កិច្ចប្រជុំអភិបាលរាជធានី Archives - Kampuchea Thmey Daily

គណៈកម្មការផ្សាររដ្ឋទាំង២៥ ត្រូវរក្សាសន្តិសុខ សណ្ដាប់ធ្នាប់ បរិស្ថាន និងបង្កើនមានភាពស្និទ្ធស្នាលជាមួយអាជីវករ

Kang Tola — Wed, 27 Sep 2023 10:47:24 +0000

ភ្នំពេញ ៖ អភិបាលនៃគណៈអភិបាលរាជធានីភ្នំពេញលោកឃួង ស្រេង បានណែនាំឱ្យប្រធានគណៈកម្មការផ្សាររដ្ឋទាំង២៥នៅរាជធានីភ្នំពេញ យកចិត្តទុកដាក់លើការថែរក្សាសន្តិសុខ សណ្ដាប់ធ្នាប់និងបរិស្ថាននៅជុំវិញនិងក្នុងផ្សារ ហើយអ្វីដែលសំខាន់មួយទៀតនោះ គណៈកម្មការផ្សារត្រូវមានភាពស្និទ្ធស្នាល រាក់ទាក់ជាមួយបងប្អូនអាជីវករក្នុងនិងក្រៅប្រព័ន្ធ។

ការណែនាំបែបនេះរបស់ លោកឃួង ស្រេងបានធ្វើឡើង ក្នុងកិច្ចប្រជុំ ពង្រឹងការងារគ្រប់គ្រងផ្សារក្នុងរាជធានីភ្នំពេញ ជាមួយអាជ្ញាធរខណ្ឌទាំង១៤ និងប្រធានគណៈកម្មការផ្សាររដ្ឋទាំង២៥ នារសៀលថ្ងៃទី២៧ ខែកញ្ញា ឆ្នាំ២០២៣នេះ នៅសាលារាជធានីភ្នំពេញ។

លោកឃួង ស្រេង បានមានប្រសាសន៍លើកឡើងថា ការបង្កើតឱ្យមានកិច្ចប្រជុំនេះឡើង ក្នុងគោលបំណង ជំរុញឱ្យមានការគ្រប់គ្រងផ្សាររដ្ឋទាំង២៥ ឱ្យបានកាន់តែមានភាពល្អប្រសើរឡើង ទាំងការថែរក្សាសន្តិសុខ សណ្ដាប់ធ្នាប់និងបរិស្ថានជុំវិញនិងនៅក្នុងផ្សារ សំដៅធ្វើយ៉ាងណាទទួលបានការគោរពនិងស្រលាញ់ពីប្រជាពលរដ្ឋនិងអាជីវករ។

លោកបន្តថា ប្រធានគណៈកម្មការផ្សារ ត្រូវមើលឲ្យគ្រប់ជ្រុងជ្រោយ នៅក្នុងផ្សារដែលខ្លួនគ្រប់គ្រងទាំងជីវភាពរស់នៅរបស់បងប្អូនអាជីវករ ជាមួយនឹងការធ្វើស្ថិតិឱ្យបានច្បាស់លាស់ចំពោះ អាជីវករ ដែលមានជីវភាពក្រីក្រ និងមធ្យម ដើម្បីងាយស្រួល យើងថែទាំពួកគាត់ ។ បន្ថែមពីនេះត្រូវណែនាំបងប្អូនប្រជាពលរដ្ឋនិងអាជីវករ ថែរក្សាអនាម័យ បរិស្ថាននៅក្នុងផ្សារ ជាប្រចាំ។

