បើតាមគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) ផ្អែកតាមការស្រាវជ្រាវនៃប្រតិបត្តិការស្របតាមនីតិវិធីជាធរមាន, ក្រុមហ៊ុន ហ្គាន់ ដាវ អ៊ុនធើណេសិនណល អេនធើធេនម៉ិន ឯ.ក បានប្រព្រឹត្តល្មើសនឹងបទប្បញ្ញត្តិ ដែលមានចែងនៅក្នុងច្បាប់ស្តីពីការ គ្រប់គ្រងល្បែងពាណិជ្ជកម្ម កម្ពុជា។

តាមរយៈសេចក្ដីប្រកាសព័ត៌មានរបស់អគ្គលេខាធិការដ្ឋាន នៃគណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) ចេញកាលពីថ្ងៃទី៦ ខែមេសា កាលពីថ្ងៃទី៥ ខែមេសា ឆ្នាំ២០២៦ អគ្គលេខាធិការដ្ឋាន នៃ គ.ល.ក. សហការជាមួយកម្លាំងមានសមត្ថកិច្ចខេត្តព្រះសីហនុ បានចុះប្រតិបត្តិការបង្ក្រាបទីតាំងកាស៊ីណូ ហ្គាន់ ដាវ (GANG DAO) ដែលស្ថិតនៅភូមិ៤ សង្កាត់លេខ៤ ក្រុងព្រះសីហនុ ដោយបាននាំខ្លួនជនសង្ស័យចំនួន ១០៨នាក់ ក្នុងនោះជនជាតិចិន ចំនួន១០៥នាក់ និងជនជាតិមីយ៉ាន់ម៉ា ចំនួន៣នាក់ ហើយបានដកហូតវត្ថុតាងនានា ជាអាទិ៍ កុំព្យូទ័រចំនួនជិត ៥០០គ្រឿង និងទូរសព្ទដៃចំនួនជាង ១ពាន់គ្រឿង​។

ការដកហូតអាជ្ញាបណ្ណពីកាស៊ីណូ ហ្គាន់ ដាវ របស់គណៈកម្មការគ្រប់គ្រងល្បែងពាណិជ្ជកម្មកម្ពុជា (គ.ល.ក.) នាពេលនេះ គឺធ្វើឡើងតាមបទបញ្ជារាជរដ្ឋាភិបាល លេខ ០១ បប ចុះថ្ងៃទី១៤ ខែកក្កដា ឆ្នាំ២០២៥ ស្របតាមយុទ្ធនាការនៃការបោសសម្អាត និងការលុបបំបាត់ឱ្យបានទាំងស្រុងនូវការឆបោកតាមប្រព័ន្ធបច្ចេកវិទ្យា នៅកម្ពុជា៕

អត្ថបទ៖ សុខុម

The post គណៈកម្មការគ្រប់គ្រងល្បែងពាណិជ្ជកម្ម ដកហូតអាជ្ញាបណ្ណកាស៊ីណូ ហ្គាន់ ដាវ ក្នុងក្រុងព្រះសីហនុ ក្រោយរកឃើញប្រព្រឹត្តបទល្មើសឆបោក ONLINE SCAMS appeared first on Kampuchea Thmey Daily.

​កងកម្លាំងចម្រុះដឹកនាំដោយលោកឧត្តមសេនីយ៍ឯក ហែម សុវត្ថិ ​អគ្គស្នងការរងនគរបាលជាតិ នៅព្រឹកថ្ងៃទី ០១ ខែមេសា ២០២៦​ បាន​ចុះឆែកឆេរ​ទីតាំង​កាស៊ីណូ សៀងហៃ រីហ្សត ស្ថិតនៅ ឃុំ​សំ​រោង ស្រុកចន្ទ្រា ​ខេត្តស្វាយរៀង។​

​កង​កម្លាំងសមត្ថកិច្ចបានដកហូតឧបករណ៍ ​សម្ភារៈពាក់ព័ន្ធ ​និង​ឃាត់ខ្លួនជនបរទេសសរុបចំនួន ១០៧ ​នាក់ (ស្រី ២៦ នាក់) មាន ៤ សញ្ជាតិ បញ្ជូនទៅកម្លាំងមានសមត្ថកិច្ច ដើម្បីអនុវត្តនីតិវិធីបន្ត។​

