ថ្លែងក្នុងសម័យប្រជុំពេញអង្គព្រឹទ្ធសភា នៅព្រឹកថ្ងៃទី២៤ ខែតុលានេះ សម្តេចតេជោ ហ៊ុន សែន ប្រធានព្រឹទ្ធសភា បានបញ្ជាក់ថា កិច្ចព្រមព្រៀងសន្តិភាពទីក្រុងប៉ារីស មិនអាចយកមក​ដោះស្រាយបញ្ហាព្រំដែនដែលកំពុងកើតមានរវាងកម្ពុជា និងថៃបានឡើយ។ តើយកកិច្ចព្រមព្រៀងសន្តិភាពទីក្រុងប៉ារីសមកអនុវត្តត្រង់ណា? ហើយបានមើលកិច្ចព្រមព្រៀងគ្រប់ចំណុចហើយឬនៅ? ជាសំណួររបស់សម្តេចតេជោ ហ៊ុន សែន សួរទៅកាន់អ្នកដែលអំពាវនាវចង់ឱ្យប្ដឹងទៅសហប្រធានកិច្ចព្រមព្រៀងសន្តិភាពក្រុងប៉ារីស កោះប្រជុំបន្ទាន់ទាក់ទិននឹងការឈ្លានពានរបស់ប្រទេសថៃមកលើកម្ពុជា។

សម្ដេចតេជោ បានសួរថា ឥណ្ឌូណេស៊ី និងបារាំង ដែលជាសហប្រធានកិច្ចព្រមព្រៀងក្រុងប៉ារីស ព្រមទាំងប្រទេសជាហត្ថលេខីទាំងឡាយ​ តើគេយល់ព្រមកោះប្រជុំឬទេ? ហើយដោះដោយរបៀបណា? ខណៈដែលក្នុងជម្លោះនេះ កម្ពុជា និងថៃ ជាម្ចាស់ហត្ថលេខី ប្រកាន់ជំហររៀងៗខ្លួន ដើម្បីការពារអធិបតេយ្យជាតិ។ ម្យ៉ាងទៀតកិច្ចព្រមព្រៀងនេះ ក៏អស់សុពលភាព ក្រោយធាតុចូលនៃកិច្ចព្រមព្រៀង ត្រូវបានបញ្ចូលក្នុងរដ្ឋធម្មនុញ្ញកម្ពុជា។

សម្ដេចតេជោ បញ្ជាក់យ៉ាងច្បាស់ថា បើពឹងលើកិច្ចព្រមព្រៀងសន្តិភាពទីក្រុងប៉ារីសនេះបាន កម្ពុជានឹងជ្រើសយកកិច្ចព្រមព្រៀងមួយនេះ ដោយមិនចាំបាច់ទៅពឹងយន្តការអន្តរជាតិផ្សេងឡើយ។ ប៉ុន្តែសម្ដេច ថា «មិនអាចទៅរួចឡើយ»។

ប៉ុន្តែយ៉ាងណា សម្ដេចតេជោ ហ៊ុន សែន បានអះអាងឱ្យដឹងថា បញ្ហាជម្លោះព្រំដែនជាមួយប្រទេសជិតខាងពេលនេះ គឺកម្ពុជាបានប្រើគ្រប់យន្តការអន្តរជាតិរបស់ពិភពលោក រាប់តាំងពីតុលាការយុត្តិធម៌អន្តជាតិ ICJ ក្រុមប្រឹក្សាសន្តិសុខអង្គការសហប្រជាជាតិ និងវេទិកាអន្តរជាតិនានា។ សម្ដេច ក៏បានគូសរំលេចពីការបោះជំហានជាវិជ្ជមានក្នុងដំណោះស្រាយកម្ពុជា និងថៃ តាមរយៈកិច្ចព្រមព្រៀងសន្តិភាពដែលគ្រោងនឹងចុះហត្ថលេខាក្នុងពេលដ៏ខ្លីខាងមុខនៅប្រទេសម៉ាឡេស៊ី។

ប្រសិនបើមិនមានការប្រែប្រួលទេ នៅទីក្រុងគូឡាឡាំពួ ជាទីដែលរៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនោះ កម្ពុជា-ថៃ នឹងចុះហត្ថលេខាលើកិច្ចព្រៀងសន្តិភាព នៅថ្ងៃទី២៦ ខែតុលា ឆ្នាំ២០២៥ ដែលគ្រានោះអាចនឹងមានការចូលរួមជាសាក្សីពីប្រធានាធិបតីសហរដ្ឋអាមេរិក លោក ដូណាល់ ត្រាំ និងលោកនាយករដ្ឋមន្រ្តីម៉ាឡេស៊ី ជាប្រធានអាស៊ាន៕

អត្ថបទ៖ ធឿន វ៉ាន់សុង

The post ជម្លោះព្រំដែនជាមួយថៃ សម្ដេចតេជោ ថា មិនអាចដោះស្រាយតាមកិច្ចព្រមព្រៀងប៉ារីសបានឡើយ appeared first on Kampuchea Thmey Daily.