លោក ឃួង ស្រង ក៏បានជំរុញឱ្យ ពិនិត្យឱ្យម៉ត់ចត់ជុំវិញការមិនយកលុយពីបងប្អូនអាជីវករ លក់តាមកញ្ច្រែងល្អី ជាមួយនឹងការរកទីតាំងឱ្យពួកគាត់បានលក់ដូរ និងការបញ្ចុះតម្លៃទឹក ភ្លើង នៅតាមទីផ្សារទៅតាមកំណត់របស់រាជរដ្ឋាភិបាល។ ការងារនេះ ទាំងអាជ្ញាធរ ទាំងគណៈកម្មការផ្សារត្រូវពិនិត្យឱ្យបានម៉ត់ចត់។ ក្នុងនាមយើងជាអាណាព្យាបាលប្រជាពលរដ្ឋ អាជ្ញាធរខណ្ឌទាំង១៤និងគណៈកម្មការផ្សាររដ្ឋទាំង២៥ ត្រូវធ្វើយ៉ាងណាអោយប្រជាពលរដ្ឋនិងអាជីវករគោរពស្រលាញ់យើងឱ្យបានយូរអង្វែង៕

ដោយ ៖ ស្រីរ័ត្ន

The post គណៈកម្មការផ្សាររដ្ឋទាំង២៥ ត្រូវរក្សាសន្តិសុខ សណ្ដាប់ធ្នាប់ បរិស្ថាន និងបង្កើនមានភាពស្និទ្ធស្នាលជាមួយអាជីវករ appeared first on Kampuchea Thmey Daily.

លោក ឃួង ស្រេង ៖ បោះឆ្នោតឱ្យបក្សប្រជាជន ដើម្បរក្សាសន្តិភាព និងប្រែក្លាយកម្ពុជា ជាប្រទេសមានចំណូលខ្ពស់

Sophal Tuon — Sun, 19 Mar 2023 04:11:05 +0000

ភ្នំពេញ ៖ លោក ឃួង ស្រេង សមាជិកគណៈកម្មាធិការកណ្តាលគណបក្ស ប្រជាជនកម្ពុជា ប្រធានគណៈកម្មាធិការគណបក្សរាជធានីភ្នំពេញ និងជាប្រធានក្រុមការងារចុះមូលដ្ឋានខណ្ឌព្រែកព្នៅ បានផ្ញើសារដល់សមាជិកថ្មីគណបក្សប្រជាជនកម្ពុជា រួមគ្នារក្សាសុខសន្តិភាព ឱ្យបានគង់វង់ និងសូមឱ្យសមាជិកគណបក្សប្រជាជនកម្ពុជាម្នាក់ ស្មើនឹងមួយសន្លឹកឆ្នោត ដើម្បីធ្វើយ៉ាងណាឱ្យកម្ពុជា សម្រេចបាននូវចក្ខុវិស័យរបស់ខ្លួន ក្នុងការប្រែក្លាយប្រទេស ដែលមានចំណូលមធ្យមកំរិតខ្ពស់ នៅឆ្នាំ២០៣០ និងចំណូលខ្ពស់នៅឆ្នាំ ២០៥០ខាងមុខ។

ការស្នើសុំបែបនេះរបស់លោកឃួង ស្រេង បានធ្វើឡើង ខណៈលោកអញ្ជើញជាអធិបតី ក្នុងពិធីសំណេះសំណាល និងប្រកាសសមាជិកថ្មីរបស់គណបក្សប្រជាជនកម្ពុជាជាង៣០០០នាក់ នៅទីធ្លាខាងត្បូងជាប់ស្នាក់ការគណបក្សសង្កាត់គោករកា ខណ្ឌព្រែកព្នៅ នាព្រឹកថ្ងៃទី១៩ ខែមីនា ឆ្នាំ២០២៣ នេះ ។

លោកឃួង ស្រេង បានមានប្រសាសន៍លើកឡើងថា៖ នេះជាការយល់ឃើញត្រូវរបស់បងប្អូន ដែលបានសម្រេចចិត្តចូលមករួមជីវភាពជាបក្សប្រជាជនកម្ពុជា ដើម្បីយើងរួមគ្នាអភិវឌ្ឍប្រទេសជាតិឱ្យរីកចំរើនជឿនលឿនទៅតាមគោលនយោបាយរបស់រាជរដ្ឋាភិបាល ដោយធ្វើយ៉ាងណាឱ្យកម្ពុជាសម្រេចបាននូវចក្ខុវិស័យរបស់ខ្លួន ក្នុងការប្រែក្លាយប្រទេស ដែលមានចំណូលមធ្យមកំរិតខ្ពស់ នៅឆ្នាំ២០៣០ និងចំណូលខ្ពស់នៅឆ្នាំ ២០៥០ខាងមុខ។