​អគ្គលេខាធិការដ្ឋាន នៃគណៈកម្មការគ្រប់គ្រងល្បែងពាណិជ្ជកម្មកម្ពុជាបានអនុវត្តតាមបទបញ្ជា​រាជ​រដ្ឋាភិបាល ​ស្តីពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា។​

​ប្រតិបត្តិការនេះ ​ធ្វើឡើងមាន​អគ្គលេខាធិការដ្ឋាន នៃគណៈកម្មការគ្រប់គ្រងល្បែង​ពាណិជ្ជកម្ម​កម្ពុជា​ សហការជាមួយកងកម្លាំង​ អគ្គស្នងការដ្ឋាន​នគរ​បាលជាតិ,​ កងកម្លាំងគណៈបញ្ជាការ​ឯក​ភាព​ខេត្តស្វាយរៀង ​និង​អយ្យការអម​ សាលាដំបូង​ខេត្ត​ស្វាយរៀង៕

The post រដ្ឋដកអាជ្ញាបណ្ណកាស៊ីណូ ​​សៀងហៃ ​រីហ្សត ​នៅ​ខេត្តស្វាយ​រៀង បន្ទាប់​ពី​រក​ឃើញ​ករណី Online Scam​ appeared first on Kampuchea Thmey Daily.

ប្រតិបត្តិការនេះ បានឈានដល់ការឃាត់ខ្លួនជនសង្ស័យចំនួន២៣នាក់ ក្នុងនោះមានជនជាតិស្រីលង្កាមានចំនួន ៦នាក់(ស្រ្តី១នាក់) ប៉ាគីស្ថាន ៧នាក់(ស្រ្តី ២នាក់) ហ្វីលីពីន ២នាក់(ស្រី ២នាក់) នេប៉ាល់ ២នាក់(ស្រ្តី២នាក់) ឥណ្ឌា ១នាក់ នីហ្ស៊េរីយ៉ា ១នាក់ អាល់ហ្ស៊េរី ១នាក់ (ដែលសមត្ថកិច្ចសង្ស័យជាជនរងគ្រោះ) និង ជនសង្ស័យជាមុខសញ្ញាមេខ្លោងចំនួន ៣នាក់ (ចិនតៃវ៉ាន់១នាក់ និងម៉ាឡេស៊ីចំនួន ២នាក់) ជាមួយនឹងការដកហូតវត្ថុតាងរួមមាន Call Center២៤ទូរ, លិខិតឆ្លងដែន១៩ក្បាល និងទូរសព្ទដៃ២០ គ្រឿង។

បន្ទាប់ពីទទួលបានភស្តុតាងគ្រប់គ្រាន់ គណ:កម្មការគ្រប់គ្រងល្បែង ពាណិជ្ជកម្មកម្ពុជា(គ.ល.ក.) បានសម្រេចចាត់​វិធានព្យួរអាជ្ញាបណ្ណ ចំពោះកាស៊ីណូ ស៊ីលវើរ ស្តារ មិនឲ្យដំណើរការអាជីវកម្មបន្តទៀតទេ។សមត្ថកិច្ចបានបញ្ជូនមុខសញ្ញាមេខ្លោងទាំង៣នាក់ មានជនជាតិចិនតៃវ៉ាន់ ១នាក់ និងម៉ាឡេស៊ី២នាក់ ទៅតុលាការខេត្តស្វាយរៀង ដើម្បីអនុវត្តនីតិវិធីផ្តន្ទាទោសតាមច្បាប់នៃព្រះរាជាណាចក្រកម្ពុជា។ ចំណែកឯជនបរទេស២០នាក់ ត្រូវបានប្រគល់ជូនអគ្គនាយកដ្ឋាន អន្តោប្រវេសន៍ ដើម្បីរៀបចំបែបបទបន្តនីតិវិធី​និរទេសចេញពីកម្ពុជា។

សូមបញ្ជាក់ថា ក្នុងក្របខណ្ឌយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យានេះ សមត្ថកិច្ចចម្រុះទូទាំងប្រទេសនឹងចាត់វិធានការតាមផ្លូវច្បាប់ យ៉ាងតឹងរឹងបំផុតចំពោះមេខ្លោងទាំងឡាយ ដែលជាប់ពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យានេះ ដោយគ្មានការលើកលែងឡើយ៕

The post អាជ្ញាធរព្យួរអាជ្ញាបណ្ណ កាស៊ីណូមួយកន្លែងនៅក្រុងបាវិត ក្រោយរកឃើញបទល្មើសអនឡាញ appeared first on Kampuchea Thmey Daily.

