉ុន្តែការសិក្សាបង្ហាញថាវាក៏រំខានយើងដែរ។ ហើយនៅពេលដែលបាត់បង់ការផ្ដោតអារម្មណ៍ យើងក៏មានទំនោរចង់ញ៉ាំច្រើនដែរ។

៧ ញ៉ាំតិចពេក

ការទទួលទានអាហារតិចពេកក្នុងប្រភេទនីមួយៗ មិនថាជាប្រូតេអ៊ីន បន្លែ ផ្លែឈើជាដើម ដែលការញ៉ាំតិចពេកអាចប៉ះពាល់ដល់រាងកាយរបស់យើង ធ្វើឲ្យឡើងទម្ងន់ដូចនៅអាមេរិកជាដើម។ ជាង ៧០% នៃមនុស្សលើសទម្ងន់ ឬធាត់។ មូលហេតុចម្បងគឺមកពីការមិនបរិភោគផ្លែឈើ និងបន្លែគ្រប់គ្រាន់៕

ប្រែសម្រួល៖ សាង ស្រីល័ក្ខ

ចុចអាន៖អ័រម៉ូនស្រ្តេស មានទំនាក់ទំនងយ៉ាងណានឹងការឡើងទម្ងន់?

The post ៧ យ៉ាង ធ្វើឲ្យធាត់ដោយមិនដឹងខ្លួន appeared first on Kampuchea Thmey Daily.

អ័រម៉ូនស្រ្តេស មានទំនាក់ទំនងយ៉ាងណានឹងការឡើងទម្ងន់?

សាង ស្រីល័ក្ខ — Mon, 27 Sep 2021 01:10:00 +0000

១- តើអ្វីទៅជាអ័រម៉ូនករទីហ្ស៊ូល(Cortisol)?

អ័រម៉ូន ករទីហ្ស៊ូល គឺជាអ័រម៉ូនដែលផលិតឡើងដោយក្រពេញអាដ្រេណាល់ (Adrenal gland) ស្ថិតនៅក្នុងខាងលើតម្រងនោម របស់មនុស្សយើង។ ដោយសារតែអ័រម៉ូននេះផលិតឡើងនៅពេលដែលរាងកាយយើងទទួលរងស្ត្រេស ហេតុនេះហើយទើបគេហៅវាថាជាអ័រម៉ូនស្ត្រេស។

២- ហេតុអីបានជាអ័រម៉ូននេះ មានឥទ្ធិពលលើរាងកាយ?

ករទីហ្ស៊ូល គឺជាអ័រម៉ូនដែលចាំបាច់មួយរបស់រាងកាយ។ ក្រៅពីនាទីឆ្លើយតបនឹងការទទួលរងបញ្ហាស្ត្រេស អ័រម៉ូននេះក៏មាននាទីផ្សេងទៀតដូចជា៖
-បង្កើនកម្រិតជាតិស្ករក្នុងឈាម
-កាត់បន្ថយការរលាក
-ទប់បង្ក្រាប ប្រព័ន្ធភាពស៊ាំ (កុំឲ្យប្រព័ន្ធភាពស៊ាំមានឥទ្ធិពលខ្លាំងហួសហេតុពេក) និង
-ជួយដល់ការធ្វើមេតាបូលីសរបស់រាងកាយ

ជាទូទៅ អ័រម៉ូននេះច្រើនបញ្ចេញនៅពេលព្រឹក ពេលដែលយើងក្រោកពីដំណេកបានប្រហែល ៣០ ទៅ ៤០នាទី ហើយកម្រិតបញ្ចេញរបស់វាត្រូវបានកម្រិតដោយក្រពេញ Pituitary និងក្រពេញ Hypothalamus នៅក្នុងខួរក្បាល។

នៅពេលយើងស្ត្រេស អ័រម៉ូននេះនិងអ័រម៉ូន អាដ្រេណាលីន នឹងបញ្ចេញពីក្រពេញអាដ្រេណាល់ជាហេតុនាំឲ្យយើងកើនឡើងចង្វាក់បេះដូង និងកម្រិតថាមពល ដើម្បីត្រៀមខ្លួនទប់ទល់នឹងបញ្ហាគ្រោះថ្នាក់អ្វីមួយ។ ក្នុងលក្ខខណ្ឌធម្មតា ប្រសិនបើការកើនឡើងអ័រម៉ូនករទីហ្ស៊ូលញឹកញាប់ នោះវានឹងបង្កឲ្យមានផលអវិជ្ជមានដល់រាងកាយបាន។

៣- តើអ័រម៉ូននេះ មានឥទ្ធិពលទៅ លើទម្ងន់រាងកាយរបស់មនុស្សយ៉ាងដូចម្ដេច?