កាលពី៣៤ឆ្នាំមុន កិច្ចព្រមព្រៀងសន្តិភាពទីក្រុងប៉ារីស ត្រូវបានចុះហត្ថលេខា ដែលកិច្ចព្រមព្រៀងនេះបានបិទបញ្ចប់នូវជម្លោះដែលបានកើតមានជាច្រើនទសវត្សរ៍ ហើយបានបើកផ្លូវទៅកាន់ការវិលត្រលប់មកវិញនៃសន្តិភាព និងការកសាងប្រទេសកម្ពុជាឡើងវិញ។

សារលើបណ្ដាញសង្គម នៅថ្ងៃនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសង្កត់ធ្ងន់ថា «សន្តិភាព គឺជាមូលដ្ឋានគ្រឹះនៃសិទ្ធិសេរីភាពរបស់មនុស្សជាតិ និងសង្គម»។

គួរឱ្យដឹងថា មុននឹងឈានដល់ការចុះហត្ថលេខាលើកិច្ចព្រមព្រៀងទីក្រុងប៉ារីស ២៣ តុលា ១៩៩១ សម្តេចតេជោ ហ៊ុន សែន អតីតនាយករដ្ឋមន្ត្រី បានជួបពិភាក្សាដំបូងបំផុតជាមួយអតីតព្រះមហាក្សត្រខ្មែរ សម្តេចព្រះបាទ នរោត្តម សីហនុ នៅថ្ងៃទី២ ខែធ្នូ ឆ្នាំ១៩៨៧ នៅ FERE-EN-TARDENOIS ប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយសម្តេចព្រះបាទ នរោត្តម សីហនុ និងសម្តេចតេជោ ហ៊ុន សែន ដែលគេហៅថា ជំនួបចរចាសីហនុ-ហ៊ុន សែន នៅ FERE-EN-TARDENOIS ថ្ងៃទី២-៤ ខែធ្នូ ឆ្នាំ១៩៨៧។

បន្ទាប់មក ក៏មានកិច្ចចរចាបន្តរវាងសម្ដេចព្រះ នរោត្តម សីហនុ និងសម្ដេចតេជោ ហ៊ុន សែន ជាលើកទី២ ប្រព្រឹត្តឡើងនៅថ្ងៃទី២០ និងថ្ងៃទី២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត ទើបឈានទៅចុះហត្ថលេខាលើកិច្ចព្រមព្រៀងសន្តិភាព ទីក្រុងប៉ារីស ប្រទេសបារាំង ដែលមានភាគីជម្លោះទាំង៤ របស់កម្ពុជា រួមមានតំណាងរដ្ឋាភិបាលរដ្ឋកម្ពុជា ចលនាតស៊ូហ៊្វុនស៊ិនប៉ិច រណសិរ្សជាតិរំដោះប្រជាពលរដ្ឋខ្មែរ និងក្រុមចលនាកម្ពុជាប្រជាធិបតេយ្យ ក្រោមវត្តមានជាសាក្សីមកពី១៨ប្រទេស រួមទាំងអគ្គលេខាធិការនៃអង្គការសហប្រជាជាតិ ផងដែរ ដើម្បីបញ្ចប់សង្គ្រាមស៊ីវិលនៅកម្ពុជា។

សម្ដេចធិបតី នាយករដ្ឋមន្ត្រី ហៅសម្តេចព្រះបាទ នរោត្តម សីហនុ និងសម្តេចតេជោ ហ៊ុន សែន ថា ជាមហារដ្ឋបុរស ដែលបានពូនជ្រំ និងដឹកនាំកម្ពុជា ដោយកិច្ចចរចាសន្តិវិធី ក្នុងការបង្រួមបង្រួម និងផ្សះផ្សាជាតិពីការបែកបាក់ពហុភាគី មកជាធ្លុងមួយក្នុងស្មារតីខ្មែរតែមួយ បុព្វហេតុតែមួយ ដែលនេះជាកាលានុវត្តភាព និងជាមូលដ្ឋានគ្រឹះដ៏សំខាន់សម្រាប់ការស្តារ និងអភិវឌ្ឍជាតិឱ្យរីកចម្រើនគ្រប់វិស័យ៕

The post ក្នុងថ្ងៃខួបកិច្ចព្រមព្រៀងសន្តិភាពទីក្រុងប៉ារីស នាយករដ្ឋមន្ត្រីកម្ពុជាលើកពីគុណតម្លៃសន្តិភាព appeared first on Kampuchea Thmey Daily.

គិតត្រឹមថ្ងៃទី២៣ ខែតុលា ឆ្នាំ២០២៥នេះ មានរយៈពេល៣៤ឆ្នាំហើយ នៃកិច្ចព្រមព្រៀងសន្តិភាពទីក្រុងប៉ារីស ដែលបានបដិសន្ធិឡើងនៅថ្ងៃទី២៣ ខែតុលា ឆ្នាំ១៩៩១។ សម្ដេចតេជោ បានចេញសារអបអរសាទរខួបលើកទី៣៤ ដែលនាំឱ្យបង្កើតនូវកិច្ចព្រមព្រៀងសន្តិភាពនេះ។

កាលពី៣៤ឆ្នាំមុន ពោលគឺនៅថ្ងៃទី២៣ ខែតុលា ឆ្នាំ១៩៩១ ភាគីទាំង៤ របស់កម្ពុជា រួមមាន៖ សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណឫទ្ធិ រណសិរ្សជាតិរំដោះប្រជាពលរដ្ឋខ្មែរ តំណាងដោយលោក សឺន សាន និងក្រុមចលនាកម្ពុជាប្រជាធិបតេយ្យ ដែលតំណាងដោយលោក ខៀវ សំផន បានឈានទៅចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ប្រទេស រួមទាំងអគ្គលេខាធិការអង្គការសហប្រជាជាតិ ផងដែរ ដើម្បីបញ្ចប់សង្គ្រាមស៊ីវិលនៅកម្ពុជា។