ក្នុងឱកាសនោះដែរ លោក ឃួង ស្រេង ក៏បានលើកឡើងពីទុក្ខវេទនាយ៉ាងខ្លាំងបំផុតរបស់ប្រជាពលរដ្ឋកម្ពុជានៅក្នុងរបប ប៉ុល ពត ដោយត្រូវបានបង្អត់អាហារ ការកាប់សម្លាប់ យ៉ាងព្រៃផ្សៃអស់រាប់លាននាក់ និងលើកឡើងពីវីរៈភាពរបស់សម្ដេចតេជោ ហ៊ុន សែន ក្នុងការរំដោះប្រទេសជាតិចេញពីរបបប៉ុល ពត នេះ និងបានកសាងអភិវឌ្ឍប្រទេសឱ្យរីកចំរើនរហូតមកដល់បច្ចុប្បន្ននេះ។

មិនត្រឹមតែប៉ុណ្ណោះ សម្តេចនូវបានដើរតួនាទីយ៉ាងសំខាន់ ក្នុងការរំដោះអាយុជីវិត បងប្អូនប្រជាពលរដ្ឋពីការរីករាលដាលពីជំងឺកូវីដ-១៩ ថែមទៀត។ នេះជាមោទនៈភាពដែលយើងមានមេដឹកនាំបក្ស ដែលដឹកនាំប្រទេសមានគុណធម៌ល្អ។

លោក ធឹម សំអាន សមាជិក គណៈកម្មាធិកា រគណបក្ស រាជធានីភ្នំពេញ និងជាប្រធាន គណៈកម្មាធិកា រគណបក្ស ខណ្ឌព្រែកព្នៅ បានលើកឡើងថា សមាជិកគណបក្សថ្មី ដែលត្រូវបានប្រកាសក្នុងកម្មវិធីខាងលើមានចំនួន ៣,៣៧៦ នាក់ ស្រី ១,៦៤៩ នាក់(សមាជិកគណបក្សថ្មីជាយុវជនចំនួន ២,៤១១នាក់ ដែល ក្នុងនោះ យុវជនជាសិស្សពីរាជធានីចំនួន ៤៤៣នាក់) មកពី៥សង្កាត់ ក្នុងខណ្ឌព្រែកព្នៅ៕

អត្ថបទ៖ ស្រីរ័ត្ន

The post លោក ឃួង ស្រេង ៖ បោះឆ្នោតឱ្យបក្សប្រជាជន ដើម្បរក្សាសន្តិភាព និងប្រែក្លាយកម្ពុជា ជាប្រទេសមានចំណូលខ្ពស់ appeared first on Kampuchea Thmey Daily.

បណ្តារាជធានីនិងរដ្ឋធានីអាស៊ានទទួលបានបទពិសោធន៍អភិវឌ្ឍទីក្រុងជាច្រើន ដើម្បីប្រែក្លាយទៅជាទីក្រុងឆ្លាតវៃនិងមានភាពធន់

Kang Tola — Sat, 03 Dec 2022 13:10:00 +0000

ភ្នំពេញ ៖ បណ្តារាជធានីនិងរដ្ឋធានីអាស៊ានទទួលបានបទពិសោធន៍អភិវឌ្ឍទីក្រុងជាច្រើន ដើម្បីប្រែក្លាយទៅជាទីក្រុងឆ្លាតវៃនិងមានភាពធន់ ជាពិសេសអាចដោះស្រាយបញ្ហាប្រឈមក្នុងទីក្រុងនាពេលបច្ចុប្បន្ននិងទៅអនាគត។