ប្រាក់ចំណូលសរុប​ពីការលេងល្បែងក្នុងកាសីណូនៅសិង្ហបុរី ម៉ាឡេស៊ី និងហ្វីលីពីន រំពឹងថានឹង​កើនឡើងជិតដល់ ឬលើស​កម្រិតមុន​វិបត្តិកូវីដ១៩ ដែល​ជំរុញដោយ​កំណើនអ្នកទៅលេង និងភាពរឹងមាំនៃទីផ្សារក្នុងស្រុក។ ​នេះបើតាម S&P Global ។

ការស្ទុះងើបឡើងវិញនៃកាស៊ីណូ ត្រូវបានជំរុញបន្ថែមទៀតដោយការវិលត្រឡប់របស់ភ្ញៀវទេសចរចិន​មកកាន់តំបន់អាស៊ីអាគ្នេយ៍ ខណៈចំនួន​ភ្ញៀវទេសចរចិន​ទៅសិង្ហបុរី និងម៉ាឡេស៊ី កើនឡើងដោយ​កម្រិតមុនកូវីដ។ ​

អ្នកវិភាគរបស់ S&P Global លោកស្រី Ong Hwee Yee បាននិយាយថា ទីផ្សារហ្គេមលំដាប់ថ្នាក់ខ្ពស់បន្តជំរុញប្រាក់ចំណូលក្នុងឧស្សាហកម្មកាស៊ីណូ ដោយសារអ្នកលេង​មានៗ មិនសូវរងផលប៉ះពាល់ដោយសារកម្សោយសេដ្ឋកិច្ច ហើយបន្តចូលលេង។ ​​

យ៉ាងណាមិញ S&P បាននិយាយថា ក្នុងតំបន់អាស៊ីប៉ាស៊ីហ្វិក​ទាំងមូលក្រៅពីសិង្ហបុរី ម៉ាឡេស៊ី និងហ្វីលីពីន​ ​អាច​នឹ​ងបន្តជួប​បញ្ហាដោយសារតែបញ្ហាច្បាប់ទម្លាប់។

លោកស្រី Ong បាន​និយាយថា ទីផ្សារដូចជា​កម្ពុជានឹងជួបប្រទះនឹងភាព​យឺតយ៉ាវនៃការងើបឡើងវិញនៃប្រាក់ចំណូលពីវិស័យកាស៊ីណូ។ ​លោកស្រីថា កាស៊ីណូនៅកម្ពុជា ដែលពឹងផ្អែកខ្លាំងលើអ្នកលេងចិន បានទទួលរងផលប៉ះពាល់យ៉ាងធ្ងន់ធ្ងរដោយការបង្រ្កាបរបស់​ចិន លើប្រតិបត្តិករកាស៊ីណូ​ពាក់ព័ន្ធនឹងការលាងលុយ និងអំពើពុករលួយ។ នៅថៃឯណោះវិញ ច្បាប់កាស៊ីណូស្របច្បាប់ ត្រូវបាន​សភាដកចេញ ក្រោយមាន​បញ្ហា​ចម្រូងចម្រាស់ និងវិបត្តិនយោបយាក្នុងស្រុកថៃ​។

យ៉ាងណាក្ដី យោងតាមរបាយការណ៍របស់ក្រុមហ៊ុនស្រាវជ្រាវឥណ្ឌា Market Data Forecast ​ការលេងល្បែងអនឡាញ​ក្នុងតំបន់អាស៊ីប៉ាស៊ីហ្វិក ​រំពឹង​ថានឹងឈានដល់ ២០,៩ ប៊ីលាន​ដុល្លារឆ្នាំនេះ កើនឡើង ១២,៨ ភាគរយ ពីឆ្នាំមុន ដោយ​សារតែ​ការរីកចម្រើនផ្នែកបច្ចេកវិទ្យា និងការផ្លាស់ប្តូរចំណូលចិត្តអ្នក​លេង៕

The post កាស៊ីណូសិង្ហបុរី និងម៉ាឡេស៊ីរំពឹងបន្តរីកចម្រើន​ដោយសារកំណើនអ្នកលេងចិន appeared first on Kampuchea Thmey Daily.