ជាហត្ថលេខីមួយរូបនៃកិច្ចព្រមព្រៀងសម្រាប់សន្តិភាពឱ្យកម្ពុជានេះ សម្ដេចតេជោ ហ៊ុន សែន បានរំលឹកក្នុងសំណេរលើបណ្ដាញសង្គមនៅថ្ងៃនេះ ថា មុននឹងឈានមកដល់កិច្ចព្រមព្រៀងនាទីក្រុងប៉ារីស ២៣ តុលា គឺសម្តេចតេជោ បានជួបពិភាក្សាដំបូងបំផុតជាមួយអតីតព្រះមហាក្សត្រខ្មែរ សម្តេចព្រះបាទ នរោត្តម សីហនុ នៅថ្ងៃទី២ ខែធ្នូ ឆ្នាំ ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះមានសេចក្តីប្រកាសរួមឡាយព្រះហស្តលេខាដោយសម្តេចព្រះ នរោត្តម សីហនុ និងសម្តេចតេជោ ហ៊ុន សែន ដែលហៅថា ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី២-៤ ខែធ្នូ ឆ្នាំ ១៩៨៧។

បើតាមសម្ដេចតេជោ បន្ទាប់មក ក៏មានកិច្ចចរចាបន្តរវាងសម្ដេចព្រះ នរោត្តម សីហនុ និងសម្ដេច លើកទី២ ប្រព្រឹត្តឡើងនៅថ្ងៃទី២០ និងថ្ងៃទី២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។

តែបើទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសម្ដេចតេជោ ថា សង្គ្រាមស៊ីវិលនៅកម្ពុជា នៅបន្ត ដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្នុងន័យនេះ សម្ដេចតេជោ អតីតនាយករដ្ឋមន្ត្រី បានគូសរំលេចនូវនយោបាយឈ្នះ-ឈ្នះ របស់សម្តេច ដែលបានបញ្ចប់សង្គ្រាមស៊ីវិលទាំងស្រុងនៅឆ្នាំ១៩៩៨ ដែលកម្ពុជាទូទាំងប្រទេសបានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

The post ៣៤ឆ្នាំ៖ សម្ដេច ហ៊ុន សែន រំលឹកពីដំណើរការចរចា មុនឈានដល់ការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីស appeared first on Kampuchea Thmey Daily.

តាមរយៈសេចក្ដីថ្លែងការណ៍ នៅថ្ងៃទី២៣ ខែតុលានេះ បណ្ដុំអង្គការសង្គមស៊ីវិល លើកឡើងថា បើនិយាយអំពីសន្តិភាព និងការអភិវឌ្ឍ មិនអាចកែខៃប្រវត្តិសាស្រ្តបានទេ គឺសម្តេចតេជោ ហ៊ុន សែន កាន់តែជាសត្យានុម័តបន្ថែមទៀតនោះ គឺការលះបង់សាច់ស្រស់ឈាមស្រស់ជាង ៤០ឆ្នាំមកនេះរបស់សម្តេចតេជោ ក្នុងការការពារទឹកដី សាសនា រាជបល្ល័ង្ក និងប្រជាជនខ្មែរ។ កម្ពុជា មុននឹងមានថ្ងៃនេះ គឺបានឆ្លងកាត់ភាពលំបាកច្រើនស្ទើរតែបាត់បង់ប្រទេស បើគ្មានការដឹកនាំនាវាកម្ពុជាពីសំណាក់សម្តេចតេជោទេ ម្លេះកម្ពុជាអាចនឹងបន្តជោគជាំដោយភ្លើងសង្គ្រាម គ្មានថ្ងៃផ្សះផ្សារ និងសមាហរណកម្មបាននោះឡើយ។

សក្ខីកម្ម មានដូចជា នយោបាយ ឈ្នះឈ្នះ នយោបាយជំហានគីងគក់ នយោ​បាយ​អភិក្រម៥ នយោបាយស្តារប្រទេស នយោបាយសេដ្ឋកិច្ច ការទូត ពិសេសនយោបាយស្តារឡើងវិញប្រព័ន្ធ​ហេដ្ឋា​​រចនាសម្ព័ន្ធពាក់ព័ន្ធ ទឹក ផ្លូវ ភ្លើង និងការបណ្តុះបណ្តាលធនធានមនុស្ស ក្រោយពីការបំផ្លាញគ្មានសល់ក្នុងរបបប្រល័យពូជសាសន៍ប៉ុលពត។

បណ្ដុំអង្គការសង្គមស៊ីវិល បន្តថា សន្តិភាព ប្រទេសណាក៏ចង់បាន បើគ្មានសន្តិភាពពិតណាស់ ក៏គ្មានការអភវឌ្ឍ និងគ្មានអ្វីៗទាំងអស់។

បើនិយាយអំពីកិច្ចព្រមព្រៀងសន្តិភាពប៉ារីស ២៣ តុលា ១៩៩១ គឺមិនអាចរំលងបានទេ គឺព្រឹត្តិការណ៍ជាប្រវត្តិសាស្រ្ត ថ្ងៃរំដោះ៧ មករា ឆ្នាំ១៩៧៩។ សករាជតេជោសែន គឺជាតឹកតាងមួយសម្រាប់កូនខ្មែរគ្រប់ជំនាន់ចងចាំមិនអាចភ្លេចបាននោះទេ ការធ្វើកំណែរទម្រង់គ្រប់សព្វបែបយ៉ាង ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺជាតួអង្គបញ្ចប់សង្រ្គាមស៊ីវិលទាំងស្រុងនៅឆ្នាំ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ ពិសេសសម្រាប់នីតិកាលទី៧នេះ គឺបានសបញ្ជាក់ថា កម្ពុជាបានបោះមួយជំហានទៀត គឺផ្តល់ឱកាសដល់យុវជនជំនាន់ក្រោយ មកអភិឌ្ឍន៍ប្រទេស និងបន្តការពារសន្តិភាពឲ្យខានតែបាន។