ក្នុងសន្និសីទសារព័ត៌មានស្តីពីកិច្ចប្រជុំអភិបាលរាជធានី-រដ្ឋធានីអាស៊ាន និងវេទិកាប្រជុំអភិបាលក្រុងអាស៊ានឆ្នាំ២០២២ លោក នួន ផារត្ន័ អភិបាលរងរាជធានីភ្នំពេញ បានមានប្រសាសន៍ថា ក្នុងវេទិកាអភិបាលក្រុងអាស៊ាន AMF និងកិច្ចប្រជុំ អភិបាលរាជធានី និងរដ្ឋធានីអាស៊ាន MGMAC ឆ្នាំ២០២២នេះ បណ្តារាជធានីនិងរដ្ឋធានីអាស៊ាន បានជជែកគ្នា ចែករំលែកនូវបទពិសោធន៍ ទស្សនៈ និងចក្ខុវិស័យក្នុងការអភិវឌ្ឍរាជធានីរបស់ប្រទេសរៀងៗខ្លួន ជាពិសេសបានរំលេចចេញនៅសមិទ្ធផល នៃស្នាដៃការងារក្នុងការរអភិវឌ្ឍទីក្រុងរបស់ខ្លួន និងបានបង្ហាញពីការប្តេជ្ញាចិត្ត ដែលជាចក្ខុវិស័យក្នុងការអភិរឌ្ឍរដ្ឋធានីរបស់ខ្លួនឱ្យកាន់តែរីកចំរើន ឆ្លើយតបទៅនឹងតម្រូវការរបស់ប្រជាពលរដ្ឋ។

លោកបញ្ជាក់ថា តាមការសង្កេតឃើញថា រាជធានី-រដ្ឋធានីទាំងអស់មានបញ្ហាប្រឈមមិនខុសគ្នាប៉ុន្មាននោះទេ ដែលកើតចេញពីការអភិវឌ្ឍទីក្រុង ដែលរួមមាន៖ បញ្ហាចរាចរណ៍ បញ្ហាពង្រីកគម្រោងបៃតង បញ្ហាគំរាមកំហែងដោយគ្រោះធម្មជាតិ ជាពិសេសជំនន់ទឹកភ្លៀង និងបញ្ហានៃការអភិវឌ្ឍផ្សេងៗទៀត រួមទាំងការរៀបចំលំនៅឋានមិនសមរម្យសម្រាប់អ្នកចំណូលទាបផងដែរ។

លោកបានបន្តថា បញ្ហាប្រឈមទាំងអស់នេះគឺបានលើកយកមកពិភាក្សា ចែករំលែកជាទស្សនៈ និងបទពិសោធន៍ល្អៗ រវាងរដ្ឋធានីនិងរាជធានី ។ ចំណុចនេះគឺជាចំណុចមួយដែលសំខាន់ ដែលរដ្ឋធានីរាជធានីទាំងអស់ បានគិតថា នេះជាចំណុចមួយដែលត្រូវចែករំលែកគ្នា ផ្តល់នូវអនុសាសន៍ល្អៗ និងរួមគ្នាដោះស្រាយបញ្ហាប្រឈម ដើម្បីអភិវឌ្ឍទីក្រុងទាំងអស់នេះ ឱ្យក្លាយទៅជារដ្ឋធានី រាជធានី ដែលមានភាពទាក់ទាញខាងផ្នែកបរិស្ថាន ដែលមានភាពល្អប្រសើរសម្រាប់ការរស់នៅរបស់ប្រជាពលរដ្ឋ។

សូមបញ្ជាក់ថា វេទិកាអភិបាលក្រុងអាស៊ាន AMF និងកិច្ចប្រជុំ អភិបាលរាជធានី និងរដ្ឋធានីអាស៊ាន MGMAC ឆ្នាំ២០២២ ដែលកម្ពុជាធ្វើជាម្ចាស់ផ្ទះចាប់ពីថ្ងៃទី២ដល់ថ្ងៃទី៣ ខែធ្នូឆ្នាំ២០២២នេះបានបញ្ចប់ដោយជោគជ័យជាមួយផ្លែការយ៉ាងត្រចះត្រចង់ ដោយបណ្តាល ទីក្រុងនៃប្រទេសអាស៊ានទាំងអស់បានទទួលយកបទពិសោធន៍ក្នុងការដោះស្រាយបញ្ហាប្រឈមជាច្រើនសម្រាប់ អភិវឌ្ឍន៍ទីក្រុងរបស់ខ្លួនឱ្យកាន់តែរីកចម្រើន ឆ្លើយតបទៅនឹងតម្រូវការរបស់ប្រជាពលរដ្ឋ។