ទីភ្នាក់ងារសារព័ត៌មាន​ Bloomberg បាន​រាយការណ៍ថា​ ប្រហែល ៨០ ភាគរយ​ នៃអ្នក​​ចូលរួម​ក្នុងការស្ទង់មតិ​សាធារណៈ បានយល់ស្រប​លើ​សេចក្តីព្រាងច្បាប់ ដែល​ត្រួសត្រាយផ្លូវ​ឱ្យកាស៊ីណូក្លាយជាអាជីវកម្មស្របច្បាប់នេះ ​ដោយ​​បើក​វា​​នៅខាងក្នុងកន្លែងកម្សាន្តធំៗ។

យោងតាមសេចក្តីថ្លែងការណ៍របស់រដ្ឋាភិបាលថៃ ​​ប្រជាជន​ជាង ៧០ ០០០ នាក់ ​បាន​ផ្ដល់មតិយោបល់ និងអនុសាសន៍របស់​ខ្លួន ក្នុងអំឡុងពេល​ដែល​ក្រសួង​ហិរញ្ញវត្ថុ​បើក​ការទទួល​មតិសាធារណៈចន្លោះពីថ្ងៃទី ២៨ កុម្ភៈ ដល់ថ្ងៃទី ១៤ មីនា។ ​​

គួរគូស​បញ្ជាក់ថា​ ប្រទេសថៃដែលពឹងផ្អែកខ្លាំង​លើវិស័យទេសចរណ៍ដើម្បីជំរុញ​កំណើនសេដ្ឋកិច្ច មានគោលបំណងអនុម័តច្បាប់កាស៊ីណូដ៏ចម្រូងចម្រាស នៅឆ្នាំ ២០២៥ នេះ​ ដើម្បីទាក់ទាញការវិនិយោគពីបរទេសកាន់តែច្រើន និងបង្កើនប្រាក់ចំណូលពន្ធ ​ខណៈ​ដោះស្រាយកន្លែងលេងល្បែងស៊ីសង​ខុសច្បាប់ផងដែរ។

ប៉ុន្តែ​ផែនការនេះ ​បាន​រង​រិះគន់ដោយក្រុមអ្នក​ប្រឆាំង និងក្រុម​ប្រយុទ្ធប្រឆាំងនឹងការញៀនល្បែងស៊ីសង​ក្នុងចំណោមប្រជាជនថៃ ដោយនិយាយថា កាស៊ីណូនឹងផ្តល់ផលប្រយោជន៍យ៉ាងច្រើនដល់អាជីវកម្មធំៗ និងក្រុមហ៊ុនបរទេស។

កាលពីពាក់កណ្ដាល​ខែមីនា កាសែតបាងកកប៉ុស្តិ៍បាន​ចុះផ្សាយថា​ ការអនុម័យ​របស់​រដ្ឋាភិបាលលើ​កន្លែង​កាស៊ីណូ-កម្សាន្ត អាចជាកត្តាជំរុញឱ្យមានការប្រឆាំង​ទ្រង់ទ្រាយធំ​ចំពោះរដ្ឋបាលដឹកនាំដោយគណបក្សភឿថៃ នាពេល​បច្ចុប្បន្ន​។

ក្រុមអ្នកប្រឆាំង​នឹង​ផែនការកាស៊ីណូ​ស្របច្បាប់ បាន​ច្រានចោល​ការណ៍ដែលថា​ កាស៊ីណូនឹង​បង្កើនប្រាក់ចំណូលទេសចរណ៍​។ ​ផ្ទុយទៅវិញ​ ពួកគេ​បាន​លើកឡើងថា វា​នឹង​ជំរុញ​ឱ្យ​មាន​​កំណើន​បទល្មើស/ឧក្រិដ្ឋកម្ម​ដែល​ពាក់ព័ន្ធ​នឹង​ល្បែង​ស៊ីសង​ ដែល​នឹង​ប៉ះពាល់ដល់​ទំនុកចិត្ត​ទេសចរបរទេស ដែល​ទៅលេង​ប្រទេសថៃដោយសារតែសម្បត្តិ​ធម្មជាតិ វប្បធម៌ និងសិល្បៈជាដើម​៕

The post ថៃទទួល​បាន​ការគាំទ្រលើសលុប លើផែនការ កាស៊ីណូពីមតិសាធារណៈ appeared first on Kampuchea Thmey Daily.