ប្រសិនបើការកើនឡើងករទីហ្ស៊ូលបន្តិចបន្តួចនិងមិនញឹកញាប់ គឺមិនបង្កជាបញ្ហាឡើយ ប៉ុន្តែក្នុងករណីដែលអ័រម៉ូននេះ កើនឡើងញឹកញាប់ អាចនឹងបង្កជាផលអវិជ្ជមានបាន។ បញ្ហាដែលអាចបង្កឲ្យករទីហ្ស៊ូលកើនឡើង គឺបណ្ដាលមកពីស្ត្រេស និងជំងឺមួយចំនួន (ដូចជាជំងឺ Cushing’s Syndrome – ជំងឺដែលមុខរបស់អ្នកជំងឺមូលខ្លាំង) ដែលធ្វើឲ្យកម្រិតអ័រម៉ូននេះ នៅក្នុងឈាមនៅតែមានកម្រិតខ្ពស់។

នៅពេលដែលកម្រិតករទីហ្ស៊ូលនៅតែកើនឡើង ផលរំខានខាងក្រោមនេះនឹងកើតឡើងចំពោះរាងកាយ៖
-កើនទម្ងន់
-សម្ពាធឈាមឡើងខ្ពស់
-អស់កម្លាំង
-អារម្មណ៍ប្រែប្រួលខ្លាំង
-ឆាប់ខឹង
-មុខឡើងក្រហម
-ស្បែកស្ដើង
-ពិបាកផ្ចង់អារម្មណ៍ និង
-មានបញ្ហា អាំងស៊ុយលីន រេស៊ីស្តង់

នៅពេលដែលមនុស្សយើងមានបញ្ហាស្ត្រេសរ៉ាំរ៉ៃ យើងនឹងពិបាកគ្រប់គ្រងទម្លាប់ការទទួលទានអាហារឲ្យបានត្រឹមត្រូវខ្លាំងណាស់ ដែលនេះហើយជាមូលហេតុដែលយើងកាន់តែឡើងទម្ងន់។ តែផ្ទុយទៅវិញ ប្រសិនបើកម្រិតអ័រម៉ូននេះ មានកម្រិតទាប នោះរាងកាយរបស់យើងនឹងស្រកទម្ងន់ ហើយនឹងបង្កឲ្យមានផលវិបាកមួយចំនួនដល់រាងកាយដូចជា៖
-ធ្លាក់ចុះចំណង់អាហារ និងចុះទម្ងន់
-នឿយហត់
-ជាតិស្ករក្នុងឈាមធ្លាក់ចុះ
-ចង់ញ៉ាំប្រៃកាន់តែខ្លាំង
-វិលមុខ
-ក្អួតចង្អោរ និងឈឺចាប់ក្នុងពោះ
-ឈឺសាច់ដុំនឹងឆ្អឹង

៤- តើត្រូវធ្វើដូចម្ដេចដើម្បីការពារទប់ទល់នឹងបញ្ហាឡើងទម្ងន់ដោយអ័រម៉ូនករទីហ្ស៊ូល?

វិធីសាស្ត្រមួយចំនួនខាងក្រោមនេះ គឺអាចជួយយើងបង្ការបញ្ហាឡើងទម្ងន់ដោយសារអ័រម៉ូននេះបាន រួមមាន៖
-ធ្វើសកម្មភាពឲ្យកាន់តែខ្លាំង
-ត្រូវទទួលទានអាហារឲ្យបានត្រឹមត្រូវ
-ទៅជួបជាមួយនឹងគ្រូពេទ្យដើម្បីស្វែងរកដំណោះស្រាយ
-គេងឲ្យបានគ្រប់គ្រាន់
-ធ្វើសមាធិឲ្យបានញឹកញាប់៕

អត្ថបទផ្ដល់ដោយ៖ Hello Krupet

ចុចអាន៖ស្រ្តេសខ្លាំង ក្នុងអំឡុងពេលធ្វើការយ៉ាងណាក៏ដោយ ប្រើវិធីនេះនឹងធូរស្បើយបានខ្លះ

ចុចអាន៖ពិនិត្យខ្លួន! ស្រ្តេសដោយសារកូវីដ អាចមានរោគសញ្ញាទាំងនេះក្នុងរាងកាយ

The post អ័រម៉ូនស្រ្តេស មានទំនាក់ទំនងយ៉ាងណានឹងការឡើងទម្ងន់? appeared first on Kampuchea Thmey Daily.