ក្នុងន័យនេះ បណ្ដុំអង្គការសង្គមស៊ីវិល បានបង្ហាញការចងចាំជានិច្ចគុណូបការៈដ៏ថ្លៃថ្លា និងការលះបង់មហាធំធេងរបស់សម្តេចតេជោ ហ៊ុន សែន ចំពោះស្នាដៃដ៏ឧត្តុង្គឧត្តមជាច្រើនដែលឥតគណនាបាន ជាពិសេសសម្តេចបានលះបង់ ទាំងកម្លាំងកាយចិត្ត ប្រកបដោយគតិបណ្ឌិត ដើម្បីប្តូរជូនសន្តិភាព និងការអភិវឌ្ឍសម្រាប់ប្រទេសជាតិទាំងមូល និងបន្តធានាបាននូវស្ថិរភាពជារៀងដរាប៕

The post បណ្តុំអង្គការសង្គមស៊ីវិល៖ សម្ដេច​ ហ៊ុន សែន មានគុណបំណាច់ដ៏ធំធេងចំពោះកម្ពុជា​នៃកិច្ចព្រមព្រៀងសន្តិភាពក្រុងប៉ារីស appeared first on Kampuchea Thmey Daily.

លោកឧបនាយករដ្ឋមន្ត្រី ស សុខា បានសរសេរនៅលើទំព័រហ្វេសប៊ុករបស់លោក នាថ្ងៃទី២៣ ខែតុលា ឆ្នាំ២០២៤នេះ ថា៖ «មរតកសមិទ្ធផលនៃកិច្ចព្រមព្រៀងសន្តិភាពទីក្រុងប៉ារីស ក្រោមព្រះរាជតម្រិះដ៏ថ្លៃថ្លារបស់ព្រះករុណា សម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ និងគំនិតផ្តួចផ្តើមដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា បាននាំមកនូវសុខសន្តិភាពពេញបរិបូរណ៍ និងការអភិវឌ្ឍគ្រប់វិស័យ»។

ក្នុងនាមជាពលរដ្ឋខ្មែរមួយរូប លោក ស សុខា ក៏បានបង្ហាញនូវការចងចាំជានិច្ចចំពោះគុណូបការៈដ៏ឧដុង្គឧត្តមនៃព្រះករុណា សម្តេចព្រះ នរោត្តម សីហនុ ព្រះបរមរតនកោដ្ឋ និងសម្តេចតេជោ ហ៊ុន សែន ដែលជាមហារដ្ឋបុរស បានពូនជ្រំ និងដឹកនាំកម្ពុជា ដោយកិច្ចចរចាសន្តិវិធី ក្នុងការបង្រួមបង្រួម និងផ្សះផ្សាជាតិពីការបែកបាក់ពហុភាគី មកជាធ្លុងមួយ ក្នុងស្មារតីខ្មែរតែមួយ បុព្វហេតុតែមួយ ដែលនេះជាកាលានុវត្តភាព និងជាមូលដ្ឋានគ្រឹះដ៏សំខាន់សម្រាប់ការស្តារ និងអភិវឌ្ឍជាតិ។

ភ្ជាប់នឹងការសាទរ និងសម្ដែងការដឹងគុណខាងលើ ប្រមុខក្រសួងមហាផ្ទៃរូបនេះ ក្នុងនាមថ្នាក់ដឹកនាំបន្តវេនមួយរូប បានប្រកាសប្រឆាំងដាច់ខាតចំពោះបុគ្គលទាំងឡាយណា មានបំណងបំផ្លាញសន្តិភាពនៅកម្ពុជា ដែលថ្នាក់ដឹកនាំជំនាន់មុនតស៊ូជម្នះរាល់ឧបសគ្គ ខិតខំប្រឹងប្រែងស្វែងរកបានដោយលំបាក ដើម្បីភាពសុខសាន្តរបស់ប្រជាពលរដ្ឋ និងសង្គមជាតិទាំងមូល។

គួរជម្រាបថា នៅថ្ងៃទី២៣ ខែតុលា ឆ្នាំ២០២៤នេះ ជាថ្ងៃខួបលើកទី៣៣ នៃកិច្ចព្រមព្រៀងសន្តិភាពទីក្រុងប៉ារីស (២៣ តុលា ១៩៩១ – ២៣ តុលា ២០២៤)។ ៣៣ឆ្នាំមុន ភាគីទាំង ៤របស់កម្ពុជា បានឈានទៅចុះហត្ថលេខាលើកិច្ចព្រមព្រៀងសន្តិភាព នៅទីក្រុងប៉ារីស ក្រោមវត្តមានសាក្សីមកពី ១៨ប្រទេស រួមទាំងអគ្គលេខាធិការអង្គការសហប្រជាជាតិ ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។

ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅតែបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ប៉ុន្តែ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេសបានស្គាល់សុខសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

អត្ថបទ៖ ធឿន វ៉ាន់សុង

The post ថ្ងៃ២៣ តុលា៖ រដ្ឋមន្ត្រីមហាផ្ទៃប្រកាសប្រឆាំងចំពោះអ្នកចង់បំផ្លាញសន្តិភាព ដែលរកដោយលំបាក​ appeared first on Kampuchea Thmey Daily.