កាលពីថ្ងៃទី១៣ ខែកមរាកន្លងទៅនេះ នាយករដ្ឋ​មន្រ្តីថៃ​ អ្នក​ស្រី ផែតងតាន ស៊ីណាវ៉ាត្រា បាន​ប្រកាស​​​ថា​ គណៈរដ្ឋមន្ត្រីរបស់ខ្លួនបានអនុម័តសេចក្តីព្រាងច្បាប់ដែលនឹងដាក់​កាស៊ីណូ និង​ការ​ល្បែងស៊ីសង ឱ្យ​នៅស្របច្បាប់ ក្នុងគោលបំណងជំរុញទេសចរណ៍ ការងារ និងការវិនិយោគ។ ​ ខណៈ​ប្រទេស​ជិត​ខាង​មួយ​មួយ​ចំនួន​រួមមានកម្ពុជាបានទាញ​ប្រយោជន៍​ពី​ការ​បង្កើត​កាស៊ីណូធំៗ​ រដ្ឋាភិបាល​ថៃបាន​លើកឡើងថា ថៃ​បាន​បិទ​ភ្នែក​ពី​ប្រភព​ចំណូល និង​មិន​បាន​ប្រើ​ប្រាស់​សក្ដានុពល «ទេសចរណ៍» របស់ខ្លួន​ឱ្យ​បាន​គ្រប់​គ្រាន់ ចំពោះ​ការ​មិន​បង្កើត​ឱ្យ​មាន​កាស៊ីណូ។

ជាមួយក្តីបារម្ភដែលរដ្ឋាភិបាលថៃទើបតែអនុម័តនូវសេចក្តីព្រែងច្បាប់អាជីវកម្ម​ល្បែង​នេះ​ លោក Porntat Amatavivadhana ប្រធានមិន​ប្រតិបត្តិរបស់ក្រុមហ៊ុន Donaco កំពុងធ្វើតាមដាន និងវាយតម្លៃអំពីផលប៉ះពាល់នានាដែលអាចនឹងកើតមានឡើងមកលើប្រតិបត្តិការកាស៊ីណូ Star Vegas របស់ខ្លួន។​

លោក Porntat បានថ្លែងបញ្ជាក់ថា៖«យើងកំពុងតាមដានយ៉ាងដិតដល់ លើការវិវឌ្ឍន៍នៃឧស្សាហកម្មហ្គេមដែលកំពុងវិវឌ្ឍន៍នៅអាស៊ីអាគ្នេយ៍ រួមទាំងសេចក្តីព្រាងច្បាប់ស្តីពីអាជីវកម្មដ៏ស្មុគស្មាញដែលបានស្នើឡើងដោយរដ្ឋាភិបាលថៃ ដែលយើងនឹងបន្តវាយ​តម្លៃអំពីផលប៉ះពាល់​របស់វាមក លើប្រតិបត្តិការរបស់កាស៊ីណូ Star Vegas របស់យើង»៕

យោងតាមព័ត៌មាន IGA ចេញផ្សាយកាលពីថ្ងៃទី៣១ ខែមករាថា កាស៊ីណូ Star Vegas ទទួលបានប្រាក់ចំណូលសុទ្ធចំនួន ៦,៥៧ លានដុល្លារអូស្រ្តាលីក្នុងត្រីមាសទី៤ កើនឡើងពី ៦,១២ លានដុល្លារអូស្រ្តាលីធៀបនឹងត្រីមាសដូចគ្នាកាលពីឆ្នាំ២០២៣ ​។ ជាមួយគ្នានោះដែរ អ្នកចូលលរេងប្រចាំថ្ងៃជាមធ្យមមានចំនួន៩៥៧ នាក់គឺកើនឡើងពី ៨៦១ នាក់កាលពីឆ្នាំ២០៣ និង ៩៤១នាក់នៅក្នុងត្រីមាសទី៣។