ទម្លាប់ធ្វើរឿងទាំងនេះមុនចូលគេង ដឹងតែឡើងគីឡូមិនខាន

Sonya — Sat, 15 May 2021 01:20:00 +0000

តាមការស្រាវជ្រាវបានឲ្យដឹងថាការឡើងទម្ងន់មានទំនាក់ទំនងទៅនឹងទម្លាប់នៅពេលល្ងាច ឬមុនចូលគេង។ ដូចនេះការដឹងពីមូលហេតុនៃការឡើងទម្ងន់ភ្លាមៗនេះអាចជួយដោះស្រាយបញ្ហាឡើងទម្ងន់ និងមានផលល្អដល់សុខភាពផងដែរ។ អត្ថបទនេះនឹងបង្ហាញពីកំហុសមុនចូលគេងមួយចំនួនដែលធ្វើឲ្យយើងឡើងទម្ងន់បាន។

១. ការញ៉ាំអាហារសម្រន់ពេលយប់

យើងដឹងពីច្បាប់ដែលមិនគួរញ៉ាំអាហារក្រោយម៉ោង៦ល្ងាច ប៉ុន្តែនេះមិនបានបញ្ឈប់យើងពីការឃ្លានពេលយប់ និងការញ៉ាំអាហារសម្រន់ពេលយប់ទេ។ ការសិក្សាជាច្រើនក៏បានឲ្យដឹងថាការញ៉ាំអាហារពេលយប់ជ្រៅអាចធ្វើឲ្យឡើងទម្ងន់។ បន្ថែមពីនេះទៀតអាចបង្កើនកម្រិតកូលេស្តេរ៉ូល កម្រិតអ័រម៉ូនអាំងស៊ុយលីន និងមានផលអវិជ្ជមានចំពោះការកំណត់របស់អ័រម៉ូន។ ការញ៉ាំអាហារពេលយប់ជ្រៅភាគច្រើនធ្វើឲ្យយើងញ៉ាំអាហារដែលមានកាឡូរីខ្ពស់ ហើយការញ៉ាំកាឡូរីច្រើនជាងកាឡូរីដែលរាងកាយបានដុតអាចធ្វើឲ្យឡើងទម្ងន់។

២. ការផឹកកាហ្វេនៅពេលយប់

ការផឹកកាហ្វេនៅពេលល្ងាចអាចប៉ះពាល់ដល់ដំណេក។ យើងគួរផឹកកាហ្វេយ៉ាងតិច៦ម៉ោងមុនចូលគេង។ អ្នកស្រាវជ្រាវបានឲ្យដឹងពីអាស៊ីត chlorogenic ដែលមានក្នុងកាហ្វេអាចធ្វើឲ្យឡើងទម្ងន់។ ដូចនេះដើម្បីឲ្យឡើងទម្ងន់គ្នាយើងគួរជំនួសកាហ្វេដោយផឹកតែរុក្ខជាតិ (Herbal tea) និងទឹកក្តៅវិញ។

៣. ការគេងមិនគ្រប់គ្រាន់

ការគេងឲ្យគ្រប់គ្រាន់គឺគេងពី៧ទៅ៨ម៉ោង ហើយការគេងរាល់ថ្ងៃតិចជាងនេះអាចនាំឲ្យសុខភាពជួបនឹងបញ្ហាផ្សេងៗ។ ការសិក្សាជាច្រើនបានបង្ហាញថាការគេងមិនគ្រប់គ្រាន់អាចផ្លាស់ប្តូរការធ្វើមេតាប៉ូលីសរបស់រាងកាយ។ ក្រៅពីនេះការគេងមិនគ្រប់គ្រាន់អាចផ្លាស់ប្តូរអ័រម៉ូន Leptin ដែលជាអ័រម៉ូនរក្សាការឃ្លាន និងចំណង់អាហារ ហើយការគេងមិនគ្រប់គ្រាន់កាត់បន្ថយការបញ្ចេញអ័រម៉ូន leptinនេះ។ ម៉្យាងទៀតអ័រម៉ូននេះនឹងធ្វើឲ្យរាងកាយចង់ញ៉ាំតែអាហារសំបូរជាតិស្ករ និងជាតិខ្លាញ់។