លោក ប៉ែន បូណា អ្នកនាំពាក្យរាជរដ្ឋាភិបាលកម្ពុជា បញ្ជាក់ថា ស្មារតីសំខាន់ៗនៃកិច្ចព្រមព្រៀងសន្តិភាពទីក្រុងប៉ារីស ២៣ តុលា ១៩៩១ មិនត្រូវបានបោះចោលឡើយ ថែមទាំងត្រូវបានបញ្ចូលទៅក្នុងរដ្ឋធម្មនុញ្ញនៃព្រះរាជាណាចក្រកម្ពុជា ដែលកំពុងនៅជាធរមានសព្វថ្ងៃ។ លោកថា រាជរដ្ឋាភិបាលកំពុងតែអនុវត្តយ៉ាងម៉ឺងម៉ាត់តាមច្បាប់កំពូលនេះ ជាពិសេសការធានាសុខសន្តិភាព ស្ថេរភាពនយោបាយ និងការអភិវឌ្ឍសេដ្ឋកិច្ច-សង្គម។

ការលើកឡើងរបស់លោក ប៉ែន បូណា បន្ទាប់សង្កេតឃើញថា ក្រុមមាននិន្នាការប្រឆាំងនៅតែបន្តយកកិច្ចព្រមព្រៀងសន្តិភាព ២៣ តុលា ១៩៩១ មកវាយប្រហារលើរាជរដ្ឋាភិបាលកម្ពុជា។ ជាក់ស្ដែង បុគ្គល សម រង្ស៊ី អ្នកនយោបាយប្រឆាំងនៅក្រៅប្រទេស បានសរសេរនៅលើទំព័រហ្វេសប៊ុក នៅព្រឹកថ្ងៃទី២៣ ខែតុលានេះ ថា រដ្ឋាភិបាលកម្ពុជាបានបោះបង់ចោលនូវស្មារតីនៃខ្លឹមសារកិច្ចព្រមព្រៀងសន្តិភាពទីក្រុងប៉ារីស ​ពិសេសការរឹតត្បិតសេរីភាពនយោបាយ ការរំលោភសិទ្ធិមនុស្ស និងលទ្ធិប្រជាធិបតេយ្យ ជាដើម។ លោក ប៉ែន បូណា ចាត់ទុកថា គ្រាន់ជារបៀបវារៈនយោបាយរបស់បុគ្គល សម រង្ស៊ី ប៉ុណ្ណោះ។  

លោក ប៉ែន បូណា បានហៅបុគ្គល សម រង្ស៊ី ថា ជាអ្នកនយោបាយបំផ្លាញសុខសន្តិភាព ពូកែលាបពណ៌ និងញុះញង់ បំភ្លៃប្រវត្តិសាស្ត្រ។ លោក សង្កត់ធ្ងន់ថា «អ្នកនយោបាយដូច សម រង្ស៊ី នេះហើយ ដែលគ្រោះថ្នាក់បំផុតសម្រាប់ប្រទេសជាតិ ជាអ្នកនយោបាយដែលបំផ្លាញសុខសន្តិភាព បំផ្លាញភាពសុខសាន្តរបស់ប្រជាពលរដ្ឋ បំផ្លាញស្ថេរភាពនយោបាយ តាយរយៈការប្រឌិត ញុះញង់ ចោទប្រកាន់ ដែលជាវប្បធម៌សាងឡើងដោយអ្នកនយោបាយឈ្មោះ សម រង្ស៊ី»។  

៣៣ឆ្នាំមុន ភាគីទាំង៤របស់កម្ពុជា រួមមាន សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច តំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយលោក សឺន សាន និងក្រុមចលនាកម្ពុជាប្រជាធិបតេយ្យ គឺតំណាងដោយលោក ខៀវ សំផន បានឈានទៅចុះហត្ថលេខាលើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី១៨ ប្រទេស រួមទាំងអគ្គលេខាធិការអង្គការសហប្រជាជាតិ ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។

មុននឹងឈានមកដល់កិច្ចព្រមព្រៀង នាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយអតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី២ ខែធ្នូ ឆ្នាំ ១៩៨៧ នៅ FERE-EN-TARDENOIS ប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយសម្តេចព្រះ នរោត្តម សីហនុ និងសម្តេចតេជោ ហ៊ុន សែន ដែលហៅថា ជំនួបចរចា សីហនុ-ហ៊ុន សែន FERE-EN-TARDENOIS។

បន្ទាប់មក ក៏មានកិច្ចចរចាបន្តរវាងសម្ដេចព្រះ នរោត្តម សីហនុ សម្ដេច ហ៊ុន សែន ជាបន្តបន្ទាប់។ ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ប៉ុន្តែ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ១៩៩៨ ដែលកម្ពុជាទូទាំងប្រទេសបានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

អត្ថបទ៖ ធឿន វ៉ាន់សុង

The post អ្នកនាំពាក្យ៖ កម្ពុជាមិនបានបោះចោលស្មារតីកិច្ចព្រមព្រៀងក្រុងប៉ារីស តែបានបញ្ជូលក្នុងរដ្ឋធម្មនុញ្ញ   appeared first on Kampuchea Thmey Daily.