លោក រស់ ភីរុណ អគ្គលេខាធិការគណៈកម្មការគ្រប់គ្រងល្បែងពាណិជ្ជកម្មកម្ពុជាបាន​មានប្រសាសន៍ថា  បានថ្លែងប្រាប់កម្ពុជាថ្មីកន្លងមកថា ក្នុងឆ្នាំ២០២៤កន្លងទៅនេះ រដ្ឋាភិបាលបានទទួល​ចំណូល​ពីអាជីវកម្មល្បែង​ (មានទាំងកាស៊ីណូ និងល្បែងផ្សងសំណាង) បានចំនួន ២៥៤, ៩០៧ ប៊ីលានរៀល (ឬជាង៦៣,១១ លានដុល្លារ), កើនឡើងចំនួន ៨៥% ធៀបនឹងឆ្នាំ២០២៣។

ជាមយគ្នានោះដែរ លោកថា គិតត្រឹមដំណាច់ឆ្នាំ២០២៤ គ.ល.ក. បានផ្តល់អាជ្ញាបណ្ណជូនដល់កាស៊ីណូ ចំនួន ១៩៥។ គិតមកដល់បច្ចុប្បន្ន​ អាជ្ញាបណ្ណទាំងនោះត្រូវបានដកហូតចំនួន ១; ព្យួរចំនួន ១ និងផុតសុពលភាពចំនួន១៥។ លោកថាសម្រាប់ល្បែងផ្សេងសំណាង គ.ល.ក. បានផ្ដល់អាជ្ញាបណ្ណសរុបចំនួន ២១ ក្រុមហ៊ុន (ក្នុងនោះដកហូតចំនួន១ ក្រុមហ៊ុន និងព្យួរចំនួន ៣ ក្រុមហ៊ុន); សាខាល្បែងផ្សងសំណាងចំនួន ៤៥ សាខា (ដែលក្នុងនោះព្យួរចំនួន ១៣ សាខា); លិខិតអនុញ្ញាតបុស្តិ៍សេវាល្បែងផ្សងសំណាងចំនួន ៩០ ដែលក្នុងនោះផុតសុពលភាពទាំងអស់​៕

​

The post ​ម្ចាស់កាស៊ីណូ Star Vegas នៅប៉ោយប៉ែតបង្ហាញ​ក្តី​​បារម្ភ​អំពីផលប៉ះពាល់ពង្រាងច្បាប់អាជីវកម្មល្បែងរបស់ថៃ appeared first on Kampuchea Thmey Daily.

ក្រោមផែនការរបស់រដ្ឋាភិបាល ច្បាប់ដែល​​គ្រោង​នឹងបញ្ជូនទៅឱ្យ​សភាពិនិត្យមើល​មួយ​នេះ​ នឹង​អនុញ្ញាតឱ្យមានការ​លេង​ល្បែងស៊ីសងនៅតាម​កន្លែងកម្សាន្តធំៗ។ អ្នកស្រី​ ផែតងតាន​ បានប្រាប់អ្នកយកព័ត៌មានថា៖ «ការធ្វើឱ្យ​ស្រប​ច្បាប់ នឹងការពារសាធារណៈជន ហើយនឹងបង្កើតប្រាក់ចំណូលរដ្ឋបន្ថែមទៀត»។

គួរ​​បញ្ជាក់ថា​ កាស៊ីណូ និង​ល្បែងស៊ីសងភាគច្រើន គឺខុសច្បាប់នៅក្នុងប្រទេសថៃ ប៉ុន្តែការភ្នាល់បាល់ទាត់ ការលេង​ល្បែងស៊ីសងលួចលាក់ និងការ​ចាក់​ឆ្នោតផ្សេងៗ​ នៅតែ​មាន​គេលេង​ច្រើន​។ មានតែការលេងល្បែងស៊ីសងមួយចំនួនប៉ុណ្ណោះដែលត្រូវបានអនុញ្ញាត ដូចជាការប្រណាំងសេះដែលគ្រប់គ្រងដោយរដ្ឋ និង​ឆ្នោតផ្សង​សំណាង​ជា​ផ្លូវការជា ដើម​។