តាមរយៈវេទិកា និងកិច្ចប្រជុំនេះ សម្រេចបានឯកសារជាប្រវត្តិសាស្ត្រចំនួន ២ ច្បាប់ រួមមាន (ទីមួយ) សេចក្តីប្រកាសរួមកិច្ចប្រជុំអភិបាលរាជធានី និងរដ្ឋធានីអាស៊ាន ដែលមានខ្លឹមសារចំនួន ៦ ចំណុច និង (ទីពីរ) សេចក្តីថ្លែងការណ៍វេទិកាអភិបាលក្រុងអាស៊ាន (AMF) ឬហៅថា សេចក្ដីថ្លែងការណ៍រាជធានីភ្នំពេញឆ្នាំ២០២២ ដែលមានខ្លឹមសារចំនួន ១២ចំណុច ពោលគឺសមស្របទៅនឹងប្រធានបទដែលបានកំណត់។ ឯកសារជាប្រវត្តិសាស្ត្រទាំងពីរនេះ ពិតជាបានឆ្លុះបញ្ចាំងឲ្យឃើញកាន់តែច្បាស់អំពីឆន្ទៈ និងការប្តេជ្ញាចិត្តរួមរបស់ អភិបាល/អភិបាលរង រាជធានី រដ្ឋធានី ខេត្ត និងក្រុង នៃប្រទេសជាសមាជិកអាស៊ាន ក្នុងការពួតដៃគ្នបន្តដំណើរទៅមុខរួមគ្នា និងជំរុញកិច្ចសហប្រតិបត្តិការកាន់តែជិតស្និទ្ធបន្ថែមទៀត ដើម្បីកសាងទីក្រុងឆ្លាត មានភាពធន់ និងមានចីរភាព សម្រាប់បម្រើឱ្យកំណើនសេដ្ឋកិច្ច និងវិបុលភាពរួមស្របតាមចក្ខុវិស័យរបស់សហគមន៍អាស៊ានឆ្នាំ២០២៥ និងក្រោយឆ្នាំ២០២៥ ផងដែរ៕

ដោយ ៖ ស្រីរ័ត្ន

The post បណ្តារាជធានីនិងរដ្ឋធានីអាស៊ានទទួលបានបទពិសោធន៍អភិវឌ្ឍទីក្រុងជាច្រើន ដើម្បីប្រែក្លាយទៅជាទីក្រុងឆ្លាតវៃនិងមានភាពធន់ appeared first on Kampuchea Thmey Daily.

កិច្ចប្រជុំអភិបាលរាជធានី និងរដ្ឋធានីអាស៊ានMGMAC បិទបញ្ចប់ដោយជោគជ័យ

deth leng — Sat, 03 Dec 2022 08:24:45 +0000

កិច្ចប្រជុំ អភិបាលរាជធានី និងរដ្ឋធានីអាស៊ានMGMAC និងវេទិកាអភិបាលក្រុងអាស៊ានAMFឆ្នាំ២០២២បានបញ្ចប់ដោយជោគជ័យជាមួយផ្លែការយ៉ាងត្រចះត្រចង់ ដោយបណ្តាល ទីក្រុងនៃប្រទេសអាស៊ានទាំងអស់បានទទួលយកបទពិសោធន៍ក្នុងការដោះស្រាយបញ្ហាប្រឈមជាច្រើនសម្រាប់ អភិវឌ្ឍន៍ទីក្រុងរបស់ខ្លួនឱ្យកាន់តែរីកចម្រើនឆ្លើយតបទៅនឹងតម្រូវការរបស់ប្រជាពលរដ្ឋ។