នៅចំថ្ងៃខួប៣៣ឆ្នាំគត់នៃការកកើតកិច្ចព្រមព្រៀងសន្តិភាពទីក្រុងប៉ារីស សម្តេចធិបតី ហ៊ុន ម៉ាណែត បានរំលេចដឹងពីមហារដ្ឋបុរសមួយអង្គ និងមួយរូប គឺសម្តេចព្រះនរោត្តម សីហនុ ព្រះបរមរតនកោដ្ឋ និងសម្តេចតេជោ ហ៊ុន សែន ដែលបានពូនជ្រំ និងដឹកនាំកម្ពុជា ដោយកិច្ចចរចាសន្តិវិធី ក្នុងការបង្រួមបង្រួម និងផ្សះផ្សាជាតិពីការបែកបាក់ពហុភាគី មកជាធ្លុងមួយក្នុងស្មារតី “ខ្មែរតែមួយ បុព្វហេតុតែមួយ”។ សម្តេចធិបតីចាត់ទុកថា នេះ គឺជាកាលានុវត្តភាព និងជាមូលដ្ឋានគ្រឹះដ៏សំខាន់សម្រាប់ការស្តារ និងអភិវឌ្ឍជាតិឱ្យរីកចម្រើនគ្រប់វិស័យ។ ជាមួយគ្នានេះ សម្តេចធិបតី នាយរកដ្ឋមន្រ្តី ក៏បានសង្កត់ធ្ងន់ថា៖ «សន្តិភាព គឺជាមូលដ្ឋានគ្រឹះនៃសិទ្ធិសេរីភាពរបស់មនុស្សជាតិ និងសង្គម»។

ចំណែក សម្តេចតេជោ ប្រធានព្រឹទ្ធសភាវិញ ក្រៅពីចេញសារអបអរសាទរដូចសម្តេចធិបតី នាយករដ្ឋមន្រ្តី ក៏បានរំលឹកឡើងវិញពីដំណើរការឈាន​ទៅសម្រេចបាននូវកិច្ចព្រមព្រៀងសន្តិភាពទីក្រុងបារីសនាថ្ងៃទី ២៣ ខែតុលា ឆ្នាំ១៩៩១។ តាមរយៈបណ្តាញទំនាក់ទំនងសង្គមហ្វេសប៊ុស និងតេឡេក្រាម សម្តេចតេជោ បានរៀបរាប់ថា ៣៣ឆ្នាំមុន ពោល គឺនៅថ្ងៃទី២៣ ខែតុលា ឆ្នាំ១៩៩១ ភាគីទាំង ៤ របស់កម្ពុជា រួមមាន សម្តេចតេជោ ហ៊ុន សែន តំណាងឲ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និងក្រុមចលនាកម្ពុជាប្រជាធិបតេយ្យ តំណាងដោយលោក ខៀវ សំផន បានឈានទៅចុះហត្ថលេខាលើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី ១៨ប្រទេស រួមទាំងអគ្គលេខាធិការអង្គការសហប្រជាជាតិ (UN) ផងដែរ ដើម្បីបញ្ចប់សង្រ្គាមស៊ីវិលនៅកម្ពុជា។

មុននឹងឈានមកដល់កិច្ចព្រមព្រៀង នាទីក្រុងប៉ារីស ២៣ តុលា គឺសម្តេចតេជោ ហ៊ុន សែន បានជួបពិភាក្សាដំបូងបំផុតជាមួយអតីតព្រះមហាក្សត្រខ្មែរ សម្តេចព្រះ នរោត្តម សីហនុ នៅថ្ងៃទី ២ ខែធ្នូ ឆ្នាំ១៩៨៧ នៅ FERE-EN-TARDENOIS នៅប្រទេសបារាំង ដែលការចរចានេះ មានសេចក្តីប្រកាសរួមឡាយព្រះហស្តលេខាដោយសម្តេចព្រះ នរោត្តម សីហនុ និងសម្តេចតេជោ ហ៊ុន សែន ដែលហៅថា (ជំនួបចរចា សីហនុ-ហ៊ុន សែន នៅ FERE-EN-TARDENOIS ថ្ងៃទី ២-៤ ខែធ្នូ ឆ្នាំ ១៩៨៧)។

សម្តេចតេជោ បានលើកឡើងទៀតថា បន្ទាប់មក ក៏មានកិច្ចចរចាបន្តរវាង សីហនុ-ហ៊ុន សែន លើកទី ២ ប្រព្រឹត្តឡើងនៅថ្ងៃទី ២០-២១ ខែមករា ឆ្នាំ១៩៨៨ នៅ SAINT-GERMAIN-EN-LAYE ប្រទេសបារាំង និងនៅទីកន្លែងផ្សេងៗមួយចំនួនទៀត។ ទោះបីមានកិច្ចព្រមព្រៀងសន្តិភាពប៉ារីស ២៣ តុលា ១៩៩១ ក៏ពិតមែន ប៉ុន្តែសង្រ្គាមស៊ីវិលនៅកម្ពុជា នៅបន្តដែលបង្កដោយភាគីកម្ពុជាប្រជាធិបតេយ្យ (ប៉ុលពត)។ ក្រោមនយោបាយ ឈ្នះ-ឈ្នះ របស់សម្តេចតេជោ ហ៊ុន សែន គឺបានបញ្ចប់សង្រ្គាមស៊ីវិលទាំងស្រុង នៅឆ្នាំ ១៩៩៨ ដែលកម្ពុជាទូទាំងប្រទេស បានស្គាល់នូវសន្តិភាពពេញលេញ និងសម្បូរសប្បាយរហូតមកដល់សព្វថ្ងៃ៕

The post ខួប៣៣ឆ្នាំ​កិច្ចព្រមព្រៀងសន្តិភាព៖ សម្តេចធិបតីរំលេចថា សន្តិភាព ជាមូលដ្ឋានគ្រឹះនៃសិទ្ធិសេរីភាពមនុស្សជាតិ និងសង្គម appeared first on Kampuchea Thmey Daily.