នា​ពេល​កន្លង​មក​ រដ្ឋាភិបាលថៃបាន​ព្យាយាមជំរុញ​ការ​​ដាក់កាស៊ីណូ និងល្បែងស៊ីសង​​ឱ្យ​នៅ​ស្របច្បាប់ ដើម្បី​ជំរុញ​កំណើន​សេដ្ឋកិច្ច​ ក៏​ប៉ុន្តែ​រង​ការ​ជំទាស់​ពី​អ្នកអភិរក្ស​និយម​។ ខណៈ​ប្រទេស​ជិត​ខាង​មួយ​មួយ​ចំនួន​ទាញ​ប្រយោជន៍​ពី​ការ​បង្កើត​កាស៊ីណូធំៗ​ រដ្ឋាភិបាល​ថៃបាន​លើកឡើងថា ថៃ​បាន​បិទ​ភ្នែក​ពី​ប្រភព​ចំណូល និង​មិន​បាន​ប្រើ​ប្រាស់​សក្ដានុពល «ទេសចរណ៍» របស់ខ្លួន​ឱ្យ​បាន​គ្រប់​គ្រាន់ ចំពោះ​ការ​មិន​បង្កើត​ឱ្យ​មាន​កាស៊ីណូ។

ជុំវិញ​បញ្ហា​នេះ​ អនុរដ្ឋមន្ត្រីក្រសួងហិរញ្ញវត្ថុថៃ លោក Julapun Amornvivat បានអះអាងថា ការបោះជំហាន​ចុង​ក្រោយ​របស់ថៃ អាច​ធ្វើឱ្យ​ចំនួនភ្ញៀវបរទេសកើនឡើងពី ៥ ទៅ ១០ ភាគរយ ហើយប្រាក់ចំណូលពីទេសចរណ៍ កើនឡើងប្រហែល ១២០-២២០ ប៊ីលាន​បាត។ វាក៏នឹង​បង្កើត​ការងារ​ថ្មី​ប្រហែលពី​ ៩ ០០០ ទៅ ១៥ ០០០ កន្លែង​ផងដែរ៕

The post ថៃ​អនុម័ត​សេចក្តីព្រាងច្បាប់​​ដាក់​កាស៊ីណូ និង​ល្បែងស៊ីសងឱ្យនៅ​ស្របច្បាប់ ដើម្បីជំរុញសេដ្ឋកិច្ច ​ appeared first on Kampuchea Thmey Daily.

លោក រស់ ភីរុណ អគ្គលេខាធិការគណៈកម្មការគ្រប់គ្រងល្បែងពាណិជ្ជកម្មកម្ពុជាបាន​មានប្រសាសន៍ថា  គិតត្រឹមដំណាច់ឆ្នាំ២០២៤ គ.ល.ក. បានផ្តល់អាជ្ញាបណ្ណជូនដល់កាស៊ីណូ ចំនួន ១៩៥។ គិតមកដល់បច្ចុប្បន្ន​ អាជ្ញាបណ្ណទាំងនោះត្រូវបានដកហូតចំនួន ១; ព្យួរចំនួន ១ និងផុតសុពលភាពចំនួន១៥។ លោកថាសម្រាប់ល្បែងផ្សេងសំណាង គ.ល.ក. បានផ្ដល់អាជ្ញាបណ្ណសរុបចំនួន ២១ ក្រុមហ៊ុន (ក្នុងនោះដកហូតចំនួន១ ក្រុមហ៊ុន និងព្យួរចំនួន ៣ ក្រុមហ៊ុន); សាខាល្បែងផ្សងសំណាងចំនួន ៤៥ សាខា (ដែលក្នុងនោះព្យួរចំនួន ១៣ សាខា); លិខិតអនុញ្ញាតបុស្តិ៍សេវាល្បែងផ្សងសំណាងចំនួន ៩០ ដែលក្នុងនោះផុតសុពលភាពទាំងអស់​។