៤. ការមិនហាត់ប្រាណ

ការហាត់ប្រាណមានតួនាទីសំខាន់ក្នុងការសម្រកទម្ងន់ដោយជួយដល់ការធ្វើមេតាប៉ូលីស និងការដុតកាឡូរី។ ដូចនេះគួរហាត់ប្រាណជាប្រចាំ។ ការដើរប្រហែល១៥នាទី អាចជួយដុតបំផ្លាញបាន១០០កាឡូរី។

៥. ការប្រើប្រាស់គ្រឿងអេឡិចត្រូនិចនៅពេលល្ងាច

ការសិក្សាជាច្រើនបានបញ្ជាក់ថាការប្រើប្រាស់គ្រឿងអេឡិចត្រូនិចដែលបញ្ចេញនូវពន្លឺពណ៌ខៀវ (blue light) មុនចូលគេងអាចធ្វើឲ្យគេងមិនគ្រប់គ្រាន់ ហើយយូរទៅនឹងឡើងទម្ងន់។ គ្រឿងអេឡិចត្រូនិចទាំងនេះរំខានដល់រាងកាយក្នុងការផលិតអ័រម៉ូន melatonin ដែលជួយដល់ការគេង។ ដូចនេះជំនួសឲ្យការប្រើប្រាស់គ្រឿងអេឡិចត្រូវនិច គួរអានសៀវភៅ ឬស្តាប់ចម្រៀងវិញ។

៦. ក្រោកពីគេងថ្ងៃពេក

អ្នកស្រាវជ្រាវបាននិយាយថាអ្នកដែលទទួលបានពន្លឺថ្ងៃនៅពេលព្រឹកអាចសម្រកទម្ងន់បានជាងអ្នកមិនទទួលបាន។ ដូចនេះការទទួលបានពន្លឺថ្ងៃនៅពេលព្រឹករយៈពេល ២០ទៅ៣០នាទីគឺមានផលល្អសម្រាប់ទម្ងន់រាងកាយ។

៧. ការលាបពណ៌បន្ទប់ខុស

ពណ៌ខៀវគឺអាចបន្ធូរអារម្មណ៍ដែលនាំឲ្យគេងលក់ស្រួល ហើយនៅជួយទប់ចំណង់ក្នុងការញ៉ាំអាហារទៀតផង។ រីឯពណ៌ក្រហម ឬទឹកក្រូចធ្វើឲ្យយើងមានថាមពល និងឃ្លាន។ ដូចនេះគ្នាយើងគួរពិចារណាឡើងវិញពីពណ៌បន្ទប់គេងរបស់យើង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មធ្យោបាយងាយៗជួយសម្រកទម្ងន់ពេលយប់

ចុចអាន៖ ផឹកតែខ្មៅអាចជួយដល់សុខភាពបេះដូង និងការផ្ចង់អារម្មណ៍

The post ទម្លាប់ធ្វើរឿងទាំងនេះមុនចូលគេង ដឹងតែឡើងគីឡូមិនខាន appeared first on Kampuchea Thmey Daily.

ការឡើងទម្ងន់ Archives - Kampuchea Thmey Daily

៧ យ៉ាង ធ្វើឲ្យធាត់ដោយមិនដឹងខ្លួន

អ័រម៉ូនស្រ្តេស មានទំនាក់ទំនងយ៉ាងណានឹងការឡើងទម្ងន់?

ទម្លាប់ធ្វើរឿងទាំងនេះមុនចូលគេង ដឹងតែឡើងគីឡូមិនខាន

១. ការ​ញ៉ាំ​អាហារ​សម្រន់​ពេល​យប់

២. ការ​ផឹក​កាហ្វេ​នៅ​ពេល​យប់

៣. ការ​គេង​មិន​គ្រប់គ្រាន់

៤. ការ​មិន​ហាត់​ប្រាណ

៥. ការ​ប្រើប្រាស់​គ្រឿង​អេឡិចត្រូនិច​នៅ​ពេល​ល្ងាច