លោក ពៅ សុខ ពន្យល់ថា វីរបុរសបញ្ចប់សង្រ្គាមនៅកម្ពុជាពិតប្រាកដ គឺសម្តេចតេជោ ហ៊ុន សែន អតីតនាយក​រដ្ឋមន្រ្តី នៃ​ព្រះរាជា​កម្ពុជា និងប្ចុចប្បន្នសម្តេចជាប្រធានព្រឹទ្ធសភា និងជាប្រធានឧត្តមក្រុមប្រឹក្សា​ព្រះមហាក្សត្រ​ផង​ដែរ ដែលសម្តេចបិតា​សន្តិភាពរូបនេះ បានចំណាយពេល៤ឆ្នាំ(១៩៨៧-១៩៩១)ដើម្បីចរចា ទាំងជាមួយអតីតព្រះករុណា ព្រះបរមរតនកោដ្ឋ  ទាំង​ជាមួយលោក សឺន សាន លោកខៀវ សំផន និងព្រះអង្គម្ចាស់ នរោត្តមរណឫទ្ធិ ទម្រាំឈានដល់កិច្ចព្រមព្រៀងទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ ហើយសម្តេចបានចំណាយពេល៧ឆ្នាំបន្ថែមទៀត(១៩៩១-១៩៩៨)ដើម្បីបញ្ចប់​សង្រ្គាម​ទាំង​ស្រុងនៅកម្ពុជាគឺថ្ងៃទី២៩ខែធ្នូឆ្នាំ១៩៩៨។ សរុបមក សម្តេចតេជោ ហ៊ុន សែន បានចំណាយពេល១១ឆ្នាំ ដើម្បីបញ្ចប់ សង្រ្គាម​​ស៊ីវិលទាំងស្រុងនៅកម្ពុជា បន្ទាប់ពីផ្តួលរំលំរបបប្រល័យពូជសាសន៍នៅខែមករាឆ្នាំ១៩៧៩។

លោក ពៅ សុខ បញ្ជាក់ថា ដើម្បីធ្វើជាសាក្សី នៃកិច្ចព្រមព្រៀងទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១ ក្រៅពី ស្នើឱ្យប្រ​ទេសអាស៊ានទាំង៦ ចូលរួម សម្តេច ហ៊ុន សែន ក៏បានស្នើផងដែរឱ្យមានប្រទេស៦ផ្សេងទៀតចូលរួមដឹងលឺ ក្នុងនោះមានទី១.ប្រទេសមិនចូលបក្សសម្ព័ន្ធចំនួន២, ទី២.ប្រទេសង្គមនិយមចំនួន២, ទី៣.ប្រទសមូលធននិយមចំនួន២ និងប្រទេសមហាអំណាចទាំង៥ រួមទាំងប្រទេសឡាវ និងវៀតណាម។កិច្ចព្រមព្រៀងប៉ារីស ពុំមាននិយាយពីការ ត្រូវកោះប្រជុំ ឬសើរសើអង្គសន្និសីទនេះឡើងវិញទេ ហើយតាមគោលការណ៍ច្បាប់ អ្វី​ដែលគ្មាន​ចែង គឺគ្មានគេសិទ្ធិទាមទារ ឬតវ៉ាឡើងវិញឡើយ។

លោក ពៅ សុខ លើកឡើងថា ដូចករណីលោក ខៀវ សំផន និងលោក សឺន សាន ដែលនៅក្នុងកិច្ចប្រជុំក្រុមប្រឹក្សាជាតិ​ជាន់​ខ្ពស់ (SNC ) នៅភ្នំពេញ មុនការបោះឆ្នោតឆ្នាំ១៩៩៣ បានទាមទារឱ្យអ៊ុនតាក់ប្រើប្រាស់អំណាច ក្នុងការ​លុបបំបាត់​ចោល​​ការ​ចាយ​ប្រាក់រៀលខ្មែរ ហើយបែរទៅចាយ​លុយ​ដុល្លារទាំងស្រុងជំនួសវិញ។ ការទាមទារនេះ ត្រូវបានជំទាស់ ដោយសម្តេច ហ៊ុន សែន និងក៏ត្រូវបានលោក យ៉ាស៊ូស៊ី អាកាស៊ី ប្រធានអ៊ុនតាក់ ច្រានចោល ហើយស្តីបន្ទោសខ្លាំងៗថា សំណើទាំង​នេះគ្មាន​ចែង​នៅក្នុងជំពូក ឬផ្នែកណាមួយ នៃកិច្ចព្រមព្រៀងទីក្រុងប៉ារីសទេ។ ការតព្វកិច្ចរបស់អ៊ុនតាក់ គឺរៀបចំការបោះឆ្នោត មិនមាន​ពាក់ព័ន្ធផ្នែកពាណិជ្ជកម្ម និងសេដ្ឋកិច្ចឡើយ។ ករណីនេះ គឺដូចគ្នា ទៅនឹងជនវង្វេងប្រវត្តិសាស្រ្ត ឬហៅថាជនបំពុល​សង្គម​មួយ​ចំនួន ដែលមិនបានយល់ដឹងអ្វីសោះអំពីកិច្ចព្រមព្រៀងទីក្រុងប៉ារីស ហើយតែងទាមទារកោះប្រជុំ ឬអនុវត្តន៍កិច្ចព្រម​ព្រៀង​ប៉ារីស​ឡើង​​វិញ បែបនេះ ឬបែបនោះ ទាំងងឹតងងល់ ដើម្បីកេងចំណេញនយោបាយរបស់ពួកគេ។

