កីឡាករ ធន់ វណ្ណា

ធន់​ វណ្ណា​ បាន​ឲ្យ​ដឹង​ថា​ ខ្លួន​មាន​ចិត្ត​ស្រឡាញ់​វិស័យ​ប្រដាល់​គុន​ខ្មែរ​នេះ​តាំង​តែ​វ័យ​ក្មេង​មក​ម្ល៉េះ​ និង​អាច​ចេញ​ពី​ផ្ទះ​ដោយ​ខ្លួន​ឯង​ហើយ​ក៏​សម្រេច​ចិត្ត​ចេញ​ពី​ស្រុក​កំណើត​ឡើង​មក​ភ្នំពេញ​ដើម្បី​សម្រេច​ក្ដី​ស្រមៃ។​

កីឡាករ ធន់ វណ្ណា (ខោបៃតង)

យុវជន​មក​ពី​ខេត្ត​ក្រចេះ​រូប​នេះ​បន្ថែម​ទៀត​ថា​ ស្រឡាញ់​ចូលចិត្ត​ក្លឹប​លោកគ្រូ ​ធន់ ​សុភា​ តាំង​ពី​ដំបូង​មក​ម្ល៉េះ​ទើប​សម្រេច​ឡើង​មក​សុំហាត់​ផ្ទាល់​ដោយ​ខ្លួន​ឯង​តែ​ម្ដង។​ ឡើង​មក​ភ្នំពេញ​ដំបូង​តែ​ម្នាក់​ឯង​តែលតោល​រក​ក្លឹប​លោក​ ធន់ ​សុភា​ និង​ឈរ​សុំ​តាំង​ពី​ព្រឹក​រហូត​ដល់​ល្ងាច​ទម្រាំ​គ្រូ​របស់​ខ្លួន​ព្រម​ទទួល​យក។​ ដោយ​សារ​​រូប​គេ​មក​តែ​ម្នាក់​ផង​ និង​មិន​ដឹង​ប្រវត្តិ​ ឬ​មក​ពី​ណា​ឲ្យ​ប្រាកដ​ផង​ និង​សំលៀកបំពាក់​មិន​សមរម្យ​ទៀត​ទើប​លោក​ ធន់​ សុភា​ ពិបាក​យក​ដោយ​ខ្លាច​ជា​មនុស្ស​មិន​ល្អ​អ្វី​ជា​ដើម។​

កីឡាករ ធន់ វណ្ណា

វណ្ណា​ ប្រាប់ថា ខ្លួន​​ចូល​ហាត់​ដំបូង​លំបាក​ខ្លាំង​ដោយ​សារ​មិន​ស្គាល់​គេ​ និង​ឈឺ​ខ្លួន​ ព្រោះ​មិន​ធ្លាប់​ពី​មុន​មក​ ប៉ុន្តែ​ចិត្ត​ស្រឡាញ់​ និង​ការ​ខំប្រឹង​តស៊ូ​ជំរុញ​ឲ្យ​ខ្លួន​ពុះពារ​រហូត​មាន​កេរ្តិ៍ឈ្មោះ​លើ​វិថី​គុន​ខ្មែរ​រួម​ទាំង​មាន​ជីវភាព​​សមរម្យ​ក្នុង​សង្គម។​

ធន់​ វណ្ណា​ ចូល​ហាត់​ប្រដាល់​​ដំបូង​នៅ​ឆ្នាំ​២០២០​ ជា​មួយ​លោក​ ធន់​ សុភា​ នៃ​សមាគម​ប្រដាល់​ក្រសួង​ការពារ​ជាតិ។​ កូន​​សិស្ស​លោក​ ធន់​ សុភា​ រូប​នេះ​ក៏​ជា​ជើង​ខ្លាំង​ម្នាក់​ក្នុង​លំដាប់​ទម្ងន់​ ៦០​គីឡូក្រាម​នៅ​កម្ពុជា​ផង​ដែរ៕​

អត្ថបទ៖ នួន ស៊ីណា

The post មុន​បាន​ហាត់​ប្រដាល់ ធន់​ វណ្ណា​ ធ្លាប់​ឈរ​​សុំ​លោក​ ធន់ សុភា​ តាំង​ពី​ព្រឹក​ដល់​ល្ងាច appeared first on Kampuchea Thmey Daily.