លោកបានថ្លែងថា៖ចំណូលរបស់យើងនៅឆ្នាំ២០២៤មានកំណើនខ្ពស់ធៀបឆ្នាំ២០២៣​ព្រោះយើងប្រឹងកៀរគរខ្លាំង ដើម្បីឱ្យកាស៊ីណូទាំងអស់អនុវត្តន៍ទៅតាមច្បាប់ស្តីពីការគ្រប់គ្រងល្បែងពាណិជ្ជកម្មកម្ពុជាឱ្យបានត្រឹមត្រូវ។ យើងមានការតឹងរឹង ដោយសារតែកាស៊ីណូកន្លងមកបង្កើតមុនច្បាប់ ដូច្នេះនៅពេលដែលយើងបានដាក់ឱ្យអនុវត្តច្បាប់ទៅមានភាពតឹងតែង ប៉ុន្តែទាំងជាយ៉ាងណាក៏គណៈកម្មការគ្រប់គ្រងល្បែងកម្ពុជា ​ខិតខំប្រឹងប្រែងការអនុវត្តច្បាប់ឱ្យបានត្រឹមត្រូវ ឱ្យមានសណ្តាប់ធ្នាប់នៅក្នុងការធ្វើប្រតិបតិ្តការអាជីវកម្មរបស់ខ្លួននៅក្នុងប្រទេសកម្ពុជាយើង»។ លោកថា សម្រាប់កាស៊ីណូភាគច្រើនគឺមានទីតាំងក្នុងខេត្តព្រះសីហនុ។

លោក ហុង វណ្ណៈ អ្នក​ស្រាវជ្រាវ​សេដ្ឋកិច្ច​នៃ​រាជបណ្ឌិត្យសភា​កម្ពុជា​បាន​ថ្លែងមកកាន់កម្ពុជាថ្មី​ថាការពង្រឹងនូវការអនុវត្តច្បាប់ពន្ធនានាគឺជារឿងចាំបាច់ ដោយសារចំណូលពន្ធគឺ​ប្រភព​ចំណូល​ជាតិ​ដ៏​សារៈ​សំខាន់​សម្រាប់រដ្ឋាភិបាលមានលទ្ធភាពយកទៅធ្វើការអភិវឌ្ឍ​ហេដ្ឋារចនាសម្ព័ន្ធនានា។ លើសពីនោះទៅទៀត ការរឹតបន្តឹងច្បាប់លើអាជីវកម្ម​ល្បែងគ្រប់រូបភាពជាពិសេសកាស៊ីណូ និងល្បែងអនឡាញ នឹងជួយឱ្យ​វិស័យនេះកាន់តែមានសណ្តាប់ធ្នាក់ និងមិនបង្ករបញ្ហាឬផលវិបាក​ណាមួយដល់សង្គម។​

រាជរដ្ឋាភិបាលកម្ពុជាបានប្រកាសដាក់ឱ្យអនុវត្តន៍នូវច្បាប់ស្តីពីការគ្រប់គ្រងល្បែងពាណិជ្ជក​ម្មកាលពីខែវិច្ឆិកាឆ្នាំ២០២០។ ច្បាប់នេះមានគោលបំណងធានាការគ្រប់គ្រងមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្មដើម្បីរួមចំណែកជំរុញកំណើនសេដ្ឋកិច្ច លើកកម្ពស់វិស័យទេសចរណ៍ បង្កើតការងារ​ ប្រមូលចំណូល រក្សាសុវត្ថិភាព និងសន្តិសុខសង្គម ដោយកំណត់សមត្ថកិច្ច វិធាន និងនីតិវិធីសម្រាប់គ្រប់គ្រងមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្ម សិទ្ធិ និងកាតព្វកិច្ចរបស់រូបវន្តបុគ្គល និងនីតិបុគ្គលក្នុងការធ្វើប្រតិបត្តិការដោយផ្ទាល់ឬចូលរួមនៅក្នុងល្បែងពាណិជ្ជកម្ម និងកំណត់សិទ្ធិជាម្ចាស់លើមណ្ឌលល្បែងពាណិជ្ជកម្មសមាហរ័ណ និងលើគ្រឹះស្ថានល្បែងពាណិជ្ជកម្មព្រមទាំងបង្កើតស្តង់ដាមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្មនៃព្រះរាជាណាចក្រកម្ពុជា៕

The post កម្ពុជារកចំណូលបានជាង៦៣លានដុល្លារពីអាជីវក​ម្មល្បែងក្នុងឆ្នាំ២០២៤ ដោយសារការ​រឹតបន្តឹងការអនុវត្តច្បាប់ appeared first on Kampuchea Thmey Daily.