ថ្លែងក្នុងពិធី “បិទវទិកាអភិបាលក្រុងអាស៊ាន (AMF) ឆ្នាំ២០២២នៅថ្ងៃទី៣ ខែធ្នូ ឆ្នាំ២០២២នេះ លោក
ឃួង ស្រេងអភិបាលរាជធានីភ្នំពេញបានថ្លែងអំណរគុណយ៉ាងជ្រាលជ្រៅចំពោះការចូលរួមយ៉ាងសកម្មប្រកបដោយចក្ខុវិស័យ ជាក់ស្តែងនិយម និងការគិតគូរយកចិត្តទុកដាក់ ក្នុងន័យស្ថាបនាជួយគ្នាទៅវិញទៅមក ដើម្បីរួមចំណែកធ្វើឲ្យប្រសើរឡើងនូវការពិភាក្សាលើគ្រប់ទិដ្ឋភាព ដែលសុទ្ធសឹងតែជាអនុសាសន៍សម្រាប់ទិសដៅរួមគ្នានៃការអភិវឌ្ឍទីក្រុងអាស៊ាន នៅរដ្ឋបាលថ្នាក់ក្រោមជាតិ។

លោកបានបញ្ជាក់ថា បញ្ហាប្រឈមមុខទៅនិងកាលៈទេសៈ និងទស្សនវិស័យសកលនាពេលបច្ចុប្បន្ន និងទៅអនាគត ថ្នាក់ដឹកនាំទីក្រុងអាស៊ាន បានយល់ស្របគ្នាអំពីសារៈសំខាន់នៃភាពជាដៃគូ និងកិច្ចសហប្រតិបត្តិការសម្រាប់រដ្ឋបាលថ្នាក់ក្រោមជាតិ ក្នុងការឆ្លើយតបទៅនឹងបញ្ហាប្រឈមរួម ដោយឈរលើស្មារតីសាមគ្គីភាព និងការទទួលខុសត្រូវខ្ពស់ ដែលជាមូលដ្ឋានដ៏ចាំបាច់ក្នុងការលើកកម្ពស់ការស្តារឡើងវិញនូវសេដ្ឋកិច្ច និងសង្គមកិច្ច ក្រោយវិបត្តិនៃជំងឺកូវីដ-១៩។

បន្ថែមពីនេះទៀត បានជំរុញសន្ទុះនៃការកសាងទីក្រុងឆ្លាត មានភាពធន់ និងមានចីរភាព ប្រកបដោយបរិវត្តកម្ម និងបរិយាប័ន្ន តាមគន្លងប្រក្រតីភាពថ្មី ដូចអ្វីដែលយើងបានកំណត់ជាប្រធានបទ នៃអង្គវេទិកាអភិបាលក្រុងអាស៊ាន ក្នុងឆ្នាំនេះ។

លោកបន្តថា អង្គវេទិការបាន ដំណើរការ បានពិភាក្សាយ៉ាងស៊ីជម្រៅ អំពីសារៈសំខាន់ និងភាពចាំបាច់នៃកិច្ចសហប្រតិបត្តិការល្អក្នុងចំណោមរាជធានី-រដ្ឋធានីអាស៊ាន រដ្ឋបាលខេត្ត ទីក្រុងសម្ព័ន្ធមេត្រី និងបណ្តាទីក្រុងអាស៊ានក្នុងន័យជំរុញឱ្យសម្រេចបានទីក្រុងដែលឆ្លាត មានភាពធន់ និងចីរភាព ជាពិសេសនៅចំពោះមុខបរិបទនៃទំនើបកម្មបច្ចេកវិទ្យាឌីជីថល ក៏ដូចជាវិបត្តិជាសកលបង្កឡើងដោយជំងឺកូវីដ-១៩។