សូមរម្លឹកថា រដ្ឋកម្ពុជាជាយន្តការមួយ នៃរដ្ឋាភិបាលរបស់គណបក្សប្រជាជនកម្ពុជាដែលមានសម្តេច​តេជោហ៊ុន សែន ជានាយករដ្ឋមន្រ្តី មាន​តួនាទី​សម្រាប់ការពារ ទប់ស្កាត់ការ​វិលត្រលប់មកវិញ នៃរបបខ្មែរក្រហម និងការ​ពារសន្តិសុខ​ សណ្តាប់​ធ្នាប់សង្គម កសាងវិស័យ​សេដ្ឋកិច្ច និងការពាណិជ្កម្មជាដើម។ រដ្ឋាភិបាលរដ្ឋកម្ពុជា មិនមានសិទ្ធិអំណាច ឬឥទ្ធិពល លើក្រុម​ប្រឹក្សា​ជាតិជាន់ខ្ពស់ និងអ៊ុនតាក់ទេ។ ចំណែកក្រុមប្រឹក្សាជាតិជាន់ខ្ពស់ (SNC ) ដែលមានព្រះករុណា ព្រះបាទ សម្តេចព្រះ​នរោត្តម សីហនុ ជាព្រះប្រធាន គឺជាយន្តការមួយទៀត សម្រាប់​ដោះស្រាយ នូវ​រាល់​វិវាទផ្នែករដ្ឋបាល ឬការ​តវ៉ារវាង​ផ្សេងៗ​ពីបណ្តាភាគីខ្មែរទាំង៤ លើការកិច្ចការពាក់ព័ន្ធនឹងការបោះឆ្នោត ឬកិច្ចការផ្សេង​ទៀត។ ក្រុមប្រឹក្សា​ជាតិជាន់​ខ្ពស់ ក៏មានភារកិច្ច​ស្វែងរកជំនួបឲយសម្រាប់ការបោះឆ្នោត សម្រាប់ជួយសង្រ្គោះប្រជាជន ពេលជួបគ្រោះ​មហន្តរាយ​ផ្សេងៗ​ដែរ តែពុំមានសិទ្ធិ ឬមានអំណាចគ្របដណ្តប់លើរដ្ឋាភិបាលរដ្ឋកម្ពុជា ឬអ៊ុនតាក់ឡើយ។  ដោយឡែកអ៊ុនតាក់ គឺជាយន្ត​ការ​មួយផ្សេងទៀត មាន​តួនាទី​សម្រាប់កាពារសន្តិសុខ សណ្តាប់ធ្នាប់ និងការរៀបចំបោះឆ្នោតដោយសេរី។ ដូចគ្នាដែរ អ៊ុនតាក់​មានសិទ្ធិអំណាច​គ្រប​ដណ្តប់លើរដ្ឋាភិបាលរដ្ឋកម្ពុជា និងក្រុមប្រឹក្សាជាតិជាន់ខ្ពស់ទេ ប៉ុន្តែ មានភារកិច្ចចូលរួមដោះស្រាយ នៅ​ពេលក្រុមប្រឹក្សា​ជាតិ​ជាន់​ខ្ពស់មានការចាំបាច់ត្រូវកោះប្រជុំ។ 

លោក ពៅ សុខ បានកត់សម្គាល់ថា ករណីខ្លះអ៊ុនតាក់ហាក់លម្អៀងទៅរកភាគីខ្មែរក្រហម ដូចជា​ករណីការ​សម្លាប់​រង្គាល​​ដោយទាហានខ្មែរក្រហម ទៅលើប្រជាជនខ្មែរ និងអាណិកជនវៀតណាមនៅឃុំចុងឃ្នាស ខេត្តសៀមរាប នៅស្រុក​វាល​រេញ ខេត្តកំពត។ ការបាញ់ឧទ្ធម្ភាគចក្រអ៊ុនតាក់នៅបាត់ដំបង ការបាញ់រថយន្តអ៊ុនតាក់នៅកំពង់ធំ  មិនត្រូវបាន​អ៊ុនតាក់​ដោះ​​ស្រាយទេ ដោយអ៊ុនតាក់គ្រាន់តែ​បង្ហាញ​ពីការសោកស្តាយចំពោះឧបទ្ទវហេតុ ដែលបាន​កើតឡើងតែប៉ុណ្ណោះ។ ប៉ុន្តែ លោក ពៅ សុខ ទទួលស្គាល់ថា វត្តមានកិច្ចព្រមព្រៀងទីក្រុងប៉ារីស និងអ៊ុនតាក់នៅកម្ពុជា មិនមែនសុទ្ធតែអវិជ្ជ​មាន​នោះទេ គឺ​មាន​ចំណុច​ល្អប្រសើរច្រើន ឬយ៉ាងហោចក៏បានបង្រួបបង្រួមភាគីខ្មែរទាំង៤ ឱ្យចូលរួមទទួលស្គាល់ការពិត និងរៀបចំ​ការ​បោះ​ឆ្នោត​នៅកម្ពុជា ជាលើកដំបូងបន្ទាប់ពីបែកបាក់មិនអាចនិយាយគ្នាបានជាង១០ឆ្នាំរួចមក៕

The post លោក ពៅ សុខ ៖ កិច្ចព្រមព្រៀងទីក្រុងប៉ារីសមិនបានបញ្ចប់សង្រ្គាមនៅកម្ពុជាទេ appeared first on Kampuchea Thmey Daily.