លោកបានបន្តថា តាមរយៈវេទិកា និងកិច្ចប្រជុំនេះ សម្រេចបានឯកសារជាប្រវត្តិសាស្ត្រចំនួន ២ ច្បាប់ រួមមាន (ទីមួយ) សេចក្តីប្រកាសរួមកិច្ចប្រជុំអភិបាលរាជធានី និងរដ្ឋធានីអាស៊ាន ដែលមានខ្លឹមសារចំនួន ៦ ចំណុច និង (ទីពីរ) សេចក្តីថ្លែងការណ៍វេទិកាអភិបាលក្រុងអាស៊ាន (AMF) ឬហៅថា សេចក្ដីថ្លែងការណ៍រាជធានីភ្នំពេញឆ្នាំ២០២២ ដែលមានខ្លឹមសារចំនួន ១២ចំណុច ពោលគឺសមស្របទៅនឹងប្រធានបទដែលបានកំណត់។

ឯកសារជាប្រវត្តិសាស្ត្រទាំងពីរនេះ ពិតជាបានឆ្លុះបញ្ចាំងឲ្យឃើញកាន់តែច្បាស់អំពីឆន្ទៈ និងការប្តេជ្ញាចិត្តរួមរបស់ អភិបាល/អភិបាលរង រាជធានី រដ្ឋធានី ខេត្ត និងក្រុង នៃប្រទេសជាសមាជិកអាស៊ាន ក្នុងការពួតដៃគ្នបន្តដំណើរទៅមុខរួមគ្នា និងជំរុញកិច្ចសហប្រតិបត្តិការកាន់តែជិតស្និទ្ធបន្ថែមទៀត ដើម្បីកសាងទីក្រុងឆ្លាត មានភាពធន់ និងមានចីរភាព សម្រាប់បម្រើឱ្យកំណើនសេដ្ឋកិច្ច និងវិបុលភាពរួមស្របតាមចក្ខុវិស័យរបស់សហគមន៍អាស៊ានឆ្នាំ២០២៥ និងក្រោយឆ្នាំ២០២៥ ផងដែរ។

សូមបញ្ជាក់ថា រដ្ឋបាលក្រុង នៃប្រទេសឥណ្ឌូណេស៊ីបានក្លាយជាប្រធានប្តូរវេន នៃ កិច្ចប្រជុំអភិបាលរាជធានី និងរដ្ឋធានីអាស៊ាន MGMACនិងវេទិកាអភិបាលក្រុងអាស៊ានAMF នៅឆ្នាំ២០២៣ខាងមុខ ដោយបានប្តេជ្ញាបន្តបម្រើជាយន្តការប្រើប្រាស់ជាវេទិកាជជែកពិភាក្សា ចែករំលែកបទពិសោធន៍ក៏ដូចជាគំនិតផ្តួចផ្តើម និងនវានុវត្តន៍ថ្មីៗបន្ថែមទៀត សម្រាប់ភាពរីកចម្រើននៃបណ្ដាញរដ្ឋបាលថ្នាក់ក្រោមជាតិអាស៊ាន៕

អត្ថបទ៖ ស្រីរ័ត្ន

The post កិច្ចប្រជុំអភិបាលរាជធានី និងរដ្ឋធានីអាស៊ានMGMAC បិទបញ្ចប់ដោយជោគជ័យ appeared first on Kampuchea Thmey Daily.

កិច្ចប្រជុំអភិបាលរាជធានី Archives - Kampuchea Thmey Daily

លោក​ ឃួង ស្រេង ៖ បោះឆ្នោតឱ្យបក្សប្រជាជន ដើម្បរក្សាសន្តិភាព និងប្រែក្លាយកម្ពុជា ជាប្រទេសមានចំណូលខ្ពស់

កិច្ចប្រជុំអភិបាលរាជធានី និងរដ្ឋធានីអាស៊ាន​MGMAC បិទបញ្ចប់ដោយជោគជ័យ

លោក ឃួង ស្រេង ៖ បោះឆ្នោតឱ្យបក្សប្រជាជន ដើម្បរក្សាសន្តិភាព និងប្រែក្លាយកម្ពុជា ជាប្រទេសមានចំណូលខ្ពស់

កិច្ចប្រជុំអភិបាលរាជធានី និងរដ្ឋធានីអាស៊ានMGMAC បិទបញ្ចប់ដោយជោគជ័យ